د. أحمد عبد المنعمبسم الله والصلاة والسلام على رسول الله صلى الله عليه وسلم. مجلس اليوم هو محاولة أن نبحث عن قواعد تساعدنا للاستفادة من كتاب الله سبحانه وتعالى. في الفترة الأخيرة بفضل الله سبحانه وتعالى ظهرت فكرة التدبر، أو مش ظهرت هي موجودة بس تم إحيائها بصورة قوية، وأزاي نتدبر القرآن، ومراكز بقى مركز تدبر ومراكز كثيرة جداً بفضل الله أن شئت سواء في السعودية أو في أكثر من بلد. وبدأ المنتجات بتاعتها قوية، سواء بقى اللي يتدبروا آياته، يعني بفضل الله طلعوا منتجات في تدبر كل جزء، وهدايات كل جزء أو كل آية. فبفضل الله في حملة جميلة جداً بفضل الله عن التدبر، حتى يعني كتب أكثر من حد من أهل العلم أن هذه الحملة تجاه تدبر القرآن جيدة وجميلة، لكن لابد أن تضبط بالعلم والاطلاع على آراء المفسرين، لأن القرآن مش مباح يعني اللي يتكلم فيه بدون ضوابط أو قواعد.
احنا مش هنتكلم عن القواعد العلمية أو كيف تتدبر، لا، احنا لو حبينا نحط عنوان حقيقي للي أنا هحاول أتكلم عنه اليوم: ما المشاعر التي أستصحبها معي وأنا رايح للقرآن عشان أخرج من القرآن بأكبر استفادة؟ مش فنيات. يعني أحياناً تجد كتب في التدبر، فنيات، مش، مش أقصد بفنيات يعني هي حاجة قليلة، لا، يعني مثلاً فيها بعض الكلام العملي، يعني مثلاً أن تستقبل القبلة، تحاول مثلاً تكتب بعض الفوائد، الكتب دي مهمة جداً. والكتب اللي عن التدبر بفضل الله كثيرة؛ كتب الدكتور مجدي الهلالي، كتب الشيخ السنيدي بتاع تدبر القرآن، كتب مراكز تدبر منزلة مجموعة كبيرة من الكتب، كتب الدكتور فريد الأنصاري بفضل الله سبحانه وتعالى جيدة جداً في مسألة التدبر. فبفضل الله في سيل هائل من الكتب اللي بتكلمنا سواء عن الفنيات، الموضوع اللي عايز أتكلم فيه: بعض المشاعر التي نحاول نستصحبها، هي لو استطعنا بفضل من ربنا سبحانه وتعالى تحقيق المشاعر دي جوانا وأحنا مقبلين على القرآن، إن شاء الله بإذن الله نخرج بأكبر استفادة ممكنة من القرآن.
أول شعور عايزين ندخل القرآن وأحنا بفضل الله داخلين على موسم رمضان، اللهم بلغنا رمضان، داخلين على موسم القرآن، صلوا على النبي، اللهم بلغنا رمضان وأحنا بفضل الله داخلين على موسم القرآن فاحنا عايزين نخرج بأكبر استفادة من القرآن، فاحنا عايزين نحاول نحقق جوانا مشاعر، لو المشاعر دي إن شاء الله تحققت جوانا نحاول نخرج بأكبر قدر من الاستفادة من القرآن. أول شعور مهم جداً أنه يبقى جواك وأنت داخل على القرآن، وأنت ماسك القرآن، وأنت مقبل على القرآن: شعور الاحتياج.
يعني ايه شعور الاحتياج؟ من القواعد المهمة: على قدر احتياجك للشيء على قدر استفادتك منه. يعني مثلاً ربنا يعافينا جميعاً وعافي مرضى المسلمين، كلمة شفاك الله وعافاك، كلمة ﴿لَا يَمَسُّهُمْ فِيهَا نَصَبٌ﴾، كلمة أسأل الله العظيم رب العرش العظيم أن يشفيك، ﴿وَأَيُّوبَ إِذ نَادَى رَبَّهُ﴾ [الأنبياء: 83]. مين أكثر حد يحس بالكلمات دي؟ المريض المبتلى، لأن هو متألم ويحتاج، خد بالك من كلمة إيه: يحتاج من يخفف عنه هذه الآلام، فالكلمة بالنسبة له لها وقع مختلف تماماً. يعني في كلمات أنت بالنسبة لك مش مهمة، بالنسبة للي بيعاني من آلام معينة الكلمة دي بلسم، الكلمة دي ممكن تغير في نفسيته، ممكن تحوله من حالة من اليأس والإحباط إلى حالة من الإقدام والإقبال بكلمات، والنفس البشرية نفس عجيبة سبحان الله. وكمان لما تعالج النفس بكلام رب النفس بيكون العلاج صحيح، فأول شعور أنك تأتي للقرآن وأنت إيه؟ محتاج، شعور الاحتياج.
يعني ايه شعور الاحتياج؟ كنا أتكلمنا قبل كده في قول الله سبحانه وتعالى: ﴿فَتَلَقَّى آدَمُ مِن رَّبِّهِ كَلِمَاتٍ﴾ [البقرة: 37]. وقلنا شعور التلقي ده أن شيء، أن واحد منتظر حاجة فبيتلقاها. سيدنا آدم لما عصى ربنا، فعصى آدم ربه، وكان محتاج أنه يخرج من هذه الحالة بعد أن ذاق حلاوة القرب، فبدأت المعصية تعمل يعني نوع من البعد، عايز يرجع لربنا، ربنا قال له: ﴿اهْبِطَا مِنْهَا﴾ [طه: 123]، فمنتظر، طب أتوب ازاي؟ هو أول مرة، أول مرة تحصل معصية، فكيفية التوبة ما يعرفهاش. فأول لما ربنا علمه كيف يتوب تلقاها آدم وقالها مباشرة، ليه؟ كان محتاجها، كان منتظرها. إحساس أنك تقبل على القرآن كالتائه الذي وجد الطريق، كالأعمى الذي أبصر النور، كَٱلضَّمْآنِ الذي وجد الماء. لذلك ربنا سبحانه وتعالى أصلاً لما تبص في تعبيرات القرآن، تشبيه المبتعد عن الوحي أو المبتعد عن الإيمان، بتيجي تجمع التشبيهات دي، كنت أظن، حاولت أذكرها مجمعة في سورة التين في رحلة السقوط إلى أسفل سافلين والعياذ بالله، ربنا سبحانه وتعالى قال: ﴿كَٱلَّذِى ٱسْتَهْوَتْهُ ٱلشَّيَاطِينُ فِى ٱلْأَرْضِ حَيْرَانَ﴾ [الأنعام: 71]، ﴿أَوْ كَظْلُمَاتٍ فِى بَحْرٍ لُّجِّىٍّ يَغْشَاهُ مَوْجٌ﴾ [النور: 40]. قال: ﴿مَثَلُهُ كَمَثَلِ ٱلْكَلْبِ إِنْ تَحْمِلْ عَلَيْهِ يَلْهَثْ أَوْ تَتْرُكْهُ يَلْهَثْ﴾ [الأعراف: 176]. قال: ﴿وَمَن يُشْرِكْ بِٱللَّهِ فَكَأَنَّمَا خَرَّ مِنَ ٱلسَّمَاءِ فَتَخْطَفُهُ ٱلطَّيْرُ أَوْ تَهْوِى بِهِ ٱلرِّيحُ فِى مَكَانٍ سَحِيقٍ﴾ [الحج: 31]. فإنسان بيهوي، بيسقط، عايش في صحراء، أي سراب يحسبه ماء وهو ظمآن حيران، كل شوية واحد يقول له الطريق يمين أو شمال، له أصحاب يدعونه يلهث، ما يشبعش من أي حاجة. تتخيل هذا حينما يجد الحل، حينما يقول له أحد: وجدت لك الحل، وجدت لك الماء، وجدت لك الطريق، ستصعد مرة أخرى إلى السماء، شف هيمسك ازاي في الحل.
سيدنا آدم لما كان في الجنة في السماء وكان ربنا سبحانه وتعالى بيعطيه الأوامر مباشرة: ﴿لَا تَقْرَبَا هَذِهِ الشَّجَرَةَ﴾ [البقرة: 35]. فلما ربنا سبحانه وتعالى قال: ﴿اهْبِطَا مِنْهَا جَمِيعاً﴾ [طه: 123] ونزل الأرض، سيدنا آدم ربنا قال له: ﴿فَإِمَّا يَأْتِيَنَّكُم مِّنِّي هُدًى﴾ [البقرة: 38]. تخيل سيدنا آدم أول مرة ينزل أرض هيتعامل معها ازاي؟ هيعيش فيها ازاي؟ إيه اللي يرضي ربنا وايه اللي يغضب ربنا؟ ازاي كيف لا أقع في نفس الإشكال الأول الأكل من الشجرة؟ بالنسبة للدنيا هنحاول نتصرف، وإن كان طبعا ربنا سبحانه وتعالى لم يتركه وضع بداخله فطرة معينة كيف يتعامل مع أشياء، ﴿وَعَلَّمَ آدَمَ الْأَسْمَاءَ كُلَّهَا﴾ [البقرة: 31]. لكن أنت مدنيتك تبوظ، بتحاول نتصرف، تجرب دي ما جابتش دي، ازاي تولع النار وهكذا تاريخ البشرية وهو في الاكتشافات الدنيوية، بيجرب، اللي بيسموه يقعد يجرب ما جاتش يجرب الناحية التانية، فيكتشفوا حاجة، يجيب اللي بعدها. في الدين ما ينفعش تجرب، فربنا ما سبناش نجرب في الدين فنزل لنا الوحي المعصوم، اللي يخليك أنت بفضل الله ما تقعدش تجرب في طريق ربنا. فلما تقبل على القرآن وأنت حاسس أنك محتاج له، حاسس أنك من غير القرآن تتوب، يعني دلوقتي أنا باسمع آراء كتير، وفي مشاكل ومش عارف أرضي ربنا ازاي، وخايف أخش النار وخايف أعمل حاجة تغضب ربنا، وخايف أضل الطريق، ونفسي أبقى في الفردوس الأعلى، ونفسي أبقى صحبة النبي صلى الله عليه وسلم، وفي اختلافات، لما تقبل على القرآن بهذا الشعور: شعور المحتاج، الأرض العطشانة المنتظرة للماء، أما تقبل على القرآن بهذا الشعور بتمتص الأرض كل الماء، يعني ما بتسبش آية.
لو أنت داخل بتسمع القرآن عطشان وخايف تتوه وخايف تضل وعايز تخرج من الصحراء اللي أنت فيها، الاحتياج ده لما بيغيب عندنا بنتعامل مع القرآن أن هو إيه، حسنات، أن انا ما يصحش ما أقراش القرآن يعني، يعني ايه؟ عارف مع الفارق، لما الرجل والعياذ بالله اللي بيضرب في قبره، من نبيك؟ قال: إيه، وجدت في روايات وجدت الناس يقولون فقلت زيهم، فانا لقيت الناس بيقروا قرآن وبيقولوا القرآن ده مهم وبيجي في الامتحان، فإيه، في قراءة القرآن، ما قريتوش لم أقرأ القرآن بحثاً عن الهدى، باحثاً عن النور، خايف أن تفوت مني حاجة فأضل، خايف أن تفوت مني آية فأقع في الظلام. عارف أنت اللي بيدخل مثلاً باسورد بتاعة حاجة وبيحترز، ورقم كبير وبيحترز في كل رقم بيكتبه. ده لو واحد بيلعب لعبة بلاي ستيشن بيبقى أكثر إيه، عايش وضع أكثر إثارة. فتخيل لو أنت بتقبل على كتاب الله سبحانه وتعالى تتعامل مع الآيات تعامل في أن وأنت واقف في التراويح فيه صفحة عدت، فيه ربع وقع منك في عادي، مش حاسس بمشكلة، في سور مش فاهمها، مش حاسس بإشكال في آيات مش فاهمها في القرآن، يعني أنت مش حاسس أن ده بيبعدك عن الطريق. ما ده الفرق، أن ده البينات، النور، الهدى، الشفاء، الروح. فكل أما تفقد جزء من ده أنت بتفقد جزء من روحك، من شفائك، من فرقانك، من بيناتك، من بصيرتك.
فلما بتتعامل مع المصحف ومع القرآن بإحساس فيه نوع من الاستغناء، أن انا داخل القرآن مش حاسس أن هو اللي ينجيني. عارف لما نبقى مثلاً لو يوم صيام سبعتاشر ساعة في الحر والناس صاحية من الفجر وفي الحر، وبعدين أول المغرب أذن وتحطت الماية، فالناس كلها بتجري على الماية وفيه واحد لم يقبل على الماء، فانت مستغرب، أنت كنت يعني عندك زاد آخر، من أين تحصل على الماء؟ فلما يجي موسم القرآن والناس تقبل على القرآن وده ما بيقبلش على القرآن، طب استغرب، هل أنت لك مصدر آخر بتحصل منه النور؟
ونتكلم بقى في النقطة: الشعور التاني اللي المفروض تصاحبه داخل القرآن، أنت في مكان آخر تجد فيه الهدى، هو أنت مش حاسس قد ايه احنا عايشين في ضلال ودين؟ أنت مش حاسس بالازمة؟ يعني احساسك بالازمة واحساسك بالخطورة جزء مهم في معرفتك في احساسك بالاحتياج للقرآن، لأن الأشياء اللي هتزرع بداخلك احتياجك للقرآن أن تشعر بالأزمة. لأن احنا عايشين في تيه، أن احنا لو ما وجدناش الطريق هنضل ونهلك. واحد بيسير في الصحراء والخريطة ضاعت منه ولقاها، شف هيتعامل معها ازاي؟ اقرأها كلمة كلمة لأن هو عاش فترة في الصحرا، عاش فترة في الظمأ. فأول شعور مهم: شعور إيه الاحتياج، أن انا مش محتاج القرآن، انا محتاج كل آية في القرآن. اقرأ وارتق ورتل فإن منزلتك عند آخر آية، كل آية بارتقاء، كل آية بدرجة، كل آية بقرب، كل آية بهدى.
بتقول: ﴿اهْدِنَا﴾، فاتحة سورة الفاتحة، الشيء المغلق هي بتفتحه، اسم فاعل فاتحة، فانت الطريق مغلق أمامك بتطلب من الله عز وجل أن هو يهديك الطريق ويبصرك بطريقة فبتقول إيه: ﴿ٱهْدِنَا ٱلصِّرَٰطَ ٱلْمُسْتَقِيمَ﴾ [الفاتحة: 6] وأنت خايف أن تسير في طرق الضلال المغضوب عليهم أو الضالين، فتقول: يا رب في ناس أنت أنعمت عليهم الحقني بهم. ﴿صِرَاطَ ٱلَّذِينَ أَنْعَمْتَ عَلَيْهِمْ﴾ [الفاتحة: 7].
تيجي للسورة اللي بعدها: ﴿الم﴾ [البقرة: 1]. ذلك، بعض أهل العلم قال: أي الصراط اللي أنت طلبته موجود في القرآن، أنت بتقول له: اهدنا يا رب، اهدنا فرعون، يقول لك هذا الهدى الذي تطلبه، وده لك إشارة العلو والارتفاع في بعد معنوي، هذا الهدى الذي تطلبه بين يديك في هذا الكتاب: ﴿ذَلِكَ الْكِتَابُ لَا رَيْبَ﴾ [البقرة: 2]. بعد القرى بيقف على لا ريب، ذلك، يعني بيقسمها تلات جمل، ذلك الكتاب أي هو الكتاب الأوحد، لا ريب أي لا ريب يتطرق إليه نفي تماماً، فيه هدى للمتقين. أو لا ريب فيه والقرآن كله هدى للمتقين.
إحساس أنك ماشي في صحرا لأيام وكدت تنتهي ثم وجدت الماء، وأنت بتجري على الماية هو ده احساس إقبالك على القرآن. إحساس نسأل الله السلامة والعافية، واحد فقد البصر وأعمى وبدأ ياخد علاج يخليه يبصر، فلأول مرة بيشوف الألوان ويشوف الأشياء على حقيقتها كانت توصف له، كان يتحسسها، الآن يراها، هل هذا يفرط في العلاج؟ يعني إنسان بدأ يرى الألوان والأشخاص والحياة والدنيا بدأ يراها بعينه بسبب علاج معين، هل ده انسان يفرط في ميعاد الحباية؟ هل ده انسان يفرط في الورد؟ هل ده انسان يفرط في فهم كتاب ربنا بعد ما أبصر؟ أن ربنا سمى القرآن إيه؟ بصائر وبينات، تخليك تبصر، هي القرآن بيخليك تبصر ليه؟ لأنك من غير القرآن ترى الأشياء على غير حقيقتها، بدون القرآن أنت تعظم الحقير وتحقر العظيم، أنت، أنت ما عندكش رؤية، مش شايف.
رقم واحد: إحساس إيه، الاحتياج. رقم اتنين: إحساس أن تكتفي بالقرآن عن غيره. قال صلى الله عليه وسلم، حد عرف الحديث؟ ليس منا من لم يتغن بالقرآن. أحد معاني الحديث ده إيه: ليس منا من لم يستغن بالقرآن عن غيره. عندك شعور بعد ما أقبلت على القرآن حصل لك حالة الاستغناء، مش عايز غيره خلاص. لأنك لما بصيت في كلام البشر تهت. الواحد لما بيجي يقرأ نظريات مثلاً بعض الفلاسفة وهما ازاي عمالين يحاولوا يوصلوا لفهم الوجود، فعلا حالة من التيه والضياع غريبة جداً لأنه عايش في ظلمات وعايز يبصر من غير وحي، مستحيل. ده فعلا لأن الفلسفة هي اللي بحثت في مسألة اللي بيسموها الميتافيزيقا، يعني اللي هو عايز جواه سؤال ما وراء هذا الوجود ويقولوا كلام في قمة التخريف، مع أن هم عباقرة، يعني هو كعقلية كذكي، وذكي جداً، لكن دي ما بتجيش بالذكاء، دي بتجي بال إيه بالوحي، دي ما تجيش بالذكاء ويحاول ويفكر ويجي غيره ويبني عليه ويهدمه ويجي واحد ثالث ورابع وأفكار وقضايا وحتميات مادية وحتميات اقتصادية، ويقول لك حتمية ويطلع كل ده غلط.
وتخوض البشرية في تجربة فلان وتطلع غلط، وتسمع كلام فلان ونظرية فلان وتطلع غلط، ليه ما نستغنيش بالقرآن؟ ليه ما عندناش ثقة في القرآن؟ ليه الوقت ممكن تكلم شاب لو قلت له آاية وقلت له: قال ابن عباس فيها، ما تحسش أن هو، لو قلت له فولتير مثلاً قال، لو جان جاك روسو كان بيقول لما اختلف مع رد على مش عارف دي كارت وقال له، يقول لك بس انا إيه، انا.
عملت دماغ، أنا مش فاهم بس أنا إيه أنا مبسوط. أنا مبسوط إنك عارف الناس دي. الناس دي واضح إن هي محترمة جداً، يعني هو اكتفى بدول خلاص. إيه يا عم، إيه الانهزام النفسي ده؟
الناس دي أبدعت في مجالات، لكن في مجال الغيب والهدى ومراد ربنا، الناس دي ضلت ضلالاً مبيناً. الناس دي تاهت، الناس دي مجموعة من الناس التايهة في صحرا، لازم يكون عندك العزة استغناء بالوحي في هذا المجال. تستغرب إنك تيجي تقول له في الهدى في كتاب الله سبحانه وتعالى، هو مش حاسس، أولاً زي ما قلنا عشان كده الأول شعور الاحتياج. هو مش حاسس الموضوع لازمه، مش دي الاشكاليات اللي مقابلاها في حياته أصلاً. يعني لو واحد اشكالياته في الحياة إن هو يهدى، إن هو يصل إلى مراد الله، فأي حد هيقربه من الطريق هيقبل عليه.
لذلك كان الوداد البيضاوي في قول الله سبحانه وتعالى في سورة طه: ﴿إِنِّي آنَسْتُ نَارًا لَّعَلِّي آتيكُم مِّنْهَا بِقَبَسٍ أَوْ أَجِدُ عَلَى النَّارِ هُدًى﴾ [طه: 10]. إذن كان البيضاوي قال معنىً جميلاً قال، مش فاكر نص المعنى، يعني كذلك أذهان المتقين دايماً مرتبطة بمسألة الهدى. علقوا لنا الهدى هنا، معنى الهدى المعنوي؛ الهدى في الطريق إلى الله. فبيقول لهم: أنا لقيت نار، يا إما أجيب لكم منها هدى حسي، أو جايز ألاقي حد يقربني من ربنا. ده أحد المعاني، يعني عارف أنت اللي هو إيه، إيه ده؟ أنا ممكن الدرس ده يقربني خطوة من ربنا، السلسلة دي أنا هسمعها هتقربني خطوة من ربنا، الكتاب ده أنا هشتريه هيقربني خطوة من ربنا، أنا الصورة دي أنا هعيش معها هتقربني من ربنا.
اقرأ وارتقي، أنا عايز أرتقي في علاقتي بالله، ده شعور الاحتياج. الشعور التاني لما أقبل على القرآن وجد بغيته، مش بيتعامل مع القرآن هو والكتاب؛ ﴿ذَلِكَ الْكِتَابُ﴾ [البقرة: 2]. لو اللي يعرب من المفسرين أو اللغويين والنحويين اللي بيعرب الكتاب خبر ذلك، بيقول هنا ده بيفيد الحصر لمبتدأ وخبر معرفة، ده بيفيد الحصر. يعني إيه بيفيد الحصر؟ يعني هو الكتاب وفقط، لا يبحث عن كتاب غيري، استغناء. ليس منا من لم يتغنى بالقرآن، أن يستغني بالقرآن عن الغيب. وحتى التغني بمعناه اه، اللي هو احنا بلغة البتاع اللي هو بيدندن يعني، وزي ما النبي صلى الله عليه وسلم قال: «حولها أنا ومعاذ ندندن». لما قال له: اللهم أدخلني الجنة وأعذني من النار، أن واحد آياته كلها ماشي. لأن هو كان اللي بيدندن دوت لما يكون تعبان وفي سفر، فيعز حاجة إيه تساعده في الطريق، فكانوا ينشدوا الأشعار، فالمؤمن اللي بيساعده في الطريق أنه يتغنى بالقرآن.
فبالتالي هو مستغني بالقرآن، مش محتاج حاجة تانية في زاده في السير، في كزاد في السير في طريق الله سبحانه وتعالى، هو لا يحتاج إلى غيره. فالشعور أن هو رضيت بالوحي، زي ما تقول: رضيت بالله رباً، وبالإسلام ديناً، وبمحمد صلى الله عليه وسلم نبياً. في شعور الرضا بالوحي، مكتفي، حاسس إنه مبسوط قوي بالمية وأربعتاشر سورة، طاير بهم، وقاعد متخيل حياته كلها بيفهم في المية وأربعتاشر سورة، وقاعد متخيل حياته بيتنقل بين جنة البقرة وبستان المائدة وخيرات سورة النساء وآل عمران. وقاعد متخيل حياته كده، قاعد بيتنقل بين هذه الجنات، ومتعة حياته إنه كل فترة يتصور سورة سورة ليدخل فيها ويرى ما فيها من جنات، دي متعته في الحياة. زي ما المؤمنين بيقولوا في آخر سورة التوبة، يقول الذين آمنوا إيه؟ لولا نزلت سورة، ولا دي في محمد إن هو إيه لولا نزلت سورة؟ وزي المؤمنين بيقولوا في آخر التوبة عيوبكم زادتهم هذه إيماناً، كل سورة بتزوده إيمان، بتزوده معاني.
يا جماعة، ده اللي اللي بيدخل فيلم في السينما أو بيتفرج عليه، مش لازم بس ما أعرفش أنا إيه اللي خلاني أقوله ازاي، اللي بيتفرج على فيلم في أي حتة مش لازم فيلم ويكون بس، قصدي فيلم جديد ويكون هو ما شافوهوش، يزرع جواه شعور مثلاً بالفرح، بالضحك، بالسعادة، واتزرع جواه حاجة جديدة ما كانتش موجودة. تلاقيه مبسوط خارج سعيد، مش مستخسر الفلوس، اكتسب حاجة جديدة. اللي بيتعلم صنعة بتلاقيه مبسوط، طب اللي قرب من ربنا، اللي فهم آية، ده ما يبقاش مبسوط إزاي؟ ده بيرتقي الآن في علاقتي بالله، دي من أخطر العمليات اللي بتتم في الأرض، مدارسة القرآن.
فأول لما مجموعة تقعد في مسجد ويبدأوا المدارسة، ما اجتمع اهو، اجتماع اهو؛ ما اجتمع قوم في بيت من بيوت الله يتلون كتاب الله ويدارسته بينهم، إلا نزلت عليهم السكينة، وغشيتهم الرحمة، وحفتهم الملائكة، وذكرهم الله فيمن عنده. يعني كل الاحتفاء ده، يعني تخيل كده معي مكان في غابة بعيدة ومش موجود ومهجور، ومجموعة راجل بسيط، راجل فلاح، والتاني راجل غلبان، وتلاتة قعدوا المصحف: طب علمنا إيه؟ قرأ إيه سورة الكهف؟ سورة يس؟ طب تعالي نتدارس، طب حد عنده قرأ؟ حد سمع فيه حاجة؟ قلت له مشهد بسيط عابر، ملايكة تحفه والسكينة والرحمة ويذكرهم الله من عنده. ليه هذا الآن؟ مشهد الاستضاءة هذا الآن هو مشهد صناعة النور للبشرية، هذا الآن هو المشهد الذي لو غاب عاشت البشرية في التيه، هذا الآن هو المشهد الذي بدونه تفسد الأرض: ﴿ظَهَرَ الْفَسَادُ فِي الْبَرِّ وَالْبَحْرِ﴾ [الروم: 41]. يعني لابد أن نقدر ذلك، احنا مش حاسين بقيمة ده.
فأنت بتسمع آية ومعناها مش، يعني مش حاسس بحاجة جديدة يعني أو ماشي فهمت معنى إيه؟ مش فاهم خطورة غياب هذه الآية؟ تبقى أول شعور شعور احتياج، أنا محتاج القرآن، أنا لازم أزرع جوايا كده، أنا محتاج إلى هذا الكتاب، أحتاج إلى هذا الكتاب يعني بدون هذا الكتاب أعمى، بدون هذا الكتاب أنا تايه، بدون هذا الكتاب أنا مريض، ﴿فِي قُلُوبِهِم مَّرَضٌ﴾ [البقرة: 10] والعياذ بالله. أنا بدون هذا الكتاب ميت، القرآن روح: ﴿وَكَذَلِكَ أَوْحَيْنَا إِلَيْكَ رُوحًا مِّنْ أَمْرِنَا﴾ [الشورى: 52]. لذلك ربنا بيقول للنبي صلى الله عليه وسلم إيه؟ ﴿مَا كُنتَ تَدْرِي مَا الْكِتَاحُ وَلَا الْإِيمَانُ﴾ [الشورى: 52]. عارف اللي هو قبل وبعد، يعني النبي صلى الله عليه وسلم قبل الوحي قاعد في الغار: يا رب أرضيك إزاي؟ بعض أهل العلم قال من معاني قول الله سبحانه وتعالى: ﴿وَوَضَعْنَا عَنكَ وِزْرَكَ﴾ [الشرح: 2]. الوزر الحمل الثقيل، أن النبي صلى الله عليه وسلم كان شايل حمل ثقيل عايز يوصل لربنا، وعايز يصلح الناس على مراد الله ومش عارف، ما معهوش هدى، هو يوقن أن هذا الكون له خالق كان يتحنث إليه ذوات العدد، وهو موحد صلى الله عليه وسلم، لكن ما معهوش التفاصيل الهدى اللي يتحرك بها في الأرض، مش عارف، بدون وحي انعزل. لما جاء الوحي نزل إليهم بدون وعي، إيه اللي حصل؟ اتعزل، مش عارف يعمل إيه بمجرد ما جاء يقرأ، نزل نزل للناس بل لما نزل عليه اقرأ وتدثر، الوحي ينزل له قال له أنت قم فانزل، والوحي مش نازل عشان تكمل في الانعزال أو في التدثر، قم فانزل، اتحرك أنت خلاص الآن تملك النور، انزل إلى البشرية.
فشعور الاحتياج ده مهم أنك تقبل على القرآن بهذه الشعور. الشعور التاني شعور الاكتفاء بهذا القرآن، عارف زي ما ربنا يرزقنا الفردوس لا يبغون عنها حولا، طب تقول له تعال أوديك مكان، لا لا أنا عايز أقعد هنا، طب في أماكن تانية؟ لا أنا عايز أفضل هنا، مش عايز يتحول عن الفردوس. ففي واحد لما بيقبل على القرآن تقول له طب أنا أجيب لك حاجات تقول له أنا إيه، أنا راضي بكتاب الله سبحانه وتعالى.
الشعور التالت اللي مفروض تستصحبه، أنا وفقت لتحقيق معنى الاحتياج وخطورة القرآن في حياتي وخطورة غياب القرآن عني، الشعور الأول، الشعور التاني أقبلت مكتفيا به. فلما بكتفي بالقرآن بيحصل لي نوع من تحديد الوجهة، ما بقاش مشتت؛ يعني الشعور الأول غيابه يخليك ما تروحش للقرآن أصلاً، الشعور التاني غيابه يخليك رايح للقرآن وأنت بتقدم رجل وتأخر رجل، مالوش تبص هنا شوية وهنا شوية، مش خالص للقرآن، مش صافي للقرآن. ﴿إِنَّ فِي ذَلِكَ لَذِكْرَى لِمَن كَانَ لَهُ قَلْبٌ أَوْ أَلْقَى السَّمْعَ وَهُوَ شَهِيدٌ﴾ [ق: 37]. اللي هو زي ما ابن عباس بيقول، مجاهد لا يحدث نفسه بغير القرآن، اللي هو مش مصفي نفسه، القرآن مش سلماً للقرآن، ده غياب الشعور التاني.
طيب، بفضل الله واحد وفق للأولاني الاحتياج فأقبل، الشعور التاني وفق ليه برضه اقتنع، مش اقتنع، أيقن، أيقن أن القرآن هو اللي فيه الهدى واللي فيه الحل وهو وحده فقط، الشعور التالت بدأ يقرأ بقى. الشعورين دول دفعوه للقراءة، الشعور التالت بعد ما بدأ يقرأ بيتعامل مع القرآن على أنه حقائق: ﴿بِالْحَقِّ أَنزَلْنَاهُ﴾ [الإسراء: 105]. طب الحق نزل على أنه إيه؟ حقائق، مش نظريات بنطبقها عشان نرجع نصلحها، مش مخطوطات جات لنا ناقصة حاجات زي الإنجيل، فلما بننزل الواقع ونلاقيها مش متظبطة، نرجع نغيرها ونقول جايز الكلمة دي كذا فنخليها هكذا، طب ما جابتش طب ما جايز كذا، طب ما ويقعدوا إيه يغيروا. طب يقول لك بلاش السفر ده أصلاً مش محتاجينه، ده كلام النقاد بتوعهم في الإنجيل.
شعور أن القرآن فيه إيه؟ فيه إيه يا جماعة؟ حقائق، حقائق يعني إيه حقائق؟ يعني لما ربنا يقول: ﴿وَالْعَاقِبَةُ لِلْمُتَّقِينَ﴾ [الأعراف: 128]، يبقى العاقبة للمتقين، بس أنا مش شايف الوقت العاقبة للمتقين، لأ، هي العاقبة للمتقين. عارف زي ما النبي صلى الله عليه وسلم قال له: «قه عسلا»، قال يا رسول الله سقيت عسلا فازدادت بطنه استطلاقاً بطنه، قال النبي صلى الله عليه وسلم: «اسقه عسلا» الثانية، فراح سقاه عسل، في بطن أخيه زادت في التعب، فقال له في الثالثة صلى الله عليه وسلم: «قه عسلا، قه عسلا، صدق الله وكذبت بطن أخيك»، فسقاه في الرابعة فشفاه الله. هو هنا قيل إن ده بوحي، أو إن ده بعضهم حاول يتأول لمسألة زي الجرعات، أياً كان، يعني ده إيه؟ شوف يقين النبي صلى الله عليه وسلم في أمر ربنا قال له إيه؟ «قه عسلا، صدق الله وكذب برلمانهم».
احنا جينا نطبق النظام الاقتصادي الإسلامي لقيناه بيجيب لنا تخلف، صدق الله وكذب السوق، فكده نشوف السياسة الشرعية ونطبقها لقيناها ما بتأكلش عيش، صدق الله وكذبت السياسة بتاعتكم. ده لازم يبقى شعور، لما ربنا يقول لك: ﴿فَهُوَ يُخْلِفُهُ﴾ [سبأ: 39]، يبقى فهو يخلفه. طب أنا ما شفتهاش؟ هتشوفها وغيرك هيشوف، تعامل معه على أنها حقائق غير قابلة للتجربة أصلاً، يعني اللي لسه بيتعامل مع القرآن بالتجربة ونظرية وطب ما جايز، ده مش هيستفاد القوة والاستفادة المثلى. ومش بس في في الجمل الخبرية، في القصص؛ يعني لما ربنا سبحانه وتعالى يقول لنا: ﴿فَخَسَفْنَا بِهِ وَبِدَارِ الْأَرْضَ﴾ [القصص: 81]، ده حصل والله العظيم حصل، ده حصل، بالفعل دار قارون فعلاً خسف به فعلاً، قارون كان غني لدرجة أن مفاتح الكنوز كانت تنوء بها العصب، بالفعل ده كان موجود، بالفعل موسى عليه السلام ضرب بعصاه البحر فانشق، ده حصل والله العظيم حصل.
تقرأ الكلام ده دي حقائق، مش قصص تحكى يعني بحيث إن إيه زي ما بعض الناس والعياذ بالله يقول لك إيه: أصل النص القرآني مش ما بيقصدش يعني المعنى ده بإيه، ده بس حاجات نسترشد بها زي الأساطير كده والعياذ بالله. لا، هذه إيه حقائق، أي جمل خبرية أو قصصية، قصصي أيضاً من الأخبار لكن أقصى جملة خبرية بتنشئ عندك معنى زي أن هو يخلفه، زي العاقبة للمتقين، وأن الله عز وجل ينجي الذين آمنوا، هذه حقائق. التعامل معها بالقلب المتردد الشاك يخليك ما تستفدش الاستفادة المثلى.
الشعور الأول شعور احتياج، وده مهم؛ لأن اللي وراه معتمد عليه، احنا قلنا من القواعد المهمة يعني، هقول لكم على حاجة، فكرة الاحتياج دي، عارف لما تبقى تعبان ومخنوق ومش طايق حد، وبقالك فترة ما صليتش، وبقالك فترة ما سمعتش قرآن، والشغل مبهدلك، وعندك مشاكل في البيت، وبعدين تقوم تصلي ركعتين ورا واحد صوته حلو، وبعدين يقوم الإمام يقول إيه: ﴿مَا وَدَعَكَ رَبُّكَ وَمَا قَلَى﴾ [الضحى: 3]، انت ممكن فجأة تلاقيك إيه منهار من العياط، ليه؟ انت كنت محتاج تسمعها، كنت محتاجها قوي تسمعها. اللي بيدخل القرآن وهو محتاج، القاعدة أن على قدر احتياجك للشيء، على قدر استفادتك منه.
هتتعامل بننوع من الاستغناء، هتلاقيك إيه بتتعامل، شف واحد جعان مثلاً قعد يومين ما كَلش، وسيبه على فرخة، شوف شف هيعمل فيها إيه، شف هتطلع من تحت وعاملة ازاي، هتطلع منه اه. تشوف واحد بقى شبعان وحاطط له نفسه، تلاقيه قاعد بإيه، انت عامل كده وياكل اه تلاقيه مش مش اه، فبتلاقي واحد بيتعامل مع القرآن كده واللي هي المسألة مع الفارق نتعامل إيه أن هو آية في الصفحة، آية في الجزء، يعني جزء في رمضان، آه والله في آية تقريباً علقت معي، هو قاعد إيه؟ مش حاسس أن هو محتاج كل آية، مش حاسس.
ده مش لازم يتحقق في رمضان بس، ده هدف حياة، يعني ده شعور تعيش به حياتك تجاه هذا الكتاب، تجاه هذه المعجزة: الاحتياج، الاكتفاء، الحقائق، رقم أربعة وده المهم بقى وأختم بها، يعني أنك تحول ده لعمل؛ لأن الأعمال هي اللي بتبين إذا كنت موقن ومصدق بالغيب ولا لأ. يعني انت ممكن تقول: أنا احتجت للقرآن، أقبلت على القرآن، اكتفيت بالقرآن، صدقت القرآن. لو أنت صادق في التلاتة المفروض تلقائياً ينتج تنفيذاً. الصحابة لما المشاعر اللي احنا بنقولها وبنفردها دي كانت وأكثر من ذلك بكثير بداخلهم، كانوا بيتعاملوا مع الموضوع: نهاجر؟ نهاجر.
لما صدقوا الإسراء والمعراج؛ ده كان منبني عليه أعمال، معناه أن إحنا أمة هتستمر، وأمة هتملك المسجد الأقصى، وأمة يحدث لها التمكين في الأرض، يعني مش مجرد، وإن كان في ناس سقطت في مجرد هذا البلاء. البلاء الاعتقادي؛ أنه يصدق أن النبي صلى الله عليه وسلم أُسري به إلى المسجد الأقصى وعُرج به إلى السماء، ده في حد ذاته ابتلاء عقدي، لكن هذا أيضاً يتضمن معنى أن هذه الدعوة مستمرة، فبالتالي جت بعدها الهجرة. طب لكل المسلمين دولة، يبقى إزاي لما تقول لي أنا احتجت إليه واكتفيت به وأقبلت عليه وصدقت به، ثم لا ينتج عمل؟! يعني أفكارك ومبادئك وعقيدتك ومنهجك في الحياة مش مستقى من القرآن، من أفكار تانية، وتقول لي أنا مصدق للقرآن، طب إزاي؟! من معاني الكذب أحياناً إيه؟ المخالفة بين القول والعمل، أنك بتقول حاجة وكلامك وأفعالك حاجة تانية، في تضاد.
لما قريش قالوا إيه؟ بعضهم قال: لو كانت كلمة، لو قلناها؛ إحنا عارفين تبعات الكلمة، فتبعات أن توقن بحقيقة التوحيد، تبعات أن توقن بحقيقة الآخرة، وأن الدار الآخرة لهي الحيوان؛ أي الحياة الحقيقية. لما ربنا يقول: ﴿وَالْآخِرَةَ هُمْ يُوقِنُونَ﴾ [النمل: 3]، أنا محتاج لها، اكتفيت بها، صدقتها، طب فين عمل بقى؟ هل ده شعور واحد ممكن بالآخرة؟ هل دي أعمال إنسان مققيم بالآخرة؟ أتكلم عن نفسي، هل دي أعمال إنسان مقيم بالآخرة؟ فين؟ هل دي أعمال إنسان بيظن أن الحياة الحقيقية في الآخرة؟ هل دي أعمال إنسان مظنة العاقبة للمتقين، وأن الله سينصر هذا الدين بزاف؟!
يبقى إذاً رقم أربعة؛ ربنا سبحانه وتعالى بيقول: ﴿وَنِعْمَ أَجْرُ الْعَامِلِينَ﴾ [العنكبوت: 58]، اللي كان جوه مشاعر حذر الآخرة، عمل إيه اللي بيحذر الآخرة؟ جت فين يحذر الآخرة؟ أيوه، جت فين؟ قام صلى طول الليل، قام وهو قانت آناء الليل ساجداً، وقيام الليل ليه؟ عشان في عقيدة يحذر، فهذه العقيدة ولدت إيه؟ ما لوش عمل فاحذروا الآخرة، ومش خايف من المعاصي! يعني القرآن لما يقول أن الذنوب تسببت في هزيمة أحد، وأن ذنباً تسبب في نزول آدم من السماء، وأن الذنوب ولا سيما لو كبائر وكفر تؤدي إلى إهلاك الناس والظالمين، وأنا ما أبقاش خايف من الذنب، يبقى أنت كده مش موقن! تخيل بقى إنسان يخشى الله عز وجل بالغيب ومرعوب من ذنبه، مرعوب قاعد كده، هو في مجموعة من النعم وخايف الذنب يجي يبوظ له حياته، يعني ربنا أدى له مجموعة من النعم مرعوب؛ لأن هو موقن أن الذنب لو جه هيبوظ الدنيا، وده عنده يقين خلاص، فهو يؤمن بالغيب، هو فاهم أن الذنوب لها أثر بالفعل، مش بيتعامل مع الذنوب أنها عادي، لأ، ده لها أثر حقيقي في حياتي: ﴿بِمَا كَسَبَتْ أَيْدِي النَّاسِ لِيُذِيقَهُمْ﴾ [الروم: 41].
حينما تذوق أثر الذنب، المفروض أن العقائد لو الواحد تعامل مع القرآن على أنه حقائق، المفروض ده يولد إيه؟ تعبان، ويولد إنسان مختلف، بيقول لإنسان مختلف يعني ايه؟ يولد إنسان مختلف؟ يعني بقت طريقة تفكيره مختلفة، طريقة حياته مختلفة، بقى ينظر للحياة بمنظور مختلف، بقى يتعامل مع الناس بطريقة مختلفة. هو ده اللي المفروض نقول عليه ملتزم، بنقول عليه إيه؟ ملتزم. يعني إيه ملتزم بقى؟ يعني أقبل على القرآن فغير من طريقة تفكيره ومن طريقة حياته ومن مبادئه ومن عقائده ومن التقاليد، وخلاها وفق أوامر ربنا سبحانه وتعالى. وولى الحاجات دي تتحول عنده إلى حقائق وبدأ يطبقها، يقوم ويقع، يعني طبيعي أنه بيسقط في المعصية، لكن هو ده معناه نقول ملتزم؟ معناه أن هو تخلص من أي مصدر لبناء العقائد ولم يبقي إلا القرآن، سابوا بقى من ضغط الواقع ومن تقييمات الواقع ومن معايير الواقع ومبادئ الواقع والقضايا، سابوا من كل ده وأقبل على كتاب الله سبحانه وتعالى.
فلما حد يقول له هذا الامر عظيم، وبعدين يفتح المصحف يلاقي هذا الأمر حقير، قلت له: لأ معلش، عندنا بالمنهج أن إيه هذا الأمر حقير، فكل ما يحصل مشكلة والله طب تعال، نتحاكم إلى هذا الكتاب وإلى سنة النبي صلى الله عليه وسلم، فلما نتحاكم إلى الوحي القرآن والسنة ساعتها بيحصل نوع من إيه؟ من الاكتفاء، خلاص مش محتاج حاجة تاني. يبقى إذاً عايزين قبل رمضان يستقر جواك شعور احتياج، شعور الاكتفاء بالقرآن، شعور أن أنا أتعامل مع حقائق قرآنية، دي حقائق الغيب اللي أنا ما شفتوش، دي حقيقة: ﴿الرَّحْمَٰنُ عَلَى الْعَرْشِ اسْتَوَىٰ﴾ [طه: 5]، دي حقيقة أن في ناس هتدخل النار يصطخون فيها والعياذ بالله، هذه حقيقة، الطير الأبابيل هذه كانت حقيقة، كل ما تقرأه في القرآن هو حقائق، سواء جُمل وعقائد ومبادئ تُخبر بها دي حقائق لابد أن تطبقها، أو قصص أو أوامر تطبقها. رقم أربعة؛ أن أنا أحول المنظومة إلى إيه؟ آه، إلى أعمال، زي ما قلنا: اللي يحذر الآخرة قام يصلي، اللي يحذر من المعاصي يبتعد عنه، يخشى الله عز وجل بالغيب يبتعد عن المعصية حتى لو ما حدش شايفه.
تعبان أن ربنا سبحانه وتعالى يطلع عليك الآن أو في أي وقت، يجد أن دماغك مشغول إزاي يرضيك يا رب، طلع على قلبك قلبك مشغول يا رب أنا عندي نقص في التوكل، أنا وحش، يعني أنا أنا وحش، أنا نفسي أبقى أحسن من كده: ﴿إِنَّ اللَّهَ لَا يَنْظُرُ إِلَى صُوَرِكُمْ وَلَا أَجْسَادِكُمْ، وَلَكِنْ يَنْظُرُ إِلَى قُلُوبِكُمْ﴾، فأنت قاعد مشغول قوي بنظر الرب إلى قلبك، دي شاغلاك. عارف كان الشيخ يعقوب كان ابتلي بفقد أحد أولاده، كان مر بالتجربة دي أكثر من مرة، حتى كان بيحكي دايما المرة الأولانية، آه، يعني الاختبار كان صعب، هو في أحد، مرتين أظن هو ابتلي بالأمر ده، ربنا يحفظ لنا أولادنا، ابتلي بفقد ولده، فكان بيقول إن هو بيحاول يحقق مقام الرضا وقاعد يجاهد نفسه، فكان وهو بيحاول يجاهد بيقول إيه: أنا مكسوف منك قوي يا رب! ما هو لسه قلبه إيه، عارف شعور أن أنت مكسوف من ربنا، أن ربنا مطلع على قلبك وأنت عارف كويس أن في قلبك يعني من الآيات المرعبة: الحمد لله أن إحنا ما كناش في زمن النبوة، لو لو والعياذ بالله يعني لو كنا من المنافقين: ﴿يَحْذَرُ الْمُنَافِقُونَ أَن تُنَزَّلَ عَلَيْهِمْ سُورَةٌ تُنَبِّئُهُمْ بِمَا فِي قُلُوبِهِم﴾ [التوبة: 64]. تخيل لو نزل واحد يطلع اللي جواك، يا هادي الفضايح! تخيل كل اللي جواك بصدرك من شهوات وأفكار وشبهات، تخيل ده يطلع، ربنا يسترنا!
اللي عنده القرآن دي بقت حقائق والسنة، أن الله لا ينظر إلى صوركم ولا إلى جسدكم ولكن ينظر إلى قلوبكم. اللي يطلع هيك ويلاقيك قاعد بتحاول تحسن من ده؛ الله عز وجل يحبك. عايزين نجتهد المشاعر دي أولاً؛ عشان لما تدخل على القرآن تستفيد فيه بفضل الله جهود كتير فيه بقى الفنيات وشروح للكلمات وشروح للآيات، لكن أحياناً نمر على هذه الكتب ونحن لا نشعر بقيمتها. أنا قلت لكم قبل كده بيتهيأ لي مثل واحد لقى كتاب كيف تصبح مليونيراً، لو أفترضنا أن الكتاب ده صحيح يعين وهو ملياردير، هنتعامل مع الكتاب إزاي؟ مش هيقراه، أو مش في دماغه الفلوس. طب واحد هيموت ويجيب فلوس وقالوا له أن كل اللي قرأ الكتاب ده حرف حرف وطبق اللي فيه بالضبط بقى مليونير! تخيل لما يققال لك أن الصحابة حسادة العالم وأفضل من سار على الأرض بعد الأنبياء لما طبقوا الكتاب ده، يعني ده قابل للتطبيق، لذلك تقول إيه: ﴿اهْدِنَا الصِّرَاطَ الْمُسْتَقِيمَ * صِرَاطَ الَّذِينَ أَنْعَمْتَ عَلَيْهِمْ﴾ [الفاتحة: 6-7]، الطريق، إحنا مشينا بالفعل فيه ناس بالفعل وفقت ونجحت، فأنت بتتعامل مع الكتاب طبق بالفعل، كان فيه نموذج عملي له.
فأسأل الله عز وجل أنه يرزقنا فهم كتابه والعمل بكتابه، وأن يجعلنا من أهل القرآن الذين هم أهله وخاصته. قولوا، أقول قولي هذا وأستغفر الله لي ولكم، سبحانك اللهم وبحمدك، أشهد أن لا إله إلا أنت، أستغفرك وأتوب إليك.