وطأة القرآن | د. أحمد عبد المنعم

جلستنا اليوم بإذن الله سبحانه وتعالى، ربنا سبحانه وتعالى يسددنا ويفتح على قلوبنا، عايزين نتكلم عن موضوع تلقي القرآن، وليه جيل الصحابة كان مختلف في تلقي كتاب الله سبحانه وتعالى؟

من الآيات العظيمة التي في القرآن قول الله سبحانه وتعالى: ﴿إِنَّ نَاشِئَةَ اللَّيْلِ هِيَ أَشَدُّ وَطْئاً وَأَقْوَمُ قِيلاً﴾ [المزمل: 6]. العلماء يتكلموا: ما معنى أشد؟ ما معنى أولاً ناشئة الليل هي إيه اللي ينشأ بالليل؟ فقال الصلاة أو العبادات أو القرآن أو المعاني، بعض العلماء المعاني المستنبطة من قيام الليل في القرآن، فكل ده ربنا بيقول القرآن بالليل أو الصلاة قيام الليل بالليل بالليل كل ده أشد وطئاً. القراءة بتاعتنا جمهور القراء أشد وطناً، لكن في قراءة تانية أيضاً صحيحة: أشد وطاءً.

أشد غطاء دي معناها مواطأة القلب مع اللسان مع التدبر، يعني اللي بيحصل تواصل بالليل ما فيش شواغل، فأنت بالليل بتبقى مركز، قلبك ماشي مع لسانك، مش مشغول بشواغل، ما فيش دوشة، ما فيش شغل، ما فيش حركة، المفروض يعني يكون الليل مكان السكن والهدوء. طب أمال أشد وطناً؟ النبي صلى الله عليه وسلم قال إيه ما كان بيدعي على قريش: «اللهم اشدد وطأتك». وطأة، ضغط، ثقل. انسان بيقطع الأرض بيقف الثبات، بعضهم قال أشد وطئاً يعني قيام الليل، الصلاة بالليل أصلح جداً من الصلاة بالنهار، وبعضهم قال لا الصلاة بالليل أكثر ثباتاً واستمراراً من نهار؛ لأنك بالنهار مشغول. بعضهم خد أن الصلاة صعبة بالليل، الصلاة سهلة. أياً كان، ده اللي يتكلموا في الصلاة، لكن في ناس قالوا معنى تاني خالص، قالوا وطأ أن المعاني بتاعت القرآن بالليل بتلطفك، بتضغطك.

ده المعنى أنا عايز أتكلم النهارده: الضغطة اللي القرآن بيعملها على قلوبنا وعلى عقولنا، هل احنا بنتعرض لده أصلاً؟ هل احنا لما بنسمع القرآن بنحس أن القرآن بيغير في مفاهيمنا وفي عقائدنا؟ هل وأنا واقف دلوقتي أنا إيه واقف في صلاة التراويح اهو، ربنا يبلغنا رمضان يا رب، احنا قبل رمضان هو المفروض نستعد، أنا واقف في صلاة التراويح والامام خلص الفاتحة وأنا قلت آمين ومنتظر هيقرا إيه، هل أنا خايف من الكلام اللي أنا هسمعه كلام ربنا؟ ماذا يريد الله سبحانه وتعالى مني؟

يعني من الآيات العجيبة في سورة سبأ قول الله سبحانه وتعالى آية أربعين قصدي ثلاثة وعشرين: ﴿وَلَا تَنفَعُ الشَّفَاعَةُ عِندَهُ إِلَّا لِمَنْ أَذِنَ لَهُ حَتَّىٰ إِذَا فُزِّعَ عَن قُلُوبِهِمْ قَالُوا مَاذَا قَالَ رَبُّكُمْ قَالُوا الْحَقَّ وَهُوَ الْعَلِيُّ الْكَبِيرُ﴾ [سبأ: 23]. حتى إذا فزع عن قلوبهم، العلماء اختلفوا: مين هما اللي فزع عن قلوبهم؟ جمهور المفسرين وجمهور السلف أن فزع عن قلوبهم أي أن الملائكة هي اللي كانت فزعة.

الملائكة الأول كانت فزعة، وكلمة فزعة يعني أن الله عز وجل عمن الفزع، يعني فزع معناها إيه؟ أزال عنهم الفزع، وده بيدل على أنهم كانوا في الأول إيه فزعين، وبعد كده اتشال. فابن جبير بيقول طب هم ليه كانوا فزعين؟ فذكر أقوالاً، أولها كانوا فزعين لأن الله سبحانه وتعالى يتكلم بالوحي. اذا أُريدَ، في حديث صحيح عن النبي صلى الله عليه وسلم، وآثار عن ابن مسعود، آثار كثيرة عن الصحابة والسلف أن الله عز وجل إذا تكلم بالامر أو إذا تكلم بالوحي سُمع صوت في السماء كجر السلسلة على صفوان على صفا غليظ، فالملائكة كلها بيغشى عليها وبعد كده بيفيقوا، وكله إيه مفزوع، يا ترى ربنا قال إيه؟ ماذا قال ربكم؟ فيترد عليهم سيدنا: «قال الحق، الله لا يقول إلا الحق»، فيبدأوا ينفذوا بقى مراد ربنا سبحانه وتعالى.

حالة الفزع لما ربنا سبحانه وتعالى بيتكلم بالكلام دي كانت عند الملائكة، فالمفروض الحالة دي تبقى عندنا قبل ما تسمع القرآن: يا ترى الملك العظيم الجليل هيتكلم هيقول إيه؟ وأنت مطالب انك تنفذه، هي دي نفس تقشعر ثم تلين. يعني الأول كانوا فازعين وبعد كده الملائكة زال عنهم الفزع، هو ده اللي بيحصل لك أن أنت قبل ما تسمع القرآن المفروض تدخل بحالة من الوجل: يا ترى الكلام ده أنا أطبقه ولا أنا هتحاسب عليه؟ الله عز وجل العظيم الجليل يتكلم، الذي خلق الخلق المبدع المتقن ده، ويتكلم بكلام أنت هتسمعه دلوقتي، والكلام ده رسالة لينا احنا، الكلام ده مش مثلاً مش نازل للجمادات، ده الكلام ده نازل لينا احنا بشر، فقبل ما بتسمعه لو أنت داخل بهذه الحالة من التهيؤ ومن الفزع ومن الخوف: ماذا يريد الله مني؟ تلقيك للقران هيبقى مختلف.

لذلك حالة الفزع أنك أنت لا تطبق مراد الله سبحانه وتعالى، لما الصحابه سمعوا خواتيم سورة البقرة، الآية قبل لا يكلف الله نفساً إلا وسعها آمن الرسول قبلها كمان أول ما نزلت الآية: ﴿وَإِن تُبْدُوا مَا فِي أَنفُسِكُمْ أَوْ تُخْفُوهُ يُحَاسِبْكُم بِهِ اللَّهُ﴾ [البقرة: 284]، راحوا للنبي صلى الله عليه وسلم في رواية جثوا على الركب. وأنت عارف إحساس أن القرآن ضغط عليك فأنت مش قادر تقف، خرّ ركعاً وأنا خرّ من معانيها الشيء الذي يخرّ أن ما عادش يملك قوته، يعني سقط لا إرادياً، ﴿وَخَرَّ رَاكِعاً وَأَنَابَ﴾ [ص: 24] أن سيدنا داوود سورة ص معاني التوبة والإخبات لما أثرت عليه، عارف أنت لما تبقى أنت عامل ذنب ومكسور لربنا ورجليك مش قادره تشيلك فتسجد وتعيط، هو ده المعنى.

لما أنت تبقى شايل حاجة ثقيلة، ربنا يعافينا يا رب، لما مثلاً نسأل الله السلامة والعافية تسمع خبر صادم ليك، مصيبة ثقيلة، فيقول لك مش رجلي مش قادره تشيلني، فتُقعد تقع، تخر، تنهار القوة. في واحد لما بيسمع القرآن يشعر أن القرآن بيضغط عليه، ليه بيضغط عليه القرآن؟ لأنه هو عايش حياة مختلفة تماماً عن معاني القرآن أصلاً. الواقع كله بيقول له حاجة تانية، الواقع كله حواليه مشغول بقضايا وأسباب وشهوات، والقران بيوديه مكان تاني خالص، بيشعر وهو بيقرا القرآن مفارقة رهيبة. الناس بتتكلم في قضية وهو والقران بيوديه في مكان تاني خالص، القرآن بيطوف به في الجنة والنار والسموات والأراضين والملائكة والشياطين والأقوام المهلكة وقدرة الله المطلقة، فهو واحد بيسمع قضايا عجيبة، إيه ده؟

وهل بعد كل هذا الكلام المطلوب مني أن أنا أخبط العشاء كده بسرعة وأنا مش حاسس وخلاص؟ وده المطلوب مني كعبد يعني؟ معقول كل الكون المتقن ده وكل الكلام المحكم ده في القرآن والمطلوب مني كعبد هو مجرد بس أن أنا أخبط ركعات كده وأنا مش حاسس بيها؟ لا، أكيد مقام العبودية أعلى من كده. هو سيدنا جبريل لما كان في الإسراء والمعراج وكان مع النبي صلى الله عليه وسلم مقترب، وكان النبي صلى الله عليه وسلم بيقول فأصبح جبريل كالحلس البالي، كأني جبريل له 600 جناح أصبح زي حته قماشة مقطعة رقيقة كده، إيه ده؟ من خشية الله. المفروض القرآن يضغط علينا الضغط ده.

تطلع من صلاة التراويح، عارف أنت لما ابن القيم كان بيتكلم أن المؤمن أحياناً بيقرا القرآن يتنهد، أحد معاني أن إبراهيم لَأوَّاهٌ يكثر التنهد، فالمؤمن أحياناً بيسمع القرآن تطلع منه تنهيدة، يتاوه، فبيقول إيه أسباب ده؟ بيحلل، ممكن قال لك لا، حالة مقام بينه وبين ربنا مثلاً مقام التوبة، مقام الإنابة أو مقام في الجنة في الفردوس الأعلى حاسس أن أعماله مش هتوصله ليه فبيتهد نفسه يوصل له، أو سمع عن مصارع الكفار والمنافقين وكيف أن الله جل يعذبهم فخاف فتنهد، خايف أن يكون معه أوجب، أظن خمس احتمالات إيه اللي ممكن يخلي إنسان بيقرا القرآن يحس أن القرآن ضغط على صدره عايز وحاسس بالتعب.

النبي صلى الله عليه وسلم ومع زوجته والسيدة عائشة وأحب النساء إلى قلبه وبعدين يقول لها يا عائشة لما سئلت أمنا عائشة رضي الله عنها أعجب شيء رأيتيه من النبي صلى الله عليه وسلم قالت: كان أمره كله عجب، ولكن من أعجب ما رأيت حتى إن كان النبي صلى الله عليه وسلم في فراش عائشة حتى مس جلدي جلده قال: «يا عائشة ذريني أتعبد لربي». قال: «يا عائشة أذريني أتعبد لربي». فالشاهد أن النبي صلى الله عليه وسلم يعني أن هو مع زوجته اللي بيحبها وأحب النساء إلى قلبي وبعدين يقوم، شوف النبي صلى الله عليه وسلم إيه اللي حصل، مش مثلاً قال ذريني أتعبد ربي وقام صلى ركعات وتر خفيفه كده ورجع، لا لا. النبي صلى الله عليه وسلم قام وقرا آيات من خواتيم آل عمران، وقالت أمنا عائشة رضي الله عنها فظل يبكي حتى بل لحيته، والله لا يبكي حتى بل حجره، وظل يبكي حتى بل الأرض عليه الصلاة والسلام.

هي إيه المعاني دي اللي النبي صلى الله عليه وسلم كان عايشها أثرت عليه أن البكاء لا يتوقف؟ ودخل عليه سيدنا بلال وجد هذا المنظر، وتكلمنا قبل كده في درس وفي جلسة أفلا أكون عبداً شكوراً، فقال يا رسول الله صلى الله عليه وسلم يعني كل هذا البكاء قال: «يا بلال أكون عبداً شكوراً».

فالشاهد أن أحياناً لو احنا تعرضنا للقران صح هنتغير، هنشعر بأن القرآن بيغير الملامح، ملامح حياتك كلها هتتغير. لذلك لما تيجي نبص في أول أول سورة الشورى ربنا سبحانه وتعالى بيقول إيه في أول سورة الشورى؟ ﴿حَم * عَسَق * كَذَٰلِكَ يُوحِي إِلَيْكَ وَإِلَى الَّذِينَ مِن قَبْلِكَ اللَّهُ الْعَزِيزُ الْحَكِيمُ * لَهُ مَا فِي السَّمَاوَاتِ وَمَا فِي الْأَرْضِ وَهُوَ الْعَلِيُّ الْعَظِيمُ * تَكَادُ السَّمَاوَاتُ يَتَفَاطَرْنَ مِن فَوْقِهِنَّ﴾ [الشورى: 1-5].

قالوا تفطر السموات دائماً في القرآن بيذكر لسبب، يعني تفطر السموات الذكر فين قبل كده؟ سورة مريم لما إيه اللي حصل؟ ﴿لَّقَدْ جِئْتُمْ شَيْئاً إِدّاً * تَكَادُ السَّمَاوَاتُ يَتَفَاطَرْنَ مِنْهُ وَتَنشَقُّ الْأَرْضُ وَتَخِرُّ الْجِبَالُ هَدّاً * أَن دَعَوْا لِلرَّحْمَٰنِ وَلَداً﴾ [مريم: 89-91] فهنا في حدث جلل خلى السماوات تتفطر، هنا قالوا إيه هو الحدث الجلل اللي خلى السماوات تتفطر؟ بعض المفسرين قال خلاص احنا نشوف آخر اسم ذكر العلي العظيم فهنبص على العظمة فقالوا تكاد السماوات يتفطرن من فوقهم أي من عظمة الله.

احنا محتاجين نبحث أكتر فبص في الآية اللي قبلها لقى ﴿كَذَٰلِكَ يُوحِي إِلَيْكَ وَإِلَى الَّذِينَ مِن قَبْلِكَ﴾ أي أن السماوات تكاد تتفطر من الوحي كلام الله، يبقى ملائكة تفزع وسماوات تتفطر وجبال تدك، ﴿لَوْ أَنزَلْنَا هَٰذَا الْقُرْآنَ عَلَىٰ جَبَلٍ لَّرَأَيْتَهُ خَاشِعاً مُّتَصَدِّعاً مِّنْ خَشْيَةِ اللَّهِ﴾ [الحشر: 21] فلما تجلى ربه للجبل جعله دكاً. وربنا بيقول لنا في خواتيم الحشر: ﴿لَوْ أَنزَلْنَا هَٰذَا الْقُرْآنَ﴾ هو اللي معاك ده، هو اللي بين إيديك ده هذا القرآن مش قرآن تاني، لو نزلنا هذا القرآن على جبل لرايته كنت أنت هتبص منظر الجبل خاشعاً متصدعاً، بعض أهل العلم قال إيه اللي ربنا ما قالش خاشعاً ومتصدعاً قال مش لأنه الأول بيقعد فترة بيخشع وبعد كده بتصدع، لا ده حتى في حاله الخشوع مش كان مجرد بكاء، هذا الجبل بيتكسر، بيتصدع، بيتشقق، خاشعاً متصدعاً، وربنا ذكر السبب من خشية الله.

فإذاً أثر القرآن على الملائكة الفزع، على السموات تتفطر، على الجبال تتصدع، ﴿وَلَوْ أَنَّ قُرْآناً سُيِّرَتْ بِهِ الْجِبَالُ أَوْ قُطِّعَتْ بِهِ الْأَرْضُ أَوْ كُلِّمَ بِهِ الْمَوْتَىٰ﴾ [الرعد: 31] بل لله الأمر جميعاً. قال كثير من أهل العلم معنى الآية أي لو أن لو أن الله عز وجل قدر لكلام يفعل أفعال حسية في الجمادات قدر لكلامه سبحانه وتعالى وأن هو يفعل أفعال الحسية لكن تأثير القرآن كنت أنت هتشوف أفضل القرآن أنه يحيي الموتى ويكلم الموتى وأنه يكسر ويسير الجبال ويشق الأرض.

أمال احنا ليه ما بنحسش بضغطة نفسية كده يعني؟ أول اللي كان حتى الشيخ يعقوب بيقول لك إيه العصرة، أنك تحس أنك بتتعاصر، زي أول مره سيدنا جبريل جاء للنبي صلى الله عليه وسلم فضمه حتى بلغ منه الجهد ضغطة، في ضغطة كده الشيخ العصرة أنت المفروض تحس بضغطة وأنت بتقرا القرآن؛ ليه؟ لأن معاني ثقيلة، ﴿إِنَّا سَنُلْقِي عَلَيْكَ قَوْلاً ثَقِيلاً﴾ [المزمل: 5]. القرآن القرآن مش بس القرآن، طبعا ثقيل معنوياً وثقيل أن بالفعل كان نزول القرآن على النبي صلى الله عليه وسلم نجد النبي صلى الله عليه وسلم كان يجد منهم مشقة، كان في الليل شديدة البرد النبي صلى الله عليه وسلم يتفصد عرقاً، يعني عارف يعني أنت في العز البرد وجبينك ينزل عرق، إيه الخبر اللي سمعته اللي يخليك في الاحساس ده؟ النبي صلى الله عليه وسلم الصحابي بيقول رجله كانت اتكسر من ثقل الوحي وأن الدابة كانت بطاقته، أنت متخيل ثقل الوحي؟

والنبي صلى الله عليه وسلم هو من هو، هو أقوى الخلق بدلاً وقلبا صلى الله عليه وسلم، وكان بيجد مشقة من نزول الوحي. فتخيل أنا واقف التراويح الواحد بيقرا الآثار في التراويح واقف في حالة الله الغافل، زي ما ربنا قال: ﴿مَا يَأْتِيهِم مِّن ذِكْرٍ مِّن رَّبِّهِم مُّحْدَثٍ إِلَّا استَمَعُوهُ وَهُمْ يَلْعَبُونَ﴾ [الأنبياء: 2]. بيسمع القرآن وهو بيلعب. هنتكلم دلوقتي عن نموذج في سورة الجاثية اللي كان بيتعامل مع القرآن بحالة من اللعب عشان كده ما كانتش، وربنا قال في أول سورة الأنبياء كانوا بيسمعوا القرآن، إلا استمعوا لكن هم إيه؟ وهم يلعبون. ليه ليه ربنا قال عليهم أن هم بيلعبوا؟ اه مش معناه أنه كان بيجري يلعب بالكرة أثناء لاهية قلوبهم، ده اللعب يعني اللي قلبه ملهي عن تلقي حقائق الوحي ومعاني القرآن، ربنا سمى اللي ده إنسان بيلعب، لهو قلوبهم وأسروا النجوى. وبعدين كمان بدأ يضمر العداوة للنبي صلى الله عليه وسلم، ﴿الَّذِينَ ظَلَمُوا هَلْ هَٰذَا إِلَّا بَشَرٌ مِّثْلُكُمْ﴾ [الأنبياء: 3].

لذلك ربنا سبحانه وتعالى بيقول في سورة الزمر: ﴿الَّذِينَ يَسْتَمِعُونَ الْقَوْلَ فَيَتَّبِعُونَ أَحْسَنَهُ﴾ [الزمر: 18]. طب أنا دلوقتي أقيم أثر القرآن عليّ إزاي يعني؟ يعني أنا أقيم أثر القرآن عليه إزاي؟ ربنا.

كلام عملي عشان بدل ما أقعد أقول لك إيه الضغطة والعصرة والمشقة، طب أنا دلوقتي يعني قفل القرآن عليا أجدد في حياتي ازاي؟ ﴿الَّذِينَ يَسْتَمِعُونَ القَوْلَ﴾ [الزمر: 18] المضارع ما بيتوقفش عن الاستماع، الذين يستمعون القول فيعني بسرعة أثر فوري للقران عليه. ﴿فَيَتَّبِعُونَ أَحْسَنَهُ﴾ [الزمر: 18] بيبقى خارج من علاقته بالقران نفسه يعمل أحسن حاجة ترضي ربنا، قاعد بيبحث إيه يا رب اللي يرضيك عشان أعمله.

كان الصحابي يسمع الآية لم تنال برّاً حتى تنفقوا مما تحبون، يروح يدور على أحسن حاجة عنده ويطلعها. هو هنا إحنا مش بنتكلم بالحلال والحرام، مش بنتكلم فربنا هنا يتبعون أحسنه ما عادش بيفكر بعقلية حرام، عاد بيفكر يا رب أحسن حاجة بتحبها عشان أعملها. ﴿الَّذِينَ يَسْتَمِعُونَ القَوْلَ فَيَتَّبِعُونَ أَحْسَنَهُ﴾ [الزمر: 18].

جبير بن مطعم لما كان كافر وسمع سورة الطور قال إيه: كاد قلبي أن يطير. خمسة وعشرين ألف تقريبا أم أم خمسة وعشرين حرف أم يأتي سورة الطور اللي تخلي أسئلة تساؤلات؟ هل إحنا في مرة واحنا بنقرا القران وقفت كده حسيت إن القران بيسالك أنت سؤال فوقفت مع نفسك قلت آه صحيح. هو أنا دلوقتي ردي على السؤال ده؟ وأنا لما ربنا يسألني الأسئلة دي ردي عليها إيه؟

فارق بين اللي بيسمع القران عشان بيستمع القران عشان يطبق ويتبع سنة، وبين اللي بيسمع القران قلنا هيجيب نموذج في سورة الجاثية. كنت بصوا كده بقى في سورة الجاثية المصاحف، سورة الجاثية نموذج اللي بيسمع القران والآايات معروضة قدامه لكن هو بيلعب: ﴿حم * تَنزِيلُ الكِتَابِ مِنَ اللَّهِ العَزِيزِ الحَكِيمِ﴾ [الجاثية: 1-2]. وزي ما القران آيات مستورة في، في الكون آيات منظورة: ﴿إِنَّ فِي السَّمَاوَاتِ وَالأَرْضِ لَآيَاتٍ لِّلْمُؤْمِنِينَ * وَفِي خَلْقِكُمْ وَمَا يَبُثُّ مِن دَابَّةٍ آيَاتٍ لِّقَوْمٍ يُوقِنُونَ * وَاخْتِلَافِ اللَّيْلِ وَالنَّهَارِ وَمَا أَنزَلَ اللَّهُ مِنَ السَّمَاءِ مِن رِّزْقٍ فَأَحْيَا بِه الأَرْضَ بَعْدَ مَوْتِهَا وَتَصْرِيفِ الرِّيَاحِ آيَاتٍ لِّقَوْمٍ يَعْقِلُونَ﴾ [الجاثية: 3-5].

تلك آيات الله سواء المقروءة في القران أو المنظورة نتلوها عليك بالحق فبأي حديث بعد الله وآياته يؤمنون؟ أي إن الذي لن يؤمن بالقران لن يؤمن بأي آية أخرى. ﴿فَبِأَيِّ حَدِيثٍ بَعْدَ اللَّهِ وَآيَاتِهِ يُؤْمِنُونَ * وَيْلٌ لِّكُلِّ أَفَّاكٍ أَثِيمٍ * يَسْمَعُ آيَاتِ اللَّهِ تُتْلَى عَلَيْهِ﴾ [الجاثية: 6-8] يبقى ده واحد إيه بيسمع. ده واحد إيه بيسمع ويل لكل فاكهة يسمع آيات الله تتلى عليه، أمّال إيه اللي حصل له؟ أول حاجه ربنا وصفه وصفين قبل ما يقول إلا الراجل ده هيعمل إيه؟

ويل لكل إيه؟ بيصرف نفسه وبيصرف الناس عن الحق، والأفك أصلاً جاي لغة من القلب بيقلب الحقائق، فأفّاك بيقلب الحقائق بيضحك على الناس وبيضحك على نفسه بيقول على الحق باطل، ويقول على الباطل حقا. من الأدعية: اللهم أرنا الحق حقاً لأن في ناس شايفه الحق باطل، وده من، ده من دور القران في حياتك إن القران يوريك الحق على أنه حق حتى لو كان في قلة، وإن القران يوريك الباطل على أنه باطل حتى لو كان كثرة. ولو أعجبك كثرة الخبيث فالقران بيصحح لك نظرتك للحياة.

وطالما هو مش عايز يسمع القران وأفّاك ونصاب وبيقلب الحقائق يبقى إذاً ده واحد بيرضع في القسم أثيم. يبسط مبالغة يسمع آيات الله تتلى على القران بيطلع عليه ثم دي بتفيد إن في فجوة رهيبة بين حال المؤمن اللي بيسمع القران واو كان متوقع إن إنسان يسمع القران يتغير، لا ده للأسف: ﴿ثُمَّ يُصِرُّ مُسْتَكْبِراً كَأَن لَّمْ يَسْمَعْهَا﴾ [الجاثية: 8].

من اللطائف الجميلة اللي أنا هنا كان دكتور محمد أبو موسى بيقول يصر مستجبراً، كلمة يصر، كان بيقاوم أثر القران عليه. يعني كان القران بينزعه باتجاه التقوى وباتجاه الإيمان وده واحد إيه؟ مصر، يعني لو هو مش شايف إن القران بيأثر عليه مش هيستعمل لفظ الإصرار، فاهمين قصدي إيه؟ يعني لو واحد القران بين الكلام اللي بيطلع عليه اللي هو القران ما بيعملش أي أثر مش هيجي لفظ يصرّ بصيغة المضارع ومستكبراً.

لكن ممكن يقول أي حاجة، لا ده شوف الألفاظ المستعملة أول حاجة يصرّ وبصيغة المضارع يعني بيقاوم أثر القران عليه، ثانياً مستكبراً قاعد بيحاول يملأ الفراغ الجوف اللي بداخلي بدل باب القران بيعملها بالكبر مستكبراً، وربna ما قالش إيه يصرّ مستكبراً إنه لم يسمعها، لا، حاول يمثل إنه مش سامعها ﴿كَأَن لَّمْ يَسْمَعْهَا﴾ [الجاثية: 8] حاول يمثل إنه ما سمعش آيات القران.

هل إحنا بقى تخيل ده، ده المعرض؟ هل إحنا بنسمع الوحي قبل سماع القران كبعد سماع القران؟ ممكن أنت القران كان شغال في العربية وشغال في البيت فما كنتش مركز فيك، لكن في قيام الليل ولمدة ثلاثين يوم في رمضان والقران ما يأثرش فيه، لا، إحنا في إشكال أنا محتاج وقفة، ما فيش آية خبطت كده، ما فيش آية لزقت، ما فيش آية استقرت، ما فيش آية أثرت، ما فيش سؤال قراني حسسني بأن أنا يعني محتاج أقف مع نفسي وقفة.

إحنا النهارده إحنا لسه الواحد سامع خبر موضح أحمد خالد توفيق ربنا يرحمه، لما بتسمع عن حادثة موت فجأة، يعني الموت مؤلم لأن الموت انقطاع كل حاجة وقفت. يعني لما بيسمع خبر موت حد فجأة كده إيه ده؟ ده أنا عليا فلوس، ده أنا، ده أنا عليا ذنوب، ده أنا مزعل ناس من أهل الصلاح، ده أنا كذا، ده أنا ذهبت منها حاجات كتير متأخرة عليا فإما بيتقطع فجأة كده خلاص انتهى الأمر. ده أنا قلت كلام مع العام ما تبتش منه، ده أنا عملت سنة سيئة والناس بتعمل بيها وأنا ما تبتش، إيه ده؟ فجأة انقطاع.

فالمفروض إن القران بيذكرك بلا هذه الأحداث، مش لازم تسمع أحداث يومية في حياتك، القران بيذكرك إنك هتلقى الله سبحانه وتعالى وإن الله يسألني يوم القيامة: ﴿وَنَظَلُّ يُهْلِكُ الكَافِرِينَ يُعَذِّبُ المُنَافِقِينَ﴾، الحاجات اللي أنت بتسمعها المفروض يومياً وبتراها مش بتسمعها المؤمن العايش يرى الأحداث دي يومياً في قيام الليل. يعني إذا كان أنا النهارده في اليوم بتاعي ما قابلتش حدث يفكرني بالآخرة، ما سمعتش حادثة وفاة، ما شفتش ظالم ربنا أهلكه، ما شفتش آية من الآيات طول اليوم أنت عندك القران مليء بالآيات، ترجع للقران تقرا تعيش دي حقائق، وده فارق من إحنا تلقينا للقران على أنه حقائق.

يعني لما ربنا يقول فخسفنا به وبداره الأرض أنا المفروض ده حقيقي، منظر قارون وهو بيتخسف بيه ومنظر داره العظيمة اللي مليئة بالذهب بتنهار، ده مشهد حقيقي حصل. يعني مش مشهد تمثيلي، ده مشهد حقيقي أنا المفروض لما أقراه أزداد يقيناً أن ده ربنا قادر على ده سبحانه وتعالى، ده حصل بالفعل. ﴿يَسْمَعُ آيَاتِ اللَّهِ تُتْلَى عَلَيْهِ ثُمَّ يُصِرُّ مُسْتَكْبِراً كَأَن لَّمْ يَسْمَعْهَا فَبَشِّرْهُ بِعَذَابٍ أَلِيمٍ﴾ [الجاثية: 8].

وبالرغم من كل محاولات الإعراض دي إلا إن في بعض الآيات اخترقت وفي بعض المعلومات استقرت جوه: ﴿وَإِذَا عَلِمَ مِنْ آيَاتِنَا شَيْئاً﴾ [الجاثية: 9] يعني هو عمل كل المحاولات دي عشان ما يتعلمش حاجة من القران وبالرغم من كده في آيات استقرت واخترقت في علوم ومعلومات إنه هيتموت وإن الله قادر. يقوم يعمل إف إيه من وسائل انك أنت عايز في فكرة معينة عايز يدافعها وأنت ما عندكش القدرة عشان تفتحها، استعمل أسلوب السخرية.

يعني أحisاً مثلاً، أيام ما كنا بقى بننزل جولات يعني تجي تكلم مثلاً حد عن حاجه فما يحس إنه اتزنق يقوم يعمل إيه؟ يقول لك أنا هشتغله بقى شوية، اشتغل الشيخ. مش قادر، يعني هو خلاص حسن أسلوب السخرية. يعني لما الإنسان بيتزنق في الحجة يقوم عامل إيه؟ أسلوب السخرية. فهنا لما حسن القران بيحاصره قام عامل إيه؟ ﴿وَإِذَا عَلِمَ مِنْ آيَاتِنَا شَيْئاً اتَّخَذَهَا هُزُواً﴾ [الجاثية: 9] قال له اتخذ هنا في تكلف لأنه عارف إن الكلام ده حق. اتخذه ولما، لما، لما جاي، جه الاستهزاء جه العذاب المهين، ﴿أُولَئِكَ لَهُمْ عَذَابٌ مُّهِينٌ﴾ [الجاثية: 9] لأن هو استهزأ بالآيات فحلّه الإهانة.

طبعا سورة الجاثية يعني دي عايزة جلسات ويا ريت حتى تصلوا بها قيام الليل، تتتبعوا كده صورة الجنسية نموذج المعرض اللاموبالي اللي بيشترح السيئات: ﴿أَمْ حَسِبَ الَّذِينَ يَجْتَرِحُونَ السَّيِّئَاتِ﴾ [الجاثية: 21] نموذج اللي عايز يعيش حياته بطولها والعرض أربعة وعشرين ما هي إلا حياتنا الدنيا نموت ونحيا وما إلى الدهر، ده، ده في الدنيا النموذج ده هيحصل له إيه يوم القيامة؟ النموذج ده: ﴿وَتَرَى كُلَّ أُمَّةٍ جَاثِيَةً﴾ [الجاثية: 28] لما القران ما أثرش عليهم، ما كانش بيجسسوا من القران وضغط القران عليه في الدنيا دلوقتي يجي يوم القيامة جاشية.

وآية خمسة وثلاثين بقى في الختام ليه العقاب بتاعه ده؟ ﴿ذَلِكُم بِأَنَّكُمُ اتَّخَذْتُمْ آيَاتِ اللَّهِ هُزُواً وَغَرَّتْكُمُ الحَيَاةُ الدُّنْيَا فَالْيَوْمَ لا يُخْرَجُونَ مِنْهَا وَلا هُمْ يُسْتَعْتَبُونَ﴾ [الجاثية: 35] من معاني ولا هم يستعتبون لن يسمح له بالاعتذار أصلاً. يعني أحيساناً من القهر اللي ممكن يتعمل لحد في الدنيا إن هو يبقى عايز يعتذر وأنت مش هتسمح له أصلاً يعتزل. لذلك ربنا: ﴿اليَوْمَ نَنسَاكُمْ﴾ [الجاثية: 34] كأنه مش موجود. في النار بيصرخ وكانه مش موجود والعياذ بالله كان بيستهزا.

لسه شايف أحد الناس المهتمين بالرد على الإلحاد مشير تويتة كده لواحد لواحدة ملحدة بتَتريق بتقول يا مقلب مثبت قلوبنا على الإلحاد ولا ترد أنا مش عارف إلى الإيمان، حاجة بتستهزأ وبتَتريق. يعني الناس دي بتصعب على الواحد هي مش عارفة هي بتحارب مين. يعني هي بتمرح وبتهزق أيام معدودات مش عارفة بتحارب مين. يعني الملك الجبار، والإنسان ضعيف.

أنا لسه بقرا في قصه سيدنا إبراهيم وازاي سيدنا إبراهيم لما نظر إلى الكوكب فقال لا أحب الآفلين، فبيقول إن كل مخلوق يحمل دلالة ضعفه. يعني كل مخلوق مش محتاج حد يشهد لك عليه إن هو ضعيف، كل مخلوق هو نفسه ربنا سبحانه وتعالى جعل عليه علامة إن هو ضعيف.

شوف الإنسان في لحظة لما يتزرع عشان يخش الحمام أو يجيله حصوة تقفل مجرى البول مثلاً، شوف حاجة بسيطة جداً، شوف الإنسان لما نقطة نقطة من جلطة صغيرة تقف في شريان صغير في المخ شو بيحصل له إيه؟ يعني شوف، شوف مدى ضعف الإنسان لما فيروس ما بيتشافش أصلاً بالعين المجردة ويدخل جوه جسم الإنسان أصلاً، بيحمل آيات، شوف لما يقعد كذا ساعة ما ينامش شوف شكله بيبقى عامل إزاي؟ شوف لما يقعد شويه ما ياكلش شوف شكله، شف شكله بيبقى عامل إزاي، شف شكله بيبقى عامل إزاي؟ فاصلاً كل مخلوق يحمل آيات ودلالاته وعلامات ضعفي عشان حتى لا يتكبر.

فهنا في الآخر ربنا بيقول: ﴿ذَلِكُم بِأَنَّكُمُ اتَّخَذْتُمْ آيَاتِ اللَّهِ هُزُواً﴾ [الجاثية: 35] شوف وده من دلالات القران من عند ربنا مش من عند نفسه، شوف الخطاب العلوي: ﴿فَالْيَوْمَ لا يُخْرَجُونَ مِنْهَا وَلا هُمْ يُسْتَعْتَبُونَ * فَلِلَّهِ الحَمْدُ رَبِّ السَّمَاوَاتِ وَرَبِّ الأَرْضِ رَبِّ العَالَمِينَ * وَلَهُ الكِبْرِيَاءُ﴾ [الجاثية: 35-37] لذلك ختمت الجاثية بالكبرياء لأن نموذج المستهزئ الساخر اللامبالي كان موجود في الصورة، فيقابل هنا بصفة الكبرياء لله سبحانه وتعالى: ﴿وَلَهُ الكِبْرِيَاءُ فِي السَّمَاوَاتِ وَالأَرْضِ وَهُوَ العَزِيزُ الحَكِيمُ﴾ [الجاثية: 37].

ده فارق بين اللي بيسمع القران وهو بيلعب، وبين اللي بيسمع القران عشان يطبق فيتبعون أحسنه، ربنا قال على دول: ﴿الَّذِينَ يَسْتَمِعُونَ القَوْلَ فَيَتَّبِعُونَ أَحْسَنَهُ﴾ [الزمر: 18] ربنا قال عليهم إيه؟ قال عليهم أولئك إيه؟ ﴿أُولَئِكَ الَّذِينَ هَدَاهُمُ اللَّهُ﴾ [الزمر: 18] من علامات الهدى إنك لما تسمع الوحي تبحث عن أحسن شيء تطبقه، ﴿وَأُولَئِكَ هُمْ أُولُو الأَلْبَابِ﴾ [الزمر: 18] دول الناس العقلاء إيه؟ لما بيسمع الوحي بيبقى نفسه يطبق ده إنسان عاقل.

يعني قبل ما أختم المعنى الأساسي اللي أنا عايز أقوله لكم تاني عشان يطلع به يبقى معنا محور ظاهر، أثر القران أو أثناء تلقي الوحي بماذا تشعر؟ لما بتسمع آيات خلق الله لهذا الكون المتقن المحكم، لما بتسمع آيات فيها صراخ أهل النار، لما بتسمع آيات نعيم أهل الجنة، والواحد بيسمع المعاني دي وهو مقصر وهو بعيد يشعر بيشعر بإيه؟

فإذا في إحساس عارفين كان في مقال جميل قوي للشيخ إبراهيم السكران اسمه سطوة القران، يعني أنا مش لاقي مصطلح أسامي بيه المعنى اللي أنا عايز أقوله، أنا عايز اسمي بقى إيه؟ وطء القران، أن أشَد وطء أو ضغط القران إن القران زي ما قلنا تاني، ملائكة بتفزع السماوات بتتفطر الجبال بتتصعّد القلوب تطير، قلبي أن يطير، شوف التأثر الجمادات والكافر بالقران.

وهنا حتى اللاعب المستهزئ اللي كان بيحاول يصر مستكبراً والكفار وقال الذين كفروا لا تسمعوا لهذا القران والغوا فيه شرحناها بالتفصيل في مجلسنا ازاي هو بيحاولوا إن هم القران ما يأثرش عليهم، وكان في خطبة في المعنى ده اسمها كيف لا يؤثر فينا القران؟ إن شيء عجيب أصلاً. يعني إحنا بنقعد نعمل دروس كيف نتاثر بالقران، هو أصلاً كان المشركين بيتعبوا عشان يفروا من تأثير القران، يعني كان بيوزعوا القطن عشان الكورسف بيوزعوه مجاني على مداخل مكة عشان خايفين من أثر القران على الناس. إحنا دلوقتي من غير قطن ولا أي حاجة واقفين واقفين في الترويح، يعني كل حاجة بيتكلم عن نفسه يعني لا هي تنقلبها أن أنا قاعد بخرج كما دخلت.

القران يا جماعه الصحابه تلقوه تلقي حقيقي، الصحابه لما تلقوا القران أنت لسه برضو بقرا قلت لكم بقرا عن سيدنا إبراهيم بيتكلم الكاتب عن معنى حنيفا وقالوا إن حنيفا بمعنى مائلاً، إحنا في قالوا إن في ميل في رجليه رجليه بعيد عن بعض في اللغات، فقالوا إن حنيفا أي مائلاً عن كل الشرك أي حاجة غير ربنا بيبعد عنها.

فالقران لما سيدنا إبراهيم سواء كان ناظر أو مناظر وفي الآخر قال: ﴿إِنِّي وَجَّهْتُ وَجْهِي لِلَّذِي فَطَرَ السَّمَاوَاتِ وَالأَرْضَ حَنِيفاً وَمَا أَنَا مِنَ المُشْرِكِينَ﴾ [الأنعام: 79] إن النظر في الآيات الكونية أو

في القرآن المفروض يخليك تبقى عايز تميل عن المجتمع، تبعد، مش مش تنعزل، لا، عايز ترضي ربنا؛ لأنك حاسس أن أغلب الناس زي ما ربنا قال: ﴿وَإِن تُطِعْ أَكْثَرَ مَن فِي الْأَرْضِ يُضِلُّوكَ﴾ [الأنعام: 116]، فانت بتبقى عايز تبعد عن الناس اللي بتعطلك. انت بتصلي، ربنا بيقول إيه: ﴿قَدْ أَفْلَحَ الْمُؤْمِنُونَ * الَّذِينَ هُمْ فِي صَلَاتِهِمْ خَاشِعُونَ * وَالَّذِينَ هُمْ عَنِ اللَّغْوِ مُعْرِضُونَ﴾ [المؤمنون: 1-3]. أول ما بتخشع في صلاتك تحس انك عايز تبعد عن الأخوة، تحس أن في أعداد كده مش عايز تقعدها، وفي أماكن مش عايز تروحها، ما بتسالش هنا حلال أو حرام، لا، انت حاسس انك انت وصلت لمرحلة إيمانية مش عايز تضيعها. لذلك من أكثر دعاء النبي صلى الله عليه وسلم في السجود: «اللهم يا مقلب القلوب ثبت قلبي على دينك».

الإنسان في السجود بيوصل أكرم ما يكون الععبد بربه وساجد، بتوصل لحالة إيمانية نفسك أنها تفضل؛ يا رب أنا عايز أفضل على الحالة دي، تبقى نفسك أن الحالة دي ما تروحش منك. فالقران بيديك معاني المفروض تكون حنيفاً، تبقى بتشوف الحاجة على حقيقتها. لذلك بيقولوا أن سيدنا إברהيم إيه معنى أن سيدنا إبراهيم يكسر الأصنام؟ هو إيه معنى الأول؟ هو كان الكاتب يتأمل بيقول: أنتم فاهمين يعني ايه سيدنا إبراهيم يكسر الأصنام الرقم واحد قبل أي معنى تاني؟ إنه كان يرى الأصنام أنها مجرد حجارة؛ لأن كل الناس شايفاها إيه، عليها رعب، ازاي تقرب لها، طب تحل فيها مش عارف، تروح الآلهة ودي رمزي مش عارف للقوة، وانه كانوا بيعملوا الأصنام برموز معينة واللي فيها أسرار وفيها نوع من مش عارف الآلهة والقوة، فمعنى أنه يجترئ، قبل بقى مثلاً هو مش خايف من قومه ومش خايف من أبيه أو من الملك، قبل كل ده، معناه الأول أن هو بيعمل الحجارة على أنها إيه؟ حجار شايف الأصنام، ده رقم واحد الأخوان كده.

لذلك المنافقين في أول سورة البقرة لما طلب منهم الإيمان، لما حصل المجتمع بناء المجتمع المدني مهاجر، وطلب منهم الإيمان، فبصوا كده على أنواع المؤمنين لقوا نوعين اللي هم منهم مين؟ المهاجرين والأنصار، فلقوا ناس عشان تؤمن ثابت كل أرضها وأموالها وضحت وهاجرت، والناس التانية عشان تؤمن تضحت بنص فلوسها، في حلو إيه ده، هنؤمن كما آمن السفهاء؟ دي سفاهة. هم شايفين أن واحد ساب بلده وأرضه كان غالي في مكة وكان سيد في قومه ويتضرب ويسيب فلوسه، والتاني يجي الواحد ما يعرفوش يقسم معه نص فلوسه، ده سفاهة! فربنا قال لهم إيه: ألا إنهم هم السفهاء، ورربنا قال مين السفيه بعد كده: ﴿وَمَن يَرْغَبُ عَن مِّلَّةِ إِبْرَاهِيمَ إِلَّا مَن سَفِهَ نَفْسَهُ﴾ [البقرة: 130].

نفسك الغريبة أن ممكن الناس يبقى لها تقييم، أغلب الناس لها تقييم، والقران بيقول لك لا كن حنيفا عن هؤلاء؛ لازم يكون عندك ميل عن كل هؤلاء، انت لك معالم أخرى للتفكير، وليك عالم آخر تستمد منه قوتك، وبتستمد منه معاييرك، وستمد منه قيمك. الناس لا تؤمن، يعني مش قصدي أن هم كفار، لكن مش منشغلين بالغيب، فبتعامل مع الألف جنيه لو بقت 900 نقصت، انت بتعامل مع الألف جنيه لو طلعت منها مية صدقة، أنت تؤمن بالغيب: ﴿يَمْحَقُ اللَّهُ الرِّبَا وَيُرْبِي الصَّدَقَاتِ﴾ [البقرة: 276]. انت ليك معايير مختلفة عن الناس. الناس يقول لك انت ضيعت شبابك وعمرك وفترة شبابك دي، دي الفترة اللي لازم تفحت كل وقتك شغل في الدنيا عشان تستريح لما تكبر، وانت ممكن تفكر، طب ما أنا يا شباب ده محتاج أدي منه للدين، ما هو الدين ده لما جه ورقة منوفة تمنى أن يعود شباب عشان ينصر الدين، لقيتني فيها جذعا هنا يخرجك قومك، عايز أرجع شاب عشان أساعد عندي قوة نصرت الدين. ممكن الناس تبص للتفكير ده على أنه سفاهة، على أنها حماسة فارغة، انت ازاي تكتسب القوة من ده؟ هتستمد قوتك من إذا كان اللي حواليك شايفينك كده.

طبعاً الأفضل يكون في بيت إيمان وأنك تتصل باخوانك اللي يفكروك بالطاعة وبالدين وبذه المعاني، لكن افرض انت لوحدك أو انت بتمر فترات ضعف، الحالة أن أنت يبقى ليك علاقه يومية بكتاب الله، تطلع على هذه المعاني في القران يومياً، تصحب القران يذكرك في هذه المعاني. يعني سيدنا حنظلة عشان يتذكر المعاني، بيقول: يكون عندك يا رسول الله صلى الله عليه وسلم، فتذكرنا بالجنة والنار، فإذا ذهبنا إلى بيوتنا عفسنا الزوجات وانشغلنا بالاولاد والضياعات فنسينا كثيراً. طب انت دلوقتي إيه المكان اللي تروحه يذكروا بالجنة والنار؟ الأفضل يبقى في درس، مسجد، صحبة صالحة، طب لو ما فيش ترجع للقران يومياً يذكرك بالجنة والنار عشان ما تنساست كثيراً زي ما سيدنا حنظلة قال.

لكن هي الفكرة أن التلقي يكون تلقي صحيح، أنك تمهد لنفسك أن ما تقراه الآن حقائق؛ أنا دلوقتي هفتح ورد القرآن بتاعى أقوم أصلي ركعتين، أركز فيهم أن الكلام ده الله تكلم به رسالة إلى أهل الأرض، الله الجليل العظيم تكلم بهذا الكلام، كيف أعرض عنه؟ ازاي ما تلقاهوش؟ ازاي؟ عايزين سطوة القران أو ضغط القران أو وطأة القران نشعر بها؛ لأن دي اللي هتضغطك وتخليك انسان مختلف وتخليك حنيفا مائلا لك خط سري مختلف عن عموم الناس، تستمد قوتك من الغيب من عالم آخر، لأن اللي حواليك بيفكروا بصوره وانت بتستمد معانيك من الوحي: ﴿وَيَا قَوْمِ مَالِي أَدْعُوكُمْ إِلَى النَّجَاةِ وَتَدْعُونَنِي إِلَى النَّارِ﴾ [غافر: 41]. هو بيكلم في حته والناس بيتكلموا في حته تانية خالص، من أدعوكم، هو بيكلم في منطقة وهو بيتنا في منطقة تانية، هو عايز يدخلهم الجنة، وما بيكلموش في منطقة تانية خالص، هو مستمد قوته من عالم آخر، من مكان آخر: ﴿وَأُفَوِّضُ أَمْرِي إِلَى اللَّهِ﴾ [غافر: 44].

فاذاً عايزين نشعر بواسطه القران أو بضغط القران، أسأل الله عز وجل أن يجعلنا من أهل القرآن وأن يبلغنا رمضان، وأن يعنا في رمضان على تدبر القران وعلى قيام الليل بالقران، كما قال ربنا سبحانه وتعالى: ﴿إِنَّ نَاشِئَةَ اللَّيْلِ هِيَ أَشَدُّ وَطْئًا وَأَقْوَمُ قِيلًا﴾ [المزمل: 6]. أقول هذا وأستغفر الله لكم. سبحانك اللهم وبحمدك، أشهد أن لا إله إلا أنت، أستغفرك وأتوب إليك، أستغفرك وأتوب إليك.