د. أحمد عبد المنعمبسم الله الرحمن الرحيم. السلام عليكم ورحمة الله وبركاته. بسم الله والصلاة والسلام على رسول الله. أهلاً سهلاً بكم في هذا اللقاء، وهذا اللقاء بإذن الله سبحانه وتعالى أسأل الله أن يفتحه لي ولكم أن استعملنا في طاعته. هذا اللقاء ممكن بعنوان يعني القرآن ضد الشيطان أو محاولات صد محاولات الشيطان، صد الناس عن كتاب الله سبحانه وتعالى، وهنحاول يكون قدر المستطاع درس مقسم في عناصر ممكن يطول مننا شوية، هنشوف بقى لو طال مننا قوي ممكن أقسمه لجزء تاني يعني بإذن الله سبحانه وتعالى لأن الموضوع من المواضيع اللي ممكن نسميها مواضيع مركزية في القرآن، في مواضيع القرآن ركز عليه، ودائماً القرآن أن في أصول مركزية لو استقرت في قلب المؤمن التفريع عليها بعد كده بيكون سهل.
وده اللي حصل في القرآن المكي والقران المدني، القرآن المكي جاء بأصول أصل فيها فترة طويلة، ثلتين القرآن تقريباً مكي، فلما فرع عليها أحكام الناس قبلت بسهولة، ولو كان حصل العكس لم يقبل الناس بسهولة. فأول ما نزل من القرآن المفصل فيه ذكر الجنة والنار حتى إذا ثاب الناس، ولو كان أول ما نزل لا تشرب الخمر لقالوا نشرب كما روى أمنا عائشة رضي الله عنها. فدرس اليوم احنا عايزين نفكر ونتأمل إيه خطة الشيطان لصرف الناس عن الوحي؟ إيه الوسائل اللي بيستعملها الشيطان لصرف الناس عن كتاب الله سبحانه وتعالى؟ وده عشان نفهمه احنا محتاجين نحط مقدمات.
هل الشيطان محتاج يفكر ويخطط ويدبر ويرتب ليصرف الناس عن القرآن؟ الإجابة طبعا نعم. ليه؟ القرآن هو النور الأوحد الصافي الآن، هو السبب والحبل النازل من السماء هو وسيلة النجاة الوحيدة. فبالتالي أنت لو عايز تحارب الظلمات، الظلمات متنوعة جداً، ﴿الْحَمْدُ لِلَّهِ الَّذِي خَلَقَ السَّمَاوَاتِ وَالْأَرْضَ وَجَعَلَ الظَّلُمَاتِ وَالنُّورَ﴾ الظلمات جمع والنور مفرد، الظلمات متنوعة جداً، شهوات وشبهات ويعني في قمة التنوع، حديث اللي ذكره النبي صلى الله عليه وسلم أن الله ضرب مثلاً صراطاً مستقيماً، وعلى جنبتي الصراط سوران، وفيهما أبواب مفتحة، عدد الأبواب دي ممكن يكون لأنهائية، لأن عدد أبواب الخروج من الصراط لأنهائية وتتجدد مع الأفكار الشيطانية من الإنس والجن.
فبالتالي لو أنا عايز أزيح هذه الظلمات الحل إيه؟ أن أنا أفتح النور، يعني أنت مش هتقعد تجري ورا الظلمة وتحارب الظلمة هنا لا، أنت لو فتحت النور والظلمات دي خلاص، وبالتالي الشيطان أيضاً بيفكر بنفس الطريقة، هو بدل ما يمشي ورا فروع الإيمان اللي وراك فرع فرع، هو يعمل إيه؟ هو يمنعك عن النور، هو يقطع بينك وبين هذا الحبل النازل من السماء، لأن كل ما هيرمي عليك حيوان مفترس وعايز يفترسك أنت تتمسك بحبل النجاة وبتطلع فوق، أو يوقعك في معصية أنت ممكن تتوب منها. الوسائل الأخرى بيستعملها الشيطان مش معنى كده أن الشيطان مش هيحاول يوقعك في معصية، لكن أقصده الطريقة الأساسية اللي الشيطان بيفكر بيه أن هو يحاول أنه يصرفك عن مصدر النور. فبالتالي هو مش هيتعب كتير معاك بعد كده أنت هتكون سهل معاه خلاص تمام.
لازم نبقى فاهمين أن شياطين الإنس والجن فاهمين خطورة القرآن، بل أنت أحياناً بتكتشف مصدر من مصادر قوتك من اهتمام عدوك به، أنت أحياناً بتكتشف أن أنت عندك مصدر من مصادر القوة لما تلاقي عدوك مهتم بالمصدر ده. يعني مثلاً حديث النبي صلى الله عليه وسلم: «يعقد الشيطان على قافية أحدكم إذا هو نام ثلاث عقد، يضرب على كل عقدة: عليك ليل طويل فارقد». أنت واحد داخل تنام عادي جداً، الشيطان بالنسبة له في خطورة أنك احتمال تفكر تقوم الليل، والشيطان فاهم أثر قيام الليل على إيمان الشخص، فبالتالي الشيطان هنا بيتعامل بنوع من الحرص، أن مش هيسيب بيقولك إيك لو صحي ممكن ساعتها نبقى نوسوس له أنه ينام، لا كده كده.
الشيطان بيروح يعقد الشيطان على قافية أحدكم إذا هو نام ثلاث عقد، مش عقدة واحدة ولا أنت متخيل؟ أنت رايح تنام، تخيل لو أنت بتشاهد هذا المشهد، أنت رايح تنام تلاقي الشيطان جاي وقاعد بيربط العقدة الأولى سواء بقى عقده حقيقية أو سحر، ويضرب عليها ويقول: عليك ليل طويل فارقد، وبعدين يشتغل في التانية، أنت ممكن تقوله عم أنت كبرت الموضوع، أنا أصلاً مش أنا مش مدي قيام الليل الحجم اللي أنت مديه له ده، لكن هو ده فاهم أن ده من مصادر القوة.
فإذا قرأت القرآن فاستعد له لأن دي لحظة خطيرة، جاي تهدى يضاء لك الحق وينار لك الطريق، فالشيطان فاهم أثر القرآن على المجتمع لأنه رأى ده، لحظة نزول القرآن كانت لحظة مفصلية في التاريخ، لحظة حرق الشياطين لنزول القرآن ولحظة بث الحق في الأرض، كانت لحظة مفصلية القرآن. الأرض قبل القرآن حاجة وبعد القرآن شيء مختلف تماماً، يعني الأرض ككرة أرضية وشكل وجغرافيا وتاريخ وناس وقدوات ودماء وتضحيات قبل القرآن شيء وبعد القرآن شيء، فبالتالي هو فاهم أن اللحظة دي لحظة مغيرة، وبيرو بعض آثار وان كان فيها ضعف لما نزل القرآن ومثلاً زي سورة الفاتحة رن الشيطان رنة، ده حصل.
هو كمية المفاهيم اللي ضخت في الأرض بنزول الوحي ضخمة جداً، وصعبت جهد شيطان، فبقى الشيطان فاهم أن ده من مسؤولياته دلوقتي عشان يضل الناس، لأن خلاص يا جماعة برضه لازم تفهم أن معركة الشيطان معاك معركة صفرية، عارف بيقولك إيه في التعامل بين الناس والكوتش يقولك أنت محتاج تتعامل بوين وين ستيويشن ليه؟ أنت تكسب وأنا أكسب. الشيطان بيتعامل معاك بايه؟ وين لوز ستيويشن، وعايز هو خسران يقيناً هو عارف أن هو مخلد قدامه فرصة معينة بزمن معين لإضلالك وإضلال البشرية، هو طول الفترة دي شغال معاك بالمعادله الصفرية دي فهو خسران وهدفه أنك تخسر.
يعني مش هيوصل لمرحله تقول له إيه طب بص بقول لك إيك تعال نتفق، سيب لي الفجر وخد الظهر، سيب لي مثلاً القرآن وخد وقسموه مع بعض، مش هينفع تقوله طيب بص بلاش الكبائر اشتغل معاها الصغائر، مش هتوصل معاه الاتفاق. هو حاطط يا جماعة، الشيطان ما بيجيش لواحد يقول إيه لا لا ده شكله رجل صالح بلاش يا جماعه نضيع مجهودنا مع، لا لا الشيطان جى للنبي صلى الله عليه وسلم وهو بيصلي، أنت متصور وأمسكه النبي صلى الله عليه وسلم! فانك أنت تتخيل أن الشيطان هيتعامل معاك يقولك إيه ده لا ده الراجل ده بيصلي قيام ليل وبقول أذكار، خلاص خلاص أيها الشياطين بلاش تضيعوا وقتكم مع هذا الرجل الصالح، لا ده ممكن يقول رجل صالح أيها الشياطين زودو لي هنا العدد شوية، عادي جداً.
فبالتالي أنت متخيل أن في قراءة أثر ظن عن عبيد بن عمير رضي الله عنه مرسلاً أن كلما الإنسان تكثر اتباعه بتكثر شياطينه، كان يعلم المشركون كان يعلمون ذلك وشياطين الإنس يعلمون ذلك، ﴿وَقَالَ الَّذِينَ كَفَرُوا لَا تَسْمَعُوا لِهَٰذِذَا الْقُرْآنِ وَالْغَوْا فِيهِ﴾ ليه؟ ليه؟ ﴿لَعَلَّكُمْ تَغْلِبُونَ﴾ لن تنتصروا إلا بابعاده عن الوحي. يبقى إذن معركة الشيطان معاك مبنية أن هو عايز يمنعك عن الوحي، يبقى دي المقدمة الأولى.
النقطه الثانية، طيب وبالتالي بقى ما هو مدى احتياجك للوحي؟ أنت بدون الوحي عايش في حالة من الظلمات، لازم تبقى فاهم أن أثر القرآن عليك في بعد غيبي، يعني مهما أنت درست نحو وبلاغه وقرأت في التفاسير وقرأت في التفسير الموضوعي وتقسيم السورة لمواضيع، وحاولت تدرس ماذا تفعل فيك السورة، هل السورة أتقسمت لمواضيع وكيف مثلاً السورة الهبت المشاعر الخوف هنا، كل ده شيء جيد ومهم، لكن سيظل في بعد غيبي في علاقتك بالوحي.
فبالتالي من أهم أهداف الشيطان قطع هذه العلاقة، الناس تقعد تقعد تفكر هو القرآن عمل إيه في الصحابه؟ القرآن عمل إيه في الناس؟ هو ازاي ممكن تقرا قرآن باللغة العربية مش مترجم على ناس لا يفقهون العربية ويتاثروا والناس تبقى مستغربة ازاي ازاي ازاي قصص إسلام ناس كتير مجرد أنه لقى واحد ساب له نسخة على المصحف جنبه مثلاً في الطيارة، واحد مش عارف إيه فتح المصحف أسلم ده ازاي حصل؟ إيه اللي في الكتاب ده بيعمل التغيير الجذري في حياة الناس ده؟ فبالتالي أثر القرآن أثر عجيب، وفي كما قلت في بعد غيري أيضا.
القران متوافق مع فطرتك، ودي نقطة مهمة قوي، القرآن متوافق مع الفطرة، وده اللي بيخلي ناس عاشت كل شهوات براحتها، بس لما بتمسك المصحف بتحس أن في حاجة هنا غريبة، في وصلة حصلت يعني في حاجة شبكت كده، وتلاقي شخص ملحد ولا يفقه في العربية وعيد جداً عن الإسلام وعيد عن الدين وعيد عن الفطرة وعايش في الشهوات، وبعدين لما يمسك المصحف ويقرا فيه يقولك أنا حاسس بشيء يناديني من داخلي، حاسس أن الكلام ده لمس شيئاً بداخله. ودي من أهداف الشيطان أن مش بس هدف الشيطان يبعدك عن الوحي وده هنشوف بيعمل إيه بإذن الله سبحانه وتعالى.
يبقى إذن احنا عندنا دلوقتي أنت ربنا قال لك عندك عدو خطير، يعني مش أنا اللي قعدت أفكر مين أعدائي مين أعدائي؟ آه الشيطان، وهي ما جتش كده ربنا اللي أخبرنا قال: ﴿إِنَّ الشَّيْطَانَ لَكُمْ عَدُوٌّ فَاتَّخِذُوهُ عَدُوًّا﴾ ده أول حاجة. تاني حاجة عدو ده مشكلته أن هو يراني من حيث لا أراه، طيب لو أنا عايز أدرس الشياطين عايز أعرف خطط الشياطين، اعمل إيه؟ يعني دلوقتي أنا عندي عدو مخلد في جهنم دي هذا مقاله وهذا مصيره، ويريد لي نفس المقال والمصير، وأنا خايف منه وعايز أعرف خططه، أتصفح معاه إزي؟ وهو العدو ده يراني وأنا لا أراه.
مستحيل أن أنت تقعد تعمل دراسة استقرائية على الشياطين، تجيب خمس شياطين وتصاحبهم فترة مثلاً وتدرس أخلاقهم، مش هتعرف تعمل ده. أمّال اعمل إيه؟ أقرأ نصوص الوحي، الله سبحانه وتعالى خلق الخلق سبحانه وتعالى، هو أعلم بما خلق، وهو خلق الشياطين ويعلم كيف يتحركون، كيف يدبرون، كيف ينكرون، فبالتالي نصوص الوحي أخبرتنا. لما تستقر نصوص الوحي هتكتشف ما هي الخطط الشيطانية، وهتكتشف أن ده بعد مركزي في القرآن، كثرة ذكر الشياطين في القرآن والتحذير منها وأساليبها ومقالات إفسادها، ده مهم القرآن لم يذكر ذلك عبثاً لكن لنتعلم منه.
فإذن القرآن كافن، مغير، نور، سبب، شفاء، فرقان، روح، البعد عن القرآن هو خسارة لكل هذه الصفات، القرآن هو النور والحق الأوحد، الشيطان يفقه هذه الحقيقة جيداً ويعلم أن الحل الأوحد لله البشرية هو صرف الناس عن هذا النور النازل من السماء، قطع الحبل الذي بين الناس وبين الله سبحانه وتعالى. الشياطين لما عارفة أن القرآن ده زي ما ربنا قال: ﴿وَمَا تَنَزَّلَتْ بِهِ الشَّيَاطِينُ * وَمَا يَنْبَغِي لَهُمْ وَمَا يَسْتَطِيعُونَ﴾ حق الشياطين ما تعرفش تجيب قرآن بديل، ما تعرفش.
القران أنت لما تيجي تشوف المعاني اللي القرآن بيتكلم فيها هي معاني خارج الطاقة البشرية، يعني مثلاً أنا كبشر صدري في مطامع، في مخاوف، في حب، في مشاعر، في أشياء، فبالتالي أنا لما نجي بتكلم بالكلام وركزوا معايا في المعنى ده، الكلام اللي بيخرج مني في حياتي هو مختلط بمشاعر، أنا مثلاً لو عايز أتكلم مثلاً أي موضوع، احنا ممكن أقعد أتكلم مع أي حد، أتكلم في العربية، أتكلم في الحياة، في الشغل، ستجد أن الكلام مختلط بمشاعر خوف، فقر، أمل، مشاعر، الكلام في مشاعر المتكلم، ما لا يستطيع أنه يتخلص من هذا الكلام.
القران لم يخرج من صدر بشر، لا يطيقه صدر بشر، ﴿وَمَا كَانَ هَذَا الْقُرْآنَ أَنْ يُفْتَرَى﴾ مستحيل البشر يعرفوا يطلعوا الكلام العلوي ده، ده ربنا بيقول لك حتى على مستوى الخزائن، ﴿قُلْ لَوْ أَنْتُمْ تَمْلِكُونَ خَزَائِنَ رَحْمَةِ رَبِّي إِذًا لَأَمْسَكْتُمْ﴾ إيه؟ مش هتعرف تتصرف، مش هتعرف تعمل زي ربنا، يعني شوف ربنا سبحانه وتعالى بيعطي الخلق، أنت لو عندك نفس الخزائن مش هتعرف ليه؟ لأن أنت قتور، ده وصف ملازم لك، الفقر وصف ملازم للخلق ما يعرفوش يتكلموا بالكلام العلوي ده.
القرآن حتى لما بيتكلم مع الكفار مع المعاندين مع المعرضين مش بيكلمهم كقر، يعني أنت لما بتيجي تتكلم مع عايز تدعو واحد مثلاً مشرك معاند معارض، أنت بتكلمه هو أنت بشر وهو بشر، القرآن مش بيكلمه كده، القرآن بيكلمه كلام علوي، القرآن بيقول له أنا أعلم ما في صدرك، القرآن بيحص بيقول له خد القرآن بيقول له أنا أعلم انك أنت مصدقني وأنت بجحد وهخوفك لغاية يا إما تؤمن يا إما تعترف وتجحد وهتخش النار، يعني القرآن بحصره، هذا كلام لا يتكلم به إلا رب الناس سبحانه وتعالى.
فبالتالي ما يعرفش يصنع قرآن بديل، هو هيحاول زي ما هنقول في الخطاط أن يقدم بدائل لإشغال الناس، لكن ما يعرفش يجيب قرآن بديل ولا البشر كلهم، فبالتالي الحل الأوحد، وده أحد معاني، وإن كان الآية فيها أقوال كتير ممكن ده يكون أقلها، أحد معاني قول الله سبحانه وتعالى سورة الحج: ﴿مَنْ كَانَ يَظُنُّ أَنْ لَنْ يَنْصُرَهُ اللَّهُ فِي الدُّنْيَا وَالْآخِرَةِ فَلْيَمْدُدْ بِسَبَبٍ إِلَى السَّمَاءِ ثُمَّ لِيَقْطَعْ﴾ من معاني هذه الآية أن اللي عايز يمنع اللي يظن أن ربنا لن ينصر النبي صلى الله عليه وسلم وعايز يمنع انتشار الدين ده، هو قدامه حل واحد بس: فليمدد بسبب إلى السماء ثم ليقطع الوحي.
الحل الوحيد لإنهاء هذه الأمة هو إبعادها عن الوحي، وده اللي حصل في سورة البروج لما قعدوا يقتلوا المؤمنين ربنا قال لهم مهما عملتم، ﴿بَلْ هُوَ قُرْآنٌ مَجِيدٌ * فِي لَوْحٍ مَحْفُوظٍ﴾ فالأمة دي باقية لأن هذا القرآن محفوظ، وأعجاز نزول القرآن هو مشابه لأعجاز الحفظ.
والإثنين جاؤوا بحرف العظمة: ﴿إِنَّا نَحْنُ نَزَّلْنَا الذِّكْرَ وَإِنَّا لَهُ لَحَافِظُونَ﴾ [الحجر: 9]. إذاً، من هذه المقدمات: الشيطان عدوك الأول الذي يخوض معك هذه المعركة الصفرية، لا يرى إلا الحل الأوحد لإضلال هذه الأمة إلا بابعادها عن مصدر النور؛ لأن إزالة الظلمات تكون بالنور، والرجوع للظلام بإطفاء النور. والقرآن وقصص كثيرة في السنة بينت حرص الشياطين على صرف الناس عن هذا النور، لأن -يعني وده هتجيلنا بس هقولها دلوقتي س ولما تجيلنا في موطنا من الدرس نتكلم فيها- صناعة البيئة الصالحة وبث النور فيها أحياناً بيكون كافي عن الاهتمام بكثير من التفاصيل. بمعنى أنت لما تروح عمرة تروح معتكف تجد أن المنتج النهائي من بيئات الإيمان متقارب، حتى لو التفاصيل اللي بتحصل في المعتكف ده غير المعتكف ده غير المعتكف ده؛ لأن دي بيئة نور فالمنتج قريب.
فالشيطان بدل ما يهتم بتفاصيل الظلمات -وهو يفعل ذلك فعلاً- بيتهتم بإيه؟ هو عايز يصنع الأول بيئة الظلمات، وبعدين نشوف بقى في التفاصيل ممكن نزود هنا الفاحشة شوية، هنا نزود الشرك شوية، لكن في الأصل احنا عايزين نبعد الناس عن بيئة النور، لتصبح هذه البيئة بيئة ظلام يعبث فيها خلاص كما يشاء. ما هي دي المقدمة يعني مجموعة المقدمات دي المقدمة بتاعت ننتقل بقى؛ ما هي المسارات التي يسعى الشيطان بها لصرف الناس عن هذا النور؟ يبقى احنا قلنا: أنت لك عدو متربص بك، ياخُذ معك معركة صفرية، أوقنا بقيمة هذا النور، يريد إبعادك عن هذا النور. عندنا ثلاث مسارات هنتكلم فيهم إن شاء الله لو الدرس يعني كمل؛ لأن المسار الأول أطول مسار، ممكن يبقى هو ده الجزء الأول؛ عندنا ثلاث مسارات، والمسار الأول هنتكلم فيه ثلاث نقاط.
قبل ما أبدا أتكلم، المسارات دي نوع من الاستقراء، يعني أنا تقرأ القرآن والسنة وتبحث عنه، ليست قطعية توقيفية؛ مش مثلاً لما أنت تحفظ الحاجات دي تطلع تقول أنا بس خلاص معايا خطة الآية الشيطان وتتبعها وتوزعها في الناس، لا، هي فهم لهذه الأمور التي يفعلها الشيطان. طيب، نحن بنقول إن احنا عندنا ثلاث مسارات، عشان نفهمهم خلينا نقول: لو شخص لكي يكون صحيحاً لابد أن يأكل غذاءً طيباً، في واحد عايز يفسد هذا الشخص الصحيح ده، يعمل إيه؟ يعني ركز كده معايا، دلوقتي شخص قاعد بيكبر وبينمو، وعدو قاعد متربص بيه، فعدو اكتشف أن الشخص ده سر قوته في هذا الغذاء الذي يأكله، فعدو ده قرر أنه عايز يقضي على هذا الشخص فقال له: خلاص أنا لكي أُقضي على هذا الشخص أقضي على مصدر قوته. العدو ده هيفكر بثلاث أشياء؛ الشيء الأول أن هو يفسد مكان تلقي الغذاء؛ لأن العدو ده اكتشف أنه لا يستطيع إفساد الغذاء الرئيسي.
ثاني واحد يقول لي: لو أنا دلوقتي شخص اهو عايزين العدو عايز يموت، والعدو ده اكتشف أن مصدر قوة الشخص الغذاء؟ واحد يقول لي: طب ما خلاص يفسد عليه الغذاء؟ هذا الغذاء لا يستطيع العدو ولا يستطيع الشيطان إفساده، ﴿وَإِنَّا لَهُ لَحَافِظُونَ﴾ [الحجر: 9] غذاء الروح غذاء القرآن محفوظ، بل هو قرآن مجيد في لوح محفوظ، لن تستطيع الشياطين أن تقترب منه. فهنا الشيطان بقى قدامه معادلة صعبة: أنا عايز أهلك هذا الإنسان بشر الإنسان وسر قوة الإنسان في الغذاء، وأنا مش عارف أفسد هذا الغذاء. فهنا يبدا الراجل ده يعمل ثلاث حاجات: يفسد مكان تلقي الغذاء، الغذاء ده ينزل المعدة، طب احنا نفسد المعدة؟ فيأخذ الغذاء براحته، المعدة هنا أُفسدت. الحاجة الثانية: أن أنا أعمله حالة من الإلهاء والاشغال عن هذا الغذاء، أقعد أقوله: بص لعدو الصورة، بص وإيه؟ واشغله عن الآية عن الغذاء ده. الحاجة الثالثة: أن أنا أحاول أضحك عليه وأقدم له غذاء بديل.
يبقى الشيطان هيعمل معانا إيه؟ ثلاث مسارات. المسار الأول: إفساد مكان التلقي. ركزوا معايا، المسار الأول ها؛ إفساد مكان التلقي. المسار الثاني: الإشغال عن هذا الغذاء، أنه يعملك حالة من الإلهاء والاشغال، يخليك مشغول. الحالة الثالثة: يحاول أن يقدم لك غذاءً بديلاً. تاني، يبقى احنا عندنا ثلاث مسارات هنتكلم فيهم في كيفية محاولة الشيطان لصرف الناس عن الوحي: أولاً، إفساد مكان التلقي. اثنين، الإشغال عن هذه الآيات. رقم ثلاثة، محاولة تقديم البديل.
نبدا بالمسار الأول؛ إفساد مكان التلقي، اللي هو صدر الإنسان، فطرة الإنسان، قلب الإنسان، وأنه لتنزيل رب العالمين، نزل به الروح الأمين على قلبك لتكون من المنذرين. هذا المكان صدرك، قلبك، روحك اللي بتتلع الوحي، الشيطان عايز يشتغل على المكان ده، يخلي المكان ده غير قابل لنزول الوحي عليه. طب لو الشيطان -عشان نسبق، عشان الناس بيجيلها هنا حالة يأس- لو الشيطان أفسد المكان، القرآن لن يؤثر؟ لا، سيؤثر بس هتحتاج مجهود أعلى؛ يعني انت لو عايز ده كوب ماء، أنت عايز تصب فيه الماء النقي، في واحد عايز يفسد عليك الماء فقال لك: أنا أفسد الكوب، خلى الكوب متسخ، أنت هتتعب شوية وتصب ماء كتير لغايه لما الكوب ده ينضف، مادش مادش الكوب نضيف تصب وتشرب على طول، لا هتتعب أكتر شوية. الشيطان بيعمل كده؛ يفسد مكان تلقي الغذاء. كيف يفسد الشيطان مكان تلقي الوحي؟ يعمل ثلاث حاجات. أول حاجة أن صدرك وقلبك وروحك دي فيها مشاعر؛ دي أماكن المشاعر، الخوف، الرجاء، الطمع، الحب، الحرص؛ رقم واحد، الشيطان يعبث بهذه المشاعر. رقم اثنين، يصنع لك الأماني. رقم ة، يستثير الشهوات. دي الثلاث مسارات اللي في المسار الأول اللي الشيطان هيشتغل عليه.
يبقى الشيطان دلوقتي عايز يصرف -خذ بالك، أنا مش بتكلم عن جهد الشيطان مع فرد، أتكلم عن جهد الشيطان مع الأمة وأفرادها- يعني الشيطان هنا عايز يضل أمة، يعني ممكن واحد يعني هيوفر على عشان الشغل ده كله مش هيحتاج أنه يعمل معاه كل ده. حد يقول لي: والله أنت كبرت الموضوع ده الواحد يفتن بنظرة؟ نحن بنتكلم على جهود الشياطين لإفساد البشر، ضلالهم عن كتاب ربهم. يبقى احنا قلنا ثلاث مسارات؛ المسار الأول اللي هو إفساد مكان التلقي، عشان يفسد مكان التلقي هيعمل ثلاث حاجات، هيعمل إيه؟ عبث بالمشاعر، يصنع الأماني، يستثير الشهوات.
تعالوا نتكلم شوية على موضوع العبث بالمشاعر الأول قبل ما نتكلم على الثلاث حاجات؛ العبث والمشاعر وصناعة الأماني واستثارة الشهوات. فكرة التغيير؛ نحن عايزين بقى نرجع للوحي من قول الله سبحانه وتعالى: ﴿وَلَأُضِلَّنَّهُمْ وَلَأُمَنِّيَنَّهُمْ وَلَآمُرَنَّهُمْ فَلَيُبَتِّكُنَّ آذَانَ الْأَنْعَامِ وَلَآمُرَنَّهُمْ فَلَيُغَيِّرُنَّ خَلْقَ اللَّهِ﴾ [النساء: 119]. يبقى الشيطان لا يبحث فقط عن التأثير، لكن يبحث عن التغيير. مثال؛ مش يعني ممكن واحد يختلف معايا في المعنى اللغوي للتأثير والتغيير مش مهم، أنا هدفي المعنى المفهوم من السياق، يعني واحد ممكن يسمع آية يبكي؛ ده تأثر، الآية خلته ياخد قرارات وحياته حصل فيها نوع من التغيير، ده بسميه أنا تغيير مش تأثير. فالشيطان ممكن يخلي إنسان ينظر نظرة حرام؛ اه، هنا حصل نوع من الشيطان؛ الشيطان أثر فيه، لكن حياته تغيرت وبقى تابع، هنا نجح الشيطان في التغرير.
الشيطان في الآية هنا وهو بيقول له بيقول له: ﴿وَلَآمُرَنَّهُمْ فَلَيُغَيِّرُنَّ خَلْقَ اللَّهِ﴾ [النساء: 119] هو عايز يقول له: ده أنا هنعمل نوع تغيير حقيقي فيهم. العلماء لما وقفوا عند الآية دي قالوا: لو المراد آية المراد بخلق الله هل الفطرة؟ الفطرة المفروض أن هي لا تبديل، ﴿فِطْرَتَ اللَّهِ الَّتِي فَطَرَ النَّاسَ عَلَيْهَا لَا تَبْدِيلَ لِخَلْقِ اللَّهِ﴾ [الروم: 30] طب ازاي ربنا قال إن هي لا تبدل، طب هو هيبدلها ولا هي لا تبدله؟ بعض العلماء قال: لا المقصود هنا التغيير الحسي، أمرهم بتغيير في الجسد زي مثلاً خصاء البهائم، أو يغير في دين الله، زي مثلاً الوشم، تلاقي بعضهم يعبر هذا من تغيير خلق الله، وده من المراد من الآية، فالأشياء الحسية التي تغيرت قالوا ده من التغيير لكن التغيير مش بالفطرة.
شيخ الإسلام ابن تيمية قال: لا، الآية أوسع من ذلك، شيخ أقرأ لكم بعض كلام، أطول مبحث يعني قراته، يعني أظن والله أعلم من أفضل ما كتب في الفطرة كلام شيخ الإسلام في درء التعارض المجلد الثاني، في كتب كتبت في الفطرة؛ لأن العلماء كان شاغلهم هي إيه الفطرة؟ يعني إيه كل مولود يولد على الفطرة؟ يعني بيولد مسلم؟ طب ازاي، وربنا قال: ﴿وَاللَّهُ أَخْرَجَكُم مِّن بُطُونِ أُمَّهَاتِكُمْ لَا تَعْلَمُونَ شَيْئًا﴾ [النحل: 78] وتلاقي حصل قبل كده كان بيحصل على السوشيال ميديا بس بعض المتخصصين في الفلسفة واللي بيقروا في علم الكلام والكتب التيمية اختلفوا خناقة كبيرة قوي في حاجة اسمها المعارف القبلية، وده أصلاً موجود، صراع فلسفي أصلاً حتى مش عندنا بس في التراث الإسلامي؛ هل الإنسان بيولد لحظة الولادة عنده معارف متخزنة جواه بيسموها المعارف القبلية، ولا بيولد صفحة بيضاء تماماً؟ لذلك ناس قالوا الفطرة هي الصفحة البيضاء ما عنده حاجة، وده موجود في تراث بعضهم. شيخ الإسلام كلامه مقارب بين القولين، لا هو عنده قابلية للإسلام، نرجع لكلام شيخ الإسلام هو بيتكلم على مسألة الآية ﴿وَلَآمُرَنَّهُمْ فَلَيُغَيِّرُنَّ خَلْقَ اللَّهِ﴾ [النساء: 119] بيقول: رُوِيَ عن السلف القولان أن في تغيير ﴿وَلَآمُرَنَّهُمْ فَلَيُبَتِّكُنَّ آذَانَ الْأَنْعَامِ وَلَآمُرَنَّهُمْ فَلَيُغَيِّرُنَّ خَلْقَ اللَّهِ﴾ [النساء: 119] قال: فتغيير ما خلق الله عليه عباده من الدين أنه يغير يحاول يلعب ويخليهم يغيروا هم، يحرفوا الدين، هذا تغيير لخلقه، والخصاء وقطع الأذن أيضاً تغيير لخلقه.
ولهذا شبه النبي صلى الله عليه وسلم أحدهما بالأخر في قوله: «كل مولود يولد على الفطرة فأبواه يهودانه وينصرانه ويمجسانه، كما تنتج البهيمة بهيمة جمعاء، هل تحسون فيها من جدعاء؟» قال: «فأولئك يغيرون الدين وهؤلاء يغيرون الصورة». المعنى اللي أنا عايزه عشان لو كلام صعب، السطر اللي أنا هقوله ده: هذا تغيير لما خُلقت عليه نفسه، وهذا تغيير لما خُلِق عليه بدنه. الشيطان عايز الاثنين، عايز يغير في نفسيتك وعايز يغير في البدن، كما أن المسخ والوشم اللي بتشوفه الناس بتفعل به أنفسهم هذا من الآية أيضاً، محاولات تغيير النفس حتى لا تستطيع تلقي الوحي هذا من الآية.
واحد يقول لي: طب ازاي لا تبديل لخلق الله؟ شيخ الإسلام عمل فصل: هل الآية نهي أم إخبار؟ يعني ربنا بيقول لا، في نهي، ده أمر شرعي يامر لا تبدل خلق الله، ولا ربنا بيخبر أن الخلق لن يتغير وأن الفطرة تتغير؟ قال الشيخ الإسلام كلام طويل فيه، قال: وأما احتجاج إسحاق بقول أبي هريرة: اقرأوا إن شئتم ﴿فِطْرَتَ اللَّهِ الَّتِي فَطَرَ النَّاسَ عَلَيْهَا لَا تَبْدِيلَ لِخَلْقِ اللَّهِ﴾ [الروم: 30] قال إسحاق: وقول لا تبديل للخلقة التي جبل عليه تماماً. فهذه الآية فيها قولان: أحدهما أن معناها النهي، يعني الآية يبقى معناها لا تبديل لخلق الله يبقى معناها لو نهي يبقى معناها إيه؟ لا تبدلوا خلق الله، لا تبدلوا الفطرة؛ لأن هو ليه ناس راحت اختارت النهي؟ ليه ناس قالت إن معنى الآية لا تبديل لخلق الله؟ ليه ناس قالت إن معناها لا تبدلوا؟ قالوا لأن الفطرة عمرها ما تتغير فربنا بيشأن أن احنا ما نروحش نغير، وهذا قول واحد من المفسرين لم يذكروا غيره كالتعالبي والزمخشري.
والثاني وأنه خبر على ظاهره؛ ربنا بيخبر بيقول أن خلق الله لا يبدله أحد. وظاهر اللفظ شيخ الإسلام بيميل للقول الثاني، أن هي مش أمر، مش ربنا بيدينا أمر لا تبدله، لا ربنا بيقول الفطرة لن تتغير. طب يا شيخ الإسلام أنت لسه بتقول من شوية أن من معاني الآية أن الشيطان هيغير في الفطرة، ازاي ربنا بيخبر أنها لا تتغير؟ واضح الاشكال اللي هيحل دلوقتي: وحينئذ فيقال -بيقول الأول- ظاهر اللفظ أنه خبر فلا يجعل نهياً بغير حجة وهذا أصح، يبقى الشيخ الإسلام مرجح واضح أهو أن كلمة لا تبديل لخلق الله خبر ولا نهي؟ خبر، خبر يعني ربنا بيخبر أن الفطرة لا تتغير تماماً.
وحينئذ فيقال: المراد ما خلقهم عليه من الفطرة لا تبدل، فلا يخلقون على غير الفطرة أبداً، هذا لا يقع قط، لكن بعد ما بيخلق الشيطان بيحاول إيه يغير فيها ويعبث فيها. وقال: والدليل موجود: «كل مولود يولد على الفطرة»، مهما كان الراجل اللي خلف الولد ده عريق في النصرانية، في المجوسية، في البوذية، في الضلال، ابنه بيولد على لن تبدل اللحظة دي هيولد على الفطرة، أمال الفساد بيحصل فين بعد ذلك؟ هو يبدله فأبواه يهودانه وينصرانه ويمجسانه. واضح! والمعنى أن الخلق لا يتبدل فيخلق على غير الفطره هذا لم يحدث، ولم يرد بذلك أن لكن الشيخ الإسلام يستدرك بيقول: أوَعَى تفتكر أن الفطرة بقى مش هتتغير، ولم يرد بذلك أن الفطرة لا تتغير بعد الخلق، بل نفس الحديث يدل ويبين أنها إيه؟ تتغير.
إذاً، أنا جبت النص ده والدليل ده عشان نعرف أن من أهداف الشيطان تغيير مكان التلقي؛ يخلي يعني انت لو رحت لواحد Ultras لفريق، أنت لو رحت لواحد Ultras لفريق ومدمن ويشجعه وبيسافر معاه وبيروح معاه في كل مكان، والواحد ده احنا ممكن نحتاجه كل شوية، فالشاب ده هنحتاجه اللي بيسافر ورا ده وهو قاعد بيتفرج ومركز وصدره بقى مليان بمشاعر إيه؟ خايف من الريمونتادا تحصل، ركز ومش عارف إيه، وأنت جاي بتكلمه عن معاني في الدار الآخرة، تكلم معاني ثقيلة، أو أي شخص مركز في حاجه وأنت قاعد بتكلمه، وهنا صدره ممتلئ بأشياء قد تمنع نزول هذا المعنى الثقيل عليه. هذا من أهداف الشيطان، الشيطان لا يستطيع أن يغير الوحي فبالتالي قاعد بيدور يجيبها ازاي؟ ما هو دلوقتي أنت سر قوتك في الوحي، وهو مالوش سلطان على الوحي من لحظة أن تكلم الله.
بل هو قرآن مجيد في لوح محفوظ، فوق في اللوح المحفوظ نزل به جبريل. سوره البروج بعدها سورة الطارق، أحد المعاني: ﴿وَالسَّمَاءِ وَالطَّارِقِ * وَالنَّجْمُ الثَّاقِبُ﴾ [الطارق: 1-3] من معانيها النجم اللي بيحرق الشياطين، فلحظة النزول محفوظه. سورة الأعلى: ﴿سَنُقْرِئُكَ فَلَا تَنسَى﴾ [الأعلى: 6]، فهو محفوظ في السماء، محفوظ في النزول، محفوظ في صدر النبي صلى الله عليه وسلم، الشيطان هيوصله إزاي؟ مش هيعرف. فرَحْلة القرآن كلها محفوظة، استمرار بقاء القرآن الآن محفوظ ﴿وَإِنَّا لَهُ لَحَافِظُونَ﴾ [الحجر: 9].
الشيطان فكر: خلاص أنا أفسد مكان التلقي. إحنا قلنا عشان يفسد مكان التلقي بيعمل حاجات اللي هو يعبث بالمشاعر، يصنع الأماني، يستثير الشهوات. تعالوا بقى نشوف يعني إيه؟ بالمشاعر، لازم تبقى عارف إن القرآن لما بينزل على صدرك أنت تخيل معايا المشهد ده، أنت جواك كده كأن جواك مجموعة من الأزرار، ومجموعة من الزراير والقران ضغط على زرار الخوف، يزود قوي الخوف من الله، وفي زرار عندك من الأمن يخلي عندك نوع من الأمن في هذا الدين، والقران يغير في مشاعرك لتتناسب مع مراد الله.
كثرة تلقيك للوحي هتخليك مؤهل للسير في الطريق بسهولة، ﴿فَأَمَّا مَنْ أَعْطَى وَاتَّقَى * وَصَدَّقَ بِالْحُسْنَى * فَسَنُيَسِّرُهُ لِلْيُسْرَى﴾ [الليل: 5-7]. أمال إيه هو يتيسر لليسرى؟ يعني هو هيتغير وهو هيكون ميسر للسير في هذا الطريق. فالقران يحدث بداخلك تغييراً حقيقياً، مشاعرك بتتغير بعد القرآن؛ يعني لما بتقعد ثلاثين يوم في رمضان بتقرا القرآن وتتلقى الوحي، أنت مخاوفك اختلفت، همومك اختلفت، أنت ممكن يكون عندك مشكلة مادية، تدخل القرآن، تطلع المشكلة المادية كما هي بس أنت طالع حاسس إن هي تحلت، ليه؟ لأن القرآن غير لك في الزراير، غير لك في أكبر وأصغر، لا تجعل الدنيا أكبر همنا، القرآن غير لك في الهموم، زود لك هموم الآخرة، قلل لك هموم الدنيا، رأيت المشكلة على حقيقتها، استريحت.
كتير من الناس يقول لك أنا بفتح المصحف أشعر براحة في حين أن المش,اكل من حوله كما هي، المعارك كما هي، والدماء كما هي، والفقر كما هو، والأزمات كما هي، لكن هو خرج من القرآن متغيراً. التغيير فين؟ في الداخل، تغيير نفسي. فالقران يبحث عن مجموعة من المشاعر بداخلك ويغير فيها. اعلم أن الشيطان يبحث عن نفس هذه المشاعر، الشيطان يريد أن يعمل على نفس الأماكن التي يعمل فيها القرآن، وقاعد بيزاحم أماكن، عارف إحنا عندنا في الطب قسم الأدوية الفارما بنقول إيه؟ إن في دواء ده مثلاً مستقبل حسي بيسموه الريسبتور، ده المستقبل، الدواء هيجي يشتغل عليه يعطي تأثير، الدواء يجي يعني أي شيء عايز تعلي الضغط ده يجي الدواء يمسك في مستقبل حسي يعطي النتيجة، عايزين نوقف الدواء إنه يشتغل بنجيب دواء تاني يقف على المستقبل حسي بدل ما نقعد نتخانق مع الدواء ده.
واحد عنده الضغط، أنت جواك مادة بتيجي اسمها الأدرينالين، بتيجي تقف على المستقبل الحسي تزود لك ضغط، عايزين نقلل الضغط بدل ما نقعد نتخانق مع الأدرينالين، إحنا نجيب حاجة بس كده نغطي بها المستقبل ده لديناميك عادش يشتغل. الشيطان يبحث عن أماكن عمل القرآن في صدرك ويحاول يعبث بها، يعاكس أزرار القرآن.
هي إيه بقى المشاعر اللي الشيطان لو مسك الزراير بتاعتها يحس إن هو تمكن من؟ الشيطان يبحث عن قيادتك، مش عايزك تعصي بس، هو عايز يمسك الدريكسيون وعايز يبقى هو القائد. ﴿لَأَحْتَنِكَنَّ ذَرِيَّتَهُ﴾ [الإسراء: 62] هو عايز يصل إلى مرحلة الاحتناك، عايز يقود الشخص، عايز يخليك الأسير زي ما نجي على مسألة الشهوات يهرعون، عايز انك تكون كالأسير. إيه بقى المشاعر اللي لو الشيطان تمكن منها، اللي هي بنسميها المشاعر إن أنت تتالم لمخالفته؟ هو الاحتناك أنت اللي جاي محطوط في الحنك، فانت اللي راكب الدبة، عايز الدبة تحود يشد ده مثلاً شمال، دبة تتالم فتحود عشان هي مش مستحمله الألم ده، فبالتالي الشيطان بيضغط على شعور معين يخليك تتالم من فقده فتستسلم، مسكك من مشاعرك اللي بتوجعك، ده اللي الشيطان بيعمله.
إيه بقى المشاعر اللي ربنا الشيطان بيدور عليه، وإيه مآلات المشاعر اللي الشيطان عايزها؟ ده موجود في الوحي؛ يعني لما ربنا يقول: ﴿إِنَّمَا النَّجْوَى مِنَ الشَّيْطَانِ لِيَحْزُنَ﴾ [المجادلة: 10]، ده هدف. ﴿إِنَّمَا ذَلِكُمُ الشَّيْطَانُ يُخَوِّفُ﴾ [آل عمران: 175]، ده هدف. يعني الشيطان عايزك حزين، عايزك خائف، هو يسيطر عليك. ﴿الشَّيْطَانُ يَعِدُكُمُ الْفَقْرَ وَيَأْمُرُكُم بِالْفَحْشَاءِ﴾ [البقرة: 268]، أول ما هيمسك شعور الخوف من الفقر عندك، أنت هتسمع الكلام: أوامري دي ويامركم تمام. إيه بقى المشاعر اللي الشيطان يدخل منها عشان يسيطر على مشاعرك ويمسك زراير المشاعر ويخليك عايش في الحزن والخوف والقلق؟
أول شوش، أول دخله خالص، أول معركة الشيطان لما جه لأبينا آدم قال: ﴿هَلْ أَدُلُّكَ عَلَى شَجَرَةِ الْخُلْدِ وَمُلْكٍ لَّا يَبْلَى﴾ [طه: 120]. تخلوا من حاجات؟ سيدنا آدم عايش في الجنة، في شيطان، أنا بتخيل كده الشيطان إيه مدخل الوسوسة؟ الجنة حلوة، يدخل سيدنا آدم؟ آه حلو، يعني جميلة، يعني الجنة؟ آه جميلة، بس مش ممكن يعني تيجي يوم من الأيام وتطلع من الجنة؟ أنت ما حدش عارف هتستقر إزاي في جنة، إحنا عايزين نصل إلى مرحلة الاستقرار والخلود، عايزين ملك لا يبلى، مش جايز الملك ده يبلى؟ فبدا يقول له: أنا بقى هدلك على مدخل يحقق لك الاستقرار ده.
إيه اللي في الإنسان يخليه دايماً بيفكر أنه خايف؟ الإنسان زي ما النبي صلى الله عليه وسلم أخبر لما صور الله آدم تركه ما شاء الله أن يتركه فجعل إطليس يطيف به، فعلم أنه أجوف. الإنسان دايماً جواه حاجة فارغة تحتاج أن هي تملأ، لذلك الله سبحانه وتعالى من أسمائه الصمد، في اللغة: اللا جوف له؛ لأن الصمد سبحانه لا يحتاج إلى أحد، يحتاج إليه كل أحد ولا يحتاج إلى أحد سبحانه وتعالى. شعور الجوف اللي عندك ده دايماً مخليك تفحص، عايز أنت عايز تسد الجوف ده، فيخش الشيطان من مشاعر الحرص الجشع، يخش لك من مشاعر الخوف من مسألة الاستقرار، يبدا يخش لك من المشاعر دي يضغط عليها، أول ما يمسك شعور الحرص يبدا يضخم لك، يلعب بقى بزراير المستقبل، هتعمل إيه في المستقبل؟ ولازم تعمل كذا؟ يقعد يعبث بمشاعر الحرص لغاية لما يوصل أنك بقيت خايف.
الشيطان لو وصل معاك بقى تجاوز الخوف لمرحلة اللي القرآن سماها الهلع: ﴿إِنَّ الْإِنسَانَ خُلِقَ هَلُوعًا * إِذَا مَسَّهُ الشَّرُّ جَزُوعًا * وَإِذَا مَسَّهُ الْخَيْرُ مَنُوعًا * إِلَّا الْمُصَلِّينَ﴾ [المعارج: 19-22]. محمد حسن جبل بيقول: الهلع فراغ الجوف من مصدر القوة، خلاص هو اللي مسيطر، هو اللي جالس الآن في القيادة.
فإذاً من أخطر المشاعر اللي الشيطان يعبث بيه يخليك تسمع عن الدار الآخرة، طيب ماشي ماشي، بس أنا دلوقتي ما أنا في مشكلة أكبر، أنا خايف من كذا، أنا عندي حرص على كذا، يبقى إذاً الشيطان قاعد بيعمل في أماكن التلقي. أول حاجة عارف قاعد بيدور، هي إيه الزراير اللي نزودها؟ إزاي نزود مشاعر الحرص؟ يخش لك بقى طب وبعدين أنت هتعمل إيه بكره؟ وعيالك طب والوضع وهتكمل كده ازاي؟ ومش عارف إيه، وشفت الدولار كام؟ وأنت أصلاً مالكش أي علاقه بموضوع الدولار ده خالص، بس لازم يعني إيه شفت مش عارف إيه؟ ويبدا يقعد الشيطان طده بيخش لك ازاي؟
يعني الشيطان بيدخل يلعب في المشاعر ازاي؟ ما هو الشيطان عارف الأنبوت، بيخش لك ازاي؟ ربنا بيقول: ﴿هَلْ أَتَى عَلَى الْإِنسَانِ حِينٌ مِّنَ الدَّهْرِ لَمْ يَكُن شَيْئًا مَّذْكُورًا * إِنَّا خَلَقْنَا الْإِنسَانَ مِن نُّطْفَةٍ أَمْشَاجٍ نَّبْتَلِيهِ﴾ [الإنسان: 1-2] البلاء اهو، ﴿فَجَعَلْنَاهُ سَمِيعًا بَصِيرًا﴾ [الإنسان: 2]. هو يخش لك من السمع والبصر، ودي خطورة الأكرولين اللي أنت قاعد طول اليوم أيوه، دي مش مجرد منشورات أنت تعرض ليها، أنت ممكن يكون الأكرولين ده أنت قاعد بتدوس على علامة الزائد لمشاعر مثلاً الجشع، لمشاعر الخوف، لمشاعر الحرص، أنت قاعد بتعبث بمشاعرك، أنت مش واخد بالك، أنت ليه بتخرج بعد الأكرولين ده متضايق؟ يعني مشاعرك هنا اتلخبطت، كنت بقرا بيبر بتقول في دراسة أنك تبعد أسبوع واحد عن السوشيال ميديا يحسن الكتابة، أنت بتلقى كمية مدخلات فوق طاقتك النفسية، أنت قاعد تعبث ومشاعرك تخيل ده أنت بتعبث عشوائياً وبيفسدك، تخيل بقى الشيطان لما يكون مركز معاك إن فلان ده، وخد بالك ربنا بيقول: ﴿وَلَا تَتَّبِعُوا خُطُوَاتِ الشَّيْطَانِ﴾ [البقرة: 168] يعني الشيطان بيشتغل معاك بالأية؟ مش جملة، بيشتغل معاك قطاعي، بيشتغل معاك بالخطوة، يعني الشيطان بيبقى حاطط خطة إن فلان ده عايزين نزود عنده الجشع في الدنيا بعد ست سنين ونبدا بقى نوري له كذا ونخوفه من كذا، ونوري له الحادثة اللي حصلت ولما بيته حصل له كذا، وما معش معه مكان والإيجار لما خلص ومش، ونقعد نحكيله قصص وتسلط عليه الناس عشان نصرفه عن مسار. هو مسكك بقى من شعور الحرص والخوف ده خلاص.
أخطر شعور يتمكن منه الشيطان شعور الخوف والحزن، بعض المفسرين بيقول لِيَحْزُنَ، بيقول يعني كان تحليل زيادة شوية، يعني الله أعلم بصحته، بيقول ده هو دل آدم على شجرة الخلد عشان ياكل عشان يحزن، يعني بيقول مآلات أهداف الشيطان يخليك تعيس من مآلات الشيطان والخوف، لذلك ربنا دائمًا يمن بمسألة الأمن، كان حتى أظن مش فاكر مين رازي ولا مين كان بيقول: ﴿أَطْعَمَهُم مِّن جُوعٍ وَآمَنَهُم مِّنْ خَوْفٍ﴾ [قريش: 4]، بيقول إن الأمن نعمة أعلى من الإطعام، وبيقول مثال مشهور: لو جبت شاه وحطيت قدامها طعام وحطيت جنبها أسد، بيقول قد تموت جوعاً خايفة؛ يعني قدامها الأكل بس تيجي تاكل خايفة من الأسد. فالشيطان لو قدر يسيطر على هذه المشاعر، خلاص هو أفسد وجهتك.
طيب، يبقى إذاً المشاعر اللي الشيطان بيحرص عليها مسألة الحرص، الخوف اللي احنا ممكن نسميه العالم دلوقتي عايش، شوف وهم البحث عن الاستقرار، اللي هو من وأنت بتتولد يبدا يغزى فيك المشاعر ده، أنت عايز تبحث عن لحظة الاستقرار، لحظة وهمية اللي هي الطغيان بتاعها بيوصل لما قال: ﴿مَا أَظُنُّ أَن تَبِيدَ هَٰذِهِ أَبَدًا * وَمَا أَظُنُّ السَّاعَةَ قَائِمَةً﴾ [الكهف: 35-36]، وظنوا أنهم مانعتهم حصونهم، اللي هو بيظن في مرحلة من المراحل أن هو معاه مفاتيح كل شيء، وفي الآخر: ﴿لَهُ مَقَالِيدُ السَّمَاوَاتِ وَالْأَرْضِ﴾ [الزمر: 63] سبحانه وتعالى. حاجة بإيدك؟ الأيام متقلبة تقلب لا يستطيع أي إنسان أن يتنبأ به: ﴿وَتِلْكَ الْأَيَّامُ نُدَاوِلُهَا بَيْنَ النَّاسِ﴾ [آل عمران: 140]. اللي متصور أن عشان حياته تستقر يمسك ملفات المال، ممكن المال ده ينهار، يبقى مع عقارات تنهار، السلطة يحصل لها نوع من التداول، كل شيء قابل للتغيير: ﴿فَخَسَفْنَا بِهِ وَبِدَارِ الْأَرْضِ﴾ [القصص: 81]. أنت متصور إيه؟ يعني متصور إن اللي مع قارون هيمنع من الخسف؟ لا مش هيمنع من الخسف، ﴿وَثَوَابُ رَبِّكَ خَيْرٌ﴾ [الكهف: 46]، لذلك ربنا قال في سورة الكهف: ﴿وَالْبَاقِيَاتُ الصَّالِحَاتُ خَيْرٌ عِندَ رَبِّكَ ثَوَابًا وَخَيْرٌ أَمَلًا﴾ [الكهف: 46].
وهم الاستقرار اللي خلى ده بقى بينشا عنه اللي هي المسار الثاني ضمن المسار الأول، فكرة صناعة الأمان، نبدا يصنعك أمنية تعيش عشان.
فإذاً الشيطان ببحث عن نقاط الضعف، يقعد يدرس، طبعا ده البحث العام، كل واحد بقى اه فلان عنده المساله دي خاف منها قوي، عنده حرص زائد في الموضوع ده ممكن نستغل الملف ده عن ويبدا بزرار، ازاي يضخم يضخم يضخم المشاعر؟ تيجي تتلقى وحي بيكلمك عن الدار الآخرة، إن الدار الآخرة هي الحيوان لو كانوا يعلمون، عندكش ماحة الحياة الدنيا إلا لعب ولهو، ما فيش، عايز العلب بس، ربنا بيقول: ﴿إِنَّ الَّذِينَ لَا يَرْجُونَ لِقَاءَنَا وَرَضُوا بِالْحَيَاةِ الدُّنْيَا وَاطْمَأَنُّوا بِهَا﴾ [يونس: 7]. راضي؟ تقول له: أنت راضي بالدون؟ يقول لك: أنا راضي، ربنا بيقول: ﴿رَضُوا بِأَن يَكُونُوا مَعَ الْخَوَالِفِ﴾ [التوبة: 87] تقول له: أنت تقعد مع النساء والمنافقين؟ يقول لك: أي يعني اسمك هكتب ضمن أسماء النساء والمنافقين؟ يقول لك: أي أنا راضي بس هو هو بيوصل لمرحله خلاص أنه رضي بهذا الأمر.
نيجي بعد كده لما بيستطيع بقى خلاص الشيطان أن بيعبث بهذه المشاعر، طبعا برضه نقطة مهمة عشان ما نفكر تفكير هندسي في التعامل مع الشيطان، الشيطان مش لازم يعمل في كل الحاجات دي بالتوالي، ممكن يشتغل بالتوازي، يعني مش مثلا جاي الشيطان عايز يزود عندك مشاعر في الحرص والخوف والجشع والأمن، وبعدين إيه ف عايز أصنع لك أمنية، فيقول لا استنى خلص المشاعر الأول وبعدين اطلع على الأمن، مش مش لازم عادي جداً، تمام الشيطان سيطر على هذه المشاعر بقيت سهل جداً، أيوه ما هو أنت لو لو مشاعرك اتلخبطت، أنت لو قاعد على السوشيال وبعدين قاعد طالع لك إعلان شاليه مثلاً فرصة روعة لازم ألحق بسرعة بـ 50 مليون الآن مش عارف إيه وبعدين فرصة مش عارف إيه وبعدين إعلان عربيات وبعدين خناقة واحد مات وبعدين مشاعرك وبعدين فلان حصل له كذا والعملة دي نهار، تلقى أيوه دلوقتي لو حصل عبث بمشاعر وبعدين خلاص هو مشي أنت ممكن ترجع تستعيد ضبط مشاعرك تاني، لا هو عايز بقى يصنعك قبلة أخرى وجهة.
الشيطان لازم يصنعك وجهة، الشيطان هنا جاب شجرة معينة وشاور عليها وقال له: دي شجرة الخلد، وقال له: طموحك الوحيد عشان تنجو من عدم الاستقرار هو الشجرة دي خلاص، جعل هذه الشجرة، سول له على أحد معاني الشيطان: سول له وأملى له، سول لها معنيين المعنى الأشهر اللي اختار كثير من المفسرين، قال السول للاسترخاء، يعني خلاه يتعامل بحالة من الاسترخاء مش بحالة من الحزن أنك أنت إيه كنت بتتعامل بحزم مع المعصية والبعد عنها، لا، في حالة من الاسترخاء.
والتسهيل، خال الموضوع سهل عليه فطوعت له نفسه قتله، اقتل أخاك، أنا أقتل أخويا! مستحيل! أنت بس بالراحة، بس عم أخوك وكل حاجة. بس برضه يعني واللي حصل ده يرضي ربنا؟ يعني اللي عمله فيك ده يرضي ربنا؟ ما يرضيش ربنا برضه، ماشي يا سيدي أنا عارف إنه هو أخويا، ويبدأ إيه يسهل عليك الأمر يعني.
أبدأ بص كده على فلانة دي يا عم، لا حرام يا عم مش بنت خالتك؟ وتبص مثلاً ومش عارف إيه، طب مش يا عم أصل كنت ناوي تخطب، ويبدأ وشيطان مش لازم يجيبها لك مش يقول لك يلا قوم اعمل الفاحشة يلا يلا قوم قوم يا فاشل، لا ده في الآخر شيطان مش بيعمل معاك كده فعلا وحالة القهر النفسي ده في الآخر. لكن هو في الأول لازم يسهل عليك الأمر يقول لك الموضوع بسيط يعني أنت مكبر الدنيا، إيه يا عم اللي حصل في الدنيا يعني؟ أنت أول ولا آخر واحد ما يصليش قيام ليه؟ عادي يعني ما حصلش حاجة، واستحضار الأدلة وأن النبي صلى الله عليه وسلم كان معه جيش ونام وراح عليهم الفجر.
يسهل عليك الأمر، معنى السوء، قالوا من السوء، لذلك المفسرين لما المتقدمين لما يقولوا سوء يقول لك زين، سهل، يقول لك أيضا السوء، جعل الشيء، سوءك هنا. إحنا بنتكلم دلوقتي عشان ما تتوش، إحنا قلنا الشيطان يفسد مكان التلقي، يلهيك عن الغذاء، يقدم لك بديل. إحنا دلوقتي بنفس مكان التلقي، مش إحنا اللي بنفس مكان التلقي، مش عايز مكان التلقي. اتكلمنا في الأول العبث المشاعر، دلوقتي إحنا بنتكلم في إيه؟ صناعة الأماني. دليل سول لهم، ضمن مسألة صناعة الأماني، وهنجيب أدلة يعني نتكلم فيها، مسألة صناعة الأماني، أن أنت الشيء ممكن لا يكون في سؤلك، يعني في ناس عايشة ما بتفكرش، مافيش سؤال ضاغط في ذهنها، أنا عايز عربية، لازم يكون عندي عربية، ده مش موجود، هو متعايش، ممكن يكون معاه عجلة ومبسوط، وأول ما جاب العجلة تلاقيه نازل الصبح الفجر يغسلها مبسوط في العجلة كده، وبعدين يبدأ يمد العين، أنا ليه ما يكونش عندي موتوسيكل؟ وبعدين يجيب الموتوسيكل بعد كده.
هو قاعد أشياء، أنت ممكن تنزل شغلك الصبح أنت مرضي جدا وصلي قيام ليل وراضي، ما عندكش أي مشاكل صدرية يعني تمام. تنزل تقعد قعدة، يتكلموا على حاجات أنت إزاي لغاية دلوقتي ما عملتش كذا؟ أنت إزاي مش عارف إيه؟ الحق مش عارف الدولارات، أنت ما معكش كذا؟ أنت، وتبدأ ترجع مغموم، أنت مش عارف أنت مغموم ليه؟ هي حاجات لم تكن في صدرك أصلا لكن تزرع على الأماني زي البذرة بتتزرع وتسقى، فتبدأ مش متخيل حياتك من غيرها، أنت كنت عايش حياتك من غيرها عادي.
لذلك خطورة أنك أنت تنقل في الدنيا نقلة أعلى، أنك أنت زي ما بقول كده تعمل أب جريد، تنقل نقلة دنيا أعلى، لأنك لو ذقتها ما عادش هتتخيل حياتك من غيرها، هتيجي تنزل ما تعرفش. وده بيحدث مش بس أنك تذوقها حسا بعينك لا، تمدن عينيك كأن أنت أرسلت عينك هي التي أرسلتها. يعني لو إحنا حاولنا نجسد المعنى وكده، مش المقصود طبعا من اللفظ، لكن كأن أنت أرسلت عينك تحسست هذا الشيء، فعينك التصقت بيه ما عادتش عايزه ترجعك خلاص، عايزه هذا الشيء. ﴿لَا تَمُدَّنَ عَيْنَيْكَ إِلَىٰ مَا مَتَّعْنَا بِهِ أَزْوَاجًا﴾ [الحجر: 88]، والأية دي جت بعد ﴿وَلَقَدْ آتَيْنَاكَ سَبْعًا مِّنَ الْمَثَانِي﴾ [الحجر: 87]. أنت عندك غير النفس يمنعك عن هذا الجوف بتاعك، في نوع من الغنى مش محتاج أنك تكون مفتقر إلى هذه، إلا لأن الشيطان لو نجح أنه يحط يحط البذرة دي ويسقيها لن تستطيع أن تكمل حياتك بدونه.
هيصور لك المعنى ده، عارف اللي يجي يقول لك إيه مثلا مع أنت بتسمع أغاني؟ يقول لك لا والله أنا ما أسمعش، إيه ده أنت إزاي من غير أغاني؟ عادي يعني الأغاني دي بتثخن يعني ولا بتعمل ايه؟ دي زي إيه زي كاجو مثلا يعني، تعمل ايه؟ بعدين ياخدك تسمع أغاني شيريل كذا، بعد كده إيه الشخص بقى اللي كان يقابل واحد صح ما يسمعش، إيه ده أنت إزاي؟ ما أنت يا عم كنت عايش عادي، أنت إزاي ما بتشجع؟ أنت إزاي؟ ويستنكر، هو مش بيقول هو فعلا مش متخيل حياته من شيء كان عايش بدونه عادي جدا.
الشيطان بيعمل، طب ليه الشيطان بيعمل كده؟ ما هو لو سابك من غير وجهة أنت ممكن تحس أن حياتك بدون معنى. أكتر حاجة بيشتكي منها الغرب الآن اللي هو بيسموه الحياة بدون معنى، وظهر فكره ايجاد المعنى للحياة اللوجو ثيرابي، لأن هو حاسس أنك أنت لو من غير معنى أنت كده ممكن تنتحر. إيه اللي يخلي ناس يعني أكتر سبب ممكن يخلي ناس تلحد أو ناس تنتحر أو ناس تكلم مسلمة وملتزمة، أنه يحس أن حياته عبث، أنه يحس أن هو يعني مش عارف اجيب لها كلمة ضابطة، يقول لك أنا أنا أنا متساب كده، أنا مافيش لا ربنا معايا ولا الموضوع مقدر، الموضوع حصل عبث كده، اتخذته مش عارف حصل لي كذا، ومات، والصاروخ جه، هو يتخيل الحياة عبث.
الشيطان بيهدف أنك تتخيل الحياة عبث. طيب، يبقى إحنا كنا بنقول أن شعور الإنسان أن حياته فيها نوع من العبث ده بيخليه، النبي صلى الله عليه وسلم هو راجع من، فيما يروى يعني، هو راجع من الطائف أثر يروى عن النبي صلى الله عليه وسلم قال: «اللهم إن لم يكن بك غضب علي فلا أبالي». استحضار الإنسان أن كل موقف من المواقف ده مقدر ده مرتب وله حكمة، ده بيساعده على تخطيه أصلا.
المهم نرجع أن إحنا قلنا الشيطان عايز يفسد مكان التلقي، فيعبث بالمشاعر ويصنع الأماني. هذه الأماني قد لا تكون عندك أصلا، فهي عاملة زي زي ما قلت الشجره بذره يحطها ويقعد يسقيها، هتكبر الأمنية ولا تتخيل حياتك بدون هذه الأمنية. فأصبحت أن أنت عندك وجهة أخرى تسير إليها، يبقى كده أنت تغيرت على مستوى الداخل ومستوى الخارج، أنت أصبح لك قبلة، فأصبحت تغييرك أصعب بالقران، محتاج ترجع بقى تقعد في بيئة صالحة وتسمع قرآن أكثر عشان مشاعرك ترجع تتغير وهمومك تظبط، وبعد كده ترجع تكتشف إيه ده أنا كنت ماشي في وجهة غلط؟ أهداف، يعني أنت عشان تتغير أنت محتاج تغير على مستوى الهموم والمشاعر وعلى مستوى الأهداف.
الشيطان بيعمل معاك كده، يبقى إذا بعد أو يعني مع العبث بالمشاعر والخوفك من المستقبل ويضغط على مشاعر حرص يقول لك أنت ممكن تفقد الشيء ده، شجرة الخلد وملك لا يبلى اللي في إيدك أنت ممكن تفقده. يبدأ يصنعك أمنية تجري وراه، وزي ما قلنا الشيطان نص على ذلك قال: ﴿لَأُمَنِّيَنَّهُمْ﴾ [النساء: 119]. يعني ماله، يعني مسألة ﴿وَمَا أَرْسَلْنَا مِن قَبْلِكَ مِن رَّسُولٍ وَلَا نَبِيِّ إِلَّا إِذَا تَمَنَّىٰ أَلْقَى الشَّيْطَانُ فِي أُمْنِيَّتِهِ﴾ [الحج: 52] على أحد الاقوال.
العبث بمشاعر الحرص والبخل والأمل والخوف بيمنعك أنك أنت تلقى الآيات العكسية، آيات الإنفاق والعطاء والبذل. لما يعبث بمشاعر ويصنع لك أمنية، أنت مش بس لا تتلقى آيات الإنفاق والعطاء والبذل، أنت ما عادش بترفض بس الفروع الأوامر، أنت بقى لك وجهة تانية، فالقرآن لما يقول لك ﴿وَمَا خَلَقْتُ الْجِنَّ وَالْإِنسَ إِلَّا لِيَعْبُدُونِ﴾ [الذاريات: 56]، أصبح في صدرك حرج من المركزيات القرانية مش بس من بعض الأوامر، ده أخطر، إنسان خلاص وجهته تغيرت.
هو ده اللي بيوصله في الآخر، ﴿إِنَّ الَّذِينَ لَا يَرْجُونَ لِقَاءَنَا وَرَضُوا بِالْحَيَاةِ الدُّنْيَا﴾ [يونس: 7]، عايز يفصل موجود لأنه عنده أماني. لذلك ربنا سمى أخطر لحظة لحظة الموت بالنسبة للشخص ده، ربنا سماها الفراق، وظن انه لأنه مرتبط بأمانه خلاص. والنبي صلى الله عليه وسلم أخبر أن ابن آدم يكبر ويشب ويكبر معه الأماني، الأماني دي كل ما بتكبر بتزيد جواك فتخلص منها بيكون أصعب. تمام، اللي هو هنا بقى فكرة إيه طول الأمل وتحذير الشرع الخطاب المقابل لمسألة طول الآمال، لأن أنت قاعد حاطط أمنية، «لو أن لابن آدم واديا من ذهب لابتغى له ثانيا، طب خد الثاني لابتغى له ثالثا، ثم قال صلى الله عليه وسلم ولا يملأ جوف ابن آدم إلا التراب».
طيب، مسألة أن الشيطان لما يسيطر على المشاعر ويصنع لك الأماني، أنت الآن أصبح لك قبلة تسعى وتتجه إليه، قد يكون، قد يكون عند بعض الناس وده الواحد للاسف رآه كثيرا، صناعة الأماني أخطر من استثارة الشهوات. أنا ليه بدأت بصناعة الأماني قبل استثارة الشهوات مع أن أول ما بنبدا نتكلم على الشيطان أول حاجة بتيجي في ذهننا كلنا مسألة الشهوة والوقوع في الشهوة؟ وهنتكلم عن مسألة الشهوة والادمان إن شاء الله يعني لو معانا وقت.
مشكلة اللي بيجري ورا الأمنية الدنيوية وعنده مشاعر الحرص والخوف هو ظاهرين يقول لك أنا ما بعملش حاجة غلط، هو مش شايف الغلط. الشهوة أحيانا بتكسر الإنسان، شهوة ممكن تخلي الإنسان يشعر أنه بيوبخ نفسه، الثاني حاسس بالانجاز والنجاح، الشهوة تخليه منتظر لحظة يتوب فيها، الثاني يقول لك أنا أصلا كده، ده الدين أصلا. فدي خطورة، لذلك قد تجد صعوبة في دعوة المنغمسين في الدنيا أكثر من المنغمسين في الشهوات، وأقول قد، الأمور قد تنعكس. المنغمس في بيئة الدنيا وحياته كلها أمنيات وإنجاز وحرص وجشع وكذا هو ما عندوش مساحة يسمعك خالص، ولا يرى نفسه سيئا، وما عندوش شعور الكسرة الموجود عند الواقع في الشهوة، أخطر.
فلذلك يعني قال الله سبحانه وتعالى: ﴿أَلْهَاكُمُ التَّكَاثُرُ * حَتَّى زُرْتُمُ الْـمَقَابِرَ﴾ [التكاثر: 1-2]. الجريمة دي اللي هي في آيتين، سورة مليئة بالغضب، سورة ثمان آيات، ثلاثة منها كلا، وثلاثة منها لام القسم، كلا سوف تعلمون ثم كلا سوف تعلمون، كلا لو تعلمون علم اليقين. بعد كده ثلاثة لام القسم: ﴿لَتَرَوُنَّ الْجَحِيمَ * ثُمَّ لَتَرَوُنَّهَا عَيْنَ الْيَقِينِ * ثُمَّ لَتُسْئَلُنَّ يَوْمَئِذٍ عَنِ النَّعِيمِ﴾ [التكاثر: 6-8]. إيه إيه الجريمة التي أغضبت الرب سبحانه وتعالى أن سورة ثمان آيات ثلاثة منها كلا رادع وزاجر وثلاثة لام القسم اللي هي ﴿أَلْهَاكُمُ التَّكَاثُرُ * حَتَّى زُرْتُمُ الْـمَقَابِرَ﴾ [التكاثر: 1-2]؟ حياة الغفلة اللي هو مش معترف بمشكله، يقول لك فين المشكلة؟ لا حاسس أنه مكسور ولا محتاج يسمع لك، وفي نفس الوقت ده يرى أن هو الحق، ده الدين أصلا.
الأخطر من ده أن يطلع خطاب دعوي يشرعن الأمر ده، ده دي المصيبة الأخطر. عايز أقول لك الفرق بين العاصي والمبتدع دي المشكلة بأنه بعبد لله وراء الدنيا، وأنا بحاول أنتقي المصطلحات المبينة أنا أقصده المذموم في الوحي. أنت الأصل، أنت هاقول لك على حاجة، أنت لو أديت المصحف ده لشخص ملحد لا يعرفني ولا أعرفك، أهو عشان إحنا مختلفين مع بعض جبت واحد ملحد، عاقل، الملحد خد الكتاب ده، قلي الكتاب ده مركز على ايه؟ قل لي كده إيه أكتر حاجة الكتاب ده تكلم عنها؟ تمام، هتسألك إيه ده، الله واليوم الاخر. ده واحد إيه ملحد، المنافق لما حب يعمل نفسه مسلم قدام المسلمين، ﴿وَمِنَ النَّاسِ مَن يَقُولُ آمَنَّا بِاللَّهِ﴾ [البقرة: 8]، يعني هو المنافق لما حب يدخل وسط المسلمين قال لهم إيه يا جماعة موضوع ربنا واليوم الآخر ده عندي مركزي، تمام؟
أي عاقل أديته الكتاب ده مش مسلم، قلت له قل لي كده ما هي أسباب إهلاك الاقوام متقدمة دنيويا اللي عندك في الكتاب؟ يقول لك الكتاب ده بيقول إنه ليه رب وهم عصوه. هي دي بديهيات، لكن إحنا بيجينا نوع من الأمور الضاغطة التي تخلينا نحرف في هذا الأمر.
مع صناعة الأماني، يسعى الشيطان، كل ده العبث الداخلي الذي يمنع يخلي الإنسان مكان تلقي الوحي مزدحم ما فيش مساحة. ربنا بيقول: ﴿إِنَّا سَنُلْقِي عَلَيْكَ قَوْلًا ثَقِيلًا﴾ [المزمل: 5]. ربنا سبحانه وتعالى بيقول: ﴿إِنَّ فِي ذَلِكَ لَذِكْرَى لِمَن كَانَ لَهُ قَلْبٌ أَوْ أَلْقَى السَّمْعَ وَهُوَ شَهِيدٌ﴾ [ق: 37] أي لا يحدث نفسه بغير الوحي.
التحضير للقرآن مش بس تحضير وقتي وقراءة وذهني، تحضير نفسي، يعني أنت محتاج تدي وقت للقرآن، وذهنيا تركز وتفهم القرآن، ونفسيا عندك مساحة نفسية لتلقي القرآن. زي ما الشيطان بيبعدك عن فهم القرآن وصنع على مدار التاريخ حالة من العجمة والبعد عن اللغة العربية، أيضا صنع حالة من الانشغال النفسي. كيف صنع الشيطان حالة الانشغال النفسي المانعة من تلقي الوحي؟ العبث بالمشاعر، صناعة الأماني.
نيجي للثالثة اللي هي إيه؟ استثارة الشهوة. ربنا سبحانه وتعالى بيقول: ﴿وَنَفْسٍ وَمَا سَوَّاهَا * فَأَلْهَمَهَا فُجُورَهَا وَتَقْوَاهَا﴾ [الشمس: 7-8]. نفس هنا الوحيدة اللي جت في القسم الطويل في سورة الشمس الوحيدة التي جاءت نكرة، والشمس وضحاها والقمر إذا تلاها والنهار إذا جلاها والليل إذا يغشاها والسماء وما بناها والارض وما طحاها، ونفس كلها جاءت معرفة، النفس جاءت نكرة لتعريفها يتغير، ونفس ولا نفس تقية، التعريف بتاعها مش ثابت، الفجورها تقواها. قد تكون هذه النفس تصل لأعلى عليين، ونفس هذه النفس قد تكون فيها قابلية لنزول أسفل سافلين. ﴿وَاتْلُ عَلَيْهِمْ نَبَأَ الَّذِي آتَيْنَاهُ آيَاتِنَا فَانْسَلَخَ مِنْهَا فَأَتْبَعَهُ الشَّيْطَانُ فَكَانَ مِنَ الْغَاوِينَ﴾ [الأعراف: 175]. ورجل قتل مئة ثم تاب وحرك الله له الأرض، نفس فيها فجور وفيها تقوى حسب ما يستثار.
ليه واحد من مثلا، تخيل لو أنا أديت لك درس هنا عن شرب الخمر وعن خطورة شرب الخمر؟ شرب خمر إيه؟ ده في كوكاكولا لما غليت ما كنتش بعرف أجيبها، خمر إيه بس اللي أنت يعني أنا مش تخيل بقى ده لما يروح يعيش في الغرب والمدارس والمروح والجلسات والبتاع، كوباية كده شكلها مغري قدامه وعمالة تتحط قدامه ويدوق، ليه طعمها وحش، بس مع الوقت بقى وده الواحد بيجي له أسئلة، يقول لك بقى بيجاهد.
تجاهل نفسك ليه؟ هي أصبحت له أمنية، واصبحت أمامه البيئة استثيرت فيها الشهوة دي ليه؟ شخص يجي له وساوس في الشذوذ، هو ما كانش بيجي له ما عندوش الإشكال ده، هو لما سمع الأمر وانتشر بين الناس وتكلموا فيه كتير، فالشيطان يحرص على استثارة الشهوات ليس على مستوى الفرد، وده أنا هقوله وأختم به.
المسار الأول موضوع صناعة البيئة الفاسدة، مش بس إفساد صدر الشخص، لكن خلينا دلوقتي أنا بتكلم على استثارة الشهوات في الشخص بمعنى أنك ممكن أنا بذكر أمثلة عشان الفكرة توضح تجد بنت طيبة ملتزمة صالحة عفيفة ومثلاً سنة أولى جامعة دلوقتي من قبل جامعة بس خلينا نقول بدات تنفتح وتشوف الناس فبدات يستثار، طب أنا ليه مابقاش زي دي؟ طب أنا ليه ملبسش كده؟ طب أنا ليه فلان ما يكلمني؟ طب أنا، ويبدا يستثار وتروح بالليل وتحلم، هي قبل كده أما كانت وسط أهلها ومكان لو عايشه في مكان بعيد عن الفتن ما كانش عندها المشاكل دي، الشيطان لما وضعها في هذه البيئة استثار هذه الشهوات وأصبحت بتنام في أحلام اليقظة صدرها بيغلي بالشهوة دي.
طيب ممكن واحد ما كانش في دماغه الأمر ده أصبح ينازع نفسه وصدره قاعد بيغلي، الصدر اللي بيغلي من الشهوة ده صدر طبعا هيتلذذ بالقران إزاي؟ عايز مجاهدة أعلى، احنا قلنا كده كده الشيطان لن يستطيع أن يمنع الناس عن الوحي هو بيبعد الطريق هو بيطول عليك الطريق، بيحتاج أنك هتتعب أكثر وعارف أن الغالب هيكسل، خلاص.
فالشيطان كما أنه يريد ركز معايا، كما أن الشيطان يريد صدرا في عبث بالمشاعر، مشاعر الحرص والخوف في قمة الزيادة، وصدر في أمنية ضخمة مسيطرة عليه بيجري فيه، أيضا يريد صدرا مليئا بالشهوات، ده صدر بالنسبة له واخد الآيزو 9001، يعني شيطان يعدي كده يعمل إكس راي على الصدر، يقول لك: أيوه الصدر ده وريني كده، مشاعر متلخبطة أحكمها أمنيات كبيرة وشهوات، بس أنت إيه ده معناه ده خالق صدر انسان بهذه، تخيل بقى أن الصدر ده الصعب اللي بيبعد عن الوحي ومن أهداف الشيطان الصدر ده بيصنع بسهولة.
الآن ليه يعني؟ ودي بقى المعنى المهم، كما أن الشيطان بيعمل على مستوى النفس الواحدة بيصنع بيئة فاسدة، أوضح ده بس أرجع لاستثارة الشهوات، كيف تستثار الشهوات؟ قد تستثار الشهوات خد بالك بفضول بقى تشوف مقطع عن الإباحية، بيقول لك مش فاكر العنوان من الفضول إلى إدمان الإباحية، فضول أنت قاعد بتقلب كده بيقول لك: إيه ده؟ إيه ده؟ شوف ده إيه المقطع ده؟ قاعد بتقلب ظهر لك لينك خش شوف كده بيقول إيه، شعور الفضول اللي عند الإنسان ده بيستغله الشيطان.
احنا قلنا الشيطان بيشتغل معك بايه؟ بالخطوة، الشيطان بيشتغل معك تتابع إيه؟ مش بيشتغل معك بالنهايات، لا يبدأ معك خطوات، ادخل على اللينك ده ويبدأ وأنت بتقلب أنت عارف أنك داخل بتقلب، هيقابلك بعض الصور وبتغدر عينك وأنت عارف أنك هتعمل ده وداخل تعمل ده، بس أنت هو زي ما قلنا فضول، هو الشيطان مش عايزك تدخل الأول مباشر، عد معك خطوة، حصل أنك رأيت المشهد ده، شيء كان كامن بداخلك حصل له استثارة، الفجور ده محتاج علاج وقصة ومجاهدة وأنك تنزع نفسك، وده هنتكلم عنه في العلاجات، لكن أنا دايما بقدم مشاكل، حاول أقدم علاجات.
التفجير اللي حصل ده آه ده عامل زي الجرح، أنت إيدك كانت سليمة مش حاسس بمشكلة، بعد كده تيجي حدث فمش قادر، ليه المكان ده بقى فيه جرح؟ محتاج شغل عليه ومحتاج تحط عليه بلاستر ومش عارف وبيتادين ومحتاج تطهره إلى أن يلتقم، الالتقام ده ياخد شهر شهرين، خد بالك تعرضك للجرح أنك تبعد إيدك عن مكان الجرح ده التوبة، التخلص من آثار الجرح ده قصة تانية غير التوبة، ده ممكن ياخد شهر شهرين حسب الحادثة يعني، ده حسب واحد شرب خمرة عمل حادثة كبيرة حصل له كسور، ترك الخمر الكسور لسه ماتعالجت ياخد شوية، فأحيانا الذنب يظل في جسد الإنسان يجاهد فيه فترة طويلة.
عدم فهم الفارق بين التوبة والتخلص من أثر الذنب، بعض الناس يسيء الظن بالله: طب ما أنا جيت وعيطت ربنا ما تبتش ليه؟ ليه؟ إيهوه ما هو أنت افسدت ده بايدك، هتحتاج فترة عبال ما تجاهد نفسك موت وأنت بتجاهد، فواحد يقول لي: لغايه إمتى؟ لغايه لما تموت ﴿وَاعْبُدْ رَبَّكَ حَتَّىٰ يَأْتِيَكَ الْيَقِينُ﴾ [الحجر: 99]، لغايه لما تموت.
فالشيطان لما بيفجر شيئا كان موجودا بداخلك كان كامنا، لما بيقرا قصص ناس مثلا إزاي انتقلت من حالة الهدوء النفسي والكمون النفسي اللي ما عنده أثار الشهوات، إلى أصبح والعياذ بالله وقع في فاحشة أو فجور، كان واحد حتى بزمان كانت تجي جرايد ويكتب بريد مش عارف إيه ويقرا قصص إزاي تحول، ممكن حصلت استثارة أنه شاف شيء معين، أن هو راح رحلة سيئة، فيبدا أن هنا حصل إيه؟ هو كان كامن، كان طيب ماكانش حاسب ده، البئر اللي انفجر ده هو مش واخد باله أن محتاج يقعد يشتغل عليه فترة، والشيطان هنا نجح أن الصدر ده بقى فيه أحد الآبار، الشهوات فجرت وبعدين بئر تاني يفجره وبئر ثالث يفجره، صدر مليء الآبار المتفجرة بالشهوات دي، صدر مش عايز يسمع آيات النار في حين أن هي محتاجة الآبار دي عشان طفق، محتاجة تتحرق كي بايات النار.
لسه بقرا رسالة لشيخ الإسلام ابن تيمية في تفسير كانت في مجموع المسائل المجلد الثامن في تفسير ﴿فَلَوْلَا كَانَتْ قَرْيَةٌ آمَنَتْ فَنَفَعَهَا إِيمَانُهَا إِلَّا قَوْمَ يُونُسَ﴾ [يونس: 98]، و شيخ الإسلام كالعاده استفاض وراح وجاء وفسحت في الدين كله، وبعدين جاء استدل ذكر آية ﴿لَا يَزَالُ بُنْيَانُهُمُ الَّذِي بَنَوْا رِيبَةً فِي قُلُوبِهِمْ ۗ إِلَّا أَنْ تَقَطَّعَ قُلُوبُهُمْ﴾ [التوبة: 110]، جماهير المفسرين بيقول هؤلاء لا يزالون منافقين إلا أن تققطع قلوبهم، يعني حتى الموت، وقالوا تقطع قلوبهم بالموت في قول ذكر عن سفيان وده اللي اختاره شيخ الإسلام قال: أي بالتوبة، لازم يتققطع عشان يتوب، وقال إن التوبة أما بالعذاب أو بالتوبة، زي ما العذاب مؤلم التوبة مؤلمة، اللي أنا هنا بسميها التخلص وجاب أمثلة بقى سيدنا كعب وقعد 50 ليلة وفلان اللي ربط نفسه بالسارية.
هذه الآلام بعد المعصية هي عاملة زي الكي للآبار اللي اتفجرت دي عشان الصدر يرجع سليم تاني، يبقى الشيطان يريد تفجير هذه الآبار المليئة بالشهوات، فيصير صدر لا يقبل خطاب الوحي، احنا قلنا أن مشكلة الشهوات زي فكرة الدنيا أن هي بحر مالح لا نهاية له.
اسمع مقطع برضه بيتكلم عن مراحل الإباحية وأن هي الأول نظرات وبعد كده مقاطع وبعد كده فيديوهات وبعد كده بيقول ممكن الموضوع القتل، وبيقول مستحيل حد يكمل في ملف الإباحية بدون ما يصل إلى العنف؛ لأن هو مالوش نهاية، يعني شيء ملف زي فكرة الدنيا: لو لابن آدم واد من ذهب تمنى واديا ثانيا فلا يملأ فاه إلا التراب، فالشيطان بيدخلك في طرق زي ما قلت لك، هو معركة مش صفرية، لا تتصوروا يا جماعة أن الشيطان سيستعمل معك وسائل شريفة، لا تتصور هو داخل معك معركة صفرية يعني، ما تتخيلش أن اليهود هيبقى عندهم مثلا أخلاقهم بيتعاملوا مع فلسطين لأن دي معركه صفرية بالنسبة له؛ يعني هو اليهودي هو بالنسبة له أنت عدو الأوحد، ما تتصور أن هو هيتعامل معك باخلاق ويديك كلمة ويو في به، لا تتصور معك كده، ده أخلاق المسلمين قال: هل يغدر؟ قال: لا، أخلاق الأنبياء.
فأنت متخيل أن الشيطان أي فكرة خبيثة وأي وسيلة حتى لو هيدخل لك من باب بعض الطاعات، واحد كان بيقول لي: أنا لما بذنب وبتوب إيماني بيبقى أعلى، فيأ اوقات بحب الذنب عشان عايز أتوب بعده! مسكين ضحك عليه الشيطان، أيوه وأنت عرفك أنك الذنب اللي جاي ده أنت هتوب منه؟ ده أنت كده بتنتقل إلى الإدمان ومشكلة الشهوة، الجسم مفطور أن هرمونات السعادة اللي جواته بتيجي بعد تعب، ده كده الجسم الطبيعي أن تتعب في شيء تاخد فترة طويلة في العمل فتشعر بالإنجاز النهائي بعد مجموعة من التعب، الشهوة السريعة دي بتحولك لمدمن بسرعة، ده خلاف فطرتك اللي أنت محتاجها عشان ما نخش في تحليل أكثر من كده.
الخلاصة أن الشيطان على مستوى العبث بالمشاعر وصناعة الأمان واستثارة الشهوات لا يعمل فقط على مستوى الفرد، أمال بيعمل إيه؟ يصنع بقى بيئة متكاملة، يخلي الأمنية اللي أنت عايزها دي، طب تخيل لو أنت عندك أمنية مثلا دنيوية ضخمة تتعارض مع دينك بس أنت لوحدك في المجتمع هتشعر بحالة إيه؟ ده أنا غريب والناس تنكر عليا، لكن تخيل الأمنية اللي أنت عايزها ديت اللي بتتعارض، تخيل الأمنية دي بتنزل عليها أعلانات وعليها تنافس، أنت متخيل أن البيئة الإباحية دي بقت بيئة تجارية بتكسب وبقى في كل الناس ومع كل الناس وعادي إيه المشكله؟ ومواقع وتطبيقات والشهوات مبثوثة في الشارع وإعلانات محطوطه وسينمات مفتوحة وعادي جدا، بقى التخلص أصعب.
الشيطان لما عايز يفسد مش بس بيعمل فساد فردي، ده بيصنع بيئة فساد متكاملة يشعر الشخص فيها المؤمن بالغربه أصلا، فاصبح النزع منها صعب وده الأخطر، فبالتالي خطاب القرآن لعموم المجتمع بقى في أيضا نوع من الصعوبة، لازم لما تقدم القرآن تقدم الوحي بقوة، عامل زي القاء العصا كده وسط السحرة، يعني في منازعة هتقابلك، كل السحرة واقفين وسيدنا موسى ألقى العصا، كذلك أنت كل الإعلام ده موجود والفتن دي موجودة أنت لازم تلقي القرآن بقوة؛ لأن المجتمع محتاج لوحدة، الشيطان قاعد بيفسد مكان التلقي الفردي والمجتمعي.
تمام، قبل ما احنا كده تقريبا خلصنا المسار الأول، قبل ما نروح للمسارين التانيين هنتكلم عنهم سريعا يعني أو الأفكار الرئيسية، لكن قبل ما ننتقل ناس ممكن تسال صحيح: طب هو القرآن بيعالج ده إزاى؟ يعني استثاره المشاعر أو الهموم اللي عبث بها الشيطان.
لازم نفهم أن المشاعر لا تقابل فقط بالعلاج الذهني، يعني واحد يكون مهموم على حاجة، عارف أديك مثال الناس اللي متجوزين ممكن يبقوا عارفين، يعني أما مراتك تبقى متضايقة وقرفانة وزعلانة بيبقى شيء غريب نادر الحدوث يعني، فأنت تقول لها: خير؟ تقول لك: أنا مضايقة! وتقول: إيه الرد بتاع الرجاله المعروف؟ إيه، لا ما تزعليش! قتلتك بجد! الحمد لله والله المشكلة اتحلت، مش كنت تقول ما تزعليش؟ يعني طبعا ما تزعليش دي بالنسبة لها إيه؟ كلام فارغ، ولو حاولت تحللها المشكلة: أنت زعلان من الموقف ده، الموقف ده حله كذا، برضه مش هترضى.
المشاعر لا تحل فقط بالاجابات الذهنية، تحل أيضا بمشاعر مقابلة، أنت لما تكون متضايق تلاقي حد يقول لك إيه: أيوه أنت محتاج تبسط نفسك، مش محتاج حد يقول لك فقط ده أحد الحلول عشان ما نكرش الحل ده أن اللي أنت متضايق منه ما يستاهلش، ده حله لكن ليس هو كل الحلول تمام، فبالتالي مقاومة مثلا بهار بزخارف الدنيا لا يكون فقط بمعرفة أنها حقيرة والقران استعمل هذا أخبرنا أنها حقيرة يبقى ده أحد الحلول ﴿اعْلَمُوا أَنَّمَا الْحَيَاةُ الدُّنْيَا لَعِبٌ﴾ [الحديد: 20]، لكن أيضا بمزاحمة هذه المشاعر بمشاعر أخرى، تعظيم الدار الآخرة.
أنت لما تسمع عن ﴿يَصْطَرِخُونَ فِيهَا﴾ [فاطر: 37]، وهم في النار والمقامع من حديد وياتيهم الموت من كل مكان وما هو بميت، لما تسمع تفاصيل العذاب أنت تخاف أنت مش بتسمع عذاب مجمل، ده القرآن بيعيش في تفاصيل العذاب، ليه؟ أنت هنا بتقاوم استثاره الشهوات بمشاعر أخرى ضخمة.
كنت قرات أحد الإخوة نقل قريبا جزا الله خيرا على قناة التليجرام استنباط حلو في أحاديث الدار الآخرة أن الناس تبعث عرايا لا ينظر بعضهم إلى بعض، ولما السيدة عائشة استغربت فقال النبي صلى الله عليه وسلم: «أمر أعظم من ذلك»، أن لما بيكون الشخص خايف مش فاكر أبي جمرة بفسر الحديث نقل عنه كل ما الخوف بيزيد كل ما يشغلك عن شهوة، حتى لو امرأة عارية بس هنا هناك الخوف عالي جدا، فاذا استثاره الخوف من الله ومن الدار الآخرة قد تحرق أي شهوة.
نعم، لذلك طريقة القرآن في علاج حتى الإلحاد مختلفة، في علاقة الشرك مختلفة، القرآن يزاحم هذه الهموم بهموم أخرى، ما احنا قلنا يا جماعة الفكرة كلها في الأول الشيطان بيحاول يلعب على نفس الأماكن اللي القرآن بيضغط عليها، فأنت دلوقتي بترجع القرآن لمكانه لفطرته، لفطرتك ترجع القرآن للأماكن الحقيقية، فالشيطان عمل إيه؟ الشيطان جه عند شعور الحرص على الدنيا وعمل يوسف: زائد زائد زائد زائد، فشعور الحرص عمل ذو كبرة.
القرآن هيجي يعمل عملك إيه؟ يدوس ناقص ناقص فيقل عن فيأخذ حجمه الطبيعي، بس ده محتاج تلقي أكثر للوحي وتركيز أكثر ومعيشة أعلى، فأن تبدأ ترجع سوي تاني فيسهل عليك أعمال الدين، فتطبق أعمال الدين فايمانك يزداد، فتفهم من القرآن فهم أعلى، فتعمل أعمال أعلى وتدخل في دائرة التدين زي ما دخل الدائرة من الفساد ترجع تدخل في دائرة التدين.
واضح يبقى نقطة دي مهمة أن احنا كنا نختم بيها أن علاج المشاعر لا يكون بالذهن فقط، وأيضا زي ما ختمنا العنصر الأول أن الشيطان بيحاول يصنع بيئة فاسدة، مش علاجك فقط أنك أنت تعمل بالمشاعر وتنسى البيئة الصالحة، لا أنت محتاج أنك تفر إلى البيئات الصالحة.
قال: اترك أرضك، حد قتل 100 نفس مهما قعد يقولوا القتل حرام القتل، ما هو عارف أن القتلة حرام، أمال جاي يتوب من إيه؟ أمال هو جاي يقول: هل لي من توبة؟ كل مع أخ في الدعوة فبيقول لي أنا شايف أن.
مشاكل كثير من النساء أنه مش عارفين أن التبرج حرام. أنا شايف العكس، أن المشكلة مش مشكلة المعرفة؛ مشكلة هو الشيطان ما كانش عارف أنه غلطان؟ قال: ﴿فَبِعِزَّتِكَ لَأُغْوِيَنَّهُمْ﴾، بيحلف بربنا. أنت متخيل أن كثير من المشركين ربنا بيقول: ها، سيبك من كده، و﴿وَجَحَدُوا بِهَا وَاسْتَيْقَنَتْهَآ أَنفُسُهُمْ﴾. أنت بتكلم في إيه في القضية؟ لذلك القرآن ما اعتبر ده -ده جانب معتبر- لكن لم يعتبر الجانب الذهني المعلوماتي فقط، لا، اعتبر أن دي نفس بشرية محتاجة توعظ، وتعرف أن ده حرام، وتعرف الأدلة أن ده حرام، وتخوف، وتبصر، وتضغط على مشاعر الخوف والرجاء، وتحل لها مشاكلها النفسية. القرآن قاعد، ده أحاط بالنفس المشكلة.
يبقى أنت عشان تعالج الثلاث حاجات اللي عملها الشيطان، أنت محتاج تعايش القرآن في هذه القضايا. إيه همومك؟ يعني كنت باسمع مقطع ظريف أو عجبني اسمه "هموم نبي" تقريباً ده اسمه. جابه إزاي؟ استقرا القرآن، قال: الهم بيظهر في الأدعية. قعد يستقرا أدعية سيدنا إبراهيم، كان مهموم بإيه؟ الهموم بتظهر في أدعيته. فجت لي الفكرة أن الإنسان أصلاً فهمه للوحي بيزداد على حسب همومه؛ يعني مثلاً لو افترضنا أن في سورة في القرآن تخاطب شخص مستبطن النصر على المسلمين، في معركة بين المسلمين والكفار، والمسلم مستبطن، فالقرآن نزل ليعالج هذه القضية. مين اللي هيستفيد من السورة؟ المسلم اللي مستبطن نصر. طب لو واحد مش في دماغه المعركة أصلاً، ولا شغل باله أن في.. مش هيستفيد. فانت فهمك، همومك، كل ما همومك بتزيد، كل ما فهمك للقرآن بيزيد، همومك الدينية؛ لأن القرآن نزل على قلب نبي، فكل ما همومك بتزداد قرباً من هموم النبي، كل ما أنت فهمك للقرآن بيزداد. القرآن يصنع هذه الهموم ويغذيها. واحد يقول لي إيه: يعني ما آخد القرآن غير وأنا عندي؟ لا، ما هو القرآن هيصنع هذه، بس أنت اسمح للقرآن أن يعمل فيك.
الحاجة الثانية، معين البيئة الأخرى: هو أنت دلوقتي الشخص اللي تحول، اللي احنا قلناه قلنا هنحتاجه، الشخص "الألتراس" دوت، اللي بيروح، ويروح يسافر، فريق مش عارف إيه، وتشجع كذا، ويبكي، هل ده خد كورسات ذهنية؟ خد سمع ثلاث دروس، سلسلة من ثلاث أربع دروس عن كيف تكون "ألتراس" الفريق الفلاني؟ لا، ده ده كان في الأول اتفرج، وبعدين عادي، وبعدين زعل، وبعدين جاب التيشيرت، وبعدين سافر، وبعدين دخل جروبات، وبعدين عاش الأمر، وتابع، وجاب الأسماء، هو عايش. أنت لما تجيب أنت، خلينا نجيب مثال بديل أو مثال مقابل: واحد عايز يحب النبي صلى الله عليه وسلم، أيوه، أنا عارف أن النبي صلى الله عليه وسلم.. تحب النبي صلى الله عليه وسلم، طبعا أفضل الخلق، آه طبعا، صلى الله عليه وسلم. بس كده، تخيل بقى واحد جاب السيرة، وقرا تفاصيلها، وعاش معاها، وعيط في لحظة وفاة النبي صلى الله عليه وسلم، ولحظة نزول.. و و، وسمع النبي صلى الله عليه وسلم بيقول حديث، وقام قايم، الحديث ده راح يبلغه للناس، قال: أنا سمعت حبيبي صلى الله عليه وسلم يقول كذا، عايش التفاصيل. ده حب مختلف للنبي صلى الله عليه وسلم. المشاعر بتتبنى بصورة تراكمية، فانت بتحتاج تشتغل على نفس المشاعر دي تغذيها في بيئة صالحة قدر المستطاع عشان ترد على اللي عمل الشيطان.
آخر حاجتين: المسار الثاني، لابد أن نوقن أن الشيطان لا يستطيع أن يفسد الآيات الشرعية ولا الكونية؛ ده يقين، وإلا كان كل الوسائل اللي عملها الشيطان دي مش محتاجة، يعني الشيطان لا يستطيع أن يحرف الوحي، الشيطان لا يستطيع أن يفسد ويغير الآيات الكونية؛ يعني الشيطان ما يقدرش يغير في مسار الأرض والسماء، ما يقدرش يغير في خلق الإنسان، الأعجاز اللي موجود فيه ما يقدرش. فانت عندك آيات كونية ما يقدرش يمنع الزلازل والبراكين، ما يقدرش يمنع نزول الأمطار، الشيطان ما يقدرش يغير الآيات الكونية، والآيات الشرعية ما يقدرش يغيرها. أمال يعمل إيه الشيطان؟ ما الآيات دي هي سبب رجوعك -كنت عامل درس اسمه: "أن في ذلك لآية"- ما هو أنت سبب رجوعك الآيات دي، طب ما هو الشيطان مش عايزك ترجع، يعني الشيطان خلاص قاعد بيشتغل على المشاعر والآماني والشهوات، وبيفسد الصدر، مش عايزك تفوق، يعمل إيه؟ يروح للآيات، عايز يطمسها، لن يستطيع أن يطمس الآيات، عايز يمنع عنك الغذاء الحق، مش هيقدر، يعمل إيه؟ يشوش على الآية، نظرية اللغوشة: ﴿لَا تَسْمَعُوا لِهَٰذَا الْقُرْءَانِ وَالْغَوْاْ فِيهِ﴾ [فصلت: 26]. والغاي اللي هي: ﴿وَأَنتُمْ سَامِدُونَ﴾ [النجم: 61]. معاني سامدون: تجد كثير من المفسرين يقول: الغناء مثلاً، يعني في صوت شغال والقران بيطلع عشان يمنع وصول القرآن، هو ما يقدرش يبني على القرآن. من معاني سامدون يقولوا: الامتلاء، خليك أنت بقيت ممتلئ بشيء لدرجة أن راسك ارتفعت لأعلى، لذلك بعض المفسرين من السلف: رافع راسه لأعلى، أنت قاعد بتكلم واحد ممتلئ بشيء مختلف، مش سامعك أصلاً، عارف لما العيال يقعدوا يلعبوا بلاي ستيشن وفي نص المعركه ما بينهم وأنت بتنادي عليه، هو سامع صوت بس مش مترجم الكلام؟ ﴿أُوْلَٰئِكَ يُنَادَوْنَ مِن مَّكَانٍ بَعِيدٍ﴾ [فصلت: 44].
الشيطان عايز كده، عايز حالة الإشغال عن الآية، خليك مش مركز، خليك قاعد بتجري زي ما صنع لك الأمنية، فانت قاعد بتجري، طب اقف بس! اقف تامل! ناس أصدقائها بتموت، ما عندهاش وقت تبكي عليه، ما عندوش وقت يتأمل: طب أنا ممكن أبقى مكانه ولا لا؟ الآيات بتحصل، بتيجي كورونا وبتروح، وما وقفش سال نفسه: من الذي أوقف الكون ثم سير مره أخرى؟ ما وقفش. الناس وقفت، عطلت، رجعت: يلا يا جماعه كأن لم يدعوا إلى ضر ضر. الناس ما عندوش وقت، ما عندوش مساحة، حالة الإشغال عن الآيات، حالة اللغوشة.
دول ربنا سماهم في سورة فصلت أعداء الله. كلمة أعداء الله ما جتش غير مرتين، في سورة فصلت، تمام؟ لأن أعداء الله دول اللي بيصرفوا الناس عن الوحي المفصل، الآيات المفصلة. ربنا بيقول في سورة فصلت أنه فصل الآيات لدرجه أن في ختام السورة: ﴿سَنُرِيهِمْ آيَاتِنَا فِي الْآفَاقِ وَفِي أَنفُسِهِمْ﴾ [فصلت: 53]. أمال هم في سورة فصلت عايزين يعملوا إيه؟ عايزين يلحدوا في الآيات: ﴿إِنَّ الَّذِينَ يُلْحِدُونَ فِي آيَاتِنَا﴾ [فصلت: 40]. اللحد: يخفيها، يخبيها، يحود عن مساره، زي في يونس: ﴿إِذَا لَهُم مَّكْرٌ فِي آيَاتِنَا﴾ [يونس: 21]. ينكر في الآيات، ينسبها لغير الله. جمع الآيات، كلمة الآيات، وشوف الأفعال اللي استعملها أهل الباطل جنبها: مكر بالايات، التكذيب بالآيات، السخرية بالآيات، رد الآيات، تحريف الآيات؛ لأن هو مش عارف يغير الآية، فقاعد بتعامل انتقائي: ﴿وَيُؤْمِنُونَ بِبَعْضٍ وَيَكْفُرُونَ بِبَعْضٍ﴾ [النساء: 150].
يبقى إذا الشيطان لا يستطيع أنه يمنع الخسوف، لكن يشغلك عن رؤيته، يقول لك: ما تيجي نجيب النظارة ونتفرج ونتصور، يشغلك عن التأمل فيه، هي نظرية اللغو في الآيات، واللغوشة، خليك السماد، زي ما قلنا سامدون، السماد لما تملى الأرض بشيء، أنت ممتلئ بأشياء، تمنع انك تسمع. ده الشيطان عايز أنه يصل معك إلى حالة أنك أنت حالة اللهث في الحياة، ومشغول وممتلئ، وليس عندك مساحة أنك تتامل في الآية. يحصل حدث كوني ضخم، مشغول، مش عايز تبص عليه. ربنا يرسل آية تلو آية: ﴿وَمَا نُرْسِلُ بِالْآيَاتِ إِلَّا تَخْوِيفًا﴾ [الإسراء: 59]. ما تعملش، قالوا: ﴿لَوْ كُنَّا نَسْمَعُ أَوْ نَعْقِلُ مَا كُنَّا فِي أَصْحَابِ السَّعِيرِ﴾ [الملك: 10]. أنا لو كنت وقفت فكرت كنت آمنت، لذلك ناس كتير تسلم أنه وقف، بس يعني أن رجليه كسرت، فدخل المستشفى فقعد يتامل، حد أداه كتاب، حصل له حادث ضخم فقعد يفكر، ناس كتير من اللي هما العصابات والمافيا وكده، يسلم في السجن، جات له مساحه يقعد هو إيه اللي انا كنت بعمله؟ يقعد يفكر، حد يقول له حاجه ويقول له كلمتين، ويسلم، أنه بس وقف كده وتامل، إيه ده؟ هو انا لماذا خلقنا؟ وليه ناس بتموت؟ وليه في ظلم؟ طب مافيش اجابات عن الحاجات ديت؟ مش مش كده؟ الكون ده فيه تناقض ولا إيه؟ طب مافيش كتاب قدم إجابات؟ ويبدا يقرا القرآن، يلاقي إجابات، يدي نفسه مساحة. دور الشيطان أن هو مش عايزك تقف تفكر، اجري! بتروح تكلم واحد وهو بيجري، يقول لك: كلمني وأنت بتجري. حالة من اللهث المتواصل، هو عايز العالم في حالة السرعة، تلاقي واحد يقول لك: أنا سافر بره، بتصحى الفجر، بتروح الشغل، ترجع مش عارف إيه، تنام عشان مش عارف، عشان عندك الويك إند لازم تتفسح وتجيب آخرك في المتعة؛ لأن هم يومين بس وبعدين عايزين.. ما حسش مساحة، تسمع خلاص، ها دخلت في حالة اللهث. يعني حتى الدروس الدينية تبعها في اثنين م.. ما عندوش مساحة يتأمل.
آه، شغل قرآن صوت هادئ، اسمعه ساعة، ساعة ونص، تمشي حاجة قاعد بتسمع، أنت محتاج تتدرب على ده، نحتاج إلى قليل من الملل، عايزين نتعود شوية. الملل مهم، مفيد، أنت محتاج أنك أنت تتعلم أنك تعمل كده اللاشيء ده، محتاج ده، اللي هيديك مساحة أنك تفكر: هو صاحبي اللي مات، أنا مش ممكن أكون مكانه؟ وبعدين أنك تقف كده تقول: وبعدين؟ زي وقفة رمضان، زي الاعتكاف، هذا العكوف اللي بيخليك بتسمع وحي بدون انشغالات. ربنا خلى القرآن أقوى بالليل؛ لأن المشاغل، الشيطان فاهم قضية الانشغال، قاعد بيشوش، أنت في النهار لك سبحاً طويلاً، لكن بالليل: ﴿نَاشِئَةَ اللَّيْلِ هِيَ أَشَدُّ وَطْئًا وَأَقْوَمُ قِيلًا﴾ [المزمل: 6]. فاعكس بقى الدور اللي بيعملوه الشيطان، اللي هم أعداء الله، اللي حالة اللهو واللغو واللغوشة على الآيات، أنت محتاج مقابل لها حالة الاعتكاف، الخلوة. لازم يكون لك اوقات في حياتك عشان تقابل حالة اللهث والانشغال المستمرة دي. يبقى القاعدة دي اللي خلا الشيطان يعمل كده أنه مش قادر يمنع الآية فيشوش عليه، مش قادر يمنع السماوات، ربنا بيقول: ﴿وَلَقَدْ جَعَلْنَا فِي السَّمَاءِ بُرُوجًا وَزَيَّنَّاهَا لِلنَّاظِرِينَ﴾ [الحجر: 16].
سورة الحجر، أنت لسه بشرح عن في نفس الصورة الشيطان قال: ﴿لَأُزَيِّنَنَّ لَهُمْ فِي الْأَرْضِ﴾ [الحجر: 39]. ربنا مزين لك السماء عشان تنظر فيه، الشيطان مزين لك الارض أنت، عشان عايز يلفتك، يعني أنت عايز تبص كده، الشيطان يقول لك: طب بص بص، يشغلك، يعمل لك حاجات تلفتك، يقول لك: إيه ده؟ يشغلك حالة من اللغو، خليك مش قادر تسمع، ما عندوش مساحة، تمام. لذلك في في الآخر: ﴿فَكَشَفْنَا عَنكَ غِطَاءَكَ فَبَصَرُكَ الْيَوْمَ حَدِيدٌ﴾ [ق: 22]. وفي اللي هي في ختام الكهف: ﴿الَّذِينَ كَانَتْ أَعْيُنُهُمْ فِي غِطَاءٍ عَن ذِكْرِي وَكَانُوا لَا يَسْتَطِيعُونَ سَمْعًا﴾ [الكهف: 101]. مش قادر يسمع، ما عنده مساحة، يعني هو عصم؟ لا، هو قاعد بيجي تتابع الفتن، وصرخات الدجال والفتن مخلياه قاعد مشغول. وأيضاً نفس الخطَّة الأولى: الشيطان لا يفعل ذلك على المستوى الفردي، يصنع بيئة مش هتقدر تغمض عينك، بيئة من اللهو، بيئة من الانشغال.
آخر شيء نكتفي به، أن الشيطان احنا قلنا في مثل الغذاء، يفسد تلقي الغذاء، يشغلك عن تلقي الغذاء الحق، يقدم لك غذاء بديل، إيه بقى الغذاء البديل اللي يقدمه هنا؟ إيه الغذاء البديل هنا؟ فكرة اللغو ده نوع من التشويش، ولسه ما أداكش بديل. ربنا بيقول: ﴿وَمِنَ النَّاسِ مَن يَشْتَرِي لَهْوَ الْحَدِيثِ لِيُضِلَّ عَن سَبِيلِ اللَّهِ﴾ [لقمان: 6]. ربنا قال على القرآن أنه احسن الحديث وأحسن القصص والقول الثقيل، الشيطان عايز يقدم لك بديل عن احسن الحديث، فيقدم لك لهو الحديث؛ لأنه ما يعرفش يصنع احسن الحديث وما ينبغي لهم وما يستطيعون. فيقدم لك بديل، لكن الشيطان بيعمل في البديل ده شيء عجيب جداً، وركزوا معايا عشان ده الختام. الشيطان بيقدم البديل، بيضفي عليه نفس المصطلحات القوية الموجودة في القرآن، فيخلي البديل ده رسالة ومنهج وقوانين وتضحيات وبذل وشهداء، يعني المصطلحات الموجودة في الوحي يستلمها ويخطفها ويضفيها على المنهج اللي بيقدمه؛ لأن أنت محتاج تضحية، أنت كبني آدم محتاج معنى تعيش عنه، فيجيب لك.. لما نجي يقدم لك البديل -كنت لسه بقرا في ظهور النسوية الفيمينزم، وأزاي النسوية ظهرت وإزاي الشيطان لما بيعمل انحراف في البشرية- إيه ده على مدار سنوات وقرون، ويمشي خطوة بخطوة، وبعدين ياخد المصطلحات الشرعية يطفيها على المنهج البديل ده، ويخلي الناس تضحي، ويقول لهم: لابد أن.. امشوا واصبروا على آلهتكم. إيه ده؟ أنت في الأول ممكن الشرك بالنسبة لك، يا عم احنا جايين الشرك عشان هيص، مش جايين، لا، هو حول الشرك إلى رسالة، لابد أن ندافع عن آلهتنا، تتخيل؟ خلى الموضوع رسالة، ده يخلي الشرك يستمر.
فلما بيقدم لك بديل، ومش بيقدم لك بديل هو أي نعم فارغ، لكن لا، هو هيضفي، يعني لما كورة، كرة مش كماتشو، شوف الإهانات اللي حوالين الكورة، لعبة ويتحمل، ومش عارف إيه، وكل أربع سنوات تحس الحج كده، زي ما الحج كل أربع سنوات ولا خمس، ومش عارف إيه، والناس تجتمع وقصة، هو بيجي يقدم حالة من الإلهاء، هو مش بيقدم شيء ويسيبه حاجة سمبل كده، لا، لازم يخليها معقدة، التعقيد ده يحافظ على استمرارها ويحافظ على الناس اللي تقدم ليه، ويجي مثلا الناس عايزة تروح للمش عارف، الفرق الكورية، يتحول أنه مقلد ليهم وتبع الجيش بتاعهم ومش عارف إيه، ده، أيوه، هو يصنع هذه البيئة البديلة، اللي أنت كبني آدم محتاج انتماء، يعمل لك انتماء، كنت بقرا تلاقي الكتاب مثلاً بيتكلم عن الهُوِيّ السياسية، بيتكلم أن إزاي الدولة الحديثة خدت المصطلحات الدينية: التعظيم، لازم تقف للعالم اللي مش عارف إيه، اه الشهادة، شهيد الوطن! نفس المصطلحات الدينية هي خدتها وقطفتها عشان يضمن استمرار.. يقدس هذه الأمور. الشيطان بيحاول يقدم لك بديل يصرفك عن الوحي، هو مش بيقدم لك بديل فارغ من المعاني الموجودة عندك في الوحي، هو بياخد، بيسرق. لذلك قرات حد بيشرح سورة غافر فبيقول أن كلمة سبيل الرشاد سبيل.
الرشاد تسأل، في سورة غافر أول واحد قال سبيل الرشاد فرعون، اللي هي لما قال: ﴿مَا أُرِيكُمْ إِلَّا مَا أَرَىٰ وَمَا أَهْدِيكُمْ إِلَّا سَبِيلَ الرَّشَادِ﴾ [غافر: 29]. فرعون بيقول أنا عندي سبيل الرشاد، شوية مؤمن آل فرعون لما النقاش احتدم قال: ﴿وَقَالَ الَّذِي آمَنَ يَا قَوْمِ اتَّبِعُونِ أَهْدِكُمْ سَبِيلَ الرَّشَدِ﴾ [غافر: 38]. قال مش هسيبك، المصطلح ده بتاعنا مش بتاعك، المصطلح ده بتاع المسلمين؛ لأن هو عايز يخطف المصطلح ده، فرعون عايز يخطف مصطلح سبيل الرشاد، لا ده الرشاد بتاع أهل الإسلام، فهو التاني عايز يخطف المقاصد، مش عارف الحرية كان مش فاكر مين، الشيخ أحمد شاكر ولا مين اللي كان بيتكلم يقول لك القوانين الوضعية لازم يضفي عليها ألفاظ القداسة والشارع قال كذا يحرم مخالفات، يعني هي قوانين وضعية بس ولازم يضفي عليها هذه الألفاظ، وده الأخطر.
الشيطان لما بيحرك البشرية على مدار قرون وخطوات، ويضفي عليها نوع من الهالة حتى لو الشيء في أصلها -أنا مش بكلمك حتى على الاشتراكية أو المناهج الضالة- حتى لو الشيء تافه هو لازم يضفي عليها من المشاعر اللي أنت محتاجها، ومن انتمائك لأمة الإسلام، ومن التضحية، ومن البذل، ومن وجود معنى تعيش عشانه، وبيسرق المعاني دي بيطفيها بنوع من التزيين والتدليس، وده من معاني الدجل، دجل والدجal قالوا زي النحاس اللي عليه مية ذهب فالناس تظنه ذهب وهو عليه طبقة بس. هو ياخد كلام من كلمات الحق ويضفي المصطلحات دي عليه، لذلك من الحروب اللي بيخها أهل الإسلام حرب المصطلحات؛ لا ده مصطلح شرعي ما يتقالش هنا في السياق ده.
تمام، يبقى إذا يعني معلش بقى احنا طولنا عليكم، والنقطة الثالثة دي كنا ممكن نزود فيها شوية كإسقاط على الواقع، لكن خلينا نعيد بسرعة كده: الشيطان عدوك الأول، وكثرة الكلام هنا لا تعني، ليس الغرض منها التعظيم للشيطان بل هو حقير، وإذا قال العبد تعس الشيطان تعس، حتى صار مثل القصر، قال بسم الله تصغر وتستعيذ بالله من الشيطان الرجيم. لكن في فرق بين إن ربنا قال لك اتخذه عدو، يبقى أنت محتاج تتعامل معاه إن هو عدو تدرسه، ده عدو زي ما إسرائيل عدو وقاعد بيدرسك، وأنت قاعد بتدرس إيه خطوات تحرير الأرض المقدسة؟ ده عدو تحرير نفوس الناس، وتحرير قتلى وإثارة إبليس، ده محتاج يدرس، وكيف يدرس إلا بنصوص الوحي؟ وتفاجأ أن الوحي أكثر من الحديث عن كلمات الشياطين، وأماكن وجود الشياطين، وحركات الشياطين، وحرص الشياطين، تفاجأ أن السنة بتعرفك وأنت داخل البيت وقبل الجماع وقبل الطعام، إذا الشيطان قاعد متربص لك في كل حاجة.
قال صلى الله عليه وسلم: «إن الشيطان قعد لابن آدم بطرقه كلها». هذا العدو يدخل معاك معركة صفرية يريد منك تغييرا كليا، وليس مجرد أنك تتاثر ببعض المعاصي. علم هذا الشيطان أن الوسيلة الوحيدة لإفساد البشرية هي بقطعهم وبقطع الوحي عنهم، وأيقن أنه لن يستطيع أن يغير في الوحي، فاتخذ هذه المسارات، وكل واحد ما يبحث أكثر يكتشف مسارات أكثر.
الشيطان هذا، ما وجدته والله أعلى وأعلم، مسألة إفساد مكان التلقي ثلاث حاجات: العبث، والمشاعر، وصناعة الأمل. صلاة الشهوات بمحاولة الإلهاء والاشغال اللي هي اللغو، والآخر إيجاد بديل؛ هذا الحديث اللي هو مجرد لهو حديث، لكن هو بيشتريه ليضل الناس، ثم يطفي هذه القداسة حول لهو الحديث الذي ضل بسببه كثير من الناس.
في الآخر لن يعني ينجو الإنسان إلا بالاستعاذة وباللجوء إلى الله سبحانه وتعالى. أسأل الله سبحانه وتعالى أن يستعملنا وأن يفقهنا في الدين، وأن يوفقنا لفعل ما يحب ويرضى. ربنا آتنا في الدنيا حسنة وفي الآخرة حسنة وقنا عذاب النار. سبحانك اللهم وبحمدك أشهد ألا إله إلا أنت أستغفرك وأتوب إليك، والسلام عليكم ورحمة الله وبركاته.