التناول القرآني للقصف وهذا الدرس قائم على مقدمتين قبل أن ندخل في قضية سورة يوسف، قاعدتين أساسيتين، ونتكلم عن اختلاف القرآن في التناول مع القضايا، ثم أصلاً قضية القصص والتعامل مع القصص، وما هي قضية القصة أصلاً واحتياج الإنسان للقصة.
بادئ ذي بدء، بفضل الله سبحانه وتعالى في رمضان هذا كان في درس بعنوان أثر القرآن في تغيير الإنسان، كان مع أكاديمية تفسير، سننتقي منه جزءاً مهماً، ودرس اليوم سيكون استكمالاً له. وكان في درس ثاني مع إخواننا في الكويت ربنا يبارك فيهم هي منتدى لآلئ، كان بعنوان التناول، والدرس هذا مهم قوي هو لسه ما نزلش هينزل إن شاء الله بعنوان التناول القرآني للأحكام الشرعية، واختار معيات الطلاق، فكان الدرس الأول هو النظرة العامة للتعامل مع القرآن مع الإنسان، ثم دخلنا بصورة أخص على قضية الأحكام الشرعية، ثم اليوم نوع من خصوص آخر، يعني زي ما نظرنا كيف تناول القرآن الأحكام الشرعية وأن طريقة القرآن تختلف عن أي تناول آخر لأسباب ذكرناها في الدرس، لقاء اليوم أن التناول القرآني قصص مختلفة زي ما أتكلمنا على الأحكام الشرعية وبينا أن هي مختلفة، وخدنا الطلاق نموذجاً، والنهارده هنتكلم عن القصص عموماً وسورة يوسف خصوصاً، كإسقاط وتوضيح للمعاني اللي احنا عايزين نقولها.
طيب، فكرة القصة أصلاً عموماً، يعني مدى تعلق الإنسان بالقصة واحتياجه لقضية القصة، وقبل ما نتكلم في هذا، معنى الأول أن القرآن يذكر لنا ويستعمل القصص في توصيل الرسائل، معنى كده أن هذا أحد أهم المداخل إلى النفس، خلاص، فالقرآن قال الله سبحانه وتعالى: ﴿وَلَقَدْ صَرَّفْنَا فِي هَٰذَا الْقُرْآنِ﴾، فالقرآن فيه نوع من التصريف، بيتكلم بآيات الوعد والوعيد والأمل والرجاء، وبيحيط بالنفس البشرية. من الوسائل التي استعملها القرآن القصص القرآني، وقضية توصيل كثير من المفاهيم استعمل القرآن قضية القصص.
طيب، قضية القصة، آه بصراحة من الكتب الجيدة ولكن هو يعني صعب شوية، لغته عالية شوية لأن هو الكاتب طبعا متخصص في الفلسفة، الدكتور طي وعة كان بيتكلم في ماهية الرواية، الكتاب بعنوان ماهية الرواية، وبيتكلم في مسألة إيه الرواية وهل احنا محتاجين للرواية وأصل نشأة الرواية؟ وتطرق في المقدمة وإن كان فترة يعني عاد خمسين صفحة بيتكلم قبل ما يتكلم في نشأة رواية بالوضع المعاصر الموجود الآن وأسبابها، اتكلم في البداية قال معنى جميل، قال لا يشد الوجدان الطفولي أكثر من أمرين. في حاجتين بتشد الطفل جداً، إيه هما؟ قال اللعب، وخدوا بالكم من النقطة الثانية والسرد، مفهوم السرد هذا هو اللي ركز عليه جداً في المقدمة الدكتور طي وعة، وأن القصة هي عبارة عن أو الرواية هي عبارة عن سرد للأحداث، وخدوا بالكم أن مفهوم السرد هذا هو هيبقى صعب شوية في الأول بس إن شاء الله هنستوعبه، هو هذا أحد أهم المعاني الأساسية في قضية القصة بل أحد أخطر القضايا في مسألة أي رواية أو أي قصة، مسألة هذا السرد، تتابع الأحداث اللي بيأخذ الإنسان من نقطة البداية إلى نقطة يريدها كاتب القصة أو كاتب الرواية، وقد لا تشعر، بيأخذك في مجموعة، ركز معي، بيأخذك في مجموعة من الجزئيات المتصلة المتراكبة في علاقة بينها، لازم الأحداث يكون فيها علاقات حتى لو أنت لا تشعر بهذه العلاقات، حتى يقودك الكاتب لكاتب الرواية أو كاتب القصة إلى ما يريده من معاني وأفكار، هو بيغرس فيك أشياء، بيزرع فيك انتماءات، بيستثير بداخلك مشاعر من خلال الجزئيات والمشاهد المتنوعة في خلال القصة.
طبعا اللي هقوله على القصة هذا بينطبق على أغلب الأعمال الفنية عموماً والفن عموماً، وكان نفسي نعمل درس أثر الفن في الإنسان ومقابلة هذا بأثر القرآن في الإنسان، وأظن كان فيه لقاء سريع كان يعني اتكلم في نفس الفكرة بعنوان لهو الحديث، وشنشير النهارده إن شاء الله للمعنى هذا.
طيب، نرجع تاني أن احتياج الطفل أن حد يحكي له قصة، احتياج الطفل، الطفل محتاج حاجتين بيقول اللعب وأنه يسمع تغرس فيه المفاهيم، وهذا من فطرة الإنسان من وهو صغير، من أهم وسائل غرس المفاهيم فيه أن يستمع إلى قصة فيها سرد للأحداث، بتبتدي معه القصة من لحظة البداية: كان فيه كذا ولذلك اتكلموا، وعلى فكرة ارتباط الزمان دائماً بالقصة، وأن كان يا ما كان كان فيه كذا وكان فيه ثعلب وكان فيه خروف ومش عارف وكان فيه إيه وما سمعش كلام مامته أو اللي بيقذب، وتجيب له أحداث متتالية، يخرج الطفل من غير ما تقول له في نهاية القصة حتى لو أنت ما قلتوش في نهاية القصة: هكذا من يفعل كذا فعليه كذا، هو القصة غرست فيه مفاهيم، وهذا النقطة الثانية الخطيرة في القصة مش رباط؛ لأن السرد هذا بيدي معنى للحياة.
احنا يا جماعة بيتخيل كده عشان تفهموا قيمة القصة المتراكمة المترابطة من أولها حياتنا كده، وقال لك أنت أحداث حياتك ما لهاش علاقة ببعض، ولا أنت مخلوق لهدف ولا أنت رايح لحاجة، أنت آه كل حدث ما لوش أي ارتباط، أنت النهارده بتعيش اللي أنت عايزه، اعمل اللي أنت عايزه، لا فيه قانون ولا فيه تشريع ولا فيه غاية ولا فيه هدف والابتلاءات دي أصلاً ما لهاش قيمة، تخيل الحال اللي ممكن يعيشها الإنسان، هنا معنى الحياة يختفي، وهذا اللي بيدفع إنسان أن ممكن ينتحر؛ لأن الحياة لم يعد لها معنى.
إيه اللي بيكسب حياتنا معنى؟ أن حياتنا لها سردية دينية القرآن أخبرنا بها: ﴿إِنِّي جَاعِلٌ فِي الْأَرْضِ خَلِيفَةً﴾، وأن احنا كنا في الجنة، ثم اللي هيستجيب للطاعات يعني يتعامل مع الابتلاءات يعود إلى الجنة مرة أخرى ولا هيعرض هيخش النار، هذه اسمها سردية دينية القرآن أخبرنا بها: ﴿كَانَ النَّاسُ أُمَّةً وَاحِدَةً﴾ [البقرة: 213]، ده سردية أهو دينية موجودة، القرآن بيحكيها من لحظة البداية إلى لحظة النهاية، وفي أحداث جزئية بتمر بها العالم والأمة كلها بتمر بها إلى يوم القيامة هكذا، حياتنا ضمن هذه السردية، فقضية أن ولذلك احنا دايما نقول إيه؟ أن أي سردية تانية مخالفة للطرح الديني احنا بنرفضها ورفضنا لها قاطع، يعني مثلا لما يجي لك سردية تانية نقول احنا جئنا عبثاً، الطبيعة قعدت تجرب وطلعت، وهذا تطور عشوائي، الإنسان في الآخر مش عارف هو ذرة هباء مش عارف إيه، دي سردية كاملة مخالفة تماماً للدين، فطبعا الإسلام يرفض ذلك تماماً، فنكون مستوعبين أن أي طرح بيخالف أصول الإسلام هو مضاد لهذا الإسلام، سواء في تشريعاته أو في أصوله الكلية أو في مسألة اللي احنا بنتكلم عليه أن احنا عندنا سردية دينية جاء بها الوحي أخبرنا من نحن؟ ولماذا جئنا إلى هنا؟ وإلى أين سننتهي؟
طيب، يبقى إذن اتكلمنا مسألة أن طبيعة الإنسان يحتاج أن يسمع إلى القصة؛ لأن القصة بما فيها من سرد بتعطي معنى للحياة. ثاني حاجة، القصة بتحاكي واقع الإنسان، فانت بتتخيل نفسك داخل القصة، والخطاب دايما يدخل الإنسان لما يكون الخطاب ده مقارب له مشابه له، ولذلك يجي لك إيه؟ احنا في الأفلام أو في المسلسلات احنا نجيب شخصيات من المجتمع، هو عايز يجيب لك أن احنا حاسين بمعاناتكم وهذا بيكون أكثر تأثيراً، هو والقصص اللي بتكون دائماً مبنية على أنها بتحاكي واقع الإنسان بتكون أكثر تأثيراً غير القصص اللي جاية من عالم الخيال وكلها أبطال خارقين وكلها يستحيل وجودها على أرض الواقع، دي بتأثر تأثيراً جزئياً وبتعمل تشوه في مفاهيم الأطفال؛ لأن الأطفال لما المفاهيم دي بيجي ينزلوا الواقع بيتصدموا في صخرة الواقع زي ما كلنا اتصدمنا في صخرة الواقع.
فبالتالي لما بيجي لك بقى قصة أو رواية أو فيلم أو مسلسل وعايز يغرس فيك مفاهيم، هو لازم يدعي أن هو بيحاكي الواقع، واحنا بنتكلم على أرض الواقع، والشكوى ديت احنا مش احنا مش احنا اللي مؤلفينها، ده ده الواقع هو اللي كده، فبتكون أكثر تأثيراً، ولذلك لما، معلش الكلام هتلاقوه متداخل شوية، هستبق أحداث وأرجع لها تاني، لما لما أراد المشركون أن هم يطعنوا في الدين قالوا سموا سموا قصص القرآن إيه؟ قالوا عليها إيه؟ ها؟ قالوا: ﴿أَسَاطِيرُ الْأَوَّلِينَ﴾. عايزكم تكتبوا كده في البحث، هذا من الواجبات بقى في الخاتمة تكتب كده في البحث القرآني: أساطير الأولين، وتشوف جت مواطنها فين في القرآن؟ وأن امتى كان الكفر فرب يلجأ لوسيلة الدفاع باتهام القرآن بالأساطير؟ سواء في سورة الأنعام أو في سورة الأنفال أو في سورة النحل أو في سورة القلم، تقريبا الدرس اه في التليجرام كان قطع ورجع تاني؟ طيب، إذن رجع تاني على التليجرام إن شاء الله.
طيب، يبقى كنت بقول نعمل بحث معلش الناس اللي بتتفرج على الفيس تستحمل شوية القناة على تليجرام تقريبا البث المباشر على تليجرام قطع، احنا إن شاء الله إيه، طيب، أظن الصوت كده رجع تاني على التليجرام، طيب، كنا بنقول أن احنا نعمل بحث عن كلمة أساطير الأولين، هنعمل بحث عن كلمة أساطير الأولين وأن لما تيجوا تبصوا مواطن التي جاءت فيها كلمة أساطير الأولين في القرآن، هتجد زي ما قلت لكم في سورة الأنعام وفي سورة الأنفال وفي سورة النحل وفي سورة القلم وفي سورة المطففين، أظن كان اللي أنا فاكراه أكثر من سبع ثمن مواطن، وكانت وسيلة دفاعية لما بتتلى عليه الآيات أو لما بيتهم أو لما يحب يدعي أنه يستطيع أن يأتي زي سورة الأنفال: ﴿لَوْ نَشَاءُ لَقُلْنَا مِثْلَ هَٰذَا إِنْ هَٰذَا إِلَّا أَسَاطِيرُ الْأَوَّلِينَ﴾ [الأنفال: 31]. ليه؟ لأنه أساطير الأولين.
أنا قعدت فترة أبحث إيه معنى أساطير الأولين؟ يعني إيه إيه عشان ما يقطعش أحاول إيه ما يقطعش تاني، طيب، كنت بقول عايزين يعني إيه أساطير الأولين؟ لقيت أن أغلب المعاجم اللي اتكلمت في معنى أساطير وبترجع لجذر سطر، ورجعت لأكثر من معجم، لقيت أن هم بيتكلموا أن هي بمعنى الأباطيل والأكاذيب وأن المعنى الأساسي فيها قضية اختلاق شيء، أنك بتختلقه أنه ليس موجود.
فأول ضربة بيضربوها لما قالوا احنا نقدر نجيب دوت أو في سورة النحل: ﴿مَاذَا أَنزَلَ رَبُّكُمْ ۙ قَالُوا أَسَاطِيرُ الْأَوَّلِينَ﴾ [النحل: 24]، مش في المؤمنين جاوبوا إيه؟ ﴿مَاذَا أَنزَلَ رَبُّكُمْ ۙ قَالُوا خَيْرًا﴾ [النحل: 30] منصوبة، أي أنزل خيراً. أساطيره جت مرفوعة ليه؟ لأن لو كانوا قالوا أساطير الأولين كان هيبقى معنى الكلام: أنزل ربنا أساطير الأولين، لكن هم بينفوا أصلاً نسبة الكلام ده لله سبحانه وتعالى، فكأن معنى الكلام: لم ينزل الله شيئاً ولكن هذا أساطير الأولين، ده معنى آية النحل.
فالأساطير أول حاجة اتهام بالكذب، لما يتهم القصص القرآني بالكذب، احنا نرجع بقى لكلامنا، معنى هذا أنه غير قابل للتطبيق في الواقع، معنى هذا أنه فاقد للتأثير في الناس، لذلك لما ترجعوا للقصص القرآني من المعاني اللي ركز عليها القرآن أثناء القصص أن هذا حق، وفي سورة يوسف في آخر السورة: ﴿مَا كَانَ حَدِيثًا يُفْتَرَىٰ﴾ [يوسف: 111]. ده واقع حصل، دي مش خيالات أو يعني فضائل لا يمكن أن يصل إليها الإنسان، وهذه مشكلة تربية الناس على قصص الخارق اللي هو غير قابل للتطبيق على الواقع، لا قصص القرآن أن ربنا قال في آخر: ﴿نُثَبِّتُ بِهِ فُؤَادَكَ﴾ [هود: 120] ده حق، وقال في آخر يوسف: ﴿مَا كَانَ حَدِيثًا يُفْتَرَىٰ﴾ [يوسف: 111] عبرة ليه؟ ليه ممكن أعتبر به ونعبر به ونتغير به؟ لأن هذا قصص حق.
فالطعنة اللي حاولوا يطعن بها المشركون في قصص القرآن أن هذا أساطير، هذا كذب، ومن المعاني أيضاً في الأساطير فكرة الخيال وفكرة الخارق، يعني وكأن أساطير، طبعا هو مش متفق على الثلاث معاني دول، كذب وفيها خيال ومنتحل، المنتحل دي اللي هي الكذب وخيال وخارق، فملخص الثلاثة أنه غير قابل للتطبيق وأن احنا ممكن نجيب زيه، خلاص، فالقرآن بيركز لأ، هذا حق، هذا القصص نزل بالحق، هذا ما كان حديثاً يفترى، ده كلام حقيقي، واقع حقيقي.
لما تقرأ قصة أصحاب الكهف، وللأسف بعض المتأخرين يعني معاصرين يعني يعني مش عايز اقول بسوء نية؛ لأن هو إن شاء الله ما كانش قاصد كده، قعد يقول لك القرآن فيه يعني القصص القرآني مش لازم يكون كله واقع، وهذا ضلال مبين، لا، هذا أخبرنا الله سبحانه وتعالى بهذا الكلام، وكل القصص القرآنية ده أمر وقع، اصطفى الله سبحانه وتعالى من الأحداث اللي مرت على كوكب الأرض هذه الأحداث أخبرنا بها في كتابه.
طيب، يبقى مسألة السردية اللي بتقدمها القصة، مسألة التأثير اللي يحوز به القصة، مسألة بث المفاهيم من خلال القصص، أنت لما بتتفرج على القصة أو بتسمع، طبعا لما هقول قصة أصدق بها، وإن كان بعض الناس حاول يقول لك في فرق بين القصة والملحمة والمسرحية والرواية والأسطورة وعمل ما بين كل دول، وبعدين رجع قال وإن كان بينهم هذه الأمور قضية مشتركة، كل ده بالنسبة لنا بيشترك أنه بيقدم سرد معين لأحداث متتالية، بيبدأ يتابع حاجة وبينتهي بحاجة، وخلالها ما يسمونه هم بقى في الأعمال الفنية بيسموها الحبكة، اللي هي توالي الأحداث دي مش مشاهد مبعثرة، مش مجرد مشاهد مبعثرة ما لهاش علاقة ببعض، لا، هو بيأخذك من نقطة وبيصل بك إلى نقطة أخرى، هو بيعبر بك إلى منطقة أخرى، فهنا بيعمل إيه بقى القصص؟ بيبث مفاهيم قد لا تشعر بها؛ لأن أنت ببكاء أنت أنت جواك مشاعر بتتأثر وأنت لا تتحكم في هذه المشاعر، فانت ممكن زي الأعمال اللي بيجيبوها بقى في رمضان والمسلسلات، ممكن تتفرج على واحدة وهي بتعيط، تقول: لا يمكن ربنا يقول كده أبدا، فانت تعيط.
هي الآن تبث مفاهيم بداخلك تستثير مشاعر. هذه الاستثارة من المشاعر القرآن كان يحذر منها، ولا سيما في سورة الشعراء. ودائماً أتكلم في سورة الشعراء بعد سورة الفرقان وسورة النور، الكلام النور الفرقان من الحق والباطل، هم بيحاولوا يجيبوا كلام بديل يلعبوا به، والفن بيزاحم نفس المنطقة التي يعمل فيها القرآن في النفس البشرية. الفن عموماً بيزاحم نفس المنطقة، لذلك المصادر اللي أنا عايز أقول لكم عليها كتير جداً، من أهمها ابن القيم له كتاب اسمه الكلام على مسألة السماع، وابن تيمية له بحث داخل كتاب اسمه الاستقامة في بحث مهم عن أثر السماع. السماع لما كانوا بيذكروه، اللي هي أشبه أناشيد ومعازف وموسيقى وأغاني أو سماع الصوفي، كل ده اتكلموا فيه وأثره وإثبات أنه فعلاً فعلاً يحدث أثراً في النفس، أياً كان الأثر ده صح ولا لا، وكانوا يقعدوا يحللوا، أنا قرأت تحليلات بديعة للإمام الشاطبي والإمام الغزالي لأثر الموسيقى في تحريك دوافع الإنسان وانه يتحرك، ثم ابن تيمية يقول كلمة بديعة، بيقول إيه ابن تيمية؟ بيقول إن فعلاً المعازف والفن ده بيحرك قوة محرقة، وقد تحرك حتى البهائم تدفعها للحركة والأطفال حتى لو مش فاهم المعنى، ولكن وإنما حركة العقلاء، يعني لما تسمع حاجة وتتحرك حركة العقلاء، تكون إيه؟ إيه الحاجة لما تيجي لك تحركك عاقل عن الصوت المشتمل على الحروف المؤلفة المتضمنة للمعاني المحبوبة لله سبحانه وتعالى. وهذا أكمل ما يكون في استماع القرآن.
ليه استماع القرآن بيديك طاقة محرقة؟ لأنه يؤثر على مشاعر معينة ومستقبلات بداخلك تدفعك تعطيك طاقة للحركة، وكذلك الموسيقى وكذلك الفن بيلعبوا على نفس المشاعر. فانت بتبث بداخلك مفاهيم وتخرج وأنت لا تشعر، وعلى فكرة كنت قرأت بحث كده بيذكر الأعمال الفنية التي غيرت في القوانين، جايب مثلاً فيلم كذا غير في القانون سنة كذا، وحول القانون من كذا لكذا، مش بس بيغير في مادة، بيغير في قوانين بعد ما كانت الناس تستهجن أشياء أصبحت بعد هذا العمل الفني تستحسن أشياء، طب نفس الأشياء التي كانت تستهجنها أصبحت بعد هذا التأثر! يبقى هذا الفن وهذه الرواية وهذا القصص بيؤهل النفس لتلقي مفاهيم حتى وهي لا تشعر ماذا تحدث بداخلها، فإنك تستسلم لما تشاهد من قصص دون أن تنقب. لذلك لما ييجي حد -وده بقى قصة طويلة يرجعوا لها- قضية الرواية ومفهوم الرواية، أظن الشيخ عبد الله العجيري كان له حلقة في بتاعته عن قضية الرواية والنزاع المشهور، مشكلة الروايات أن ما فيش فيها -وهنا بقى قيمة القصص القرآني- ما فيش فيها ما يسمى بالتعقيب القيمي على الأحداث بالتعقيب القيمي، يعني ما سمعناه حق أو باطل؟ إيه التعقيب الصح؟ القرآن حتى في سورة يوسف كان فيه نوع من التعقيب القيمي، يعني في نص القصة ييجي تعقيب، مش مثلاً كله سرد من أول القصة لآخرها؟ لأ. ﴿قَالَ اجْعَلْنِي عَلَى خَزَائِنِ الْأَرْضِ إِنِّي حَفِيظٌ عَلِيمٌ * وَكَذَلِكَ مَكَّنَّا لِيُوسُفَ فِي الْأَرْضِ يَتَبَوَّأُ مِنْهَا حَيْثُ يَشَاءُ نُصِيبُ بِرَحْمَتِنَا مَنْ نَشَاءُ وَلَا نُضِيعُ أَجْرَ الْمُحْسِنِينَ﴾ [يوسف: 55-56]. تعقيبين، اللي سمع بقى الدروس، أنا اتكلمت على الآيتين دول مهمين جداً في اللقطة دي، وفي آخر القصة في تعقيب، وقبل قصة سيدنا موسى في كلام، وفي النص في كلام، وفي الآخر فيه تعقيب. ده أنا أطلقه أطلق عليه لفظ التعقيب القيمي على الأحداث.
اللي ما عندوش أصول وبيترك نفسه يتنقل من رواية إلى رواية ومن فيلم إلى فيلم ومن مسلسل -أنا مش بتكلم حتى على الحكم الشرعي، الحاجات اللي أنا قلتها دي تختلف أحكامها الشرعية تماماً من المباح للمحرم- أنا الآن أتكلم على أثر هذه الأمور علينا، الكلام ده على الأثر ده دلوقتي إنه بيغير في المفاهيم دون أن يستشعر الإنسان. الإنسان ممكن يخرج من هذا القصص يستحسن أشياء. القصص القرآني وأي قصة تفعل ذلك، ولكن القصص القرآني يبث فينا مراد الله سبحانه وتعالى. كل اللي أنا هقوله ده عن القصة وقصاد القصص القرآني يبين لنا لماذا سمى الله أحسن القصص؟ القصص هو يعني إيه أحسن القصص؟
طيب القصة بتعمل إيه تاني غير قضية السرد وغير قضية الأثر وقضية بث المفاهيم؟ بتخليك بتزرع بداخلك انتماء لما تديك سردية معينة وأنت تستشعر أنك يعني متعاطف مع ده، بتنتمي. لذلك من الحاجات اللي حصلت، وأظن كان أخونا عمرو كامل له على مسألة الأشرار، وكان له رواية في حاجة زي كده، وبيتكلم عن المعنى ده كتير، بيتكلم في إيه؟ بيقول إن في الفترة الأخيرة محاولة إظهار للناس الشرير على أنه طيب، وعلى أنه شهم، وعلى أنه جدع، فانت بيحدث معك مش بداخلك تعاطف معه وأنت لا تشعر؟ أنت بتخرج متعاطف مع حتى الأعمال اللي كان فيها نوع من المهانة ونعتقد اللي بيَفعلها ترد شهادته، أنت أصبحت بتتعاطف معه! يعني في الشريعة دي شهادته ترد، في المجتمع لا تقبل شهادته، وأصبحت بتتعاطف وبتبجله. كل ده يحدث بالقصص بداخلنا ونحن لا نشعر.
أنا طولت في الحتة دي بس عشان أنتقل. الرواية والقصص يحاكي تفاصيل حياتك، فأنت لما تسمع قصة قد تتخيل نفسك مكان الأحداث، ليه؟ لأنها واقعية، لأن أنت ممكن تمر بهذه الأحداث، وده اللي بيخلينا لما بنسمع القصص القرآني وهو يخبرنا عن بشرية الأنبياء، الأنبياء بشر! يعني لما تسمع حزن يعقوب عليه السلام في القصة، وتأثر يوسف من إخوانه، ولما كان ضائق بهم وقال: ﴿أَنْتُمْ شَرٌّ مَكَانًا﴾ [يوسف: 77]. دي بشرية الأنبياء اللي بيمروا، ﴿وَأَوْجَسَ فِي نَفْسِهِ خِيفَةً مُوسَى﴾ [طه: 67]. اللحظات دي لحظات بشرية، الأنبياء يخبرنا بها القرآن، فهم بالنسبة لنا قدوة، بشرية الأنبياء قيمتها بالنسبة لنا أننا نستطيع أن نقتدي بهم، هم أسوة ليسوا ملائكة، ولكن هم أعلى الكمال البشري لا زالوا بشراً، هم بلغوا الكمال البشري لا زالوا بشراً. لذلك أخبرنا الله سبحانه وتعالى عن توبتهم، عن توبة آدم عليه السلام، لأنه بيخبرنا أن كمال النهايات وفي نقص في البدايات، فبيديك أمل أن تستطيع أن تحاكي هذا الأمر.
طيب تخيل بقى اللي يخبرك بالقصة؟ تخيل واحد يقول لك كاتب الرواية ديت تخيل! يقول لك إيه؟ خياله واسع جداً، عنده ترابط ذهني عميق، عارف إن الحدث ده اللي هيقوله في الحالة الأولى هيربطه بالحلقة الأربعين مثلاً، متخيل ومطلع، واسع الاطلاع ودارس لعلم النفس! شف أثر ده، ولله المثل الأعلى، الذي يخبرنا بهذا القصص القرآني هو، وهذا من الوصف اللي جه في آخر سبأ، علام الغيوب وحكيم ولطيف سبحانه وتعالى، علمه الغيوب هو قبل أن يخلق هذه الأمور هو يعلمها سبحانه وتعالى، وعندما تكلم بهذا الكلام الذي يصلح لكل زمان ومكان إلى يوم القيامة، اللي هو القرآن، يعلم مآلات هذا القصص وأثر هذا القصص وما سيحدثه هذا القصص من آثار تحتاج إليها النفس البشرية، أنتم متخيلين؟ فالله سبحانه وتعالى الذي تكلم بهذا الكلام هو علام الغيوب، هو الحكيم، هو اللطيف، هو الخبير بمداخل النفس.
ثم إذا أنت تريد أن تبحث عن مراد الله، طيب ما هو الذي أخبرك بالقصص؟ هذا القصص القرآني هو الله سبحانه وتعالى، ودي آخر حاجة أختم بها بقى المقدمة قبل ما نسكت على قصة يوسف عليه السلام وننتكلم فيها، ودي من المعاني المهمة جداً، أو خلينا نقول نقطتين معلش. القصص اللي من غير القرآن، لو جبنا مثلاً نموذج الشعراء، ربنا بيقول إيه؟ ﴿أَلَمْ تَرَ أَنَّهُمْ فِي كُلِّ وَادٍ يَهِيمُونَ﴾ [الشعراء: 225]. هو ما لوش وجهة واحدة وغرض واحد ومعايير ثابتة، لأ، هو حسب معايير المجتمع، هو النهاردة بيقدم شيء، بكره بينقده، هو ممكن يقدم مسلسل إن اليهود أعداء، وبعد كم سنة يرجع يقول لك ده اليهود طلعوا أصدقاء، هو معاييره مش ثابتة، هو مش متناسق. لأ، القرآن هو: ﴿وَلَوْ كَانَ مِنْ عِنْدِ غَيْرِ اللَّهِ لَوَجَدُوا فِيهِ اخْتِلَافًا كَثِيرًا﴾ [النساء: 82]. القرآن بيحمله حملاً على مراد الله طوال الآيات العامة والقصص خصوصاً، هو بيبث فيك معاني تأخذك إلى مراد الله سبحانه وتعالى.
الطرح البشري لأي قصة طرح ناقص، ليه؟ لأنه يخبرك من زويته هو، القرآن من عند الله سبحانه وتعالى. أديكم مثال عشان تفهموا أنا قصدي إيه دلوقتي، احنا هنستعمل مصطلح -معلش- مصطلح السردية، أو قصة سيدنا موسى لما تيجي تقرأها من القرآن، طب تخيل لو فرعون هو اللي هيكتب، اكتب القصة اللي حصلت بتاعت سيدنا موسى، هيحكيها ازاي؟ زاوية النظر بتاعته ازاي؟ هو طبعاً شايف واحد جاي يخرجنا من أرضنا، واحد جاي يفسد علينا استقرارنا، وواحد مش عارف جاي يعمل إيه، ده اللي فرعون قاله.
خليني نحكي غزوة بدر، نجيب نموذج تاني بقى، المسلمين نفسهم -مش بس أن الطرح بشري ناقص لأنه عدو أو كافر- قصة سيدنا يوسف نفسها لو البشر هم اللي كتبوها اللي عاصروا القصة وكانوا مؤمنين بيوسف عليه السلام، لن يستطيعوا أن يقدموا هذا الطرح! شف الشامل الكلي المحيط بالدقائق، العليم بذات الصدور ودواخل النفوس، مستحيل يفعل ذلك البشر في القصص القرآني، يعني غزوة بدر وغزوة أحد، وأنا كان لي درس الأمسية اللي فاتت كيف عالج القرآن تبعات وتساؤلات غزوة أحد. شف غزوة بدر، لما تيجي أنت تكتب غزوة بدر وأنت تخيل صحابي حضر الغزوة وبيحكي القصة، غير لما ربنا بيخبرنا بالقصة سبحانه وتعالى هو المطلع. فربنا لما أخبرنا بالقصص أول حاجة ربنا أخبرنا بالاحداث التي هي المهمة بالنسبة لنا التي تبلغنا مراده سبحانه وتعالى، وعقب عليها بمراده سبحانه وتعالى، ثم أخبرنا بأشياء لم يكن للعقل البشري أن يحيط بها أصلاً، هتجيبها ازاي؟ ﴿وَأَوْجَسَ فِي نَفْسِهِ خِيفَةً مُوسَى﴾ [طه: 67]. في لحظات فارقة، وفي لحظات في القصص يا جماعة -يعني مثلاً: ﴿وَخَرَّ مُوسَى صَعِقًا﴾ [الأعراف: 143]، ﴿قُلْنَا يَا نَارُ كُونِي بَرْدًا وَسَلَامًا﴾ [الأنبياء: 69]، ﴿وَحَالَ بَيْنَهُمَا الْمَوْجُ فَكَانَ مِنَ الْمُغْرَقِينَ﴾ [هود: 43]، فأشارت إليه ﴿قَالُوا كَيْفَ نُكَلِّمُ مَنْ كَانَ فِي الْمَهْدِ صَبِيًّا * قَالَ إِنِّي عَبْدُ اللَّهِ﴾ [مريم: 29-30]- هذه اللحظات التقطها القرآن! ليه؟ ليبين لك أهمية هذه اللحظات الفارقة واللحظات المحورية في حياة البشر. فلما يخبرنا بها القرآن، القرآن هو الله سبحانه وتعالى تكلم بهذا الكلام، فحينما يخبرنا الله سبحانه وتعالى بهذا الكلام، أنت مش تقعد تحكي بقى جزئيات وتتشعب، ناس تتوه معك وناس مش عارفة أنت عايز إيه، لا لا لأ، القرآن بيقودك بأحداث متتالية وتعقيبات وتبيين. فلو أنت استسلمت للقصص القرآني أنت حققت حاجتين: ما يريده منك القرآن وفي صيغة محببة إلى النفس.
تاني، ما هو اللي موجود في القصص القرآني المعاني دي هي اللي مكتوبة في القرآن، لكن القصة محببة إلى النفس، لذلك يروى في بعض الآثار أن الصحابة ملوا بنوع من الملل كده، فنزلت سورة يوسف، إحساس أن القصص يوصل المعاني بطريقة محببة بهذه السردية المحببة للنفس البشرية. لكن مش كل المعاني لازم نوصلها كده، لازم النفس تتعلم أن هي تستقي المعاني بطريقة غير القصة، ولكن القرآن استعمل قصة! شف الوقت الاقبال المهول على مسألة الروايات مع ضعف القراءة والثقافة، تجد أن أسهل وسيلة لتوصيل المفاهيم دلوقتي اقبال الناس على الرواية، وما تحدثه الروايات من أثر في عقول الناس وهم لا يشعرون.
فنرجع تاني، تخيل بقى القرآن يقدم لك هذه المعاني التي يريدها الله سبحانه وتعالى وفي سياق محبب إلى النفس تصرف عنك الهم والحزن؟ فلما بتيجي تقرأ وخصوصاً قصة يوسف، وقصة يوسف دي بقى يعني حاجة لوحدها مختلفة عن بقية القصص، واتكلم دلوقتي إن شاء الله، لكن القصص القرآني حق مؤثر يحملك إلى مراد الله سبحانه وتعالى الذي تكلم به علام الغيوب، محيط بالنفس البشرية: ﴿وَإِذْ قُلْنَا لَكَ إِنَّ رَبَّكَ أَحَاطَ بِالنَّاسِ﴾ [الإسراء: 60]. هذه المعاني مبسوسة في القصص القرآني.
طيب يبقى قلنا القرآن يركز على الزوايا الهامة والخفية عن البشر قد لا يراها البشر، زي ما قلنا ما يحدث داخل النفوس البشرية، دي هيقولوها الناس إزاي؟ هتبقى مجرد استنتاجات. طيب نيجي بقى إيه؟ نتكلم على سورة يوسف، والغريب أن كلمة أحسن القصص جت في بداية سورة يوسف، مع أن القصص القرآنية كتير، لكن تبدأ سورة يوسف بقول الله سبحانه وتعالى: ﴿نَحْنُ نَقُصُّ عَلَيْكَ أَحْسَنَ الْقَصَصِ﴾ [يوسف: 3]. لو بتتكلم بطريقة طرح العقائد، القرآن أفضل كتاب، لو بتتكلم بطريقة بث الآيات الكونية وتقريب ذلك إلى الناس، القرآن أفضل طريقة، الأحكام الشرعية أسأل الله سبحانه وتعالى أن يعين الواحد أنه يتكلم في كل جزئية من دي، زي ما اتكلمنا عن تناول القرآن للأحكام الشرعية، فايضاً في القصص. لذلك هم بيقولوا إنه كان في محاولة لمزاحمة من النضر بن الحارث من أسباب هذه الآيات وغيرها الموجودة في القرآن، زي لهو الحديث اللي في سورة لقمان وغيرها وأساطير الأولين الموجودة في الأنفال، اسم النضر بن الحارث بيتكرر في مثل هذه المواطن في كتب التفاسير، ليه؟ لانه حاول أن يزاحم القصص القرآني بققص آخر، وجاء بقى بأساطير رستم ومش عارف إسفنديار وقعد يشرح لهم ويتكلم معهم ويعمل مجالس يبث فيها هذا القصص ليخطف الناس.
خدوا بالكم، خطف عقول الناس لم يكن فقط بالشهوات، لكن باحتياجهم لهذه القصص والسرد أنهم يسمعوه، فكان عايز يخطف آذان وعقول الناس من الاستماع للقصص القرآني بهذا القصص. فربنا أخبرنا أن قصص القرآن هو أحسن القصص: ﴿نَحْنُ نَقُصُّ عَلَيْكَ أَحْسَنَ الْقَصَصِ بِمَا أَوْحَيْنَا إِلَيْكَ هَذَا﴾ [يوسف: 3]. هذا القصص ليس من عند البشر، هو وحي من عند الله سبحانه وتعالى: ﴿وَإِنْ كُنْتَ مِنْ قَبْلِهِ لَمِنَ الْغَافِلِينَ﴾ [يوسف: 3]. لذلك يا جماعة لما جَم يتكلموا هل التاريخ سرد؟
هل التاريخ قصة؟ هل التاريخ بيقدم سردية؟ ودي خطورة أنك أنت تقرأ التاريخ قراءة منعزلة عن الشرع وتدعي أن دي قراءة حيادية. لا، ما هو أنت لازم يعني لما يجي يقول لك إيه أصل المجتمعات البدائية كانت أصلاً مشركة وكان مش عارف في إيه وبعد كده حصل تطور، دي سردية للبشر.
القرآن قدم تاريخاً مختلفاً؛ لأن الإنسان بدون تاريخ هو إنسان بدون هوية، فأنت تحتاج إلى السرد التاريخي الذي موجود في القرآن؛ لأن أنت بتنتمي لأمة، وهذا من الدرس قلته في درس أثر القرآن في تغيير الإنسان، كان إذن رقم اتنين أو تلاتة: القرآن بيزرع فيك انتماء، أنت منتمي لأمة، أنت بتمتد امتداد هذه الأمة.
طيب، القصة: قصة يوسف عليه السلام بدأت من الرؤية وانتهت بتأويلها: ﴿قَدْ جَعَلَهَا رَبِّي حَقًّا﴾ [يوسف: 100]، يعني زي ما بيقولوا كده إيه، يعني زي ما كان حد بيذكر أن من معاني السرد أن في أصل بأصل ومقصد القصة رايحة له، يعني فيه منطلق وفيه مقصد القصة رايحة له، وفيه حراك بيأخذك إلى هذه النهاية، وفي النص بتُبث هذه الجزئيات المترابطة، ولو مترابطة بطريقة لا يشعر بها المستمع تماماً.
وبيحدث حالة من القفز الزماني والقفز المكاني أثناء القصة، وده موجود في سورة يوسف أن لا يشترط -وده كتير مثلاً إيه؟-: ﴿فَلَبِثَ فِي السِّجْنِ بِضْعَ سِنِينَ﴾ [يوسف: 42]، و﴿قَالَ الْمَلِكُ إِنِّي أَرَى﴾ [يوسف: 43]؛ سنوات عدت في اللحظة دي، يعني في أيام: ﴿ارْجِعُوا إِلَى أَبِيكُمْ فَقُولُوا يَا أَبَانَا إِنَّ ابْنَكَ سَرَقَ وَمَا شَهِدْنَا إِلَّا بِمَا عَلِمْنَا﴾ [يوسف: 81]، قال: بل هو لسه هناك بيقول لهم ارجعوا إلى أبيكم وهو هنا يعقوب الآية بعدها بيرد على طول.
في قفزات للزمان والمكان وتجاوز لتفاصيل أحداث، حتى العقل اللي بيستمع، النفس التي تتلقى هي تكون بيكرز لها على مفاهيم معينة يراد لها أن تسير بها القصة إلى النهاية. من أول لحظة وسيدنا يوسف بيجري على والده، بتفتح المشهد كده القصة: ﴿إِذْ قَالَ﴾، يعني شف، ﴿وَإِن كُنتَ مِن قَبْلِهِ لَمِنَ الْغَافِلِينَ * إِذْ قَالَ﴾ [يوسف: 3-4] لحظة البداية سيدنا يوسف بيجري على والده وهو بيقول له: ﴿إِنِّي رَأَيْتُ أَحَدَ عَشَرَ كَوْكَبًا﴾ [يوسف: 4] وهو منفعل بما رأى، ده مشهد البداية، ﴿وَالشَّمْسَ وَالْقَمَرَ رَأَيْتُهُمْ لِي سَاجِدِينَ﴾ [يوسف: 4] بيأكد تاني، والله شفتهم، هو مش بيقسم بس أصد مدى انفعاله بهذه الرؤية وهو لسه صغير، وتأويل الوالد له والحنون وفهم المعنى الاشتباه والاصطفاء، ده كله مذكور بقى في الدروس، إلى النهاية: ﴿سَنَوَاتٍ قَدْ جَعَلَهَا رَبِّي حَقًّا﴾ [يوسف: 100].
طيب، أنا ممكن أحكي القصة دي لو أنا عندي، لو حتى جالي تفاصيل، تفاصيل وهي صدق، قصة سيدنا يوسف تخيل كده أنت معاك، تخيل كده تخيل أنت معاك تفاصيل أحداث قصة سيدنا يوسف ويعقوب وأخوته وزوجاتهم وأولادهم وكل حاجة معاك في ورق، وحبيت تقدم للناس القصة، أنت معاك اهو الأحداث كلها مكتوبة وهي صدق جاءتك من عند الله، تخيل! وعايز تبلغ الناس القصة هتقولها ازاي؟ عايز توصل إيه؟
أنت ممكن تحكي نفس، يعني ما تكذبش، بس تنتقي أحداث معينة وتركز عليها وتتجاهل أحداث -ما هو ما حدش عارف التفاصيل دي كلها- فتتجاهل أحداث وتعقب بتعقيبات معينة وتركز على مشاعر معينة، فتخلي ذهن المستمع ينساق إلى معنى معين. القرآن فعل ذلك لكن إلى حيث ما يريد الله.
إيه بقى المعنى أو المعاني اللي وأنت قاعد بتسمع قصة سيدنا يوسف القرآن بيبيّن؟ بينتزع ذهنك حتى لا تنشغل، وبيسوق الذهن والنفس إلى معاني معينة. إيه المعاني دي؟ تجد تكرار لها: معنى ﴿اللَّهُ غَالِبٌ عَلَى أَمْرِهِ﴾ [يوسف: 21]، ﴿إِنَّ رَبِّي لَطِيفٌ لِّمَا يَشَاءُ﴾ [يوسف: 100]، ﴿إِنِ الْحُكْمُ إِلَّا لِلَّهِ﴾ [يوسف: 40، 67]، ده معنى بيتكرر في القصة في أولها وفي ثلثها وفي نصها وفي ثلثيها وفي آخرها، معنى مبثوث طوال القصة ويعاقب عليه بعد الأحداث، فده معنى محوري القرآن أصر ألا يغفله.
لو واحد تاني بيحكي القصة زي ما أتكلمنا -مش فاكرة، أظن درس أثر القرآن في تغيير الإنسان- أن الانشغال بتفاصيل الأحداث البشرية بتنسي الإنسان المراد منها. القرآن لما أخبرنا بغزوة بدر بدأ أول شيء: ﴿كَمَا أَخْرَجَكَ رَبُّكَ مِنْ بَيْتِكَ بِالْحَقِّ﴾ [الأنفال: 5] من أول لحظة ربنا اللي أخرجك، وقلت لكم ارجعوا اقرأوا سورة الأنفال، ابحثوا عن الأفعال التي نسبت إلى الله سبحانه وتعالى، شف لما تيجي تقرأ الكلام البشري عن غزوة بدر وشف الطرح القرآني عن قصة غزوة، مختلف تماماً عن سورة الأحزاب، قصة الأحزاب، قصة سيدنا موسى.
من العجيب ربنا كان بيقص على موسى عليه السلام قصته قال: ﴿قَدْ أُوتِيتَ سُؤْلَكَ يَا مُوسَى * وَلَقَدْ مَنَنَّا عَلَيْكَ مَرَّةً أُخْرَىٰ * إِذْ أَوْحَيْنَا إِلَىٰ أُمِّكَ مَا يُوحَىٰ * أَنِ اقْذِفْهُ فِي التَّابُوتِ فَاقْذِفْهُ فِي الْيَمِّ فَلْيُلْقِهِ الْيَمُّ بِالسَّاحِرِ يَأْخُذْ عَدُوٌّ لِّي وَعَدُوٌّ لَّهُ وَأَلْقَيْتُ عَلَيْكَ مَحَبَّةً مِّنِّي وَلِتُصْنَعَ عَلَى عَيْنِي * إِذْ تَمْشِي أُخْتُكَ فَتَقُولُ هَلْ أَدُلُّكُمْ عَلَى مَن يَكْفُلُهُ فَرَجَعْنَاكَ إِلَى أُمِّكَ كَيْ تَقَرَّ عَيْنُهَا وَلَا تَحْزَنَ وَقَتَلْتَ نَفْسًا فَنَجَّيْنَاكَ مِنَ الْغَمِّ وَفَتَنَّاكَ فُتُونًا﴾ [طه: 36-40].
إيه ده! ده قصة سيدنا موسى يعني دي قصته ربنا بيقصها عليه سبحانه وتعالى ليه؟ من زاوية مختلفة: الله أمر اليم أنه يلقيه: ﴿فَلْيُلْقِهِ الْيَمُّ بِالسَّاحِرِ﴾ [طه: 39]، ربنا ألقى عليه محبة، ربنا اصطنعه لنفسه، ربنا ﴿وَفَتَنَّاكَ فُتُونًا﴾ [طه: 40]. قصة بتحكى بأفعال مختلفة. الناس بتحكي القصة ازاي؟ الأم رمت الطفل في البحر، خد الطفل فرعون، خد الطفل ورباه. لا لا، الموضوع مش كده.
القصص القرآني بيركز على هذا المعنى الهام: الله ألقى إلى أمك أن هي تلقيه في البحر، وامر البحر أن يذهب به، وألقى عليك محبة منه سبحانه وتعالى، واصطنعتك لنفسي، وقبلها فتناك فتونا. التناول القرآني للقصص بيركز على القضية الهامة، وأهمها: الله سبحانه وتعالى يفعل ما يشاء، ﴿إِنَّ رَبِّي لَطِيفٌ لِّمَا يَشَاءُ﴾ [يوسف: 100]، ﴿اللَّهُ غَالِبٌ عَلَى أَمْرِهِ﴾ [يوسف: 21]، ﴿إِنِ الْحُكْمُ إِلَّا لِلَّهِ﴾ [يوسف: 40، 67] اتكررت مرتين على لسان يعقوب وعلى لسان يوسف عليه السلام.
ده معنى محوري أيضاً: الدار الآخرة. شوف لحظة التمكين والخروج من السجن، آية سبعة وخمسين بعد خلاص: ﴿وَكَذَلِكَ مَكَّنَّا لِيُوسُفَ فِي الأَرْضِ يَتَبَوَّأُ مِنْهَا حَيْثُ يَشَاءُ﴾ [يوسف: 56] اللي بعدها -أنا ما كملتش الآية بس الآية اللي بعدها-: ﴿وَلَأَجْرُ الآخِرَةِ خَيْرٌ لِّلَّذِينَ آمَنُوا﴾ [يوسف: 57] كلمة الذين لم يحققوا التمكين رجل الفرقة، ينفس المعنى في ختام السورة أيضاً نفس المعنى، ختام السورة آية آه مية وتسعة: ﴿فَانظُرْ كَيْفَ كَانَ عَاقِبَةُ الَّذِينَ مِن قَبْلِهِمْ وَلَدَارُ الآخِرَةِ خَيْرٌ لِّلَّذِينَ اتَّقَوْا أَفَلَا تَعْقِلُونَ﴾ [يوسف: 109].
يعني أنت ممكن واحد يقعد يحكي القصة وينشغل بالتفاصيل: وفي السجن حصل له كذا ولما طلع ونسوة عملوا وتنشغل بالتفاصيل وتنسى المراد من هذه الأحداث! وده زي ما قلت لكم، ولذلك لما تيجي تقرأ في قصص التوراة والإنجيل -وأظن الدكتور سامي، أنا كنت قلت في الدروس، الدكتور سامي عمري كان عمل مقارنة بين قصة يوسف في التوراة، قصة في التوراة والإنجيل وقصة يوسف في القرآن، وطلع فروقات كثيرة- الطرح القرآني مختلف. ولذلك كان الدكتور فريد الأنصاري بيقول وغيره يعني بيقول أن ذكر الدار الآخرة منزوع من التوراة والإنجيل، يعني هي كلام خالي الدسم بيقول يعني، وكان بيذكر ده إذن في أكثر موطن منه في سورة البقرة، الدكتور فريد عليه رحمة الله، وأن التزهيد في الدنيا وتعظيم الدار الآخرة ده أمر نادر خصوصاً أن تفاصيل الدار الآخرة مش بس تفاصيل، أمر نادر في التوراة والإنجيل، ومبسوط بكثرة في القرآن.
فالقصص القرآني لسورة يوسف لا يشغلك بالتفاصيل التي لا تؤدي لك وتبين لك مراد الله سبحانه وتعالى. لا، ده بعد وده هنا احنا بنسميه التعقيب القيمي؛ يحصل الموقف ونقول إيه، يعني يحصل قصة يعني تيجي تمشي شوية أو ربع وبعد كده تعقيب: ﴿وَاللَّهُ غَالِبٌ عَلَى أَمْرِهِ وَلَكِنَّ أَكْثَرَ النَّاسِ لَا يَعْلَمُونَ﴾ [يوسف: 21]. يعني شف آية مثلاً واحد وعشرين: ﴿وَقَالَ الَّذِي اشْتَرَاهُ مِن مِّصْرَ لِامْرَأَتِهِ أَكْرِمِي مَثْوَاهُ عَسَى أَن يَنَفَعَنَا أَوْ نَتَّخِذَهُ وَلَداً﴾ [يوسف: 21] ده جزء من الحدث، مشهد في بيت الرائي العزيز بيقول لمراته وكلماته وعسى ينفعنا ونتخذه ولداً. فجأة ينتهي القصص ويجي تعقيب: ﴿وَكَذَلِكَ مَكَّنَّا لِيُوسُفَ فِي الأَرْضِ وَلِنُعَلِّمَهُ مِن تَأْوِيلِ الأَحَادِيثِ وَاللَّهُ غَالِبٌ عَلَى أَمْرِهِ وَلَكِنَّ أَكْثَرَ النَّاسِ لَا يَعْلَمُونَ﴾ [يوسف: 21]. مش بمزاج، مش كان معدي بالصدفة فلاقاه فاشترى لها.
ونرجع نكمل القصة: ﴿وَلَمَّا بَلَغَ أَشُدَّهُ آتَيْنَاهُ حُكْمًا وَعِلْمًا﴾ [يوسف: 22] ﴿وَرَاوَدَتْهُ الَّتِي هُوَ فِي بَيْتِهَا عَن نَّفْسِهِ﴾ [يوسف: 23] وتجاوزنا سنين من التربية في قصر العزيز إلى لحظة المراوَدة، وهي مراودة سيقت بطريقة في قمة الحكمة والأدب القرآني الرفيع. تخيل مشهد زي ده هيقدم الآن، يدخلوا الناس في تفاصيل تستثير الشهوات! لكن انظر إلى الطرح القرآني الراقي اللي وصل لك المعنى وبين لك كيف استعصم يوسف، وكيف امتنع يوسف عليه السلام، وكيف فر يوسف عليه السلام بعد أن رأى برهان ربه، وازاي المكر في النسوة أحاط، حاولوا أن يحيطوا به حتى اختار السجن: ﴿قَالَ رَبِّ السِّجْنُ أَحَبُّ إِلَيَّ مِمَّا يَدْعُونَنِي إِلَيْهِ﴾ [يوسف: 33].
وينتهي المشهد ودخل معه السجن. وبمجرد دخول السجن أكيد داخل السجن حصل أحداث كتير ومواقف كتير، بينتقل القرآن مشهد الدعوة إلى التوحيد ومشهد كلمات يوسف بالدعوة إلى توحيد؛ لأن ده أهم شيء في القصص القرآني. قصة أصحاب الكهف مروا بعشرات المواقف، أهم المواقف فيها موقفهم في الدعوة إلى الله، وحرصهم على طيب الطعام بالرغم من ما هم فيه؛ القرآن بينتقي المشاهد التي تبين لك وتقود النفس إلى مراد الله سبحانه وتعالى.
تمشي، بيمشي بك القصص القرآني، بيتجاوز أزمنة وبيتجاوز أمكنة، وبعد كل حاجة في تعقيب عن النفس وعن قدرة الله وعن الدار الآخرة. أنت بتقرأ، مش بتقرأ أحداث بشرية منعزلة عن إرادة الله، أنت لا تقرأ أحداث بشرية منعزلة عن، بالعكس، أنت تقرأ كل شيء مرتبط بقدرة الله سبحانه وتعالى.
أنا فوجئت أن الوقت يعني إيه آه أزف بينا، وبيمشي بك القصص القرآني. ثم أيضاً مما يبث في القصص القرآني وبيختلف عن القصص البشري: القضايا الأخلاقية الثابتة، مش المتغيرة في الطرح البشري، زي ما قلت مرة فلان يبقى رئيس عصابة وطيب، ومرة فلان يبقى عدو وبعد كده فلان يبقى كويس زي اليهود، مرة يبقوا يعمل لك زمان مع تغير المصالح -ده كان زمان عدو دلوقتي يعمل لك حاجة أن هو قريب وأن هم أولاد العم وأن هم مش عارف إيه تغير- لا، القرآن مفاهيم أخلاقية ثابتة بالقرآن المكي وفي القرآن المدني.
وتشوف قصة سيدنا يوسف في الأول يقول: ﴿فَصَبْرٌ جَمِيلٌ﴾ [يوسف: 18] في سيدنا يعقوب، وفي الآخر: ﴿فَصَبْرٌ جَمِيلٌ﴾ [يوسف: 83]. ثبات أخلاقي حتى داخل السجن عند يوسف عليه السلام، ثبات أخلاقي مش بيتعامل بطبيعة براغماتية، لا، هو عنده ثبات أخلاقي، وهو في السجن قال: ﴿إِنِّي تَرَكْتُ مِلَّةَ قَوْمٍ لَّا يُؤْمِنُونَ بِاللَّهِ وَهُم بِالْآخِرَةِ هُمْ كَافِرُونَ﴾ [يوسف: 37]. هو هو بيبيّن التوحيد في أشياء لا يتنازل فيها الأنبياء، قضية التوحيد، فبتشوفي القرآن وبيبث هذه المفاهيم الأخلاقية.
وطبعا كلكم عارفين بقى المشهد النهائي: أخلاق يوسف الرفيعة وعدم الانتقام من أخوته، وعدم تذكير أخوته بالمواقف السيئة، بل تحاشي حتى ذكر هذه المواقف. شف القيم الأخلاقية التي يخرج بها! شف الوقتي لما واحد بيقرأ رواية أو بيشاهد حاجة أو بيشوف قصة، شف القيم الأخلاقية التي تبث فيه؟ تبث فيه أنك لازم تبقى شرير وأنك لازم مش عارف تبقى إيه، وتبقى أنت بلطجي وفي نفس الوقت طيب، ويبث فيك مفاهيم أخلاقية، وده تشوفه في الشارع، أنت بتشوف انعكاس هذه الأفلام والمسلسلات بتشوفها، ويطلع فيلم أو مسلسل يقدم شخصية معينة، تجد الناس والشباب في الشارع محاولة لتقليد حتى طريقة الكلام!
اللي بيترك نفسه مع القصص القرآني هو نفسه هيحاول يتعلم نفس الألفاظ، يقول: ﴿إِنَّمَا أَشْكُو بَثِّي وَحُزْنِي إِلَى اللَّهِ﴾ [يوسف: 86]، هو يقول: ﴿لَا تَثْرِيبَ عَلَيْكُمُ الْيَوْمَ﴾ [يوسف: 92]، هو هيقول: ﴿مِن بَعْدِ أَن نَّغَغَ الشَّيْطَانُ بَيْنِي وَبَيْنَ إِخْوَتِي﴾ [يوسف: 100]، هو هيقول: ﴿إِنَّ رَبِّي لَطِيفٌ لِّمَا يَشَاءُ﴾ [يوسف: 100]، هو هيقول: ﴿تَوَفَّنِي مُسْلِماً وَأَلْحِقْنِي بِالصَّالِحِينَ﴾ [يوسف: 101]؛ يعني هو اللي هيوّطّن نفسه مع القصص القرآني هيكتسب هذه المعاني، زي ما اللي ساب نفسه مع القصص الآخر اكتسب هذه المعاني بدون أن يشعر.
آخر حاجة: التعقيب الطويل، آخر صفحة وربع كده في قصة يوسف عليه السلام: أن قصص السابقين هو امتداد لحياة النبي صلى الله عليه وسلم، لذلك لما ترجعوا لكلام الطبري -وأظن ده أنا قلته في الدروس- وازاي أن الإمام الطبري عليه رحمة الله كان بيربط بين أحداث قصة سيدنا يوسف وأحداث السيرة، وأن دي فيها رسالة للنبي صلى الله عليه وسلم، وأن النبي صلى الله عليه وسلم استعمل نفس المصطلحات لما مكن له في مكة اللي قالها سيدنا يوسف.
فالقصص القرآني ليس للتسلية وفقط، زي ما لذلك هم كان ابن عاشور كان بيتكلم في أن أساطير الأولين قال إن من معانيها هو قصص لقضاء الأوقات، هو للسمر، يعني إيه؟ يعني هنحكي وهنعيط وهنضحك وهنتأسر وهنفرفش، وبعدين هنقوم بقى خلاص خلصت، يعني تدخل تتفرج على القصة مع النضر بن الحارث هيحكي لك حركات وقصص وأساطير وتتأثر بالقصة وسافر والملك وطار وضرب ومات وحصل له وتتأسر وتعيط وتضحك وبعدين خلاص ولا أي حاجة، أنت تأثرت لكن لا يثمر فيك شيئاً، لا يثقل فيك خلقاً: ﴿وَأَنَّهُمْ يَقُولُونَ مَا لَا يَفْعَلُونَ﴾ [الشعراء: 226]. لا يُوسَم هذه الأفعال.
قصة القرآن لا، كان بيثمر تغيير خلقي وتغيير في قيم المجتمع بالفعل، وكانوا يتلقون هذا الصحابة بهذا القصص بهذا التطبيق، كانوا يستحضرون هذه المواقف للأنبياء، وكل القصص وأصحاب الكهف، فكانوا يستحضرون هذه المواقف في حياتهم، كان لهم نوراً في حياتهم، مش مجرد قصص لقضاء والسمر وقضاء أوقات وفقط.
في الختام أن لذلك كما قلنا مثلاً أن لفظ استيأس، واليأس جه مرتين في السورة، سمي ختم به السورة: ﴿حَتَّى إِذَا اسْتَيْأَسَ الرُّسُلُ وَظَنُّوا أَنَّهُمْ قَدْ كُذِبُوا جَاءَهُمْ نَصْرُنَا﴾ [يوسف: 110]، فلا تيأس كما لم ييأس يعقوب عليه السلام، وأن الله سبحانه وتعالى قادر، ودي اللي احنا بنسميها.
زي ما فيه متشابهات ومحكمات للتشريعات، في الأقدار كده في أقدار تكون متشابهات، وبالنسبة لبعض الناس تكون في مظلمة لا يستطيع أن يفهمها، فيحتاج من القصص الواقعي الحقيقي والأقدار التي تهون عليه. زي قصة الخضر مع موسى عليه السلام.
أنت لما بيحصل لك موقف صعب ومش مفهوم حكمته، تستحضر: ﴿وَأَمَّا السَّفِينَةُ﴾، و﴿وَأَمَّا الْغُلَامُ﴾، و﴿وَأَمَّا الْجِدَارُ﴾، وتكتشف أن الحاجات دي كان لها حكمة أخبرنا بها القرآن، فتقيس عليها؛ لأن أكيد أيضاً هذه المواقف لها حكمة ولكن أنا لا أعلم.
فكذلك هنا: ﴿حَتَّىٰ إِذَا اسْتَيْأَسَ الرُّسُلُ وَظَنُّوا أَنَّهُمْ قَدْ كُذِبُوا﴾. القصص السابقين أنت بتستحضره؛ زي ما حصل أشياء وحكمة وترتيب وتقدير ونصر للمؤمنين مين؟ حتى مهما أوذوا وقتلوا وعذبوا؟ وحصل العاقبة كانت للمتقين، أنت بتقيس هذا الأمر عليك الآن، بتستمر ما احنا قلنا دي سردية تاريخية معينة أنت مستمر مع هذه الأمة.
فمهما حدث من تشريد وتقتيل وتعذيب واستضعاف لأمة الإسلام، لا العقيدة للمتقين، وحتى توقن بذلك عندك قصة نموذج لذلك، أنا قلت لكم الكلام في سورة الرعد كلام عن قدرة الله سبحانه وتعالى والكلام تأصيلي، الكلام التطبيقي جه قبلها حتى يسهل على نفسي تلقي معاني سورة الرعد.
يعني في سورة يوسف جه الكلام التطبيقي أن بنموذج تطبيقي الله قادر على تغيير الأوضاع. يعني في سورة يونس وهود الصبر وأن الله سبحانه وتعالى قادر ﴿وَانْتَظِرُوا إِنَّا مُنْتَظِرُونَ﴾. جميعاً هذه المعاني المبثوثة في يونس وهود قبل أن يأتي التأصيل لقدرة الله وعلم الله في الرعد، جه نموذج تطبيقي، ده بيهون على النفس، وده كتير قوي لما يكون حد متضايق أو تعبان، تقوم أنت تقول له إيه؟ أقول لك على حاجة؟ والله العظيم ده فلان حصل معه كذا وكذا وربنا يستر.
فتلاقيه يتسلى بقصص غيره، ليه؟ ما هو اللي عملها قبل كده؟ ﴿وَقَدْ خَلَقْتُكَ مِنْ قَبْلُ وَلَمْ تَكُنْ شَيْئًا﴾. ما هو الذي زي ما ربنا قال لسيدنا موسى: أنت لما طلبت طلب: ﴿رَبِّ اشْرَحْ لِي صَدْرِي * وَيَسِّرْ لِي أَمْرِي﴾، فربنا بيقول: أعطيتك قبل هذا ﴿إِذْ أَوْحَيْنَا إِلَىٰ أُمِّكَ مَا يُوحَىٰ﴾، الذي أعطاك وأنت صغير ولم تفعل شيئاً يعطيك الآن وأنت كبير وأنت الله من عند الله رسول مبعوث من عند الله سبحانه وتعالى.
فاستحضار القصص بيهون على الإنسان، ولذلك دي كانت الخاتمة في آخر السورة: ﴿لَقَدْ كَانَ فِي قَصَصِهِمْ عِبْرَةٌ لِأُولِي الْأَلْبَابِ﴾. أصحاب الألباب الذين فكروا وتأملوا، آيات للمتوسمين الذين نظروا وتوسموا واستبصروا في هذه الآيات: ﴿وَمَا كَانَ حَدِيثًا يُفْتَرَىٰ وَلَٰكِنْ تَصْدِيقَ الَّذِي بَيْنَ يَدَيْهِ وَتَفْصِيلَ كُلِّ شَيْءٍ وَهُدًى وَرَحْمَةً لِقَوْمٍ يُؤْمِنُونَ﴾ ويوقنون بأنها من عند الله سبحانه وتعالى. أنا معلش أعتذر أن أنا طولت عليكم، يعني هو درس بصراحة كان محتاج يبقى أطول من كده، وخصوصاً المقدمة.
لعل إن شاء الله درس أحاول أتكلم فيه زي ما قلت عن الأثر الذي يحدِثه الفن في النفوس والتغيير بصورة أعمق، ومقارنة بحديث سورة الشعراء، بل موقع سورة الشعراء تحديداً بعد سورة الفرقان، وأن بعد الفرقان جه السور الثلاثة: الشعراء والنمل والقصص. وكأن الله أعلم إن شاء الله نتكلم عن هذا بإذن الله سبحانه وتعالى. دي الأشياء التي تصرف المعاني المدسوسة في السور دي، التي تصرف الناس عن الفرقان، سواء الشعراء والمعنى الذي ما فيهوش صورة الشعراء وأنهم يقولون: ﴿وَأَنَّهُمْ يَقُولُونَ فِي كُلِّ وَادٍ يَهِيمُونَ﴾، وأثر تأثير الشعر على النفوس، أو العلم المذكور في سورة النمل، أو القوة والمال المذكور في سورة القصص، كل دي تصرف الإنسان عن الفرقان، فيكون الإنسان على وعي بهذه الأمور ولا يصرف عن كتاب الله سبحانه وتعالى.
أكتفي بهذا القدر. يعني أبراجع سريعاَ القصص القرآني: عدم الاشتغال بالتفاصيل غير المهمة حتى لا يتشعب العقل والمشاعر. تعقيب بالمعاني الصحيحة بعد بعض الأحداث، وده أنا بسميه التعقيب القيمي، وده مهم. زوايا لا يستطيعها البشر، مهما فعل البشر، أن القرآن يقدم الإحاطة الشاملة والنظرة الكلية والتركيز على الأحداث المهمة يقود النفس إلى مراد الله سبحانه وتعالى.
أسأل الله سبحانه وتعالى أن يفقهنا وأن يبصرنا المرة دي، وأن يجعلنا وإياكم من أهل القرآن الذين هم أهله وخاصته. والسلام عليكم ورحمة الله وبركاته.
د. أحمد عبد المنعم