د. أحمد عبد المنعموالصلاة والسلام على رسول الله صلى الله عليه وسلم. نقطة مهمة في واقعنا الانفتاح الرهيب دوت أياً كان بقى طريقته وطريقة العولمة أو طريقة الإنترنت أو وطريقة طرق الانفتاح الفكري الرهيب اللي احنا دخلنا فيه، الانفتاح الثقافي أياً كانت الطرق والوسائل بتاعته العولمة بوسائلها أو عن طريق الإنترنت.
أول كتب أو المعارض خلت المطروح الثقافي على الناس ضخم جداً جداً جداً ومتابعة الأحداث وتغيراتها والسياسة والكلام ده كله خلى عندنا تضخم فكري رهيب دماغنا عمالة تتخن، وللأسف هذا التضخم الفكري لا يقابله زيادة في الإيه؟ في الإيمان، ودي مصيبة. يعني تخيل إنسان ولد عنده مثلاً رأسه أكبر من جسمه، فده نوع من التشوه من عدم الضبط. فكذلك لما الإنسان يعمل أو مش بيعمل بقى في نفسه للأسف العوامل الخارجية عملت فينا كده غصب عننا، فاحنا محتاجين نزود في الجانب الإيماني عشان ندرك التضخم الفكري اللي حصل له.
ناس كل حاجة في إغراق، في إغراق في قضيتين في العلن الفكر والمادة، دول الكلام فيهم كتير جداً، وإن كان في الأول تحس إن صغيرهم عكس بعض، لكن أغلب الفلسفة وكان من زمان يعني كان اللي بيحب يعمل نفسه مثقف قوي تلاقيه يقعد يجيب شوية أسماء إيه فلاسفة غرب فلاسفة القرن الثامن عشر فلاسفة كمان السابع عشر ونظريات النظريات دي ما يستهانش بها لأن هي قامت على أساسها عقائد ودول، يعني زي مثلاً ماركس ما هو الفكر الماركسي ده قام على أساسه دول الناس دي أو غيره أو أي أسماء تانية يعني الواحد يعني إيه في أسماء كتير دي قامت على أساسها دول.
فالجانب الفكري ده مع الجانب المادي والصناعات والمادة والإنتاج والتجارة والفلوس كل شوية حاجة جديدة كل شوية مثلاً زي آي باد أيوه كل شوية يطلع حاجة جديدة، فالاغراق في الحاجتين دول للأسف الاتنين دول خلوا الناس يبعدوا عن الغيب والإيمان، واحنا أصلاً ثمانين في المية إن القرآن غيب. في إشكالية أصلاً مع العالم المعاصر ومع فكرة العلمانية، واحد يعني أحياناً بيقوله أحد أهم اسباب تسميتها بكده إن هي اسمها آلة منية أي العالم المنظور، وهي ديت يعني ما تكلمنيش فيما وراء ما لا أراه، يعني ما تقوليش الربا وحش، وحش ليه؟ قل لي أثبت كذا كذا كذا وتجارب واديني مثلاً نظرة اقتصادية نظرية اقتصادية قل إن هي أثبتت على أنا عملت تجارب وعملت كذا وأثبت والاستقراء أثبت إن هو ده كده أقول لك ماشي وحش، إنما ما فيش حاجة اسمها أصل هو غيباً في عذاب قدام أو أنا ما لوش في الكلام في العقل.
فاحنا أصبحنا كمسلمين مطالبين الجانب التاني يبقى زايد عندنا جانب الإيمان وجانب الغيب اللي يقرأ القرآن عشان كده فعلاً يجد القرآن بيهدم الاتنين دول، لما تيجي الاغراق في الجانب الفكري أنا مش ضد عشان الناس بس ما تفهمش لأن الناس عندها خلط ما بين قضية الجانب الفكري واستعمال العقل، يعني الناس تحس إن عندها خلط يقول لك قال لها يعني احنا ما نستعملش دماغنا؟ يعني احنا المفروض ما تقفلش دماغنا ويقعدوا يقولوا السلفيين دول على مقفلة في الدماغ ما يفهموش حاجة، هو إيه علاقة أنا بقول اللي وراك في الجانب الفكري؟ هو الفكرة إنت ازاي بتطرح قضيتك؟ يعني القرآن القرآن كما بيثبت في أكتر من قضية وأكتر من سورة ويثبت إن الله عز وجل قادر على كل شيء وأن الكون ده له إله أولاً وأنه خلق السماوات والأرض ما جبتهاش واحد اتنين تلاتة، أي قضية بيعالجها القرآن ما بيعالجهاش ما عملش الفصل الأول الفصل صفات الله، والفصل التاني أسماء الرسل، والفصل التالت أحوال أو مراحل الدار الآخرة، ما عملهاش كده.
القرآن لما بيوصل أي قضية بيوصلها لأن إنت بني آدم، ﴿أَلَا يَعْلَمُ مَنْ خَلَقَ وَهُوَ اللَّطِيفُ الْخَبِيرُ﴾ [الملك: 14]. إنت آدم جواك مشاعر وجواك هواجس وجواك خواطر وجواك خوف ورجاء وحب جواك مشاعر القرآن بيعالجها مش بيخاطبك كعقل فقط، إنت مش مجرد أذن بتتلقى معلومات إنت مش جهاز كمبيوتر بيتحمل عليه شوية معلومات، لأ إنت بيخاطبك عشان تتغير. فالقرآن كتاب تغييري، جبير بن مطعم لما سمع سورة الطور بيقول: كاد قلبي أن يطير.
يبقى القرآن هنا بلغ إلى أعماقه، طب ما العرب كانوا فاهمين كل كلمة في القرآن كلامهم عرب لكن مش كلهم بلغ إلى قلوبهم، فاحنا عندنا بنقول إن القرآن لما بيخبط بيخبط يعني مثلاً لما نجي قضية مثلاً إن ربنا سبحانه وتعالى بينجي الرسل، لما تيجي تشوف سورة زي سورة غافر طرحت المسألة دي ازاي؟ ازاي القرآن بيقول لك مثلاً إن الله عز وجل ينجي رسله وأنبياءه والمؤمنين، تجد أن سورة غافر بدأت الأول يعني شف إزاي القرآن ما بدأش بالقضية، لأ أهلك نفسياً وقلبياً وسمعياً وبصرياً، وبعدين قال لك الحقيقة: ﴿حَمِيمٌ * تَنزِيلُ الْكِتَابِ مِنَ اللَّهِ الْعَزِيزِ الْعَلِيمِ﴾ [غافر: 1-2]، منزل الكتاب الله عز وجل صفاته الأول قبل شديد العقاب قبل ما يعاقب المجرمين الأول بيديهم فرصة، ﴿غَافِرِ الذَّنْبِ وَقَابِلِ التَّوْبِ شَدِيدِ الْعِقَابِ﴾ [غافر: 3].
وبعدين بيقول لك إن فيه ناس رفضت كل ده وتجادل في آيات اسمها إيه آيات الآية يعني الواضحة، يعني هو بيجادل في الواضحات ما يجادل في آيات الله، نعم، ﴿مَا يُجَادِلُ فِي آيَاتِ اللَّهِ إِلَّا الَّذِينَ كَفَرُوا﴾ [غافر: 4]، وده ديدانه من قبل كذبت قبلهم قوم نوح والأحزاب، وأن الأحزاب يعني دايما بيتجمعوا للإسلام، وبعدين في مخلوقات غيبية الذين يحملون العرش والمسلم معه قوة غيبية يسبحون بحمد ربهم ويؤمنون به ويستغفرون الذين آمنوا، وبعدين مشاهد من الدار الآخرة وبعدين مشاهد من الأرض ﴿أَوَلَمْ يَسِيرُوا فِي الْأَرْضِ فَيَنظُرُوا كَيْفَ كَانَ عَاقِبَةُ الَّذِينَ مِنْ قَبْلِهِمْ كَانُوا هُمْ أَشَدَّ مِنْهُمْ قُوَّةً وَآثَارًا فِي الْأَرْضِ﴾ [غافر: 21].
وبعدين نموذج لواحد ما جابش نبي جاب مؤمن آل فرعون لرجل مؤمن وقف في أشد شخصية طغيانية في القرآن اللي هو مين؟ اللي هو فرعون، وجاب المجادلة في آيات الله جاب نموذج للمجادلة ما يجادل في آيات الله فجاب نموذج لهذه المجادلة، وجاب فرعون ده حتى النبي صلى الله عليه وسلم لما أراد إنه يقول إن أبو جهل ده راجل طاغية جداً، مين؟ بفرعون، قال فرعون هذه الأمة اللي هو مين؟ اللي هو أبو جهل، فجاب أشد القرآن أشد شخصية طغيان في القرآن اللي هو فرعون، وجاب رجل مؤمن لا يملك لنفسه شيئاً وما معوهش أي حاجة واقف قدام فرعون وهو بيجادله وفرعون بيجادله وده بيجادله وفي الآخر قصة بقى طويلة في الجدال.
فوقاه الله سيئات، حاولوا يعملوا حاجات كتير ما مكروا وحاولوا يخططوا به حاجات كتير كلها ما نفعتش معه، حاولوا يقتلوه حاولوا يقتلوه حاولوا يخطفوه حاولوا يضغطوا عليه ما نفعتش معه، فهو قال الله سيئات ما مكروا، وحاق بآل فرعون سوء العذاب النار يعرضون عليها غدوا وعشيا في القبر، ويوم تقوم الساعة أدخلوا آل فرعون أشد العذاب.
وإذ يتحاجون في النار فيقول مين؟ فيقول الضعفاء الضعفاء دلوقتي يتكلموا وهم طول القصة قاعدين ساكتين، فيقول الضعفاء للذين استكبروا إنا كنا لكم تبعاً فهل أنتم مغنون عنا نصيباً من النار، ما فيش طبعا قال الذين استكبروا إن كل فيها إن الله قد حكم، مع أنهم كانوا رافضين حكم الله وفي أول السورة الحكم في أول السورة فالحكم لله العلي الكبير، ذلكم بأنه إذا دعي الله وحده كفرتم وإن يشرك به تؤمنوا، فالحكم لكفروا بحكم الله في أول السورة دلوقتي هم بيقروا بحكم الله وهم في النار.
وقال الذين في النار روحوا اتجمعوا مع بعض وراحوا محتاج تعيش المشهد اتجمعوا مع بعض دلوقتي الضعفاء وفرعون ودول وراحوا للملايكة ادعوا ربكم يخفف عنا يوماً من العذاب، قالوا أولم تك تأتيكم رسلكم بالبينات اللي أنتم جادلتوا فيها؟ قالوا بلى، قالوا فادعوا، إنت دلوقتي شايف فرعون واتباعه والضعفاء في النار عمالين يصرخوا ويقول يا رب، قالوا فادعوا وما دعاء الكافرين إلا في ضلال، إنت آخر مشهد صوتي مشهد فرعون والطغاة بيصوتوا في النار الآية اللي بعدها: ﴿إِنَّا لَنَنصُرُ رُسُلَنَا﴾ [غافر: 51] هي نزلت على قلب على قلب عايش من أول السورة، فتقول فعلاً ربنا بينصر نفسه ربنا بينصر المؤمنين غير لما بتجيلك كحقيقة مجردة، هي دي خطورة الجانب الفكري، خطورة الجانب الفكري إنه ما بيستقرش في القلب إن هي معلومات، احنا نريد أن نحول المعلومات إلى عقائد، دي دي ده وظيفة القرآن.
الكتب التانية اللي خالية من النصوص طبعا أنا مش قصدي إيه يعني لما بدي أمثلة هي أمثلة قابلة للنقد أنا مش يعني قابلة إن أنت تردها، آه بس أنا بدي مثال يعني يعني أنا قرأت الكتب فكرية مثلاً من اللي كتبوا في الحاجات الفكرية عبد الكريم بكار، ومثلاً من الناس اللي كتبوا في حاجات فكرية زي مثلاً قضية الليبرالية الشيخ عبد العزيز الطريفي، ده بيكتب حاجات فكرية وده بيكتب بعض الحاجات الفكرية.
أما تيجي تمسك كتاب أو كتب عبد الكريم بكار وكتاب الطريفي تجد أن كل تلات اربع ورقات من كتاب عبد الكريم تلاقي فيه نص في آية أو حديث، كله تلاتة أربعة، في حين كتابة الطريفي الورقة الواحدة فيها آيتين أو تلاتة أو أو نصين أو تلاتة يعني، ده فارق ما بين النص يا جماعة بيدي روح وكذلك أوحينا إليك روحاً من أمرنا، المعلومة لما أنا أقول لك معلومة فكرية إنت ممكن ما تقبلهاش، أما حد إنت شايف إنه مسقف ويقولها لك ممكن تقبلها، حد بقى قديم وفاهيم.
طب تخيلوا النبي المسألة ربنا بقى بيقول لك المعلوم، فالإنسان مفطور على قبول النص إلا اللي زاغ بقى قلبه، دي من الفطرة ﴿فِطْرَتَ اللَّهِ الَّتِي فَطَرَ النَّاسَ عَلَيْهَا لَا تَبْدِيلَ لِخَلْقِ اللَّهِ ذَلِكَ الدِّينُ الْقَيِّمُ﴾ [الروم: 30]، طيب ده التعامل مع النصوص يحول المعلومات إلى عقائد، قال: ﴿أَوَلَمْ تُؤْمِنْ قَالَ بَلَى وَلَكِن لِّيَطْمَئِنَّ قَلْبِي﴾ [البقرة: 260]، إنت في القرآن المفروض تشاهد الطير وهي بتتجمع وبتروح لسيدنا إبراهيم ثم يأتينك سعياً واعلم، أو تشوف قبلها ألم تر أو كالذي مر على قرية وهي خاوية شفت واحد مات مية سنة وربنا أحياه، وشفت الوف خرجوا من ديارهم حضرموت فقالهم الله موتوا ثم أحياهم، القرآن بيحول المعاني دي لعقائد مش بيحولها مش بيسيبها معلومات جافة، دي خطورة التعامل مع الكلام أن هي أفكار، أول حاجة أن هي أفكار جامدة التصرف منه، سهلة أن هي تتسرب.
يعني إيه اللي كان في صدر أو في قلب إبراهيم عليه السلام وهو في الهواء واحد طاير في الهواء، وخلاص فاضل إنه يلقى في النار لحظات؟ ما قعدش يصوت، يعني إنت الطبيعي إنك هتصوت، ولا قال يا رب مثلاً، ده قال إيه؟ قال إيه سيدنا إبراهيم وهو في الهوا؟ قال: حسبي الله ونعم الوكيل. قالها إزاي دي يعني قالها إزاي في الهوا دي؟ ده كلمة يعني مش إي حد يقولها، يعني قالها إبراهيم بن عباس وقلت في البخاري قالها إبراهيم حين القي في الهوا، وقالها النبي صلى الله عليه وسلم معه لما قال لهم الناس إن الناس قد جمعوكم فاخشوهم فزادهم إيماناً وقالوا حسبنا الله ونعم الوكيل.
خروج لا إله إلا أنت سبحانك إني كنت من الظالمين في بطن الحوت، أو حسبي الله ونعم الوكيل في الهوا دي عقائد، يعني إيه عقيدة؟ العقيدة إن القلب مربوط على معقود على معنى، يعني الطفل معقود في قلبه إن الاب والام يحبون له الخير، فكل ما بيحصل له مشكلة بدون ما يفكر تلقائياً يقول بابا أو ماما تلقائياً دي فطرة دي ما حدش قعد يعلم الطفل بص يا ابني في شخص هيقابلك في حياتك اسمه بابا وفي شخص هيقابلك في حياتك اسمه ماما، لما يقابلك مشكلة ما حدش عارفها أهمية الأب واحد اتنين تلاتة ما حدش يعلم الطفل كده.
إنت لما تيجي تقرأ سورة الروم بما فيها من معاني عظمة الله وتنزل السورة على قلبك مراراً وتكراراً أنتم فجأة في آخر السورة ربنا بيقول للنبي صلى الله عليه وسلم: ﴿فَاصْبِرْ إِنَّ وَعْدَ اللَّهِ حَقٌّ وَلَا يَسْتَخِفَّنَّكَ الَّذِينَ لَا يُوقِنُونَ﴾ [الروم: 60]، لو إنت سايب قلبك يعيش مع معاني سورة الروم هتفاجئ إنك في آخر السورة مالك قسط من اليقين، إزاي ما تعرفش؟ لما تبقى راجل بعد كده لك علاقة طويلة مع القرآن هتفهم يعني تفهم بقى إن الروم سورة الروم خاطبة الجانب النفسي عندك هنا وخاطبة هتفهم بقى لما عقلية تحليلية وقراءة طويلة في القرآن وفي السنة هتفهم عالجتك ازاي، إنما القرآن بيوصلك للمعنى العقدي بيعقد على قلبك معنى من غير ما تعرف إزاي عرفت إزاي ده شيء رائع وبيجي مع نماء العلم والازدواج بالنصوص.
إنما زي ما بنقول أخطر حاجة في الجانب الفكري رقم واحد أن هي أفكار إيه؟ أفكار ميتة لا روح فيها، سهل التسرب يعني لما تيجي تحول فجأة إنك بتقول حسبي الله ونعم الوكيل لأن المعلومة ما تحولتش إلى إيه؟ إلى عقيدة، يبقى احنا عايزين نحول المعلومات اللي عندنا عن الله وعن الدار الآخرة إلى عقيدة، يعني أنا عندي معلومات أن في دار آخرة، إنما عقيدة الدار الآخرة مش تخلي ده حالي. طب دلوقتي يعني التعامل الصحيح إن الواحد عايز يرتقيك فكرياً شوية يعرف يحلل قصدي إيه المنهج اللي هو يمشي فيه عشان يبقى يوصل في نهاية المنهج ده هنقول الأول لازم إيه ويحقق ازاي، وإن كان يحقق ازاي دي طويلة شوية، لازم يرتبط بالنصوص، لأن التحليلات.
في كتاب اسمه ثقيل شوية اسمه التفسير الإسلامي للتاريخ، لمؤلف اسمه عماد الدين خليل. عماد الدين خليل ده من المفكرين العظماء يعني، بس هو مش مشهور قوي، أو هو مشهور جداً بس مش يعني نوع راقي، من جامعة الموصل. الراجل ده -عارفين عبد الحليم عويس برضه من المؤرخين برضه مصري، وهو كريم العز برده إيه ده يعني- يعتبر أستاذ يعني.
عماد الدين خليل على فكرة فوجئت إن المعرض دلوقتي فيه أكتر من ضربة كتبه كانت قديمة ومش معروفة، بدأت بدأ يُطبع له يعني -مش عايز أقول مات- عشرات الكتب مطبوعة دلوقتي، لكن مش كلها تقرأ، يعني تشاهد. عماد الدين خليل ده في كتاب التفسير الإسلامي للتاريخ عمل إيه؟ جاب نظريات اللي حاولت تفسر التاريخ، الدنيا دي ماشية ازاي؟ فجاب إيه جه لو وعندنا بالعربي بقى والإنجليزي، ده له تفسير للتاريخ اسمه التفسير المثالي للتاريخ، جاب نظريته ونقدها شرعياً ومن اللي جاؤوا بعده، خلاص؟
وبعد كده جاب تفسير ماركس اللي هو التفسير المادي للتاريخ، ونقده شرعياً ونقده من المؤرخين اللي جه بعده، دول بالترتيب التاريخي يعني. وبعد كده جه ماركوس نقد نظرية هيجل دوت وألف نظرية، وأن الحياة بتقوم وهو فلسفته للحياة حط لها تصور، جه بعدهم واحد اسمه توينبي مؤرخ عمل كتب في الحضارة وقصة الحضارة وله كتاب واحد وتلاتين مجلد تقريباً دراسة للتاريخ، وله مختصر اسمه مختصر دراسة التاريخ، أربع مجلدات نازل تبع المركز القومي للترجمة. توينبي دوت عامل تصور لفلسفة الحياة، قام جه عماد رد على تلات تصورات شرعية ومين ومين؟ مؤرخين غربيين رد عليهم، وجاب التصور القراني، فهي دي الفكرة إنك تطرح تصورك اللي أنت عايزه عن السنن من خلال النصوص.
أنا ما عنديش ارتباط بنصوص، يبقى دي إشكالية. يعني أنا لما بأقرأ زي ما باقول لك لمفكرين بيعوزهم ينقصهم النصوص، بحس إن الكلام ميت، أنا مش واثق في الكلام ده، أنا مش قادر أدين، ما هو أنا الكلام ده أنا هيتحول عندي لعقائد، أنا عشان أحول ده لعقائد أنا عايز نص، عايز نص يا جماعة! إحنا المشكلة إن إحنا لما بنقول -أنا لما باقول للناس يا جماعة القرآن فيه حل مشاكل لحياتنا- أنا عارف إن كتير من أنا باكلم الملتزمين، هو بيقول: مم، وهو هو مش فاهم يعني إيه فيه حل مشاكل الحياة.
أنا بأقرأ القرآن مش فاهم! للأسف لبعدنا عن القرآن وعدم ارتباطنا بالقرآن والسنة، وعدم -أنا برضه مقدر ده- عدم وجود قدوات تبين للناس حلول مشاكلها من القرآن والسنة، خلت الناس عندها هزيمة نفسية ضد القرآن والسنة، خلت الناس لما بتسمع كلمة القرآن والسنة بتشعر إن ده تخلف، أو إن القرآن والسنة القرآن والسنة بيقول لي أتوضأ ازاي؟ أصلي ازاي؟ إنما مال القرآن والسنة ومال نمو الحضارات وسقوطها ونمو الدول وسقوطها، خصوصاً إن ربنا في الكون لا، ده هي دي من أهمها، وأَكَل القرآن كتاب محفوظ إلى يوم القيامة، الكتاب هيتكلم عن قضايا في قضايا أسرية، مش هيتكلم عن سنن الله في الحياة؟ إزاي يعني؟
فالشاهد ده: لازم ترتبط بنصوص. إزاي طيب؟ بأعمل إيه؟ بأجيب؟ أقرأ الناس اللي بتطرح التصور ده ارتباطاً بنفسه. الشاهد أنا عايز أقول: أياً كان هم مين اللي بيطرحوا التصور ده من خلال التاريخ كتير، يعني عندك كتب لله في الكون وفي الإنسان من خلال القرآن الكريم، فيما يقرب من عشرة واتناشر كتاب في المسألة دي كلهم أقوياء.
النقطة اللي أنا عايز أقولها إن، ومش بس قولهم إنك أنت ترتبط بنصوص، إنك أنت تدي لنفسك مساحة إنك تقرأ تمر على كتب السنة. إحنا يعني إحنا بنقرأ كتب وبنقرأ قصص وبنقرأ كتب مترجمة وبنقرأ وبنتعلم لغة، وأنا بدرس في الطب باخد حاجات باللاتيني وباحفظ أسماء مغربي، وبنبعد عن القرآن والسنة زاهدين، مش شايفين إن دي هتحل لنا مشاكلنا.
يلقي قوة ارتباطك بالنص هتديك نور، تخليك إنسان منور، وربنا سماها -أنت تشوف أوصاف القرآن في القرآن- هدى، وبصائر، وبينات، ونور، وروح، وآيات. تخيل لما ربنا يسمي القرآن كل ده ليه؟ يعني القرآن ربنا بيقول لنا القرآن ده بصائر ونور، طب اعكس الكلام ده! يعني اللي من غير قرآن ضلال، وظلام، وموات، وضياع، ده من غير القرآن.
لكن المشكلة إن إحنا ما بنديش نفسنا -يعني لما تنظر للحياة من خلال سورة الملك- اختار سورة الملك، اقرأ سورة الملك، اقرأ سورة الملك بس اقرأ سورة الملك في الأسبوع عشرين تلاتين مرة وصلي بسورة الملك، لنفسك مساحة وقتية بين الاضطراب والقرآن. سورة الملك تلاتين آية فيها ما يقرب من أرباعتاشر سؤال، يعني تقريباً نصها أسئلة، سورة بهز الدماغ، سورة أسألك: ﴿فَمَنْ يَأْتِيكُمْ بِمَاءٍ مَعِينٍ﴾ [الملك: 30]، أأمنتم من في السماء؟ من مين؟ مين اللي لك جند؟ تخيل أنت بأقرأ: ﴿مَا تَرَى فِي خَلْقِ الرَّحْمَنِ مِنْ تَفَاوُتٍ﴾ [الملك: 3].
تخيل لو سورة الملك بس تحولت إلى شعارات في حياتك! أي خبر بتتلقاه بتجاوبه بسؤال من أسئلة سورة الملك، وسكينتك وطمأنينتك. يا جماعة زي ما بنقول، وبأقوم بيخاطب بني آدم متكامل له مشاعر خوف ورجاء بيتغلغل، يعني زي ما ربنا قال على آيات القرآن وتأثيرها بيوصل إنه تقشعر، تقشعر ديت مشاعر كامنة جوة جداً، القرآن بيدخل جوة ويستخرجها.
الكلام ده مش كلام بلاغي، ده كلام حقيقي، لكن إحنا ما بنديش نفسنا فرصة نعيش مع القرآن للأسف، للأسف دي مصيبة إحنا ما بنديش نفسنا فرصة نعيش مع القرآن، فبنبني تصوراتنا من خلال أفكار، أفكار يعني إيه؟ يعني معلومات معلومات جامدة لا روح فيها، رقم واحد كل ده سهل التصرف، رقم اتنين للاسف الأفكار ما هي ممكن تقابل بالأفكار.
لو أنت مش محصن ما تحاولش، عندك العقيدة الفكرة تتخبط بفكرة، ولو أنت مش متحصن عقيدياً ما عندكش يعني أنت لو أنا العقيدة اللي جوايا هي آية في كتاب الله، لو الدنيا اتطرقت يقولوا اللي هم بيقولوه ده كلام ربنا، ده كلام ربنا أنا يعملوا اللي يعملوه، ومن يعني لطف الله بنا إن تقريباً أغلب المصطلحات: فسق، الكفر، الجهاد، الولاء والبراء، النصارى واليهود، كل دي مذكورة في القرآن.
آخر المصطلحات اللي عمالين يلعبوا فيها وعايزين يشيلوها، ويعني في حرب مصطلحات دلوقتي، المصطلحات بتحارب بتمنع إن هي مذكورة ومنصوصة في القرآن نصاً، كده إحنا ما بنديش نفسنا فرصة إحنا هنعيشها مع القرآن.
إحنا قضية بلال فضل لما أتكلم في مسألة «تيف جوبز» وقال إن الإنسان ممكن إن هو أي دين، وأنه يدخل الجنة، وأن إنتم حكمتم علينا إن هو دخل النار وكده، طب ما هو قال: أنتم حكمتم عليه منين إن هو داخل النار؟ والراجل قدم حاجات للبشرية، والراجل قدم، أنا عايزك تعمل خاتمة، تعمل خاتمة ترد على بلال فضل، أنا طلعت ما يقرب من مية وعشرين آية، آية نصاً مش تعريضاً، لأن هي إيه الفكر اللي بيتكلم فيها بلال أصلاً؟ هي إيه الفكر اللي بيتكلم فيها؟ هو الفكر إنك لازم تفهم إن القرآن ده الكتاب الخاتم والنبي صلى الله عليه وسلم النبي الخاتم، وأن الدين ده جه ناسخ لكل الأديان السابقة، أي حاجة غير الإسلام لن تقبل، وأن أي دين تاني محرف، وأن اللي هيسيب الإسلام ده يبقى كافر، وأن في ضوابط معينة أي حد مش هيفعلها هيبقى كافر، دي الفكرة اللي بيتكلم فيها أبو الفضل، دي اللي أنا قلته ده كله عكس اللي هو قاله، يعني لو اقتنع باي كلمة من اللي أنا قلته يبقى هو يتراجع، طب هو اقتنع باللي انا قلته ازاي؟
شوف عشرات الأدلة في القرآن، إحنا مش حافظين غير: ﴿لَقَدْ كَفَرَ الَّذِينَ قَالُوا إِنَّ اللَّهَ ثَالِثُ ثَلَاثَةٍ﴾ [المائدة: 73]. كتيب اسمه الطريق إلى القرآن، بتاع إبراهيم السكران -مش عارف أنت قلت لهم عليه، آه- في مقالة فيها تقريباً اسمها تطور الطريق، طيب يا ناس تحاول تجيب، في مقال اسمه تطور الطريق.
آه تطاول الطريق ده، إبراهيم السكران ده -أنا مش فاكر اللي قلت لكم عليه ده- ده كان كاتب ليبرالي وراجل مثقف جداً وقاري دساتير العالم ولافف ومع اللغات وسعودي، وكان ليبرالي يعني، كان بيطعن في الإسلاميين، وأخر مقال كتبه طعن في الإسلاميين اسمه مآلات الخطاب الديني، بيخوف السعودية إن لو استمر الخطاب الديني بالتصعيد اللي فيه السعودية تحول إلى بلد إرهابي وو، فربنا قدر له إنه إيه التزم، وجاب كتب شيخ الإسلام ابن تيمية قرأها كلها بل حفظها، يعني راجل فظيع، وبعدين أول مقال أو كتيب كتبه رد على على خطابه بتاع مقالات الخطاب الديني، عمل كتيب اسمه مآلات الخطاب المدني.
فظيع يعني الكتاب ده أو الكتيب ده فظيع، بتاع مقالات الخطاب المدني ده مبهر، وبقى طبعا الليبراليين بدأوا ينزلوا فيديوهات إن أنت أنتكسات، وأن أنت مش عارف، والله أنا شفت الكلام يعني بتاعه إن إبراهيم السكران أصيب بالخطر والخبل، وتحول إلى خروف كالعادة يعني، اللي هو الايه الوصمة اللي بيحبوا يقولوا عليها إيه؟ إن هو إحنا خرفان، فقالوا: تحول إلى خروف، وأن إيه ابن تيمية ضحك عليه ومش عارف إيه.
آه أنا قرأت تعليق الليبراليين على مآلات الخطاب المدني، ما فيش ولا واحد علق على كده، يعني ما حدش جاب كلامه وفنده، أصل هو بيخاطبهم من عقر دارهم بقى، يعني له مقالة اسمها ليبراليون وليبراليات، مقالة برضه على هو مستقصدهم بقى، هو ماسكهم، العجيب إنه ده اللي انا عايز أنا بقول أنا بستطرد ليه في إبراهيم السكران؟ عشان برضه أقول لزماتي نقطة مهمة والأخوة نقطة، بالرغم وله كتاب كتيب رائع اسمه مفاتيح السياسة الشرعية، أي حد عايز حاجة الشرعية كتاب سهل وبسيط وعايز يسقف نفسه ويبقى عنده أي نبذة كده في الأستاذ شوية اقرأ الكتاب ده، كتيب اسمه مفاتيح الأستاذ السريع، الكتاب لا يتجاوز تلاتين صفحة، لاما أغلب القضايا الشرعية بتأصيل رائع وكتيب مبهر يعني وبسيط يعني.
آه إبراهيم السكران دوت شف اقرأ له كتاب الطريق إلى القرآن، شايف -آه- في مقالة مثلاً اسمها تطور الطريق، شايف إن الإيغال في الجانب الفكري بيطور الطريق مش بيأصله، وأن الحل هو في القرآن، حتى في ختام المقالة بيقول -هو بيقول في أولها- أنت لازم تضع الناس ودي نقطة عشان بلال فضل: تضع الناس أمام خطاب الله مباشرة لا أمام خطابك، فإما أن يوافق وإما أن ينافق، يعني هو بيقول كده: إما أن يوافق وإما أن ينافق؛ لأن ده مش كلامي، أنت ما عندكش الحجة إنك شارب آيات القرآن فتعرف تحطه أمام خطاب الله، يعني كلام الله يأتيه الباطل من بين يديه ومن خلفه، كلامنا بيأتيه الباطل.
شف شف كلام الله في السنة، الناس دلوقتي في السنة المتكلمين وفي السنة تجده قليل جداً، لذلك فيه لغم كتير جداً: ﴿وَقَالَ الَّذِينَ كَفَرُوا لَا تَسْمَعُوا لِهَذَا الْقُرْآنِ وَالْغَوْا فِيهِ﴾ [فصلت: 26]، إحنا اللي بقينا نلغو في القرآن، يعني كان كان زمان كلامهم عبارة عن حواشي على الآيات، إحنا بقى دلوقتي عبارة عن معنا شوية آيات بنحشي بها على كلامنا، الخلط المفهوم ده هو اللي عمل الإيغال في الجانب الفكري، يعني أنا باجيب لك مثلاً أنت أما تيجي تقرأ له ومفاتيح بيقول لك وفي دستور كذا قالوا كذا، وفي دستور، يعني راجل مثقف جداً وفكرياً بيقول لك مبهر، وبالرغم من كده شايف أما قرأ القرآن بيقول في ختام المقالة: أعطني رتمة واحدة بتدبر، أعطيك إنساناً ملتزماً مؤمناً سنياً يؤمن بالله والدار الآخرة، أنا مش عايزك خاتمة واحدة بترد، فهي دي المشكلة إن إحنا زي ما اللي حصل عندنا تضخم رهيب في الجانب الفكري والجانب المادي، وأحنا تأثرنا بده لأن إحنا عايشين في المجتمع ده، ابتعدنا ابتعدنا عن قضية الغيب، ابتعدنا عن الدار الآخرة، فبقى كلامنا تحليلاتنا غلط.
يا جماعة إحنا مش شايفين الحياة صح، إحنا مش شايفين الحياة صح، إحنا لما نجي نقرأ القرآن، القرآن بيعظم أشياء إحنا مش معظمنها، نيجي أما بنسمع أخبار بنخاف ونعظم أشياء القرآن مش معظّمها ولا حاجة، مش معظّمها.
فيه كتيب أنصحكم به، كتيب صغير كده في دار السلام اسمه الفجور السياسي، بتاع دكتور فريد الأنصاري. الفجور السياسي؟ آه. الفجور السياسي، الكتاب ده إنه بيعرفك السياسة وصلتنة لإيه؟ يعني إيه أن إحنا عمالين نضخم في حاجات يا جماعة -معلش أنا يعني أنا لما بقعد أتفرج على الأخبار وأخبار الأحزاب والإخوان والسلفيين والناس والليبراليين والمجلس طول، وبعدين أنزل سيتي ستارز- إيه يا جدعان! أنتم عايشين في الوهم ولا إيه! أنا مش قادر أتخيل هو أنتم في إيه؟ يا جماعة اعملوا حملة عن الصلاة، إحنا بنلعب ماشيين غلط إحنا خارج الملعب لأن إحنا ما نقراش قرآن، إحنا مش معظّمين ما عظّمه الله.
شف القرآن بيتكلم عن الصلاة إزاي؟ بيتكلم عن الغيب إزاي؟ إحنا عادي عندنا واحد بقينا نقسم الناس تقسيم سياسي، فلول ومش فلول، ما بقيناش نقسمهم تقسيم إيماني، يعني إحنا زمان: آه ملتزم، طب العقيدة؟ التقسيمة دي اتلغت خلاص، بقت تقسيمة دلوقتي إيه؟ فلول ولا مش فلول؟ أقرب منه وأبعد، بعده عني وقربه مني على حسب ما يعتنقه سياسياً، على حسب يدي صوته لمين، فبيقترب مني أو يبتعد، ده خلط رهيب جداً في أصول الإيمان اللي في القرآن.
تيجي تقرأ القرآن تجد القرآن بيعظم حرمة الله عشان الربا، عادي دلوقتي، عادي أنت ممكن لو واحد معاك في الحزب الإسلامي وبيطلع يأصل مثلاً -أنا مش بقول إنه وحش أنا بدي مثال- مثلاً زي معتز عبد الفتاح يطلع يأصل مثلاً لأهمية نعم للدستور، ويعمل حلقات في قناة.
جزيرة علامة منصور، فأنا كده عبد الفتاح وغيري. حبيبي ليه؟ عشان بيقول نعم في الدستور.
طيب، معتز عبد الفتاح بعد كده قال: آه، زعلان من الرئيس في اليومين دول في ذكرى، لأ، متفتح كده بقى انتكس. الله! هو انت دلوقتي بتقيم على أساس إيه؟ يعني انت بتقيم على أساس إيه؟ المشكلة أن ده تصدر لنا احنا، فبقى احنا بنعزم يعني كلمة الربا ما عادتش عظيمة في صدورنا. ما عادتش عظيمة، في حين القرآن قال عليها حرب.
ده أبو حنيفة بيقول: ﴿اتَّقُوا النَّارَ الَّتِي أُعِدَّتْ لِلْكَافِرِينَ﴾ [آل عمران: 131] في آل عمران دي جات مع الربا، تكون الربا ضعفا مضاعفا. اتقوا النار التي أعدت للكافر. أبو حنيفة بيقول: هذه الآية أشد آية عذاب في القرآن؛ لأن ربنا قال: أيها المؤمنون اتقوا النار التي أعدت للكافرين. يعني المؤمن اللي هيتعدى الربا هدخله النار بتاعت الكفار. يعني ربنا بيقول إن في النار درجات، درجة خاصة للكفار ما بينزلهاش أهل الإيمان أصحاب المعاصي. الوحيد من أهل الإيمان أصحاب المعاصي اللي هينزل الدرجة دي بتاع الربا.
شوفي شوفي القرآن بيعزم عندنا مش عظيم. الربا عندنا مش عظيم بقى، مسألة خلافية من الفروع، فاحنا ما بنبنيش عقائدنا من دخول القرآن ولا السنة أصلا، ما بنبنيهاش، هي دي ده اللي أنا قصدي عليه؛ لأن الإيغال في الجانب بيعمل خلط في المفاهيم، ويجي واحد بفكرة أحسن، يعني طلاق ببري، وعمالين نهلس. يعني أنا تعجبت من الردود دي، حتى من الردود اللي كانت على بلal فضل، يا جماعة ما حدش عارف يرص له عشرين آية في وشه ويقول له كلام ربنا أنا مالي، أو أنت. أنا فكرت أقول له: أرجو أن تفسر هذه الآيات، أنا مش هقول له اقرا تفسير، اللي أنت عايز تفسرها فسرها بيه. أصل هيقرأ من واحدة يلاقي التانية، وأنا عارف ربنا قال لي إن أنت هتلاقي آيات في القرآن تستدل بها، أنا عارف، ما ربنا قال كده: ﴿مِنْهُ آيَاتٌ مُحْكَمَاتٌ هُنَّ أُمُّ الْكِتَابِ وَأُخَرُ مُتَشَابِهَاتٌ﴾ [آل عمران: 7].
فأما الذين في قلوبهم زيغ فيتبعون ما، أنا عارف أن أنت في، بس أنا عندي محكمات، احنا محكمات وقعت من هنا، ضاعت من هنا. ما حدش، عشان كده بقى النقطة اللي كنت عايز أقولها: الرباني هو الذي زي ابن عباس قال: يربي الناس بايه؟ بصغار العلم قبل كباره. قس عليها بقى، وبصغار الفقه الفكر قبل كباره، وبصغار الهموم قبل كبرها، وبصغار الأحوال قبل كبرها، وبصغار الأخبار قبل كبرها. احنا عندنا تشوه في تربيتنا، تلقينا هموم مش بتاعتنا، فقعدنا ندور لها على حلول مش عندنا.
هلسني، وأنا مش بالوم اللي وقع في الغلط ده، أنا بالوم برضه اللي فوقه اللي هو إيه؟ ما وضحلوش الجانب ده. فيه نقطة معلش، أنا ممكن بذكر أسماء مقالات، أنا مش عايز برضه أتوهكم، في مقالة للشيخ الطريفي، العلماء وقصور الرسالة، يوضح فيها أن التصور العلماني اللي وصلنا له، احنا ساهمنا في نشره، تصرفاتنا الإسلامية ساهمت عملت أرض خصبة لانتشار الفكر العلماني. يعني احنا قصورنا في فهم الدين خلانا نوصل للناس أن الجانب العلماني عاملة له بيئة خصبة. الفساد يا جماعة احنا ما بنبنيش عقائدنا من خلال القرآن، بنبنيها من خلال الأفكار، ما بنديش لنفسنا وقت نعيش مع عقائد القرآن، والقرآن زي ما بنقول بيطرح، التعامل مع القرآن إنه بيطرح حقائق، القرآن مش بيطرح أفكار، يعني القرآن مش بيطرح فكرة، يعني قضية أن الذنوب سبب الهلاك، دي عقيدة يجادل فيها اللي يجادل.
ربنا أخبر عن عشرات اللي أهلكوا في القرآن بسبب ذنوبهم، فكلا أخذنا بذنبه، ﴿ظَهَرَ الْفَسَادُ فِي الْبَرِّ وَالْبَحْرِ بِمَا كَسَبَتْ أَيْدِي النَّاسِ﴾ [الروم: 41]. دي قاعدة، دي سنة، احنا لما أنت الوقتي بقى عندك خجل في طرحها، يا جماعة بس احنا احنا محتاجين نقرب أنت متخلف معاه، يعني هو أوروبا خلاص، أنا ما انت فهمتني غلط، أنا قصدي أن من عوامل قرب ربنا الاجتهاد في الدنيا، يعني أيوه، إذا كان قصدك كده ماشي، أيوه صح؛ لأن أنت ما بتروحهاش من خيال القرآن، أنت يعني وشايف والحل.
طب اقرأ المفكرين الإسلاميين، دايما طرحه مش عايز أقول الأوحد، طرحه الأعظم في أن الأمة دي تنهض مرة تانية هو حل واحد بس: الاجتهاد الدنيوي لا غيره. والاجتهاد الدنيوي صناعة الحياة وبرنامج النهضة، وإيه يا جدعان؟ يا جدعان، ماشي أنا ما قلتش حاجة، وهو الدين قال لك سيب ده بس؟ هو فين فين الناس من دين ربنا؟ يعني أنا عايز تتخيل كده صحابي مش مشهور بعيد عن متاخد بيقول له: أنتم عايزين ايه؟ قال له: جئنا لنخرج العباد من عبادة العباد إلى عبادة. هو فاهم ليه؟ أنا هديكم مثال معلش لو تسمحوا لي، إيه يعني إيه؟ أنا حاسس أن أنتم نايمين صح.
أديكم مثال عشان تفهموا أنا قصدي ايه، أنا بقول خطورة تلقي الأفكار من من بعيد عن القرآن رقم واحد: إن هي بتبقى ميتة لا روح فيها، رقم اتنين: سهلة الانكسار وتيجي فكرة، رقم تلاتة: قضية مهمة الكليات والجزئيات. هوضحها ازاي؟ من كام يوم كده كنت بحضر مناقشة لواحدة زميلتنا عندنا في القسم، أنا قسم أدوية في كلية طب، فعملة رسالتها في موضوع مش تبعنا قوي، تبع بتوع الباطنة، فاللي بيناقشها أستاذ باطنة مش من كليتها، خلاص فانا عشان بس الأطباء يبقوا.
هي عاملة حاجة عن مرض منتشر في، مسمينه حتى يعني؛ لأن هو متداخل في خمسين ألف حاجة، وده بيقولوا دلوقتي بقى ايه، أو هيبقى يعني السبب الأول للوفاة في مستوى العالم الوقتي نتيجة حياة الرفاهية والأكل والبرجر والحاجات دي. فهو بيناقشها، هي عاملة رسالة كبيرة وضخمة وباذلة فيها مجهود فعلا يعني. فقال لها: بصي يا بنتي، الرسالة ديت، يعني الرسالة ديت هي مش تجريب عملي، ده هي رسالة نظري، بيسموها يعني نظري، مش بلاقي، الرسالة ديت نظري، أنا مش، أنا اللي يهمني أنك تبقي فاهمة. أنا بقى هشوف أنت فاهمة ولا حاطة معلومات جنب بعضها دي أبحاث قيمة. قعد يناقشها، أنا طبعا أصلا وانا قاعد افتكرت حديث من نقش الحساب عزمي. آه والله، فعلا ما ندوقش حسابه! أول مرة في حياتي أحضر مناقشة، أنا حتى الحمد لله ما حصلش معايا كده، يعني مسكها ساعتين صفحة صفحة، هي عيطت وأول ما دخلنا خلصنا قامت عيطت، ما تستحمليش. فالمهم الشاهد، أنا طلعت من اللي أنا فهمته: أن بتاع الباطنة دارس الموضوع من فوق، هي واخدة معلومات جنب بعضها، يعني دوت بيعمل كذا قامت جايبة الدواء بيعمل كذا، طب كذا جه منين؟ مش عارفة، طب والدواء بتاعك ده مرحلته إيه؟ مش عارفة، طب ده في العلاج الخطوة دي قبل ده ولا بعديه؟ مش عارفة. يقول لها: أنت كاتباها؟ قلت له: أنا كاتباها، يقول له، يقوم فاتح لها صفحة مية: أهو! آه، هي كاتبة معلومة في صفحة عشرة، إيه! ما درستش الموضوع من فوق، غير لما بتاع باطنة مثلا احنا نناقشه في دوت بنبقى احنا أفقه منه واحنا دارسين الموضوع من فوق. هو دارس نبذة الغرامة.
لا، لا، هو أنت شايفه في الدين؟ يعني أنا شفت المثال ده فاستحضرت أن بتلاقي أخ أول ما بيلتزم بياخد معلومات جزئية جنب بعضها، هو مش فاهم الدين، إيه هو الدين؟ ده نعمل إيه يعني؟ إيه اللي يبقى جوايا يعني؟ اه، ويقعد يسأل: اعمل إيه أبقى كويس؟ اعمل إيه؟ حاضر، إيه كمان؟ كذا، حاضر. كتاب متين، سؤال وجواب، خلاص، أنا في سؤال المية دلوقتي. إيه هو؟ خلاص، هو عمال يجي معلومات جنب بعضها. طب إيه الدين؟ وأنا، أنت إيه رايح فين والناس والحياة والدنيا، إيه الكلام ده يعني؟ طب ما تقرا القرآن، ما هو احنا بقى لو الدين النظرة الكلية دي مش موجودة غير في القرآن، النظرة اللي على الدين من فوق عشان تفهم إيه اللي عظيم في الدين وعلاقات الناس ببعضها الاجتماعية، إيه اللي عظيم فيها، وعلاقتك بالاخر، طروحات تسمية الآخر، اسمه إيه في القرآن؟ والإنسان يبدأ يبتعد من الإيمان ويقترب منه إزاي؟ والدنيا دي إيه اللي ممشيها؟ وإيه اللي يوقفها؟ وإيه اللي يبوظها؟ وإيه إيه العلاقات دي كلها مش موجودة غير في القرآن.
يعني أنا عايزك مثلا اقرأ سورة يوسف، اقرأ سورة يوسف وأنت بتبص للحياة مش معلومات، مش واحد دخل السجن وخرج وتاه ولقوه، لأ، يعني إيه؟ أنا مش عارف، مش عايزك تتعامل. أنا عايزك تموت، تقرأ سورة يوسف، شوف، ﴿وَمَن يُدَبِّرُ الْأَمْرَ﴾ [يونس: 31]، شف أن، يعني أما تيجي تبص أنا قعدت أجمع كده الأفعال التي نسبت إلى الله في سورة يوسف، تلاقي إيه؟ نرفع درجات من نشاء، نصيب برحمتنا من نشاء، يوسف، ﴿مَكَّنَّا لِيُوسُفَ﴾ [يوسف: 56]، إن ربي لطيف لما يشاء، هو أرحم الراحمين، هو خير الحاكمين.
انت لو طلعت بالعقائد دي، لو المعاني دي اللي أنا قلتها دي بقت عقيدة، واللي لا يفعلها إلا الله، تلاقي كزينب كده في مكة مسند ظهره إلى الكعبة فجاءه خباب: ألا تدعو لنا؟ ألا تستنصر لنا؟ الدنيا بتولع. كوبري ستة أكتوبر بقى واصل، والدنيا، قال: هتدعو لنا؟ قالت، وخباب في ظهره حفر من التعذيب. فالنبي صلى الله عليه وسلم قال: إنه كان يؤتى بالرجل من قبلكم، والحديث والله من الله هذا الأمر، وبعدين يرجع يسند ظهره بالكعبة. الهدوء ده جه منين؟ لأن دي حقائق عنده.
أنا أول مرة يعني برضه لما تيجي تقرأ القرآن، يعني عشان تفهم برضه إزاي تعيش مع القرآن، يعني تخيل لو في سوريا مثلا في الجهاد، ربنا يعجل بنصرهم يعني، ده في شيخ بيلقي خطابات جهادية قبل كل سرية، وبعدين سوريا اتحررت وربنا فتح عليها وبنوا دولة، وبعد ميت سنة جابوا الخطابات دي يشرحوها لل إيه؟ للناس. لو الناس مش مستحضرين الجو اللي قيلت فيه، مش هيبقى ليها إيه؟ الأثر فيستغربوا، ييجوا يقروا على الناس الخطابات اللي كانت بتولع، يلاقوهم إيه؟ بيحللوها بلاغيا، بيتعاملوا معها، آه، الله، ده اللي يقول لك البلاغة الصوتية في، في، يعني الخرف، الخراف دي كانت بتولع ناس، خليه يروح يرمي نفسه ويتقتل.
فهو القرآن كده، القرآن نزل في واقع حركي ملتهب، يعني القرآن نزل والصحابة معرضين للإبادة الجماعية، وجات لهم سورة اسمها البروج اللي كلهم ماتوا، يعني ده ممكن يحصل، قتل أصحاب الأخدود، وربنا يقول في آخر السورة: مش مهم أنتم تموتوا، بل هو قرآن مجيد في لوح، المهم المنهج محفوظ. تخيل الأبعاد اللي تربوا عليها الصحابة.
لما تقرأ سورة يوسف بالمعنى، أنت عايش في آخر مكة ومش عارف تدخل الشام، طب هتحاصر، طب محاصر اقتصاديا، طب اللي راحوا الحبشة حصل لهم إيه؟ ما انتش عارف. طب هترروح فين؟ الطائف تروح التجربة مش ناجحة، طب هنعمل إيه؟ يعني إيه اللي ممكن؟ وتيجي تقرأ سورة يوسف. وأول مرة أخد بالي أن نفس اللي حصل تقريبا مع سيدنا يوسف هو اللي حصل مع النبي صلى الله عليه وسلم؛ لأن في الآخر ربنا مكن لسيدنا يوسف وجم أخواته يعتذروا له، وقبل عذرهم وقال: لا تثريب عليكم اليوم نفس الكلمة اللي النبي صلى الله عليه ل إيه؟ لأهل مكة: اذهبوا فانتم الطلقاء.
القضية أن ربنا بيقول للنبي صلى الله عليه وسلم: سنن أنا هوصلك، مش مهم إزاي؛ لأن سيدنا يوسف بيقول في آخر السورة: ﴿إِنَّ رَبِّي لَطِيفٌ لِمَا يَشَاءُ﴾ [يوسف: 100]. يعني ربنا اللي بيشاء وبوصلك له بلطف ما تعرفش إزاي. إزاي سيدنا يوسف في السجن يبقى الملك؟ ما تعرفش. النقلة دي ما لهاش سبب واحد، يعني الناس معتقدة أن لما القذافي مات عن طريق التدخل الأجنبي، يبقى الحل الوحيد أن بشار يموت هو ال إيه؟ لأ يا جماعة، ما نفذت كلمات الله. ممكن يموت ببوضة، يعني ممكن بعوضة تدخل، يقعدوا يضربوه بالجزم لغاية لما يموتوا، يعني إيه؟ ده اللي حصل مع النمرود، أنت ما تعرفش هو ممكن ينتهي إزاي، ما نفذت كلمات الله.
احنا أن احنا لما بييجي سبب لحاجة، بس هو الحل في ال إيه؟ يعني الحل دلوقتي لتغيير أي ظالم هو الصورة. مين اللي قال؟ فيه ألف وسيلة ووسيلة، يعني ما نفذت كلمة الله. فالشاهد، ربنا بيقول للنبي صلى الله عليه وسلم: أنت هتبقى سيد على أهل مكة، وهيجوا يعتذروا لك، ما قلوش في الصورة إزاي، هو كان أهم حاجة الصورة ترسخ عنده إيه؟ عقيدة أن الله قادر. وسبحان الله، نفس اللي حصل مع سيدنا يوسف أول لما خلاص جه أخواته وسرير الملك وكل حاجة، قال إيه؟ ربي قد آتيتني من الملك وعلمتني من تأويل الأحاديث، فاطر السماوات والأرض، أنت ولي في الدنيا والآخرة، توفني مسلما. وأحسب بقرب الأجل وكانت السورة اللي هي علامة قرب أجل النبي صلى الله عليه وسلم سورة ال إيه؟ إذا جاء نصر الله والفتح. يعني لما تدخل مكة برضه أنت كمان هتقول إيه؟ توفني مسلما.
ونفس سبحان الله! ده في مكة النبي كان عارف أن ده اللي هيحصل، هو عنده عقيدة اللي هيحصل، إزاي؟ بدليل أنه راح جرب الطائف: ولو كنت أعلم الغيب لاستكثرت من الخير ومسني السوء. فالقرآن مش القضية في قضايا تخطيطية؛ لأن دي سهلة، القرآن بيرسخ قضايا عقل، قضية يحول المعلومات، يعني قضية الرزق أخطر القضايا المطروحة الآن في الواقع، الناس قلوبها بتطلع وبلغت القلوب الحناجر وبتنزل مع الدولار، يعني ارتفعت قلبه إيه؟ قلت له: لما بينزل تلاقيه بدأ يهدي نفسه، المؤشرات، مؤشرات الإيمان بتلغى فيها تناسب عكسي مع.
في حين غلا السعر، الأسعار غلت، البضاعة شحت في عهد النبي صلى الله عليه وسلم، فلما البضاعة شحت الأسعار اتقلت. فغلى السعر في عهد النبي صلى الله عليه وسلم، فذهبوا إلى الرسول وقالوا: يا رسول الله، الناس اللي عايزة تشتري، المشترين راحوا قالوا: يا رسول الله، سعر لنا. عارفين الحديث؟ يا رسول الله سعر لنا، يعني يحط لنا إيه؟ حط لنا تسعيرة. فقال النبي صلى الله عليه وسلم: «إن الله هو القابض الرزاق، إن الله هو المسعر». إيه علاقة الجواب بالسؤال؟ القضية أن اللي هم المشترين اللي راحوا مش البائعين، اللي حصل ده مش نتيجة احتكار، ده حصل نتيجة ظروف إيه؟ قدرية، أن في أزمة اقتصادية عالمية ففي بضاعة شحت فالأسعار غليت. فالنبي صلى الله عليه وسلم أهم حاجة عقيدتهم، هي القضية مش في السعر، أهم حاجة تعرف أن اللي بيحصل في السوق ده بترتيب ربنا. شوفي النبي صلى الله عليه وسلم ربط قلوب التجار بالله، أن المؤشرات ارتفاعاً وانخفاضاً أن الله هو القابض، أي يقبض الأرزاق فيزداد السعر، أن الله هو الباسط، أي يبسط الأرزاق فيقل السعر، أن الله هو الرزاق بدون أسباب، أن الله هو المسعر. فبالتالي نتيجة أن الله هو الآيه؟ المسعر، يعني ربنا اللي بيحط السعر مش معناه أن ربنا بينزل وحي بالسعر، لأ، هي دي أن الله هو المسعر. فشوفي استغلال الحدث ربط عقيدة الناس، هل إحنا ده لما بنطلع نتكلم في الأزمة الاقتصادية كل قضيتي أن الناس توقن أن الله الرزاق؟ ولا كل قضيتي أن ما يقولش أن مرسي وحش؟ وأن مرسي مش مسئول عن دولار؟ أنا المفروض أنا كإنسان مؤمن عايز أعبد الناس، أنا عايز اللي ماشي في الشارع ده ومكتئب وقرفان ومضايق أقول له: ليه ما بتقولش؟ لو قال يا رب يبقى أنا نجحت، لو حط صح على مرسي وما قلش يا رب يبقى أنا فشلت.
عمر بن الخطاب أول لما مسك عزل خالد بن الوليد، ليه؟ ليه عزل خالد بن الوليد وحط أبو عبيدة، طب ما خالد منتصر، ليه عايزة الخدمة دي؟ عشان قلوب العباد. أنا مش وظيفتي أن أنا أفتح البلاد، مع فرحتي لما أفتح البلاد والناس ترتبط بقطب خالد بن الوليد هم. عمر بن الخطاب عزل خالد وقطع الشجرة بقى اللي فيها البيعة، مش عايز. شوفي سيدنا عمر فاهم الدين، دي عالم مراد الله منه أنه يعبد الناس لله، أن قلوب الناس ترتبط بالله. هل أنا أصلاً قلبي مرتبط بالله؟ يعني أنا حصل معي موقف دلوقتي في المعرض، الواحد للأسف طب أنا باخد باخد الرخصة وجمع وقصر ومش قصدي للأسف أنا باخد بس الشاهد يعني إيه فبكسر وبجمع فالواحد الصلاة ضعيفة يعني ولا في المعرض الصلاة مش يعني أنت إيه المفروض بقى تصلي بخشوع وتدعو الله عز وجل وتطيل في الصلاة؟ ما صلتش كده، ليه؟ مستعجل عشان إيه؟ تجري ومن المكان ده للمكان، في حين أن أنا بقرأ عشان أعرف أصلي.
يعني المفروض العلم يورث الآيه؟ الخشية. لما العلم ده يشغلني عن الخشية، يبقى دي مشكلة، يبقى يا جماعة إحنا لازم نفهم مراد ربنا مننا. تقييم الناس يوم القيامة غير ما إحنا بنقيم الناس: خافضة رافعة، المفكر اللي ما يربطكش قلبك بالله ده بيبعدك عن ربنا. يعني أنا يعني أنا أحيانا أما أجي أقرأ وألاقي دماغي بتسخن بقفل الكتاب، أنا مش عايز دماغي اللي تسخن، أنا عايز قلبي اللي يخشع، يعني أنا عايز قلبي يخشع. للأسف الواحد بقى حاسس أن هو كاره الكلام، مش قصدي يعني أنتم إخواتي وفاهمين يعني كتر الكلام الفكري بقى فعلا فيه نوع من السمادة، خلاص مش عايز أسمع كلام الفكر، مش عايز أنا عايز أسمع حديث عن النبي صلى الله عليه وسلم، عايز أسمع أهم آية أو حديث، عايز اللي يتكلم يتكلم من خلال الآية والحديث، زهقت من كلام البشر، كلام في كلام في كلام وهذا يرد عليه بكلام، الواحد زهق، عايز كلام رب البشر، عايز يرتبط بالله.
يا جماعة ده الواحد لما بقرأ فيه كمية معاني في القرآن إحنا بعيد قوي عنها. يعني شوفي سيدنا يوسف يقول له: ﴿وَقَالَ لِلَّذِي ظَنَّ أَنَّهُ نَاجٍ مِّنْهُمَا اذْكُرْنِي عِندَ رَبِّكَ فَأَنسَاهُ الشَّيطَانُ ذِكْرَ رَبِّهِ فَلَبِثَ فِي السِّجْنِ بِضْعَ سِنِينَ﴾ [يوسف: 42]. أنا ما بتخيل عشان إيه؟ عشان إيه؟ عشان قال له: اذكرني عند ربك. أنا متخيل بقى أنا ظني يعني ده إحساسي أن السنين ديت عشان يبقى فلما بلغ أشده واستوى. فلما بلغ جلده جت مرة مع سيدنا يوسف ومرة مع سيدنا موسى، بتاعة سيدنا يوسف ما فيهاش إيه؟ فلما بلغ أشده وبس ما شاء الله ما جتش ما جتش مع مستوى بتاعة سيدنا موسى ما فيش فيها مستوى، فما كانش لسه سيدنا يوسف هو إيه؟ واستوى. دي جت في أول السورة مع سيدنا يوسف قبل ما يدخل السجن. أنا متخيل بقى سيدنا يوسف فده بتفسير له سبع سنين خلاص يعني إيه أول أسبوع في السجن هيقول له بعد شهر هتلاقي بس إيه عقبال ما بيقول له يضبط شهرين هتلاقي بس إيه الكلام واللي لسه ما خدش اليونيفورم بتاعه مثلاً. أهو بس أنا أنا حاسس السنة دي بقى عارف يأس مما في أيدي الناس. عارف لما الحديث جاء رجل قال: عظني يا رسول الله وعظة لا أسأل أحداً بعدك غيرها؟ فقالت: صل صلاة مودع، أو صل صلاة كأنك لا تصلي غيرها. وفي رواية: يصلي صلاة مودع وأجمع اليأس مما في أيدي الناس. الفكرة الثالثة تقريبا خالق الناس، مش فاكر الثالثة يعني.
الشاهد وأجمع اليأس مما في أيدي الناس، فسيدنا يوسف بعد أنا حاسس أن بعد سنة خلاص ما عّدلش فيه إيه؟ مثلاً يعني ده كل ده أنا بقى متخيل في حد سبحان الله والحمد لله ولا إله إلا الله، تخيل بقى سنة مع ربنا في التسبيح والتحميد. فقعد عايش مع سيدنا موسى في مدين عشر سنين، سيدنا يوسف في السجن بضع سنين، والنبي صلى الله عليه وسلم في مكة تلتاشر سنة. بناء الإيمان ده يا جماعة مش مهم؟ أنا متخيل! طب ما ربنا قال والنبي صلى الله عليه وسلم قال لنا أن المهدي يصلحه الله في يوم وليلة، العالم على الشرك، طب ما كان النبي صلى الله عليه وسلم كفاية سنتين وخلاص بقى ويروح المدينة وخلاص بقى ونطلع للعالم؟ تلتاشر سنة لبناء هذه العقائد! سيدنا يوسف بتفسير النبي، أنا بقى متخيل سيدنا يوسف كده واحد يقول: سبحان الله! خلاص قلبه ما عادش فيه حد كله معرفة الله. في الآخر بقى إيه يقول: سبحان الله! الباب بيخبط، إيه اللي حصل؟ الملك عايزك، قال: ارجع إلى ربك، خلاص بقى. يعني في الأول هو اللي كان بيقول له إيه؟ اذكرني عند ربك، لما جه بقى وقال له ده الملك عايزك، قال له: ارجع إلى ربك فاسأله ما بال، مش طالع، فاسأله ما بال، مش طالع إلا لما أطلع بريء، يسأله ما بال النسوة التي قطعن أيديهن. ما بين اذكرني عند ربك وبين ارجع إلى ربك بضع سنين، هتحصل الكلام ده إمتى؟
المعاني دي لمين؟ المعاني دي مذكورة لمين؟ انشغل أن قلبي يبقى مرتبط بتدبر في آيات الله، حتى لما تيجي تقرأ في الفكر تشوف الصورة أن ربنا سبحانه وتعالى في الحضارات وأزاي بيزيل ويحطي ويمنع. شوفي جمع في خاتمة الأفعال المنسوبة إلى الله في القرآن، اختار أي فعل من أفعال الله: الملك ونزعه، الهلاك، الهداية والضلال، البسط والمنع، الرزق، الإحياء والاماتة، اختار أي صفة من صفات ربنا وشوف القرآن عالجها ازاي، اعمل لنفسك كده: الأفعال التي نسبت إلى الله في القرآن. شوف كده، يبقى القرآن لما بيجيب لك نظرة بيجيب لك نظرة من فوق، شوفي الدين من فوق، شوفي أفعال الله، مش هتلاقي ده غير القرآن. فلما إحنا نجي نتلقى كلامنا الفكري بعيداً عن القرآن، المفكر اللي تقرا له كتير تلاقيه قليل الاستشهاد بالنصوص، هذا فضلاً عن اللي ما بيستشهدش بالنصوص ده اه رئيس فكري سيبك منه حالياً. يعني أنا كنت في سير أحد المشايخ، أحد المفكرين، بس المفكرين الليبراليين يعني، وإن كان هو إيه؟ عامل تفسير، عامل تفسير للقرآن، آه عامل اسمه ولا مسموع عنه، أظنه مغربي ولا اسمه محمد عابد الجابري.
حد يسمع المهاني؟ الجبري ده آه بيقول في بعض كتبه يعني أن قد تكون في آيات فقدت أو في آيات موجودة في القرآن وبيجيبها، كلام فارغ يعني التاريخ بيفتح باب فظيع يعني للعب ولغي حاجات كتير. المهم يعني عامل تفسيره على حسب رسوم نزوله، فيه معاني إيمانية على فكرة حلوة، فالتفسير ده من فترة كده سألت عليه شيخ أحد المشايخ يعني بس بيقول له: أنا عايز إيه أقرأ أجيب التفسير ده؟ قال لي: فارغ بكتاب بتقرأه عشان تنقده؟ يعني عايز تقرأ نظرية أرسطو مثلاً في الفلسفة ماشي، طب تقرأه عشان تفهم الآخر عنده إيه فترد، أو تفهم جمالية الدين اللي عندك أو أو؟ ده له مجال، غير أنك تقرأ كمتلقي، كمتلقي لأ ما تجيبوش، أنت بقى مقيم، وهو بيقول لي: أنت براحتك، أنت مقيم مرحلتك، أنك تستطيع ده أنت حر، تستطيع أنك ما تبقاش متلقي أنك تبقى ناقد، أنت حر.
فهي دي الخطورة يا جماعة، أن أحياناً إحنا بنقرأ لمفكرين كمتلقين وإحنا مش وإحنا ما بنشعرش، فصادف قلباً خالياً فتمكنا. لو أنت ما عندكش التأصيل الإسلامي للفكرة اللي بتقرأ لها، يعني مثلاً في كتاب عامله واحد إنجليزي في فكر اسمه جون لوك تقريبا، عامل دراسة عن الأمر بالمعروف والنهي عن المنكر مجرد ضخم كده بـ 180 جنيه، كل الكتب الإسلامية اللي في كل المكتبات وأرى نظريات الناس وحللها، لما تيجي أنت تتلقى الأمر ممكن من كتاب زي ده خطر عليك اللي هو بيقرا وبيحلل. خدوا بالكم يا جماعة، في أفكار كده العالم بيترعب منها في الإسلام ومن لبها، ومن لب هذه الأمر بالمنكر ده هو والولاء والبراء والجهاد في سبيل الله. الولاء والبراء ده المسألة العقدية، الأمر بالمعروف التطبيق الداخلي، الجهاد ده التطبيق الخارجي. الثلاثية دي مرعبة، عكسها اللي عايزين تصدروها الليبرالية، الليبرالية هو هدم هذه المسلمات، الليبرالية كسر الحواجز، ما يبقاش اللي هو الخلط، اللي هو الجوزي معنا في اللي هو الآيه؟ كسر هذه الحواجز، آه، لقول فصل.
وحديث النبي صلى الله عليه وسلم لما يجي ملكان وهو نائم أم يقظان، قال: زنه، حديث طويل فيه: «وإن محمداً فرق بين الناس»، فرق يعني النبي صلى الله عليه وسلم جى يفرق بين الناس، يعني هيؤمن بالنبي صلى الله عليه وسلم هييجي هنا ولا مش هيؤمن؟ فرق بين أنه لقول فصل. هم عايزين يشيلوا هذا الفرق وهذا الفصل. فالشاهد، أنا ما ينفعش أتلقى مفهوم الولاء والبراء من مفكر ما عندوش ارتباط بالشرع، ما هذه العقائد الأساسية ما ينفعش تتلقاها. هتقول لي: ما أنا بقرأ، أنت بقى أدرى بنفسك، إنما أنت أحياناً تأخذ الأمر كمتلقي وأنت لا تشعر، هي دي خطورة أنك ما تأصلش الأصول، بل أنت بعد فترة من القراءة لكثير من المفكرين المبتعدين عن النصوص تجد أن الإنسان البسيط العامل مرتبط بالقرآن أكثر وأضج عقيدة منك، وعنده تحليل رباني للواقع أفضل منك. فعلاً تطال الطريق، كثرة الكلام الفكري بعيداً عن القرآن والسنة يطول الطريق عليه يطول، أنا بقى أعرف أقرأ فقه أولوياتي في القراءة، يعني أنا زي ما بقول بقى أنا أبقى إنسان رباني: ﴿وَلَكِن كُونُوا رَبَّانِيِّينَ بِمَا كُنتُم تُعَلِّمُونَ الكِتَابَ وَبِمَا كُنتُم تَدْرُسُونَ﴾ [آل عمران: 79]، أبني نفسي صح، نفسي يعني أرجو أن بلاش الإغراق في الجوانب اللي تبعد قلوبنا عن طاعة الله.
لما ربنا قال: ﴿أَمَّنْ هُوَ قَانِتٌ آنَاءَ اللَّيْلِ سَاجِدًا وَقَائِمًا يَحْذَرُ الْآخِرَةَ وَيَرْجُو رَحْمَةَ رَبِّهِ ۗ قُلْ هَلْ يَسْتَوِي الَّذِينَ يَعْلَمُونَ وَالَّذِينَ لَا يَعْلَمُونَ﴾ [الزمر: 9]. وتبقوا عارفين طبعا الاستنباط المشهور أن ده العلم اللي بيؤدي لده، اللي بيؤدي للقيام هو ده العلم، فكثير من المعلومات لما ربنا قال في أول آية اقرأ، قال في آخر السورة: ﴿وَاسْجُدْ وَاقْتَرِب﴾ [العلق: 19]. العلم اللي ما بيؤديش إلى واسجد واقترب ماهوش علم يبعد. كتير من في حد بيحزنوا كثير من النقاشات اللي بتضل الناس بدل ما بتزيدها إيمان وممكن يبقى يعني منسوب إلى أو هو راجل فاضل وكل حاجة بس المقام ده مقام رد شبهة، مش مقام بناء إيماني عند الناس، يعني المقام ده ما يتروحش أمام الناس كلها، ما ينفعش، النقاش الفكري البارد ده ما ينفعش، يعني لازم نرجع للصفاء الديني. في كتاب برضو أنصحكم به لدكتور فريد الأنصاري، كتيب اسمه جمالية الدين، بيطرح أن الدين جميل إحنا حولناه للأسف إلى يعني بقى إيه سواء عصاية أضرب بها المخالف، سواء مشكلة فكرية تصور فلسفي. طيب إزاي يعني الواحد وهو أثناء وهو ماشي في الجانب بس عايز يقرأ حاجة فكرية ما تسيطرش على كل اهتماماته، أنه يبقى له ارتباط بالقرآن قوي، وكل حاجة تاخد حجمها الطبيعي خاصة في الحاجات دي، الناس اللي تشوف هي الإشكالية خلينا نرد على مين؟ هي خلينا نبقى صرحاء، هنقعد ساعتين قاعد نتفرج على الفيديو فلان بيرد على فلان، ده هي دي إشكالية، خلينا يعني أنا زي ما كنت بتكلم على ده قلت له بصراحة كده: الطابع التعليمي بتاعكو والطابع الثقافي والنت خلى عندنا تضخم فكري فعزمنا المسألة دي، مم. الظروف، عارف يهودونا من نصره، الظروف بتغير من طبيعة، فالظروف دي عملت عندنا ضخامة عقلية، الفلاح عشان يوصل للإمام الخاشع المبكي.
مش محتاج كل الكلام اللي أنت محتاجه، أنت عدت محتاج كلام أكتر من اللي هو محتاجه ليه؟ هي ظروف عملت فيك كده فانت التضخم الفكري ده ما ينفعش تعدي بتضخم فكري زيادة، أنت كده بتدخل نفسك في اللي مش هتخرج منها.
أنت المفروض تزود الإيمان، المفروض تكثر من الغيب وتكثر من المقابر وتكثر من القراءة على الملائكة وقصة الشيطان مع سيدنا آدم والجنة، لأن أنت أساساً عندك تضخم فكري أساساً، الواقع اللي احنا نشأنا فيه من واحنا صغيرين وشايلين الشنط على أكتافنا ورايحين المدرسة احنا بنرضع دنيا وبنرضع ماديّاً وبنرضع كلام كلام.
فاحنا بقينا في أجسادنا وفي طريقة تفكيرنا إيه بيساوي إيه وإيه بيبقى، إن دي بقت في حياتنا، فالغيب قليل جداً جداً تصورات، فمحتاج أساساً محتاج تنمي، فلما تيجي تقرأ اقرأ كتاب فكري بس ما تنساش أن أنت أساساً عندك مشكلة فكرية، ما ننساش أن احنا الواقع اللي احنا فيه نخلي عندنا تضخم فكري.
أنت أصلاً المنطقة دي عندك ملتهبة محمرة، فما تقربش منها حاجة تزيدها التهاب، الواقع ده سهل جداً إلقاء الشبهات فيه، لأن أنت ما عندكش إيمان قوي ولا حاجة، أنت ما عندكش اتصال بالغيب، أغلب الشبهات هي أصلاً من واحد مش مصدق قوي بالغيب.
فأنت لما يبقى عندك يقين في الغيب مش هتحتاج رد على الشبهات دي أصلاً، هتلاقيك بتحرص على ما ينفعك، وهتلاقيك موفق، وهتلاقيك مسدد لطاعة ربنا سبحانه وتعالى، وهتلاقيك عارف إزاي بتمضي الأوقات في طاعة ربنا سبحانه وتعالى، وهتلاقيك إنسان مسدد في الاختيار.
إنما طول ما أنا مشغول بالكلام هبقى أنا عايز كلام قصاد كلام، مش هتخلص، خلاص؟ مش فاهم تسأل سؤال، اتفضل. هل في كرسي أنا عايش مع قرآن؟ هل مثلاً أفضل أقرأ أصلاً رصيد صفحات بتدبر بتكرار الآيات، الأفضل تختلف عن كل شخص بس ما فيش غنى عن يعني هو عن طول القيام، ما فيش منها ما فيش منها طول القيام.
والقيام بيتحدد أنا رأيي بوقت، يعني مثلاً الليلة دي ساعة مع سورة الملك، مثلاً مش قادر خلاص الليلة دي ساعة مع سورة ق، مش قادر خلاص طول في السورة، إنما عندك وقت طويل لهادئ بتقرا الآيات وتسيبها تنزل على قلبك.
مع بقى أنك تقرا في الظلال تقرا في الساعة دي تقرا في حاجات في معاني إيمانية وترجع تقرأ القرآن عايز وقت.
طيب، معلش يا محمد.