د. أحمد عبد المنعمبسم الله الرحمن الرحيم، والسلام عليكم ورحمة الله وبركاته. الحمد لله والصلاة والسلام على من لا نبي بعده محمد صلى الله عليه وسلم.
تكلمنا في المرة الماضية عن إشعاع آية، وكيف أن آية واحدة من كتاب الله عز وجل قد تغير الإنسان؛ تغير الإنسان، تغير أفكار ومبادئ وعطاء الإنسان، تغير وجهته، تغير كل حياتنا. قلنا ازاي إن ممكن آية واحدة تستقيم في قلب انسان تعمل تحويل في المسار، وقلنا إن ده مش بعيد، وده حصل مع سحر فرعون حينما آمنوا.
صحيح الآية الحسية، لكن المؤمن من أوصافه أنه يؤمن بالغيب فيصدق القرآن، فإذا رأى هذه الآيات العظيمة في القرآن صدقها وتغيرت حياته. وكنا تعلمنا في آخر الدرس اللي فات على مسألة العجب اللي ممكن يصيب إنسان؛ ازاي نقرأ الآيات العظيمة اللي بنقرأها في القرآن دي، وازاي لا يصاحب هذا السماع للقرآن أو تلاوة القرآن تغير، في حالة من حالة الانفصال بيننا وبين أحكام القرآن!
احنا لسه نسمع آيات في بذل الصحابة في غزوة أحد، أو حتى في تحريم الربا، احنا ممكن نسمع آيات عظيمة وتجد أن في انفصال؛ حالة انفصال بين ما نقرأه في القرآن وبين الواقع. فرجعت بصيت في القرآن؛ هل الحالة دي موجودة؟ يعني هل ربنا ذكر الوصف ده أن ممكن يحصل انفصال بين تلاوة القرآن أو تلاوة كتاب من عند الله والعمل؟
يعني ممكن يحصل انفصال؟ فوجدت قول الله سبحانه وتعالى في أكثر من موضع، خاصة لما تتتبع كلمة تلاوة الكتاب في القرآن؛ لأن أنت تقوم تجرد كده المصحف، تختم وتبص كده على كلمة تلاوة القرآن. وأول مرة تقرأ: ﴿أَتَأْمُرُونَ النَّاسَ بِالْبِرِّ وَتَنسَوْنَ أَنفُسَكُمْ وَأَنتُمْ تَتْلُونَ الكِتَابَ﴾ [البقرة: 44]، فاختم الآية إيه؟ ختام الآية: ﴿أَفَلَا تَعْقِلُونَ﴾ [البقرة: 44]، يعني ألا تعقل ما تقرأ؟
ربنا بيقول لهم: ازاي تأمر الناس بالبر وتنسى نفسك؛ لان الكتاب الذي تقرأه -الكتاب اللي انت بتقرأه- المفروض أنه يذكرك. يعني لو انت نسيت فالكتاب يفكرك، ما تقرأ من آيات تذكره؛ كيف تأمر الناس بالبر وتنسى وأنت تقرأ الكتاب؟ ازاي؟ يعني اللي بينسى ده ممكن واحد زي ما ربنا قال: ﴿طَالَ عَلَيْهِمُ الأَمَدُ﴾ [الحديد: 16]، طَالَ عَلَيْهِمُ الأَمَدُ بعيداً عن الكتاب. في ناس قلبها بقسو بسبب البعد عن الكتاب، البعد عن القرآن، البعد عن الوحي.
لكن تتلو وتقرأ الكتاب وبالرغم من ذلك لا تطبق، فربنا بيقول: ﴿أَتَأْمُرُونَ النَّاسَ بِالْبِرِّ وَتَنسَوْنَ أَنفُسَكُمْ وَأَنتُمْ تَتْلُونَ الكِتَابَ أَفَلَا تَعْقِلُونَ﴾، ازاي تقرأ القرآن وما تطبقوش؟ فربنا بيقول إن مشكلة اليهود والنصارى مع كتبهم أنهم كانوا كده، أنهم كانوا بيقرأوا التوراة والإنجيل ومش بيطبقوا.
لذلك ربنا بيقول إيه برضو في نفس السورة سورة البقرة: ﴿وَقَالَتِ الْيَهُودُ لَيْسَتِ النَّصَارَى عَلَى شَيْءٍ وَقَالَتِ النَّصَارَى لَيْسَتِ الْيَهُودُ عَلَى شَيْءٍ وَهُمْ يَتْلُونَ الْكِتَابَ﴾ [البقرة: 113]. إيه علاقتهم يتلون الكتاب بأن النصارى بتقول على اليهود ليسوا على شيء والنصارى بتقول على اليهود ليسوا على شيء؟ إيه علاقة أنهم يتلون الكتاب؟ فكثير من المفسرين قال: ﴿وَهُمْ يَتْلُونَ الْكِتَابَ﴾ أي والكتاب يخالف أقوالهم؛ يعني لو هو يرجع للقرآن ويطبق القرآن، بيقول كلام، بيقرأ القرآن، بيقرأ الوحي عنده، وبيعمل أفعال تخالفه.
يعني وقالت اليهود ليست النصارى على شيء وبالرغم أن التوراة تبشر بعيسى، وقالت النصارى ليست اليهود على شيء بالرغم أن الإنجيل يصدق موسى! يعني أنتم فاهمين أنا عايز أقول إيه؟ يعني بيقرأ كلام في القرآن ويقول كلام عكسه. طب ازاي؟ ﴿وَهُمْ يَتْلُونَ الْكِتَابَ﴾؛ يعني واحد يتعامل بالربا فتقول له، وتقرأ البقرة وآل عمران، ازاي؟ يعني انت تتلو الكتاب وفاهم؟
المشكلة أحياناً تكون في الأمية القرآنية، أنه مش فاهم القرآن؛ زي ما ربنا قال: ﴿وَمِنْهُمْ أُمِّيُّونَ لَا يَعْلَمُونَ الْكِتَابَ إِلَّا أَمَانِيَّ﴾ [البقرة: 78]. يعني في ناس مشكلتها أن هي مش فاهمة ومش عايزة تفهم القرآن فبعيدة، أفعالها بعيدة عن القرآن. لكن يتلو الكتاب أو يستمع إلى الكتاب ويفهم ما يقوله الله ثم يقعد! هذا أمر يستدعي العجب، هذه صفة من صفات بني إسرائيل حذرنا الله عز وجل منها في القرآن.
بل والنبي صلى الله عليه وسلم؛ النبي صلى الله عليه وسلم كان في مجلس مع الصحابة فقال: وذلك أوان ذهاب العلم. النبي صلى الله عليه وسلم بيتكلم عن شيء يقول إن الوقت ده وقت ذهاب العلم. فكان قاعد صحابي اسمه زياد بن لبيد فاستعجب؛ يعني إيه العلم يروح مننا يعني؟ فقال: يا رسول الله، وكيف يذهب العلم ونحن نقرأ القرآن، والله لنقرأ القرآن، ونقرؤه أبناءنا، ويقرؤ أبناءنا أبناءه؟ يعني احنا نقرا القرآن وهنخلي عيالنا يقروا القرآن، وهنخلي عيالنا يخلي عيالهم يقروا قرآن عشان العلم ما يروحش منا.
فقال النبي صلى الله عليه وسلم: «ثكلتك أمك يا زياد، إن كنت لأراك من أفقه أهل المدينة! هذه التوراة والإنجيل عند اليهود والنصارى يقرؤونها، فماذا تغني عنهم؟» هذا حديث مسند أحمد بسند حسنه كثير من أهل العلم. قال: هذه التوراة والإنجيل اليهود والنصارى بيقرؤوها، لكن إيه؟ المشكلة في إيه؟ لا يعملون بما فيها.
يعني هذا الوحي بين أيدينا نقرأه في حالة انفصال؛ حالة من الانفصال بما نسمع وبما نطبق. ربنا بيقول: ﴿خُذُوا مَا آتَيْنَاكُم بِقُوَّةٍ وَاذْكُرُوا مَا فِيهِ لَعَلَّكُمْ تَتَّقُونَ﴾ [البقرة: 63]. إيه علاقة ﴿وَاذْكُرُوا مَا فِيهِ﴾ مع ﴿خُذُوا مَا آتَيْنَاكُم بِقُوَّةٍ﴾ يا إخوة؟ خذوا ما آتيناكم بقوة؛ الحاجات اللي تنزل عليك في القرآن لازم تاخدها بحزم. في فارق بين الشدة والقوة؛ قوة، فارق بين الشدة والقوة. النبي صلى الله عليه وسلم قال: «لن يشاد أحد الدين إلا غلبه». في فرق بين التشدد وبين انك تطبق أحكام الدين بحزم وبقوة مش بميوعة؛ انك انت تتعامل بحزم مع نفسك، انك انت تنهى النفس عن الهوى، هذا أمر مطلوب شرعاً عشان تاخد الدين بقوة بحزم.
لابد أن تذكر ما في الكتاب من وعظ: ﴿خُذُوا مَا آتَيْنَاكُم بِقُوَّةٍ وَاذْكُرُوا مَا فِيهِ﴾ أي ما في الكتاب من ذكر الجنة والنار، يساعدكم أن تأخذوا الدين بقوة. لكن هتنسى ما في الكتاب وهتتغافل عما في الكتاب لن تستطيع أن الاشكال!
احنا عندنا مشكلة في اللي بنعاني منها في حالة؛ مقصود الإشكال عندنا مع الإخوان حالة الأمية القرآنية. حالة الأمية القرآنية: ﴿وَمِنْهُمْ أُمِّيُّونَ لَا يَعْلَمُونَ الْكِتَابَ إِلَّا أَمَانِيَّ﴾؛ لأن الناس مش فاهمين القرآن أصلاً. طب يبقى ده حلها أننا نحاول نفهم القرآن ونفهم أزواجنا وأولادنا والناس ونشرح لهم.
رقم اتنين: في حالة من الانفصال بين الفهم وبين التطبيق، ودي الأخطرة؛ حالة الانفصال بين الفهم وبين العمل. بيقول إن المفروض أننا نسمع الآيات، أنت لما الإمام بيقرأ الآيات بنعمل ايه بعد ما بيقرأ الآيات؟ الركن اللي بنعمله بعد القراءة، نعمل إيه؟ ركوع. ليه بتركع؟ ما هو ركوع يعني أنا خضعت، يعني أنا هطبق! ما هو الإمام بيقرأ الفاتحة ويقرأ ما تيسر من القرآن ثم تركع، ليه نركع؟ أي آمنا بذلك وسوف نطبق. احنا مش معاندين سمعنا، دي وأنت قائم، وأطاع الله وأنت راكع؛ يعني ربنا هطبق الكلام ده، أنا عندي عزم ونية أن أنا أطبق.
أنا مش باسمع مش سامعنا واستمتعنا، ده إشكال يحصل حالة من أننا عايزين نستمتع مش عايزين نطبق؛ يعني أنا عايز صوت يعمل لي مزاج، اه يعني أنا عايز أسمع حاجة -أنت عارف مثلاً ممكن قارئ وناس مصيطة بقى اللي حواليه والقارئ بيقرأ وإيه وقام جايب مقام مثلاً حاجة نهاوند كده ولا حاجة، وآيات مثلاً في النار وآيات ناس بتستنكر في النار مثلاً- الله يا عم الشيخ! ده الناس بتموت، الناس بتصوت تبكي، فأول فكرة تحولت إلى حالة من الإيه؟ أن هو مستمتع!
طيب الآيات دي لو نزلت على جبل لدكت. نادي زبير بن مطعم كان بيسمع: كاد قلبي أن يطير! عدي هو فاهم أن القرآن ده رسالة لطالب وبأشياء لازم ينفذها: ﴿إِنَّا سَنُلْقِي عَلَيْكَ قَوْلاً ثَقِيلاً﴾ [المزمل: 5]. عايزين نسمع الوحي عشان نطبقه. فرصة القرآن في التراويح فرصة ذهبية لإصلاح المجتمع، فعلاً فرصة سماع القرآن في التراويح آيات قلما يقرأها الإنسان بمفرده بيسمعها في الصلاة، بيسمع البقرة وآل عمران والنساء معاني عظيمة جداً جداً.
لكن الفكرة أننا نسمع بنية الإيه؟ التطبيق مش نية إسقاط النافلة أو انك عايز تاخد الأجر وبس، لا، احنا عايزين زي ما قلنا القيام بعد الركوع؛ احنا عايزين نسمع عشان إيه؟ نطبق. يعني أما نسمع الآية: ﴿وَاتَّقُوا النَّارَ الَّتِي أُعِدَّتْ لِلْكَافِرِينَ﴾ [آل عمران: 131]. بعض أهل العلم -أظن مذكور القول ده عن أبي حنيفة فيما يذكر يعني- قال: دي أشد آيات القرآن! الآية دي جت بعد إيه؟ تجنبوا الربا أضعافاً مضاعفة، وجد بعدها: ﴿وَاتَّقُوا النَّارَ الَّتِي أُعِدَّتْ لِلْكَافِرِينَ﴾. قال بعض أهل العلم: أهل الربا هيخشوا النار بتاعت الكفار! في نار مخصوصة بتاعة الكفار غير بتاعة عصاة المؤمنين، دول هيتعذبوا عذاب مخصوص والعياذ بالله. فكان بيراها بعض أهل العلم من أشد الآيات، ﴿وَاتَّقُوا النَّارَ الَّتِي أُعِدَّتْ لِلْكَافِرِينَ﴾ دي ممكن لأهل الربا والعياذ بالله تحديدا ينالوا عذاب مخصوص.
تخيل واحد يسمع آية زي دي ويزحلقها وما يتعاملش معها أن هي بتخاطبه، وأن هو مهدد بهذا التهديد! هذه مشكلة، هو المفروض بيسمع عشان إيه؟ عشان ينام؟ ما هو عشان هو متقل في الفطار. صلوا على النبي.
أنا طولت عليكم، عايزين نمحو الأمية رقم واحد، عايزين معنا تفسير مختصر كده هامش على المصحف، الكلمة اللي مش عارفها أسأل عليها، أعلّم أولادي، نراجع مع بعض معاني كلمات الجزء، وبعد كده نبدأ نختار آية نطلعها، أدخل في حياتي طاعة جديدة، أشوف معصية بعملها أبدا أنزعها من حياتي، أبدا أكتسب طاعات جديدة. أسأل الله عز وجل أن يجعلني وإياكم من أهل القرآن الذين هم أهل الله وخاصته، واسأل الله عز وجل أن يبلغنا ليلة القدر، وأن يعيننا على القيام على الوجه الذي يرضى به ربنا عنا سبحانه وتعالى. وجزاكم الله خيراً.