إعادة ضبط (2): مفاهيم الاستضعاف من خواتيم سورة هود | د. أحمد عبد المنعم

السلام عليكم ورحمة الله وبركاته، بسم الله والصلاة والسلام على رسول الله صلى الله عليه وسلم. بإذن الله سبحانه وتعالى المجلس النهارده إن شاء الله -المجلس اللي فات- اتكلمنا عن درس بعنوان إعادة ضبط. واتكلمنا إزاي القرآن بيجعل الإنسان يفكر تفكيراً شرعياً سليماً. إزاي القرآن بيعيد ضبط العقول والقلوب والأرواح والنفوس؟ بيضبطها على الفطرة، فبتكون هناك كثير من الإشكاليات اللي قبل ما نتكلم في حلها بيكون الإشكال الأكبر أن ذوق الإنسان وفطرته تغيرت، ده الإشكال الأكبر؛ أن ذوقه، وأن فطرته، وأن عقله تغير. اتغير ليه؟ اتغير بسبب الواقع اللي عايش فيه، فأصبح بيستمد المبادئ والمعايير والقيم بيستمدها من الواقع، مش بيستمدها من الوحي.

يعني في فكرة كبيرة بتنتشر في أشخاص مشهورين في دول متقدمة، هو بيشرب المفاهيم والمبادئ والعقائد من الشهرة، من الكثرة، فبيتغير الإنسان. يرجع للوحي فيفاجأ أن الوحي -أن كتاب ربنا سبحانه وتعالى وسنة النبي صلى الله عليه وسلم- بيحصل بيننا تصادم بين الوحي وبين الواقع، فهو جواه بيحدث هذا التصادم؛ إما أن هو ينهار ويترك المبادئ ويستسلم ويقبل بالواقع، أو أنه يقبل بالنص، ويبدأ يقتنع بالنص ثم يشتبك -بعد ما اقتنع بالنص- مع الواقع، ويحاول يغير قدر المستطاع بمفاهيم بقى شرعية عن طريق مثلاً نوع الاستطاعة أو القدرة، ويبدأ يقوم بالتغيير. لكن في حد من الأول بيقرر أن هو يترك الوحي ويتماهى تماماً مع الواقع. النهارده هنشوف إزاي خواتيم سورة هود، أو هنتكلم عن سورة هود، إزاي أن القرآن بيعمل ضبط للنفس البشرية؟ ولا سيما عند طول فترة الاستضعاف.

النفس مليئة بالدهاليز ومعقدة جداً وصعب السيطرة عليها وصعب فهمها. كل ما بترجع حتى لعلماء النفس -وخاصة الغربيين- كل شوية يطلعوا بنظرية بيعتقدوا أن هو بدأ يفهم النفس وإيه هي مداخل النفس. والحل الوحيد لتوجيه النفس -كما قال ربنا سبحانه وتعالى-: ﴿أَلَا يَعْلَمُ مَنْ خَلَقَ وَهُوَ اللَّطِيفُ الْخَبِيرُ﴾ [الملك: 14]، الذي خلق هذه النفس هو الذي أنزل إليه هذا الكلام ليضبطها. يعني الإنسان اللي عايز يضبط نفسه، أنت أما بتقول بتصرخ وتجأر وبتقول: اهدنا الصراط المستقيم؛ ربنا بيقول لك: ﴿ذَلِكَ الْكِتَابُ لَا رَيْبَ فِيهِ هُدًى لِلْمُتَّقِينَ﴾ [البقرة: 2]. هذا الكتاب هو الهدى، وهذا الكتاب لا ريب فيه، فلا تبحث عن هدى غيره، وخاصة لما بيأتيك الكلام من الله، أما بيأتيك كلام علوي بينزل عندك منزلة يقين، لكن لما بيأتيك حل بشري بيزل فيه حالة من التردد.

اللي هنتكلم عنه النهارده أن طول فترة الاستضعاف بتعمل تشوهات في النفس، وتخلي النفس ممكن تعمل نوع من المراجعات، أو أن النفس تحاول تتملص، تبحث عن حل للخروج من الأزمة. أيضاً طول فترة التمكين كذلك، يعني طول فترة النعمة -لكن احنا ما شفنهاش قبل كده- بس طول فترة التمكين بتغير في الإنسان، يعني أن هو يقعد فترة ممكن بيبدأ يدخله في حالة من الترف، ثم وده دايماً اللي بيدرسوه في التاريخ: إزاي بتسقط الدول؟ أن مع طوال فترة التمكين والدخول في حالة الترف ونسيان قضايا الصراع بيجعل الدولة تنهار، ونظريات كتير كيف تسقط الدول، حتى الدول الإسلامية كيف تسقط وإزاي سقطت الأندلس وإزاي الدولة العثمانية وغيرها. إزاي مثلاً هذه الخلافات والدول سقطت؟ أن في مرحلة من المراحل بدأ يحصل حالة من الاسترخاء. النهارده احنا هنتكلم إزاي القرآن بيعالج التشوهات؟

إيه اللي بيضبط النفس في طول فترة الاستضعاف؟ طول فترة الاستضعاف وطول فترة الأذى بتعمل نوع من التشوهات، وده كان بعض التحليلات -يعني بعض اللي حاولوا يحللوا شخصية بني إسرائيل- قال إن الشخصية المشوهة دي اللي تقوم بقى دايماً بتمرد على النص ورافضة أي شرع، وحتى النص اللي بيطبقوه حصل فيه نوع من المماطلة؛ فذبحوها وما كادوا يفعلون، يعني حتى ده الحاجة اللي طبقوها كانت بعد نوع مماطلة. بعضهم قال تحليل الشخصية لشخصية بني إسرائيل دي وكتب كتب في ده، أنه حاول يحلل الشخصية اليهودية زي الدكتور صلاح خليل أو غيره، زي البهي الخولي في كتابه عن بني إسرائيل، وغيرهم كتير حتى من المعاصرين حاول يحلل الشخصية ديت. بعضهم وصل أن طول فترة التعذيب عملت، ما قدروش يقاوموا ده، وأن الإنسان الفترة دي لازم يقاوم عشان ما يتغيرش.

هم حصل لهم نوع من التشوهات أثرت على تلقيهم للوحي، فلما جه يتلقى الوحي بعد كده تلقاه بحالة من التمرد، ولم يقبله إلا بعد أن نطق الله الجبل فوقهم، وكل أما يتقال لهم: خذوا ما آتيناكم بقوة؛ يرفضوا، يحصل نوع من التمرد، زي ما تعبير فريد الأنصاري في سورة البقرة أن شعار الحزب الأول من سورة البقرة تمرد بني إسرائيل: إزاي بيتمردوا عن النص. فالنفس في طول فترة الأذى وطول فترة الاستضعاف ممكن يحصل جواها نوع من التملص من التكليف، ممكن تترك الرسالة، ممكن تكفر بمبادئها، ممكن تغير عقيدتها. أنت ما تعرفش إيه اللي ممكن يحصل في دهاليز النفس أثناء طول الفترة دي. ففي الفترة دي -فترة الأذى الطويل- النفس تظل تبحث عن عقائد ثابتة تتمسك بها. يعني مثلاً أحد دكاترة علم النفس حاول يقدم نظرية تنقذ الإنسان في فترات الأزمة، بيسميها أو بتعبيره هو اسمه فيكتور فرانكل، تقريباً اسمها اللوجوثيرابي، اللي هو البحث عن المعنى.

هم وكان شيء غريب جداً، الدكتور ده من النمسا، وأن النظريتين اللي قبله لعلم النفس برضه فرويد من النمسا، وبعد واحد اسمه أدلر من النمسا، والتلاتة جم من فيينا. الشاهد؛ كل واحد كان بيفهم النفس البشرية دي: واحد طلع عقده الجنسية زي فرويد، طلعها في علم النفس. واحد تاني رأى الحل في القوة والسيطرة. التالت ده مر بأزمة، وده سر اللي أنا بحكيه -أنا عارف أنتم بتحبوا القصص فبنمرن- السر أن هو كان في الحرب العالمية، ودخل معتقل مع النازيين الألمان اعتقلوه وكان تعرض لفترة طويلة من الأذى والتعذيب، وبدأ يقول: إيه اللي يخلي إنسان -بدأ يسأل نفسه- إيه اللي يخلي إنسان في وسط مرحلة طويلة، حتى مش بس من الأذى اللي من البشر، ممكن مثلاً إنسان أُصيب بمرض عضال؟ فكان بيسأل دايماً سؤال لنفسه ولاي حد يقابله: لماذا لا تنتحر؟

يعني دي كانت الفكرة اللي جات له؛ إيه اللي يخلي إنسان يتمسك بالحياة؟ فبدأ يكتشف أن أكتر حاجة بتجعل الإنسان يكتسب قوة وما يحبطش وما يجيلوش يأس، وقوة وقوة نفسية داخلية، أن يكون في معنى يبحث عنه ويتمسك به. بالمعنى ده مثلاً أن كان بيسأل أي حد يقابله في السجن في المعتقل، يسأله: لماذا لا تنتحر؟ مع أن الألمان كانوا في قمة العنف، النازيين كانوا في قمة العنف، وكان بيسأل أي حد، وبدأ يطلع نظريته اللي هي البحث عن المعنى، اللي هو العلاج من خلال أن يديك أمل تعيش عشانه. يعني كان يسأل حد مثلاً أنت ما بتنتحرش؟ بيقول له: بحب أولادي، يقعد يضخم له مفهوم الأولاد: أنك محتاج تعيش عشانهم وتموت عشانهم وتسعى عشانهم وما تأذيش نفسك عشانهم، بيدور على أي حاجة، على أي أمل، على أي معنى، لذلك هي فكرتها كلها البحث عن المعنى.

حتى في كتاب أصلاً، كتاب ممتع مؤلم، حكى فيه قصته بالتفصيل واللي حصل فيه، وإزاي مر بتفاصيل اليوم اللي كان بيمر بها في المعتقل، تفاصيل وشرح إزاي اكتشف النظرية، وإزاي بعد ما خرج نشر النظرية بتاعتب بقيت دلوقتي من نظريات علم النفس، وإن كان هو طبعا الدين مش واخد فيها مساحة طبعا. لكن احنا كمسلمين -الخلاصة اللي بقوله- أن الشاهد أن القصة دي، احنا بقى كمسلمين أن القرآن يقدم لك المعاني دي. القرآن مش بس بيشرح لك ما يحدث، القرآن بيقول لك أنت وظيفتك أنت عبد، وأن انت بتهاجم أصلاً ده، وأنت عندك عقيدة وعندك السنن تفهم بها ما يحدث، وفاهم يعني ايه مفهوم البلاء، لذلك المسلم ما عندوش -المشكلة اللي بتخلي كتير يلحد- بنسميها مشكلة الشر، وده علم كامل بيحاولوا يردوا عليه، وحتى النصارى بيحاولوا يردوا عليه، لكن للأسف عندهم إشكاليات في الرد.

الشاهد أن المسلم ما عندوش ده، أن هو فاهم أن أمر المسلم كله خير، حتى لو بلاء فصبر أنا خيراً لها، وأن في أعمال يقوم بها في لحظات البلاء هو بيقاوم ما بيستسلمش، حتى لو الأعمال دي أعمال نفسية. يعني حتى لو هو ما فيش حركة بتحدث، هو مستشعر مفهوم العبودية، وأن في حاجة عندنا اسمها واجب الوقت، حاجة عندنا اسمها واجب الوقت، أن في كل وقت من الأوقات في واجب أنت بتقوم به لكي تنجو. أنت فاهم أصلاً، أنت عندك رؤية من فوق. هو التاني كان بيحاول يجيب أي معنى للناس يديهم أمل يعيشه عشانه وكان بيشف أحياناً فالراجل ينتحر، يعني كان بيقول إن كل يوم اتنين بينتحروا تقريباً، وكان بيشفق أنه يجيب لهم معنى. المسلم عمره ما يفشل لده؛ لأن هو الله سبحانه وتعالى، لذلك هو كان بيعتمد على كلمة كنت كاتبها كلمة لنيتشه، هو فرانكل ده واعتمد عليها، يعني كان بيقول إيه؟ بيقول: من يمتلك سبباً يعيش من أجله؛ فإنه يستطيع غالباً أن يتحمل بأي طريقة وبأي حال. مش اللي بيقول كده؛ اللي يعرف يملك سبب عايش يقدر يصارع كل حاجة عشانه.

اللي قال الجملة دي مات مجنون، أنه ما امتلكش ده، أعتقد أنه هيجيبها من الأرض، وأعتقد أن الإنسان -عارف زي بتاع، بتعبير القرآن: ﴿وَظَنَّ أَهْلُهَا أَنَّهُمْ قَادِرُونَ عَلَيْهَا﴾ [يونس: 24]- فطلع فكرة، طلع فكرة السوبر مان، اللي هو يقدر يعمل أي حاجة. لأ، احنا مش عايزين السوبر مان، احنا عايزين العبد؛ مفهوم العبودية لله سبحانه وتعالى، في كل وقت أنت عبد، في وقت استضعاف أنت عبد، في وقت التمكين أنت عبد، أياً كان، أنت لك واجب الوقت تقوم به كعبد لله سبحانه وتعالى.

فهما ده مشكلة الغرب دلوقتي، وللأسف المشكلة دي انتقلت لنا لما فقدنا الهوية كمسلمين، وفقدنا أن القرآن هو اللي يضبط لنا العقائد والمبادئ بتاعتب، بدأنا نبحث عن أي معنى للحياة، أي شيء يجلب السعادة، يعني رحلة البحث عن المعنى أو البحث عن السعادة أن أنا أحقق إنجاز، أن أنا أبقى مشهور، أن أنا، يعني كل حاجة وده -يعني كتير برضو من الدراسات اللي اتعملت على مسألة أثر السوشيال ميديا على نفوس الناس وإزاي أن هو عايز ينتشر- حتى ممكن يكذب أو يصور نفسه، عايز يشعر أن ناس بتهتم به، وعايز يشعر بالاهتمام، هو ما بينظرش إلى السماء. يعني زي النبي صلى الله عليه وسلم بيقول: «لكل عبد صيت في السماء»، هو ما بيزورش إلى السماء، هو ينظر إلى الأرض.

يعني هو عايز يكتسب أن حد يهتم به، عايز يكتسب قيمة لحياته، عايز أن الناس تشعر به، فبيبحث عن ده بأي وسيلة أرضية، ونسي أنه عبد لله سبحانه وتعالى، وأن الله سبحانه وتعالى يجازيه على أعماله، وأن الله سبحانه وتعالى يحب من المؤمن أفعالاً وأقوالاً لو قام بها لشعر بالرضا؛ لأنه لو اعتقد وعاش أن الله ينظر إلى قلوبكم، وأن هذا القلب هو محط نظر الرب سبحانه وتعالى، لو أنه عايش بالمعاني دي هيبذل معاني ضخمة، يقدم عبوديات عظيمة لله سبحانه وتعالى. لكن يأبى كثير من الناس إلا إلا يفكرون تفكيراً أرضياً، وما بيفكرش غير بأن هو يحقق إنجاز أرضي.

الشاهد؛ مع طول فترة الاستضعاف في مكة، ده كان أحياناً يجعل النفس تحاول تفكر في أي مخرج من ده، وممكن حد يقول: إيه طب وده بيحصل دايماً مع طول الفتوات؟ طب وأيه لازمته؟ إيه اللي يخلينا نستحمل؟ وتبدأ النفس تحاول في الفترات اللي زي دي تبدأ تحاول أن هي مثلاً تجد في أول السورة: ﴿فَلَعَلَّكَ تَارِكٌ بَعْضَ مَا يُوحَىٰ إِلَيْكَ وَضَائِقٌ بِهِ صَدْرُكَ﴾ [هود: 12]. سورة هود اللي احنا بنتكلم عنها النهارده، أن احنا لرؤية من خواتيم سورة هود: إيه الأوامر والنواهي والقواعد والمبادئ والسنن المفروض نفهمها في واقع زي ده؟ وده ختام سورة مكية. تخيل بقى اللي اللي عايش مع القرآن، الصحابة كانوا محتاجين للقرآن، بل النبي صلى الله عليه وسلم كان محتاج للقرآن، زي ما هنا: ﴿نُثَبِّتُ بِهِ فُؤَادَكَ﴾ [هود: 120]، فؤاد النبي صلى الله عليه وسلم كي يثبت، كان يحتاج إلى الوحي، لما الكفار قالوا: ﴿لَوْلَا نُزِّلَ عَلَيْهِ الْقُرْآنُ جُمْلَةً وَاحِدَةً﴾ [الفرقان: 32] سورة الفرقان، ربنا قال إيه؟ ﴿كَذَلِكَ لِنُثَبِّتَ بِهِ فُؤَادَكَ وَرَتَّلْنَاهُ تَرْتِيلًا﴾ [الفرقان: 32].

يبقى إذا الأحداث المتتالية في مكة وطول فترة الاستضعاف كان الأفئدة بتضطرب، أو الشيء عشان يثبت معناه أن بتيجي عليه رياح وفتن تزلزله تحركه، فعشان يظل ثابت يحتاج إلى شيء يثبت به، أن يتمسك بشيء، زي ما النبي صلى الله عليه وسلم خرج على الصحابة وقال: «إن هذا القرآن الذي بأيديكم سبب» أي حبل، طرفه بأيديكم وطرفه بيد الله. فانت عايز تثبت، عايز رسالة من الله تتمسك بها لكي تثبت في زمن الفتن والزلزلة: ﴿وَزُلْزِلُوا زِلْزَالًا شَدِيدًا﴾ [الأحزاب: 11]، فده موجود في الوحي، ولا سيما زي ما قلت في في زمن الفتن في المرحلة المكية، ترجع بقى للسور وغيره من الحرم المرحلة المدنية زي غزوة تبوك أو غزوة الأحزاب، سورة براءة وسورة الأحزاب.

فالشاهد؛ هنجد أن في ملامح عامة في سورة هود الوقت مش هيسعفنا أن احنا نتكلم عنها، كنت عملت مجلس كده أشبه بنظرة موضوعية عن سورة هود، اللي عايز يعني نظرة موضوعية عن السورة يرجع للمجلس ده، احنا النهارده هنتكلم عن الخواتيم فقط.

أنت تجد إشارات سريعة لبعض الأفكار التي تكررت في السورة، وأن في معاني معينة تكررت كثيراً في السور، ونحن سنحاول وأنا ماشيين في خواتيم السورة نرجع لها. هنبدأ الكلام إزاي؟ فالكرة التي سنقولها: إزاي خواتيم سورة هود تعالج الأزمات النفسية التي ممكن يمر بها إنسان مع طول فترة استضعاف، وأحياناً مش بس مع طول فترة الاستضعاف؛ يعني ممكن أحياناً يكون في فترة استضعاف طويلة، لكن مع بارقة أمل أنت شايف الأفق فكرة أو بتلمح ليك بارقة أمل أو احتمال يحدث شيء.

لأ، مفيش أي احتمالات في الأفق يعني، طب إيه اللي ممكن يحصل؟ مش عارف هتعمل إيه في حالة زي كده؟ أو أنت محتاج لإيه في أوقات زي كده؟ أننا نقرأ مع بعض خواتيم سورة هود. قال ربنا سبحانه وتعالى آية مية وتسعة: ﴿فَلَا تَكُ فِي مِرْيَةٍ مِّمَّا يَعْبُدُ هَٰؤُلَاءِ ۚ مَا يَعْبُدُونَ إِلَّا كَمَا يَعْبُدُ آبَاؤُهُم مِّن قَبْلُ﴾ [هود: 109]. أول المعاني المهمة جداً: إياك أن تشك في ضلال الباطل، وإياك أن تشك في الحق الذي معك، إياك! أخطر زلزلة تحدث لك أنك تبدأ تشك في ضلال الباطل؛ تقول: طب ما جايز هم معهم؟ طب ما نقدم بعض التنازلات؟ ما نترك بعض الحق الذي معنا؟ طب والباطل ده مش باطل قوي؟ ما طلعش يعني قضية التوحيد، احنا طلعنا معزمينها يعني الشرك ما طلعش بالضخامة؟ ويبدأ يحدث مراجعات للأصول مش لبعض الوسائل التي ممكن تتغير، لأ! يبدأ يراجع الأصول.

لذلك ﴿فَلَا تَكُ﴾، إياك أن تشك؛ القرآن مبني على اليقين من أول لحظة: ﴿لَا رَيْبَ فِيهِ﴾ [البقرة: 2]، غير زي ما قلت لكم قبل كده الفلسفة هي قائمة أصلاً على أنه يطلع نظرية ويشك فيها، وفكر هي قائمة على التجديد أصلاً والشك، لذلك يجي الفيلسوف ينقض الفيلسوف اللي قبله، وبعدين يجي التالت يأكد على الأولاني، وبعدين ييجي الرابع يأكد على التاني، وبعدين ييجي الخامس بنظرية جديدة، وبعدين ييجي السادس كده. القرآن ثابت فيه أصول ثابتة لا ريب فيه؛ هنا: ﴿فَلَا تَكُ فِي مِرْيَةٍ مِّمَّا يَعْبُدُ هَٰؤُلَاءِ﴾ [هود: 109]، هم كانوا يعبدون الأصنام، وممكن ينتصر المشرك في معركة وينسب النصر للأصنام، فأنت تعتقد أن الأصنام عندها قدرة على النصرة، ما هي نصرتهم؟ زي أبو سفيان في أحد كده لما قال: أعلُ هُبَل.

أنت متخيل الجملة دي ممكن تعمل إيه في نفوس بعض ضعاف المؤمنين؟ معركة احنا اتهزمنا فيها في أحد وهو بيقول إن اللي نصرنا الآلهة، ثم يدعو لهذه الآية: أعلُ هُبَل. فلذلك لما النبي صلى الله عليه وسلم رد على في الأول لما أبو سفيان قال: أفيكم رسول الله؟ فيكم أبو بكر؟ فيكم عمر؟ فرد سيدنا عمر، فلما قال: أعلُ هُبَل، فلم يرد المؤمنون، فقال النبي صلى الله عليه وسلم: «ألا تجيبوه؟». يعني في قضايا لازم نجاوب عليها؛ لو المسألة مسألة شخصية بيسأل على أبي بكر وعمر مش لازم نرد، دي مسألة شخصية، لكن لما المسألة بتبقى مسألة عقدية لازم نرد، قال: «ألا تجيبوه؟ الله مولانا ولا مولى لكم»، لأ، احنا اللي لنا الإله الحق، لا مولى لكم، بالرغم من أن اللي ممكن يشوف المشهد الأخير وما يفهمش تفاصيل الأحداث يقول: طب ما الآلهة نصرته؟

الآن الاعتماد والآلهة المادية أنهم معتقدين أن المادة ممكن تنصفهم، ﴿وَظَنَّ أَهْلُهَا أَنَّهُمْ قَادِرُونَ عَلَيْهَا﴾ [يونس: 24]، وأن الاعتماد الكلي على الأسباب، وده نوع من أنواع الشرك، زي ما النبي صلى الله عليه وسلم قال ورجع من حنين أصبح قال الله سبحانه وتعالى في الحديث القدسي كما أخبر النبي صلى الله عليه وسلم: «أصبح من عبادي مؤمن بي وكافر». وهنا كان شرك الأسباب، فهو الآن أصبح إياك أن تظن أن الله سبحانه وتعالى لن ينصر أهل الإيمان مهما كانت الظروف، فلا تك في مرية مما يعبد هؤلاء، هذا باطل وسيسقط.

أكبر فتنة -زي ما ذكرت في الدرس اللي فات- من أكبر الفتن اللي بيمر بها الآن المسلمون أن هو شايف التقدم الدنيوي عند الغرب، بل أنا أرى أن هي أكبر فتنة، وده ممكن يكون التطور الطبيعي اللي بييجي بعد كده الدجال، اللي هو مخلوق حقيقي يعني، الدجال اللي هو يقول: الأرض أخرجي زرعك، والسماء أمطري، ده هنا يفتن الإنسان أن الإنسان يفتن أنه دايماً عايز يسيطر على الأشياء، فهو دلوقتي عمال يتقدم بيتقدم دنيوياً، ويحدث نوع من القدرة والطغيان، فيفتن المؤمن يقول: إيه ده؟ طب هم ازاي على، وده كتير من السؤال، ازاي بتقولوا عليهم كفار وازاي هم عندهم تقدم دنيوي؟

ويتعامى عن الانهيار الأخلاقي، ويتعامى عن أنه ويتعامى عن هدم الإنسان كإنسان، وتكلمنا في ده وغيري تكلم فيه كثير، الشاهد من أهم النقاط التي لازم تأكد عليها بين الفينة والأخرى في مراحل الاستضعاف أن تكون على يقين من منهجك، لذلك من الكلمات التي تكررت كثيراً في سورة هود: بينة، أنك تكون على بينة؛ يعني من الكلمات التي تكررت في السورة كلمة أن تكون على بينة مهما حدث أنك أنت تكون متبين من منهجك، لكن ما تفقدش الثقة في الوحي، ما تفقدش الثقة في القرآن. أول لما تفقد الثقة في منهجك تبدأ أنت عايش في السراب، خلاص مفيش أرض ثابتة عليها، فتبدأ تقبل أي منهج يتعرض عليك، يتقال لك: اديني الإنسانية، ماشي، يتقال لك: مش عارف نعمل كذا نتغاضى عن الخلافات العقدية، تقول له: ماشي، خلاص أنت اصبحت مهلهل، والعجيب هو لا يتخلى، هو يدعوك للتخلي وهو لا يتخلي عن دينه الباطل ونحن نتخلي.

فخطورة أنك أنت تفقد اليقين في منهجك، أنك تفقد الثقة في منهجك، فمن الأول إياك أن تشك في باطلهم: ﴿فَلَا تَكُ فِي مِرْيَةٍ مِّمَّا يَعْبُدُ هَٰؤُلَاءِ﴾ [هود: 109]، لأن كتير مشي في نفس الطريق ده ثم أمهلهم الله ثم أهلكهم، ﴿مَا يَعْبُدُونَ إِلَّا كَمَا يَعْبُدُ آبَاؤُهُم مِّن قَبْلُ﴾ [هود: 109]؛ يعني دول كان دول الوقتي طغيان بسبب القوة، طب ما قالوا: من أشد منا قوة؟ طغيان بسبب العلم، في ناس كانوا أعلم منهم أنهم كانوا هم أظلم وأطغى، سنة ربنا سبحانه وتعالى: الامهال ثم الإهلاك.

لكن قضى الله سبحانه وتعالى -وده بيحتاج فهم سنن ربنا في معاملة الكفار وفي معاملة المؤمنين- قضى الله سبحانه وتعالى من سنته في معاملته لهذه الأمة أنه ليس هناك عذاب عام كما كان يحدث في الأمم السابقة؛ يعني فكرة العذاب العام الشامل لاستئصال دي انتهت بإنزال الكتاب على موسى، كما روي عن النبي صلى الله عليه وسلم أو موقوف على أبو سعيد الخدري أن ما عداش فيه من بعد لحظة إنزال الكتاب على موسى لا تنتظر العذاب الشامل الاستئصال، لا تنتظره. طب إيه الحل؟ الحل أن تقوم أنت بذلك، أنت اللي تعمل ده بس فرض عليك المقاومة، أنت اللي أنت اللي تقاوم ده من وظيفتك كعبد لله سبحانه وتعالى، ﴿فَلَا تَكُ فِي مِرْيَةٍ مِّمَّا يَعْبُدُ هَٰؤُلَاءِ ۚ مَا يَعْبُدُونَ إِلَّا كَمَا يَعْبُدُ آبَاؤُهُم مِّن قَبْلُ ۚ وَإِنَّا لَمُوَفُّوهُمْ نَصِيبَهُمْ غَيْرَ مَنقُوصٍ﴾ [هود: 109].

الاختلاف الذي معك في الكتاب اختلف المشركون حول الكتاب وقالوا عنه كذا وكذا، أيضاً اختلف في كتاب موسى، فانت تسير على سنن السابقين؛ يعني أي حد يسير على طريق الأنبياء لابد له من أعداء، ﴿وَكَذَلِكَ جَعَلْنَا لِكُلِّ نَبِيٍّ عَدُوًّا مِّنَ الْمُجْرِمِينَ﴾ [الفرقان: 31]، كذلك جعلنا لكل نبي عدو شياطين الإنس والجن الأنعام والفرقان، دي سنة، سنة أن اللي يسير على طريق الأنبياء لازم فيه أعداء، الصراع مستمر إلى يوم القيامة، لن ينتهي لن يتوقف، لا تقوم الساعة حتى يقاتل المسلمون اليهود، صراع مستمر لأن ببساطة ممكن واحد يقول لي إيه طب يعني عمرها ما هتتحل مش هنوصل لحل ودي معهم؟

من أول لحظة من أول لحظة بداية الصراع لما إبليس رفض السجود قال: ﴿أَنظِرْنِي إِلَى يَوْمِ يُبْعَثُونَ﴾ [الأعراف: 14]، فأنظره الله، وإبليس دايماً له أعوان، فقاتلوا أولياء الشيطان، فإبليس منظر إلى يوم البعث وفي ناس بتسمع كلامه، وأكيد إبليس مش هيقول لهم صلوا وصوموا يعني، أكيد إبليس مش هيدعوهم إلى الطاعة إلا لو عايز يوقعهم في معصية أكبر، ففيه أولياء للشيطان فستظل المعركة بين أولياء الرحمن وأولياء الشيطان إلى يوم البعث حتى تضع الحرب أوزارها زي ما في قول إلى يوم البعث لن يتوقف. لذلك النبي صلى الله عليه وسلم قال: «الجهاد ماض إلى يوم القيامة»، قال صلى الله عليه وسلم: «لا تزال طائفة ثابتة على الحق». يبقى إذا ده مستمر إلى يوم القيامة، القضية أن تكون أنت من هذه الطائفة.

﴿وَلَقَدْ آتَيْنَا مُوسَى الْكِتَابَ﴾ [هود: 110] أن تتأسى بمن سبقك، ﴿فَاخْتُلِفَ فِيهِ ۗ وَلَوْلَا كَلِمَةٌ سَبَقَتْ مِن رَّبِّكَ لَقُضِيَ بَيْنَهُمْ﴾ [هود: 110]، لولا أن الله سبحانه وتعالى قضى أن بعد إنزال الكتاب كان فيه إهلاك عام، لكن أهلك كل الأمم التي تكذب بالكتب، لكن خلاص سبقت الكلمة من الله سبحانه وتعالى أن من بعد إنزال الكتاب على موسى ليس هناك عذاب، ليس هناك استئصال عام -في رواية استثنت القرية التي مسخت قردة أصحاب السبت- ﴿وَلَوْلَا كَلِمَةٌ سَبَقَتْ مِن رَّبِّكَ لَقُضِيَ بَيْنَهُمْ ۚ وَإِنَّهُمْ لَفِي شَكٍّ مِّنْهُ مُرِيبٍ﴾ [هود: 110].

كل تكرار كل ما يفعلونه مكتوب عند الله سبحانه وتعالى يحاسبهم عليه، ﴿وَإِنَّ كُلًّا لَمَّا لَيُوَفِّيَنَّهُمْ رَبُّكَ أَعْمَالَهُمْ ۚ إِنَّهُ بِمَا يَعْمَلُونَ خَبِيرٌ﴾ [هود: 111]. جهد أهل الباطل وتفاصيل ودقائق ما يخطط له أهل الباطل فعلاً أمر لو اطلع الإنسان عليه يكاد يصيبه اليأس، كمان تطمئن أن الله بما يعملون خبير، حتى هنا مش عليم، يعني ولله المثل الأعلى بالنسبة لنا على مستوى البشر الخبرة تيجي مع طول الزمن، وأنك أنت تكون عندك اه علم زائد ببواطن الأمور بالخبرة وإزay أنك أنت تلتقط ما إيه الخطط بالضبط، وكل خطة هم بيخططوا دي هتحصل بعد مثلاً عشرين سنة، أو دي بيحطوا لها خطة على مية سنة أو خمسين سنة، فرؤية هذه الخطط التي بيخططوا عشان يهدموا الإسلام تحتاج إلى خبرة، فالله سبحانه وتعالى هو الخبير بما يعملون، فهي الآية دي طمأنة وتهديد لهم، طمأنة لأهل الإيمان وتهديد لهم.

طيب، يبقى هنا الآيات بتتكلم على من مية وتسعة لمية وحداشر إياكي أن تشك في باطله، ده بيتكلم عليهم هم؛ يعني هم على باطل مهما حققوا من إنجازات دنيوية هم على باطل، مهما حققوا من طرف هم على باطل. يا جماعة احنا معايير التقييم عندنا مش الطرف الدنيوي، يعني الخلافة اللي اتسمت خلافة راشدة مش هي الخلافة اللي عملت إنجاز دنيوي ضخم، الدولة الأموية التي اتسمت ملك عضوض حققت تقدم دنيوي أكثر من الخلافة الراشدة، الخلافة الراشدة هي التي يرتبط فيها الملك بالوحي بالقرآن، لما بيقترب بنقترب من الرشد، لما بينفصل بننتجه للملك، يعني الوحي لما بيقترب من الملك ويكونوا مع بعض هو ده الراشد ده اسمه خليفة راشد، لما بينفصل هيبقى فيه حديث في كده وإن كان فيه ضعف، أما بينفصل ده الملك.

الرشد في الخلافة اللي اسمها الخلافة الراشدة، خلافة لما تيجي تشوف يعني ثلاثة منهم ماتوا مقتولين وفيه فتن واضطرابات واتسمت راشدة لاقترابها من الوحي اقترابها من الأسس بتاعة الوحي، فاحنا معايير التقييم عندنا مش معايير دنيوية، نعم يأتي تطبيق الشرع بخير عام، لكن لابد من مرحلة ابتلاء، فده في مرحلة الابتلاء بيسقط كثير من الناس. فيبقى الثلاث آيات اللي احنا بدأنا من عندهم الكلام: إياك أن تنشغل بباطلهم، إياك أن تعتقد أن ما معهم حق بل هو باطل، طيب هم اختلفوا الله بما يعملون خبير، أعمالهم ستوفى إليهم يوم القيامة، ده بالنسبة لهم. طب احنا بالنسبة لنا بقى يعني خلاص هم ما نشغلش بهم ما انبهرش بهم أن هم على حق، اه ما يحصليش أي شك في الباطل اللي معهم، كل اللي أعمالهم اللي بيعملوها الله سبحانه وتعالى مطلع عليها، كل الأعمال اللي بيعملوها ستوفى عليهم يوم القيامة، ده هم. طب احنا بقى؟

﴿فَاسْتَقِمْ كَمَا أُمِرْتَ وَمَن تَابَ مَعَكَ وَلَا تَطْغَوْا ۚ إِنَّهُ بِمَا تَعْمَلُونَ بَصِيرٌ﴾ [هود: 112]، قيل أنها أشد آية في القرآن، وده اختيار بعض المفسرين، أو هي من أشد الآيات في القرآن على كلام بعض المفسرين، يعني بعضهم قال: هذه أشد آية في القرآن، بل بعضهم اختار هذه الآية هي التي شيبت النبي صلى الله عليه وسلم، تخيل يعني متخيل أن استقم كما أمرت أنت ممكن تتعامل معها فين المشكلة؟ يعني فين الصعوبة؟

لأ، الصعوبة أنك تحافظ على النفس مع كثرة الأذى، أنت بشر والنفس بتحاول أن تخرج من الأزمة دي، طول الأزمة يجعل الإنسان أي فرصة يعني خروج ممكن يقبل بها، أي فرصة، لذلك الحسن البصري قال في شرح لهذه الآيات قال: الدين بين لئيمين، لا تركنوا ولا تطغوا، ولا تطغوا انك أنت إزاي تقف في النصية دي، الاستقامة أنك لا تروح لا يمين ولا شمال، هو الاثنين شمال هنا، لا تروح لا شمال ولا شمال. اه، أنك أنت إزاي تقف؟ ما هو استقم يعني إيه؟ أن تظل على هذا الخط المستقيم بالرغم من الرياح والزلزلة، صعب جداً أن تقف على الخط ﴿اهْدِنَا الصِّرَاطَ الْمُسْتَقِيمَ﴾ [الفاتحة: 6] طول ما أنت ماشي على الصراط المستقيم محاولات أن تتخطفك الطير، ﴿وَمَن يُشْرِكْ بِاللَّهِ فَكَأَنَّمَا خَرَّ مِنَ السَّمَاءِ فَتَخْطَفُهُ الطَّيْرُ أَوْ تَهْوِي بِهِ الرِّيحُ فِي مَكَانٍ سَحِيقٍ﴾ [الحج: 31] غير المغضوب عليهم ولا الضالين، أنت عايز تمشي في المنتصف تفرقت بهم الأهواء، تفرقت بهم السبل على كل دي آيات وأحاديث على جنبتي الصراط سوران فيها أبواب مفتحة تنادي عليك، كل اللي حواليك فتن عايزة تصرفك عن المشي في الصراط المستقيم، ده اللي حواليك غير أن نفسك كمان عايزة تخرج.

يعني النفس البشرية عايزة تخرج من الأزمة دي، تبحث عن أي مخرج؛ لذلك ربنا قال في أول السورة: ﴿فَلَعَلَّكَ تَارِكُ بَعْضَ مَا يُوحَىٰ إِلَيْكَ﴾ [هود: 12]. وقبلها في سورة يونس قالوا له: ائْتِ بِقُرْآنٍ غَيْرِ هَٰذَا أَوْ بَدِّلْهُ.

وربنا قال له في سورة الإسراء: إذاً لاتخذوك خليلاً. لو تنازلت عن قليل من الوحي هتبقى حبيبهم؛ يعني لذلك القاعدة واضحة في سورة الإسراء: لما يتخذوك أهل الباطل خليلاً، يبقى أنت قدمت تنازلات، لأن أنا واثق في تمسكهم بباطلهم، واثق في ده هو مش هيتخلى عن الباطل، فبالتالي لما أنت تصبح قليل، إما أن هو أسلم، أو أنت تنازلت فاستقم.

لذلك الفئة دي كتير من المفسرين وقف معها، هل دي فاء تفريع، ولا بيسموها فاء فصيحة، يعني فإذا علمت كل هذه المعلومات التي في السورة، فعليك بالاستقامة. أو فإذا علمت أن الله قادر على إهلاكهم فعليك الاستقامة. أو إذا علمت أن الأمم السابقة اختلفت على أنبيائهم وقد آذتهم فعليك بالاستقامة. أو إذا علمت أن الناس خلقهم الله منهم شقي وسعيد فعليك بالاستقامة.

أياً كانت الفاء دي بتفرع معانا على أي معنى من المعاني السابقة، الشاهد بعد الخلاصة ممكن تجمع كل الأقوال دي لو تبين لك زي كده قيمة انك تقرأ السورة من الأول على مكث، تجيب سورة هود من الأول كده على مكث وتصلي بها في ركعة واحدة على بعضها، فتبدأ كده لغاية لما توصل: فاستقم. فإذا تبينت لك كل هذه العقائد في السورة فعليك بالاستقامة.

الاستقامة يعني إيه؟ انك تلزم الطريق المستقيم، ما تبحثش عن أي مخرج إلا من الوحي؛ لذلك لما احنا جينا نتكلم في سورة يوسف قلنا إن يونس، هود، يوسف، الرعد، إبراهيم، الحجر كلها ألف لام راء، ما عدا الرعد فيها زيادة ميم (ألف لام ميم راء). وتقريباً من أن السور دي غالباً من أواخر المرحلة المكية، أن في طول فترة استضعاف وبنحاول نخرج من الأزمة، ومنتظرين شيء يحدث، مش عارفين إيه اللي هيحصل.

يونس الضغط المستمر أن احنا نبحث عن حل، هم عاملين عليك: ائْتِ بِقُرْآنٍ غَيْرِ هَٰذَا. طبعا أضخم من كده وأكبر من كده، أنا بلتقط بس مشاهد. سورة هود لا تترك ولا تركن، سورة يوسف نموذج كيف قد يأتي الحل من حيث لا تحتسب. يعني برضو ربنا سبحانه وتعالى هنا في سورة يوسف مراعاة للنفس البشرية التي ثبتت في هود: ماشي أنا هظل ثابت.

يعني تخيل هو بيضغط عليك في أول سورة في سورة هود بيضغط عليك عشان تترك بعض ما يوحى إليك، ختام السورة وده دايما من عجائب القرآن، دايما الواحد ينبهر ببداية السورة وخواتمها. يعني بداية سورة مثلا هنا هود محاولات للضغط أنه يترك بعض ما يوحى إليك، ختام: اعْمَلُوا عَلَىٰ مَكَانَتِكُمْ إِنَّا عَامِلُونَ. مفصلة، هات آخرك وأنا جيب آخري، وَانْتَظِرُوا إِنَّا مُنْتَظِرُونَ. إيه، إيه اليقين ده؟

يعني تلاقي السورة بادئة مثلا: فَلَا يَكُونُ فِي صَدْرِكَ حَرَجٌ مِّنْهُ لِتُنذِرَ بِهِ، دي آية الأعراف، ختام السورة: وَإِذَا قُرِئَ الْقُرْآنُ فَاسْتَمِعُوا لَهُ وَأَنصِتُوا [الأعراف: 204]. يعني في أول السورة أنت ممكن يكون في صدرك حرج من القرآن، آخر السورة ما عدتش بتشغل بهم وقاعد إيه؟ تستمع للقرآن عشان تشوف الوحي يقول لك إيه تنفذه.

سورة مثلا: لَا تُزِغْ قُلُوبَنَا بَعْدَ إِذْ هَدَيْتَنَا [آل عمران: 8] في الأول خايف من قلبك يزوغ في أول آل عمران، في الآخر: اصْبِرُوا وَصَابِرُوا وَرَابِطُوا [آل عمران: 200]. فممكن السورة تبدأ بمشكلة وأنت بتتحل من خلال الأدوات أنت مش عارف تتحل ازاي، لكن أنت تسسلم قلبك وروحك وعقلك للنص ودور مع القرآن حيث دار.

الوصية المروية عن ابن مسعود توصل في آخر السورة، زي مثلا سورة الروم: فَاصْبِرْ إِنَّ وَعْدَ اللَّهِ حَقٌّ وَلَا يَسْتَخِفَّنَّكَ الَّذِينَ لَا يُوقِنُونَ [الروم: 60]. إيه ده؟ ما تقعدش وتستخف؛ يعني تطلع من سورة الروم: فَأَقِمْ وَجْهَكَ لِلدِّينِ حَنِيفًا [الروم: 30]، دي ما عدتش بتستخف، خلاص بقى عندك يقينيات أو مركزيات بقت أسس، لذلك أنت ماشي في سورة هود مثلا قاعد مضغوط عليك، طب هتيجي منين؟ أتعجبين من أمر الله؟ ما تعرفش ممكن تيجي منين؟ ممكن تيجي من أول دي سورة هود، طب أو آوي إلى ركن شديد.

أنا عايز ركن يقحل لي الأزمة دي؛ لذلك آوي إلى ركن شديد جت في سورة هود، معلش أنا بتنقل من الآيات بس ده دور أن أنت تبقى حافظ السورة. حافظ القرآن أو أول ركن شديد سيدنا لوط قالها؛ لذلك العلماء اختلفوا لما النبي صلى الله عليه وسلم قال: «يرحم الله أخي لوطاً، يرحم الله أخي لوطاً، قد كان يأوي إلى ركن شديد»، فالعلماء اختلفوا أصلاً في معنى الآية هل ده نقد ولا مدح؟

يعني سيدنا لوط لما قال: لَوْ أَنَّ لِي بِكُمْ قُوَّةً أَوْ آوِي إِلَىٰ رُكْنٍ شَدِيدٍ [هود: 80]، حس لوط في قمة الاستضعاف، جاي له الأضياف بيضيفهم والباب بيخبط، وفي روايات بقى أن هم قاعدين بيدفعوا الباب وهو قاعد بيزق الباب وخايف يدخلوا لأنهم عايزين يعني يقوموا بالفاحشة مع الأضياف، وهو منكر، وهؤلاء أضياف، ومش عارف يتصرف ازاي.

ففي وسط الأزمة دي قال: لو أن لي بكم قوة، لو أنا عندي قوة أن أمتنكم أو أن أدفعه، أو ما عنديش قوة للأسف، فالححال أن أنا آوي إلى ركن شديد. كتير من المفسرين قال: أي ليس لي عشيرة ومنعة، يا ريتني كان لي قوة أرجع لها في الأرض. اللي اختار القول ده قال إن عاتبه النبي صلى الله عليه وسلم.

قال إن الحديث في البخاري ومسلم قال: إن الحديث معناه عتاب، قد كان ينبغي أن يأوي إلى الله في هذه الحالة؛ لذلك لاحظ المقارنة بين كلمة لما هنيجي لها الوقتي أو آوي إلى ركن شديد، وبين: وَلَا تَرْكَنُوا، تبحثش عن ركن تركن إليه عند الظلمة أبدا، مش هيدوا لك حاجة.

فعتاب، واللي اختاروا في بعضهم قال: لأ، ده مش عتاب، ده قال إن سيدنا لوط -وده كتير من شراح الأحاديث- قال إن ده مدح، وأن لوطاً عليه السلام لما قال: أو آوي إلى ركن شديد، أي أني آوي إلى الله وأن الله سيكفيني بإذن الله. واللي اختار أن العتاب قال إن الملائكة عاتبت نظرت إليه فعاتبته، فتكلمت في هذه اللحظة لما قال: أو آوي إلى ركن شديد، ورأوا منه أنه قد قارب أنه يعني كان يبحث عن أي ملجأ أو أي عشيرة، فقالوا: يا لوط إنا رسل ربك لن يصلوا إليك، ما تبحثش عن الحل في الأرض، الحل في السماء.

فالشاهد أن الضغط ده أنك تضل على الاستقامة صعب جداً، ولن يضبط هذه النفس إلا الوحي، لأن العقل والنفس ممكن تقعد تفكر في حلول، طب ما جايز نعمل كذا، طب ما ممكن نعمل كذا، طب مين اللي قال إن دي ثوابت؟ الوحي بيضبط بقى النفس دي؛ لذلك ما قالوش فاستقم وخلاص، قال له: فاستقم كما أمرت، مش فاستقم كما ترى، لأ أنت استقم لأن في أوامر أنت مطالب تلتزم بها.

يعني مش الاستقامة مش بما تراه أنت، تراه دي وسائل تطبيق الوحي، دي وسائل فيها نوع من التغير ما لم تعود على الأصل بالبطلان، ما لم تصادم نصاً، دي اللي فيها تغير، لكن عندنا ثوابت فربنا بيقول له: كما أمرت. والخطاب ده بس مش للنبي صلى الله عليه وسلم، ومن تاب معك. تعبير ومن تاب تعبير عجيب جداً، يعني مش فاستقم كما أمرت مثلا أنت والمسلمين، لأ، ذكرهم بالكفر أنهم كانوا على الكفر ثم تابوا، ذكرهم بنعمة الله عليهم.

قد يكون فيها إشارة كما استنقذكم الله من الكفر فاستنقذوا غيركم، أو اشكروا نعمة الله بإنقاذكم من الكفر، من الله عليكم وأنقذكم، يبقى أهل التوبة، أهل الدين، أهل الصلاح يتذكروا هذه النعمة ويقوموا بشكرها، ويعملوا يتحرك، يعني يشكر هذه النعمة، نعمة أن من الله عز وجل عليه بالتوبة. مش دخل الدين أو الالتزام أو الصلاح أو الإصلاح وبعدين قعد انتخ، لأ اتحرك، اخرج من بيتك وتحرك لنصرة الدين: ﴿وَمَن يَخْرُجْ مِن بَيْتِهِ مُهَاجِرًا إِلَى اللَّهِ وَرَسُولِهِ﴾ [النساء: 100]، أبذل لنصرة هذا الدين.

فاستقم كما أمرت ومن تاب معك. أحياناً استشعار الاستقامة ومجهود اللي ببذله الإنسان للصلاح والإصلاح قد يصيبه بنوع طغيان، أنه شايف نفسه أحسن، شايف نفسه أفضل، فيطغى حتى على المخالف، كلمة ولا تطغى وكلمة محيرة جداً جداً، يعني إحنا بتتضرب كانت في قمة، يعني أما تيجي تقرأ السورة السورة كلها استضعاف، سيدنا شعيب وسيدنا لوط وسيدنا هود السورة كلها استضعاف أصلاً، سيدنا نوح يعني حتى ما ما جاش نموذج مثلا فترة تمكين طويلة.

ولا تطغى، وأنا ممكن حد يطغى في هذه الفترة؟ لذلك بعضهم قال: لا تنسوا النعمة، بعضهم قال: لا تطغى على الكافر. طب أنا ممكن أطغى على الكافر أو المخالف أنك أنت تعاقبه فوق العقوبة التي أمرك الله بها، أن زي ما كنت بقول من شوية أن الاستضعاف ممكن يعمل نوع من التشوهات النفسية تخرج الإنسان عن العبودية أنه يبقى انتقام وخلاص، لأ أنت عبد.

يعني زي الآيات العجيبة جداً الواحد بيقرأها في سورة التوبة، تخيل يعني معركة بين مسلمين وكفار، وبعدين حصل اشتباك بين المسلمين والكفار، وجزء من الكفار قتل جزء من المسلمين، اتخيل واحد كافر في معركة مع المسلمين، وفي هنا واحد مسلم الكافر ده قتل أباه وأخاه وابنه، وبعدين دخلوا معركة تانية فانتصر المسلم، وبعدين الكافر أسلم.

فربنا بيقول: ﴿فَإِنْ تَابُوا وَأَقَامُوا الصَّلَاةَ وَآتَوُا الزَّكَاةَ فَإِخْوَانُكُمْ فِي الدِّينِ﴾ [التوبة: 11]، إخواني في الدين ازاي؟ لأ طبعا أموته بس هو أسلم لا يأس لي عندهم بقى أنا، لذلك قال ايه؟ قالها تعوذاً، وسدنا أسامة بن زيد جاي الكافر ضربه في إيده فجاي يضربه وقال له: أشهد أن لا إله إلا الله، أشهد أن لا إله إلا الله، لأ انت بقى هناك هم يحاسبوك أنا هاخد حقي فقتله.

من أشد المواقف التي عاتبه فيها النبي صلى الله عليه وسلم، قال يا رسول الله صلى الله عليه وسلم قال تعوذاً؟ قال: «هلا شققت عن قلبي». يعني الواحد الحديث ده فعلا حديث عجيب جداً، يعني هو طبيعي أنا بالنسبة لي طبيعي أن قالها تعوذاً، يعني هو حبكة يسلب لما شاف السيف، خلاص ما احنا بقالنا عشر سنين بنقول لك أسلم.

أن تضبط ده صعب، أن تقف عند مراد الله ما تتخطاش حدود ربنا في التعامل مع المخالف أياً كان، مبتدع، عاصي، كافر، أياً كان، في حدود مش بالهوى يعني مش مش هو كده مش هو كافر وخلاص بتجيب الكلام ده منين؟ والتعامل كذا مين اللي قال إن التعامل كذا ده ممكن يولده طول الاستضعاف، يخلي أن دي مجرد الشعور بالانتقام بعيداً عن الشعور عن إقامة مراد الله، فقط.

ده برضو الشرع في آيات تانية قال: وَيُذْهِبْ غَيْظَ قُلُوبِكُمْ [التوبة: 15]، يعني الشرع مش بيصادم الفطرة، طبيعي أنك تكون متغاظ ونفسك تنتصر، والنبي صلى الله عليه وسلم أخبرنا أن جبريل قال له: لو رأيتني يا محمد وأنا أدس الطين في فمي فرعون مخافة أن تدركه الرحمة. برضو هو عندنا ده التوازن ده موجود، لكن الشاهد هو أسلم وخلاص بقى واقع أمامك أنت أنا مضطر أن أنت إيه تلتزم بالشرع.

هو لسه ما أسلمش وأنت عايز يعني في غيظ من اللي أصابه بك حقك، وتدعو عليه وتنتصر عليه حقك، لكن: ﴿وَإِنْ عَاقَبْتُمْ فَعَاقِبُوا بِمِثْلِ مَا عُوقِبْتُم بِهِ﴾ [النحل: 126]، أنك أنت ما تتخطاش ده، زي آيات خواتيم النحل كده، وقيل إن كان فيها عتاب لبعض المسلمين لما أرادوا أن يتخطوا ما أمرهم الله به، أن كانوا عايزين يعملوا حاجات أكتر من اللي اتعملت، لا، تقف عند شرع ربنا سبحانه وتعالى.

فكلمة لا تطغى كلمة عجيبة جداً في هذا السياق، وده من تمام الاستقامة: ﴿فَاسْتَقِمْ كَمَا أُمِرْتَ وَمَن تَابَ مَعَكَ وَلَا تَطْغَوْا﴾ [هود: 112]. وأنك أنت في الوقت ده الله بصير بأعمالك، أنه بما تعملونه بصير؛ يعني أنت الدافع الرئيسي اللي بيحركك في أوقات الاستضعاف والتمكين أنك عبد وأن الله يراك، أن تعبد الله كأنك تراه، أن تعبد الله الأول كأنك تراه، فإن لم تكن تراه فانه يراك، أنه بما تعملون بصير.

يبقى اللي يثبتك في أي وضع كان أنك أنت عبد بتقوم بهذه العبودية وأن الله بصير مطلع عليك سبحانه وتعالى: ﴿فَاسْتَقِمْ كَمَا أُمِرْتَ وَمَن تَابَ مَعَكَ وَلَا تَطْغَوْا ۚ إِنَّهُ بِمَا تَعْمَلُونَ بَصِيرٌ﴾ [هود: 112].

ولا تركنوا إلى الذين ظلموا فتمسكم النار وما لكم من دون الله من أولياء ثم لا تنصرون. يبقى الاستقامة بين لئيم بين لا تطغوا، ضعف النص، ما تعاقبش بعقوبة أعلى، ما تتخطاش الحدود التي وضعها الله سبحانه وتعالى، وفي نفس الوقت مش معنى يعني مثلا تيجي تقول لواحد إيه: تعامل بالإنصاف، ما تكفرش المخالف طالما هو ما وقعش في فعل مكفر بعد بينة، التزم شرع ربنا في التعامل، فتظل تدي له ضوابط أنه ما يروحش عند الطغيان.

فيقوم واحد أنت عمال بقى تدي ضوابط يقوم تلاقيه يروح إيه اترمي في حضن الظالمين، تقول له إيه ده أنت يا ابني فهمت إيه؟ تعال هو أنا أما أقول لك لا تطغوا معناه أنك تروح الناحية دي، لأ خليك في النص واستقم: ولا تركنوا إلى الذين ظلموا. وتعبير تركنوا تعبير عجيب جداً، ده اللي خلى المفسرين يقولوا يعني إيه تركنوا؟ بعضهم قال هو أقل الميل، وده اختيار الزمخشري، الزمخشري كان على فكرة الشخصية الثورية قوي، وغالب المعتزلة كده، وهو في تفسيره يعني إيه حتى بعضهم أنكر عليه قال: هذا لا يعرف في اللغة.

فقال أقل المال، وإن كان ورد عن بعض التابعين، ورد أظن عن ابن زيد، هنختار بمعنى الميل، وابن كثير استحسنه، بل ابن كثير قال: لا تستعينوا بالظالمين فيفهم أنكم ترضون بباقي صنيعهم.

ابن كثير قال: مع أنك أنت رايح هي تساعده أو هيساعدك في حاجة تانية، فيتفاهم أنك راضي بباقي الصنيع، لذلك المفسرون اختلفوا: إيه معنى لا تركنوا؟ هل لا تشرك مثله؟ ولا هل لا ترضى بعمله؟ ولا هل تنكر عليه؟ دي بتحتاج أنك تضبطها من عموم الشريعة، ما بتستخدش من الآيات دي، اسمها جمع نصوص في المسألة الواحدة.

الخلاصة: ألا يظهر منك الرضا على فعله، وأن تنكر مع القدرة، إذا زالت القدرة زال الإنكار، ما فيش قدرة يبقى ما فيش إنكار، لكن يبقى أن تبغض ذلك، ألا ترضى وألا تظهر الرضا طالما تستطيع ألا تفعل ذلك. دي خلاصة طبعا اللي عايز يرجع لتفصيلها قضى الأمر عن المنكر وضوابطها، ولكن الخلاصة أن برضو ما بيشترطش على كل إنسان أنه ينكر، لا مقيد بالرضا بالقدرة، الإنكار مقيد بالقدرة، سقطت القدرة خلاص ما تشترطش ما يبقاش شرط بقى، يستحب له بضوابطه برضو هو ما لم يعود على الغير ضرر عام أو غير ذلك.

لكن الخلاصة إيه؟ ﴿وَلَا تَرْكَنُوا إِلَى الَّذِينَ ظَلَمُوا﴾ [هود: 113]، ما يبقاش جواك أنك معتقد -ما هو دلوقتي أنت قاعد في أزمة طول فترة استضعاف- وعايز الركن ده، اللي هو زي عمود بني يعني أركان الإسلام، يعني الركن ده عمود فانت معتقد أنك هتعتمد عليه، أنك تركن، ده يبقى أنت جواك نوع من الآيه، ما هو اللي يركن ده بيميل عن الاستقامة وهتلاقيه بيميل كده يركن، أن هو عايز أن هو يحل لي مشكلتي، أن أنا أنازل عن قضيتي وهو اللي يحلها لي، هو مش هحل لك قضيتك، ما حدش هيحمل قضيتك إلا أنت، فانت تركن إليه فربنا بيقول لك أنت بحثت عن من يتولى قضيتك وذهبت إليه فخسرت كل الأولياء ﴿وَمَا لَكُم مِّن دُونِ اللَّهِ مِنْ وَلِيٍّ وَلَا نَصِيرٍ﴾ [البقرة: 107].

ثم لا تنصروه، اللي معتقد أنه هينصر قضيته عن طريق الركون إلى الظالمين هيتضحك عليه زي ما اتضحك على اللي قبله، خلاص هو هيستعمل في منطقة معينة وبعدين يترمى ويكمل الظالم، إياك أن تعتقد أن الركونين اللي ضايمين هيحل لك مشكلة، واقرأوا التاريخ والحاضر، فاياك أنت فلذلك الاستقامة، لا تطغوا ولا تركنوا لدرجة أن بعض المفلسين قال ما قلش ولا تركنوا، ربنا لم يقل ولا تركنوا إلى الظالمين، قالوا: ﴿لَا تَرْكَنُوا﴾، إيه الفارق بين الظالم المستقر في ظلمه؟ الذين ظلموا ده ممكن يكون مش مستقر، لكن تتكرر منه بعض أفعال الظلم، قال: حتى هذا لا تركن إليه.

يا جماعة، الله سبحانه وتعالى ينظر إلى قلوبنا، أن الله يطلع عليك ويجدك قاعد بتبحث عن ركن شديد غيري في الازمات، هي دي الخطورة وده احنا قلنا ده لب سورة يوسف، أن مهما تعرضت لأزمة يظل القلب متعلق بالله، الله غالب على أمره، يعني المعنى المحوري اللي في سورة يوسف الله غالب على أمره، وأن مع الضغوطات حتى إذا استيأس الرسل تظن يظل قلبه متعلق بالله.

ده المعنى المحوري المهم في وقت الأزمة، في وقت الاستضعاف، اللي عموم سور ألم كلها على بعضها بتصب في المعنى ده، يعني عموم سور بل عموم القرآن أصلا ده معنى محوري، تعلق القلب بالله ده معنى محوري، لكن لا سيما وقت طول فترة الأزمة أو طول فترة الإضعاف، ﴿وَلَا تَطْغَوْا وَلَا تَرْكَنُوا إِلَى الَّذِينَ ظَلَمُوا﴾، مجرد الميل لو أخذنا القول أن الإنسان يركن بمعنى الميل البسيط أول ما يبدأ يركن يبدأ مس النار، ذوق الزيادة في الركون زيادة في النار، ﴿وَلَا تَرْكَنُوا إِلَى الَّذِينَ ظَلَمُوا فَتَمَسَّكُمُ النَّارُ﴾ [هود: 113] ده في الآخرة، طب وفي الدنيا مش حقق لك مرادك، لذلك من الاعتقادات المتوهمة أن الحل أن احنا نتنازل عن أجزاء من الدين، ده اعتقاد متوهم بيتكرر كثيرا، ثم يظهر فساده.

يعني كل شوية، طيب الحل أن احنا إيه؟ نعلن الإسلام ونتبرأ للإسلام ومش عارف إعمل إيه في الإسلام وفي الآخر نفشل، وبيجي ناس تانية وبعدين إيه، طب ما نتنازل عن في أسس لا يصلح التنازل عنها، ده مش برضو ده توازن، مش معناه أن ما فيش القدرة أو تدرج، ده موجود، لكن الفكرة في تأصيلك ما تتنازلش، يعني النبي صلى الله عليه وسلم كان ممكن يعمل ده في بداية مكة، كانت من البداية وفي وضوح ﴿لَكُمْ دِينُكُمْ وَلِيَ دِينِ﴾ [الكافرون: 6]، يعني في في حتت كده فيها نوع من المفارقات الواضحة في أصول هذا الدين.

طيب الشاهد: الاستقامة صعبة، واقع صعب، ما ينفعش تترك بعض ما يوحى إليك، ما ينفعش تطغى، ما ينفعش تركن، طب هثبت إزاي؟ يعني أنا كبشر محتاج طاقة الثبات، ركزوا معي في القاعة دي، الثبات ليس معرفيا، يعني مش قواعد بتذاكرها أو معرفة بتحصلها، الثبات إيمان، يعني زي الخشوع كده، يعني الخشوع في الصلاة مش عضلات، مش أنك تقعد يعني كده فتخشع في الصلاة، دي حالة معينة أنت بتكون فيها.

فالثبات بين كل ما تتركش بعض ما يوحى إليك، ولا تطغى، ولا تركن، ولا تميل، كل الأوامر الموجودة في الصورة ولا تكن في مرية، كل هذه اللاءات اللي موجودة في الصورة لا تكفي، أنت محتاج زاد، ﴿أَقِمِ الصَّلَاةَ﴾، الثبات يكون بتلقي معاني الإيمان في الصلاة، أقم الصلاة طرفي النهار وزلفا من الليل، نفس أيضا يعني سبحان الله لما ترجع لسياق سورة الإسراء نفس السياق برضو ﴿وَإِن كَادُوا لَيَسْتَفِزُونَكَ مِنَ الْأَرْضِ لِيُخْرِجُوكَ مِنْهَا وَإِذًا لَّا يَلْبَثُونَ خِلَافَكَ إِلَّا قَلِيلًا﴾ [الإسراء: 76].

وتجد أن هم نعمل إيه؟ نعمل إزاي؟ أثبتوا إزاي طيب؟ هم عمالين يضغطوا علي عشان أنازل، وربنا بيقول لك لو أنت تنازلت إذا لأذقناك ضعف الحياة وضعف الممات، طب أثبت إزاي؟ أقم الصلاة في دلوك الشمس إلى غسق الليل وقرآن الفجر إن قرآن الفجر كان مشهودا، ومن الليل فتهجد به نافلة لك عسى أن يبعثك ربك مقاما محمودا.

وبعدين؟ يبقى أنا الأول بستمد المعاني من الصلاة تلقي الوحي في خلال الصلاة ده معاني الإيمان، الدعاء والتضرع ﴿رَبِّ أَدْخِلْنِي مُدْخَلَ صِدْقٍ وَأَخْرِجْنِي مُخْرَجَ صِدْقٍ وَاجْعَل لِّي مَن لَّدُنكَ سُلْطَانًا نَّصِيرًا﴾ [الإسراء: 80].

وبعدين جاء الحق، ده احنا لسه في مكة، احنا لسه مستضعفين، ﴿وَقُلْ جَاءَ الْحَقُّ وَزَهَقَ الْبَاطِلُ إِنَّ الْبَاطِلَ كَانَ زَهُوقًا﴾ [الإسراء: 81] إزاي؟ لأن أنت ثبت أن تموت على عقيدتك هذا هو النجاح، قال: فزت ورب الكعبة، أن تموت ثابتا على عقيدتك هذه هي ده النجاح، قال: فزت ورب الكعبة، أما طعن حرامي بالحان لكن مات على عقيدته، أتفز إزاي؟ وده زي ما اتكلمنا المرة اللي فاتت مثلا في مفهوم العقل، خليك عاقل هنا مفهوم مفهوم الفوز، ما هو مفهوم الفوز مفهوم الثبات.

فلذلك بعد ما ربنا قال: استقم ولا تطغوا ولا تركنوا، أجيب الزاد منين؟ أقم الصلاة طرفي النهار وزلفا من الليل، وأنت في طريقك ستخطئ، التصور المثالي عن الإصلاح ده إنسان هتغلط، ولذلك دايما بأكد على مسألة الإيغال والولع بنقد العاملين للدين وعلى العامة، خد بالك من القيود الإيغال والولع والعامة، أنا قلت أن النقد ده مفيد عشان ما نكررش نفس التجارب البائسة، لكن الإيغال وعدم اعتبار النوايا الطيبة وعدم احترامها وعدم شكر الجهود.

أنت بتعترف أنه أخطأ أصلا، ما أنت لما بتقول ربنا اغفر لنا بتعترف بخطأك، ولاخواننا الذين سبقونا بالإيمان أنت بتعترف أنهم أخطأوا وبتدعوا الله أن يغفر لهم، ده معناه أنك عارف خطأهم ومتبينه كويس وأن شاء الله ناوي تتجنبه، لكن تدعوا لهم بالمغفرة، فإنك أنت لازم تفهم أن الحسنات يذهبن السيئات، وإن كانت الآية لها ممكن تقرأ في أسباب نزولها أو في يعني ده لها توجيه آخر، استشهاد النبي صلى الله عليه وسلم بالآية لما جا له راجل وقال إنه قبل امرأة هل لي من توبة؟ فالنبي صلى الله عليه وسلم سكت حتى نزل عليه قول الله سبحانه وتعالى أو الراوي قال فنزل قول الله أقم الصلاة الطرفين ﴿إِنَّ الْحَسَنَاتِ يُذْهِبْنَ السَّيِّئَاتِ﴾ [هود: 114].

فالراجل سأل: هل لي خاصة أم الناس عامة؟ فقال النبي صلى الله عليه وسلم: للناس عامة، فاحنا ناخدها على المعنى الواسع مع السياق، لأن زي ما دايما بتعبير ابن عطية المعنى المذكور ده أجنبي عن السياق، لكن هو ممكن يفهم يفيدنا في معنى خاص في الشريعة، أن اللي يخطئ أو يعصي أو يقع في فاحشة لا يقنط من رحمة الله مهما وقع في فاحشة ويرجع ويتوب، ومن وسائل التوبة أنه يكثر من الصلاة.

لكن نرجع بقى لسياق الآيات معنا هنا أن الثبات يحتاج إلى زاد من الصلاة، وأنت عندك زاد من الصلاة وبتتحرك هتخطئ فتكرر الصلاة ﴿إِنَّ الْحَسَنَاتِ يُذْهِبْنَ السَّيِّئَاتِ ذَلِكَ ذِكْرَى لِلذَّاكِرِينَ﴾ [هود: 114].

يبقى بدأت الصفحة الآخرانية ختام سورة هود، خليك على يقين إياك أن تشك في باطلهم، ما تنشغلش بيهم، ﴿وَلِلَّهِ غَيْبُ السَّمَاوَاتِ وَالْأَرْضِ وَإِلَيْهِ يُرْجَعُ الْأَمْرُ كُلُّهُ فَاعْبُدْهُ وَتَوَكَّلْ عَلَيْهِ وَمَا رَبُّكَ بِغَافِلٍ عَمَّا تَعْمَلُونَ﴾ [هود: 123]، استقم كما أمرت الاستقامة بين لائين لا تطغوا ولا تركنوا.

عايز زاد الصلاة ستخطئ أكثر من الحسنات يذهبن السيئات، يعني أنا غلطت في موقف أقعد بقى أسيب كل حاجة وأفضل قاعد وأقول أنا خلاص أنا غلطت وما فيش أمل أتبعها، ﴿أْتْبَعِ السَّيِّئَةَ الْحَسَنَةَ تَمْحُهَا﴾، يعني مش مش الحل أن أنت خلاص أخطأت فتظل واقع في الخطأ، إن الحسنات يذهبن السيئات ذلك ذكرى للذاكرين.

في معنى دايما بيجي كتير في السور المكية والناس ما بتبقاش فاهمة معناه، اللي هو اصبر، يعني إيه اصبر؟ يعني يعني دلوقتي أنت المشكلة دايما أن احنا بنتصور لما بتطول فترة الاستضعاف يقول لك إيه: أنا عايز حل عملي، يعني عايز خريطة أعمال يقوم بها واحد اتنين تلاتة، أول لما يعملهم الواقع يتغي، يعني المشكلة دايما زي ما اتكلمت في إشكالية التفكير الهندسي أن أحيانا غصب عننا المعايير الدنيوية بتنتقل لينا واحنا مش واخدين بالنا، يعني مثلا بتاع الدنيا عنده عمل كذا ما طلعتش فلوس، ده فشل يبقى أنت غلطت صلحها هتطلع فلوس كويس، عنده كل حاجة كام بيجيب كام وده طلع كم مثلا؟ آه.

حتى اللي بيتعامل مع أهل الدين كده يقول لك: هيا سمعوا كام واحد؟ اتغير كام واحد؟ أسلم كام واحد؟ انتشر كام كم واحد؟ كم فولورز؟ يعني دايما بيسأل كم، هو انتقل لده لده، هو ممكن ما يفهمش مثلا ممكن والنبي ليس معه أحد، يقول لك لأ قال له لأ ده ممكن يحصل، أو في فترة ممكن تحصل ما فيش وسيلة متاحة أنك تعملها، اللي تعملوا لنا ثابت على اللي أنت بتعمله، يعني العمل الذي تقوم به، يعني لذلك لما قول الله سبحانه وتعالى والشيخ السعدي يعني يعني من يعني إيه أبدع في تفسيره لهذه الآية؟ ارجعوا لها في سورة النساء التفسير السعدي ﴿أَلَمْ تَرَ إِلَى الَّذِينَ قِيلَ لَهُمْ كُفُّوا أَيْدِيَكُمْ وَأَقِيمُوا الصَّلَاةَ وَآتُوا الزَّكَاةَ فَلَمَّا كُتِبَ عَلَيْهِمُ الْقِتَالُ إِذَا فَرِيقٌ مِّنْهُمْ يَخْشَوْنَ النَّاسَ كَخَشْيَةِ اللَّهِ أَوْ أَشَدَّ خَشْيَةً وَقَالُوا رَبَّنَا لِمَ كَتَبْتَ عَلَيْنَا الْقِتَالَ لَوْلَا أَخَّرْتَنَا إِلَى أَجَلٍ قَرِيبٍ﴾ [النساء: 77].

كانوا عايشين في وضع معين في مكة، كل ما تأذوا لدرجة أن بعضهم قال أن عشرات المرات مش مرة ولا اتنين عشرات المرات، بعض المسلمين في مكة طلب أن هو يقاتل، وفي كل مرة كان بيجي اصبروا، أن انك أنت تنشغل بالاشياء اللي مش متاحة ده يؤثر على أنك أنت تعمل المتاح، ركز معي تاني، أن عقلك ونفسيتك وذهنك مشغول بالفرص الغير متاحة فيجعلك دايما متشوف لها ورافض وكاره ومستحقر الأمور الموجودة المتاحة، لما يجي الأزمة تنجلي ويطلب منك حاجة كان المفروض تحصل الزاد اللي أطلب منك في وقت الاستضعاف أنت ما حصلتوش.

وده بيحصل كتير أنك تقول للشخص إذن بنا ما تعرفش هيحصل احتياج لك أمتى، استمر في البناء، استمر في البناء مع العطاء والدعوة والأمر بالمعروف والنهي عن المنكر استمر داخل يعني داخل هذه الجمرة التي تمسكها وإلا ما تلقيهاش، الواحد درس القرار التاني، خليك داخل هذه المنظومة وما تعرفش هيحتاج لك أمتى، ممكن فجأة يحصل انفتاح يقول لك: آه ده أنا ما كنتش جاهز.

خلاص خليك بقى غيرك جاهز هيدخل، خليك قاعد بقى، فإنك أنت تنشغل وذهنك يظل دايما مشغول بالأمور الغير متاح، وده بيخليك تنصرف ذهنيا عن أن أنت مطالب منك أنك تعمل حاجة دلوقتي حالا، ده اللي احنا بنسميه دايما إيه: واجب الوقت، لذلك في كتب اتكلمت إيه هو واجب الوقت في المرحلة المكية، يعني في كتب حاولوا يستخلصوا العبوديات اللي كانت موجودة في مكة.

هل كلها مجرد عقائد؟ هل ما فيش أعمال؟ هل فكرة القدرة وإيه مساحتها؟ لذلك ظهر بقى أبحاث نستفيد منها في واقعنا دلوقتي السياسة الشرعية في وقت الاستضعاف والتمكين الواجب والممكن، يعني إيه الواجب وإيه الممكن وإيه الدائرة اللي نعرف نوصل لها؟

نرجع تاني: الحسنات يذهبن السيئات ذلك ذكرى للذاكرين، وأصبر أصبر يعني يعني ممكن الوضع يفضل كده فترة؟ آه ممكن يفضل كده فترة وأنا بعمل إيه؟ بتعمل اللي أنت بتعمله ثابت عليه بس ما بيحصلش تغير، يعني أنا ثابت على الوحي، ثابت على الدعوة، ثابت على الأمر بالمعروف والنهي عن المنكر، ثابت على الحمية التي بداخله لا تنطفئ، ثابت على أن أنا باستمرار في دعوة المشركين.

لكن ظاهريا أنا ثابت على ده لكن ظاهريا الواقع زي ما هو، أعداد المسلمين زي ما هم، وأعداد المشركين بيزدادوا، الخريطة الإسلامية زي ما هي ثابتة ما فيش تغير فيها، أعمل إيه؟ اصبر.

طالما أنت اللي أنت بتعمله موقن به وده وحي، ما فيش حاجة أنت اجتهدتها، اللي أنت بتعمله ده حاجات مش محتاجة إعادة تفكير، في حاجات أنت لازم تعملها. يعني ما يجيش حد في الأزمة ويترك مثلاً الدعوة أو قيام الليل؛ دي حاجات أسس ما بتتركش أو استمراره في البناء. هذه لا تترك أياً كان الوضع، فدي ما فيش فيها مراجعات، في بعض الوسائل ممكن تراجعها أنت أخطأت، أنت غيرت، أنت كان في أولويات معينة، هذه ممكن تراجعها.

لكن أنت لابد أن تصبر ولا تحتقر أبداً مجهودك أبداً، المشكلة دايماً أن إحنا متصورين أن عملية التغيير الكبيرة بتحصل بأفعال ضخمة كبيرة مرتبة فوق بعضها، ده أحد وسائل التغيير. يعني كنت لسه سامع مقطع جميل جزاه الأخ عبد الكريم الدخيل، عامل مقطع على دردشة كده على اليوتيوب بعنوان لسه منزله قريب نظرية الفراشة. والتي هي النظرية معروفة لو فراشة اتحركت في أقصى الجنوب مثلاً في إفريقيا نتيجة ورقة شجر وقعت، فهي اتحركت، تأثير الحركة دي في الهواء ممكن يؤدي لحدوث فيضان أو حاجة ضخمة في الطرف المقابل من الكرة الأرضية. وكان واضع نظرية بيقول إن يستحيل قصة -ممكن ترجع لها اللي عايز يفهم يعني إيه بتاعة الفراشة دي- إن يستحيل الفكرة، إن يستحيل التنبؤ التام بالطقس الجوي؟ يستحيل التنبؤ التام، دي كلها إيه؟ محاولات للوصول، لكن ممكن حدث معين أنت مش فاهم تبعاته يعمل قضايا تراكمية وأنت مش واخد بالك، يعمل حدث ضخم الناحية التانية.

فقال إسقاط جميل عجبني، أن ما تحتقرش أعمالك، وجاب أمثلة أن أحداث ضخمة زي الحرب العالمية التانية، أحداث ضخمة حصلت وحصل على تبعاتها تغيرات في خريطة الكرة الأرضية بسبب أن واحد تحمس مثلاً فموت مراته، حد مثلاً أو بتاع ملك النمسا، وأن المشكلة كلها أن حد تحمس وراح موت حد في النمسا وحصلت الحرب العالمية، يعني ممكن حدث، يعني حد يتحمس أو حاجة، موقف بسيط جداً كان ممكن يعدي. لكن بترتيب وبقدر من الله فإن الله يزرع لهذا الدين، يعني الخلافات اللي حصلت بين الروم والفرس وإنهاك القوى اللي حصل بينهم ده بترتيب من ربنا عشان تهيئة لمجيء الخلافة الإسلامية. لما تيجي تقرأ: ﴿غُلِبَتِ الرُّومُ * فِي أَدْنَى الْأَرْضِ وَهُم مِّن بَعْدِ غَلَبِهِمْ سَيَغْلِبُونَ﴾ [الروم: 2-3] والآيات دي مكية، حارب الروم فتنتصر وبعد كده الروم ترجع تحارب الفرس فتنتصر، حصل لهم هما الاتنين نوع من الإنهاك، وأن من قبل كده أصلاً أن حضارتين كبار زي حضارة فارس والروم يزهدوا في جزيرة العرب.

ما حدش يروح يحتلها، شايفينها صحراوية فيها نوع من البداوة، مش مسقفين، مش بيدرسوا فلسفة الإغريق، مهتمين مثلاً بالاصنام، عندهم نوع من القداسة في الكعبة، فكان في نوع من الزهد من حضرات فارس وروم عن جزيرة العرب أن البعثة تيجي في المكان ده وأنه لما يروح ينتقل للمدينة يكون فيها يهود، ما يكونش فيها نصارى مثلاً، اللي كان بعض اللي كتب في السيرة يقول أن وجود اليهود في المدينة، اليهود دايماً بيحبوا أن يكونوا منغلقين على نفسهم غير النصارى، الدعوة بالتبشير، يهود مش أي حد يبقى يهودي بسهولة، في نوع من الانغلاق، وعندهم نوع من رابط الدين بالعرق، عندهم نوع من التميز العرقي النسل بتاعه وده أفضل نسل، فكان اللي هناك كارهينهم، يعني المكان ده كانوا هما كارهين اليهود، لذلك هي نجحت في المدينة ما نجحتش، يعني الدعوة أو من اصطفاء الله أنها كانت في المدينة مش في الحبشة، الشاهد يعني أن في أقدار تحدث أنت مش عارف، فاياك أن تحتقر كلمة تقوم بها مطلوبة منك أو فعل تقوم به أو طفل تربيه.

تخيل كده الراهب قصة غلام الأُخدود ساب لهم كل حاجة، ما هو ساحر، الساحر بقى من كان قديم دفعة الراهب، الراهب ده من ساب بقى الملك الظالم وساب الساحر وانعزل، الناس دي ما فيش فيها أمل وما عندوش قدرة على التغيير، هيعمل إيه؟ انعزل قعد في كهف كده، عدى عليه غلام، عيل معدي عليه يقول له علمني، التوقيت اللي أنت بتفكر وبعد ما علمه، يعني راح يا ابني راح، راح كل اللي أعلنوه قبلك انتكس، راح يا حبيبي، أهو نعلمه يعني، أه علمه قعد يعلمه التوحيد أصول الغلام اللي كان جاي له كمان بيروح للساحر، استغفر الله العظيم يا رب، يعني كمان مش بيجي بس للراهب لأ، كمان إيه بيروح للساحر، يعني حتى مش خالص له، طيب هعلمك ماشي ويجي يقول له أبويا بيضربني كمان عشان أنا، هو في إيه يا أهني؟ تمشي يا ابني أنا أصلاً كنت قاعد لوحدي، فيقول له طيب خلاص، إيه ده الخشية ده؟ يعني ما يتوقعش أبدا أن ده ممكن يحصل، لغاية لما جت لحظة واتحرك بده وبدأ حس أنه ملهم وأن ربنا يجري بعض الكرامات عليه، قال: أنت اليوم أفضل مني. برضو ما نفسوش، مش قل لي بقى أنت بتعمل الحاجات دي إزاي؟ أنا اللي قايل لك، مش أنا علمتك؟ أنت تقول لي بقى بتشفي، أه، ده ترد لي الجميل، أه، أنا هنزل معاك، لأ هو راجل ما احتقرش عمل، منصف من نفسه، قال له: أنت اليوم أفضل مني، بل حتى لما الغلام دل على الراهب والراهب يقتل لم يعاتبه، مع أن الراهب قتل بسبب دلالة الغلام عليه، يعني تخيل مشهد الراهب بيموت والغلام ممسوك والغلام بيقول له هو ده اللي قال لي، الراهب ميت ومش عارف إيه اللي يحصل، يعني تخيل ممكن يكون الراهب مات، أدى حتى الغلام اللي إاحنا علمناه في الآخر كنت قاعد في الكهف، أنا قلت لكم، أه أه، فعني فانت لو فكرت كده عمرك ما هتعمل أي حاجة.

أهم حاجة، الشاهد، اياك أن تحتقر أي فعل تقوم به، اصبر إن الله لا يضيع أجر المحسنين، أهم حاجة هات آخرك، يعني أهم حاجة تكون محسن فيما تفعل، ساعتها ما على المحسنين من سبيل، زي ما ربنا قال في سورة التوبة، وخلاص ما علهمش حاجة، هم جابوا آخرهم. أنا طولت عليكم، إحنا عدينا الساعة صح، تسعة وخمسة.

﴿فَلَوْلَا كَانَ مِنَ الْقُرُونِ مِن قَبْلِكُمْ أُولُو بَقِيَّةٍ يَنْهَوْنَ عَنِ الْفَسَادِ فِي الْأَرْضِ إِلَّا قَلِيلًا مِمَّنْ أَنجَيْنَا مِنْهُمْ وَاتَّبَعَ الَّذِينَ ظَلَمُوا مَا أُتْرِفُوا فِيهِ وَكَانُوا مُجْرِمِينَ﴾ [هود: 116]. يقول ربنا سبحانه وتعالى في ختام السورة: فهل كان من القرون أنت طول ما أنت بتقرأ في السورة قرون أهلكت أهلكت أهلكت، ربنا بيقول إن كان في حاجة لو حصلت ما كانش الهلاك هينزل، حاجة لو جت حصلت ما كانش، لكن إيه الحاجة دي؟ أن يكون في مجموعة من الناس كبيرة، المجموعة الكبيرة دي اسمها أولو بقية، المجموعة الكبيرة دي تنهى عن الفساد، لو كان عدد اللي بيلهوا عن الفساد كتير ما كانش العذاب نزل، فلو كان من القرون من قبلكم أي فهلا كان منهم أولو بقية ينهون عن الفساد في الأرض، ده معنى الآية.

فانا هقول الآية وادخل التفسير فيها، فهلا كان من القرون من قبلكم أولو بقية، أي أولو بذل وتضحية وجهد ينهون عن الفساد في الأرض، ولكن للأسف كانوا قليلين فهم فقط الذين نجوا وأهلك الله الباقين، ده معنى الآية سريعا. فلولا كان من القرون من قبلكم أي فهلا كان منهم، لكن للأسف الغالبية أعرضت وقلة قليلة الوصف اللي ربنا سماهم به، فلولا كان من القرون من قبلكم سماهم حاجتين، سماهم اسم أو وصف أولو بقية وذكر فعل لهم: ينهون عن الفساد، يعني لما ربنا أراد أنه يختار فعل واحد من الأفعال اللي عملوها، استوجبوا -طبعا هو يعني بفضل من الله سبحانه وتعالى- النجاة، أخذوا به النجاة، الفعل ده نجوا بإيه؟ نجوا بإيه؟ ينهون عن الفساد في الأرض. عايز تنجو؟ يعني زي هنا نفس الخلاف في الآية، نفس الخلاف اللي موجود في قصة أصحاب السبت الطائفة التي لم تنكر التي سكتت، لم تأكل يوم السبت الحيتان ولم تراوغ ولم تنكر، في طائفة سكتت وزي ما قلنا ابن كثير قال إيه؟ سكتت فسكت الله عنه.

هنا برضو ربنا بيقول إيه؟ إنه أنجى اللي كانوا ينهون عن الفساد، طيب واللي كانوا مسلمين بس ما كانوش بينهوا عن الفساد؟ برضو سكت عنه، تلاقي بعض المفسرين بيقول وده كان يعني استغربت جداً من أن حد يختار القول ده ويميل للقول ده وقول مؤلم غريبة جداً، يعني يقول: واتبع الذين ظلموا ما أترفوا فيه، دول اللي المسلمين اللي ما كانوش بينهوا عن الفساد، دول اللي ظلموا اللي اتبعوا الترف، وأن المانع من النهي عن الفساد هو اتباع الترف، وإن كان ده قول بعيد بس يعني أذكره الإنسان يعظ به نفسه ويسقط الآيات على نفسه. يبقى فلولا كان من القرون من قبلكم أولو بقية، أولو بقية اللي بيبقى دايماً زي التعبير الزمخشري اللي بيبقى اللي بتدخره بنفسك الحاجة الكويسة، وبتعبير ابن عطية أصحاب الحزم والعقل والنظر والثبات، تعبير البقاعي بيقول البقية المعنى المحوري لكلمة بقية هو الجمع والمراقبة، يعني أنت عايز تبقي حاجة يعني في حاجة موجودة عايز تبقى إيه؟ عايز تحافظ عليها، لازم تجمعها في مكان وتراقبها ويكون عندك القوة أنك تمنع حاجة تأذيها.

فهكذا الإيمان عشان يبقى بداخلك لابد أن تجمعه وأن تراقبه وأن تمنع ما يفسده، أنا عايز تحافظ على الإيمان اللي في قلبك وأن تكون من أولي بقية، أن تسعى في جمع الإيمان، وأن تراقب هذا الإيمان، وأن تمنع ما يفسده، وأشد ما يفسد هذا الإيمان أن تتبع ما أترفوا فيه وأن تتوقف عينه عن الفساد في الأرض، يعني أشد ما ينمي الإيمان أن تنهى عن الفساد في الأرض، وأشد ما يفسد الإيمان اتباع ما أترفوا فيه. فلولا كان من القرون من قبلكم أولو بقية، ده وصفهم، وقلنا يعني إيه أولو بقية؟ لذلك كانوا بيقولوا إيه؟ كم في الزوايا من خبايا، وكم في الرجال من بقايا، يعني اللي بيبقى بعد طول المحنة دول القلة، ثلة من الأولين وقليل من الآخرين، اللي بيبقى دول دايماً قلة، ربنا يثبتنا يا رب، أولو بقية ينهون عن الفساد في الأرض، أهم وصف لذلك البقاعي قال كلمة رائعة قال ينهون المضارع لكثرة الفساد المنتشر، يعني المضارع أن الفساد حواليهم في كل ناحية، وبالرغم من ذلك لم يتوقفوا عن النهي، ما قالش طب أنا أعمل إيه يعني أسيبها وخلاص، لأ كان يعني المعنى المحوري لو أنت فقدته أنت بدأت تفقد شيء مهم في الدين، أن أنت ما عدتش زعلان على الفساد اللي موجود، يعني أنت ما عادش يؤلمك مشاهد الفساد، ما عادتش بتحرك بداخلك ساكناً، دي مصيبة، ده هنا أنت بدأت تبعد، ده أنت بدأت غالباً تنتقل إلى مرحلة الانتخاب، اللي هي بقى زي ما قلنا إيه الثلاجة اللي قلناه في درس قرية تانية، أنت ابتعدت عن القابض الجمرة، يعني المعنى المحوري ينهون عن الفساد في الأرض، ده معنى محوري عشان تكون من أولي بقية.

إلا قليلاً ممن أنجينا منهم، إلا قليلاً ممن أنجينا دي التانية بيسموها ميم بيانية، يعني اللي نجوا هم اللي كانوا بينهوا، مش جزء من اللي كان بينهى ربنا نجاه، لأ، القليل اللي اللي نجوا مين هم القليل اللي كمان؟ في حاجة اسمها ميم بيانية مش تبعيضية، يعني مثلاً: ﴿فَاجْتَنِبُوا الرِّجْسَ مِنَ الْأَوْثَانِ﴾ [الحج: 30] كل الأوثان رجس، فمعنى الآية: فاجتنبوا الرجس التي هي الأوثان، فالإلى قليلاً هم الذين كانوا ينهون عن الفساد في الأرض، إلا قليلاً ممن أنجينا منهم الذين ظلموا، جمهور المفسرين على أن دول اللي ربنا أهلكهم، رفضوا من بيانية، يسألني أنا ميم بيانية واتبع الذين ظلموا ما أترفوا فيه جمهوره في سبيل الذين ظلموا، المشركين اللي ربنا أهلكهم كان المانع الأساسي من قبول الدين هو الترف، اللي اختار قلة قليلة، اختاروا أن اللي رفض أنه ينهى كان المانع أنه يطرف، منطقة الترف دي هي منطقة قتل روح الدين، هي منطقة إطفاء الجمرة اللي أنت القابض على دينك القابض على الجمرة، ما تروحش المنطقة دي، يعني في فرق أنك أنت ربنا يفتح عليك دنيوياً وبينك تعيش مترف، الترف أنك تنسيك النعمة، تنسيك حق الله، يعني ما توصلش للمرحلة دي، ولا سيما أهل الصلاح والإصلاح، أهل الإصلاح ما ينفعش يعيشوا مترفين، ﴿يَا أَيُّهَا الْمُدَّثِّرُ * قُمْ فَأَنذِرْ﴾ [المُدَّثِّر: 1-2] هذا الدثار اتركه لا يناسب حال الدعوة، وهذا التزمل اتركه لا يناسب حال العبادة، ﴿وَلِرَبِّكَ فَاصْبِرْ﴾ [المدثر: 7] واتبع الذين ظلموا ما أترفوا فيه وكانوا مجرمين.

وما كان ربك ليهلك القرى بظلم وأهلها مصلحون، سنة من سنن ربنا سبحانه وتعالى، غالب المفسرين قالوا بظلم أي بظلم من الله، أن الله لم يكن ليظلم أحداً، وما كان ربك أهلك القرى بظلم منه لو كان أهلها مصلحون ما ولو كان أهلها مصلحين ما أهلكهم الله، ولكنهم أشركوا وكفروا وطغوا فاهلكهم الله، ده معنى قدمه كتير من المفسرين بدأوا بيه زي الطبري والزمخشري ورجحه ابن عطية.

في معنى تاني قدمه الرازي والقرطبي ورجحه بعض المعاصرين، قال إن معنى الآية، والطبري ذكره برضو وبس آخره، وبرضو الزمخشري ذكره بس ذكره رقم اتنين، معنى الآية: وما كان ربك ليهلك القرى بشرك منهم طالما كانوا يتعاملون بالاصلاح والعدل فيما بينهم، اللي هي الحكمة المشهورة: أن الله يقيم دولة العدل ولو كانت كافرة ويهلك دولة الظلم لو كانت مسلمة، خدوها من هذه الآية، وما كان ربك هذا قول تاني، وما كان ربك ليهلك القرى بشرك منهم طالما كانوا يتعاملون بالإصلاح والعدل فيما بينهم، ده معنى الآية على القول التاني.

ولو شاء ربك، فاهم سنن ربنا في الإصلاح. ربنا قادر إنه يجعل الناس كلها مسلمة: ﴿وَلَوْ شَاءَ رَبُّكَ لَجَعَلَ النَّاسَ أُمَّةً وَاحِدَةً وَلَا يَزَالُونَ مُخْتَلِفِينَ﴾ [هود: 118]. دي القاعدة اللي إحنا قلناها من الأول، الخلافة يظل الاختلاف، هيظل الصراع، هيظل إلى يوم القيامة، ﴿وَلَا يَزَالُونَ مُخْتَلِفِينَ * إِلَّا مَنْ رَحِمَ رَبُّكَ﴾ [هود: 118-119] الذين نجاهم الله سبحانه وتعالى من الشرك وهداهم للإيمان، ذلك خلقهم إما للاختلاف أو للرحمة.

واحد يقول لي إزاي خلقهم للاختلاف؟ لأن ربنا سبحانه وتعالى، يعني ممكن اللي بيسميها لام العاقبة أو السيرورة، ربنا وضع فيك القدرة على الاختيار، فطبيعي إن في ناس هتختار الفساد وهتختار الشر، يعني طبيعي إن الإنسان مش مجبور على اختيار الباطل أو مجبور على اختيار اليهود، لا، هو اللي بيختار، إنا عرضنا الأمانة، إما شاكراً وإما كفوراً اختيار، فلما فجورها وتقواها، ﴿وَلَا يَزَالُونَ مُخْتَلِفِينَ * إِلَّا مَنْ رَحِمَ رَبُّكَ وَلِذَلِكَ خَلَقَهُمْ وَتَمَّتْ كَلِمَةُ رَبِّي لَأَمْلَأَنَّ جَهَنَّمَ مِنَ الْجِنَّةِ وَالنَّاسِ أَجْمَعِينَ﴾ [هود: 118-119] الذين عصوا الله سبحانه وتعالى.

وكلًا نقص عليك يا محمد صلى الله عليه وسلم من أنباء الرسل ما نثبت به فؤادك. فؤاد النبي صلى الله عليه وسلم كان يحتاج إلى هذه الآيات من سورة هود حتى يثبت قلب النبي صلى الله عليه وسلم، كان يحتاج إلى هذه السورة تحديداً. وجاءك في هذه، جمهور المفسرين بيقول هذه أي في سورة هود، قلة قالت هذه أي الدنيا، لكن جاءك في هذه، جمهور المفسرين قال أي في سورة هود تحديداً. في الأوقات، أنت محتاج ثلاث حاجات، محتاج حق يقين تسمعه، محتاج موعظة حد يوعظك، محتاج تذكرة، وجاءك في هذه الحق وموعظة وذكرى للمؤمنين، كل ده موجود في السورة.

فتخيل لما سورة هود هي كانت النجاة، كانت ثبات للفؤاد، وجاءك في هذه الحق وموعظة للمتقين للمؤمنين، خرج النبي صلى الله عليه وسلم من السورة: ﴿وَقُلْ لِلَّذِينَ لَا يُؤْمِنُونَ﴾ [هود: 121] اللي مصرين بعد كل ده، اعملوا على مكانتكم، هاتوا آخركم، أقصى ما يطيعونه وافعلونه، وانا إني أنا عاملون، أنا جيب آخري، وانظروا، انظروا أن نموت، أن يهلكنا أي الله، انظروا أي شيء، وأنا أنا منتظرون.

طيب إحنا منتظرين إيه برضه مش يعني تخيل لما واحد في الوقت ده يروح يقول لهم انظروا أنا منتظرون، فييجي واحد مشرك يسألك طيب أنت منتظر إيه؟ تقول له ما أععرفش، أي عندنا منتظر، يعني ربنا هينزل عذاب على قريش تخيل ده في المرحلة المكية، ما أعرفش، طيب هيحصل فتح مبين؟ ما أعرفش، طيب هتروحوا مكان تاني زي الحبشة؟ ما أعرفش، لكن أنا واثق في مراد الله، طب إيه اللي هيحصل؟ يبقى أنا محتاج حد عارف إيه اللي هيحصل: ﴿وَلِلَّهِ غَيْبُ السَّمَاوَاتِ وَالْأَرْضِ وَإِلَيْهِ يُرْجَعُ الْأَمْرُ كُلُّهُ﴾ [هود: 123].

أعمل إيه؟ المطلوب منك فاعبده والقوة النفسية وتوكل عليها، ﴿وَمَا رَبُّكَ بِغَافِلٍ عَمَّا تَعْمَلُونَ﴾ [هود: 123]. كل ما تفعله في هذه الأوقات الله مطلع عليه، ولن يضيع جهدك، ولن يضيع كلمة قمت بها، أو ركعة صليتها في جوف الليل تدعو للمسلمين، أي شيء بتفعله تنصر به الدين لن يخذلك الله، ولن يضيعك الله سبحانه وتعالى.

أسأل الله سبحانه وتعالى أن يستعملنا ويثبتنا، أعذروني إن أنا طولت عليكم، أقول قولي هذا وأستغفر الله لي ولكم. سبحانك اللهم وبحمدك، أشهد أن لا إله إلا أنت، أستغفرك وأتوب إليك، وجزاكم الله خيراً.