د. أحمد عبد المنعمالسلام عليكم ورحمة الله وبركاته. الحمد لله وحده، والصلاة والسلام على من لا نبي بعده، محمد صلى الله عليه وسلم. أهلاً بكم في الحلقة الثانية من مجموعة حلقات للكلام عن القرآن، وأهمية القرآن، وأهمية القرآن تحديدا في رمضان، وكيف هنتدبر القرآن في رمضان. مجموعة من أربع حلقات نستعد بها للدخول في رمضان، وخاصة في أهم عبادة في رمضان: قراءة القرآن وتلاوة القرآن. اتكلمنا في المرة اللي فاتت عن تصور، حكينا قصة ازاي ربنا سبحانه وتعالى خلق آدم، فعصى آدم فظهر أثر المعصية، فهبط آدم عليه السلام إلى الأرض. ومن رحمة ربنا أن ربنا ما سابش سيدنا آدم، فتكلم بهذا الكلام؛ الوحي الذي هو نزل عن النبي صلى الله عليه وسلم بقى بتاعنا القرآن من الأنبياء يوحى إليهم. فالله عز وجل تكلم بهذا الكلام للناس وهم عايشين على الأرض حتى لا يضلوا.
يبيبقى عايزين نعيد التصور تاني؛ القرآن حبل الله الممدود بتشبيه النبي صلى الله عليه وسلم. الحل مع الحبل ده أن إحنا نتمسك به، فالحلقة بتاعت النهارده واجبنا تجاه هذا القرآن. يبيبقى إحنا لما أنت الأول لما أقول لك تعمل إيه تجاه الموضوع ده، أنت لازم تعرف أهميته. فأنا عرفت أهميته، أنا عرفت دلوقتي أن الموضوع مش اختياري، يعني مش الحل مثلاً أن أنا أسيب الحبل وادور على قارب نجاة أو أدور على حلول أخرى؛ ما فيش حبل تاني. فالقران هو الحبل الاوحد للنجاة، هو السبب الاوحد للنجاة، طبعا مع سنة النبي صلى الله عليه وسلم الموضحة والمبينة للقران. فما فيش حل تاني، يعني ما فيش اختيارات أخرى للنجاة للذي يبحث عن النجاة. يعني أيام سيدنا نوح كان الحل الاوحد للنجاة السفينة: اركب معنا. ابن سيدنا نوح اعتقد أن في حلول أخرى، قال: ﴿سَآوِي إِلَى جَبَلٍ﴾؛ مش هو الموضوع شوية مية هتيجي فأنا هأتصرف فمش لازم سفينة. ﴿سَآوِي إِلَى جَبَلٍ يَعْصِمُنِي مِنَ الْمَاءِ ۚ قَالَ لَا عَاصِم اليوم من أمر الله إلا من رحم وحال بينهما الموج فكان من المغرقين﴾. الإشكالية في ناس بتتعامل مع القرآن كده؛ هو يعني أن إحنا نعرف الخير من الشر يعني ونعرف الحلو من الوحش، طب ما هو مش لازم قرآن ممكن أدوات أخرى؟ لأ، لازم قرآن. اللي بيتعامل ويترك القرآن بالضبط زي اللي بيقول: ساوي إلى جبل يعصمني، هو معتقد أن في جبال أو حبال أو أسباب أخرى تنجيه غير القرآن، هو واهم؛ ما فيش غير القرآن.
يبقى بعد هذه الحقيقه عايزين زي ما كنا قلنا قبل كده في دورة بصائر قرآنية، عايزين نحول معلومة أن القرآن هو السبب والحبل الاوحد للنجاة من معلومة إلى عقيدة. العقيدة تعقد على القلب، لا تتغير مع المؤثرات. سيدنا إبراهيم كان يعتقد يقيناً أن الله عز وجل قادر على كل شيء، هو طاير في الهواء بيقول: حسبي الله ونعم الوكيل؛ ربطوه حطوه في المنجنيق ورموه في الهواء في النار. هذه العقيدة أن الله قادر على كل شيء لم تتغير وهو في الهواء، هو لحظات ويدخل في النار التي أوُقُدوها لم تتغير، وقال: حسبي الله ونعم الوكيل. العقيدة لا تتغير مع المؤثرات. فكذلك عقيدة أن القرآن روح، أن القرآن هدى، أن القرآن بصائر، أن القرآن شفاء، أن القرآن نور، أن القرآن من عند الله كلامه سبحانه وتعالى لننجو؛ كل المواصفات اللي ربنا قال لنا عنها في القرآن عايزين المعلومة دي تتحول إلى عقائد، مهما شفنا من زخرف القول، مهما اطلعنا على أفكار، نوقن أن الحل في القرآن.
نحن بحاجة إلى إعادة تعريف القرآن فعلا؛ نراجع أحوالنا، نراجع أحوال الناس. نحن بحاجة إلى إعادة تعريف القرآن مرة أخرى، أن القرآن أنا عايزك تجمع المواصفات اللي ربنا قالها عن كلام ربنا. يعني عايزك تشوف ربنا قال إيه عن القرآن وأنت بتقرا القرآن كده. لذلك النبي صلى الله عليه وسلم بيتعجب، وقال: الرسول يا رب، يا النداء دي ما جتش في الأدعية في القرآن غير في موضوعين، وتدل على شديد التأثر النبي صلى الله عليه وسلم: وقيل يا رب، آخر الزخرف وسورة الفرقان، وقال: ﴿وَقَالَ الرَّسُولُ يَا رَبِّ إِنَّ قَوْمَاتَّخَذُوا هَذَا الْقُرْآنَ مَهْجُورًا﴾ [الفرقان: 30]. معقول حد يسيب القرآن ده؟! هذا القرآن مهجوراً. وما قالش: يا رب إن قومي هجروا القرآن، قال: يا رب إن قومي اتخذوا، تكلفوا البعد عن القرآن، لأن الطبيعي أنك ما تعرفش تبعد عن القرآن.
ازاي؟ ازاي؟ أنا عايزك تخيل، أجيب لك أمثلة؛ تخيل أرض بور، أرضين بور جنب بعض، وأرض عطشانة شرقانة، ونزلت المية فاهتزت وربت، فرحت بالمية وطلعت زرع. فالارض دي بتبص على الأرض التانية، فوجئ أن الأرض اللي جنبها رافضة المية، كل ما المية تنزل عليها الأرض تبعد مثلاً مش عايزة المية، فتتعجب الأرض التي أنبتت من هذه الأرض: كيف ستعيشين بدون ماء؟! كيف تبتعدين عن الماء؟! تعجب أرض أنبتت من أرض ابتعدت. تخيل طفل رضيع هيموت، ثم التقم ثدي أمه، وبيبص على طفل تاني فيفوجئ أن الطفل رافض ثدي أمه، فيتعجب الطفل من هذا الطفل: كيف بقيت، ابتعدت عن غذائك؟! هذه التعجبات هي تعجب قلب المؤمن الذي ارتباط بالقران ويحيا بالقران وينطلق بالقران، ثم يفاجأ هناك أناس تبتعد عن القرآن، يتعجب: كيف ستعيشون؟! هتعيشوا ازاي من غير قرآن؟! هتتحركوا ازاي؟! هتنطلقوا ازاي في الحياة؟! هتعرفوا هتعرفوا الصح من الغلط ازاي؟!
إذاً، واجبنا اتجاه القرآن رقم واحد: أن تتحول أهمية القرآن من معلومة إلى عقيدة لا تتغير بكثرة المؤثرات. طول ما أنت ماشي ربنا بيقول للنبي صلى الله عليه وسلم في سورة الزخرف، بتقول ربنا بيقول لنا في سورة الزخرف: هم هيحاولوا يعملوا مناهج مضادة ويزخرفوها عشان تبقى شكلها كويس؛ في ناس هيضحك عليها. ﴿وَمَنْ يَعْشُ عَنْ ذِكْرِ الرَّحْمَنِ نُقَيِّضْ لَهُ شَيْطَانًا﴾ [الزخرف: 36]؛ سورة الزخرف. في ناس هتعامى عن القرآن، مش عايز قرآن، مش عايش يعشو يتعامى، يمثل أنه أعمى مش عايز القرآن، أو بالفعل يمثل هذا الدور حتى يصبح أعمى لما يبتعد القرآن. ربنا بيقول للنبي صلى الله عليه وسلم بعدها بآيات: ﴿فَاسْتَمْسِكْ﴾، مش فأمسك، ولا فتمسك، لا، ده بقى أعلى فعل: ﴿فَاسْتَمْسِكْ﴾ لأن هيحاولوا يشدوه منك. ربنا بيقول للنبي صلى الله عليه وسلم، أمال إحنا هيتقال لنا إيه؟! أمال إحنا إيه مع في علاقتنا مع القرآن؟ عايزك تستمسك بالقران، أي علاقة بالقران مؤثرة، أي علاقة بالقران مغيرة.
القران؛ الكفار قلنا الحلقة اللي فاتت خايفين من كلمة توصل لأذن أهل الإيمان، خايفين من كلمة واحدة! جبير بن مطعم كان مشرك، جه سمع آيات من النبي صلى الله عليه وسلم في سورة الطور، قال: كاد قلبي أن يطير. الجن كانوا ماشيين بيدوروا يشوفوا إيه اللي اتغير في الكون، سمعوا النبي صلى الله عليه وسلم بيقرا القرآن فتغير. ﴿لَوْ أَنْزَلْنَا هَذَا الْقُرْآنَ﴾، اللي معاك مش قراني ولا حاجة، ﴿لَوْ أَنْزَلْنَا هَذَا الْقُرْآنَ عَلَى جَبَلٍ﴾، جبل بجد بحقي وحقيقي على جبل، ﴿لَرَأَيْتَهُ خَاشِعًا مُتَصَدِّعًا مِنْ خَشْيَةِ اللَّهِ﴾ [الحشر: 21].
تاثير القران؛ هناك تأثير غيبي للقران، يعني إيه تأثير غيبي؟ يعني إحنا مش مدركين. إحنا دايما إيه التفكير المادي؟ آه، أنا جبت دي حطيتها في دي فده أثر في ده، عايز أوف التأثير أقيسه، أحط ترمومتر أو أحط مقياس أقيس مقدار التأثير. القران مش كده، أنت ممكن تقرا قران تتغير من حيث لا تشعر، ممكن تقرا القرآن على المشرك أو على الكافر حتى لغاية لما إيه حتى يسمع كلام الله؛ لازم يسمع القرآن. طب إيه اللي هيحصل لما القرآن هيعمل فيه إيه؟ أنت ما تعرفش القران هيعمل فيه إيه. أنت ممكن تستفتح كده: ﴿بِسْمِ اللَّهِ الرَّحْمَنِ الرَّحِيمِ * الم * غُلِبَتِ الرُّومُ﴾؛ أنا هقرا سورة الروم ويرد لكم، أنا هقرا سورة الروم عمال أقرأ في أدنى الأرض، وبعدين لغايه في الآخر آخر آية في سورة الروم: ﴿فَاصْبِرْ إِنَّ وَعْدَ اللَّهِ حَقٌّ وَلَا يَسْتَخِفَّنَّكَ الَّذِينَ لَا يُوقِنُونَ﴾ [الروم: 60]. أنا خلصت السورة، لو أنا عايش ومركز أنا فجاه أحس أن أنا عندي يقين، أقول: إيه ده؟ إيه اللي أهل الباطل بيقولوا ده، مهما كان معاهم من أدوات وأسباب مادية إحنا هننتصر؟! أكتسب يقين، إيه اللي حصل؟ ما اعرفش ازاي الآيات دي مجموعة الآيات تراكمت في قلبي وأنتجت هذا اليقين، أنا ما اعرفش؛ هذا كلام الله.
تأثير غيبي؛ إحنا لازم نؤمن بهذا التأثير، مش لازم تقول لي: لا، عرفني لو سمحت هو القران هيعمل إيه بالضبط؟ القرآن يؤثر حتى في المنافق. المنافق النبي صلى الله عليه وسلم بيقول: الذي يقرأ القرآن مثل المؤمن اللي بيقرأ القرآن كمثل الأترُجّة، ريحها طيب وطعمها طيب. ومثل المنافق الذي يقرأ القرآن كمثل الريحانة، ريحها طيب ولا طعم لها. يعني أي علاقة بالقران بتنتج، أي ارتباط بالقران بينتج.
ليه بنبتعد القرآن؟ إذاً واجبنا تجاه القران التمسك بل الاستمساك. أنا عايزك تعد كمية الأفعال اللي جت تعمل إيه مع القرآن: أقرأ، رتّل، تنصت، تستمع، تقوم الليل؛ كل دي أفعال، يعني كل الحواس: ﴿إِنَّ فِي ذَلِكَ لَذِكْرَى لِمَنْ كَانَ لَهُ قَلْبٌ أَوْ أَلْقَى السَّمْعَ﴾ [ق: 37]. شغل كل حواسك للتعامل مع القرآن، كأن أنت بتعدي كده على القرآن، عندك مشاعر كتير، أنت عندك مشاعر خوف، مشاعر رجاء، مشاعر إخبات، مشاعر إنابة؛ بتخاف من حاجة، بتحب حاجة، أنت جواك يعني زي ما أنت عندك أعضاء، عندك إيدين ورجلين، أنت كذلك عندك مشاعر مختلفة. القرآن بيعدي على المشاعر دي يصلحها لك كلها. القرآن يعدي على المشاعر، يعني يعدي على مشاعر خوف يخليك تخاف من ربنا، يعدي على مشاعر رجاء يخليك ترجو الجنة، يعدي على مشاعر كذا: اه، أنت محتاج كذا، بيصلحك؛ كأنك بتعمل صيانة لمشاعرك عشان ما تضلش. طول البعد عن القرآن: ﴿أَلَمْ يَأْنِ لِلَّذِينَ آمَنُوا أَنْ تَخْشَعَ قُلُوبُهُمْ لِذِكْرِ اللَّهِ وَمَا نَزَلَ مِنَ الْحَقِّ وَلَا يَكُونُوا كَالَّذِينَ أُوتُوا الْكِتَابَ مِنْ قَبْلُ﴾ [الحديد: 16]؛ كان في ناس قبلكم وكانوا عندهم كتاب، عملوا معاهم إيه؟ ﴿فَطَالَ عَلَيْهِمُ الْأَمَدُ﴾؛ قعد فترة طويلة مش لازم النهارده ورد القرآن، أصل على فكرة ورد القرآن مش واجب، وبكره مش لازم ورد قرآن، وبعده مش لازم تقرا قرآن، مش لازم قيام ليل، مش لازم، مش لازم، مش لازم. ﴿فَطَالَ عَلَيْهِمُ الْأَمَدُ فَقَسَتْ قُلُوبُهُمْ﴾؛ تجمدت المشاعر. إحنا قلنا القرآن بيصحي المشاعر، المشاعر تجمدت. ممكن واحد صاحبه يموت ما يتاثرش، ممكن ياكل الحرام ما يتاثرش، ممكن يظلم ويقتل وما يتاثرش: ﴿فَقَسَتْ قُلُوبُهُمْ وَكَثِيرٌ مِنْهُمْ فَاسِقُونَ﴾ [الحديد: 16].
لو الإعراض عن القرآن أصبح إعراض مجتمعي، هنتحول إلى مرحلة الفسق: ﴿وَكَثِيرٌ مِنْهُمْ فَاسِقُونَ﴾ والعياذ بالله. لابد من العودة الجماعية للقرآن، مش العودة الفردية؛ لازم إحنا في كلامنا ندعو بالقرآن، لازم الناس تسمع من وظائف الأنبياء: ﴿يَتْلُو عَلَيْهِمْ آيَاتِهِ﴾ [البقرة: 129]. دعوة إبراهيم عشان كان خايف، إبراهيم عليه السلام كان خايف على الأمة من بعده من دعاء يطلب أن ربنا يبعث نبي من وظائفه: ﴿يَتْلُو عَلَيْهِمْ آيَاتِهِ وَيُزَكِّيهِمْ﴾ [البقرة: 129]، والتزكية لا تأتي إلا بعد تلاوة الآيات. لن نتغير بدون قرآن، لن نتزكى بدون قرآن، لن نرقى؛ اقرأ وارتقي، اقرأ وارتقي، عايز أطلع يبقى لازم قرآن. لن ترتقي، لن تزكوا، لن تتغير، لن تقترب من الله إلا بالقران: ﴿اقْرَأْ بِاسْمِ رَبِّكَ الَّذِي خَلَقَ * خَلَقَ الْإِنْسَانَ مِنْ عَلَقٍ﴾ [العلق: 1-2]؛ أول آيات أنزلت. فربنا بيقول للنبي صلى الله عليه وسلم، بيقول للبشرية كلها: أنت كنت علقة، اتحولت من علقة لإنسان لما تعلقت، تعلقت بالرحم فربنا خلقك عشان تبقى أنت، أو من كان ميتاً فأحييناه؛ عشان تبقى ميت ويحييك ربنا بالقران؛ لازم تتعلق بالقران، فالذي رباك بخلقه يربيك بكلامه، فالذي ربى جسدك بخلقه يربي روحك ويهذبك بكلامه سبحانه وتعالى.
إذاً، اللي يبعد عن القرآن، أنا واحد والعياذ بالله قرر يسيب الحبل، يعيش ازاي؟ كنا قلنا شرح طويل ده عشان الوقت في تفسير سورة والتين والزيتون: اللي يبعد عن القرآن هيعيش إيه؟ أوصاف القرآن اللي بعيد عن القرآن: حيران مش عارف الحق، له أصحاب يدعونه إلى الهدى، اتنا في سورة الأنعام؛ مش عارف يمشي مع مين، مش عارف الحق، هيعيش في ظلمات إذا أخرج يده لم يكد، مش هيشوف حاجة، هيجري ورا أي حاجة: ﴿كَسَرَابٍ بِقِيعَةٍ يَحْسَبُهُ الظَّمْآنُ مَاءً﴾ [النور: 39]، هيعيش ضمان، ﴿كَمَثَلِ الْكَلْبِ إِنْ تَحْملْ عَلَيْهِ﴾ [الأعراف: 176]؛ مثل الكلب جت بعد: ﴿وَاتْلُ عَلَيْهِمْ نَبَأَ الَّذِي آتَيْنَاهُ آيَاتِنَا فَانْسَلَخَ مِنْهَا﴾ [الأعراف: 175]، سابها، طب ليه سابها؟ ﴿فَأَصْبَحَ وَالْعِيَاذُ بِاللَّهِ كَمَثَلِ الْكَلْبِ إِنْ تَحْمَلْ عَلَيْهِ أَوْ تْتْرُكْهُ﴾ [الأعراف: 176]، يا أما تيجي تجمع: ﴿كَأَنَّمَا خَرَّ مِنَ السَّمَاءِ فَتَخْطَفُهُ الطَّيْرُ﴾ [الحج: 31]. أو شوف هيعيش في أزمات نفسية، هيعيش حيران، هيعيش ظمآن، هيعيش في ظلمات، هيعيش تايه مش عارف يتحرك ازاي. وفي الآخر الملخص بتاعه زي ما ربنا قال في مقدمة سورة البقرة عن الطائفة المتحيرة، إحنا قلنا الثلاث طوائف المرة اللي فاتت: المتأثرة، المتحجرة، المتحيرة التي تحيرت وابتعدت عن القرآن: المنافقين ﴿صُمٌّ بُكْمٌ عُمْيٌ فَهُمْ لَا يَرْجِعُونَ﴾ [البقرة: 18]. أفُّل كل المنافذ للرجوع؛ صم بكم عمي، تخيل واحد في ظلمات، تخيل واحد عايش في مكان مظلم وحواليه أخطار، وأنت عايز تنقذه بتنادي عليه ما بيسمعكش، هو عمال يتألم عايز ينادي عليك مش عارف، عمال تقول له: بص قدامك، هو عايز يستخدم البسط مش عارف، صم بكم عمي لا يرجع والعياذ بالله. وكيف يرجع وهو ترك الحبل؟!
طيب، ما فيش أمل؟ في أمل، في أمل؛ ارجع وتمسك بالحبل. لما أذنب آدم كان الحل تلقي الكلمات: ﴿فَتَلَقَّى آدَمُ مِنْ رَبِّهِ كَلِمَاتٍ﴾ [البقرة: 37]. يبقى إذا، لما نبتعد الحل إعادة تلقي القرآن؛ ربنا بيقول للنبي صلى الله عليه وسلم سورة النمل: ﴿وَإِنَّكَ لَتُلَقَّى الْقُرْآنَ مِنْ لَدُنْ حَكِيمٍ عَلِيمٍ﴾ [النمل: 6]. سيدنا إبراهيم تلقى كلمات: ﴿وَإِذِ ابْتَلَى إِبْرَاهِيمَ رَبُّهُ بِكَلِمَاتٍ﴾ [البقرة: 124]، وس سيدنا آدم تلقى كلمات، وإحنا تلقينا كلمات.
كلام الله لما تمسك آدم بالكلمات تاب وعاد، ولما تمسك إراهيم بالكلمات أصبح خليلًا. لو احنا تمسكنا بالكلمات هننجو وهنصل إلى النجاة، وهنصل إلى اللي ربنا قال عليها: ﴿فَلَا خَوْفٌ عَلَيْهِمْ وَلَا هُمْ يَحْزَنُونَ﴾ [البقرة: 38].
أسأل الله عز وجل أن أكون وإياكم من أهل القرآن الذين هم أهل الله وخاصته. أقول قولي هذا، واستغفر الله لي ولكم، سبحانك اللهم وبحمدك، أشهد أن لا إله إلا أنت، أستغفرك وأتوب إليك. جزاكم الله خيرا، والسلام عليكم ورحمة الله وبركاته.