الشيخ أمجد سميربسم الله، الحمد لله، والصلاة والسلام على رسول الله، وعلى آله وصحبه ومن والاه. وأشهد أن لا إله إلا الله وحده لا شريك له، وأشهد أن محمداً عبده ورسوله. اللهم صل على سيدنا محمد النبي، وأزواجه أمهات المؤمنين، وذرياته وآل بيته، كما صليت على آل إبراهيم إنك حميد مجيد. أما بعد.
هذا هو المجلس الرابع من هذه السلسلة، قدوتك. والمجلس الأول والأخير يعني إن شاء الله نخلص السيدة آسية رضي الله عنها في مرة واحدة؛ لأن بقى لنا ثلاث مرات بناخد مش قصة مريم، وهذا مهم أننا نقوله: نحن لسنا جائين نحكي القصة ولا نذكر سيرتها؛ المرأة التي نتحدث عنها إنما جائين ندور على موطن القدوة؛ لأننا قلنا هذه السلسلة فيها أربع نسوة، الأربعة لهن خصوصية. النبي عليه الصلاة والسلام أخبر أنه قد كمل من الرجال كثير، ولم يكمل من النساء إلا السيدة مريم، والسيدة آسية، والسيدة خديجة، والسيدة فاطمه.
فعاوزين ندور فين موطن القدوة؛ لأن هذا مهم جداً للنساء في هذه الآونة؛ لأن القدوة غائبة. فخلصنا مريم القدوة رضي الله عنها، ونبدأ في آسية القدوة أيضاً. طبعا السيدة آسية بنت مزاحم هي امرأة فرعون. والعجيب أن واحدة من أربع كملن والمفروض تكون قدوة للنساء، ربنا سبحانه وتعالى لم يذكرها إلا في موطنين في كتابه سبحانه وتعالى. واحنا قدام حالة استثنائية؛ ليه؟ السيدة خديجة والسيدة فاطمه عندنا ناس كتير يحكون لنا عنهم، يعني عندنا صحابة يتكلمون عنهم، وعندنا سيرة النبي عليه الصلاة والسلام كانت تحفظ، ومن ضمن حفظ السيرة أن بنحفظ علاقته بازواجه وتعاملاته مع الأزواج، وأزاي الأزواج كن يتعاملن معه. ففي ناس كتير تتكلم في الحتة دي. لكن السيدة مريم والسيدة آسية ما فيش، يعني هو لو لم يخبرنا الله عز وجل عنهن خلاص، ما فيش أخبار إلا الإسرائيليات على ما فيها.
وتعاملنا مع الإسرائيليات، طبعا برضه هذا كويس مهم أننا نذكره: أننا نتعامل مع الإسرائيليات إزاي؟ أن الإسرائيليات التي وردتنا أو بلغتنا عن بني إسرائيل ثلاث أقسام: قسم صدقه القرآن فده نصدقه بتصديق القرآن، وقسم كذبه القرآن فده نكذبه بتكذيب القرآن، وقسم سكت القرآن عنه -يعني لا في قرآن ولا في سنة- طبعا أن هذا القسم لا هو صح ولا هو غلط. نعمل إليه فيه ده بقى؟ عشان هذه عادتنا واحنا ماشيين الناس ممكن تبقى متلخبطة، أنت إزاي بتجيب الإسرائيليات؟ هذا القسم يروى لا بأس ولا يصدق ولا يكذب، فيروى ونستانس به ونأخذ منه العبرة، ولا نصدقه ولا نكذبه. وهذا قول النبي صلى الله عليه وسلم: «لا تصدقوا بني إسرائيل ولا تكذبوهم»، وقال: «حدثوا عن بني إسرائيل ولا حرج». خلاص، فمريم رضي الله عنها سيدة مريم القرآن تكلم عنها كثيراً، وفي سورة نزلت باسمها. تبقى السيدة آسية العجيب أن مش هنلاقي لها ذكر في القرآن كله إلا في موطنين: آية في سورة القصص وآية في سورة التحريم، وبس. وكأن الآيتين دول هم اللي هيطلعوا لنا موطن القدوة من السيدة آسية.
فبدون مقدمات ندخل على أول آية، وهي آية سورة القصص، قال سبحانه وتعالى: ﴿وَقَالَتِ امْرَأَتُ فِرْعَوْنَ قُرَّتُ عَيْنٍ لِّي وَلَكَ ۖ لَا تَقْتُلُوهُ عَسَىٰ أَن يَنفَعَنَا أَوْ نَتَّخِذَهُ وَلَدًا وَهُمْ لَا يَشْعُرُونَ﴾ [القصص: 9]. الآية دي عجيبة جداً يا جماعة، وقبل ما ندخل في تفاصيلها تعالوا نتأمل شيئاً علشان نعرف إه موطن القدوة هنا، يعني نستفيد إيه من امرأة فرعون في هذه الآية؟ طبعا بداية، بافتراض وهو أحد افتراضات العلماء: أن امرأة فرعون اللي في سورة القصص هي هي امرأة فرعون اللي في سورة التحريم، وهذا أحد الافتراضين، أن قصة فرعون أو فرعون المذكور في القرآن كله هو فرعون واحد بس، لأن في افتراض تاني أن هذا كان فرعون وهذا فرعون تاني. على هذا الافتراض الأول فاحنا بنتكلم عن امرأة واحدة، اللي في سورة القصص هي هي اللي في سورة التحريم. تعالوا بقى نتأمل المشهد عشان نرجع نشوف فين عظمه آسية رضي الله عنها في هذا الموطن. دلوقتي احنا قدام قصر فيه فرعون مصر، فرعون رجل طاغية جبار.
أولاً: له ملك وسلطان وسطوة، هذا أولاً. ثانياً: سايكوباتي، يعني إيه سايكوباتي؟ يعني ما عندهوش أي مشكلة يقتل كل طفل هيتولد لمجرد أنه شاف رؤيا وتولت له على أن الرؤيا دي معناها أن في طفل هيتولد في الفترة دي هيبقى على إيده هدم ملكك، ما عندهوش أي مشكلة أنه يقتل كل الذكور اللي هتتولد في الوقت ده. ومعلش يا جماعة يعني إيه عشان بس نفهم احنا بنتكلم على شخصية عاملة إزاي؟ فرعون، تخيلوا هذا المشهد الدموي! المشهد ده مش بس مشهد قتل أطفال، ده مشهد مأتم عام في بني إسرائيل؛ يعني الطفل اللي بيولد ده فيقتل، ده ليه أب وليه أم وليه أخوات وليه قرايب، ومش بنقتل طفل ولا اتنين، أي ذكر هيتولد هيقتل. فاحنا قدام واحد مجنون، رجل عنده جنون عظمة، ورجل لا يعبأ بالدماء، ورجل ما فيش في قلبه ذرة رحمة. انتم عارفين ممكن واحد يقتل -يعني تلاقيه قتال قتلى- بس يضعف قدام الطفل الصغير، يضعف قدام قطة، يعني يرحم ضعف ذلك الطفل، هذا موجود. إنما لا، ده واحد بجرة قلم هتقتل كل الذكور اللي هتتولد، ما عنديش مشكلة خالص، وعلى شيء مظنون أو متواهم، يعني إيه؟ شاف رؤيا فاتولت له بكذا، ما يمكن ما يكونش صح، يعني ما عندهوش أي مشكلة. فده فرعون، خلاص؟ طيب، وبعدين؟
احنا قدام مشهد عجيب جداً، والمشهد ده عشان نتأمله ونطلع بموطن القدوة من السيدة آسية، هنحجب خالص رؤية فعل الله عز وجل في هذا المشهد، لأن احنا جايين مش جايين نتدبر الآيات؛ لو جينا نتدبر الآيات بقى هنتكلم في معنى تاني أكبر، وهو أن الله عز وجل يدبر لأوليائه ويدبر لأنبيائه، ده قصة تانية، فاحنا نخرج هذا المشهد، احنا جايين نتكلم ست وراجل، بس ده فرعون بهذه الشخصية التي مصابة بجنون العظمة، شخصية سايكوباتية، شخصية لا تعبأ بالدماء، شخصية لها سطوة وجبروت، شخصية اللي بيقول عليه بيتعمل، ما فيش حد بيعارضه، ما حدش يستجري يعارضه، ده فرعون. وقطعا امرأة فرعون عارفة الشخصية دي قطعا، يعني هي فاهمة كويس جدا جوزها مين وجوزها صفاته عاملة إزاي. طيب، يبقى هذا الرجل.
الحاجة التانية عاوزين نتأملها في المشهد: احنا قدام مشهد المرأة مطالبة فيه بأنها تقنع الراجل ده بالصفات دي أنه ياخد قرار بالابقاء على طفل قد يكون هو المهدد لملكه. يعني احنا مش قدام أي قرار، مش جاية بتقنعه وهو مثلا في جبروته وسطوته واللي احنا عمالين نتكلم فيه ده، بتقنعه بحاجة مثلا إيه هات لي عربية أو هندخل الواد مدرسة إنترناشيونال أو لا، دي جاية عاوزة تقنعه بأن طفل من الأطفال اللي اتولدت سيبه لنا، خصوصا لما نقرا بقى في الإسرائيليات: الطفل ده ما كانش طفل عادي، يعني طفل عجيب شوية، يعني مما قيل إن هي فتحت الصندوق -هنيجي للقصة دي إن شاء الله- لقت نور ططلع من الصندوق، وأنه بنتها كان عندها برص، فلما أصاب البرص ريق هذا الطفل برئت بإذن الله. عندنا كمان شوية إرهاصات ممكن تكون بتقول إنه هو ده هو هذا الطفل. ومع ذلك احنا قدام -لو جاز لنا التعبير بأن هي اصعب مهمة إقناع امرأة لزوجها في التاريخ- هتكون هي دي. يعني هاتوا لي كده ممكن حالة من الأحوال يبقى المرأة مطالبة فيها أنها تقنع جوزها بحاجة وتكون أصعب من المهمة بتاعة امرأة فرعون في الوقت ده؛ عاوزة تقنع فرعون بالشخصية اللي احنا حكينا عنها دي بالأمر ده أو بالقرار أنه ياخد القرار ده. فاحنا قدام أصعب عملية إقناع في التاريخ منذ خلق آدم إلى قيام الساعة، مطالبة امرأة فيها أنها تقنع جوزها بهذا.
عرفت تعمل ده؟ آه، عرفت تعمل ده، وهذا موطن القدوة هنا. عاوزين بقى نتأمل الآية دي في ضوء هذا: امرأة فرعون التي من سياق القصة أن لسه موسى ما كبرش ولا لسه، فهي لم تكن آمنت، وحتى في الإسرائيليات أنها آمنت بعد كده لما سالت: هو مين اللي غلب في يوم الزينة، موسى ولا السحرة؟ فلما تقال لها موسى، آمنت. فاحنا قدام امرأة في الوقت ده ما كانتش لسه مؤمنة ولا حاجة، وعاوزه تقنعه. ليه بقول ما كانتش مؤمنة؟ لا، في بقى اللجوء إلى الله، احنا هنيجي بقى للموقف الثاني هو الموقف الإيماني، احنا هنا قدام امرأة يظهر عقلها. يبقى موطن القدوة من آسية في هذه الآية: العقل، إزاي هتقنع جوزها؟
فتعالجوا نتفرج على هذه المرأة. طيب، عشان في الاخر نستخلص إيه؟ مالكيش حجة، اللي جاية تقول: اصل جوزي صعب، اصل جوزي ما بيتفاهمش، اصل جوزي مش عارف إيه، جوزك مش فرعون، وأنت مش رايحة تقنعية بانه يسيب الغلام اللي بيهدد ملكه، فيبقى عليكي دور. عاوز أقول حاجة قبل ما نبتدي -عشان برضه الدنيا تبقى هادية بينا-: أنا هنا بكلم نساء، فخطابي للرجال قد يكون معدوما أو قليلا، وده بطبيعة المخاطبات، يعني إيه؟ ما تجيش واحدة تقول إيه: أنت متحامل علينا، هو يعني ما فيش كلام للرجالة؟ لا، ما أنا مش جاي أكلم رجالة، أنا جاي أكلم ستات. فلما أجي أخاطب رجالة هكلم الرجال، فلو من أول المحاضره لآخرها ما وجهتش ولا خطاب للرجل، طبيعي، طيب، وجهت يبقى ده تفضل، إنما ليه؟ لأني مش جاي أكلم رجالة، فده مش معناه إني بتحامل على نساء، ولا معناه أن الخطاب ذكوري، ولا معناه الحاجات بقى المعلبة خالص خالص. ولو كان قاعد قدامي رجال مش هكلم الستات، مش هخاطب ستات، هخاطبهم ليه؟ الخطاب للرجال. طبعا قدامي ده مجازا، عشان برضه أنا قدامي رجال طبعا، أنا قاعد في أُوضة -عشان بس بوصّف للناس- قاعد في أُوضة فيها رجال والنساء في مكان تاني، بس هو الخطاب للنساء يعني.
ففهمنا دلوقتي المهمة المستحيلة، يعني دي هي دي بقى اللي تتسمى كده، يعني إيه زي ما كان رجل المستحيل، عندنا ست المستحيل دلوقتي هتظهر معانا: أن امرأة فرعون عاوزة تقنع فرعون بأنه يسيب الغلام اللي ممكن يكون بيهدد ملكه، هتعملها إزاي دي؟ طيب، إيه اللي حصل؟ تعالوا بقى نتأمل عقل تلك المرأة. أول حاجه الصندوق ماشي في النهر، وبعدين تشوفه الجواري فتجيبه، استعصى عليهن فتحه، قالوا لامراه فرعون فجت فيسر لها فتحه، وكان المعنى أن هي اللي هتفتحه ما حد غيرها. وبعدين لقت الغلام فهي اللي سمته موسى (موشا بالشين)؛ لأنها وجدته بين ماء وشجر، والماء في لغتهم: موء، والشجر: شا، فسمته موشا، ثم عرب إلى موسى فسميته موسى.
وكأني بها طبعا، أول ما فتحت الصندوق حبته، أول يعني بسم الله الرحمن الرحيم كده فتحت الصندوق بصيت له حبته، فين ده؟ ﴿وَأَلْقَيْتُ عَلَيْكَ مَحَبَّةً مِّنِّي﴾ [طه: 39]، فكان اللي يشوفه يحبه. ولذلك احنا نجيء طبعا للكلام: قرة عين يا جماعة جت في القرآن ثلاث مرات، كل القرآن جت فيه قرة عين ثلاث مرات. العجيب أن هنلاقي قرة عين في القرآن في مرتين بالتاء المربوطه وفي مره بالتاء المفتوحة، المره اللي معانا دي يعني قرة عين. النساء حاولوا وأنا بتكلم في أي حاجة تفتحوا وتبصوا ورايا، فقرّة عين في الآية هتلاقيها إيه؟ قرة عين التاء مفتوحة. طيب في مرتين تانيين في القرآن؟ قال سبحانه وتعالى: ﴿رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ﴾ [الفرقان: 74]، هتلاقوه بالتاء المربوطة. والمرة الثانية في قول الله عز وجل: ﴿فَلَا تَعْلَمُ نَفْسٌ مَّا أُخْفِي لَهُم مِّن قُرَّةِ أَعْيُنٍ﴾ [السجدة: 17]، هتلاقوها بالتاء المربوطة. وهنا بالتاء المفتوحة، ليه؟
لهذا المعنى الذي قلناه، الآيتين التانيين: قرة العين لم تحصل بعد، ما مختفية لسه ما حصلتش، فتلاقيها بالتاء المربوطة اللي هي بتدل على الإيه؟ الانغلاق، أنتم عارفين لو حاجة مقفولة تبقى ما أنتاش عارف إيه اللي جواها، فربنا هب لنا من أزواجنا وذرياتنا قرة أعين، لسه ما حصلتش، لسه ما جتش قرة، احنا بندعي ربنا فمش عارفين هتيجي مش هتيجي، لو هتيجي هتيجي إزاي في صورة إيه ما نعرفش. فلا تعلم نفس هذه واضحة جدا بقى: فلا تعلم نفس ما أخفي لهم من قرة أعين، فالخفاء ده يناسبه أن التاء الايه؟ التاء المربوطة اللي هي مش معروف إيه اللي جواها. هنا في الآية اللي معانا قالت: ﴿قُرَّتُ عَيْنٍ لِّي وَلَكَ﴾ [القصص: 9]، التاء مفتوحة لأن القرة قد حصلت بمجرد ما بصت فيه وشافت موسى قرت عينها به. ولذلك بعض العلماء قال: إن قرة عين هنا، قرة اسم ولا فعل؟ اسم، قرة ده اسم، قالوا: أن هذا الاسم ضُم معنى الفِعلية، قرّت عين. قرّت لو على الفعل الماضي يبقى تاء مفتوحة: قرّت. فقالوا: صحيح هو قرة اسم لكن تضمن معنى الفعلية أنه حصل وخلاص، فهي حبته أول ما فتحت الصندوق حبته وخلاص تمنته ولدا لها؛ لأنها ما كانتش بتنجب أولاد ذكور فتمنته ولدا لها. اه، بس ده احنا مش بالسهولة دي، أنا دلوقتي بفكر أنا مكان السيدة آسية رضي الله عنها، ماشي أنا عاوز أولد بس هو مش بالسهولة دي، ده في فرعون وفي قصة وحدوته حاصلة في المملكة تخلي أنه لا ما ينفعش. وكأني بالمراه ابتدت تفكر هنعمل إيه، وقالت أعظم جملة في التاريخ ممكن امرأة تقولها.
تقنع بها الرجل؟ تعالوا نتأمل كلام آسيا، عشان نفهم يا نساء يلي بتشتكي من جوزك، يلي ما مش عارفة تفاهم، يلي مش على دور! أنتِ على دور كبير.
أولاً، تعالوا كده من بره كده نبص على حاجة من بره؛ هي هتقول جملة وهنتأملها دلوقتي عشان نصل لمعنى واحد: عقل هذه المرأة. خلونا بس من بره كده نبص للصورة الكبيرة؛ بعد ما خلصت الجملة، نجحت في المهمة ولا ما نجحتش؟ نجحت، يعني الولد ما تقتلش واتخذته ولداً لها؛ فهي نجحت في مهمتها. ده معناه إيه؟ طبعا باخراج معنى تدبير الله عز وجل زي ما قلنا، معناه إن إحنا قدام امرأة مش فاهمة جوزها! امرأة حافظة جوزها. يعني اللي هي هتعمله دلوقتي بيه هتنجح أن تخلي الطاغية السيكوباتي الذي لا يعبأ بالدماء، فرعون، ده ياخد قرار إنه يبقي على ولد قد يكون على يديه تهديد ملكه! أنتِ فاهمين المهمة اللي داخل عليها آسيا؟ نجحت. طب نجحت بإيه؟ دي واحدة عجنها وخـابزها زي ما بنقول، حافظاها، ولأنها حافظاها رتبت جملة عجيبة؛ جملة سطرت بيه نجحت أنها تقنعه.
هندخل في التفاصيل دلوقتي، بس إحنا محتاجين واحنا بنفكر لنوعين من التفكير؛ نوع التفكير اللي هو البعيد ده تفكير استراتيجي، يعني تفكير بنجيب الموضوع من أوله لآخره كده، وبعدين ندخل في التفاصيل بقى، نغرق في التفاصيل بعدين. طيب، ده نستفيد منه إيه يا نساء؟ من القدوة آسيا؛ أنك تفهمي جوزك ده دي ده جزء كبير من نجاحك. أنك تبقي عايشة لأسباب منها: أن أفهم الراجل اللي معايا ده ريموته فين؟ زراروه إيه؟ لو قدرتِ توصلي دي فانتِ قدرتِ مش توصلي -أنا مش بقول إن إحنا عاوزين نسيطر على الراجل، لا، ولا بقول إن إحنا عاوزين نبقى متسلطين كنساء، لا، إحنا عاوزين نعيش حياة هادية، ومن الحياة الهادية دي أن أنا لما أبقى عاوزه حاجة أعرف أحصلها. دي شكوى للنساء كتير: كل ما أقول له حاجة يقول لي لا. طب هو في دور على الراجل؟ طبعا في دور على الراجل، ولو قدامنا رجالة هنكلم الرجالة نقول لهم تعملوا إه يعني، ده هنعمله لو قدامنا رجالة، إنما إحنا عشان بنخاطب نساء فبنقول: ليكِ دور؛ يعني ليكِ دور، يعني ما ينفعش تبقي متجوزة واحد بقالك سنة، اثنين، خمسة، عشرة، ولسه لغاية النهارده خناقاتكم هي هي!
ولو قدامنا راجل هنقول له كده: أين عقلك؟ برده، بس يعني إه مش هقعد أعيد بقى وأزيد كل شوية أنا ما بكلمش رجالة: فين عقلك؟ يعني إه بقى لك ٣٠ سنة، ٢٠ سنة، ١٥ سنة، ١٠ سنين، خناقاتك مع جوزك هي هي؟ يعني إحنا لو جبنا -أنا آسف بس- لو جبنا أي كائن آخر كان زمانه عرف يتاقلم، بلاش، كان زمانه عرف يطلع حلول. طب فين المشكلة؟ واحدة من المشكلات أن المرأة الزوج ما هواش محور في حياتها أصلاً، فهي بقالها ٢٠ سنة، ١٠ سنين، خمس سنين، ثلاث سنين ما فهمتش طبع جوزها، فما فهمتش هو أنا بغلط في إه لما باجي أكلمه؟ هو أنا بغلط في إه لما باجي أطلب منه؟ طب هو دلوقتي محتاج إه فأقدمه له؟ ده هنشوفه إزاي عملته السيدة آسيا: أقدمه له عشان أعرف أخد منه اللي أنا عاوزاه، طب هو إه تخوفاته فأعالجه له وأنا بقدم الطلب بتاعي ولا وأنا بطلب ما أحتاجه؟ فنلاقي تمر سنة واثنين و١٠ و٢٠ و٣٠، وواحد منهم مات، ولغاية قبل ما بيموتوا بيتخانقوا نفس الخناقات! عجيب والله عجيب.
يعني منكِ أيتها المرأة، منكِ نجحتِ في انك تفهميه وتفهمي مفاتيحه وتفهمي زراروه فتوصلي انك تعرفي تاخدي اللي انتِ عاوزاه، ولا منكِ عرفتِ تتعايشي فتتجنبي الخناق حتى لو ما اخدتِش اللي انتِ عايزاه. دي مشكلة كبيرة، مشكلة! طب واحدة من المشكلات أو واحد من المشسباب المشاكل دي: أنك لم تتخذي ذلك الزوج محوراً في حياتك. يعني إه؟ يعني أنا عايشة علشان كاريري اللي بره وشغلي، الشغل ده ممكن يبقى شغل دنيوي، ممكن يبقى شغل أخروي؛ يعني إه أنا عايشة للدار؟ أنا عايشة لتحفيظ القرآن؟ أنا عايشة مش عارف إه؟ وعايشة لعيالك، وجوزك على الهامش!
وعشان تفهمي الإنسان عموماً رجل أو امرأة، كائن معقد، معقد مش يعني عنده عقد مش يعني لا، معقد يعني عشان نفهمه ما هواش بالبساطة بتاع المسائل الرياضية: واحد زائد واحد بيساوي اتنين. الإنسان كائن أكثر تعقيداً من ده بكتير، ولذلك تلاقي شكاوى بتيجي: أنا ما أنا طلبت منه قبل كده نفس الطلب وافق، إشمعنى المرة دي ما يوافقش؟ لأن هي مش معادلة كيميائية هتحطي العنصر أ على العنصر ب وتولعي نار لازم يديكي ج. البني آدم مش كده، البني آدم مش كده! البني آدم عنده مشاعر قد تسيطر، عنده عقل قد يحكم حكم في وقت على نفس المسألة بأن دلوقتي مش وقته؛ فالإنسان أكثر -واحفظوا الاتنين دول: مشاعر وعقل- عشان هننجي لهم كمان شوية، احفظوا الكلمتين دول مهمين: مشاعر وعقل.
طيب، فلو جيت أنا سألتك وقفت كده أي واحدة قلت لها: يلا احكي لي بقى عن جوزك، إه مفاتيحه؟ يعني لو عاوزاه يوافق على حاجة، إه المفتاح بتاع جوزك؟ لو مش عارفة تبقى مشكلة كبيرة جداً. ده دور؛ علي دور، عقلاً أولاً، إحنا بنتكلم عقلاً أهو لسه ما جيناش في دين، عقلاً ليه؟ عشان حياتك يا بنت الحلال تبقى هادية، عشان أنتِ تهدي، يعني حياتك تبقى أهدى، فده عقلاً آه أبقى عارفة مفاتيحه، أبقى عارفة زراروه. مالوش زراروه؟ لا، لا، هو مش فرعون، فرعون كان ليه زراروه إحنا لسه ما دخلناش ولا شفنا زراروه، إنما من بعيد المشهد من بعيد امرأة فرعون عرفت تقنع فرعون، فانتِ جوزك مش فرعون، فأكيد ليه زراروه وأكيد ليه مفاتيح أنتِ اللي لازم تنجحي تلاقيها. ده عقلاً، وشرعاً؛ لماذا؟ لأن النبي عليه الصلاه والسلام قال: «انظري أين أنتِ منه، فإنما هو جنتك ونارك».
وهنا لما بنقول أي نصوص شرعية موجهة للنساء، في نصوص تانية موجهة للرجال، فإحنا مش جايين نخاطب رجال ماشي؟ والا في دقيقتين عشان إه لو واحدة عندها الديفينس ميكانيزم اشتغل، يعني إه أنت جاي ما فيش كلام للرجاله؟ في دقيقتين، أنت ربنا أكرمك من أول ما تتولدي وأنت بنت، وبعدين أبوكي مات، يكرمك أخ، ربنا سبحانه وتعالى، وبعدين اتجوزتِ ربنا يكرمك زوجه، كبرتِ ربنا يكرمك أم. فتلاقي وأنت بنت سيدنا النبي عليه الصلاه والسلام يخخبر أن اللي يخلف ثلاث بنات ويحسن إليهن وينفق عليهن وكذا وكذا كنا له ستراً من النار أو دخل الجنة، روايتين قالوا: طب اتنين؟ قال: طب اتنين، طب واحدة؟ قال: واحدة. وما جااش حاجة زي كده في الذكور! فكرمك بنت، وبعدين كرمك أخت في رواية لهذا الحديث أنه قال صلى الله عليه وسلم: «ثلاث بنات أو أخوات أو بنتين أو أختين» فحظ الرجل أن ينفق على الأخت وأنها تكون إذا أحسن إليها حتى زوج أخته كانت له ستراً من النار، وبعدين كرمك زوجة فخلّى أن الزوج ينفق عليكِ برده ويحتويكِ، وتخيلوا سيدنا النبي يا جماعة بكل التفاصيل الكبيرة اللي في حياته يقول: «حتى اللقمة تضعها في فيّ امراتك!» بصوا بيتكلم في تفصيلة شكلها إه! فسيدنا النبي عليه الصلاه والسلام يوصل لتفصيلة إه؟ «حتى اللقمة تضعها في فيّ امراتك لك بها صدقة»، فأكرمك زوجة، وبعدين هتكبري وتبي أم، هيكرمك أم: «الزم قدميها فثم الجنة».
خلصنا بقى، إحنا مش نخاطب رجالة بقى خلاص يعني، فأتطمنوا، يعني لو في خطاب للرجالة هنديهم على دماغهم. نرجع تاني للنساء بقى: يبقى أنتِ عليكِ دور انك تعرفي مفاتيح جوزك، زراروه جوزك، عشان تعيشي حياة هادية، ده عقلاً، وكذلك شرعاً: انظري أين أنتِ منه، فإنما هو جنتك ونارك، وسيدنا النبي عليه الصلاه والسلام جعل طاعة الزوج واحدة من أربع حاجات اللي بيها المرأة تدخل الجنة: «وأطاعت زوجها».
طيب، يبقى ده أول قدوه أو أول معنى من معاني القدوة في السيدة آسيا: أن هي حافظة جوزها. المعنى الثاني، معنى العقل بقى. تعالوا كده نتأمل عقل هذه المرأة؛ دلوقتي قدام مهمة هي الأصعب على امرأة في التاريخ، زي ما قلنا، وعاوزه تدخل تقنع فرعون، فأول كلمة تقولها؟ قالت: ﴿قُرَّتُ عَيْنٍ لِّي وَلَكَ﴾ [القصص: 9] أول كلمة، وبعدين: لا تقتلوه، ما قالتش لا تقتلوه الأول! قالت: قرة عين لي ولك، وبعدين: لا تقتلوه، وبعدين: عسى أن ينفعنا أو نتخذه ولداً، وبعدين: وهم لا يشعرون.
تعالوا بقى نتأمل كلام المرأة دي. أول حاجه: مخاطبة المشاعر. فاكرين لما قلنا الجنس البشري عموماً، الإنسان في مشاعر وفي عقل، إه الأسرع من حيث الدوافع؟ الأسرع مش الأعظم تأثيراً، الأسرع من حيث الدوافع انك تعمل حاجة أو ما تعملش: الشعور ولا العقل؟ الشعور، الأسرع يعني اللي يخليك تاخد قرار سريع لأن العقل بيحتاج تحليل، يعني بيحتاج يفكر وياخد المعلومات اللي هتجاله ويحللها، إنما الشعور -يعني تلاقي مثلاً الأم لما تلاقي ابنها هيقع مش تروح جاريه لحقاه بالمشاعر مش بالعقل، وممكن يبقى لو فكرت ما تلحقوش لأن هما الاتنين هييموتوا، يعني تقول: خلاص هو كده كده هالك، أنا أرمي نفسي وراه هموت أنا وهو، اللي حركها مشاعر مش عقل.
فالمشاعر هي الأسرع تحريكاً. طب إه المهمة اللي امرأة فرعون عاوزه تنفذها؟ أن الولد ما يتقتلش، وقطعاً فرعون عنده مشاعر مضادة لقتله هتحركه بسرعة؛ مشاعر إه؟ الخوف على ملكه، ده شعور، ده مش عقل دلوقتي، يعني هو خايف، الخوف ده شعور، خايف على ملكه، فده شعور هيخلي فرعون أول ما يعرف أن في عيل في قصره يخليه يقتل الولد ده. فإحنا عاوزين أول حاجه نمنعه من القتل، ولذلك مش أول كلمة قالتها: لا تقتلوه، أول حاجة خاطبت المشاعر عند فرعون، قالت: قرة عين لي ولك، فبتحفز مشاعر فرعون دلوقتي.
طيب، هو فرعون ده ليه مشاعر؟ يعني فرعون ده العلماء قالوا حاجة عجيبة جداً يا جماعة هنا: هل قالت: قرة عين لنا؟ قالت: قرة عين لي ولك، فصلت هنا! طيب، بعد شوية هنلاقي حاجة عجيبة جداً هتقول: لا تقتلوه، عسى أن ينفعني وينفعك... لا، أجملت هنا! قالت: عسى أن ينفعنا. هنا فصلت وهنا أجملت! يعني لا منها قالت: قرة عين لنا لا تقتلوه عسى أن ينفعنا فيبقى السياق شبه بعضه، ولا منها قالت: قرة عين لي ولك لا تقتلوه عسى أن ينفعني وينفعك فيبقى السياق شبه بعضه. لا، دي عملت حاجة عجيبة جداً، قالت: قرة عين لي ولك لا تقتلوه عسى أن ينفعنا. ليه؟ قالوا أن فرعون كان محباً لامرأته جداً، وده معنى تاني الراجل الدبوي السيكوباتي اللي في واحدة نجحت تخليه يحبها! آه، كان بيحبها جداً ولذلك أنا هسالكم بقى سؤال دلوقتي: لو أنا دلوقتي عاوز أقنع فرعون، مش أنتِ عاوز أقنع فرعون أن هو ما يقتلوهوش لأنه قرة عين، العقل يقول إني أقدم لي ولا لك إه اللي تيجي الأول؟ لك يا فرعون، قرة عين لك ولي. العقل يقول كده، هي ما عملتش كده؛ قالت: قرة عين لي، قدمت نفسها الأول، ولك. قالوا لأن هي عارفة هي إه عند جوزها، وأن الطلب ده لو هي عاوزاه وفعلا محتاجاه ويمس بس شعوراً عندها هيتنفذ لها؛ فقدمت نفسها!
والعجيب يا جماعة أن في أثر يدل على ذلك؛ الأثر ده مروي عن ابن عباس وروي مرفوعاً أنها لما قالت ذلك لفرعون قالت: قرة عين لي ولك، قال لك: أما لي فلا حاجة لي به، ومع ذلك عمل فرعون! عمل لها اللي هي عاوزاه، يعني ما قالت: قرة عين لي ولك، قال لها: لا، لا ليكِ أنتِ ماشي، أنا ولا يشغلني، ومع ذلك عمل لها طلبها! ليه؟ بيحبها. يبقى امرأة نجحت أنها تروض فرعون، نجحت أنها تكسب قلب رجل؛ رجل بيقتل الأطفال عادي جداً ولا يعبأ بالدماء، ولا يعبأ بالصريخ والصويت اللي في بني إسرائيل اللي حاصل على موت الأطفال ولا في دماغه، عارفين أمتا بس يعني اتهز؟ لما قعد يقتل كتير قالوا له: خلي بالك أنت كده كل الرجالة بتاعة بني إسرائيل هتموت، وبعدين مشي حد يخدمنا! ساعتها فكر، قال: خلاص نموت سنة ونسيب سنة. حينها فقط قال إه: نموت العيال اللي هتيجي مثلاً في السنة دي والسنة اللي بعديها نسيب. ليه؟ مش قلبه اتحرك، عشان نلاقي حد يخدمنا!
أنتم يا جماعة، أنتم فاهمين شخصية عاملة إزاي؟ نجحت حبها لدرجة أنه مع أنه ما هواش قره عين لفرعون، سابه ليه؟ عشان قره عين لمراته! فابتديت أول حاجة شوف بقى عقل المرأة: أول حاجة خاطبت الشعور قبل ما تقول لا تقتلوه، هي عاوزه تلحق، عاوزه تلحق بسرعة فقالت: قرة عين لي ولك. خاطبت الشعور، يبقى إه؟ أنها تخاطب العقل.
ويبقى حاجة تاني مهمة جداً أنها تزيل التخوفات، وده من مخاطبة العقل برده أو إن شئت فقل مخاطبة الاتنين اللي هو عقل وشعور. يعني إه دلوقتي أنا عاوز أقنعك بحاجة، فابتدي أقنعك عقلاً أن الحاجة دي فيها فايدة، ممكن تقتنع، لكن لأن أنت خايف من حاجة تانية خالص ما تعملش ما تعملش الحاجة دي. مثلاً أنا عاوز أقنعك أن إحنا نجيب عربية دلوقتي وإحنا متبهدلين في المواصلات وأديك شايف الحوادث اللي بتصل في أوبر، فعاوز أقنعك بده كزوجة يعني، فابتدي أقنعك بالعقل وتقتنع فعلا، ما هو أنا خايف على مراتي وعاوز أصونها، فمهم أن إحنا يبقى عندنا.
مقتنع، لكن عندك تخوف أن شوية القرشين اللي أنت شايلهم على جنب دول، أنه لا ده أصل الولد السنة الجاية هيخش الحضانة فنحتاجين. فعندك تخوف تاني محتاج يزال عشان يبقى خلاص استقنا ورقنا وعرفت أقنعك باللي أنا عاوزه. فانت قدامك مهام؛ أول حاجة حركت شعوره، تاني حاجة شعوره حتى لو مش تجاه الطفل، على الأقل اتجاهها هي قرة عين ليه، دلال من المرأة على الرجل، وبعدين عاوزه تخاطبه بالعقل بقى، وبعدين عارفة أن عنده تخوفات فعاوزين نشيلها.
قبل يا جماعة ما ندخل برضو في التفاصيل، عاوزين نشوف حاجة من بعيد كده؛ امرأة فرعون حينها كانت كفيرة لسه ما أسلمتش ولا حاجة، أو يعني لم تكن آمنت بموسى. طيب، هل عندنا شك أن امرأة فرعون في الوقت ده عاوزه تحافظ على ملك فرعون جوزها، ولا هي عاوزه تنقض ملك فرعون؟ في الوقت ده هي عاوزه يعني مش في دماغها خالص أن ملك فرعون ينقض، يعني مش في دماغها، بالعكس، هي مستفيدة، هي قاعدة في القصر امرأة الفرعون فهي مستفيدة بإبقاء ملك فرعون. وهي بتقول سيب الولد، هي مش في دماغها أن الولد ده هيبقى كذا.
طيب، بالدلائل العقلية، احتمال أن الولد ده يكون كده احتمال وارد ولا لا؟ من غير ما نخش في تفاصيل، هو احتمال وارد ضعيف؛ يعني لو بناخد زي ما بيقولوا إيه، الاحتمالية، فهو احتمال من عدد كبير من الاحتمالات أن يكون ده إيه؟ هو العدد الكبير الأطفال كلها اللي بتتولد. فده احتمال ضعيف، يعني ممكن نقول مثلا واحد في مئة ألف، لو مئة ألف طفل هيتولدوا في الحقبة دي، فهو احتمال من مئة ألف احتمال. مع الارهاصات اللي بانت؛ تفتح التابوت الصندوق تلاقي نور، وبعدين ريقه يجي على البرس بتاع بنتها فيبرى البرس، وبعدين كل ما واحد يشوفه يحبه، يبتدي احتمال أن يكون هو هذا الطفل احتمال يزيد. بعد ما كان واحد في مئة ألف، احتمال أن يكون هو هذا احتمال زاد. بالعقل كده، العقل يقول إيه بقى؟ أن هو ده يا امرأة فرعون اللي هيكون سبب في نقض ملك زوجك اللي أنت مستفيدة منه. فالعقل يقول: سيبي جوزك يقتله. لكن غلب على المرأة العاطفة.
احنا بنتكلم عن امرأة عاقلة، وهتنجح في أنها تقنع جوزها بالعقل أنه يعملها اللي هي عايزاه، اللي هو أصلا نتاج العاطفة. ولو قعدنا وحكمنا العقل أنا وانت مش هنقول كده. طيب، ده عاوزين نقول منه إيه؟ أن أنت لازم تفهمي نفسك كامرأة؛ أن ممكن يكون قوي اللي محركك عاطفة، ودي واحدة هحل بيها مشاكل في البيوت، وأن هو ربنا خالق كده، أن المرأة قالوا من معنى نقصان العقل غلبت العاطفة. ده من معنى نقصان العقل في المرأة. طب ده عيب؟ لا مش عيب، لأنها مخلوقة لوظائف في الدنيا مش تححصل غير بكده؛ أن عاطفتها تبقى جياشة، هي المرأة مخلوقة كده، أنها تبقى معطاءة للي حواليها، فلازم يبقى عندها عاطفة جياشة. فالعاطفة تغلب، تغلب إيه بقى؟ تغلب العقل.
وهنا ده حصل مع امرأة فرعون؛ عاطفتها غلبت، وبعدين استخدمت العقل الكبير فعلا في أنها تنفذ أمر العاطفة الشعور. فاحنا نفهم إيه كنساء بقى أنتم يعني من الحتة دي؟ افهمي ده طبيعتك كامرأة، العاطفة تغلب، طبيعة الرجل -طالما جوزك راجل ابن حلال وراجل يعني مش حد شرير مش حد جه قال لا- في حاجة يمكن العقل بيقول كده، بس لأن أنت العاطفة غالبه فما انتيش شايفه ده، خلاص. بدليل أن اللي كان خايف منه فرعون هو اللي حصل؛ يعني احنا ده كله بنبص من بعيد ما دخلناش في تفاصيل. من بعيد كده، اللي كان خايف منه فرعون هو اللي حصل، والعقل يقول كده، العقل يقول: اقتلوا كل اللي يتولد يتقتل. العقل عقل فرعون يعني يقول كده، لكن عاطفتها غلبت، غلبت واستخدمت عقلها في إنفاذ أمر العاطفة ونجحت؛ لأن عقلها عقل كبير.
طيب، أول حاجة خاطبت المشاعر: «قرة عين لي ولك». وعرفت ليه لي ولك، وبعدين: «لا تقتلوه» ما قالتش لا تقتله. هي في الأول قالت إيه؟ قرة عين لي ولك، ده خطاب الحبيب لحبيبه. هنا خطاب واحدة وجوزها، بنكلم مشاعر، فمش هتقول قرة عين لي ولكم على التفخيم وتعظيم فرعون، لا، قالت له قرة عين لي ولك، ده خطاب المشاعر. وبعدين لما هنتكلم ملك، لأن أمر الأمر بالقتل ده ملك نفخ، فقال ما قراتش لا تقتله مع أني قرة عين لي ولك لا تقتله، أو قرة عين لي ولكم لا تقتلوه، هي لا جت كده ولا كده. هي لما خاطبت المشاعر توددت: أنا مراتك مش هاجي أقول لك بقى إيه يا جناب الفرعون، ما تجيش. وبعدين لما أخاطبك كملك في إيدك الأمر أنك تقتل، هديك برستيجك وهديك مكانتك وهحترمك.
شايفين يا جماعه عقل المرأة؛ امتى أدلع، وأمتى أكلمه باسمه، وأمتى أناديه بدلع، وأمتى أحترمه؛ لأن ده موقف يستدعي احترام للرجل، مش كله زي بعضه، مش ما أنا بقول لك كده في البيت. يعني زعلت لما قلتها قدام أخواتك؟ عشان قدام أخواتي، واحنا في البيت حاجة وأنا قدام أخواتي حاجة، ده العقل. فده المرأة محتاجاه؛ قرة عين لي ولك، لا تقتلوه يا جناب الفرعون، يا جناب الملك، لا تقتلوه.
وقالوا إنه لا هنا لا تقتلوه، احنا هنفصص بقى في كلام المفسرين ونستمتع بعقل المرأة على كل الأوجه. قالوا: لا، أصل هي لو قالت لا تقتله وأجابها فرعون ما تقتلوهوش، قال لها حاضر، بعدها هيسيب غيره يقتله، وبعدين يقول لها: ما تزعليش والله أنا زي ما وعدتك والله ما قتلته، ده فلان اللي قتل، هيلعب معاها اللعبة دي وهي عارفة جوزها. فأرادت أنها تاخد منه الوعد بأن هذا الولد لن يمس لا منك ولا من غيرك. فجمعت، فقالت: قرة عين لي ولك، لا تقتل، يعني لا أنت تقتله ولا تسيب غيرك يقتله، وعاوزه الوعد ده عشان فرعون لما يديها الوعد يبقى خلاص أداها الوعد بكده، فتبقى آمنت أن يقتل الولد لا على إيد فرعون ولا على إيد غير فرعون، عقل برضه.
وقالوا: لا ده هنا لا تقتلوه ما بتكلمش فرعون أصلا، ده هي بتخطب في، قالت له إيه؟ قرة عين لي ولكم، وبعدين التفتت للحاشية: لا تقتلوه. فالخطاب ما كانش لفرعون. فده يديك معنى إيه؟ أن المرأة ممكنة، هنا المرأة امرأة فرعون اللي ما حدش، اللي هو بيقتل على طول، المرأة عندها أريحية ممكنة لدرجة أنها ممكن توجه أمر ونهي لمين؟ للوزراء. طب ده وصلت له إزاي؟ بذكاء، فهمت جوزها، فهمت مفاتيحه، عرفت تدخل له صح يوم ورا الثاني بتمكن. فانت فين من ده؟ مكنت لدرجة أنها وصلت لمرحلة أنها بتقول للحاشية: لا تقتلوه. امرأة عاقلة.
وبعدين لا تقتلوه ليه بقى؟ دلوقتي الولد ده حاجة من اثنين؛ يا بعد ما هناخدوه وهنفرح بيه شويه هيظهر له أب وأم، يا اما مش هيظهر له أب وأم، ما فيش حالة ثالثة. يعني شوفوا يا جماعة الست اللي مستفة الورق، افهموا نساء؛ ده أما تدخلي على، بلاش اندفاع بلا، أعدي ركزي كده، هقول له إيه وهقول له إيه قبل إيه؟ وطبعا احنا لأننا بقى في عندنا دين، هستعين بالله عز وجل أولا وألجأ إلى الله سبحانه وتعالى، وأعرف أن قلب جوزي ده في إيد ربنا سبحانه وتعالى، فهدعي ربنا كتير أنه يفتح قلبه للخير، برضو مش للي في دماغك. اديكم شفتوا امرأة فرعون لبست فرعون في الحيطة، ليه؟ لأنها اتبعت العاطفة. فمش بدماغك، مش لازم اللي في دماغك يكون اللي صح، مش لازم يا رب افتح قلبي وقلبه للخير يا رب.
خلاص، فقتلوه. الولد حاجة من اثنين، يا بعد شويه هيظهر له أب وأم، يا مش هيظهر له أب وأم. هي مستفة ورقها، جاوبت على الاثنين: لا تقتلوه، عسى أن ينفعنا إن ظهر له أب وأم، هذا الولد فيه مخايل النجابة، هينفعنا في المملكة في حاجة. طيب ده في حالة ظهر أب وأم، ولو ما ظهرش أب وأم أو نتخذه ولدا، فلو ظهر له أب وأم لن نعدم منه منفعة، هينفعنا ليه؟ لأنه مش ولد عادي. ولو ما ظهرلوش، نتخذه ولدا، بالذات ما كانش عندها ذكور، ما كانتش بتخلف ولاد ذكور، فنتخذ ولدا. مستفة ورقها.
طيب، يبقى في مشكلة كبيرة هنا دلوقتي؛ أن فرعون خايف من حاجة تانية بقى غير أن الولد ده يطلع هو، طب هيقولوا عليا إيه بني إسرائيل؟ هيقولوا عليا إيه عمال أقتل في عيالهم، ويوم ما يترميلي عيل في القصر أربيه، ده هيحصل عليا ثورة، هقول لهم إيه؟ فقالت: ﴿وَهُمْ لَا يَشْعُرُونَ﴾ [القصص: 9]. ما تخافش من بني إسرائيل، هم مش دريانين بحاجة، لا عارفين أن في طفل جه، وطبعا عادة الملوك زمان أن المرأة تحتجب؛ يعني المرأة ما بتنزلش كده تلف في الشوارع، ولغاية دلوقتي يعني، يعني لو رئيس دولة ولا ملك دولة مراته حملت الرعية ما تعرفش، امتى تعرف؟ لما يلاقوا إيه مباركات للرئيس إنه جاله ولد أو للملك إنه جاله ولد. فما تخافش احنا هنقول إنه ابننا مش إن احنا اتبانيناه، وهم لا يشعرون. لو خايف من بني إسرائيل أن هم هيأكلوا وشك وأنت يعني لما جالك عيل في البحر رمالك عيل من بني إسرائيل، لأن طبعا الرؤية كانت أن ملكه ينقض على يد بني إسرائيل مش من، مش منه هو يعني.
فاذا كنت، إذا كنت خايف من ده، أنا بقفل خوفك أهو، فهم مش مش واخدين بالهم، ومش هنقول، مش هنعلن، هم فجاه هيلاقونا إيه عاملين احتفالات في المملكة أن امرأة فرعون خلفت ولد، وهم لا يشعرون. أو وهم لا يشعرون قالوا إن لا، الموقف ما كانش كده، الموقف كان هي بتكلم فرعون وحواليها الحاشية وحواليها الوزراء عمالين يحضوه على القتل: خلي بالك ده كذا، خلي بالك لا يطلع هو، خلي بالك. راحت هي عاملا إيه؟ واخداه على جنب وقالت له الكلام ده كله وهم لا يشعرون؛ يعني خدته على جنب وقالت له: لا تقتلوه عسى أن ينفعنا أو نتخذه ولدا والحاشية لا تشعر بهذا. امرأة عاقلة مش هقف أنا أدخل في جدال مع الحاشية، مش في الآخر هو قرار فرعون؟ سيبه لي بقى أنا إيه هعرف أستسلمه، مش هقف أبقى أنا كلمة قدامها كلمة. بصوا يا جماعة العقل يعني إيه قاعدة مع جوزك في مكان وبعدين لقيت الموجة عالية عليكي مش وقته، أصل أنا دلوقتي وأنا بتكلم هلاقي إيه أخواته بيتكلموا وأبوه، ما أنا قاعدة في في عيلتهم فمش وقته. الذكاء يقول: خلاص مش وقته، مش في الآخر قرارنا في بيتنا بتاعه لا بتاع أبوه ولا بتاع أخواته، لينا بيت، لينا بيت بقى يلمنا وأنا عارفة مفاتيحه. ده اللي عملته؛ خدته على جنب وقعدت تقول له الكلام ده كله وهم الحاشية والوزراء وهم لا يشعرون.
طبعا في وهم لا يشعرون أن ده من كلام ربنا سبحانه وتعالى، بس احنا احنا جايين نتامل القدوه دلوقتي، فبنجيب أوجه التفسير التي تخدم تلك القضية. خلاص فامراه في غايه العقل، وهم لا يبقى قرة عين لي ولك لا تقتلوه عسى أن ينفعنا أو نتخذه ولدا وهم لا يشعرون. نطلع من هنا بايه كم قدوه بقى؟ أول حاجة أو كم معنى في القدوة: أول حاجة امرأة حافظة جوزها، عارفة مفاتيحه، عارفة دواخله، عارفة زرايره. ثاني حاجة امرأة عاقلة، عندها عقل، وأصلا العلماء قالوا أن كمال الأربع نسوه دول كان بالعقل، أو يعني ده معنى ظاهر فيهن، فهي امرأة عاقلة. خلاص، وبعدين إيه تاني قلناه؟ مش فاكر بقى طلعوها أنتم من من الدرس.
طيب، بسرعة نروح للموطن الثاني الذي ذكر فيه امرأة فرعون، وهو في سورة التحريم. قال الله عز وجل: ﴿وَضَرَبَ اللَّهُ مَثَلًا لِلَّذِينَ آمَنُوا امْرَأَتَ فِرْعَوْنَ إِذْ قَالَتْ رَبِّ ابْنِ لِي عِنْدَكَ بَيْتًا فِي الْجَنَّةِ وَنَجِنِي مِنْ فِرْعَوْنَ وَعَمَلِهِ وَنَجِنِي مِنَ الْقَوْمِ الظَّالِمِينَ﴾ [التحريم: 11].
إذا كان الموقف الأول يا جماعة بيكلمنا عن امرأة ذات عقل، فالموقف الثاني بيكلمنا عن امرأة ذات إيمان راسخ قوي. احنا هنا قدام مثال عجيب من التضحية والبذل. القصة كما ذكر ذلك في بعض الآثار، أن متى قالت هذا؟ قالت هذا وهي تقتل بعدما آمنت. إيه ده؟ مش كان بيحبها؟ أه، بس فرعون مالوش ملة. آمنت، ما ينفعش تساب ليه؟ علشان هيحصل برضه، احنا دلوقتي في إمتى آمنت؟ قلنا لكم لما حصل يوم الزينة أصلا، الناس على كده، السحرة هم آمنوا، فما فيش مجال، ما فيش هزار، اللي هي مهما كان مين دلوقتي اللي هيؤمن هيقتل. ففرعون قال لهم: روحوا جالو الخبر، وكانه والله أعلم والله أعلم -ده أنا يعني إيه ما شفتش حد كتبه- أن فرعون مش هو اللي راح لها، وكانه برضه خاف إنه إيه يضعف، بعت لها ناس. لقيته اللي تقال لي صح: اقتلوها. وقال كده قتلة معينة: هاتوها في الصحراء وحطوها مش عارف إيه وحطوا عليها حجر. قصة كده طويلة يعني يقتلوها، ما كانش خلاصها. في الوقت ده لجأت إلى الله، وهندخل في التفاصيل دلوقتي، بس كالعاده تعالوا نبص على الآية من بره كده الأول يا جماعة، عشان برضه ده معنى مهم للنساء. سورة التحريم أصلا بتكلمنا عن النساء أصلا، وسورة التحريم ليها قصة، إيه القصة؟ سيدنا النبي عليه الصلاة والسلام كان في عسل بيحبه عند السيدة زينب، أما
يدخل يأكل منه، فالسيدة عائشة والسيدة حفصة غارتا، قالتا: طب تعالوا نعمل إيه، خطة عليه، يجي يجي عند السيدة عائشة تقول له: في ريحة طالعة منك، ريحة مش حلوة، أنت أكلت إيه؟ يقول لها: ده عسل. ويروح للسيدة حفصة تقول له: في ريحة. والنبي عليه الصلاة والسلام كان -طبعاً- لا يحب أن يشم منه إلا أطيب أطيب ريح صلى الله عليه وسلم، فيقول: ده أنا واكل عسل. تقول له: لا، الريحة مش تمام. فقال: خلاص، مش هاكل من العسل تاني اللي عند السيدة زينب.
فنزل قول الله عز وجل: ﴿لِمَ تُحَرِّمُ مَا أَحَلَّ اللَّهُ لَكَ ۖ تَبْتَغِي مَرْضَاةَ أَزْوَاجِكَ﴾ [التحريم: 1]. مش عاوزين ندخل في تفاصيل القصة دي، اللي عاوزين نفهمه بقى: ربنا هيتكلم في هذه السورة كلاماً كثيراً، وبعدين هتيجي آية، وبعدين يجي: ﴿وَضَرَبَ اللَّهُ مَثَلًا﴾. الآية ربنا بيخاطب النبي: يا أيها النبي جاهد الكفار والمنافقين واغلض عليهم.
يبقى سيدنا النبي عليه الصلاة والسلام أولاً -يا جماعة، يا نساء- أي راجل عليه فوق دماغه هم ما يتلم هم بره البيت. أنت مهما كانت تقولي: أنا في البيت والعيال وقارني، أنت بتعاملي ناس بتحبيهم، لو إتقال لك تديهم حته منك هتديهم. الراجل بره البيت مطالب يتعامل مع ناس ممكن يكون بيكرههم، ومطالب أنه يستحمل قرفهم عشانك وعشان عياله، ولو كان بطوله كان ساب الشغل من زمان، واللي مخليه قاعد في الشغل: طب كوم اللحم اللي في البيت ده أنا أستحمل هم. فهو شايل بره البيت كتير.
ده أي راجل -يعني بنتكلم في راجل سوي طبعاً، مش اللي قاعد ومراته بتصرف عليه- راجل سوي. فالراجل شايل بره البيت كتير، طب تخيلوا بقى أن كمان هذا الرجل عليه أعباء لأنه رجل عالي الهمة؛ يعني داعية إلى الله، طالب علم، مجاهد في سبيل الله، ماسك ملف المحتاجين والمحاويج ومش عارف إيه عشان أي حاجة، طبيب باذل وقته لله أنه يعمل عمليات بسعر مخفض، ولا مش للدنيا يعني، مش بنكلم واحد عنده همة عالية في دين الله عز وجل، فعليه بقى مسؤوليات زيادة كمان. هذا هو النبي عليه الصلاة والسلام: ﴿يَا أَيُّهَا النَّبِيُ جَاهِدِ الْكُفَّارَ﴾ بالسنان، ﴿وَالْمُنَافِقِينَ﴾ باللسان.
يعني عنده جهاد كفار وحرب وإعداد جيش وممكن نصر وممكن هزيمة، وكل واحدة من دول لها تابات؛ وعنده عدو داخلي في المدينة منافقون، ولازم يجاهدهم باللسان. وفي ده كله تجي المرأة تشغل بالرجل بإيه؟ عشان غار شوية. طبعاً احنا الطبيعي دلوقتي في الرجال التعدد قليل، ده الطبيعي يعني في الرجال، يعني في المجتمع اللي احنا عايشين فيه، في تعدد؟ آه في رجال بتعدد، بس الطبيعي أن التعدد قليل، حينها كان النبي عليه الصلاة والسلام معدد ففي غيرة.
سيدنا النبي عليه الصلاة والسلام فاضي ده؟! نشغل همه، ونتعامل بطباعنا النسائية مع رجل يحمل هم أمة؟ فنتفق عليه، ويدخل عندي أقول له: ريحتك وحشة، ويدخل عندك تقولي له: ريحتك وحشة، وده كله عشان غارين من واحدة تالته؟! إيه ده؟! إيه ده؟!
فجوزك مش حمل ده يعني، هو جوزك فيه اللي مكفيه، هو يريد منك إيه؟ أن تكوني سكناً له، وده اللفظ القراني؛ أنه يرجع البيت يلاقي سكن، ودي مش هنتكلم فيها؛ لأن ده هنتكلم فيها في خديجة رضي الله عنها، هنشوف بقى خديجة دي ده يعني عملاق السلسله اللي معانا لغزارة المعلومات التي عندنا، وإلا فقالوا إن مريم هي سيد نساء العالمين بإطلاق رضي الله عن الجميع.
فالراجل مش حمل ده، ولا ده اللي مطلوب منك، ولا ده دورك في الحياة مع الرجل يا جماعة، احنا يعني يا نساء عندنا مشكلة كبيرة جداً. النساوية يجوا يقولوا لك إيه؟ احنا ما فيش فرق بين الست والراجل، والست مش عارف إيه، وأنتوا ليه تحطوا الراجل هو اللي مقياس وهم اللي عملوا ده مش احنا أصلاً. لا الدين ولا اللي بيكلموا بلسان الدين اللي عمله ده، تعالوا نفهم كده واحدة واحدة، هتلاقوا الخطاب النسوي ماشي في سكة إيه؟ لازم تشتغل زيها زي الراجل، ولازم يبقى لها كاريرها زيها زي الراجل، ولازم يبقى لها ذمتها المالية زيها زي الراجل، ولا أنا، وأنا بقول ده ما بقولش حرام وحلال ولا، أه أنا بقول ده الخطاب اللي بنسمعه، عشان بس ولازم يبقى كذا كذا زي الراجل.
مين دلوقتي اللي حط الراجل وخلاه ريفرنس للمراه، أو يعني إيه ريفرنس مرجع للمراه؟ مثال لـ أنتُم مش إحنا، مش الخطاب الديني؟ طيب خطاب الدين بيقول إيه؟ خطاب الدين بيقول: لا، احنا مش هنحط الراجل ونخليه قبلة المرأة هدفها، احنا عندنا ربنا وربنا هدفنا إحنا الاتنين. طب وإحنا ماشيين في طريقنا في سيرنا إلى الله عز وجل، الرجل يلتفت ويسأل: يا رب، ما يرضيك عني في طريقي ليك؟ فيتقال له حاجات كتير، منها: أكرم الست اللي معاك دي، فيروح يكرمها؛ لأن ده أمر ربنا اللي هو هدفي اللي هو قدام عيني. والست ماشية مش ماشية للراجل، مش هي شايفة الراجل ده هو أنا عاوز أبقى راجل، هو ده الخطاب النسوي، ما تجوش بعد كده تقولوا إيه: هو أنتوا ليه عاملين الراجل؟ مش إحنا، والله ما عملنا حاجة، إحنا أصلاً إحنا بنقول: الراجل عبد والمرأة أمة، إحنا بنقول كده وعندنا رب سبحانه وتعالى ده هدفنا، أنتُوا اللي عملتوا كده، أنتُوا اللي خليتوا الراجل حطيتوه كده وخليتوه الهدف. وهتلاقوا أي خطاب حتى ما قلتوش زي الراجل فهو جواكم زي الراجل.
يعني بعض المخابيل وصلت أن إيه: أشمعنى إحنا اللي نحمل؟ وبيدوروا على آليات يخلوا الجنين ممكن يحط في رحم الرجل هو ما فيش رحم يعني في بطنه! خبل. أنتُوا اللي خليتوا الراجل مرجع. فالراجل وهو ماشي هيقول: يا رب، إيه اللي يرضيك؟ يا رب، إيه اللي يوصلني ليك؟ يا رب، يا رب، إيه اللي يدخلني جنتك؟ إحنا هنيجي كمان شوية في تفاصيل الدعاء: ﴿رَبِّ ابْنِ لِي عِندَكَ بَيْتًا فِي الْجَنَّةِ﴾ [التحريم: 11] هدفها ربنا سبحانه وتعالى.
فيتقال له أوامر كتير، منها: أكرم الست اللي معاك في بيتك دي، روح أكرمها، منها: انفق عليها، وخلي بالك درهم هتنفق عليها أحب إلى الله من درهم تنفقه في سبيل الله. ده حديث النبي عليه الصلاة والسلام أن الدراهم أربعة دراهم؛ منهم درهم في سبيل الله، ومنهم درهم على أهلك، أفضل درهم في الأربعة الدرهم اللي تنفقه على أهلك. ده وأنت ماشي لربنا وهتيجي الست ماشية لربنا تقول له: يا رب، عاوز أوصل لك، يا رب، عاوز أرضاك، إيه يا رب يرضيك عني؟ فيتقال لها حاجات كتير في حتت كتير في الدين، منها: أكرمي الراجل ده، كوني سكناً له، احتوي, أرضيه، هو جنتك ونارك.
فهتروح تعمل ده مش عشان الراجل، افهموا بقى دي! مش عشان الراجل، أمال عشان مين؟ عشانها هي. هو في الآخر لما أنا هعمل ده معاك هدخل الجنة، فبأعمل ده ليا. طب ليه؟ لاني أنا برضي فيك ربنا سبحانه وتعالى. فهمتوا القضية ماشية إزاي؟ والراجل برضه، الراجل برضه هيروح يعمل مع امراته حتى لو ما كانش بيحبها، إيه رايكم؟ ويروح ياكلها ببقها، وينوي بذلك الصدقة، وأنه يثاب على. طب أنا ما بحبهاش؟ ما حدش قال لك حبها، لازم تحبها، ما حدش طلب منك ده، إنما إزاي تتعاطى معها بقى في البيت، ده موضوع تاني. مفهوم؟ طيب، نرجع بقى تاني.
يبقى ده جزء كبير من دورك كامرأة، يبقى: ﴿يَا أَيُّهَا النَّبِيُ جَاهِدِ الْكُفَّارَ وَالْمُنَافِقِينَ وَاغْلُضْ عَلَيْهِمْ﴾ [التوبة: 73] مش فاضيين أن يغلب عليك شعور شك تقلبي حياة الراجل جحيم، يغلب عليك شعور غيره تقلبي حياة الراجل جحيم، يغلب عليك شعور خوف أنه يتجوز تقلبي حياة الراجل جحيم، يغلب عليك شعور أي حاجة بقى هرمونات تطلع فهتقلبي حياة الراجل جحيم. الراجل مش فاضي لكده. وطبعا هو نزل بقى عتاب عائشة رضي الله عن السيدة عائشة والسيدة حفصة في السورة.
طيب يبقى ده أول ملمح في سورة التحريم، وإحنا هنا مش جايين نتكلم عن سورة التحريم بس؛ لأنه معنى خاص بالنساء فبنقوله.
تاني حاجة أن طبعاً ناسب أن لأن السورة بتتكلم عن اتنين من زوجات النبي عليه الصلاة والسلام، فناسب أن ربنا يضرب مثلين للكفر في النساء ومثلين للإيمان في النساء، ده معنى تاني.
المعنى الثالث: يظهر والله أعلم أن في مناسبة بين امرأة نوح وامرأة لوط وبين امرأة فرعون ومريم والله أعلم؛ يعني أشمعنى دول هنا ودول هنا؟ يظهر والله أعلم وده معنى هنستفيده حاجة برضه يا نساء: أن امرأة أن المثال الأول فوق امرأة نوح غرقت المرأة، ونجى الرجل، الرجل من الغرق، صح؟ نوح قومه غرقوا وهو نجى. والمثال الأول تحت غرق الرجل ونجت المرأة من الغرق، فرعون غرق ومراته نجت. من لم تغرق؟ طبعاً مراته عشان بس نفهم القصة، بعد ما جابوا قالوا: ارمي عليها صخرة وبتاع، فقالت: ﴿رَبِّ ابْنِ لِي عِندَكَ بَيْتًا فِي الْجَنَّةِ وَنَجِّنِي مِن فِرْعَوْنَ وَعَمَلِهِ﴾ [التحريم: 11] فقبض الله روحها، فألقوا الصخر على جسد بلا روح، فهي لا اتعذبت ولا دقت عذاب، وفي بعض الروايات وبعض الروايات أن هم بيعذبوها كانت بتضحك، وفرعون يقول: شوفوا المجنونه بنعذبها وتضحك؛ لأن الله أراها بيتها في الجنة، فهي ما كانتش مع العذاب أصلاً. ففي كل الأحوال هي ناجية.
لكن المعنى الملمح أن فرعون غرق ومراته نجت. فوق في المثال، إحنا لسه في المثال الأول، وده المعنى هنستفيده بقى المرة المرأة تستفيده: امرأة نوح كانت مع بحسابات الدنيا -لو خرجنا ربنا سبحانه وتعالى من الحسابات- بحسابات الدنيا كانت في الفريق الأقوى ولا الفريق الأضعف؟ الأقوى بحسابات الدنيا؛ نوح يعمل السفينة قومه بيتريقوا عليه ضعيف، وبعدين كل اللي قاموا بيه لموهم في سفينة والباقي غرق، الباقي ده كان أكتر ولا أقل؟ أكتر. ففي حسابات الدنيا المرأة مع الفريق القوي في حسابات الدنيا، والرجل هو الأضعف أو في الفريق الأضعف، الخاتمة: المرأة غرقت والراجل نجا. ليه؟ لأن ربنا هنا، ربنا هنا.
في المثال التاني بحسابات الدنيا، المثال الأول تحت يعني هو امرأة فرعون: المرأة في الفريق الأضعف ولا الفريق الأقوى بحسابات الدنيا؟ الأضعف، ده فرعون وجنوده، وحتى لما ده لما طلع ورا الرجالة، مش الست قالوا: ﴿إِنَّا لَمُدْرَكُونَ﴾ [الشعراء: 61] خلاص، احنا انتهينا. ففي حسابات الدنيا المرأة أضعف في الفريق الأضعف، النتيجة: الرجل غرق، والمرأة نجت ودخلت الجنة. ليه؟ أصل ربنا هنا: كوني مع الله، وهو ده الدرس أصلاً، وده اتكلموا عنه في سورة التحريم، أن أنت مؤمنة صالحة فائزة، كفيرة هتروحي في داهية، كوني مع الله سبحانه وتعالى.
طب المثال الثاني فوق: امرأة لوط رجمت؛ لوط القرى ارتفعت وأتقفلت عارفين قصة لوط، وبعدين حجاره من سجيل فرجمت المرأة، وفي المثال اللي تحت نجت مريم من الرجم؛ لأن مريم جاءت وحاشاها اتهموها بالزنا وبعدين حدوها إيه عندهم في التوراه مش عندنا إحنا في الإسلام، لو هي ماهياش محصن، لو ماهيش متجوزة تجلد، لكن في التوراة في سفر اللاويين أن المرأة لها حكم تاني شوية، أن تعالوا نقرا كده في سفر اللاويين: وإذا زنى رجل مع امرأة، فاذا زنى مع امرأة قريبه فانه يقتل الزاني والزانية، وهي أصلاً اتهمت أن هي (يعني وحاشاها أن ده حصل) مع زكريا في إحدى (يعني في إحدى القولين أو في أحد القولين) أن ده حصل مع زكريا القولاني يوسف النجار وزكريا كان قريب كان يجوز أختها يجوز خالتها، فهي كانت هتقتل بدليل أن قول في قتل زكريا قتل طبعاً سيدنا فمن في برضه قتل على قولين، قول منهم أنه قتل في هذه الحادثة أن بنو إسرائيل لما مريم حملت اتهموا زكريا فراحوا قتلوه، طب كان الأقرب أن مين كمان تقتل؟ مريم. مريم نجت.
شوفوا يا جماعة المناسبة: يبقى امرأة نوح غرقت وجوزها نيجى من الغرق، امرأة فرعون جوزها غرق وهي نجت من الغرق، وامرأة لوط اترجمت، ومريم نجت من الرجم. كوني مع الله، وبعدين ما تشيليش هم بقى خالص، جوزي مالكيش دعوة بجوزك، ما تشيليش هم. فده المعنى الثاني اللي نستفيده.
طيب حاجة تانية أن ربنا لما ضرب مثل للمؤمنات عشان نقتدي -ما هو مش عشان إحنا بنحكي حواديت في القرآن عشان نقتدي- ضرب مثل باثنين؛ اتنين: واحدة متجوزة وواحدة مش متجوزة. عشان ما تجيش تكلميني في ظروف، ما تجيش تتكلمي في ظروف: مش متجوزة أمل الله، متجوزة أمل الله. فدي هو عندك مثال لواحدة متجوزة وواحدة مش متجوزة. وطبعاً إحنا لو الحسبة القسمة العقلية يا نساء للمرأة -يعني لو معاك ورق وقلم، اللي معاك ورق وقلم تطلع الورقة والقلم وتكتب اللي أنا هقوله ده قدامها- هنشجرها، هنشجرها، تنزلوا بفرعين كده من نص الآية الصفحة: المرأة لا تخلو، إما تكون متزوجة أو غير متزوجة. في حالة ثالثة؟ يا متجوزة يا مش متجوزة. طيب، الغير متجوزة دي طبعاً هنتكلم عن المؤمنات؛ لأن الكافرات ما فيش خطاب هيوجه ليه، فلو بنتكلم عن امرأة مؤمنة، يعني المرأة المؤمنة دي اللي هي غير متجوزة قدامها حالة من اتنين: يا تكون في وسط مساعدة لها على التدين والقرب من الله، يا تكون في وسط معاند وهي مش متجوزة. يعني إما تكون في بيئة هي بتساعدها على الطاعة وعلى الايمان وعلى البر وعلى، أو في وسط معاند. أنا بقول الكلام ده بنات كتير بتبعت لنا: أمي مش عارف إيه، وأنا عاوزة ألبس النقاب، وأنا أبويا، يعني في وسط إيه؟ معاند.
خلاص، يبقى دي القسمة اللي هنا: غير متزوجة، امرأة مؤمنة، في وسط معاند، في وسط مساعد أو مساند. طيب، المرأة المتزوجة لو سبنا الكافرات -مع إني يعني ممكن نقول كافرة متجوزة من مؤمن عشان نستفيد من المؤمن، يعني نوجه خطاب للمؤمن- أما خلونا نكتب أطراف القسم وبعدين نفهمكم هتنزلوا من هنا، يبقى هنا متزوجة غير متزوجة نزل منها فرعين: وسط مساند أو مساعد، ووسط معاند.
الناحية الثانية: متزوجة هينزل منها أربع فروع، أما مؤمنة متجوزة من مؤمن، وأما مؤمنة متجوزة من كافر، وأما كافرة متجوزة من مؤمن، وأما كافرة متجوزة من كافر. طبعا القسم الأخير ده مالناش دعوة بيه خالص، كافرة من كافر ما خطابنا ليهم أسلموا. طيب، كافرة متجوزة من مؤمن خطابنا ليها اسلمي برده، يعني مش قضيتنا بس ممكن يوجه لها خطاب أو يوجه خطاب للمؤمن بقى اللي هو جوزها ده، يعني أعمل معاها إيه؟ ولذلك ذكر الله هذا المثال في القرآن وهنجي له كمان شويه.
يتبقى لنا حاجتين: مؤمنة متجوزة من مؤمن، ومؤمنة متجوزة من كافر صح؟ وتقدروا تدخلوا في مؤمنة متجوزة من كافر دي إن هي متجوزة من واحد معاند برده، يعني مؤمن مسلم بس إيه قارفه في الدين، يعني ما أقلعي الحجاب، تعالي معايا السينما، هنروح المصيف الفلاني، فهو معاند يعني ليها فنقدر، مش كافر ها، ده مش كافر عشان بس ما تتقطعش دي، ويقول له اللي بيقول لمراته مش عارف يبقى كافر، بس نقدر يعني نحطه هنا برده.
طيب مش دي القسمة العقلية؟ هتلاقوا يا نساء القرآن جاب لكم كل الأمثله دي ليه؟ عشان لو حضرتك أي واحدة من دول، أول حاجة ما يبقاش ليكي شماعة: أنا بقى أعمل إيه؟ ما اصل هو اللي مش، اصل أنا أعمل إيه؟ أبويا اللي أصل، القرآن جاب الآية الأمثلة. تاني حاجة عشان نتعلم طب أتصرّف إزاي؟ فهمتوا؟
فالقران بقى فيه كل دول، تعالوا نمسك الغير متزوجة، الغير متزوجة أما وسط مساعد مساند: مريم، اتكلمنا في قصة مريم أنها كانت من بيت عمران كبير الكهنة، وامرأة عمران, اديكم شفتوا دينها وفي دعائها باين إزاي واللي تكفلها زكريا نبي الزمان. هي بقى في وسط، في زخم من الآية الناس كلها بتساعدها أنها تبقى حد كويس. طيب في وسط معاند: بلقيس، إيه اللي صدها أنها كانت من قوم كافرين، أنها كانت من قوم كافرين، هم عمالين يقولوا لها: ده أنت الملكة وبتاعت، روحت مش عارف إيه، وفي الآخر سابتهم وراحت أسلمت، فدي امرأة في وسط معاند.
طب المتزوجات؟ عندك مؤمنة متجوزة من مؤمن، كتير بقى، امرأة زكريا وامرأة إبراهيم، والقصة اللي معانا في سورة التحريم عائشة وحفصه والنبي عليه الصلاة والسلام، في قصص كتيرة لأن ده المثال اللي هيقابلنا كتير في حياتنا، فتلاقوه متكرر كتير في القرآن عشان ناخد الأمثله ونفهم العبر منها. ومؤمنة متجوزة من كافر: امرأة فرعون وهندخل الموضوع بتاعها دلوقتي، ونقدر نقول برده مؤمنة متجوزة من المؤمن لكن معاند مقرف مش متدين، عاوز يوقعني، عاوز ياخدني للحته بتاعته اللي تحت دي القرف وال مش وأنا مش عاوزة ده، نقدر ندخل ده برده هنا ماشي. وكافر من كافر مالناش كلام معاه.
فهنا ربنا سبحانه وتعالى ضرب مثلين: مثل امرأة مؤمنة مؤمنة متزوجة، ومثل امرأة مؤمنة مش متزوجة خلاص. طيب، كمان ربنا سبحانه وتعالى لما ضرب المثالين، تعبتوا؟ بتتوهوا ليه؟
ربنا لما ضرب المثالين، ضرب مثالين: واحدة المثال بتاعها في قمة البذل والتضحية والمواجهة، امرأة فرعون. واحدة المثال بتاعها في قمه الانعزال والخلوة والتعبد لله عز وجل، يعني دي واحدة وقفت قدام فرعون وواجهت وبذلت فقتلت، ولا لما بيقول في قيمة أنا مش بدغدغ مشاعر ها، عشان ما يجيش واحد يقول إيه ما السيدة سمية رضي الله عنها ما هي برده واجهت واتقتلت، هي سابت إيه رضي الله عنها؟ ده بذل ضحت بروحها.
لكن يا جماعه احنا قدام امرأة كانت عايشه عيشه ملوك ملكات، دي الحسابات غير. الحسابات غير، زمان أنا كنت ساكن في شبرا، وشبرا لبش معروف يعني، فمن أول القواعد اللي أخدتها في حياتي في الصياعة، يعني واحد من الآية العيال الفائدة يعني في الشارع بيحكي لي قصة إنه يعني مش عارف معدي وعيل فائد قاعد، هو ده هو اللي بيحكي لي ده فائد أصلاً، عيل فائد قاعد ونايم على كبوت عربية وبعدين بيقول له، لا راح شاتمه راح سايبه وماشي، اللي هو الفائد الثاني ده اللي، ففهو بيحكي لي بيديني الخبرة يعني بيقول لي إيه يعني الحكمة بقى.
فأقول له طب ليه؟ قال لي: أنا هقول لك نصيحة: ما تتخانقش مع حد ما عندوش حاجة يخسرها. ما تتخانقش مع حد ما عندوش حاجة يخسرها. ليه؟ هو اللي بيعديله قلب إنه يدخل الخناقة إيه؟ إنه ما عندوش حاجة يخسرها، أنا مثلاً هدخل أتخانق مهما كنت بلطجي لو خايف على وشي هتعور في وشي، هو أصلاً وشه ما فيهوش حته سليمة، هو اللي بيتخانق معاك هو وشه كله فهو مش خايف على حاجة، وبعدين بينام في الشارع وبعدين، فهو قلبه أجدد منك، ما هيخسر إيه؟
فذلك يا جماعه البذل بيكون أصعب لو عندك اللي تخسره، لو عندك دنيا تلاقي لا يعني إيه متردد شويه، أروح أجاهد، ما أروحش أجاهد، ما أنت، إنما اللي كان على كبوت العربية ده له يلا في جهاد هيروح يجاهد عادي.
فامرأة فرعون رضي الله عنها لا، عندها كتير تخسره، مش بس فلوس، مكانه ما تنسوش: ﴿لا تقتلوه﴾، دي واحدة ممشيه دولة، ومع ذلك ثابت كل.
طيب، امرأة فرعون هنا طبعا مريم رضي الله عنها مش هيه مش هنتعرض لها خلاص خلصنا قصتها. امرأة فرعون بقى هنا احنا معانا مثال آخر يحتذى به، قدوة بقى ثانية تظهر هنا، إذا كانت الآية الأولى اتكلمنا في كمال العقل وفي احتواء الرجل وفي فهم الرجل والكلام اللي قلناه ده، لا ده احنا عندنا مثال تاني في قوة إيمان، قوة إيمان: ﴿وَضَرَبَ اللَّهُ مَثَلًا لِّلَّذِينَ آمَنُوا امْرَأَةَ فِرْعَوْنَ إِذْ قَالَتْ رَبِّ ابْنِ لِي عِندَكَ بَيْتًا﴾ [التحريم: 11].
يوحي هذا اللفظ أنها مثال، لكن في هذا الموقف، يعني ضرب الله مثلاً إذ قالت، فتعالوا بقى نشوف إذ قالت دي إمتى قالت ده، وليه قالت ده، وإزاي قالت ده، عشان نفهم القدوة فين. قلنا القصة باختصار: آمنت، قالت بتسأل يوم الزينة هو مين كسب؟ قالوا لها: موسى. قالت: آمنت برب موسى وهارون. فرعون وصل إليه إنه حصل كده، طب روحوا لها، نايموها في الصحراء، ايديها ورجليها رجعت رجعت ما رجعتش، يرموا عليها صخره ونخلص منها، خدوها وطلعوا بيها الصحراء، عذبوها شويه في الأول، ضحكت لما شافت البيت إلى أو حينها أو بعض الروايات بقى قالت إيه؟ لما دخلوا عرفت في وجوههم الشر قبل ما يعملوا أي حاجة، دي في رواية، فقالت: رب ابن لي عندك بيتاً في الجنة، فقبض الله روحها. لكن فرعون هيرجعوا يقولوا لها ماتت، هيقتلهم، فأجاسد بلا جسداً بلا روح وعملوا اللي قال عليه فرعون عشان يرجعوا يقولوا تمام قتلناها ورمينا الصخره وكده.
خلاص، طيب تعالوا بقى نتامل كلام السيدة آسيه ومش هنطول عليكم. المرأة المؤمنة هنا بقى، مش المرأة العاقلة ها، هنا المرأة المؤمنة الموصولة بالله عز وجل: ﴿إذ قالت يا رب ابني ليه عندك كده الآية إذ قالت ربي﴾، ما قالتش يا رب، قالوا ده نداء الخواص بإسقاط الأداة وكان الرب قريب لا ينادى، فهي في معية الله عز وجل، ما قالتش يا رب ابني لي عندك، قالت: ﴿رَبِّ ابْنِ لِي عِندَكَ﴾ [التحريم: 11]، قالوا ده نداء الخواص، ماشي فده بداية.
وبعدين: ﴿رَبِّ ابْنِ لِي عِندَكَ بَيْتًا﴾، ما قالتش في الجنة طبعا، ما قالتش رب ابني لي بيتاً في الجنة عندك، قالوا قدمت عندك على الجنة، وكانها أول معنى ملتفته، أولاً هي ملتفته لله أصلاً يعني، هو التفاتاتها لله فلذلك جرى على لسانها أولاً: رب ابني لي عندك، وبعدين افتكرت بقى الجنة كده يعني في الجنة يعني، بس هو عندك يا رب أنا أُريدك أنت، فهي ملتفته لله عز وجل، وبعدين قالوا اختارت الجارة قبل الدار، فقالت عندك وبعدين في الجنة.
ماشي ده تاني معنى، المعنى الثالث: اشمعنى ابني لي عندك بيتا؟ يعني ليه ليه قصة يعني دخلني الجنة ليه بيت؟ قالوا الذي يفهم من القصة أن فرعون هددها، أو يعني أرسل من يهددها إنه إيه هنطردك من القصر اللي أنت فيه والابهة اللي أنت عايشه فيها، وده ساعات أزواج يعملوه: طب وريني بقى هتعملي كده إزاي، وأنا إيه مش عارف هرجعك مش عارف إيه، ولا هطردك من النعيم اللي أنت فيه، ولا أنت ما تستاهليش مش عارف إيه، هي موصوله بالله، مش مهم، وبعدين هتاخد أثرك.
طيب يا رب بقى ابني لي بيت، وقيل إن فرعون هددها أنك مش هتدفني معايا في الهرم، يعني هموتك بالطريقة دي وكمان مش هتدفنك في الهرم، فسالت الله عجل البيت تعويضاً عن إيه هذا المدفن الابهه بقى اللي هو الهرم يعني، فقالت: ﴿رَبِّ ابْنِ لِي عِندَكَ بَيْتًا فِي الْجَنَّةِ﴾ [التحريم: 11].
وبعدين احنا قدام امرأة يا جماعه فاهمة معنى مهم جداً وهو معنى إنه لا حول ولا قوه إلا بالله، ﴿وَنَجِّنِي مِن فِرْعَوْنَ وَعَمَلِهِ﴾ [التحريم: 11]، أنت يا رب اللي هتنجيني من فرعون وعمله، يعني إيه وعمله؟ مما قيل فيه وعمله، أي نجيني من فرعون وكفره فلا أكفر يا رب، ما تفتنيش في ديني يا رب.
يبقى المرأة اللي جوزها عمال يسحبها لتحت وإيه لازمه النقاب وايه مش عارف إيه؟ أنت مش عارفين ندخل مش عارف فين أو يلا هنروح المصيف الفلاني اللي كله قرف وتبرج أو يلا نخش سيما أو يلا نخرج نروح المكان وهي مش عاوزة، المرأة مش عاوزة ده، فين علاقتك بربنا سبحانه وتعالى؟ طبعا احنا مش جايين نقول كل، في أسباب كتير ممكن أخد بيها، بس خلينا مع الآية: فين علاقتك بربنا؟ يا رب نجيني من فلان وعمله، يا رب أنا مش عاوز أقع يا، ويرى الله منك الصدق، يبقى عارف أن أنت كده فعلاً يا رب ما توقعنيش يا رب، يا رب مش عاوز أكفر يا رب فنج فرعون وعمله وكفره يا رب.
فدي امرأة فاهمة إنه لا حول ولا قوة إلا بالله، هو في يا جماعه بعد سيدنا إبراهيم: ﴿وَاجْنُبْنِي وَبَنِيَّ أَن نَّعْبُدَ الْأَصْنَامَ﴾ [إبراهيم: 35]، هو في بعد كده؟ أنت إيه الأمان اللي أنت فيه ده؟ ﴿إذ قالت رب ابني لي عندك بيتا في الجنة﴾.
وبعدين معنى تاني يا نساء: في عز الابتلاء مهما كان البلاء عظيم تذكر الآخرة بسعة الآخرة ونعيم الآخرة يهون، يهون يعني إيه؟ أنتم عارفين احنا اهو دخلنا المدارس مثلاً، الواد ولا البنت تروح المدرسة وبعدين تجي الحص الحصص بقى تقلت عليهم وقرفانين، إيه اللي بيهون عليهم وقتها؟ بيفكروا في الآية في المروح أن خلاص كلها ساعتين وإيه ربنا هينجدنا من اللي احنا فيه ده، اللي طبعا الأمثله دي كثيرة أنا إيه بهزار لأن ده دخول احنا في دخول المدارس يعني دايماً ما التفكير في الساعة بعد الضيق تهون الضيق.
فهي عملت كده، قعدت تفكر في الجنة وتسأل ربنا الجنة، وده علاج جوزك يأذيكي ولا مضيق عليكي ولا بتاع، ادخلي اقفلي على نفسك الأوضة وافرشي سجادتك وصلي واسجدي وابكي واسالي ربنا الجنة وفكري في ثواب هذا صبرك على هذا البلاء أن أنت صبرتِ.
مش مش بقول أنك دائماً عشان أنا عارف معلش يعني احترازات مالهاش المفروض مالهاش لازمه يعني ماشي، أنت بتقول لنا طب ما تروح تقول لهم هم، أنا بخاطب ستات لما أجي بخاطب رجاله ههزقهم وهديهم على دماغاتهم وأقول لهم عيب ما يصحش كده ما تدخلش النار، وهقول ده للرجاله، أنا ما بخاطبش رجاله دلوقتي بخاطب نساء.
طب احنا لازم نصبر؟ ما هو ربنا خلى فيه طلاق، ما أنا عارف أن ربنا خلى فيه، أنا بقول المثال اللي جه معانا في الآية بس يعني القدوة فين من قصة آسية رضي الله عنها؟ أنها عشان تصبر على ما ستلاقيه بعد قليل، هي ما تعرفش إن كانت روحها تقبض، ما تعرفش، مع ربنا: ﴿رب ابني لي عندك بيتا في الجنة ونجيني يا رب نجيني من فرعون وعمله ونجيني من القوم الظالمين﴾ [التحريم: 11] يعني من قبط مصر.
أقول قولي هذا وأستغفر الله العظيم ولكم، سبحانك اللهم وبحمدك نشهد أن لا إله إلا أنت نستغفرك ونتوب إليك، ولو في أسئلة بقى ممكن تدخل دلوقتي، لو ما فيش خلاص يبقى خلصنا. احنا كبنات ربنا لسه ما رزقناش بنصيبنا، نفسنا نقوم بدور المرأة المسلمة من تنشئة جيل صالح مسلم، ولكن مش ده اللي حاصل، فازاي نقضي عمرنا؟ تنتحروا يعني؟ نقضي عمرنا نقضيه يعني؟ ما فيش هدف قدامنا؟
إزاي؟ هي ستنا مريم مش كانت في المحراب؟ فين محرابك؟ وفين فين سجادتك؟ فده هدف اهو، فين قرآنك حفظاً وفهماً وعملاً؟ ادي هدف، فين بذلك للدين؟ تشوفي دار تشتغلي فيها أو تحفظي مش تشتغلي يعني يبقى هدفك الفلوس يعني أقصد دي هدف شرعي يعني. فين يعني في حاجات كتير تتعمل، هو لازم الهدف يبقى عيل؟ مش لازم، وإلا فربنا ضرب لنا أمثله في القرآن لنساء عاقرات، يعني هي امرأة امرأة زكريا ولا امرأة إبراهيم فضلت طول حياتها ما بتعملش حاجة قاعدة من السنين تقول يا رب أنا ما فيش.
عيّل بقى يعني ما هعمل إيه؟ قطعا لا يعني قطعا لا ماشي وما فيش هدف قدامنا وازاي نصبر على البلاء؟ ده بلاء إيه بقى؟ أنك مش متجوزة ده أما تتجوزي هتعرفي أن أن مش ده البلاء، البلاء لسه.
تصبرين عليه بإسقاط التدبير؛ يعني ما يكونش رأي مع ربنا، ده معنى إسقاط التدبير يعني يا رب أنت أقمْتني هنا، رضيت يا رب بقضائك وقدرك وبدبيرك لي وعلمت يا رب أن تدبيرك أحسن التدبير. ومعنى إسقاط التدبير وأنك ترضي بتدبير ربنا؛ يعني لو قلنا لك طيب هنرجع نعمل فلاش باك عشر سنين ورا وهنديك مفتاح الكون نقول لك أنت اكتبي يلا المستقبل بتاعك، اكتبي يلا هتكتبي إيه؟ تكتبي اللي حصل؟ ده معنى الرضا بقضاء الله عز وجل؛ يعني لو قلنا لك يلا خدي ورا القلم واللي هتكتبيه هو ده اللي هيبقى في كتابك وده اللي هيحصل لك في العشر سنين الجايين، تقوم ماسكة القلم وتكتبي ما كان، اللي حصل لك في عشان تكتبيه زي ما هو؟ ليه؟ لأن الله يعلم وأنتم لا تعلمون، أنت ما تعرفيش يا بنتي لو اتجوزتي قد يكون جوازك هو الفتنة ليك، قد يكون ربنا بيدبر لك تدبير أعظم، فأنت ارضي بقضاء الله وقدره وكوني فيما جعلك الله عز وجل فيه ماشي.
واحدة باعتة بتقول: لو أرسلت الدكتور في الجامعة على الخاص تعتبر خلوة محرمة؟ إن كانت لضرورة. أنا مش عاوز أجاوب على سؤال مباشر، لكن عاوز أحذركن من الخلوة الافتراضية؛ احنا عندنا الخلوة، يعني بالجسد دي معروف حرمتها في الدين، يعني عندنا خلوة افتراضية اللي هي على السوشيال ميديا أو على كده ماشي، فيرتشوال خلوة يعني. دي في خطورتين تخليها أخطر من الخلوة العادية ماشي؛ أول حاجة أنها مأمونة الجانب عن الخلوة العادية، يعني إيه؟ يعني ممكن تبقي أنت قاعدة وسط صاحباتك عادي جدا وفي خلوة افتراضية مع رجل وهم مش عارفين حاجة، بخلاف ما لو اتفتح باب فجأة فلقوا واحد حتى لو مش بيعملوا، قاعدين يعني بس لوحدهم لا الظنون هتروح وتجي فتلاقي ثقيلة جدا على البنت أو على الراجل اللي هم يعملوه ده لأنه موضع تهمة. الخلوة الافتراضية مأمونة، فدي تخليها أخطر من هذه الحيثية.
الحيثية الثانية أن الخلوة الافتراضية أطول، يعني يمكن أن تكون أطول بكثير من الخلوة الحقيقية؛ عشان واحد وواحدة يترتبوا خلوة حقيقية يقعدوا يرتبوا لها دي عشان في الآخر تبقى الخلوة قد إيه؟ إنما الخلوة الافتراضية ممكن يبقى طول اليوم والليل مع بعض، طيب فده يعمل إيه؟ أنه بيسقط الحواجز؛ يعني النهارده أول بداية الخلوة منقبضين بعض، بعد شوية بقينا زي اللي متجوزين، واحدة واحدة بتسقط الحواجز. طيب فده برضه يخلينا نعمل إيه؟ يخلي البنت تحترز جدا جدا من أي باب من أبواب الخلوة الافتراضية جدا تحت أي مسمى بقى، طيب فالمثال اللي معانا: هبعت للدكتور؟ أخوكي يبحث له، أبوك يبحث له؛ يعني شوفي حد تاني يبعت له، أنا بنتي عندك في السنة الفلانية، أصل ده احنا مش متعودين على كده والدكتور هيقول إيه؟ يقول اللي يقوله، احنا لسه بنقول أهو أنت مش عاوزة تضحي بشكلك قدام الدفعة، امرأة فرعون ضحت بملك، يقول اللي يقوله ماشي.
أغير عادة جوزي إزاي؟ زي التدخين مثلا، بأحاول الحديث ولكن لا يستجيب. أولا: ربنا سبحانه وتعالى يبقى ليك دعاء كتير لربنا وحال مع ربنا، وبعدين دايما بنقول حاجة وبرضه دي حاجة الناس بعض الناس بتستشكلها على في الخطاب بتاعي فياريت نفهمها دلوقتي؛ دلوقتي يا جماعه اللي بيبعت لي السؤال بيبقى هو اللي بيسال، فهو اللي عاوز يسمع، فهو يعني ما فيش معنى أن هو يسالني حاجة فأقعد أخاطب الزوج وأخاطب الاب وأخاطب العم اللي هو أصلا ممكن لا يبقى موجود ولا بيسمع ولا هيسمع، قد يكون هيسمع لو كلمت ممكن، بس في الآخر أنا بعمل إية؟ واحد باعت لي سؤال بقول له أنت عليك إيه؟ أنت عليك أنك تعمل واحد اتنين تلاتة أربعة، أنت خلاص، فده اللي بعمله دايما.
فيقى أول حاجة يبقى ليك حل مع ربنا سبحانه وتعالى، تاني حاجة أنك تدعي ربنا كتير، ثالث حاجة أن ربنا سبحانه وتعالى من عاداته ومن سننه فينا أن ربنا ممكن يسلط علينا غيرنا بحاجة من جنس تقصيرنا عشان نفهم رسالة ربنا لينا؛ يعني إيه؟ يعني اللي بتقول السجائر مثلا هي ممكن تبقى السجائر لأن ريحتها وحشة وبتخليني إيه كارهه وكارهة ريحته وكارهة كذا، فنقوم نقول لك طب ما يمكن أنت فيك حاجة كده برضه مع ربنا أو مع جوزك، مع ربنا أن المعاصي ليها ريحة؛ سيدنا النبي عليه الصلاة والسلام مش كان قاعد مرّة مع الصحابة وشم ريحة وحشة مُنتنة وبعدين قال لهم يعني دي ريحة إيه العِصاة أو حاجة زي كده هاتوا لنا الحديث نشوفه؟ فالمعاصي ليها ريحة بس احنا عشان كلنا مزكمين وكلنا عارفين اللي عايشين في مزبلة ما شامّين ريحة الزبالة، اللي يعدي جنب المزبلة يشم، احنا كلنا عُصاة فكلنا ما خلاص مناخيرنا مش شامة روائح وحشة، فتقوم أنت تقولي هو أنا يا ترى ملوثَة بقى بمعاصي فريحتي وحشة، فمحتاجة أتوب وربنا باعت لي جوزي ده يبقى بيتدخن عشان أشم ريحته الوحشة فأتذكر ريحتي الوحشة مع ربنا سبحانه وتعالى أو مع جوزك مقصرة في التزيّن له وفي الـ... لقيت إيه قول من عندك كده؟
قال أنس: من المُفقين بعث هذه الريحة، وفي رواية: فدفع الريحة دينا، فقال النبي صلى الله عليه وسلم: «هذه الريحة هذه الريحة الذين يغتابونها»؛ أمم كانت ناس بتغتاب فطلعت الريحة دي، أو مع جوزك يبقى أنت مقصيرة في التزيّن له في التطيب له في إزالة ما يعافه الرجل من البدن في كذا في كذا فربنا يسلط عليك جوزك يبقى في روايح وحشة أنت ما... مثلا أنا بقول مثلا ببقى يعني بتخيل مش بقول أن ده اللي حاصل، بقول فتشي في نفسك، إيه المعنى الذي من أجله أنت كارهة العادة دي من جوزك وارجعي لنفسك؟ طب أنا فيا ده؟ يمكن ربنا مسلط علي جوزي علشان أنتبه لمعنى ماشي.
طيب واحدة بتقول: هو احنا لماذا لا نرى حضرتك مع الدعاة الحاضرين؟ يعني بتقول: ارجعوا للدرس بتاعي اسمه كذا اسمعوه، ما بتقولش اسمعوا لفلان وفلان وكاتبة أسماء، وما بتقولناش اسمعوا دول من الناس المنضبطة، اسمعوا دول من الناس... كلها حبايبنا يعني وبينا تواصل وحب وود، لكن لما أقول اسمعوا كذا ليه؟ لأني أنا ممكن ما كونش باسمع لغيري تقصيرا مني مش لأني أنا أحسن ولا لا مقصر، فما... يعني ممكن ما يبقاش عندي وقت يعني كدة، فما بقاش يعني أقول اسمعوا لفلان في الحتة دي، ما أنا ما أعرف أصلا فلان اتكلم في الحتة دي ولا ما أعرفش يعني، إنما كل الأسماء اللي مكتوبة في الورقة حبايبي وبينا تواصل وود وكل حاجة يعني؛ يعني أمتى تبعتي لو أنا قلت ما تسمعوش لفلان وفلان؟ أنا ما بقولش كده.
بسمع دروس كتير بس أول ما بخلص الدرس وأنشغل في الحياة ما بحسش بالتاثير ده على حياتي؛ أبو بكر كده سيدنا أبو بكر كده طب إيه الحل؟ سيدنا أبو بكر اللي هو أعظم واحد في الأمة مش كده لما لقى حنظلة قال له إيه بتعيط ليه؟ كان قاعد بيبكي قال له نكون عند رسول الله يحدثنا الجنة والنار كأنها رأي العين، فإذا خرجنا عالجنا الضيعات وعفّسنا الزوجات نفق ولاعبنا الأولاد نافق حنظلة؛ يعني اشتغلنا بالدنيا وبتاع ونسينا كثيرا، وفي الرواية فقال: إني لأجد ما تجد فمنا إلى رسول الله عليه الصلاه والسلام. وحكوا له المشكلة الكبيرة دي، قال: «لو تدومون على ما تكونون عليه عندي لتبقوا ملايكة»، لأن مش هتذنبوا خالص وهتبقوا على طول في يعني في حضرة الملكوت وكذا، لو تدوم على ما تكون عليه لصافحتكم، خلاص ملايكة يعني هتلاقوا هتشوفوا بقى الملائكة وتصافحكم وت...
أمال إيه المطلوب من الإنسان؟ المطلوب من الإنسان أنه بيطلع يرتقي في مراتب الإيمان وبعدين يقع فيرجع يتوب ويستغفر؛ لو لم تذنبوا لذهب الله بكم ولأت بقوم يذنبون فيستغفرون فيغفر الله لهم، فتبقي أنت عارفة برضه نفس الكلام تسقطين تدبير نفسك، يعني ربنا وضعني في الحالة الإيمانية العالية دي هعمل بمقتضى الحالة، طب وقعت إيه؟ إيه الخطاب الإالهي لي دلوقتي؟ أنك تتوبي فتوبي، طب رجعت طلعت في الإيمان وعليت هعمل بمقتضى الحالة دي من بذل وعبادة وكذا وكذا، طب وقعت أرجع لربنا، ده هو ده خلاص التصور المثالي أحيانا سبب انتكاس الكثير الحقيقة المثالية الزائدة؛ تصور المثالية الزائدة اللي هو أنا ما فيش فايدة مني، أه ليه ما فيش فايدة منك؟ بذنب! إيه ده؟ يبقى كلنا ما فيش فايدة من هو مين ما بيذنبش؟
لا أصلا أنت مش عارف ذنب معين وكل ما أبطل أرجع له تاني، ما هو ما هو ذنب معين يعني دلوقتي واحد هو نفس ذنب معين أذنبه مية مرة، واحد تاني أذنب مية ذنب مختلفين، ده مخاطب بأيه وده مخاطب بأيه؟ ده مخاطب بمية توبة وده مخاطب بمية توبة، هي هي، ده مخاطب بمية توبة وده طبعا احنا ممكن نقول مخاطب أشياء أخرى، اللي هو لا طالما نفس الذنب بيلح عليك تعال نشوف أسباب الذنب، تعال نتخلص من تلك الأسباب، تعال نعمل على يعني، بس في الآخر أنت مخاطب بمية توبة واللي أذنب ذنب مختلفين مخاطب بمية توبة. فلو أنت متصور أنت لازم تكون ما بتذنبش وبعدين يحصل إيه بقى؟ تقوم تيأس تقوم تنتكس وتسيب الدين كله.
من فضلك واجه رسالة للرجال، ليه ليه أنتوا ستات؟ هو ليه ليه ليه اللي بيمنعوا زوجاتهم من النقاب وبناتهم وبيعمل لهم؟ آه نعمل لهم درس ماشي، ممكن نعمل درس لكده، وأنا في دماغي ده الحقيقة لأن بيجيلي رسائل كتير جدا جدا البنات بتقول كده، فأنا في دماغي أن اعمل الدرس هذا إن شاء الله ماشي.
أعين زوجي أنه يجد صحبة صالحة وهو متمسك بصحبته السيئة مع العلم أنه على على قدر من التدين، الدين بقى يعني آه التدين أنا آسف خلاص في في دال بس ملزوقة في لياء؛ التدين أصل آه الخط حلو كمان فانت قلت يعني التين دي جت منين؟ التجمع بقى وبتاع فـ... على قدر من التدين.
ما تعرفيش تصاحبيه أنت يعني؟ وده صعب طبعا على النساء، لو مرأة... ده هنتكلم عنه في خديجة إن شاء الله يعني؛ هنتكلم عنه في خديجة بيفكروني لو أنا نسيت أنتو بقى أنه إزاي سيدنا النبي لما حصل له موقف عليه الصلاة والسلام جري على خديجة موقف عظيم يعني، جري على مين؟ على خديجة هنتكلم في دي ماشي.
آه فلو أنت عرفتي تعملي ده كويس، ما عرفتيش تعملي ده حاولي تاخديه؛ يعني أنت بتروحي دروس طب ما تيجي معايا الدرس لو درس ينفع يحضروه رجال غير طبعا الدعاء والحاجات اللي احنا دايما بنقولها يعني الالتجاء لربنا وكده وفي المسجد يتعرف على صح... حتى لو أنت ما بتروحيش افرضي هو مخنوق منك، قول روح انت وأنا مش هاجي معاك ما فيش مشكلة ماشي.
واحد بيدي مراته ألف جنيه تصرف ثمانمية وتخُنصر مئتين وتقول له صرفت الألف كاملة، هل حرام؟ هو بيديك الألف ليه؟ كونه بيرجع يسأل فيظهر أن ده مش تمليك، يعني يعني كون بيرجع يسأل أنت صرفتي؟ ما هو أنا لو هدي لمراتي ألف جنيه هدية أو ليها مش هرجع بقى أسالها، يعني مش هرجع أسالها أنا أنت صرفتي ولا ما صرفتي وصرفتي كام؟ ويعني يظهر كده والله أعلم، فـ... لأنه لو ملكك خلاص فلوسك ولو هي فلوسك برضه مش تكدبي، فالظاهر أن القضية مش كده، ما لو قلت له صرفت ثمانمية وسايبة مئتين وهي فلوسك يقول لك طب خلاص خلي المئتين معاك، يعني ما بتاعتك، فيظهر الموضوع مش كده، يظهر أن هو مديكي فلوس عشان تصرفي منها.
هنا يجي السؤال التاني: هل هو مكفي النفقات الواجبة عليه بالمعروف؟ فلازم نعرف النفقات الواجبة بالمعروف، لأنه لو مكفي النفقات الواجبة بالمعروف يبقى اللي بتعمله ده حرام، إنما لو هو بخيل شحيح ومش مش مكفي النفقات الواجبة التي عليه، ما بياكلكيش ولا يشربك فيخليكي تشحتي أكل وشرب، مش كاسيكي فتروحي تستلفي عشان ما فيش هدوم، مش ما فيش هدوم يعني الدولاب فيه خمس فساتين بس أنا عاوز أجيب واحد سادس لا، ما فيش هدوم أنزل بيها ما عنديش هدوم عشان أنزل لازم هستلف هدْمَة ألبسها؛ إنما لا ده أنا ببقى عاوز أتفسح، دي نفقة غير واجبة، لو احنا بنخاطب الزوج هنقول له إيه؟ اتعامل مع مراتك يعني بالمعروف وأبسطها وفسحها ماشي، إنما لما نجيء للحقوق دي نفقة غير واجبة يعني ما هياش مش واجب عليه أنه يفسحك، أصل أنا صاحباتي بيروحوا يقعدوا على ولا مش عارف إيه فالمشروب الواحد بكذا، مش واجبة.
مش واجب على الزوج أنه يدفع لك المشروب اللي بكذا تاني، لو خطابي للزوج هقول له مش شرط أدفع لها بقى يعني ممكن ما تقعد له علاقة فيها تقعد معاك ماشي، يعني خطابنا للرجال غير خطاب بس أنا خطابي
لكن إن لو الحالة كده، لا يبقى حرام علي. طب لا، هو فعلا ما بيدينيش المصاريف الأساسية بالمعروف، فأنا عاوزة باخد ده عشان أعرف آكل وأشرب، عشان أعرف أجيب هدْمَة ألبسها، كده يعني.
نقول لك: ماشي، اعملي كده، وحاولي بقى إيه ما تكذبيش، يعني تحاولي تعرضي بالكلام، ماشي. هي باعت كذا سؤال، بقى كفاية إيه عشان في غيرك عاوز أسئلة، احنا خلاص قربنا، يعني أنا عارف إن الوقت.
لو عايز أطبق نية إني نظرت لك ما في بطني، لك يعني لربنا، يعني أبدا بإيه؟ يعني خلينا ده برة، ده درس مريم وكنا جاوبنا عليه بتهيأ لي.
التنسيق بين الألوان مع النقاب لا يجوز؟ النقاب لا يشترط فيه السواد، يعني أو لبس المرأة عموماً ما يشترطش فيه لون معين، خلاص يعني. إنما لو لون يفتن، يعني اللون في نفسه لو لبستيه بيفتن الرجالة، لا. إنما يعني واحدة هتلبس كحلي، واحدة هتلبس رمادي، واحدة هتلبس لون داكن، واحدة بتلبس ساعات عبايات بيضا، يعني ما فيش لون معين، ما يشترطش، لأن بعض المعلمات بتقول اللبس لابد أن يكون لون واحد، الطرحة لون العباية مثلاً.
يعني ما أعرفش إن في حاجة تقول كده، إلا لو هم المعلمات شايفين إن دي فتنة ومتشددات، فشايفين إن دي فعلاً بتفتن الرجالة. أنا كرجل أقول: ده ما يفتنيش، يعني إيه؟ يعني واحدة لابسة عباية سودا ونقاب كحلي، أو واحدة لابسة عباية مش عارف إيه، إيه اللي يفتن؟ مش شايف إنها فتنة الصراحة بس ما أعرفش بقى.
طيب، كفاية كده ولا إيه رايكم؟ ها.
امرأة فرعون، عندها ابنة بنت يعني ولا كانت عاقر؟ بعضهم قال كدة وبعضهم قال كدة، يعني إطلاق البعض إن هي ما كانش عندها لا تنجب أصلاً. وبعضهم، ولو كده يبقى بنت فرعون بقى، أنتوا عارفين في شطة ابنة فرعون في قصة كده، فيبقى دي البنت دي ممكن ما تكونش من دي، وبعضهم قال إنها كانت لا تنجب ذكوراً وأن البنت دي بنتها، بس دي ما مش هتفرق معانا حاجة في قضيتنا يعني.
كويس إن افتكرت دلوقتي يا جماعة، أما باجي أتكلم عن الإسرائيليات بروي عن بني إسرائيل بحذر زي ما قلت لكم في الأول، وممكن تبقى الروايات ماهيش متوافقة مع بعض. يعني أنا مش بحكي قصة زي ما قلت لكم ليه في درس مريم؟ قال الله.. مش قلت لنا إن امرأة عمران كانت عاقر وأنها دعت، وبعدين ترجع تقول لنا زكريا كان متجوز أخت مريم؟ إزاي بقى؟ يعني السؤال ده جه كتير، هو سؤال يعني لطيف يعني فعلا.
أنا بروي الإسرائيليات، أنا مش بحكي قصة بركبها لكم في نسق واحد، ساعات بتبقى جت رواية كده وساعات جت رواية كده ماشي. وهنا مش في مجال إن احنا نحقق الروايات أو إزاي نجمع بينهم، ونقول ما يمكن كانت من امرأة.. امرأة أخرى، وما يمكن يعني. ورواية أصلاً إن زكريا كان متجوز خالة مريم مش أخت، يعني أنا هنا مش بحكي قصة، بشوف موطن الفائدة وأقوله بس يعني ماشي.
طيب، آخر بقى سؤال عشان أنا اللي تعبت يعني، دي قصة من سؤال. واحدة بتقول: أبوها وأمها بيتخانقوا كتير، أعمل إيه لما الاثنين يشتكوا لي من بعض؟ هل واجب أن أدافع عن أمي؟ طب اشمعنى أمك؟ يعني هم الاثنين بيشتكوا من بعض دلوقتي.
طبعا دايماً حتى احنا، يعني حتى الرجالة حتى، تلاقي قلبك يميل مين للطرف الأضعف؟ قلت لكم قبل كده زمان كنا نتفرج على المصارعة، ماتشات المصارعة كانت بتيجي في التلفزيون واحنا عيال صغيرة، فالماتش يبتدي فتلاقي واحد بيضرب الثاني، فيبقى نفسك اللي بيضرب يغلب، أنت عارف ده ولا ده وتفرح لما اللي بيضرب ده يقوم ويضرب الثاني ويغلب. طب ليه يعني؟ نفس الماتش ده لو كان اللي بيضرب هو اللي بدأ أنه يضرب، كان قلبك هيروح أنك نفسك الثاني يغلب؟ ليه قلوبنا كده بتميل للأضعف دايماً؟
فالأم دايماً تقعد تعيط وتنهنه وبتاع ومش عارف إيه، فتلاقي العيال في الغالب يقفوا في صف الأم، في الغالب يعني. طب أنت تعملي إيه لو نفسيتك ضعيفة وده الغالب في المرأة؟ حاولي ما تسمعيش. يعني لو كان الرسالة دي جالي من ولد، كنت هادي له نصائح أخرى. إنما أنت حاولي بذكاء كده ما تقعديش القاعدة دي، ليه؟ لأن المرأة نفسيتها ضعيفة مش هتستحملي الكلام ده، أن أبوكي بيشتكي من أمك وأمك بيشتكي.. أمك بتشتكي من أبوكي، هتروحي أنت داخلة في دور اكتئاب، وهتبقي عاوزه أدوية اكتئاب ودكتورة نفسية، فحاولي ما تقعديش القواعد دي أصلاً، خلاص.
حكم لبس الجوانتي للمنتقبة؟ يجب لبس الجوانتي للمنتقبة، المرأة كل بدنها عورة عندنا في المذهب، لا تظهر كفّين ولا تظهر وجهاً، فده على المذهب يجب.
حكم لبس جاكيت فوق الطرحة؟ إيه حكم يعني.. جو برد ألبس.. مش فاهم، بيجسم؟ مش عارف بيجسم إزاي؟ مش عارف.
يلا، كفاية كده. قولي هذا أستغفر الله العظيم، سبحانك اللهم وبحمدك، نشهد أن لا إله إلا أنت، نستغفرك ونتوب إليك.