د. أحمد عبد المنعمالسلام عليكم ورحمة الله وبركاته. بسم الله والصلاة والسلام على رسول الله صلى الله عليه وسلم. طبعا بنعتذر عن التوقف الفترة الماضية، وإن شاء الله درس النهارده هيبقى أشكالية صغيرة كده على السريع، يعني مرة كده، وبعدين نرجع لتفسير سورة العنكبوت إن شاء الله.
يعني في جو الشتاء ده مدفي نفسنا بشوية إشكاليات كده. الأشكالية اللي هنتكلم عنها النهارده إن شاء الله، يعني الواحد بيسمع أسئلة فيها كتير، وهي حقيقة لا يخلو منها زمان. يعني الواحد بيحاول يشوف إيه الإشكاليات اللي بتواجه الشباب في السير في طريق الله سبحانه وتعالى، وزي ما قلنا ده كان الغرض الأساسي من السلسلة. الواحد بيحاول يسمع من الشباب إيه اللي بيواجهه بيمنعه كعوائق في الطريق إلى الله سبحانه وتعالى.
يعني شخص قرر أنه يسير في الطريق إلى الله، ضحى، بدأ يترك جزء من الشهوات، بدأ يقبل على الله سبحانه وتعالى، لكن يفاجئ أن في إشكاليات بتقابله في الطريق. الأشكالية اللي معنا النهارده؛ أشكالية الاختلاف اللي بيواجهها السائر في الطريق إلى الله سبحانه وتعالى بين الناس اللي متصدرة. فاحنا ممكن نصيغ اللي أنا قلته ده في عنوان ممكن نسميه: أشكالية اختلاف النخب. بالرغم أن كلمة النخب أو النخبة يعني كلمة مش دارجة قوي، خاصة في الاستعمال القديم، لكن أصبحت دارجة في واقعنا المعاصر دلوقتي. فاحنا حاولنا ناخد نفس اللفظة وهنتكلم إن شاء الله عن تحليل العوامل. درس النهارده عناوين؛ هنتكلم معانا، هنتكلم على معنى العنوان؛ يعني إيه أشكالية اختلاف النخب أصلاً عشان نعرف إاحنا بنتكلم عن إيه؟ نتكلم عن النخبة والاختلاف. هندي مقدمات عن لو إحنا بنتكلم على واقعنا -طالما الشباب بيسأل عن الواقع- عن كيفية نشأة النخب الموجودة دلوقتي، الناس اللي متصدرة ولا سيما السوشيال ميديا وغيرها من مواقع التواصل يعني. كيفية نشأتهم وكيفية اختلافهم. الأسباب اللي أدت لكده، طبعا أجزاء من.. مش هنحيط بده، مش هنحلل موضوع تحليل طويل يعني. وبعد كده رقم تلاتة؛ هندي نقاط هامة. بعد كده رقم أربعة؛ هيبقى نصائح للنخب أو للكوادر. خمسة؛ نصائح للمتابعين؛ اللي هو إحنا اللي بنتابع الناس اللي متصدرة، إزاي نستفيد منهم بدون ما يعمل لنا ده أثر عكسي؟ دي النقاط اللي هحاول بإذن الله سبحانه وتعالى أنغطيها في لقاء بتاع النهارده.
الوقفة الأولى؛ إحنا قلنا أشكالية اختلاف النخب. هو الأول هل الناس بحاجة إلى نخب؟ يعني هل الناس بحاجة إلى ناس توجههم؟ موجهين؟ بحاجة إلى موجهين متصدرين، معلمين، أياً كان؟ لأن المتصدر ممكن يكون معلم فقط، ممكن يضيف إلى تعليم نصائح تربوية، ممكن يضيف توجيهات في الحياة، فأياً كان المتصدر يعني حسب المساحة اللي بيتصدر فيها. يعني في شخص مش بس بيتصدر في أنه يدي دروس علمية، لأ، بيضيف نصائح تربوية في طريق الله سبحانه وتعالى. ممكن واحد بيضيف نصائح اجتماعية في مسائل الزواج والطلاق، العلاقات بين الناس، العلاقات الاجتماعية، فممكن المتصدر يكون في أكتر من مساحة. هو السؤال: هل الناس في حاجة أصلاً إلى ده؟ يعني هل ينفع أن إحنا نستغني عن ده؟
الحقيقة أن طبيعة الناس وفطرة الناس أنها دائماً بحاجة إلى موجهين، دائماً بحاجة إلى معلمين. بل النبي صلى الله عليه وسلم لما بيخبرنا عن آخر الزمان حالة رفع العلم وانتشار الجهل زي ما ورد اللفظ ده في أحاديث آخر.. حديث النبي صلى الله عليه وسلم بيقول: «إن الله لا يقبض العلم انتزاعاً ينتزعه من صدور الناس، من صدور العلماء». يعني ربنا سبحانه وتعالى في آخر الزمان انتشار الجهل مرتبط بقلة العلماء أو بقلة العلم. طب قلة العلم بتحدث إزاي؟ مش أن العلم يرفع من الصدور، ولكن النبي صلى الله عليه وسلم بيقول: «ولکن بقبض العلماء». أن العلماء بيقلوا في آخر الزمان. وهنا أيضاً إشارة أن من باب مدافعة القدر بالقدر أن إحنا ينبري علينا أن إحنا نعمل على بناء العلماء، أن إحنا دائماً نهتم بالعلماء يعني، كل ما العلماء بيقلوا في أي زمان أو في أي مكان ده علامة انتشار الفتنة وانتشار الفساد. فالنبي صلى الله عليه وسلم يقول: «ولکن بقبض العلماء».
طيب، يبقى إذا العلماء دول كانوا متصدرين، كانوا بيوجهوا الناس، بدأوا يقلوا. الناس عملت إيه لما قل العلماء في زمنهم؟ اتخذ الناس رؤوساً جهالاً. طب ما كانوا يعيشوا من غير علماء! ما كانوا يعيشوا من غير رؤوس! لأ، هنا كلمة اتخذوا التكلف اللي في اللفظ اتخذ بيدل أن ده فطرة في الناس أنها تبحث عن رؤوس توجهها. يعني إحنا اللي أحياناً بنصنع النخب أو بنصنع المتصدرين. ليه؟ لأن الإنسان لا يستطيع غالباً، لا يستطيع أنه يعيش فرداً، يعيش فرداً في الفراغ كده. طبيعة الناس هي بتحب تشعر بانتماء، أن هو منتمي لشيخ أو لعالم أو لمدرسة أو لأياً كان يعني. حتى تجد الآن بالرغم أن يعني مسألة بقى في حالة من الانففاض -طبعا عن الجماعات وكده- تجد أن الناس وهي بتكتب في التعريف بتاعها في الصفحات الشخصية في الفيسبوك مثلاً وغيره، أنه تلاقي بدل ما بيكتب انتسابه الدنيوي أنه مثلاً في كلية كذا أو شغلانته كذا، وبدأ يكتب انتماءاته الدينية؛ أنه مثلاً في صناعة المحاور، أنه في أكاديمية زاد، أنه بيدرس في كذا، وتلاقيه كاتب حاجات كتير. دي بتدي له نوع من الاطمئنان أن هو مش لوحده، لأنه عايز.. فمحتاج يسأل فدي بتدي نوع من الأمان. يعني تخيل بالضبط الفارق ما بين إنسان بيدرس الطب بمفرده وبين إنسان في الكلية؛ اللي في الكلية يا باشا بينوع أمان أن فيه مدرسين وفيه ناس هتهتم به، وفيه ترتيب معين، يعني سنة أولى، تانية، فده بيدي له نوع اطمئنان شوية.
فالشاهد أن طبيعة الناس أنها تحتاج إلى نخبة، لذلك لدرجة حتى ممكن ما يلاقوش علماء فيختاروا أي حد. اتخذ الناس رؤوساً جهالاً. وهنا مش كل من تصدر أو كل من ترأس هو نخبة حقيقية، لأ، إحنا عندنا أحياناً نخب وهمية. في المصطلح الطبي اللي هو سودة، حاجة تزويرية يعني سودة الرخم، يعني عندنا نخب ليست حقيقية. يعني هو تصدر وبدأ يقدم نوع من التفاهة، نوع من الكلام اللي ممكن يظن أنه كلام كبير لكنه مخالف لأصول الشريعة. فده أصبح موجود، يعني في عندنا نخب تصدرت عند كتير من الشباب وأصبحت رموزاً، وهو يا أما أنه بيقدم شيء تافه، أو بيقدم كلام بيظن أن هو كلام كبير كلام فلسفي مثلاً عميق وهو يكون بيصادم أصول الشريعة أو بيقدم نفسه على أنه إسلامي وبيقدم أطروحات دينية ويقدم أصول بتصادم الشريعة، وده موجود. ولذلك يقايض الله سبحانه وتعالى من رحمته من يقوم من أهل العلم أن يرد على هؤلاء.
كل شوية الواحد بيسمع ناس بتقع في شبهات من ناس من داخل الإسلام؛ حد بيتصدر للدفاع عن الإسلام لكنه لا يمتلك أدوات معينة، أو تحت سلطة الثقافة الغالبة، مؤمن بتسلط العلم بصورة كاملة على الدين، العلمي التجريبي على الدين، فبيبدأ ينازع في قضايا شرعية بل بيهدم أصول ويرد كتب زي البخاري ومسلم بكل سلاسة، ما عندهوش مشكلة. بسبب أن هو ما عندهوش أصول متينة لفهم الشريعة.
الشاهد؛ يبقى أول نقطة إحنا بنقول أشكالية اختلاف النخب. كلمة النخب دي وقفنا عندها أن الإنسان محتاج إلى من يسأله، بحاجة إلى أهل العلم، بحاجة إلى حد يوجهه، وأن صعب أن الإنسان يكون بمفرده. واتكلمنا أن في نخب حقيقية، ودول.. طب أعرف منين النخبة الحقيقية؟ الأول كان عجبني تقسيم بعض أهل الفضل يعني، بيقول أن ممكن الإنسان في أي علم أو في أي باب من الأبواب، في أي علم؛ في الفقه، في التفسير، أو الأبواب الصعوبات الاجتماعية، أي باب من الأبواب بل حتى العلوم الإنسانية سواء السياسة والاقتصاد، أن ممكن الإنسان نسميه يمر بتلات مراحل.
المرحلة الأولانية ممكن نقول عليه عامي في الباب. عامي في الباب مش معناه ما يعرفش حاجة، لأ، بدأ يفك مصطلحات الباب ده. يعني مثلاً لو قلنا أن شخص مثلاً في علم الحديث، بيقول أن فلان عامي في علم الحديث، يعني بدأ يدرس كتاب مصطلح، بدأ يفك المصطلحات. عارف يعني إحنا حديث حسن، حسن لغیره، ضعيف، شاذ، منكر. بدأ يعرف فكرة الانقطاع اللي في السند والأعضال. بدأ يفك المصطلحات دي، ده عامي في العلم. خلاص، أنا مش بتكلم على اللي بره العلم خالص، لا، أنا بتكلم التراتبية اللي داخل العلم نفسه أو اللي داخل الباب نفسه، ده عامي في العلم.
بدأ يرتقي ويتقن فترة من حياته في الباب ده، مش لازم نحدها بفترة زمنية محددة، لكن مثلاً قعد أربع خمس سنوات متخصص في الباب، يعني أدى عمر لسنوات معينة في الباب ده، فبدأ يظهر عليه، وخاصة لو اصطفاه الله سبحانه وتعالى بنوع ذكاء وجهد ووقت وتفرغ، بيكون متميز في الباب فعلاً، يبدع في الباب ده. أي شخص أوتي ملكات معينة، أعطى وقت واهتمام وصرف الطريق المسلوك في باب معين اللي سلكه غيره، هيفتح عليه بإذن الله سبحانه وتعالى إلى أن يشاء ربي شيئاً، طبعا مع استعانة بالله سبحانه وتعالى، يعني إن لم يكن من الله عون لفتى فأول ما يجني عليه اجتهاده. الشاهد أن هو بعد لما بيدي فترة للباب ده؛ خمس، ست، سبع، عشر سنين في الباب بيبقى ده أي نخبة في الباب ده. خلاص هو بدأ فعلاً يتصدر بقى أهلي، يشهد له أهل هذا العلم، وحتى.. وحتى لما بينحدث بينهم مناكفات ومناوشات أهل الفن هذا نفسه لكن بيشهدوا له، منهم من يشهد له بالإيجاب، ومنهم من يعترض عليه في نقاط ويؤيده في نقاط، لكن بدأ يشهد له في هذا. فده فعلاً أصبح نخبة يطال إليه في الدنيا.
يعني تلقائياً إحنا مثلاً.. أنا اتكلمت في باب الحديث مثلاً، يعني مثلاً بالرغم أن هو متميز في باب الرد على الشبهات الشيخ أحمد السيد في برنامج صناعة المحاور، إلا أن هو قطع شوط في علم الحديث، فممكن نقول أن هو نخبة في علم الحديث، لو كمل أكتر في الباب وتخصص أكتر ممكن يصبح.. بتعبير أهل الفضل ده، بيقول ممكن نسميه مرجعية في الباب.
يعني إيه مرجعية؟ يعني ما عادش مجرد نخبة متصدرة، لأ، يرجع إليه ويسأل بل وهو يقيم الآخرين في الباب ده. زي مثلاً الشيخ مصطفى في علم الحديث أو الشيخ الألباني، ده مش واحد بس أصبح نخبة في الباب، لأ، ده أصبح متمكن.. عشان يقول لك في تقسيم الأسماء في اللغة في اسم متمكن، أمكن، في متمكن غير أمكن، يعني في اسم متمكن جداً اللي هو يترس، يعني المتمكن في الباب. في شخص أصبح متمكن جداً في الباب ده، ويرجع إليه، واعتُرف له حتى لو خالف، يعني الشيخ الألباني يخالف كثيراً في بل بعض تلامذته بيعمل استدراكات عليه، لكنه يظل أهلاً في هذا الباب ويظل مرجعية في هذا الباب، خلاص؟
لكن المشكلة في الإنسان الأكثر اللي بيظهر فجأة، ويتكلم في تفاصيل كثيرة من الدين، ويهد أصولاً، وينقم على كثير من العلماء السابقين، فانت تتعجب.. يعني أنا ما بحبش أذكر أمثلة كشيرة، لكن مثلاً من الناس اللي الواحد يتعجب من جرأتهم، ودائماً الجريء بيقلق منه شوية. يعني مش بقول لك ترد كل كلامه، لكن بتقلق شوية. دكتور أحمد خيري العمري أشعر أن عنده جرأة في نقد التراث، جريء. طيب، إيه الأدوات اللي حصلتها لده عشان تقدم أطروحات تجديدية بهذا العنف؟
فالشاهد أن النخبة منها نخبة حقيقية اصطفاها الله سبحانه وتعالى، ومنها نخبة تصدرت؛ لأن المشكلة أن معايير التصدر الوقتي -وخاصة للأسف في انتشار السوشيال ميديا- ما أصبحتش بمعايير دقيقة، أن أهل الفن بيشهدوا له أو غير ذلك، لأ، أصبحت مثلاً أن هو عنده فلورز كتير، أن المتابعين له على القناة كتير، فتصدر، فبدأ يقول رأيه في الباب، فبدأ رأيه ينتشر، فكل ما حد يرد عليه اللي بيردوا عليه ممكن يكونوا مش بيستعملوا أصلاً في السوشيال ميديا إيه ده، أو مش مشهورين، فممكن المنشور اللي كتبه أو الحلقة اللي عملها النخبة الغير حقيقية شافها اتنين مليون واحد أو قرأها مليون واحد، والرد قرأه مية وخمسين واحد مثلاً. فممكن الناس تحكم بأن ده هو المنتشر ده هو النخبة الحقيقية، بالكثرة والانتشار أن الناس بتؤيده كثيراً.
يقول لك: أنتم مش تقولوا أن الناس تشهد له؟ طب ما الناس شهدت له! لا، إحنا مش بنقول أن الناس تشهد له، أهل الفن اللي يشهدوا له، مش كل عموماً الناس رأيها في الباب ده مش معتبر. يعني لما ميت ألف واحد يقولوا على حديث ضعيف، والبخاري ومسلم يقولوا عليه صحيح، مش مش هنحسبها أن اتنين قصاد مية ألف يبقى ناخد.. مش بتتوزن هي، لأ، ده هنا في شيء نوعي، لأ، هناخد رأي.. خلاص.
طب كل ده إحنا في إيه؟ كلمة النخبة. هي عامة بتمطر وأنا قاعد مع بعض، اللهم صيباً نافعاً، ربنا يهدينا جميعاً لما اختلف فيه من الحق بإذنه.
طيب دي مسألة النخب. طيب الاختلاف؟ إحنا بنقول أشكالية اختلاف النخب. طب إيه الاختلاف؟ وإحنا فعلاً لازم يحصل فيه اختلاف؟
يبقى احنا بنقول من البداية إن هذه الإشكالية اللي احنا بنتكلم عنها النهارده لن تُحل. أمَالَ إنت حضرتك جاي تعمل إيه؟ أنا جاي أقول لكم اعملوا حسابكم إن في إشكالية؛ يعني تصور إن ده في أغلب الإشكالات اللي احنا بنناقشها، تصور إنك هتطلع من الدرس معك باسوورد هتدخله في أي خلاف يحل لك المشكلة، أو أي اتنين مختلفين هتقول لهم كلمتين هيتصالحوا.
ده الاختلاف سيظل موجوداً ولا يزالون مختلفين. الاختلاف سنة قدرية ماضية بين البشر؛ لأن النزعات، وطريقة أصلاً رؤية الأشياء، وطريقة تحصيل المعرفة بتختلف، فبيظل فيه اختلاف. اختلافات ألوان شتى؛ من أول الاختلاف بين الإيمان والكفر، الاختلاف داخل درجات الكفر، ثم النفاق، ثم الأديان الباطلة، في مداخل الدين إن في اختلافات حتى في فهم النص، وفي خلاف معتبر، وفي خلاف غير معتبر، الخلاف السائغ وغير السائغ.
فمسألة الخلاف ستظل موجودة أياً كان نوع هذا الخلاف وكيفية التعامل معه. وليست كل أنواع الاختلاف على درجة واحدة، ودي قصة طويلة وده مش بابنا النهارده؛ اللي عايز يقرأ في الأبواب دي ممكن يقرأ من الكتب، يعني ممكن نقول ظريفة وجيدة في الأول تقرأ في الباب ده وعجبني اسمُه أن هو لم يمنع الخلاف قال كيف نختلف؟ طب الشيخ سلمان العصفور، ما أعرفش هو اتنشر بعنوان إيه؟ بس كنت قرأته زمان أول ما نزل بعنوان كيف نختلف؟
كده كده هنختلف، هي الفكرة فيه الكيفية، لكن كده كده سيظل فيه خلاف، كيفية إدارة هذا الخلاف، ومهم جداً أيضاً مراتب الخلاف من العدو والولي؛ كيف نتعامل معه بين الأعداء والأولياء؟ مراتب الولاية ومراتب العداء هي مش... للاسف احنا أغلبنا بيحب يتعامل بقاعدة أول أور نان؛ يعني قاعدة إيه، أو بلاش قاعدة اللوكشن يعني هو حلو ولا وحش؟
السؤال المشهور بيسألك على فلان ده فلان حلو ولا وحش؟ فيعني حلو ولا وحش؟ مش بتسأل على سندوتش شاورما! يعني إيه حلو ولا وحش؟ يعني ده شخص مليء بالاختيارات ويعني حاجة كثيرة التنوع، غير إنك بتسأل عن شخص مثلاً كافر بعيد تماماً. لا، أنت ممكن تسأل شخص مسلم بيعمل للدين وعنده بعض الأخطاء، فالإجابة هنا ما ينفعش تبقى إجابة واحدة إجابة جزئية، يعني إجابة كده إيه تلقى جزافاً كده.
الاختلاف سيظل موجوداً، والاختلاف ده من الابتلاءات -وركزوا معي بقى هنا في النقطة دي- من الابتلاءات التي ابتلى الله سبحانه وتعالى هذه الأمة بها. الكلام اللي أنا هقوله ده اللي عايز يرجع لتفصيل أكثر يرجع لدرس رقم عشرة في تفسير سورة الأنعام كنت من سنوات يعني، لكن أتكلمت فيه بالتفصيل على شرح قول الله سبحانه وتعالى: ﴿أَوْ يَلْبِسَكُمْ شِيَعاً وَيُذِيقَ بَعْضَكُمْ بَأْسَ بَعْضٍ﴾ [الأنعام: 65]، كان الدرس كله في شرح الآية، واتكلمت على مسألة الاختلاف وأن دي سنة وأمر ماض في الناس زي شهوة كده لن تنزع؛ الفكرة كيف تتعامل مع الشهوة كذلك الاختلاف؛ لأن ده من النوازع البشرية.
سيظل فيه اختلاف، دي من العبوديات؛ يعني زي ما في عبوديات كثيرة نشأت من خذ الشهوة بداخلك؛ سواء انك تضعها في الحلال، سواء انك أنت تجاهد نفسك، سواء انك تمنع الشهوة بالصوم أو غض البصر، عبوديات ضخمة نشأت من وجود الشهوة، هناك عبوديات ضخمة بتنشأ من وجود الخلاف، وكذلك ابتلاءات عظيمة بيقع فيها الإنسان بسبب الخلاف، ودي نقطة محورية في الدرس، يعني ممكن يكون عندنا تلات أربع نقاط محورية، دول من أهم النقاط، الباقي إيه؟ تحشية أو مقدمات ويعني إيه كلام حوالين النقاط دي لو أنت عايز تطلع لتلات أربع نقاط هنأكد عليها.
دي منها أن الاختلاف قدر وسنة يخرج منه عبوديات كثيرة. ماذا ستفعل في الاختلاف؟ سواء للعالم، للنخبة، للأتباع، أياً كان، كل واحد هيعمل إيه؟ يعني أنت هتتصرف إزاي لما تعرف أن فيه خلاف؟ سواء من إعطاء الحقوق، عدم أنك تنقصه قدره، أن أنت بتتبع الحق مش بتتبع الشخص.
الغيبة أن الاختلاف هتعمل فيه إيه؟ هتطعن؟ يعني كل دي عبوديات تظهر اخلاقيات ضخمة تظهر سلباً وإيجاباً؛ يعني سواء الغضب أو الحلم، سواء الانتقام أو العفو، اخلاقيات ضارة تظهر في بسبب وجود هذا الخلاف، ده أمر موجود؛ لذلك ربنا بيقول في هذه الآية: ﴿أَوْ يَلْبِسَكُمْ شِيَعاً وَيُذِيقَ بَعْضَكُمْ بَأْسَ بَعْضٍ﴾ [الأنعام: 65]. الآية اللي النبي صلى الله عليه وسلم لما نزلت آية الأنعام، قال النبي صلى الله عليه وسلم عن هذه تحدداً هذه أهون، أن العذاب يأتي من فوقنا أو من تحت أرجلنا فاستعاذ النبي صلى الله عليه وسلم منها.
والحديث المشهور أن النبي صلى الله عليه وسلم قام صلى صلاة لم يصل مثلها، فجاءه أحد الصحابة وقال: يا رسول الله رأيتك تصلي صلاة لم يصل مثلها! قال: «إنها صلاة رغبة ورهبة، سألت ربي ثلاثاً فأعطاني اثنتين ومنعني الثالثة». النبي صلى الله عليه وسلم كان مشغول بالأشياء اللي ممكن تفني -ركزوا معي- النبي صلى الله عليه وسلم مشغول إيه الحاجات اللي ممكن تضيع الأمة، فالنبي صلى الله عليه وسلم فكر في تلات حاجات، لذلك هو قام ابتداء في الرواية دي أنه قال ابتداء يسأل الله سبحانه وتعالى أن يمنع عن هذه الأمة ثلاثة أشياء: ألا يسلط عليها عذاب يستأصلها، ودي حاجة الأمة مش هتعرف تتصرف قصادها، وربنا سبحانه وتعالى أراد أن عذاب كامل ينزل على هذه الأمة فيستأصلها مهما أوتي البشر من قوة لم يستطيعوا أن يقفوا أمامها، فكان الحل للدعاء، فالنبي دعا ربنا فالحمد لله فنحن مطمئنون أن الله سبحانه وتعالى لن يرسل عذاباً عاماً -مش خاصاً في مكان- عاماً على هذه الأمة. يبقى اللي خايف على أمة الإسلام بنطمنه من هذه الناحية دي.
النبي صلى الله عليه وسلم فكر إيه تاني ممكن يفني الأمة؟ فقال: ده الشيء القدري الخارجي. طب الشيء البشري بقى؟ يعني شيء بشري وخارجي أيضاً، عدو؛ يعني مثلاً أن الأمم كلها الكافرة تتحزب وتفكر أن هي تفني الإسلام، أن هم يقرروا الشرق والغرب يقرروا أن هم يجتمعوا على إبادة الإسلام، وممكن يمتلكوا الأدوات لده، لكن يعصم الله سبحانه وتعالى هذه الأمة من ذلك؛ فسألت ربي ألا يسلط على هذه الأمة عدواً من خارجها يستبيح بيضتها، فأعطاني. يبقى كده احنا اتطمنا من نقطتين، أن ما فيش عدو سيسلط على كل الأمة -مش على جزء من الأمة، على كل الأمة- يستأصلها تماماً، ده مش هيحصل، يبقى أمر قدري خارجي وأمر بشري خارجي، اتبقى منين؟ الأمر من الداخل.
شف النبي صلى الله عليه وسلم يفكر في الاستعاذة من ده، معنى ذلك أن النبي صلى الله عليه وسلم يعلم أن ده أمر قد يفني ويضيع جهود الأمة؛ فسألت ربي ألا يجعل بأسهم بينهم. وأنا مش عايز أرجع أعيد الدرس، ارجعوا اسمعوا درس اللي هو رقم عشرة صوت الأنعام؛ لأن فيه آثار رائعة ذكرها الإمام الطبراني -يعني زمان المنتظري دائماً مبدع حقيقة في هذه الآية- استفاض في ذكر الآثار والتعليقات كانت جميلة جداً، راجعوا شرح الآية دي في الطبراني وفي غيره من التفاسير.
الشاهد وقفة سريعة مع الآية: ﴿أَوْ يَلْبِسَكُمْ شِيَعاً وَيُذِيقَ بَعْضَكُمْ بَأْسَ بَعْضٍ﴾ [الأنعام: 65]. فيه تلات حاجات: حالة اللبس اللي بتغشى الإنسان أنه لا يعرف الحق من الباطل، لما بتحدث حالة اللبس بننقسم بعدها إلى التشيع، إلى الفرق المتناحرة، لما بيبقى فيه لبس وفيه تشيع بيجي أن كل إنسان مننا عنده طاقة، عنده بأس، هذا البأس إلى أين سيوجه؟ يعني كل شخص -يعني مثلاً أنت لما بتشوف دي من الحاجات اللي أحياناً بتدخل الشرور على الإنسان، لما بتتابع كمية الكوادر والنخب اللي متصدرة وإمكانياتهم- أنت بتفرح أن دول بينتموا لأمة الإسلام؛ هنختار باب مثلاً باب الرد على الإلحاد.
الواحد لما يتابع الجهود المبذولة في الرد على الإلحاد وهي جهود أغلبها ذاتي مش مؤسسي، مش أقصد أحياناً مسلمة في صورة مؤسسات لكن مش مدعومة من الدول، هي جهود فردية؛ كمية المراكز والأبحاث والكتب والبرامج اللي اتعملت والمبادرات اللي اتعملت في الرد على الإلحاد مش ممكن مجهود غير طبيعي ما شاء الله لا قوة إلا بالله، ربنا يحفظ القائمين على مثل هذه الأمور. كتير، سواء مش عارف مركز يقين فين، المحاور ودلائل، وكمية الحاجات والناس اللي متصدرة في الباب ده حاجة تفرح، الواحد سعيد أن في ناس بفضل الله بيصدروا؛ فكل إنسان عنده بأس فهؤلاء بتوفيق من الله وجهوا بأسهم للرد على الإلحاد.
الإشكالية لما البأس يوجه للداخل، مش للخارج، اللي هو حتى في في الأمراض البشرية اللي احنا بنسميه أن الجسم بدأ المناعة تاكل نفسه؛ يعني بدل ما الجسم المناعة للأمور الخارجية عشان تدافع عن الإنسان، بدأ الجسم يتآكل، والجسم بياكل نفسه، دي مشكلة! فأصبح أن أه كل إنسان له بأس، إلى أين سيوجه هذا البأس؟ فربنا بيقول أن الإشكالية تحصل امتى؟ لما بأسي يتوجه إليك، وبأسك يتوجه إليك، مش للخارج، مش للعدو، ﴿وَيُذِيقَ بَعْضَكُمْ بَأْسَ بَعْضٍ﴾ [الأنعام: 65].
إضافة التملك دي، بأسه بيوجهه فين؟ بيوجهه في الخناقة، دي مشكلة اللي بيحصل أن ننشغل ببعضنا البعض، وده اللي شبه -يعني أحد التحليلات كانت بسيطة شوية في أسباب فتنة مقتل عثمان رضي الله عنه- أن السنوات الأولى، الست الأول من خلافة عثمان كان في انشغال بالفتوحات، توقفت الفتوحات، الناس اتشغلت ببعض؛ فبدل ما الفتوحات تتجه للخارج، الحرب اتجهت للداخل وظهرت فتنة الخوارج، وبدأ يقاتل بعضنا بعضاً، حصلت الفتنة دي من أوائل الفتن الموجودة اللي كان النبي صلى الله عليه وسلم يحذر منها.
والنبي صلى الله عليه وسلم أخبرنا أن الشيطان يئس أن يعبد أن قامت في جزيرة العرب؛ يعني الشيطان يئس أن أمة الإسلام كلها ترتد، ده مش "هيحصل"، ولكن يقول النبي صلى الله عليه وسلم: "ولكن" أي لم ييأس الشيطان من إيه؟ في التحريش بينهم، قال لك خلاص أنا مش هعرف أخش لهم كلهم، يدخل لبعض منهم، مش عارف أخش لهم كلهم من مدخل الشرك أن كلهم يشركوا، أدخل من مدخل تاني.
يبقى إذا الخلاف سيظل موجوداً سيظل قائماً، الفكرة في إدارة هذا الخلاف، في ركزوا برضو معي في الجملة دي، في أولويات الخلاف؛ يعني الخلاف مش هيخلص مش هينتهي، لكن إيه ترتيب الأعداء؟ ترتيب الأولياء؟ مين أقرب؟ بتوالي وتعادي على أي أساس؟ بتختلف على أي أساس؟ اختلافك مع فلان أو مع فلان على أي أساس؟ بتكره فلان أو بتحب فلان على أي أساس؟ قال النبي صلى الله عليه وسلم: «من أحب لله، وأبغض لله، وأعطى لله، ومنع لله، فقد استكمل عرى الإيمان».
يبقى إذا اتكلمنا على العنوان، هنتكلم في العنوان دلوقتي: إشكالية اختلاف النخب. اتكلمنا في النخب والاختلاف، يبقى إذا هل دي إشكالية؟ يعني هل الاختلاف إشكالية؟ أنا سألت السؤال ده لبعض الشباب الحقيقة كان الإجابات مختلفة جداً؛ هل الاختلاف اللي انت شايفه بين الناس المتصدرين، هل انت شايفه إشكالية ولا مش إشكالية؟ بحيث لو إشكالية نقفل بقى ونروح نروح خلاص.
طبعاً فكانت الإجابات متباينة؛ يعني من شخص شايف أن هو مفيد جداً، وشخص شايف أن هو يضيع جداً ومفسد، وشخص إيه على حسب، اه بيختلف، يعني بتختلف فعلاً حسب الشخص وحسب المختلفين وده هنحاول نشير إليه سريعا.
لكن النقطة المهمة أن الاختلاف زي ما قلت لكم دي من محاور الدرس، تظهر منه عبوديات كثيرة، وده أحياناً بيكون العقل القاصر اللي بيقول: ليه؟ ليه الدين ما نزلش بقمة الوضوح بحيث أن ما فيش أي حد يعرف يختلف فيه؟ ده يعني فيه قصور في التصور شويه؛ يعني دائماً عندنا مثاليات في التصور يعني صنعتها تصورات اليوتوبيا، يعني هو متصور الناس كلها متجانسين في مكان واحد وبيحبوا بعض كلها تفضل كده، مش فاهم العبوديات الناشئة من ده أصلاً! يعني ده واحد أصلاً مش متصور وجود الشيطان، هو مش فاهم العبودية، يعني مش فاهم أصل الغاية من الخلق هو مش فاهم، فتلاقي كل المشاكل عايز يقفلها. طب وأنت هتواجه إيه؟ يعني اللي عايز فيه شهوة ولا عايز فيه خلاف ولا عايز فيه منازعات ولا حاجة، ده الجنة! أنت كده اتجه للجنة مباشرة، لكن الدنيا دار بلاء ومن هذه الابتلاءات الخلافات.
وبتظهر عبوديات حتى على مستوى أهل العلم أنه إزاي يبحث في النص وفيه فهمه وتحقيقه والحديث، وماذا سيفعل عند الاختلاف؟ هل سيتبع هواه؟ الإمام المعلمي اليماني له كلام رائع أظن كتاب القائد تصحيح العقائد لما بيتكلم أن أحياناً وهو بيحقق مسألة قبل ما بيوصل للنتيجة بيكون هواه نفسه النتيجة تبقى في اتجاه معين، تخيل لما يفاجأ أن الحديث اللي بيؤيد رأيه ضعيف هيعمل إيه؟ أو لما يكون العالم اللي طلع عشان يرد عليه بعد ما حقق المسألة طلع أن العالم المخالف رأيه صح وهو اللي غلط، بل تخيل أن العالم المخالف ده اتعامل معه بأسلوب سيء وحط عليه! يعني أنت متخيل؟ وهو المفروض يطلع ويعترف يقول له أنت اللي صح! منازعة عبوديات تظهر يعلمها إلا الله سبحانه وتعالى، وغيرها من العبوديات زي ما قلت من حفظ اللسان، السماحة الأخلاقية، عبوديات ضخمة تظهر في الخلاف. فأحياناً بنتصور -دي هتكلم عنها كمان شويه- حالة من الحياد المتوهم، ده مش موجود.
طب قلت لكم كتاب كيف نختلف بتاع الدكتور سلمان مهم أن أنتم ترجعوا له، إذا سألنا هل دي إشكالية قلنا.
ممكن إنسان يستفيد منها وممكن تسبب ضياع عند ناس معينة. طيب، أنا قلت هنتكلم على قصة الانتشار للنخب الموجودة حاليا وأسبابها. المجتمع المسلم دايما واستقرار عايز استقراء كتير في التاريخ يعني وخاصة في علماء الاجتماع.
تصور المجتمعات المسلمة بيتغير كل شوية. يعني أحداث كتير بتحصل فبتعيد هندسة المجتمع. يعني شكل المجتمع بيتغير. اللي يبص على المجتمع أيام قبل الخلافة العثمانية أو بعد الخلافة العثمانية، أو في وجود مثلا محمد علي ومجيءه لمصر، وسقوط الخلافة والتشكل الدولي الحديث، كل ده تلاقي المجتمعات أحيانا بتاخد أشكال بتاخد فترة طويلة عشان تتغير.
بس ممكن شكل المجتمعات -أنا هنا بتكلم على شكل المجتمعات اللي عايزة تعمل للدين- خاصة في غياب دعم مثلا من الدول الكبيرة في بعض المجتمعات دي بعد سقوط الخلافة حصل أن الناس شايفة الإسلام بينهار، وعايزة تعيد الإسلام. فكل واحد كان عنده بعض التصورات، كان فيه ذاتية.
في واحد عمل فكرة إنشاء الجامعات. واحد عمل فكرة إنشاء المؤسسات؛ أعمل مؤسسة معينة تعليمية. واحد فيكم إنشاء المدارس. كل واحد عايز يرجع مستعدين بتصور معين أو حالة الانهيار دي. فنشأت تصورات مختلفة، برضه مش عايز استفيض في ده لغاية لما بنمر بحالة وتكلمت عنها كتير في درس عن الماتش الذهبي المعاصر، شركة تأمين الجزء الأول، اتكلمت على مسألة ازاي أن احنا بدأنا نوصل لحالة بقى فيه يعني سميتها أن ما عادش فيه حالات متصدرة، ما فيش شيوخ كبيرة متصدرة.
كان فيه زمان أنت المتاح قدامك اختيارات قليلة. دلوقتي لأ حصل انكسار لده -أنا بوصف مش بقول سلبا أو إيجابا- وحصل حالة من يعني ممكن نسميها إيه؟ حالة من التشظي كده؛ أن كان فيه كتل صلبة صلبة اتكسرت وناس بقت كتير اللي موجودة، ما فيش انتماءات كتير، فبدأت تظهر تكونات مجموعات صغيرة.
هنا بدأ -ودي بقى قصة فكرة وجود نخب كتير- هنا بدأ شيء هبدأ بالجزء الإيجابي منه، نطلع بحاجة إيجابية في الدرس، أن بدأ أن كتير من الناس بيشعر أنه فيه واجب ذاتي تجاه نصرة الدين. يعني إيه الكلام ده؟ يعني لما كان شخص لشيخ لمدرسة لجماعة كان هو شايف أن دور نصرة الدين أنه يبقى ضمن المنظومة دي وخلاص. لكن هو أن يقدم طرح ذاتي كبير ما بيعملش حاجة، يعني هديكم مثل.
تخيل حالة العلماء المسلمين لما حسوا في بداية كتابة سنة النبي صلى الله عليه وسلم، اللي بدأ يحصل أن فيه إحساس أن بدأ فيه أحاديث موضوعة بتكتب، وناس بتقول أحاديث بتكذب على النبي صلى الله عليه وسلم. هنا حصل انتفاضة ذاتية الأولى للدفاع عن سنة النبي صلى الله عليه وسلم، يعني ما كانش فيه جهود مؤسساتية دولاتية أن هي تقسم: بص يا أبو خالد، أنت تاخد المنطقة دي، وأنت بص لما تمسك المنطقة دي وهنقسم نفسنا، ما تعملوش كده. بالعكس، لو عمل كده ده كان اللي هي الشبهة اللي بتتقال كانت ممكن تأكد، اللي هو تسييس العلم.
اللي دايما المستشرقين غالبا زي ما بيقولوا هم شبهتين مشهورين؛ يا أما التسييس يا أما استيراد العلم، يا أما جايبينه من أمة تانية يا أما مسيس. يعني الفقهاء مش بيقعدوا مع بعض يظبطوا فتوى، يعني مش بيقعد يقول له هتقول إيه في دقيقة وأنا هقول دي، خلاص أنت قل الاستحباب وأنا هقول الكراهة بحيث نوازنها. لأ، ما بيعملوش كده، هي دي الجهود ذاتية.
تخيل حالة ده وحالة شخص منتمي لمدرسة علم الحديث وهو في سنة أولى، هو مش شاغل باله، ممكن ما يحضرش حاجة، ممكن ما يفتكرش موضوع جديد، عايز يترقى يشوف حد عامل موضوع قبله ويقلده، يدي فلوس لحد يعمل له رسالة ويخلصها. خلاص هو مش حاسس أن الدنيا هتنهار لو هو ما اتحركش. الإحساس الأول هو ده اللي حصل عند كتير من الشباب الافاضل جزاهم الله خيرا، أنه حسوا أنه بقى فيه مسئولية أن هو اللي ينصر الدين.
فبدأ فيه جهود ذاتية كتير. وزي ما أنا ذكرت مثلا نموذج الإلحاد؛ جهود ذاتية، هو حاسس أن ما فيش دول ضخمة بتتبنى الرد، طب هنسكت؟ لأ نتحرك، فبدأ هو يتحرك ذاتيا ويكلم ده ويكلم ده، طب نعمل مبادرة، طب نعمل مساق، طب نعمل على التليجرام، طب نعمل حاجة على الفيسبوك، طب نعمل منصة تعليمية. جهود ذاتية كتير بتنشأ. أنا لسة من كم يوم كتبت منشور عايز أجمع المبادرات العلمية أو الدعوية الموجودة. أنا فوجئت ما شاء الله لا قوة إلا بالله بكم المبادرات الفردية المعمولة، عدد ضخم!
كل دي مبادرات ذاتية، يعني دي جهود أفراد حسوا أن فيه انهيار. ده كان غالبا غالبا مش مستحيل يعني، لكن كان بنسبة كبيرة مش موجود في وجود الكتل الكبيرة. لأن كل واحد بيتكل وبيجمع أنه بيتمي للجماعة أنه بيتمي لشيء: أنا ما لي! أنا دوري أن أنا أحضر الدرس وأروح. لكن لما انهار ده أو يعني يقل من نسبة ما فبدأ كل واحد حاسس أن هو محتاج يقدم حاجة.
ففلان حس أنه مطالب يعمل حاجة في اللغة، وفلان حب حس أنه مطالب يعمل حاجة في المذهب الشافعي، وفلان مطالب أنه يعمل حاجة في المذهب الحنبلي، وفلان عايز يعمل حاجة في التفسير، وفلان عايز يعمل حاجة في الرد على الإلحاد، وفلان عايز يعمل حاجة في التربية، وفلان عايز يعمل حاجة في الدعوة. فنشأت مبادرات كتير جدا.
ده الجانب الإيجابي اللي بيدل فعلا الخير في هذه الأمة، فظهر نخب كتير زي ما احنا شايفين دلوقتي أعداد كتير والتمركزات اللي حواليهم ما عادش بالأعداد الضخمة بتاعة زمان، لكن بقى فيه مجموعات صغيرة حوالين هذه اللي ممكن نسميها نخب، نسميها ألوية، نواة.
ده احنا هنا محتاج -وده من التحديات اللي بتواجه العاملين للدين- محتاجين يفكروا في تصور جديد؛ القديمة سواء الشخص الفرد أو الجماعة أثبتت بنسبة ما فشلها، محتاجين بقى تصور جديد ليجمع التشظي ده والتشتت ده، الشتات ده. ومش يجمع أن احنا برضه تصور مثالي أنهم كلهم يبقوا حاجة، ده مش هيحصل قلنا، لكن تصور -وده هنتكلم عنه أن شاء الله إذا وصلنا له يعني- في مسألة العلاقات بين النخبة، العلاقات الأفضل يعني ان شاء الله بين النخب المتصدرة.
فاحنا محتاجين ده تحدي. يعني إيه تحدي؟ يعني كان بيقابل يعني زي مثلا نشأة كتابة علم الحديث، نشأة علم أصول الفقه؛ دي كانت تحديات بتواجه العلم، بيجدوا عبث، أيدي بتعبس فيحطوا لهم قوانين. زي أول مرة لما بدأ ينتشر اللحن، كانت اللغة بالسليقة وبالسماع وباستعمالات العرب وحفظ الشعر، فلما بدأ اللحن ينتشر قالوا لأ احنا لازم نقف، حطوا قواعد.
فدي تحديات بتواجه المجتمع المسلم فيبدأوا يتفاعلوا مع التحدي ده. فمن التحديات اللي بتواجه: إيه شكل المجتمع اللي احنا الأفضل؟ إيه العلاقات الجيدة اللي ممكن تتصدى؟ يعني علاقة الشيخ اللي ما لوش علاقة بحد ومنطلق فرد وحواليه مجموعة وخلاص، ولا علاقة الجماعات؟ وزي ما قلنا الواقع أثبت، يعني مثلا باشمهندس أيمن كان له تصور لما عمل تلات مقالات الجمعة لحل الجماعات الإسلامية، طب التصور ده ينقض؟ طب يعني ممكن نقول يقوم، طب يبقى محط اجتهاد بحيث أن احنا تيجي نقدم تصورات جديدة لده.
وده من أسباب الخلاف الموجود الآن. حالة الانتشار الذاتي دوت للنخب عملت جهود كتيرة، فعملت جزء إيجابي أن بقى الشخص، لأن زي ما قلت لكم أن الانتماء لمؤسسات معينة -وده على فكرة كلمة مشهورة كان حتى دايما بيقول أن المأسسة بتقتل روح الإبداع والثورة- أنك أنت في ظل واقع روتيني معين بتترقى بصورة معينة ما فيش إبداع. تلاقي الشخص بيطلع بفكرة إبداعية، وزي ما كنت لسة بسمع أحد الناس اللي بيتكلموا في التاريخ: غالب اللي عملوا إبداع حطوا تصورات كانت مرفوضة في الأول، يعني التصور السائد كان رافضها. بل غيره اللي كلمه في بنية الثورات العلمية قالوا أن برضو العلم بيجي أن بيجي فكرة غريبة ومستنكرة وبعدين تم تأكيدها خلاف السائد.
فده محتاج نوع من التطوير شوية، أن الناس لقت نفسها لوحدها فبدأ عايز يعمل حاجة الناس. فده أدى فعلا مبادرات كثيرة جميلة جدا، لكن ده عمل مشكلة عند كتير بقى من الشباب، اللي هي حالة الشتات. يقول لك أنا مش عارف يعني مثلا أبسط مثل أنا لما لما كتبت المنشور عايز أجمع المبادرات العلمية والدعوية قعدت أقرأ، فعلا الشخص ممكن يعني الشخص ممكن يتوه لو ما فيش مشورة توجيهي تربوي معين نضج، فهم رضا. لأن غالب بيطمع، يعني يقول لك أنا إيه أنا -وده أتكلم عنها في الآخر- أنا عايز أبقى زي كل دول، يعني عايز أبقى زي فلان في الاقتصاد، وفلان في الفقه، وفلان في السياسة، وفلان عايز أبقى زي كل دول.
فده تصور يعني ده عامل زي الطفل اللي عايز يبقى سوبر مان وباتمان. فمحتاج الإنسان يبقى عنده نضج شوية في التعامل مع الحالة الشتات دي. يبقى إذا الموضوع ده عمل نوع من الإيجابي، لكن عمل حالة سلبية.
اللي زود السلبيات، واللي خلانا أن احنا النهاردة نقول أن فيه حاجة اسمها إشكالية اختلاف النخب، أن ده ذكرته برضو في أنماط الضياع المعاصر، أن حالة الهزيمة واليأس تخلي بأسنا شديدا، تجعل بأسنا بأسنا شديدا. مع حالة بقى قلة العلم، التشجيع الزائد أن اللي حوالين -وده جزء كبير هنتكلم عنه، جزء كبير من المشكلة بيبقى في اللي حوالين الشخص مش في الشخص نفسه- اللي ممكن نسميها ظاهرة الالتراس، اللي حوالينه هي دي اللي بتعمل مشكلة. غلبة روح الانتقام، انتشار سوء الظن وهنتكلم عن ده إن شاء الله. يعني حاجات كتير خلت الشيء اللي كان ممكن يبقى إيجابي قوي، سلبي.
مع أني زي ما قلت لك أنت ممكن لما تجمع اسماء تكتب ورقة كده بأسماء الكوادر الموجودة على الساحة الآن في الفروع المختلفة في العلوم الشرعية والإنسانية والاجتماعية وغيرها، أنت تنبهر بكمية الأسماء اللي بينتموا لهذا الدين العظيم. لكن ده محتاج إدارة؛ كيف يتم التعامل، يتعاملون مع بعضهم البعض.
يعني مثلا قدرا سبحان الله شفت حلقة للدحيح، كان اسمها إيه بتاع الكورة ده؟ اسمه كريم بنزيما باين ولا اسمه إيه؟ صح؟ بالميم هو ولا بنزيما؟ بالميم؟ اه بتكلم بجد والله بالميم صح؟ بنزيما. المهم يعني سبحان الله كنت بتتفرج على حاجة وخلصت فدخلت الحلقة اللي بعدها، ما كنتش مشغول بحاجة كده، فوجئت أن هو شغال. فالحلقة عجبتني جدا بالرغم طبعا من تفاهة المحتوى، وأنه بيتكلم على فرق الكورة وفرق السلة، و.. و.. لكن أنا باتكلم طبعا مع اختلاف الدحيح عندي إشكالية معينة وخاصة بعض التصورات اللي قدمها؛ تبني العلموية بصورة اللي هي بصورة مضادة للدين وعدم إدخال. لكن مش الحلقة النهاردة مش عن الدحيح.
الخلاصة، الحلقة كانت بتتكلم ازاي أن فريق كورة يكون فيه مواهب كتير وما يحققش الإنتاج، ويكون فيه فريق كورة يقل منه المواهب ويحقق، وفريق كورة تالت المواهب مش موجودة خالص فما يحققش. فوصل، جاب كان بيحلل كتاب يعني الكتاب أظن اسمه أصدقاؤه والأعداء حاجة زي كده، الكتاب بيعمل دراسة فكرتها أن وجود مواهب في فريق واحد ده بيزود إنتاج لغاية لما بيوصل لعدد معين من المواهب ولحد معين، زيادة المواهب بصورة زيادة بتعمل أثر عكسي، اللي هو سماه أو اللي كتبه الكتاب وأنا قال في الكتاب يعني سماه اللي هو الزيادة، زيادة الموهبة زيادة عن اللزوم.
يعني يكون فيه مواهب زيادة عن اللزوم. يعني أنك يبقى فيه فريق كورة فيه سبعة مهاجمين أقوياء، فقال أن ده بيزود التنافس وبيقلل التعاون، فبيتخانقوا مع بعض. لكن لما يكون مهاجمين أو واحد شاطر -طبعا أنتم أساتذة في الكلام ده، أنا عارف أن أنا بشرح في المشروع يعني-.
المهم نرجع بقى لحالتنا، هو طبعا التحليل وخاصة أن هو بينقل كتاب غربي، بيتعاملوا مع ظواهر كأنها ظواهر مادية، أن زيادة المواهب كذا بيؤدي إلى.. احنا عندنا بقى معاني دينية المفروض تنظم ده، معاني دينية المفروض تنظم ده. لذلك حتى عندنا في علم الأدوية نيجي حتى نشرح للطلبة بنقول لهم: هل استعمال أكثر من دواء في وقت واحد شيء جيد؟ يعني وجود أدوية قوية مع بعض نديها للشخص، ده شيء جيد ولا شيء سلبي؟ اللي احنا بنسميه إدراج؛ لما نحط دواين نديهم، ده شيء؟
فبنشرع لهم كده، معدلات نقدر نقول لهم أحيانا واحد زائد واحد بيساوي اتنين، وأحيانا واحد زائد واحد بيساوي صفر، وأحيانا واحد زائد واحد بيساوي عشرة. يعني ممكن دواء مع دواء ما يعملوش حاجة، هما ضافوا، واحد زائد واحد بيساوي اتنين؛ الدواء ده عمل شغله والدواء ده عمل شغله وما فادوش بعض. وممكن يضادوا بعض، وممكن يساعدوا بعض بطريقة غير طبيعية فيبقى الناتج عندنا تقوية غير طبيعية.
بعيدا بقى عن كل ده، احنا عندنا قول النبي صلى الله عليه وسلم: «يد الله مع الجماعة». وهذا شيء لا يوصف، يعني ازاي أن الله سبحانه وتعالى يحب أن المؤمنين يتجمعوا. العبادات الكبيرة صورة جماعية الصيام والحج والعمرة والتعاون اللي بين الزكاة وصلاة الجماعة، دي تدريب أن احنا ازاي يبقى بينا تعاون، وبعد كده قسط فردي؛ أنت حر، «فليصلي وحده ما شاء» النبي صلى الله عليه وسلم «فليطول وحده ما شاء».
أنت عندك منطقة مهم انك تدرب نفسك فيها على التجمع مع المؤمنين، فاحيانا فعلا كثرة النخب لو ما فيش فقه ونضج بيجيب أثر عكسي، بيجيب تنافس، بيجيب حسد وحقد. احنا بشر وضوغائن وصراع القرائب ووجود في نفس الزمان والمكان زي ما بيقولوا المعاصرة حجاب. المعاصرة حجاب يعني أن الشخص معاصر لنفس الشخص ما بيشوفش مزاياه. بعد ما الاتنين بيموتوا ويجي بعد خمسين سنة تيجي ناس يقول لك والله فلان كان مميز اللي كانوا يعني كانوا بيقطعوا بعض وردوا على بعض، ييجي بعد الخمسين سنة ما يموت ولا مئتين سنة ييجي واحد يقول لك والله فلان كان مميز في كذا وعيوبه كذا وفلان كان مميز، بيبدأ الإنصاف يكون في أريحية في التقييم.
لكن جو المعاصرة دايماً فيه نوع من الحجاب لرؤية مزايا الآخرين. قبل ما نبدأ بقى خلاص نختم بالنصائح اللي للنخب والمتابعين، أنا قلت هتكلم على تلات نقاط مهمة. اتكلمنا على مسألة زيادة المواهب، فيه حالة من اتكلمت برضو عنها قبل كده صعوبة المدرسة النقدية والولع والتصنيف، يعني بقى نحب نتكلم، بنحب أن احنا نصنف الناس؛ ده تبع أي حد بيتكلم؟ ده تبع إيه؟ ده انتماؤه إيه؟ بنحب التصنيف والنقد أسهل. وكذا حد من الأفاضل تكلم على مسألة المدرسة النقدية وأن المدرسة النقدية مهمة، مدرسة التحاليل النقدية زي مدرسة المسيري كده في تحليل المجتمع الغربي مهمة. لكن لما بتزيد عن حدها وبتتجه للداخل بزيادة وفترات هزيمة، وبس نادراً أن هي تكون يعني فيها نوع من الإنصاف يعني.
النقطة اللي عايز أقولها في مسألة المدرسة النقدية دي حاجة واحدة بس معلومة مهمة، أن تحويل القاعدة، تحويل الكلام النقدي لواقع أحياناً يحتاج إلى سنوات، تحويل الكلام النقدي لواقع وده اللي بيخلي أحياناً قطيعة تحدث بين الحركيين والعلميين عدم فهم طبيعة الواقع، وأحياناً المشكلة بتبقى عند الحركيين يعني المشكلة بتبقى عند ده وده. عدم تحويل الكلام النقدي لواقع أحياناً يحتاج إلى سنوات من المسجد، القرآن هذا الكلام الذي تكلم به الله سبحانه وتعالى حتى يصبح واقعاً ثلاثة وعشرين سنة من البذل المتواصل. أي أطروحة، عشان كده أحياناً تقابل شخص من اللي شغالين في الواقع وهارس نفسه شغل شبه ما بينامش، فتقول له إيه عايز أقعد أناقش معك في بعض الأطروحات عايز أقولها لك فتلاقيه زاهد، أنت مستغرب! لأن هو عارف أن الكلام إيه؟ الكلام سهل.
وهذا برضو مش معناه أن احنا ما نسمعش أطروحات، وده أحياناً من الإشكاليات عند بعض العاملين إنه مش عايز يجدد لنفسه أو يسمع. لكن الطرف الآخر اللي بيزود في الكلام تبقى عايز تقول له يعني زي بالضبط -طالما أنتم بتحبوا الكورة قوي يعني- زي اللي بيتفرج على كورة وبعدين إيه يا ابن لف وشوط! هي لف وشوط دي يعني أنت قاعد مأنتخ؟ دي عايزة تدريب شهر، إنه إزاي يبقى كده ويلف ويجيب، ده أنت لو عملتها لو جبت مكان وجيت تعملها هتدلع على الأرض ويجي لك ديسك هتقعد بقى مش هتقوم. فاحياناً أنت قاعد بتتفرج، شف كان المفروض يقول كذا ماشي، هو صاحب لازم ينقد ويقوم، الحقيقة ما تبقاش فاهم تبعات، أصله لازم يعمل كذا وكذا ويحصل كذا ويعمل كذا، وبعدين حضرتك اللي أنت بتقوله ده جميل، بس المهم أن أنت تفهم أن تحقيق ده عايز سنوات، يعني ممكن أطروحة تتكتب في ورقتين تطبيقها على أرض الواقع يقعد خمسين سنة، فمهم دي بس نقطة عارف تبقى واعي بها فقط، يعني مش بقول أن دي تؤثر على النقد أو غيابه لأ، يبقى موجود، لكن المهم الاستيعاب ده.
النقطة التانية المهمة أن احنا نستوعبها، تلات نقاط مهمين نستوعبهم قبل النصائح: واحد يقول لك بما أن فيه اختلاف وأنا هاعمل بقى إه، أنا هاكون نموذج المحايد! لدرجة أنه بيبقى عايز يوصل لحالة من الحياد المتوهم، تيجي تكلمه على مثلاً أطروحات الضلال اللي موجود في أطروحات شحرور مثلاً أو عدنان أبراهيم أو غيره؟ يقول لك لأ بقول لك ايه، أنا ألتزم الحياد، أنت فاهم أنت فهمت التعامل مع الاختلاف غلط، أنت رحت ناحية تانية، كل ما تيجي تجيب له نقد لبعض الأطروحات الموجودة يقول لك لأ يرد علي بقى بكلامي، أصل تحويل النقدي إلى واقع يحتاج إلى سنوات ومش عارف إيه وصعود المدرسة النقدية، ويبين لك شوية كلام من كلامك المعاصر ومش عايز، لأ، ما هو أنا يعني فكرة أن لازم فيه حق، الفكرة كيفية الوصول لهذا الحق، تحصيل الأدوات، الصدق، الرغبة، كل ده بيخليك معذور أمام ربنا سبحانه وتعالى أن لم تصب الحق، لكن أنك توصل لحالة من الحياد المتوهم أنك أنت ما فيش أي حد غلط، لأ، ده غلط، أنت لازم هيكون لك انتماء معين.
احنا بنتكلم فيه، يعني مثلاً النماذج اللي أنا بحبها وشايف أنها نماذج فعالة ومنتجة وقليلة الهري، أهه زي الشيخ أحمد السيد وأطروحاته اللي بيقدمها مثلاً: رسائل للجيل الصاعد، برنامج صناعة المحاور، هو على طول شخص عايز يحفز الشباب للشغل، هل الراجل ده ما لوش انتماءات؟ لا، ليهم انتماءات، بينتمي لمدرسة عقدية معينة وفكرية معينة، يعني هو لو فتح باب النقاشات أو لما بيفتح في الخاص له ردود وله انتماءاته طبعا، وأي شخص كده وأنا كذلك، لكن توظيف ده أمتى وفين ويتقال رد على مين ويتقال فين تحديدا؟ أن دي مشكلة انتقال الخلافات على واقع كان لا يصلح فيه خلاف زي السوشيال ميديا.
يعني كانت الخلافات زمان في المكتبة في الكتب بين أهل العلم، دلوقتي الخلافات في الشارع، في الشارع! بالضبط زي أنت بتكون ماشي في الشارع بتلاقي خناقة بتوم راكن ونازل، أنت ما لوش أي علاقة بالموضوع، بس إيه، في إيه، خناقة! وتقوم الناس إيه، يعني أنا في مرة ماشي في ستاد الجامعة هنا ماشي، فلقيت زحمة صورة مش طبيعية أنا قلت حادثة حد مات أو في حاجة وبنات كتير طالعين من الجامعة، فانا بركن كده فمجموعة بنات بيعدوا فانا بقول لها فيه إيه؟ قالت لي: خناقة! طب ولما هي خناقة أنت رايحة تعملي إيه؟ قمة السعادة، رايحين يشجعوا! فهو بالضبط بقى كده، فيه خناقة بين الشيخ فلان والشيخ فلان، يلا منشن يا ابني مش عارف إيه، هو أنت رايح تعمل إيه؟ أنت يعني هو ممكن يكون أصل العنوان هو مش فاهمه أصلاً.
عجبني جداً أحد التعليقات على منشور نشرته من كم يوم، يعني إه فيه كمية وضوح مع النفس بصورة مش طبيعية يعني جزاهم الله خيراً يعني، أحد التعليقات كاتب: كنت نشرت سلسلة للشيخ العجيري إشكالية توظيف الحداثي قضية المقاصد أو نظرية المقاصد خصوصاً عند الإمام الشاطبي وقبله بقى الإمام الطوفي وكانت نشر السلسلة دي مهم للأخطاء اللي وقع فيها الأستاذ الدكتور الريسوني في المغرب وخاصة أن هو تصدر اتحاد وعلماء المسلمين في تأييد لمسألة عقدية في قمة الخطأ واستغل باب المقاصد لأن ده بابه للأسف، فكان المهم يعني كان نشر السلسلة دي الآن مهم، وأن الشباب المهتم بالقضية دي أو برد على الدكتور الريسوني يكون عنده أدوات الرد، ما يبقاش خناقة.
فأحد التعليقات جه هو اللي مش فاهم العنوان، ما لوش علاقة بالاشكالية دي، صح؟ بالضبط كده، صح، مالك أنت ومال هذه المشكلة؟ يعني زي اللي دخل في مشكلة بين اتنين كانت حصلت مش بدون ذكر أسماء يعني، في مسألة تسلسل الحوادث مثلاً في العقيدة، ده أنت مالك ومال التسلسل الحادث، مالك أنت؟ ده غير المسلسل التاني اللي يعني مالك أنت ومال ده؟ وللاسف اصبح بينعكس على كتير من الشباب. معرض الكتاب اللي فات الواحد لما كان بعض الشباب قلة بيقابله يسأله على حاجة فممكن يسأله في كتاب في التفسير، كتاب في الأسماء الحسنى، كتاب في التربويات، الوقتي بقت الناس -وده نوعية جديدة ما كانش الواحد بيشوفها كتير من قبل كده- بقي بيسأل إيه؟ عايز كتاب يساعده في الخناقة الفلانية! عارف زي اللي داخل خناقة وعايز أي حاجة، بس ناولني أي حاجة! أنا هخش إيدي فاضية؟ أنا هخش هيقول لي تاني! قل لي بس أي حاجة! فبقول له يعني إيه أي حاجة؟ فبيسألني في مسألة عقدية! قلت له دي لها تدريج معين، أنت لسه بقى تكون خلصت. أنا محتاج كتاب يشوف لي أي كلمتين أخش أقولهم! فهو أنت داخل عشان تتخانق ولا داخل عشان تصل إلى الله سبحانه وتعالى؟
يعني إشكالية نقل مكان الخناقة وأحياناً الشخص بيبقى مضطر، يعني هو شخص فتح حساب على أي حاجة من السوشيال ميديا وهو شخص علمي بيهتم بباب معين، ده بابه فهو بيطرح القضية دي، المشكلة في اللي يروح لمكان ليس مكانه. آخر حاجة قبل ما نقدم النصائح، ده شيء غريب وبرضو بيمس النقطة اللي أنا قلتها دلوقتي، اللي الواحد استغرب أن انتشرت بين الشباب في معرض الكتاب اللي فات، إحياء صراعات كان مكانها الكتب! إحياء صراعات لا يحسنها إلا اللي حاصلة أدوات معينة بدأت تصدر لعموم الشباب، طموحات كلامية معينة، أنت مستغرب إقحام جزء من الشباب فيها، سواء على المستوى العقدي في المسائل الكلامية، أو حتى في مسائل فقهية، يعني مثلاً الخناقة المشهورة بتاعة التمذهب وغيره، هو الشخص لا فاضي يذاكر فقه وعقيدة ولا فقه زمايلهم ولا أي فقه أصلاً، بس هو إيه الخناقة اليومين دول في كذا فهو ينشر، بيشجع!
يعني هو، وده مفروض مهم نعتبر أن فعلاً للأسف عموم الشباب مشغول، سواء مشغول وقتياً بسبب الأزمات الاقتصادية -خاصة أنا بتكلم على الواقع المصري- أو مشغول بسبب انتشار الشهوات والشبهات، يعني مواسير الشهوات والشبهات اللي عمالة تفتح كل شوية مخلية أن هو عشان يقبل البناء الطبيعي والتسلسل الطبيعي في البناء مع ما فيش وقت، مع أنه عايز يحصل أدوات معينة تنفعه في دنياهم عشان يعرف يعيش، مخلية أصلاً هو عشان يوصل للنقطة دي في الخلاف قدامه سنين، لكن هو عايز يحس بذاته! يعني يشعر بذاته.
دول التلات نقاط اللي كنت عايز أقولهم، أبدأ بقى سريعا كده نصائح للمتصدرين أو النخب، نصائح للمتابعين، النصائح اللي للنخب، طبعا أنا أقل من أن أنا أنصحهم، خاصة أن هم أفاضل يعني، أتكلم عن النخب الحقيقية مش الوهمية، لكن ده ممكن يفيد الجيل القادم إن شاء الله، أنتم لما ربنا يستعملكم يثبتكم ويستعملكم لنصرة الدين، وشخص يفتح عليه في باب، وأحياناً يحدث نوع من التصدر التلقائي اللي يحدث بطبيعة الحال، يعني هو شخص فتح له في باب واستعمل في باب معين، ورافض التصدر لكنه يدفع دفعاً.
فهنا لما يأتيه الأمر ده بعدم رغبة ونية فاسدة يوفق، يعان، يسدد، مع وجود بطانة صالحة ومشورة بسبب، فالإن شاء الله أنتم لما تتصدروا إزاي نتعلم من أخطاء الأجيال السابقة؟ ويكفي أن أنت لما تيجي تكلم عن الأخطاء المتقدمين اللي سبقوك، أول حاجة أنك تدعو لهم: ﴿رَبَّنَا اغْفِرْ لَنَا وَلِإِخْوَانِنَا الَّذِينَ سَبَقونَا بِالْإِيمَانِ﴾ [الحشر: 10]، ومهم جداً أنك تعرف تحفظ له فضله، بل تعتبر أن الخطأ ده أنت هتنقد الخطأ، بس لولا أن وقع في الخطأ أنت ما كنتش أنت بقيت الصح، فممكن هو أنت تمشي على نفس لو أنت كنت مكانه تغير الزمن فممكن أنت تبقى أنت المخطئ وهو اللي هيتعلم من خطأك، فاحفظ له فضله طالما هو مش متعمد، مش صاحب هوى، مش صاحب طمع دنيوي، طالما أنت تظن في ذلك احفظ له الفضل وصحح الخطأ وقل: الحق أحب إلينا من فلان. ما فيش مشكلة خالص لما تيجي نتعلم من أخطاء السابقين دي، ده ممكن يكون محض فضل من الله سبحانه وتعالى أن أنت بس جيت متأخر، ده فضل من الله سبحانه وتعالى فأنت اكتشفت الأخطاء السابقة فأنت ابتعد عنها وصلحها بحزم وبين الخطأ بوضوح، مع أنك تدعو للسابقين زي ما قلت طالما ما فيش طمع دنيوي ولا اتباع هوى.
نصائح، أول حاجة النصيحة تكون على أكثر من مستوى: مستوى العطاء، الكلام اللي بيقولوه؛ ومستوى العلاقات بينهم وبين بعض؛ ومستوى المنتج اللي بيقدموه.
نيجي على مستوى عطاء الكلام: أول شيء مهم جداً اللي يتصدر يحفظ فضل الله عليه، دي نعمة نعمة سيسأل عنها، زي أول نسأل الله السلامة والعافية، أول ثلاثة تسعر بهم النار، النبي يقول فيعرفه الله سبحانه وتعالى يعرفه نعمته عليه ثم يسأله، اللي ده ربنا يقول له: أنا أعطيتك كذا، علمتك، وفهمتك، وصدرتك، أنت ليه قلت للناس كذا؟ يعني سيدنا عيسى سيسأل: ﴿أَنتَ قُلتَ لِلنَّاسِ﴾ [المائدة: 116] كذا كذا أنت قلت للناس كذا؟ المتصدر هيتسأل: أنت ليه قلت للناس؟ ليه شغلت الناس بالقضية دي تحديداً الآن؟ الاتباع هوى ولا نصرة شخصية ولا نصرة دين؟ عملت كده ليه؟ الاستحضار ده مهم جداً، استحضار نعمة عظيمة أن تصدر، أن تصبح معلما، أن يعلمك الله، أن يفهمك، أن يبصرك، أن تكون حراً طليقاً، ويسمح لك بالكلام وتتصدق، دي نعمة ستسأل عنها، شغلت الناس بأيه؟ استحضار النعمة دي يجعل الإنسان يفكر كثيراً قبل أن يشغل الناس بقضايا معينة، سيسأل عن ذلك. لذلك طب يعمل إف؟ قال الله سبحانه وتعالى: ﴿كُونُوا رَبَّانِيِّينَ﴾ [آل عمران: 79]، تربط الناس بالله لا بشخصك، أن تربط الناس بالنص.
وبالرب لا بالشخص، مش لا ما تربطش الناس بشخصك، تربط الناس بالله. ازاي الناس ترتبط بالله؟ الناس ترتبط بكلام الله وبسنة النبي صلى الله عليه وسلم، كونوا ربانيين. ازاي نكون ربانيين يا رب؟ ازاي نكون ربانيين؟ ها؟ بما كنتم تعلمون الكتاب وما كنتم تدرسون.
يعني الأسلوب ليجعلك ما تبقاش أنت المانع والحاجز بين الناس وبين الطريق إلى الله، وده اللي أتكلم عنه بالتفصيل دكتور فريد الأنصاري في كتاب التوحيد التربية الدعوية أنك أنت تربط الناس بالنص.
وكنت أتكلمت في درس ماذا لو القرآن؟ ازاي أن النبي صلى الله عليه وسلم بتوفيقه من الله نجح؟ أن أقرب الناس ارتباطا به وقربا منه كان أكثر الناس ثباتا بعد موته صلى الله عليه وسلم، الصديق.
عن الطبيعي أو في علاقتنا بالعكس، من أقرب واحد لشخص لما الشخص ده يموت يكونوا أكثر الناس تأثرا وانهيارا، اللي حصل هو الوحيد اللي قام وثبت، وقال: وما محمد إلا رسول صلى الله عليه وسلم. النبي صلى الله عليه وسلم نجح في أن يربطهم بالله.
يعني لذلك الصديق استحضار هذه المعاني: ﴿وَمَا مُحَمَّدٌ إِلَّا رَسُولٌ قَدْ خَلَتْ مِنْ قَبْلِهِ الرُّسُلُ أَفَإِنْ مَاتَ أَوْ قُتِلَ انْقَلَبْتُمْ عَلَى أَعْقَابِكُمْ﴾ [آل عمران: 144]. أن النبي صلى الله عليه وسلم نجح أنه يربط الصديق بالله. تخيل واقع الكلمة دي أصلا على الصديق رضي الله عنه، لما النبي يقول له يعني الصديق بيحب النبي وماشي معه على طول وفي كل مكان.
في الهجرة هو الوحيد اللي اصطفي أنه يكون رفيق الهجرة، فتخيل لما النبي يقول له أن الله سبحانه وتعالى اتخذ إبراهيم خليلا ولولا أن صاحبكم خليل الرحمن لاتخذت منكم خليلا.
يعني بيقول له أنا ما فيش مكان في قلبي جنة ربنا، لو كان ينفع كنت اتخذت منكم خليلا، ولكن صاحبكم خليل الرحمن. أنت متخيل واقع الكلمة، بيقول له أنا عايز أقرّب من ربنا وأنت كمان لازم تقرب من ربنا.
لكن أحد أو أهم وسيلة في السير في طريق الله: ﴿قُلْ إِنْ كُنْتُمْ تُحِبُّونَ اللَّهَ فَاتَّبِعُونِي يُحْبِبْكُمُ اللَّهُ﴾ [آل عمران: 31]. مش اتتبعوني عشان بس أنا أحبكم، يحببكم الله، فمهم جدا كونوا ربانيين، قلنا رقم واحد استحضار النعمة العظيمة على الإنسان وأنه سيسأل عن هذه النعمة. اتنين: كونوا ربانيين. ثلاثة:
وده الإشكال بقى لما بنطبقش يكونوا ربانيين، يعني بعض الأفاضل لأسباب مش مهم يعظم قضايا هي جزئية ويخليها قضايا محورية. يعني هي قضية جزئية، القضية اللغوية مثلا معينة، أو قضية فقهية من الفروع.
يحرر، يجتهد فيها ويبذل فيها الأعمار، نعم، لكن تصدر لعموم الناس ويوالى ويعادى عليه دي المشكلة، يعني في فرق بين كيفية التعامل معها والأوقات والتخصص فيها نعم، ويبذل فيها الأعمار نعم لتشحذ الشريعة، لكن أن نصدرها لعموم الناس ونوالي ونعادي عليهم، لأ، ده مشكلة.
وأحيانا في كلمة جميلة بس أنا ما جبتش معي الكتاب بتاع دلائل الإعجاز بداية الكلام خالص عشان يدي مقدمة لأهمية علم البيان، وأسلوبه هو طبعا مبهر. أتكلم على أن العلم ده فضل بيدعيه كل أحد.
الأول، وبعدين أتكلم على أي علم من العلوم أفضل؟ قال: إن صاحب كل علم حتى يصرف عن نفسه النقص، يمتدح العلم الذي هو فيه، يقول لك العلم اللي أنا فيه ده أحسن علم.
لأن ما حدش يرتضي لنفسه الجهل النقص، ما حدش يرضي نفسه النقص، فلما يسأل عن أفضل العلوم غالبا يظل يمدح العلم الذي هو مقيم عليه أو الذي هو يحسنه ويتهم الآخرين.
هو بعد ما عمل المقدمة دي أتكلم بقى أن علم البيان اللي هو متخصص فيه أفضل علم ولا إيه، رحم الله المشكلة أن أحيانا شخص بيعيش قضية هو عايشها فعلا ومسيطر عليه وعايش مسألة معينة مستغربة، ثقيلة عليه حياته. من كتر ما هو عايش ضمن القضية دي وبيقرأ فيها وبينصرها، يبدأ شايف العالم من خلال القضية دي.
زي مش بس كمسألة علمية، حتى بعض القضايا اللي الناس اللي شغالين في الواقع في الحركة، هو مثلا عمل مؤسسة معينة، عمل مجموعة معينة، عمل فريق، عمل مبادرة معينة، بدأ شايف الناس والواقع من خلال، أحيانا يعني إيه بيعيش جوه الموضوع ده، يعني بقى بيقسم اللي جوة الفريق واللي برة الفريق.
يعني تسأله مثلا عن مكان معين يقول لك أه ده جنب الفريق، شايف الحياة كلها من خلال تقسيمة المجتمع والناس من خلال انتماءاته بس، هو ده نوع من الولاءات الضيقة اللي ما ينفعش أن الرجل ده تفكيرنا، خصوصا أن يكون أنت مش متولي على التوحيد مثلا، يعني في ولاءات معينة.
يعني أرادها الله سبحانه وتعالى منا أنك توالي وتعادي على قضايا معينة؟ نعم أرادها الله منك، لكن تضخيم قضايا وتصدير ده لعموم الناس اللي هو مش عايش أصلا تفاصيل القضية ولا مهم أنه يعرفها في مرحلته الحالية، ده خطأ.
ده رقم تلاتة. رقم بقى أربعة، لما ده بيحصل للأسف كثير من الشباب بينشغل عن ما لا يفيده وما ينفعه، بيبدأ مشغول زي ما أتكلمت من شوية وده هتكلم عنه بقى في نصايح للمتابعين للنخب، بينشغل عن السير في الطريق الحقيقي.
يعني أحيانا الواحد بيشوف بعض المعارك، استحضار يعني حديث النبي صلى الله عليه وسلم، وكان هو مش نازل فيهم النبي صلى الله عليه وسلم كان في غزوة الأحزاب لما اليهود شغلوه عن الصلاة فقال: شغلونا عن صلاة العصر.
واحد التقاط بس الجملة دي، لما بيشوف بعض المعارك التي تستهلك شهور من أعمار ناس، شهور، هو أصلا لا يملك فيها شيئا وليس له فيها ناقة ولا جمل، أنت صعبان عليك يا عمنا الشاب اللي عمال يضيع أعمار ده؟ هو هيفاجئ أنه هيكبر ويتجوز ويشتغل واللي مش هيلاقي الوقت هيندم على التهريج اللي كان بيعمله ده وتضييع الأعمار اللي كان بيعمله ده.
أصبحنا بنشغل كثير من الشباب بما لا طائل وراءه، بعض الناس مش عايزين نعمم الواحد، يعني شغلونا عن صلاة العصر، ليه ليه نشغل عموم الشباب بالخناقات دي؟ ليه؟ هل هل ده ترتيب الأعداء الآن؟ هل دي القضايا المحورية؟ المهم تطرح على الأمة؟ هل دي القضايا اللي الشباب محتاجين يتبنوها الآن؟ نتعجب.
ممكن هو الرد عشان التماس الأعذار وهو يقول ده تخصصي وده بابي، خلاص بلاش تعميم، ممكن هو يكون معذور، المشكلة في اللي رايحين له هناك ويعيشوا القضايا دي وينصروا هذه القضايا وهو مش بابك أصلا، تشغل بالك بهذه القضية؟ أنت ما لك ومال هذه القضايا؟ الإنسان لازم يكون متسق مع نفسه، أنا ما لي ومال القضية دي أصلا، ليست من بابي.
ده على مستوى العطاء، طب على مستوى العلاقات؟ إلى أن يوفق الله سبحانه وتعالى في تصور لإقامة علاقات جيدة بين النخب المصدرة على مستوى اختلافاتها، لازم نفهم أن أولا: ﴿إِنَّمَا الْمُؤْمِنُونَ إِخْوَةٌ﴾ [الحجرات: 10]. يعني أحيانا في زحمة النقاشات والاختلافات والقضايا والمناكفات بننسى الأصل، بننسى أن مبدئيا أنت مسلم وأنا مسلم، ده مبدئيا قبل أي حاجة فيه علاقة قوية بتربطنا مع بعض.
ده بينسب معارك تقام ونقاشات وخناقات وينسى هذا الأصل في زحمة الخناقات دي، بينسى الأصل أنه مسلم وأنا مسلم وأن إن شاء الله غالبا نريد الدفاع عن الإسلام، زي كلمة شيخ الإسلام لما كان التماس بعض الأعذار وهو يناقش مع بعض الفرق وقال: أرادوا صحيحا ولم يعبروا فصيحا. هو كان عايز إن شاء الله نيته تبقى كويسة.
وقال إن غالب من تكلموا ما كان بيتكلم في القضايا الكلامية في باب الأسماء والصفات، الغالب من تكلموا أرادوا التنزيه، إن شاء الله هم في الأصل عايزين حاجة كويسة، ما ننساش أن هو مسلم وأن بينا علاقة.
عايزين بقى تعمق بدون ما ننسى الأصل ده، بعد استحضار علاقة الإسلام فيه علاقات تانية المفروض تقوم بينهم تحديدا لأن دول المتصدرين، طاقة التشاور والتناصح في علاقات بتنشأ، ممكن نسميها ممكن يعني يستعير مصطلح كده نسميه علاقات تعاقدية.
يعني إيه علاقات تعاقدية؟ يعني مثلا مثلا، شايف بيقول لكم حاجة، يعني مثلا برنامج زي مساق مثلا، الأفراد اللي فيه الكوادر اللي فيه أفاضل، الرابط اللي بينهم البرنامج، ممكن مساق ده يخلص أو البرنامج يخلص ينفضوا، دي علاقة جيدة نوعا ما.
لكن عايزين أعلى منها، بيتم أحيانا علاقات تعاقدية على مشروع، دي علاقة علاقة ناضجة، علاقة جيدة، علاقة شغل مش جدل، يعني اعمل برنامج تعليمي يقدم كذا، عايزين متخصص عقيدة، متخصص فقه، متخصص تفسير، متخصص دعوة تربية يكونوا مع بعض، بيجمعهم نوع من التعاقد اللي ممكن ينفض مع انتهاء ده.
فده مبدئيا علاقة جيدة، لكن أيضا نريد علاقة أعلى منها، ونستصحب أن في دور أكبر من مجرد الدور الجزئي ده، لكن على الأقل ده يبقى هم، ما تبقاش العلاقة مجرد جدال، أعمال تقدم، مبادرات تقدم، لكن اكتفاء العلاقات التعاقدية أنا شايف أنه على المستوى البعيد مش جيد، ممكن يرجع يعمل أزمات تانية.
فمهم أن يكون فيه ربطة بين الناس تتواصل، مجرد التواصل، التواصل ده يفتح، ودي نقطة نتكلم فيها دلوقتي تقولها متأخرة: إيه القضايا اللي الأمة محتاجاها؟ مستحيل، وده من المزايا اللي أنا نسيت أقولها في اختلاف النخب، من المزايا الهامة جدا جدا جدا، مستحيل حاجة يحيط النظر بقضية كبيرة، أكبر مثال على ده لسه مثال حاصل في في سبع سنين بتاع الجزيرة، لما
أنواع التناول اللي تم أنا شايف أن ده شيء جيد أن كل واحد متميز، ده بص من وجهة الإلحاد، ده وجهة تربوية، ده من وجهة سياسية، ده من وجهة علمية، النظرات المختلفة دي لا يحيط بها أحد، أي باب خصوصا القبائل الكبيرة مستحيل أن شخص أو فرد أو جماعة واحدة تحيط بالنظر.
الاختلاف ده بيخليك تنظر للشيء من زوايا مختلفة، ولأن غالب القضايا هي أشبه بالقضايا الدائرية، فمهما أنت كنت الزاوية اللي واقف فيها صعب أنك تحيط بها، محتاج مشورة من إخوانك، أبواب مختلفة.
فلما نجي نتكلم الآن مثلا على مسألة، يعني مثلا زي ما الرسائل اللي بيعملها الشيخ أحمد سيد: رسائل الجيل الصاعد. هو الجيل الصاعد ده محتاج إيه تحديدا؟ ده سؤال كبير، محتاج مشروع ومحتاج نقاشات، ده المفروض يحدث بين المتصدرين حتى لو اختلفوا في النتائج.
واحد شايف الحل في التصدي للشبهات، واحد يقول لك لأ بالعكس، الإيغال في الرد على الشبهات ده بيفتن الشباب أكتر، احنا نهتم بالبناء، فيقولوا لأ، مهم جدا أن احنا نرد على الشبهات، وياااه، أنا قابلت ألف شاب الحدوا بسبب، يقول له وأنا قابلت ألف شاب كان سبب ثباتهم هو الاهتمام بالبناء مش بالشبهات.
وده يجيب له موقف قابله، أن الشاب اللي كان بيهتم ولسه أحد الشباب مسميه فلان شبهات يعني، كل ما يقابلني سمعت آخر شبهة؟ عامل زي، سمعت آخر ندرة كده، قل، عارف مرة واحد مش كده يعني، سمعت آخر شوية بقول؟ هو متخصص تجميع شبهات، فممكن يكون تعرضه للإجابات عن شبهات كتير عمل له رد فعل عكسي، واحد تاني استفاد جدا، الاتنين بقى وجودهم مهم.
ده معه أدلة فعلا ورأي قوي وإحصائيات تثبت أن كلامه صح وده، يبقى احنا محتاجين الاتنين، محتاجين ناس تهتم بالبناء وناس تهتم بالرد على الشبهات، يحيلوا على بعض، ده بيبني، قبله حد عنده شبهة يقول له مش تخصصي، روح لفلان يرد على الشبهة، فلان بيرد على الشبهات اللي بيرد، اللي هو عليه حس بقسوة القلب قال له عايزه تبني، خلاص روح لفلان ده مش تخصصي.
فمهم جدا أن يكون في علاقة، أيا كان نوع العلاقة، تواصل، تواد، تراحم، علاقات إنسانية، حاجة عشان يحدث هذا التواصل، احنا نشوف بعض، ما يحدثش تدابر، لأن لو جه حدث تدابر، وهنا بقى دخلنا على باب العلاقات، لما بيحدث تدابر احنا ما بنشوفش الخير إلا عند بعض.
يعني لما بيحصل تدابر بين فلان وفلان، ما حدش شايف الخير اللي عند التاني، ومش بس ما بيشوفش الخير اللي عنده، بننتقل إلى بقى شيء أسوأ وهو سوء الظن. الواحد لما بيجي يقرأ كتب المستشرقين في تحليل السيرة، سيرة النبي صلى الله عليه وسلم أو تحليل التراث، تجد أن المستشرق غالبا عنده سوء ظن، هيفسر الحدث ده، يقول لك أصل هنا الغرض سياسي وهنا غرض طمع دنيوي، هو مش المستشرق ما عندوش مصطلح للتضحية لنصرة الدين.
أنا كنت بقرأ بتاع شادي حميد دوت في الاستثنائية الإسلامية فبيتكلم أنه كان يقابل شباب عندهم استعداد يضحوا بروحهم في سبيل الله فكان بيقول إيه: وأنا لا أتفهم هذا. هو كان صادق يعني، يعني إيه يعني الكلام الغريب ده؟ مش فاهم يعني إيه يضحى بهم؟ هو في حاجات هو مش فاهمها.
أصبحنا نفس النفسية بتاعة التحليل بسوء الظن بقت موجودة بينا وبين بعض، أجي أشوف فلان عمل حاجة أصل فلان عامل كده عشان يترسم، وفلان أه ده من بتوع البترودولار وبتوع العملاء، وفلان أه فلان ده معروف ده ده عميل أصلا، وفلان ده فلان ده مستأجر.
ده أصبح على طول الاتهامات اللي تلقى كده جذافا، ما فيش بيانات، يعني مش مثلا حد معه بيانات وقرائن وأدلة عشان يلقي تهمة عظيمة زي دي، لأ عادي، والاتباع بكرروا.
يقول له فلان أه فلان أه ده ده مصاب، يلقي كلمة يلقي لها بال، كلمة كده. ده لما حصل تدابر انتشر سوء الظن. أيضا مشكلة في العلاقات سواء على مستوى النخب أو حتى بينا وبين بعض، عدم قبول، ركزوا معي، عدم قبول.
معلش، عدم قبول أنصاف العلاقات. يعني افترضنا أن احنا اختلفنا واتناقشنا ومش عارفين نوصل لحل، ومختلفين خلاف جذري في مسألة؛ خلاف جذري، خلاف كلامي أو خلاف لفظي يعني، مش خلاف حد يصارع ما بيننا، خلاف كبير في منطقة معينة. طيب، وبقية المناطق؟
العلاقات ليه تبقى صفر؟ يعني ليه برضو ما نتبناش مبدأ... ولذلك أحياناً بعض الأشخاص يعرف أن أنا مختلف مع فلان وخلاف كبير، ممكن أكتب يرد عليّ وهو يرد عليّ في مسألة معينة، خلاص؟ وبعدين يفاجأ أن في خاصة راسلته فيها وهو سألني عن حاجة فيستغرب! هو الحياة مش كلها كده؛ يعني مش قطيعة، مش اختلفنا في باب ننقل الخلاف لكل الأبواب، لأ، على حسب. ليه الخلاف ده اللي في الباب ده وفي المسألة دي ينتقل لكل...؟ احنا قلنا لسه بينا الإسلام، يعني بينا الإسلام والسنية، اتباع سنة النبي صلى الله عليه وسلم، كل ده احنا متفقين عليه، وتعظيم أهل العلم وكلام السلف، وأهمية نصرة الدين والحرقة على اللي بيحدث للشباب، كل ده احنا متفقين عليه. بنختلف في بعض الاختيارات في المسائل وفي بعض الوسائل، طيب ما احنا بيننا بقى لسه جزء كبير، ليه ننقل مساحة الخلاف نعممها؟ ليه ما نخليها في مكانها ونعترف بها ونستمر في الخلاف فيها وفي التقسيم على بعض؟ في شخص ما بيستوعبش، يقول لك: أنت هتجنني! أنت مش كنت لسه بترد عليه؟! أنت ازاي بتسلم عليه؟! أيوه، ما أنا كنت بارد عليه في المسألة دي، احنا بقيت لسه أنا لم أهجره في الله، طبيعي أن أنا لما أقابله أسلم عليه، أنتقدت في الباب ده وقرأت له واستفدت له في هذا الباب الآخر. أنا لما أنتقدته، أنتقدته في باب العقائد مثلاً، لكن الأسباب الفقهية استفدت منه، احنا يعني زي ما قلت كثير من الناس هو عايز إيه؟ عايز حلو ولا وحش! وده بقى موجود عند المتصدرين أحياناً، أختلف في باب بلوك!
ما فيش أي تواصل، ما فيش أي علاقة! طيب، أومال دي تتحل إزاي؟ تتحل أن احنا نعترف بالخير اللي عند بعض. الكلمة المحورية اللي قالها سيدنا الخضر لموسى عليه السلام، كلمة يعني تدرس، شعار بيقول له: ﴿أَنْتَ عَلَى عِلْمٍ﴾، يعترف بفضله، ثم ينزل الفضل لله: ﴿عَلَّمَكَهُ اللَّهُ﴾، ثم يعترف بالنقص الذي عنده: ﴿لَسْتُ أَعْلَمُ﴾. بيعترف بالفضل اللي عند الآخر، ينسب الفضل لله، بيعترف بالنقص العملي: ﴿وَأَنَا عَلَى عِلْمٍ﴾، بيعترف بمميزاته، مش معنى أن أنا اعترفت لك بالفضل أن أنا ما عنديش حاجة، لأ، أنا برضو عندي علم وأنا برضو ربنا فاتح عليّ: ﴿وَأَنَا عَلَى عِلْمٍ﴾، ثم ينسب الفضل لله: ﴿عَلَّمَنِيهِ اللَّهُ﴾، وبعترف أن ده مش عندك: ﴿لَسْتَ تَعْلَمُ﴾، واحنا محتاجين لبعض. الإيمان بالست جمل دول، ومنهم طبعا جملتين بنسب الفضل لله سبحانه وتعالى، ده يعني ممكن يكون إيه؟ قانون في العلاقات مهم جداً، لو موجود هنبدا نحيل على بعض. أعترف أن ده مش بابي، أنت بتسألني في باب في شبهة إلحادية معينة؟ ده مش بابي، والله ممكن فلان يرد عليك. الباب ده مسألة معينة في تفاصيل الأسانيد في قضايا السنة؟
والله فلان، إن صح بقى تعبير نخبة أو مرجعية في الجنة، هو يرد. يبقى باب الإحالات ده موجود ما يحصلش التدابر، فبالتالي لو اعتبرنا القاعدة دي، تنشأ بقى بينا مصطلحات؛ إيه؟ أخي هارون هو أفصح مني لساناً، فبالتالي أنا بكل تلقائية أقول: أخي هارون هو أفصح مني لساناً في باب الإلحاد، أخي هارون هو أفصح مني لساناً في باب الفقه، أخي هارون هو أفصح مني لساناً في باب الوعظ، في باب التربية؛ لأن أنا بحترم كل الثغور أصلاً. يعني أنا مش بقول إن واعظ والتاني يقول: ده فلان ده قاعد في برج عاجي عمال يفكر مع نفسه كده عمال يحرق في دماغه في الفاضي ومش عايش في الواقع أصلاً. والتاني يقول: لا يا عم، ده فلان ده بيقعد يقول كلمتين ويزعق وخلاص وما بيفهمش في حاجة! لأ، احنا أصلاً بحترم كل الثغور، فبالتالي أنا بحترم كلمة: أخي هارون أفصح مني لساناً في إيه؟ هو أفصح مني لساناً في الباب ده، هو أفصح مني في الباب ده، هو فليتفضل.
لكن فكرة أن أنا أتصدر في كل الأبواب لأ، غلط، وده محتاج أن يكون صادق مع نفسه: وَمَا مِنَّا إِلَّا لَهُ مَقَامٌ مَعْلُومٌ. ما حدش هيحدد لك مكانك، أنت اللي ترسم لنفسك مكان ما تتخطاه، تقول: ده مش بابي. لازم يكون عندك الجرأة على ده، أنك تقول: هذا ليس من تخصصك. ده مش عيب، بالعكس، أن تتكلم في غير ده هيأتي عليك باللوم، لن تعذر، قف في المكان الذي ربنا وقفك فيه، ما تتخطاهوش. وهو منا إلى يوم القيامة غياب بقا والقانون، أنت على علم وأخ هارون هيخليك بقى تقول إيه الكلمة الشيطانية التي قالها السامري؟ وَصَرْتُ بِمَا لَمْ يُبْصِرُوا بِهِ! أنا الوحيد اللي ما حدش فاهم، كأن فلان ما بيفهمش حاجة، فلان ما يعرفش حاجة. طب في الباب ده بتاعك، طب والأبواب التانية؟ لأ، برضه! يعني فانت عندك أخي هارون أفصح مني لساناً، ومنا له مقام معلوم، قصادها: وَصَرْتُ بِمَا لَمْ يُبْصِرُوا بِهِ. وطبعاً طولت عليكم معلش، وَلَا تَنَازَعُوا فَتَفْشَلُوا وَتَذْهَبَ رِيحُكُمْ، كنت شرحتها برضو ممكن ترجعوا لها.
آخر حاجة في النخب: الشاب الكادر ده احنا بنحصل عليه بالعافية، أرجو أن احنا ما نضيعوش وهو ما يضيعش نفسه. يعني الواحد قلبه يتقطع أنك أنت تلاقي حد من النخب المتصدرة إما أنه يترك الطريق أو يضغط نفسياً أو يدخل في خناقات أو يستهلك في معارك وهمية، أنت يعني قطع وأنا ناقصين؟ أنت دلوقتي في ظل أزمات رهيبة، فين عشان يجي لك كادر دلوقتي ويكمل في الطريق؟ الشاب دلوقتي لما فين أما يبدأ ها يقتنع أنه يقرأ ولا يطلب علم، آخره ثلاث أربع سنين بتوع الجامعة بيقضيهم خناقات وتضييع وسماعت آخر شبهة، يعني بس هدفك معه أنه يحافظ على أصول الدين والصلاة والإيمان، ده هدفك معه، وده دور بقى اللي شغالين في يوجهوا خطابهم، وده مهم تعليم خطابهم، عشان كده فان يجي لك حد مبني متأصل وعنده فقه ومتعلم وبعدين يشغله بالقضايا ده حاجة يعني هناك لاهم راس مالنا، أهم راس مالنا نرميه في المعارك الجديدة، أمر بصراحة مؤلم جداً يعني.
مهم جداً في مسألة العلاقات أن السياسة الشيطانية المشهورة: العزل ثم البتر. شياطين الإنس والجن لما بيحبوا يفرقوا أو يحبوا يضربوا، يعزلوا الأول وبعدين البتر، حتى اللي بيعملوا بتوع الجراحة في البتر بيعمل كده، يعزل البتاع عكسه. فالإنسان يحرص على التواصل مع إخوانه. آخر حاجة مهم جداً أن الناس دي لما يحصل بينها تواصل، تبدأ إذا ذكرته تبحث عن أصول كلية وقضايا كلية تدعمها، زي ما كده خير ربنا يفك كربه كان بيتكلم على دفع الهيمنة الأمريكية، لما تيجي أصلاً المصطلح ده لسه بقرأ الكتاب وفاهم الإسلام السياسي، بيتكلم أن المصطلح ده قديم من أيام جمال الأفغاني أصلاً، لما حصلت العمالة الغربية ودفعها، أياً كان في قضايا كبيرة زي مثلاً رد على الإلحاد، في قضايا كبيرة مهم أن احنا نتبناها بدل ما نشغل الشباب بالمعارك الجزئية الصغيرة، فيه معاني كبيرة ممكن أن احنا نتبناها وندعمها، ومسألة ينفع كثير من الناس يخشوا فيها.
واحد يقول لي إيه؟ طب أنت دلوقتي بتكلم النخب اللي ممكن تكلم في الأبواب دي، طب افرض حد متصدر في هو أصلاً متخصص في أبواب من أبواب المقالات العقدية، مقالات الفرق، أو مسألة فقهية فرعية معينة، ده تخصصه، جميل جداً يتخصص في الباب، المشكلة ما تبقاش عنده، عنده في تعميم ده وتصديره لعموم الناس والولاء والبراء عليها، أو اللي رايحين يخشوا في الإشكاليات دي وهي مش بتاعتهم، يخشوا في الخناقات دي وهي مش بتاعتهم. كان لسه حتة في النخب أن هم يقدموا مشروع ومنتج مفيد زي المبادرات العلمية الجميلة. آخر حاجة نختم بها، نصائح للمتابعين لنا، احنا بقى نعمل ايه النخب والخلافات والسنة الموجودة، احنا نعمل ايه بقى؟
نقطة محورية تطلع بها من الدرس: إياك أن يصرفك هذا الخلاف عن غايتك، وهي الوصول إلى الله سبحانه وتعالى. أنت عايز ترضي ربنا، أكبر مشاكل الخلاف بالنسبة لنا واحنا بنتابع الخلاف، أن بتحولك أنك تنسى غايتك. مهم قوي أنك تكثر من الدعاء: اهدنا لما اختلف فيه من الحق بإذنه. أول كلمة قلتها إيه؟ اهدنا، ده غرضك إيه؟ الهداية، مش غرضك الانتصار ولا أنك أنت تكون مع القوي ولا مع المشهور ولا مع اللي له فلوورز ولا مع اللي كسب ولا، أنت عايز توصل للحق، تبحث عن الهداية، أن يطلع الله على قلبك ويجد صدقاً. أما هذا زي ما النبي صلى الله عليه وسلم قال: صدق الله فصدقه الله أن السهم يخترق كل الجيش ويصل في المكان الذي وضع عليه، اسمعوا. ده صدق! أن من الخلافات الرهيبة الموجودة بين الأديان، أديان باطلة، وأنه ينتقل من المجوسية النصرانية للإسلام كصدق، إزاي يوصل من بين فرث ودم كده؟ إزاي وفق لكده؟ لا المكان كان يسمح للوصول ولا الأحداث كانت تسمح للوصول، لكن يقول الله سبحانه وتعالى في سورة لها اسم فيه نوع من الظلام الليل، يقول الله سبحانه وتعالى في هذه السورة: ﴿إِنَّ عَلَيْنَا لَلْهُدَىٰ﴾ [الليل: 12]، لكن لمين؟ مش لأي حد: ﴿فَمَنْ أَعْطَىٰ وَاتَّقَىٰ * وَصَدَّقَ بِالْحُسْنَىٰ﴾ [الليل: 5-6]، الصادق المخلص اللي بيبذل هو ده اللي بيوصل. إياك أن يصرفك الخلاف عن هذا، أن يصرفك عن وجهتك وهي البحث عن رضا الله سبحانه وتعالى. أنت مرادك إيه لما شفت اختلافات؟ عايز تصل إلى الهدى: اهدنا لمختلف، تكثر من الدعاء، مش أنت عايز خناقة وتفرح فيها؟ لأ، أنت عايز تصل إلى الله سبحانه وتعالى.
نصيحة تانية: ابعد عن عقلية الألتراس، لا تكن ألتراسموث، ما تبقاش مشجع! يعني بلاش أن يعني مثلاً من الأحاديث العجيبة: الراجل اللي وقف لموسى عليه السلام وقال: هل في الأرض أعلم منك؟ يعني سيدنا موسى وعظ موعظة عظيمة وبكت منها العيون وتأثرت القلوب، يقوم واحد طالع كده يقول له إيه: الشخص ده؟ بلاش تبقى زيه! يعني واحد كاتب منشور، يجي واحد في التعليقات: ما فيش حد أعلم منك، أنت حطيت عليه، أنت نسفته! ما تعرفش أنت بتعمل في نفسيته إيه. يعني بلاش، بلاش هز العقلية، أنت أصلاً ممكن ما تبقاش عارف إيه الخناقة أصلاً! يعني أحياناً الواحد يقرأ التعليقات ومش عارف قصف جبهة وخناقات وصور بقا وبتاع وحاطط صورة نينجا وصورة مش عارف، ممكن تدخل بروفايله ده أصلاً تجد أن هو ده مع برشلونة أصلاً، مالوش علاقة دي خالص أساساً! لكن زي ما قلت لك: اوكي ماشي، لقى خناقة قام راكن وقام نازل. فبلاش تبقى كده، بلاش احنا اللي نضيع الناس، بلاش تساهم، بلاش تبقى أنت الشخص، يعني ما تكتبش حديث الخضر مع موسى كله بالفوايد اللي فيه تطلع في إيه؟ أقوم بالدور ده! آه، هل في الأرض أعلم منك؟ يقول لك: مش هو لما قال لي كده سيدنا موسى راح وحصل خير عظيم، خلاص، أنا أقوم بالدور جايز يحصل خير عظيم من ورانا!
نصيحة برضه: لا تنشغل، مع احترامي لكل الأفاضل المتصدرين، لكن لا تنشغل بهؤلاء. نصيحة: لما تلاقي أنواع معينة من المتصدرين، لا تنشغل؛ مين هم؟ اللي ما بيتبناش أصول الشريعة، يعني اللي ما بيعظمش القرآن والسنة وكلام السلف، لا تنشغل به. لا تنشغل باللي بيجعل لسانك مليء بالسب والشتم والقذف، اللي لما تصحبه فترة وتتابعه فترة، تلاقي لسانك بدأ الشتم والقذف، اتهامات بقا سهل كده، لأ، توقف عن متابعته. لا تنشغل باللي بيجعلِك تدور معه في معاركه الشخصية، يعني أنت فوجئت أنك أنت قاعد بتلف حوالين شخص وخناقة فلان، يعني أنت سبت الدين وقاعد بتدور معاركه الشخصية هو! ده ما تنشغلش به، ربنا يوفقه وادعي له، أنت ما تنشغلش أنت طالما ده مش بابك ومش قضيتك، ما تنشغلش بواحد هو عايش حياته كلها معارك شخصية وعايزك تلف حواليه. إذا قلت لك بتحبه، ادعي لي، ما تنشغلش بكثير التنقل، الشهر ده بيُنشر قضية، الشهر اللي بعده عكسها، وقاعد بيتنطط، وأنت يا عيني غلبان ما تلحقش تستقر في حتة، يقول لك: لأ، انقل يا عم، أنا لسه أصلاً لأ ونعمل كذا، فانت قاعد ضيعت أعمارك فيه! طيب، ما تنشغلش، ما تنشغلش بتوع التفاهة، لسه مقطع جميل قوي برضه لأحمد السيد اللي هو صناعة التفاهة، أنت ما بتشغلش باللي بيجعلك بتتكلم في قضايا تافهة كتير. المتابعة شخص والاقتراب من شخص بيظهر أثره عليك، قيم ده عليك، اتكلم في التفاهة، السب والشتم، بتتنطط، مشغول بمعارك شخصية، توقف عن متابعة هؤلاء.
نصيحة رابعة: بلاش عقلية وأنت بتسأل: الشخص ده حلو ولا وحش؟ لأ، ممكن يكون عنده إشكال وعنده ميزة. كنت تكلمت دي في درس اسمه قواعد التفكير المنطقي، ممكن ترجعوا له، الناس اللي بتحب تتعامل الاتباع الكامل أو الإسقاط الكامل، يعني في واحد كده يعني إيه؟ يا إما يمشي وراه في كل حاجة يا إما عايز يموقته إسقاط تام.
من المهم جداً اللي بيحصل مع متابعة الخلاف الجيد حتى مش الخلاف السيء، التشتت المعرفي اللي بيحصل، أو اللي أنا ممكن نسميه كمان حالة التسمم المعرفي، اللي هو زي ما قلت لك الشخص اللي عايز عايز يبقى كل حاجة، يعني شخص...
عايز يبقى زي فلان وفلان وفلان، ومنبهر بفلان وعايز يقلد فلان. فتلاقيه عايز يبقى متين في الفقه، وفي العقيدة، وفي الرد على الإلحاد، وفي العلوم الاجتماعية. يعني هو زي ما قلنا من شوية ده تحقيق، ومحتاج لسنوات، وهو أساساً ما عندوش وقت. فمحتاج إنه يكتشف نفسه بصدق، ما يبقاش طماع.
ودي بتفيد قوي هنا بقى النقاشات التربوية مع حد ناضج. هو يكون عنده ذاتية ونضج وفهم، وصادق مع نفسه وعارف ظروفه. عارف في الآخر يعني هيقعد يحلم بالقضايا ديت؟ وبعدين هيحصلها امتى، أو هيدفع ثمنها أمتى؟ فخد بالك ما تشتتش نفسك، ابدأ في حاجة.
ونصيحة مهمة جداً: أجل كثيراً من أسئلتك لمنتصف الطريق مش لأول الطريق. يعني امشي دلوقتي في أي حاجة. اللي قاعد فترة، يعني واحد يقول لي مثلاً أنا شفت المنشور بتاعك بتاع تجميعة المبادرات العلمية، أو فيه صفحة جميلة على التليجرام اسمها إعلانات الدروس تقريباً، أو إعلانات السلاسل، مش حاجة زي كده. جزى الله خيراً القائمين عليها، صفحة جيدة جداً.
فدخلت عديت المبادرات لقيتهم مثلاً مئتين خمسة وتسعين مبادرة مثلاً. أعمل إيه؟ هو يعني هتعمل إيه؟ مش معقول هتخشهم كلهم. يعني ومش تلاقي أحياناً أنا بدخل صفحة شخص مش عارف هو ربنا يوفقه، بس بلاقيه كاتب إيه، مش عارف إيه صناعة المحامي، نسق تاج الكرامة، الآفاق لو دا- بالتوالي يعني ماشي، لكن ده بالتوازي مع بعض؟ ربنا يعينك.
شايف إنك بتخش أكتر من اتنين. يعني هتخش أكتر من اتنين، ده دي ممكن نسميها الأغلبية. تخخش أكتر من حاجتين؟ ادخل في حاجة خلصها وادخل في اللي بعدها. طب دي ولا دي؟ اللي تحبه الأول، اللي سهل، اللي في المتناول، اللي هتقدر تكمله، اللي أنت مقبل عليه. طب ما جايز أحسن؟ وقف بقى أسئلة وادخل. أصلاً جايز ولو دخلت، فكر بعد ما تخلص لك خمس ست مبادرات كتير، فكر جوة ما تفكرش برضه. فكر من الداخل، يعني امشي شوية مش هيحصل لك حاجة.
زي ما قلت لك أنت بتقابل الشخص بيسأل، بتقابله بعد تلات سنين بيسأل نفس الأسئلة مع تغيير، لأن خلصت المبادرات اللي ظهر غيرها، بيغير بس الأسماء. سواء أسماء الأشخاص، أو أسماء المبادرات، أو أسماء الدورات العلمية. لو كان مشي في أي حاجة كان قطع، فبلاش إن أنت تشتت نفسك وعايز تخخشها كلها. سوبر مان وبات مان ومش عارف، عايز تبقى كل البنات دول في نفس الوقت ما عندكش وقت أساساً. امشي لك، اصل افرض طلعت غلط؟ مش مشكلة، أديك استفدت. هتقول اللي جاي وراك ما تخخش، يعني يبقى أنت كده خدت ثواب عظيم، بس امشي. ما تعطلش.
معلش أنا بس، أصل النموذج ده أنا باعاني، شفته كتير، فأنا يعني أنا باحبه وكل حاجة بس أنا صعبان عليّ. آخر حاجة أختم بها، معلش لو طولت عليك جداً أنا أسف. يعني الخلاف عبودية. أنت مطالب ماذا ستفعل أمام هذا الخلاف؟ أياً كان الخلاف. الخلاف الفقهي مثلاً، هل هتتبع هواك ولا تبحث عن الأعلى؟ الخلاف الحركي، الغيبة، انتقاص عقيلية التشجيع. يعني اللي بيحصل أمامك ده قدر، أنت مطالب هتعمل فيه إيه؟ هتتصرف ازاي إتجاه ما يحدث؟ هتسيب القضية؟
في واحد يقول لك: بقول لك إيه، أنتم مش مختلفين مع بعض؟ أنا هسيبها لكم، اشبعوا بها، أما تبقوا تتفقوا على حاجة ابقوا قولوا لي. ده وقع في فتنة. أو اللي بيتابع فلان انتقاماً، حتى أنسوكم ذكري! يعني ممكن تنشغل بحاجة لدرجة إنك تنسى ذكر ربنا، اللي أنت كنت داخل عشانه أصلاً. أنت بدأت تشجع فلان وتشجع فلان وتشجع فلان ومعارك، ونسيت هو أنا كنت داخل الطريق ده ليه؟ أنا إيه اللي كان جابني هنا أصلاً؟ أنا أصلاً كنت تافه! هو إيه اللي جابني هنا؟
هو فوجئ إنه من كتر المعارك نسي إنه كان داخل ينصر دين ربنا، وإنه كان داخل يتعلم ويريد أن يصل إلى الله سبحانه وتعالى، ويريد أن يقيم الليل، وأن يبكي من خشية الله، وأن يتقن الفرائض، وأن يدافع عن سنة النبي صلى الله عليه وسلم. نسي كل ده، بدأ مشغولاً. فالخلاف قدر، ماذا ستفعل أمامه؟ استحضار العبودية مهم جداً جداً. وزي ما قلت ده مش معناه بقى إنك تقول لك إيه: منطقة الحياد المتوهم بقى والمثالية المتوهمة. لأ، أنت تظل ترى الأعلم وتتبعه. ما هو أنت عندك مرحلة أنت لسة ما عندكش اكتمال أدوات، الأتقى والأعلى تتبعه وتمشي فترة. أنت معذور برضه.
تاني سؤال: وأصل افرض أنت معذور؟ صدق وتحري وبذل الوسع، أنت معذور. معذور أمام الله سبحانه وتعالى. وقوفك؟ ما فيش حل، يعني في عندنا تصورات مثالية، الواحد نفسه يتكلم على برضه إشكالية التصورات المثالية ديت، إنه واقف مستني الدنيا تبقى يا أبيض يا أسود. بيبقى قاعد كده اهو، مش هيحصل، أو مستني ناس مشيت في طريق توصل آخره وترجع تقول له تعال، الطريق ده آمن. لأ، طول ما أنت ماشي تزل فيه اختلافات، ودي آخر كلمة في الدرس النهاردة.
ما فيش حل لإشكالية الخلاف النخب؟ نعم. دي مفاجأة، أنا آسف إن أنا أخرتها، كان المفروض أقولها في الأول بحيث الناس اللي عايزة تمشي أو مستعجلة. آه، يعني ما فيش الباسورد هتدخلها يسهل لك ده؟ ده عبودية. هتعمل يعني هتبذل مجهود عشان تصل إلى الحق، زي ما بيحصل خلاف دنيوي بين اتنين دكاترة في عملية من عمليات القلب وأنت تبذل وسعك وفي الآخر بتتوكل على الله وبتستخير.
ده موجود من أهل العلم وهيظل موجود، فيه أدوات للتعامل مع ده. تفاصيل بقى ازاي نتعامل -يعني الدرس كان مجمل- تفاصيل بقى ازاي نتعامل مع الخلاف الفقهي ده تلاقيه في كتاب مثلاً مثل اختلاف المفتين أو كيف نتعامل مع اختلاف أهل العلم. التفاصيل بقى يعني أنا مش عايز الأسئلة تجي إيه: طب أنا فلان بيقول كذا لأنه مكروه، وكذا إنه حرام، أعمل إيه؟ لأ، ده فرع من هو كيف نتعامل مع أبواب الخلاف الفقهي؟ ده على حسب درجتك، عندك علم مجتهد، تعلم مقلد، حسب درجتك، وحسب فهمك للمسألة، حسب يا ترى مين الأعلى؟
هذه أبواب، مش ده كان أصل السؤال، لكن مجرد إن فيه خلاف فقهي أمامك أنت عملت إيه قصاده؟ هل أنت اتبعت هواك، وكل ما حد يكلمك في أي باب أصل فيها خلاف، بقيت حياتك كلها سبهللة، وبقى ردك أصل فيه خلاف؟ سبت الدين ليه أصلاً؟ أصل هما مختلفين! ده مش عذر. أنا قلت لك إن هذه سنة قدرية موجودة، دعا النبي صلى الله عليه وسلم ربه أن يصرفها فأبى الله سبحانه وتعالى إلا ذلك.
هذه من الأقدار التي قدرها الله سبحانه وتعالى والبلاءات التي قدرها الله على هذه الأمة. أكثر من دعاء: اللهم اهدنا لما اختلف فيه من الحق بإذنك. أقول قولي هذا، واستغفر الله لي ولكم. سبحانك اللهم وبحمدك، أشهد أن لا إله إلا أنت، أستغفرك وأتوب إليك، وجزاكم الله خيراً.