الشيخ أمجد سميربسم الله، الحمد لله، والصلاة والسلام على رسول الله وعلى آله وصحبه ومن والاه، وأشهد أن لا إله إلا الله وحده لا شريك له، وأشهد أن محمدا عبده ورسوله. اللهم صل على سيدنا محمد النبي وأزواجه وأمهات المؤمنين وذرياته وآل بيته، كما صليت على آل إبراهيم إنك حميد مجيد. أما بعد.
اليوم الدرس الثالث من شرح حديث أم زرع. طبعاً نحن لم ندخل في الحديث لسه، كل هذا كان في مقدمة في ثقافة الحوار بين الزوجين. هناك حاجتان أريد أن أصلحهما مما قلته خطأ المرة الماضية، ونبهت عليهما منكم، من ناس علقت على اليوتيوب أو على القناة. أول حاجة: المرأة التي تنازلت عن يومها لسيدة عائشة رضي الله عنها هي السيدة سوداء وليست أم سلمة. والحاجة الثانية: الحديث الخاص بـ "ورأسه"، أنا قلت إن النبي صلى الله عليه وسلم قال أولاً "ورأسه" ثم قالت عائشة "بل أنا ورأسه"، هو العكس؛ قالت عائشة "ورأسه" ثم قال هو "بل أنا ورأسه". المعنى موجود، وهو أن النهي عن الاهتمام بكلام المحاور موجود في الحديث، لكن أنا قلبت في الحديث، فجزى الله خيراً من نبهنا على ذلك.
الحديث طبعاً لن نعيده مرة ثانية لأنه طويل، وقد قلناه المرتين الماضيتين، فندخل في الموضوع على طول. حديث عائشة رلفظه الصحيح نلتزم به، ونأتي بألفاظ خارج الصحيح أثناء الشرح. قالت رضي الله عنها للنبي صلى الله عليه وسلم: «جلس إحدى عشرة امرأة فتعاهدن وتعاقدن ألا يكتمن من أخبار أزواجهن شيئاً».
طبعاً هذا مجلس غيبة، وهذا ذكرناه في المرة السابقة. أكثر مجالس النساء تكون إما أن يكون المجلس كله غيبة أو يكون فيه غيبة، فالمرأة تنتبه لمثل هذه المجالس. والغيبة طبعاً من كبائر الذنوب، خصوصاً إذا تعلق الأمر بزوجها؛ لأن الزوج له حق زائد. قال صلى الله عليه وسلم: «لو كنت امرأً...» صلو على النبي، سنلغي الدرس هكذا! سيدنا النبي اسمه يأتي على طول، ما فيش "مرة" عليه الصلاة والسلام، خصوصاً يوم الجمعة، ماذا به هذا الجفاء الذي نحن فيه؟ مش كده! كنا سنرى بشؤم ترك الصلاة على النبي عليه الصلاة والسلام ننسى الدرس وننسى العلم وننسى كل شيء. قال صلى الله عليه وسلم: «لو كنت امرأً واحداً أن يسجد لأحد لأمرت الزوجة أن تسجد لزوجها» لعظيم قدره أو لعظيم حقه عليها. فحق الرجل عظيم جداً، فتخيلوا الغيبة محرمة وكبيرة، وتخيلوا عندما يكون موضوع الغيبة هو الزوج. وطبعاً هذه ليست لكي نقول دائماً إننا نحاول أن نلحق أنفسنا لأن هناك تربصاً في هذه المواضع، ليس معناها أن الزوج يظلم ويفجر ثم يقول لا ينفع أن تذكري سري، لا ليس هكذا، لكن الشاهد.
«جلس إحدى عشرة امرأة فتعاهدن وتعاقدن ألا يكتمن من أخبار أزواجهن شيئاً». قالت الأولى: «زوجي لحم جمل غث على رأس جبل، وعر لا سهل فيرتقى، ولا سمين فينتقل». هذا اللفظ الصحيح خارج الصحيح: "على رأس جبل". هذه المرأة تذم الزوج بوضوح، وهناك نساء ستمد ونساء ستذم، إما لأن الرجال يستحقون أو لأن المرأة فيها هذا الطبع. ومع ذلك، عندما يأتي أحد للفصل بين الخصمين لا بد أن يسمع الاثنين، وليس طرفاً واحداً يحكي وجهة نظره؛ فالله عز وجل لآم على نبي في القرآن إذا لم يفعل ذلك، مثل سيدنا داوود في المحراب، الخصمان، ثم تكلم أحدهما وما تكلم الآخر، ﴿وَإِذَا تَلَقَّىٰ خَصْمَانِ يَبْتَغِيَانِ﴾ [القصص: 23]، دخل الخصمان على داوود، فقالوا لا تخف، ﴿قَالَا رَبَّنَا ظَلَمْنَا أَنفُسَنَا ۖ وَإِن لَّمْ تَغْفِرْ لَنَا وَتَرْحَمْنَا لَنَكُونَنَّ مِنَ الْخَاسِرِينَ﴾ [الأعراف: 23].
قال إن هذا أخي له تسع وتسعون نعجة ولي نعجة واحدة فقال اكفلنيها وعزني في الخطاب، قال: «لقد ظلمك بسؤال نعجتك إلى نعاجته». فالمرأة قالت: «زوجي لحم جمل غث على رأس جبل». قالوا إن لحم الجمل من أردأ أنواع اللحوم والناس تتحاشاه، نادراً ما تجد من يستسيغ لحم الجمال، الناس تأكل لحم الضأن أو البقر، أما لحم الجمال فالناس تتحاشاه، فهو مما لا تطوق له النفس. وليته إذ كان لحم جمل كان لحم جمل، لكنه "غث" رديء. فهنا المرأة تريد أن تقول إنه لا خير فيه، تصفه بالبخل الشديد، بخيل ويوم ما يعطيك يعطيك شيئاً ليس له قيمة، فهو لحم جمل غث. كما أنه صعب المنال، "على رأس جبل وعر"، أي أن خيره قليل ومع ذلك هو صعب الوصول إليه.
أرادت المرأة أن تصف زوجها بالبخل وسوء الخلق؛ فالبخل هو "لحم جمل غث"، ووصفت وعورة أخلاقه بـ "وعورة الجبل على رأس جبل وعر"، ولذلك قالت: «لا سهل فيرتقى»، أي ليت الجبل كان سهلاً لنصعد إليه ونأخذ هذا اللحم، «ولا سمين فينتقل»، أي ليت هذا اللحم سميناً لنهون على أنفسنا مشقة صعود هذا الجبل الوعر. لقد وصفته بالبخل وسوء الأخلاق، والصفتان يا شباب لا يجتمعان في مؤمن، قال النبي صلى الله عليه وسلم: «صفتان لا تجتمعان في مؤمن: البخل وسوء الخلق». أصل واحد، من عنده الصفتان لا يعاش معه، والله عز وجل يبغض من جمع الصفتين، قال صلى الله عليه وسلم: «إن الله يبغض كل جعظري جواظ».
هو اللفظ الغليظ، الذي هو خلقه خلق سيء، الجواظ؛ مما قيل في معانيه: الجموع المنوع، عاوز يكوش على كل حاجة وما يطلعش أي حاجة، جموع بيجمع المال، منوع لا يخرجه الحقوق. إن الله يبغض كل جعظري جواظ، جيفه بالليل، حمار بالنهار، عالم بأمر الدنيا، جاهل بأمر الآخرة. فالذي تجتمع فيه الصفتان، صفة البخل وصفة سوء الخلق، إنسان بشع لا يطاق لا يعاشر. فهي المرأة التي جابته، جابته أرض لحم، جمل غث على رأس جبل، لا سهل فيرتقى ولا سمين.
ينتقل الكرم، الكرم أهم صفة يتصف بها الرجل في بيته، ليه؟ لأن الرجل في بيته سيد، والسيد أبداً لا يكون بخيلاً. احفظوها دي، ما ينفعش واحد يبقى سيد كبير وقوّام ويكون بخيلاً. النبي ﷺ عزل رجلاً لبخله، بنو سلمة لما قدموا على النبي ﷺ قال: «من سيدكم؟» قالوا: الجد بن قيس. لكنه كان بخيلاً، فقال ﷺ: «وهل داء ألد من البخل؟ بل سيدكم عمرو بن الجموح».
عزل البخيل، ما ينفعش يكون سيد؛ لأن من متطلبات أن تكون سيداً أنك هتبدل، ما هو السيد ده هيجيله ناس متخاصمة ومتضايقة، ويقوم يعمل إيه؟ ممكن عشان يحل الإشكال يطلع هو من جيبه وينفق. «وهل داء ألد من البخل؟ بل سيدكم عمرو بن الجموح»، يا جماعة كان مشهوراً بالكرم، عمرو بن الجموح رضي الله عنه كان هو الذي كان يولم عن النبي ﷺ، يعني النبي ﷺ إذا تزوج يولم عنه عمرو بن الجموح كرماً منه.
فالسيد ما ينفعش يكون بخيلاً أبداً، ولذلك الرجل في بيته لابد أن، إن لم يكن كريماً، أن يتعاطى صفة الكرم. بصوا يا جماعة عشان بس نفهم حاجة قبل ما نكمل في الحديث؛ لأن كثيراً من الناس بتيجي وقفلة دماغها أن "أنا لو في خلق أو طبع مش هينفع أغيره"، وده غلط. الإمام الغزالي في "الإحياء" لما تكلم عن الصفات المذمومة، في ربع المهلكات كما سموه، قال كأنه فاكر أن الطبيعة لا تتغير، قال: "إذا لم يبقَ للمواعظ فائدة".
يعني لو الطبع ما بيتغيرش، إيه لازمة بقى تيجي درس علم ويتقال لك خلي بالك البخل كذا والكرم كذا، إذا كنت أنت هتخرج من الباب طبعك هو هو؟ لا، الطباع تتغير. ومن حديث النبي ﷺ: «إنما العلم بالتعلم، وإنما الحلم بالتحلم»، تكبر نفسك على التكبر، إنك تتعاطى فعل الكرماء شوية، يصير الكرم لك سجية. خلاص، يبقى دي على جنب، طول ما إحنا ماشيين ما تقولش "ما هو أنا عصبي" أو "ما هو أنا بخيل"، اعمل إيه؟ تخش النار! إن الله يبغض كل جعظري جواظ، الجموع المنوع.
فأنت بخيل تعمل إيه؟ تخش النار، يعني ما فيش حاجة اسمها كده هتتعطل. الكرماء ليه؟ علشان أول حاجة تصير سيداً في بيتك، هو الرجل نال درجة القوامة بأيه في القرآن؟ ﴿وَبِمَا أَنفَقُوا﴾، يبقى أنت هتنال درجة القوامة وتصير سيداً في بيتك لو أنت كريم. الكريم يحب، وهذا جاء في حديث كمان، قال ﷺ: «السخي قريب من الله، قريب من الناس، قريب من الجنة، بعيد من النار، والبخيل بعيد من الله، بعيد من الناس، بعيد من الجنة، قريب من النار، والجاهل سخي أحب إلى الله من عالم بخيل».
اللفظ اللي عاوزين نقف معاه أن "السخي قريب من الناس"، عفين يا جماعة، لو واحد مات وكان سخياً جواداً عالماً زاهداً مجاهداً، أي صفات أكثر شيء الناس تذكره به؟ كرمه، لأن ده اللي وصل لهم منه أكثر شيء، فالسخي قريب من الناس يحبونه، والعكس، البخيل مكروه وربما تمنى أهله موته.
أنتم عارفين "إمام البخلاء"؟ رُوي أن كان هناك رجل شديد البخل، وكان إذا أتاه درهم كسب يعني، كلمة وناجاه وفداه، يقول فداك أبي وأمي، وبعدين يفتح كيس الدراهم ويروح محطّ الدرهم ويقول له: "اهنا إلى جوار إخوتك"، فوالله ما دخل هذا الكيس درهم وخرج منه، الكيس ده عمره ما دخل درهم وخرج.
وبعدين أهله طبعاً كارهينه، عيال صغيرين عمالين كل يوم عاوزين حلاوة، هو أبداً، ففي يوم فضلوا ضاغطين عليه يجيب لهم حلاوة، راح مطلع درهم من الكيس وراح السوق يشتري حاجة حلوة لعياله الصغيرين، وهو ماشي لقى حاوي، ساحر بقى، جاب التعبان وعلى كتفه، عشان ياخد الدرهم، فقال له: "أنفق شيئاً تبذل الأرواح فيه"، والراجل ده أطلق الحي عليه، ممكن تقرصه ولا تعض ويموت عشان الدرهم، وأنا كده ببساطة أروح أدفع الدرهم.
"أنفق شيئاً تبذل فيه الأرواح"، والله ما أرى هذا إلا واعظاً ساقه الله إليّ، يعني الحاوي ده ربنا بعته لي عشان آخد بالي وأرجع ولم يشترِ شيئاً. فكان الشاهد، كانوا يتمنوا موته، ولاده ومراته يتمنوا يموت عشان يورثوا ويستفيدوا بالفلوس دي. مات الرجل، وكان ليه ابن، طفش منه، المهم عرف أن أبوه مات، راح راجع وحط إيده على كل حاجة، حط إيده على الفلوس كلها، فقالوا يعني ما فيش مشكلة.
«هيبقى عمره ما هيبقى زي ده»، فقال لهم: «أين إدام أبي؟ إنما يعرف الرجل من إدامه». الإدام هو ما يُؤكل مع العيش، فإذا أكلت شيئًا مع الخبز فهذا يسمى إدامًا.
قال: «أين إدام أبي؟ إنما يعرف الرجل من إدامه»، فأتوه بقطعة جبن؛ وكان أبو أبوه طول عمره لا يأكل غير الجبن، فكانت فيها مثل الأخاديد، أي خطوط. فقال: «ما هذه الأخاديد؟»، قالوا: «إن أباك كان إذا أراد أن يأكل الجبن مر باللقمة على الجبن، يمر بها لعمل خطوط حتى لا تخلص الجبنة». فقال: «أعوذ بالله من الإسراف!».
سقط ذلك في أيديهم، فقالوا له: «إسراف؟ أي إسراف؟»، قال: «أضع الجبن بعيدًا وأشير لها باللقمة». فالبخيل مكروه حتى أهله يكرهونه، ولذلك قالوا: «الكرم يغطي كل العيوب». هذا هو أول "تريك" في الدرس؛ عندك عيوب كثيرة تريد مداراتها، فكن كريمًا مع أهل بيتك، ليتحملوا أي شيء آخر حتى تعالج نفسك في هذه العيوب.
قال الشاعر: ويظهر عيب المرء في الناس بخله ... ويستره عنهم جميعا سخاؤه تغطى بأثواب السخاء فإنني ... أرى كل عيب فالسخاء غطاؤه
ولأن صفة الكرم مهمة، ستجدونها متكررة مع النساء؛ فموضوع الحوار متكرر لأنه مهم، وكذلك الكرم في البيت مهم. وأبو الأصبع العدواني كان رجلًا جاهليًا، وكان أوصى ابنه بوصايا منها: «ولا تستأثر عليهم بشيء يسودون»، أي لا تبخل عليهم بشيء، فإذا فعلت ذلك كنت سيدهم.
ستجد النساء كررن موضوع الكرم هذا؛ فمثلاً تصف امرأة زوجها وتقول: «زوجي رفيع العماد، طويل النجاد، عظيم الرماد، قريب البيت من النادي». هذه المرأة تمدح زوجها بالكرم.
«رفيع العماد»؛ العماد هو عمود الخيمة الذي في المنتصف، وعندما يكون طويلًا فله معنيان: المعنى الأول أن العرب قديمًا إذا كان الرجل كريمًا طوّل عمود خيمته، ليرى القادم من بعيد في الخيمة فيقصدها. أما البخيل فلا يريد أحدًا أن يراه. ومن نوادر البخل أنهم ذكروا رجلًا عربيًا كان إذا لمح أحدًا يستضيء بضوئه أطفأه!
وفي معنى آخر لطول العمود، أن الخيمة كلما أردت توسعتها وجب رفع العمود الذي في المنتصف، فمعنى "رفيع العماد" اتساع الخيمة، وذلك لأن لديه ضيوفًا دائمًا.
أما «طويل النجاد»، فالنجاد هو حمالة السيف، ومعناه أنه طويل القامة ومهاب. و«عظيم الرماد»؛ العرب قديمًا عندما يطبخون يجمعون الحطب، فإذا انتهوا صار رمادًا، وعظم الرماد يعني أن النار كانت موقدة دائمًا للطبخ وإكرام الضيوف.
و«قريب البيت من النادي»؛ والنادي هو مكان اجتماع الرجال نهارًا. وقد جاء ذكر النادي في القرآن الكريم، حيث قال تعالى: ﴿فَلْيَدْعُ نَادِيَهُ﴾ [المدثر: 30]. فكأن المعنى أن الناس عندما يجتمعون للتشاور في أمر ما، يذهبون إلى مكان قريب من بيته لأنه سديد الرأي ويحتاجون مشورته، فيكون قريبًا من النادي، وهذا من تمام الكرم؛ فبمجرد اجتماعهم يمكنه أن يخرج لهم شايًا أو طعامًا.
وكذلك العاشرة قالت: «زوجي مالك، وما مالك؟ مالك خير من ذلك، له إبل كثيرات المبارك، قليلات المسارح، وإذا سمعن صوت المزهر أيقن أنهن هالك». هذه المرأة تمدح زوجها بالكرم أيضًا، فذكرت صفة واحدة وهي الكرم، لأن الكرم يغطي على كل الأخلاق السيئة.
«له إبل كثيرات المبارك، قليلات المسارح»؛ والمبارك هي الأماكن التي تأوي إليها الإبل بعد الأكل والشرب. ومعنى "قليلات المسارح" أي أنها لا تخرج للمرعى كثيرًا، وهذا دليل على كثرة وجود الطعام والخير عندها فلا تحتاج للتنقل كثيرًا.
عارفين، هذا دليل على أنهم قالوا إن هذا الرجل دائمًا مستعد للذبح؛ له إبل كثيرات المباركات، قليلات المسارح. وإذا سمعنا صوت المزهِر الآلي الذي يُضرب لوقت قدوم الضيفان وكده، يفهمون على طول، أيقنوا أنه هالك من كثرة ما هذا يحدث. عرفوا ما فيها أول ما يسمعون صوت الآلة هذه تُضرب، يعرفون أن هناك واحدة ستُؤخذ وتموت.
فأم زرع وصفت زوجها بالكرم. وصفت زوجها الذي تزوجته بعد أبي زرع بالكرم، مش كده؟ قالت: «زوجي أبو زرع، إنا سُقي من حلي أذني، ومُلي من شحم عضدي». كرم وبجح إني؛ دي قلناها المرة اللي فاتت، فبجحت إلى نفسي، وجدني في أهل غنيمة بشق، فجعلني في أهل صهيل وطيت ودائي ومنق. وهذا شرحناه المرة اللي فاتت، مش هنشرحه ثاني، لكن شوفوا كرم الرجل مع المرأة.
وبعدين وصفت زوجها الذي بعده، طبعًا هو طلقها وجوزها واحد بعده، فنكحها، ركب شريه، وأخذ خطيه، وأراح عليَّ نعما ثريا، وأعطاني من كل رائحة زوجا، وقال: كلي يا أم زرع وميري أهلك أيضًا. وصفته بالكرم، بل لما أرادت المقارنة بينهما -أبو زرع فيه صفات كثيرة جميلة سنأتي لها إن شاء الله- لكن لما أرادت المقارنة بين أبي زرع وبين زوجها الذي تزوجته بعد أبي زرع في أي شيء قارنت؟ في الكرم. قالت: «فلو جمعت كل شيء أعطانيه، ما بلغ أصغر آنية أبي زرع».
فالكرم صفة جميلة وصفة محبوبة لله عز وجل، والسخي قريب من الله. يعني لو لم يكن في السخاء إلا أن تكون بذلك قريبًا من الله عز وجل، لكفى، السخي قريب من الله. بل أمر النبي ﷺ أن نكرم الكرماء: «إذا أتاكم كريم قوم فأكرموه». وما هذا إلا لكرمه على الله سبحانه وتعالى.
فالرجل يكون كريمًا في بيته. الكرم أنواع، لأن للأسف في ناس برضه تقع في هذه المشكلة؛ واحد يكون فاكر أن الكرم هو الكرم خارج البيت بما يعود على البيت بالضرر. في ناس كده، الكرم أنواع. نحن مثلاً ما قلناه من شوية، والمرأة التي هي رافع والعماد، هم وصفوا كرمًا، لكن لم يتكلموا قوي على الكرم جوه البيت. لو تلاحظوا الكرم هذا فين؟ مع الضيفان. هل الرجل الذي كريم مع الضيفان لازم يكون كريمًا في بيته؟ لا، ليس شرطًا.
من الذي قال: «أماويَّ إن المال غادٍ ورائحٌ.. ويبقى من المال الأحاديث والذكر»؟ اعملوا كده وابحثوا. «أماويَّ إني لا أقول لسائلٍ.. إذا جاء يومًا حلَّ في مالي النذر». من كان يحب ماوي؟ ليس أنتم، لماذا تنظرون لبعضكم؟ من يرفع يده؟ نريد أن نعرف من الذي قال الأبيات هذه. المهم، كان هو عمال يصرف بره وبيته محتاج وليس لاقيًا. أم زرع لما جاءت تمدح أبا زرع، مدحته بالكرم فين جوه البيت؟ مش كده؟ «إنا سُقي من حلي أذني، ومُلي من شحم عضدي»، فمدحته بالكرم داخل البيت.
طبعًا أكمل المراتب أن تكون كريمًا بره وجوه. هل ينفع حاتم الطائي؟ طبعًا لا، لازم يكون ماشي كما قال: «أماويَّ إن المال غادٍ»، هي تجادله، يعني عمال تدفع بره وعمال... فقال هذه الأبيات: «أماويَّ إن المال غادٍ ورائحٌ.. ويبقى من المال الأحاديث والذكر»، «أماويَّ إني لا أقول لسائلٍ.. إذا جاء يومًا حلَّ في مالي النذر». عمره ما سيقول لشخص يأتي ليأخذ منه مالًا: "ليس معي"، هذه لن تحدث. لكن هذا ربما ضر بالبيت، ربما ضر بالبيت. لا، لا تفعل ذلك. لو كنت تملك هذه الصفة، فلا تفعل ذلك، هذا ليس من عندي، هذا دين، هذا شرع.
قال ﷺ: «دينار تنفقه في سبيل الله، ودينار تنفقه في سبيل الله في الجهاد، ودينار تعتق به رقبة، ودينار تتصدق به على مسكين، ودينار تنفقه في أهلك، فأعظمها أجرًا الذي تنفقه في أهلك». شوف، نحن الموضوع معكوس عندنا. فاحتسب نفقتك في بيتك. وللأسف كثير من الرجال، حتى الناس الذين عندها دين، نفعل أفعالًا في حياتنا لا نحتسبها. قل من الرجال من يحتسب هذه النفقة؛ كل يوم وهو قادم، أو كل شهر، حسب كل واحد يعطي كيف، وهو قادم يطلع النفقة الخاصة ببيته ويحتسب هذه النفقة لله، مثلما يعطي لمسكين. قل من الرجال من يفعل ذلك. أفضل هذه الدنانير الأربعة: الدينار الذي تنفقه على أهلك.
وإذا كان أهلك لا يستطيعون النزول على مستوى معين وأنت تأخذهم هكذا، ينبغي عليك أن تعايشهم في هذا المستوى. هذا ليس بالمزاج، ليس بالمزاج. النبي ﷺ لما أتاه أبو بكر بماله كله، هل قبل المال أم لا؟ ردوا، قبل المال كله. أبو بكر هذا كان ماله كله... هل كان فقيرًا أم تاجرًا وغنيًا؟ أخذ المال كله من أبي بكر لما جاءه. لما جاءه صحابي آخر بمثل البيضة من الذهب، أعرض عنه مرارًا، يولي وجهه للناحية الثانية، يروح، جاءه في الآخر، راح أمسك هذا الذهب وضربه به. فالعلماء أشكل عليهم: لماذا قبل من أبي بكر كله، وهذا لما جاءه بقدر البيضة من الذهب لم يقبله؟ مما قيل في الجمع بين الحديثين، قالوا إن أهل أبي بكر لو عضهم الجوع ما سيقولون: "يا ليتك لم تفعل، كنت تركت لنا شيئًا"، والنبي ﷺ على ثقة من آل أبي بكر. فهمتم؟ هو ليس بمزاجك، "أنا الفلوس فلوسي فأذهب أفعل بها ما أريد" ثم تضيع أهلك؟ لا، لا ينفع.
فهذه المرأة جاءت بجوزها: "زوجي لحم جمل غث على رأس جبل وعر، لا سهل فيرتقى، ولا سمين فينتقل". والثانية قالت: "زوجي لا أبث خبره، إني أخاف إلا أذر". تقول إيه؟ جوزي مش هتكلم عنه، وراحت "لطشة"؛ يعني مش هتتكلم، خلاص اسكتي بقى. لا، برضه عارفين الستات، يقول لك "خليني ساكتة"، وبعد ساعة ما تتكلم يقول لك "سيبني ساكتة بقى". هي عملت كده بالضبط: «زوجي لا أبث خبره، إني أخاف إلا أذر»، يعني لو فتحت لن أسكت، أخاف إلا أذر المجلس فيخلص وما حد يتكلم بعدي. أو قالوا: «زوجي لا أبث خبره إني أخاف إلا أذر»، يعني إلا أستطيع أن أذر، لأن لو تكلمت عنه ووصل لله سيطلقني.
أحبه، ما هو في ناس كده تحب التوكسك، مش كده؟ هو ده بقى توكسك اللي هو بيتحب ده، إني أخاف، وقال: مش هقدر، مش قادر أسيبه، مع إنه... هنعرف دلوقتي بقى قالت إيه عنه.
قالت: زوجي لا أبث خبره، إني أخاف ألا أذره، إن أذكره أذكر عجره وبجره. العجر هو تعقد العصب والعروق في ظاهر البدن، والبجر تعقد العصب والعروق في البطن خاصة. عاوزين نقول إيه؟ هي بتقول إيه؟ له عيوب ظاهرة يراها كل أحد، ما هو العجر ده لو تعقدت الأعصاب والعروق في البدن هيراه الناس، أما إذا تعقدت العروق والأعصاب في البطن فلا يراه إلا الخاصة، لأن مش كل واحد ماشي ببطنه عريانة في الشارع. فبتقول: إن أذكره أذكر عجره وبجره، يعني لو ذكرته هذكر إن له عيوبًا ظاهرة يعرفها الناس، وله عيوب أخرى باطنة لا يعرفها أحد، لا يعرفها غيري، امرأته. إن أذكره أذكر عجره وبجره، ومن ذلك قول علي رضي الله عنه: لله أشكو عجري وبجري، يعني أشكو إلى الله عيوبي الظاهرة والباطنة. فكنت عن عيوبه الظاهرة بالعجر، وعن عيوبه الباطنة بالبجر.
بقى يا شباب، مهمة جدًّا: لو عاوز تعرف انت فعلًا انت راجل كويس ولا، تعرفه من مين؟ من أقرب الناس إليك. انت ممكن، الإنسان يتصنع خارج البيت، تقدر تعملها دي. يعني إيه؟ واحد بتقعد معاه ساعتين ثلاثة تعرف تتصنع معاه، إنما أهل بيتك، خاصتك، صعب إنك تتصنع معاهم، هتتصنع شوية وبعدين ترجع ريمة لعادتها القديمة، مش كده؟ إلا لو جاهدت نفسك. طبعًا احنا قلنا الطباع تتغير، إلا لو جاهدت نفسك، لكن مين فينا، اللي أقل القليل، اللي يقعد يقول: هو أنا إيه العيوب اللي فيا عشان أشتغل عليها عشان أكون أحسن بعد كده؟ الموفق هو من يفعل ذلك.
فتلاقي نفسك على طول إيه؟ ولذلك تبتدي المشاكل تظهر بعد الجواز، مش كده؟ طب ده احنا مخطوبين بقى لنا 10 سنين! آه، ما هو بيتصنع لك وتتصنع ليه، عشان كده فترة الخطوبة ما تبينش حاجة. يا جماعة، الالتجاء إلى الله عز وجل. ما نيجي نقول لهم: ما هي خاطبتك أجنبية عنك، لا ينفع بقى تحبها، ولا ينفع، ما ينفعش أي حاجة. حبها في قلبك ماشي، الحب في القلب ده ماشي، ما فيش لا حرج، إنما لا تبدي ذلك، وما فيش كلام. ما تروحش يقول لك: طب أنا أتجوزها إزاي وأعرف منين؟ أقول لك: هم اللي خطبوا ما طلقوا؟ فاهمين؟ ما هو اللي خطبه طلقه برضه، اللي خطبه قعد خاطب سنتين وثلاثة وأربعة، طلق ولا ما طلق؟ طلق.
ليه؟ بعيدًا بقى إنه كمان بعد عن الشرع وعما يرضي الرب، لأني في الغالب فترة الخطوبة بتجمل لها وتتجمل لي، وأبين طباع ما هياش في طباعي، وهي كذلك، يبان امتى ده؟ بعد الجواز، مش كده؟ طيب الحل فين؟ اللجوء إلى الله عز وجل، يبقى تدعي ربنا كتير، ربنا يوفقك، وتستخير الاستخارة. وفي ناس بتستخير وهو جواه كده كده هيتجوز، يعني استخارة دي هم قالولي بس لازم تستخير، في الكلور يعني، زي ما في فرح وكوشة، في استخارة. لا، هو مش كده، هو مش كده، لا هو استخارة، قلبك قفل، انتهت، خلاص. طب دي لا، ده من مجاميعه، ده مافيش
ما معنى الاستخارة؟ معنى الاستخارة أنك تقول: يا رب، أنا لا أعرف شيئًا وأنت العليم، فأضع المسألة كلها بين يدي الله عز وجل.
عارفين أن تعند الاستخارة معناها إيه؟ أن ربنا سبحانه وتعالى بالدلائل والإشارات قال لك: امشِ في هذا الطريق، فتقول له: شكرًا، أنا ماشي. هو هذا المعنى.
«فَإِذَا عَزَمْتَ فَتَوَكَّلْ عَلَى اللَّهِ»؛ ولذلك يا جماعة كان من عظمة النبي ﷺ أن أول من آمن به هم أقرب الناس إليه. النبي ﷺ كان مشهورًا بأنه صادق وأمين، ومشهور بهذه الصفات الجميلة عند الناس كلها، لكن فكرة أن أول ما تنزل عليه الرسالة يؤمن به من؟ زوجته خديجة رضي الله عنها أول النساء، وصاحبه الأقرب من الرجال أبو بكر، وعلي كان في حجره من الصبيان.
لو كان النبي ﷺ يتصنع للناس الذين في الخارج، لما فعل ذلك مع الناس القريبين منه. ولذلك حين جاءه الوحي وقال: «زملوني زملوني»، قالت له خديجة: «كَلَّا وَاللَّهِ لَا يُخْزِيكَ اللَّهُ أَبَدًا، إِنَّكَ لَتَصِلُ الرَّحِمَ، وَتَحْمِلُ الْكَلَّ، وَتَكْسِبُ الْمَعْدُومَ، وَتَقْرِي الضَّيْفَ، وَتُعِينُ عَلَى نَوَائِبِ الْحَقِّ». رضي الله عنها، أقرب الناس إليه ﷺ هم أول من آمن به.
فأنت اسمع من أهل بيتك، اسمع من الناس القريبين منك، ولا تغلق أذنيك. لا تكن في جلسة مصارحة بين زوج وزوجته، فإذا قيلت كلمة في المنتصف، تأخذها وتحللها؛ فربما كانت تضخم المواضيع، لكن ربما بني عليها أساس.
الإمام الغزالي في الإحياء، لما جاء يتكلم عن كيفية معرفة عيوب النفس، ذكر أشياء. من يعرفها؟ قولوا لي أربعة طرق تعرف بها عيوب نفسك. أحدهم قال: أن تأخذها من السن الأعداء.
وكما في البيت: وَعَيْنُ الرِّضَا عَنْ كُلِّ عَيْبٍ كَلِيْلَةٌ ... وَعَيْنُ السُّخْطِ تُبْدِي الْعَيْبَ وَالسَّجَايَا حبيبك يبلع لك الزلط، وعدوك يتمنى لك الغلط. أن تأخذها من السن الأعداء؛ فالعدو صحيح قد يبالغ، لكنه يجلب شيئًا فيك، ثم يبني عليه قصة، فأنت تأخذ هذه الحتة الصغيرة التي ظهرت عليه وتحللها لتعرف حقيقتها.
مثلاً، واحد عدوك في العمل، وفي تنافس بينكما، وهو لا يتقي الله ولا يتحرى الصدق، فيأتي ليطلق إشاعة عليك بأن لك علاقات بالنساء أو أنك فاجر، وأنت لم تفعل أيًا من هذه الأشياء.
انت فعلًا ما عملش ده، ويبتدي يحكي قصص. ممكن تقعد تحلل القصص دي، تلاقي موقف واحد بس، إن في مرة من المرات تبسطت مثلًا في التعامل مع فلانة زميلتنا، فهو خد الحتة دي وبنى عليها إيه؟ الحواديت. تقوم تعرف عيب فيك من إيه؟ من لسان عدوك. فهمتوا دي؟ عايزين تعرفوا الباقي، الأربعة؟ ولا؟ طب يلا قوله، من إيه تاني؟ أحسنت، قال: من صديق صدوق، إنك تشوف واحد صديق صدوق.
طبعًا كل واحدة من دول الغزالي طلع فيها القطة الفص. صديق صدوق، قال لك: وقل من يصارح الآن من الأصدقاء. ليه؟ قال لك: يا إما يخاف تزعل، يا إما بيحسدك. ما هو حتى لو صديق صدوق، لكن يقعد يقول إيه؟ كل ما يقول لك حاجة وحشة فيك تروح تصلحها، فتبقى أحسن في اليوم اللي بعده، أنا كل شوية أقول له بقى عيب فيه يطلع يصلحه يبقى أحسن، فمش قايله. أو يخاف إنك تزعل، كل شوية يجي يقول لك: انت خلي بالك فيك كذا، فتتقمص. وعشان كده لما يجي حد بيحبك ويقول لك نصيحة، ما تبوش إنك متضايق، ليه؟ ممكن ما يقولكش بعد كده عشان خايف على زعلك.
وأوعى تقاوح كتير، نصيحة برضو للرجل أو للمرأة: أوعى تقاوح كتير، ليه؟ علشان بعد كده، حتى لو بيحبك، أنا بتكلم على مين دلوقتي؟ واحد بيحبك، زوج مع زوجته، أو واحد صاحبك، أو واحدة صاحبتك، فعلًا هو بيحبك فعلًا، لكن هو عارف إن لو رحت قلت له: خلي بالك يا فلان من الآفة الفلانية، هنقعد ساعتين بنقاوح: هي الآفة دي موجودة ولا مش موجودة؟ يا عم على إيه، أنا إيه، ما فيوش مرارة، عيش حياتك بقى انت بعيد عني. فانت اللي بإيدك بتعمل ده، كل ما يجي حد يكلمك تقاوح، أو كل ما حد يجي يكلمك تبين له إنك زعلان منه: انت إزاي تقول لي كده! يوم الناس اللي بتحبك هتبطل تقول لك. واضح؟ أدي دي التانية.
إيه تاني؟ بتراجع نفسك؟ ما بتراجع نفسك دي في كل ده هتراجع نفسك، بس خلينا في الغزالي، قاله. ها؟ شيخ مربى، شيخ مربي. كنت مرة معايا كتاب الروض المربع، فكنت واخده معايا الشغل، فهو الروض المربع شرح إيه؟ زاد إيه؟ المستقنع. فواحد صاحبي جه واقف عند الكتاب، طبعًا هو الاسم فعلًا تقيل فعلًا، ففضل واقف، وقف كتير بقى، بتاع خمس دقائق، 10 دقائق، واقف على الكتاب ما فتحوش، واقف بيبص عليه، قال لي: الروض المربع شرح زاد المستنقع، ده بعد ما وقف ربع ساعة بيقرأ الاسم غلط.
شيخ مربى، شيخ مربي، ده من الحاجات اللي برضه تعرف بيها عيوب نفسك: تروح تقعد بين يدي شيخ. هنا الشيخ المربي، مش الداعية، ومش العالم، ممكن يبقى عنده علم الفقه وعنده علم الأصول، لكن ما هواش مربي، المربي ده معنى آخر، ماشي؟ بصير بعيوب النفس. والغزالي لما قال الكلمتين دول، إيه بقى القافية اللي هنا؟ قال لك: مش موجودين دول، خلاص. ده الإمام الغزالي قال لك إيه؟ خلاص بقوا، فين الشيوخ دول المربين؟ دلوقتي خلاص ندر في هذا الزمان، ماشي؟ فإنا لله وإنا إليه راجعون، طبعًا دلوقتي خلاص بقى.
الرابعة دي مهمة جدًّا بقى، الرابعة دي أنا بحبها قوي بقى، الرابعة دي قال لك، ها؟ قول
أحسنت، قال لك إنك تبص في الناس فما وجدته عيبًا فيهم ترجع إلى نفسك فتنظر هل فيك منه شيء. أنت مثلاً حصل موقف، أمجد مثلاً بكلمه راح ودو وجهه الناحية الثانية، فأنا زعلت، فتقول: يا ترى أنا بعمل ده مع حد؟ مش تقعد تقول أمجد في شيء، شيل أمجد من دماغك خالص، اركن على جنب وفكر في نفسك: هل أنا ده بعمله مع حد؟ وهكذا، يبقى تنظر في الناس فما وجدته عيبًا فيهم فلترجع إلى نفسك وتنظر هل في من العيب ده حاجة بعمله وأنا مش واخد بالي.
فهمتم؟ إيش اللي جاب الكلام ده؟ قالت الثانية: إذا كنت عاوز تعرف تقيم نفسك، قيم نفسك بالأقربون، خد التغذية الراجعة من الزوجة، من الابن، من البنت، خليها 360 درجة، يعني اسمع من كل الناس. عارفين 360؟ حد هنا مدير أو أي حاجة، لازم تاخد التغذية الراجعة، يمكن بالعربي مش متداولة، يعني تاخدها من الصغير ومن الكبير ومن اللي زيك، فتقول 360، دايرة كده، تاخدها من كل الناس ومن أبوك ومن أمك، اسمع كتير؛ لأن هم دول اللي عارفين العيب اللي في حضرتك، الناس عارفة عيبك.
اذكر عيبه وبجره. قالت الثالثة: «زوجي العشنق، إن نطق أطلق، وإن سكت أعلق»، وهذه شرحناها قبل كده فمش هنقولها ثاني. قالت العشنق يعني إيه؟ حد يقول طيب مش بس طويل، طويل بلا منفعة، العشنق طويل بلا منفعة في لغة المصريين، ماشي. «إن نطق أطلق وإن سكت أعلق» خارج الصحيح وهو على حد السنان المزلق، هذا كله شرحناه قبل كده فمش هنعيده.
قالت الرابعة: «زوجي كليل تهامة، لا حر ولا قر، ولا مخافة ولا سآمة»، هذه بتمدح ولا بتذم؟ بتمدح، الحمد لله، لا ذمة واحدة فيها، بتمدح. قالت: «زوجي كليل تهامة»، تهامة منطقة ومشهورة باعتدال الجو ليلاً، فهي تصف باعتدال المزاج. تهامة أصلاً منطقة حارة، لما يكون الليل ويخف الحرارة ويهب النسيم، فتلاقي الجو معتدل في تهامة؛ فقالت: «زوجي كليل تهامة»، مزاجه معتدل لا حر ولا قر.
ليس عصبيًا وعلى طول متنرفز، وعلى طول زيت على نار زي ما بيقولوا، فخلقه في مناخيره، من أقل كلمة يزعق ويخبط ويرزع، لا، ولا هو بارد، يعني ما هو ممكن واحد ما يبقاش كده لكنه لوح ثلج، تيجي تحب فيه ما يتحبش، تيجي تقول له أنا زعلانة ما يتهز، فهو على طول كده. فهو لا هذا ولا ذاك، هو معتدل المزاج، لا حر ولا قر، له صفات رايحة للناحية دي قوي ولا رايحة للعكس، طبعًا هذا رجل يمدح، وكذلك المرأة، يعني المرأة لو كانت على هذه الصفة، فاعتدال المزاج هذا مهم.
واعتدال الصفات يا جماعة، يعني إيه اعتدال الصفات؟ قلنا لكم من شوية إنك ما تبقاش مثلاً كريم كرم يضر، خير الأمور أوساطها، ما تبقاش كريم كرم يضر، يعني إيه مثلاً حتى لو داخل بيتك، أنت رجل أنت المفروض قوّام.
فالمراة تيجي تقول لك: هات، وكل ما تقول لك هات تديها. يقوم يجي وقت مصاريف المدارس: معيش مصاريف مدارس! لا ما هو ده يضر، أنت بقا بتسدد وتقارب. مفهوم يا جماعة؟ يبقى أنت اللي هتيجي بعد كده، أنت مسؤول عن ده، أو إن كل ما حد يجي يقول لك هات تديه، فتظلم.
في آباء كده، في آباء ما بتنتبه لده. يجي الولد يقوله، ولد مثلا بيعرف يطلب، ولد ما بيعرفش يطلب مثلا، وهي طباع؛ فتلاقي الولد اللي بيطلب كل شوية: أنا عاوز كذا، يقوم الاب مديله، والتاني قاعد بيهري وينكد بس ما بيتكلمش. خليكم يا جماعة، الابناء بياخدوا بالهم من الحاجات دي حتى لو صغيرين.
إحنا أسهبنا في المسألة دي في قصة مين؟ يوسف عليه السلام، مش كده؟ اتكلمنا في المسألة دي. يعقوب عليه السلام من كلام بسيط: ازاي الابناء من جواها بتغلي؟ ﴿إِنِّي لَيَحْزُنُنِي أَن تَذْهَبُوا بِهِ﴾ [يوسف: 13]، مجرد إنه يسيبني بزعل. كلمة بسيطة جداً لكن تؤثر في نفسية الأولاد.
خلي بالكم يعقوب قال إيه: ﴿وَأَخَافُ أَن يَأْكُلَهُ الذِّئْبُ﴾ [يوسف: 13]. الفرق بين الحزن والخوف؛ الخوف من شيء مستقبلي، الحزن من شيء موجود أو شيء ماضي. يعني تقول: أنا حزين لأني مثلاً إيه أي حاجة، بس حاجة دلوقتي. إنما تقول إيه: أنا خايف يحصل لي بكره كذا وكذا. فهمتوا؟ فاهمين الفرق بين الحزن والخوف ولا إيه؟
ولذلك النبي عليه الصلاة والسلام في الغار قال لأبي بكر: لا تخف، إن الله معنا. مش كده؟ ولا قال له إيه؟ هو أبو بكر كان خايف ولا حزين؟ إيه رايكم؟ ما هو القرآن ما قالش لا تخف، قال: لا تحزن. شوفوا جمال بقى! أبو بكر قاله؛ هو كان حزين على حال النبي، هو مش خايف طبعاً، هو كان فيه كان عنده خوف، وده ثبت في السنة: «لو أن أحدهم رص قدميه ورأى».
لكن قالوا: الحزن المنفي أو أو الذي نهي عنه أبو بكر، حزنه على حال النبي عليه الصلاة والسلام. شفتوا كان بيحب النبي قد إيه بقى يعني؟ مجرد إن أنت في الغار: أنا زعلان، أنا زعلان إن شايفك في الحالة دي. فقال: لا تحزن، إن الله معنا. يا سلام! نحزن ليه بقى لو في غار بس ربنا معانا؟ نحزن؟ ما نحزن طبعاً.
فقالت: زوجي كليل تهاما، لا حر ولا قر، ولا مخافة ولا سامة. الله! لا مخافة يعني وأنا معه لا أخاف الضيم؛ لأنه رجل يزود عن حريمه. يعني إيه؟ يعني وأنا معايا ما بخافش من حد غيره؛ لأني متجوزة راجل، وهذه صفة طبعاً تمدح في الرجال طبعاً. مش معناه كل يومين جايبة له مشكلة وراجعه له وتعال بقى اضرب، لا مش كده.
يعني يعني إيه؟ لو حصل فلا، أنا لي زوج بيقف وبيعرف ياخد حقي، والحق ده مش ضرب برضه (يعني مش لازم)، لكن موجود رجل. عندي رجل؛ لأن في بعض الرجال بتهرب مع أول مشكلة، إيه؟ يخلع. عارفين قالت له: صوت بره روح يكون حرام، ياما يمكن واحدة ست جاية تسرق، روحي أنت شوفي واحدة ست بتسرق بيوت، ما فيش كده خالص.
فقالت: لا حر ولا قر، ولا مخافة وأنا معه، ما بخافش من حد. أو وده بقى هيلمس في أول درسين: وأنا معه ما بخافش منه. ما بخافش منه ده يعني يعني هو مش راجل؟ لا، هو لين الجانب سهل الطباع، فمش خايفه، ما بخافش معاه؛ فلا مخافة، ما أخافش وأنا معه. فهمتوا دي؟ ودي اتكلمنا عليها قبل كده كتير، فبرضه مش هنعيدها هنا.
ولا سامة، يعني إيه ولا سامة؟ يعني طباعه هادئة متزنه معتدلة، فلا يسأم. أنتم عارفين في رجال، بعض الرجال أو النساء برضه (يعني أنا بقول رجال عشان الحديث جاي في الرجال)، هو دايماً طبعه متقلب؛ فالرجل اللي كده بالذات، الراجل بقى يعني خلاف المرأة؛ لأن الرجل هو اللي في إيده حاجات كتير يعملها، في إيده يطلق، في إيده يتجوز تاني، في إيده؛ فتلاقي المرأة دايماً عايشة خايفة مع الراجل اللي طبعه كده، اللي هو طبعه إيه؟ ملول، اللي هو طبعه ملول، اللي بيسأم بسرعة، يزهق من الحاجة بسرعة، ما هو طالما طبعه كده يبقى شوية وهيزهق من مين؟ منها هي شخصياً، مش كده؟
فهي بتقول: لا حر ولا قر، ولا مخافة، ولا سامة، ما بيسأمش. طب ما بيسأمش ليه؟ أولاً عشان هو كدة، ثانياً هي امرأة لا تسأم برضه؛ ما تجيجي واحدة تقول إيه: المفروض بقى ما يسبنيش وهي ما بتعملش؟ لا، ما أنت صلحي نفسك، لو فيك مشكله صلحيها. أو لا مخافة ولا سامة، يعني وأنا معه لا أسأم، بيت جميل؛ البيت ده تحسه كده إيه بيت جميل، يعني هو لا يسام ولا يسام. فهمتوا دي؟ آه، يبقى لا مخافة ولا سامة.
قالت الخامسة: زوجي إن دخل فهد، وإن خرج أسد، ولا يسأل عما عهد. وفي رواية خارج الصحيح: ولا يرفع اليوم لغد. أنا بس بشوف الوقت، الحته دي فيها كلام كتير شوية، ممكن ياخد عشر دقائق. ولاجل إحنا ما جبناش الساعة لسة، إحنا خمسة وخمسين دقيقة. ولا نقوله ونقف عليه؟ ها؟ طيب، زوجي إذا دخل فهد وإن خرج أسد ولا يسأل عما عهد، خارج الصحيح: ولا يرفع اليوم لغد.
هذه المرأة تمدح ولا تذم؟ اختلف العلماء فيها، أكثر العلماء على أنها تمدح، وده غريب! وبعضهم قال: لا دي بتذم. طيب، على وجه المدح أنها تمدح زوجها، هي عاوزه تقول إيه بقى؟ زوجي إذا دخل فهد، عاوزه تقول حاجة من ثلاثة (يعني قالوا قعدوا بقى يفصصوا في الكلام)، قالوا: الفهد؛ طب إيه يعني إذا دخل فهد؟ الفهد ده إيه صفاته؟ قال: قال والله الفهد ليه صفات تمدح.
أول صفة أن الفهد كثير التنام، وبيستخدم الحيلة دي في الصيد؛ يعني إيه؟ يعمل نفسه نايم كده عشان الفريسه تقرب، يقوم قايم إيه جاري وراها وجايبها؛ فكنت عن تغافل الرجل بالفهد، إذا دخل فهد يعني إذا دخل البيت تغافل. وأعظم صفة يتصف بها رجل بعد الكرم، التغافل. التغافل صفة عظيمة جداً، ولذلك الإمام أحمد، والإمام أحمد يا جماعه كلامه كلام نوراني كده؛ يعني زي إيه تلاقيه متخد من مشكاة الصحابة والتابعين وكده، يعني قال: تسعة أعشار حسن الخلق في التغافل.
الأول يعني إيه تغافل بس عشان نفهم، عشان ما نقعدش نقول تغافل واحنا مش يعني إيه تغافل؟ التغافل أنك تبقى فاهمها وتعديها بمزاجك، ده معنى التغافل؛ شايفها وتعمل أنك مش شايفها. التغافل ده بنحتاجه كتير جداً، وببنحتاجه يا جماعة حتى في تربية الابناء، حتى في تربية الابناء! هاقولكم مثال ونرجع على طول تاني، يعني إيه؟ عينك وقعت على ابنك وهو بيعمل حاجة غلط، لو أنت مش مستعد لرد فعل اعمل كأنك ما شفتش، اعمل كأنك ليه؟ لأنك لو رديت برد فعل أعنف مما ينبغي هتضر، ولو رديت برد فعل أقل مما ينبغي هتضر، ولو بينت أنك شفت مافيش رد فعل هتضر؛ الحل في الوقت ده: اعمل كأنك كأنك ما أخدتش بالك.
وكذلك لو مدير، وأنا كان عندي مدير، أنا كان عندي مدير كان كان يعمل الحته دي، كان يعني بارع في الحته دي، يعني لو دخل ولقى المرؤوسين بتوعه على وضع ما ينبغي أن هو يشوف عليه، يقوم يعمل يلف ويعمل كأن، وبيعمل أي حاجة تانية؛ فالتغافل ماشي. وكما قال أحمد: تسعة أعشار حسن الخلق في التغافل. وسئل أعرابي: من العاقل؟ قال: الفطن المتغافل، مش مغفل، هو مش مغفل، فطن؛ من العاقل؟ قال: الفطن المتغافل، يعني عارفها بس هيعديها بمزاجه، ده معنى التغافل.
والمتنبي له في ذلك بيت شعر، قال: ليس الغبي بسيد في قومه، لكن سيد قومه المتغابي. يبقى احنا قلنا من شوية: البخيل لا يكون سيدا، يبقى من صفات السيد الكرم، كذلك من صفات السيد التغافل؛ ليس الغبي بسيد في قومه، واحد غبي هيسود ازاي؟ لا، لكن سيد قومه المتغابي. أحيانا بنحتاج لهذا الخلق، خلق التغافل، وهذا فعله النبي صلى الله عليه وسلم، كان يفعله النبي عليه الصلاة والسلام.
الأول العرب يا جماعة كان عندهم عادة كده، لما يجوا يشتموا واحد ويكون اسمه اسم حلو، يقوموا يقلبوا اسمه فكأنهم شتموه مرتين؛ ف يعني واحد اسمه منصور مثلاً بقوله: قاتل الله مهزوما، كأن شتمه إيه مرتين. فالنبي عليه الصلاة والسلام اسمه جميل: محمد، فكان لما يجي الكفار يسبوه صلى الله عليه وسلم، يقلبوا اسمه فيقولوا: مذمم! لعن الله مذمما! قاتل الله مذمما! فالنبي كان يقول إيه عليه الصلاة والسلام لأصحابه: انظروا كيف يصرف الله عني! يسبون مذمما ويلعنون مذمما، وأنا محمد صلى الله عليه وسلم. طب هو مش فاهم؟ هو فاهم، هو ده الخلق اللي احنا بنقوله، أنك فاهم وتبين أنك مش فاهم.
عائشة رضي الله عنها استخدمت هذا الخلق، خلق التغافل مع النبي عليه الصلاة والسلام في موقف، وانتقلت به من حديث لحديث آخر تماماً تماماً ماشي؟ في لما خرج النبي عليه الصلاة والسلام في ليله وأتى البقيع وقصة طويلة ودعا له، فعائشة ظنت أن هو إيه؟ راح لبعض إيه نسائه في ليلتها، فطبعاً أضايقت جداً، وبعدين لما رجع فقالت له كدة، فلزها لهذه أوجعتها لأنها ظنت به سوءاً، والنبي عليه الصلاة والسلام لم يضرب بيده قط إلا أن تنتهك محارم الله، ولم يغضب لنفسه قط صلى الله عليه وسلم.
فقال: إن جبريل أتاني فأخفى مني فاخت، فأجبته وأخفيت منك، وكرهت أن أوقظك وذهبت وكذا وكذا وحكى لها، فقالت: يا رسول الله، مهما نخفي عن الله يعلمه الله! خدت الحوار فين؟ في حته تانية خالص! فالنبي عليه الصلاة والسلام هنا الخلق من النبي مش من عائشة، تغافل؛ احنا دلوقتي في جو مشحون خلاص، وبعدين النبي عليه الصلاة والسلام وصل أنه مادي إيده على عائشة ودي من المرات القلائل اللي النبي أصلاً يضرب فيا بإيده أصلاً صلى الله عليه وسلم، لكنه ليه عمل كده؟ قال: أتظنين أن يحيف الله عليك ورسوله؟ هانظلم؟
فعائشة والسلام تغافل، خلاص لقى عائشة بتاخد الحوار في حته تانية، راح مع عائشة رضي الله عنها في الحته التانية دي وساب المشكلة؛ فاحنا بنحتاج هذا الخلق، خلق التغافل. ماشي، إذا دخل فهد تغافل، أنتم عارفين بعض الرجالة بقى اللي هي بتركز في كل حاجة دي متعبة جداً جداً، اللي هو لو حاجة اتنقلت من مكان لمكان أنت شوفها عادي براحتك، بس أنك تعلّق! ده اللي متعب، ده اللي متعب؛ تلاقي الراجل جه يوم الإجازة يوم الجمعة: هو إيه اللي جاب الكرسي ده؟ الكرسي ده طول عمره هنا، هو اللي هو اللي مش دريان مثلاً، فيبتدي يعلق على كل حاجة فيه، ولا لو طلع معاش بقا هو بيكتشف البيت من أول وجديد! لا، كن متغافلاً متغابياً في بعض الأوقات، ده خلق مهم.
إذا دخل فهد، واستدركت عشان أوءوا تفتكروا عبيط! وإن خرج أسد، أوءوا تفتكروا أن هو لما يدخل البيت فهو كده يعني هو عبيط وبيضحك عليه، لا؛ إذا دخل فهد وإن خرج مع الناس غير معانا، هيجيلنا مع واحدة بعد شوية: السابعة قالت: زوجي المس مس أرنب والريح ريح زرنب، دي رواية الصحيح، خارج الصحيح: وأنا أغلبه والناس يغلبون. هنبقى نجلها بس نفس المعنى، نفس إيه؟ على طول تداركه الموضوع. أوءوا تفتكروا أن أنا بغلبه أن هو لا، هو يغلب عشرة زيي، لكن هو بيسيبني أغلبه؛ فاللي معانا دي بتقول إيه بقى؟ إذا دخل فهد وإن خرج أسد، يبقى ده أول معنى: معنى التغافل.
خلاص، المعنى التاني لو هي بتمدح برضه: أن من صفات الفهد أنه بيقولوا الفهود لما تكبر وتعجز، يجي فهد كده فتي (يعني شاب) كدة يصطاد لها، يريح الفهود الكبيرة ويروح هو يصطاد؛ ولذلك من أمثال العرب: أكسب من فهد، يقولوا كده: فلان أكسب من فهد؛ لأن الفهد بيكتسب لنفسه ولغيره لمن يعول، فك بتمدح الزوج أنه إيه؟ أنه كسيب. زوجي إذا دخل فهد يعني بيجيلنا بخير كتير، بيناقيه داخل بخير كتير زي الفهد بالظبط، وهذا مما يمدحه الرجل به. أو من صفات الفهد أنه كثير الوثوب على أنثاه، فهي بتمدح الرجل من هذه الحيثية؛ إذا دخل فهد يعني هو كثير الوثوب على المرأة، وهذا يمدح في الرجل، فهي بتمدح من هذه الحيثية. خلاص هنشوف لو كانت بتذم بقى هتذم على أنهي؟ وإذا خرج وإن خرج أسد.
واضح المعنى؟ ولا يسأل عما عهد، ده من جملات التغافل أنه لا يسأل عما عهد؛ يعني إيه؟ يعني يا فلانة اعملي لي كذا، ففلانة ما عملتش؛ ما خلاص ما يسألش، عشان ما تسوقش فيها؛ عشان برضه الكلام يبقى إيه، ما تروحش بقى النهارده الدرس: شفت الشيخ قال ايه؟ يبقى وهي أصلاً على طول كده؟ لا يا جماعة، الحياة لا تستقيم بهذا، الحياة عشان اللي جاي (أصل أنا عارف ده بيحصل، يجي واحد ومراته وحضروا الدرس وكل واحد يطلع بقى إيه عاوز ياخد الحته اللي في صالحه)، الحياة مش هتقر كده، وده ماهوش المعروف الذي أمرنا به في بيوتنا، مش ده.
خلاص، إذا عز أخوك فهن؛ أنت لقيت مراتك راكبة دماغها دلوقتي انزل، أنت لقيتي جوزك راكب دماغه انزلي؛ إذا عز أخوك فهن، هي دي الإيه؟ الحياة تمشي كده. ماشي.
أبو الدرداء كان إيه لمراته؟ إذا وجدتني غضبان مش عارف إيه غضبه، دوروا على الأثر ده وهاتوه لي، عاوز أقوله لأن.
يعني ماشي وإلا لا تستقيم الحياة أو حاجة زي كده، قال حاجة شبه كده يعني دوروا على الأثر ده كده وهاتوه بعد إذنكم. طيب، ولا يسألوا عما عهد يعني مش على طول بقى عمال كل ما يسال عن حاجة ما يلقاها يقوم الدنيا ما يقعدهاش لا.
إيه؟ قال إيه أبو الدرداء لمراته: إذا غضبت فرضيني، مش وقت مين صح ومين غلط؟ لو لقيتيني غضبان تعالي رديني حتى لو أنا غلطان رديني بس الأول كده ماشي. وإذا غضبت رضيتك، طب لو أنا لقيتك غضبانة هرضيك، فإذا لم نكن هكذا ما أسرع ما نفترق. فده مهم جدا يا جماعة، مهم جدا جدا، بالذات بقى اللي طبعه مش كده يعني.
يعني مثلا يا جماعة، المرأة مثلا مراتك هي طبعها هادي وما بتغضب بسرعة وده طبعها، لقيتها في وقت شعلة نار، مش وقت بقى إيه أنت إزاي بتعلي صوتك عليا؟ أنت إزاي تبصيلي كده؟ يا حبيبي مش وقته، وده مش طبعها أصلاً، فكونها وصلت لكده يبقى أنت لا تطاق، فمش وقته يعني. أنت وصلتها للحالة دي وبعدين جاي تقول لها أنت إزاي بتعلي صوتك؟ بتعلي صوتك إيه خصوصاً ده مش طبعها، فانت عاوز إيه يعني؟ أنت عارف عاوز يذبح والذبيحة ما تصوتش إزاي إزاي يعني؟
أو العكس بقى، أو العكس الراجل الهادي المحترم الخلوق اللي الناس كلها بتحلف باخلاقه بره البيت صوته قد كده جوه البيت، طب ما هو أكيد في حاجة جوه البيت خلت صوته يعلى مش كده؟ في الوقت ده: إذا غضبت رضيني وإذا غضبت رضيتك، بعد بقى ما نهدى نقعد بقى إيه طب بس والله ما كانش ينفع كذا طب والله لا ده أنت اللي عملتِ لا ده أنت في هدوء ماشي.
ولا يسألوا عما عهد، أو ولا يسألوا عما عهد يعني لو جاب حاجة البيت، لو جاب حاجة البيت مش كل شوية هي فين الحاجة اللي أنا جبتها؟ فاكرين القطة واللحمة اللي قلنا لكم عليها؟ اه، مش كل شوية أه، قال لها إيه؟ فين اللحمة؟ قالت له أكلتها القطة. هو كان جاب كيلو جاب القطة حطاها على الزير لها كيلو قال لها طب هات القطة فين اللحمة ما هو يعني اللحمة أكلتها القطة القطة كيلو فين اللحمة بقى؟
طب ليه يا جماعة؟ لا يسأل لا يسأل عما عهد، لأن ممكن المرأة بالذات لو المرأة يعني أهلها فقراء أو كذا ممكن تحب أنها تاخد حاجة توديها لإيه لأمها، تودي لأبوها، تودي لأختها الفقيرة، مش لازم بقى أنت كل شوية إيه شوال الرز نقص ليه يا عم ما خلاص يعني أنت راجل نقص مش مهم، لا يسألوا عما عهد.
خلاص، وشوفوا كده أم زرع اللي اتجوزها قال لها إيه: كلي أم زرع وأي ميري أهلك، أدي لأمك وأدي لأختك وأدي لأخوك وميري أهلك، فده من جميل خلق الرجل لا يسألوا عما عهد ولا يرفع اليوم لغد.
يعني إيه يرفع اليوم لغد؟ يعني رجل حازم ما بياجلش الحاجة اللي تتعمل النهارده تتعمل النهارده ما بيسوفش، فهذه المرأة مدحت زوجها. لو على ذم بقى نقوله المره الجاية عشان ده موضوع كبير وعاوزين نقرا فيه شوية نصوص كده.
قولي هذا واستغفر الله العظيم لي ولكم. سبحانك اللهم وبحمدك، نشهد أن لا إله إلا أنت، نستغفرك ونتوب إليك، والسلام عليكم ورحمة الله وبركاته.