أما بعد؛ النهارده إن شاء الله المجلس الثالث من مجالس الاستعداد لرمضان، المجلس الأول كان بعنوان إيه؟ الاستعداد لرمضان سهلاً، والمجلس الثاني منزلة اليقظة، وهذا المجلس هو المجلس الثالث ونتحدث فيه عن شعبان.

بداية أو الحديث العمدة والأصل الذي يبنى عليه العمل في شعبان هو حديث أسامة بن زيد رضي الله عنه عن أبيه قال: قلت يا رسول الله صلوا على النبي عليه الصلاة والسلام: لم أرك تصوم من الشهور ما تصوم من شعبان؟ فقال صلى الله عليه وسلم: «ذاك شهر يغفل الناس عنه بين رجب ورمضان، وفيه ترفع الأعمال إلى الله، فأحب أن يرفع عملي وأنا صائم».

فهذا الحديث أصل في استحباب إكثار الصوم في شعبان، مش استحباب الصوم، في استحباب إكثار الصوم في شعبان. لم أرك تصوم من الشهور ما تصوم في شعبان، صفة صومه صلى الله عليه وسلم لم تأتي في هذه الرواية أو في هذا الحديث، وإنما جاءت في صحيح مسلم، هذا الحديث في المسند، وفي صحيح مسلم من حديث عائشة رضي الله عنها قالت: كان رسول الله صلى الله عليه وسلم يصوم شعبان كله، كان يصوم شعبان إلا قليلاً.

طيب، صفة صيامه صلى الله عليه وسلم جاءت في صحيح مسلم من حديث عائشة: كان يصوم شعبان كله، كان يصوم شعبان إلا قليلاً، فكان صلى الله عليه وسلم يكثر من الصوم في شعبان حتى يخيل للرائي أنه يصوم الشهر كله، كان يصوم شعبان كله، لا، بل كان يصوم شعبان إلا قليلاً. فشعبان داخل علينا إن شاء الله، طبعا إحنا مبكرين شويه في الدرس عشان الدرس هينزل كمان سبعة أيام فيبقى خلاص دخلنا شعبان، يعني فَنعمل إيه في شعبان؟ نصوم شعبان كله ما عدا يوم ولا يومين في الآخر، نكثر الصوم في شعبان. ليه؟ هنعرف كمان شويه.

طيب، عندنا حديث عشان نبقى خلصنا المسألة الفقهية، عندنا حديث آخر: «إذا انتصف شعبان فلا تصوموا». فكيف نجمع بين قول عائشة وقول أسامة في صفة صيامه صلى الله عليه وسلم وبين قوله صلى الله عليه وسلم: «إذا انتصف شعبان فلا تصوموا»؟ من طرق الجمع أنه لو واحد ما صامش في نص شعبان الأول ما يصومش في النص الثاني، لكن واحد صام في النص الأول لا يكمل ويصوم في النص الثاني عادي، خلاص. يبقى إذا انتصف شعبان فلا تصوموا لمن لم يكن قد صام في نصف شعبان الأول، إنما اللي صام في النص الأول يصوم في النص الثاني عادي.

درس النهارده بقى هو إحنا ليه بنصوم في شعبان؟ أو إن شئت فقل: إحنا ليه بنكثر من العبادة في شعبان؟ لأن إحنا هنعرف كمان شويه أن شعبان ما هواش صيام فقط، بل فيه أنواع عبادات أخرى تفعل في شعبان، وهنعرف في آخر الدرس إن شاء الله.

فالنبي عليه الصلاة والسلام علل هنا في الحديث كثرة صومه بعلتين: لم أرك تصوم من الشهور ما تصوم في شعبان؟ قال: «ذلك شهر يغفل الناس عنه بين رجب ورمضان». دي أول علة يا جماعة، أول علة علل بها النبي صلى الله عليه وسلم إكثاره من الصوم في شعبان أنه زمان غفلة. إحنا الدرس اللي فات كان منزلة اليقظة، فمن جملة اليقظة التي ينبغي أن يتصف بها أهل الإيمان أن هم مصحصحين لأزمان الغفلة.

يعني إيه مصحصحين لأزمان الغفلة؟ يعني لما يلاقوا في زمان غفلة، يعني غفلة الناس فيه أشد من غفلة في غيره، وتلك الغفلة تعم. وإن أنتم عارفين الغفلة أو أي شيء ممكن يبقى يعني انتشاره أو يعني قوته أفقية أو قوته رأسية، حد فاهم حاجة؟ يعني إيه؟ لما المسألة الغفلة مثلاً تعم عدد كبير كده، قوتها أفقّي ولا رأسّي؟ أفقّي. طيب، لما نجي شخص واحد ممكن يكون غافل عن السنن وممكن يكون غافل عن الفرائض وممكن يكون غافل فواقع في الصغائر مع ترك الكبائر، مع ترك الفرائض، ممكن يقع في الكبائر، ممكن يقرب من الشرك، ده كله إيه؟ رأسّي.

فإحنا هنا بتكلم عن أن الغفلة أفقية، يعني تشمل فئة كبيرة من الناس، ذلك شهر يغفل الناس عنه. طيب، الأول ليه بيغفلوا عنه؟ قال صلى الله عليه وسلم: «بين رجب ورمضان». يبقى شعبان شهر غفلة، زمان غفلة. ليه؟ أولاً لأنه وقع بين شهرين عظيمين، رجب الفرد وهو أحد الأشهر الحرم، وأهل الجاهلية كانوا يعظمون شهر رجب تعظيماً شديداً، ولحق ذلك التعظيم بعض أهل الإسلام، فتجد حتى بعض المسلمين يعظموا شهر رجب تعظيم شديد ولهم احتفاء برجب على غيره، يعني على غير عادة في غيره من الشهور، بغض النظر إحنا ما كناش في بدعة وسنة، بنكلم عن أنه شهر له يقظة معينة عند الناس، خلاص؟ وهو شهر حرام.

وشهر رمضان، وما أدراك ما رمضان؟ شهر رمضان شهر اليقظة بقى على مدار العام، ده أكتر شهر الناس بتفوق فيه المفروض، ووقع بينهما شعبان، فكان زمان غفلة. ولذلك يا جماعة، قاعدة من قواعد السير إلى الله، قاعدة اللي ماشي في طريق ربنا سبحانه وتعالى لابد أنه ينتبه لهذه القاعدة، وهي: إحياء زمان الغفلة. يعني عاوزين نخرج بقاعده من هذا الدرس، هتكون هي دي القاعدة: إحياء زمان الغفلة.

فلما كان شعبان زمان غفلة، أحياه النبي صلى الله عليه وسلم، وده أصل في الدين، مش مكان في شعبان بس. يعني أنت لو عملت مسح شامل كده للنصوص، لنصوص الشريعه، ستجد أن هذه المسألة مضطردة. يعني إيه مضطردة؟ متكررة، فكرة أننا نحيي أزمنة الغفلة. فمن ذلك مثلاً أن من السلف من كان يستحب إحياء ما بين العشائين، اللي هو الوقت بين المغرب والعشاء، ليه؟ لأنه زمان غفلة. إحنا بنتكلم على فئة المتدينين تلاقيهم الوقت ده إيه بتعملوا فيه إيه بالمغرب والعشاء ده بيضيع، يقول لك إيه يا عم الشيخ ده إحنا بنخلص المغرب من هنا العشاء تيجي من هنا هو مش كده، لا هو أنت بتخلص المغرب من هنا في تقريبا ساعة إلا ربع ما العشاء تيجي، هي بتعمل فيها إيه؟ لا بتضيع. أنا مش بكلم، مش بكلم الناس، بكلم الناس المتدينة، الناس الحريصة على الوقت، ده بيضيع عند معظم الناس زمان غفلة، فكان بعض السلف يستحب إحياء هذا الوقت، يقف يصلي بين العشائين.

بالمناسبة يا جماعة اللي هيعمل كده ينوي قيام الليل، خلاص هو الليل بدا، فإحنا ممكن نقيم الليل من المغرب عادي جداً. طيب، ينوي بذلك إيه؟ قيام الليل وإحياء زمان الغفلة. فشايفين هنا اهو: إحياء زمان الغفلة. ولذلك كان في يعني اهتمام بالغ بثلث الليل الآخر وبنصف الليل كذلك، ليه؟ لأنه زمان غفلة، والنبي عليه الصلاة والسلام لما أذن للعشاء ولم يخرج للصحابه حتى كاد يتصف الليل، وبعدين خرج فقال: «أبشروا»، ما صلوش العشاء حتى كانت تخفق رؤوسهم، عمالين إيه قاعدين عمالين هيناموا خلاص. فلما خرج قال: «أبشروا، إنه ليس على الأرض أحد ينتظر الصلاة غيركم»، يعني هتصلوا في زمان في زمان غفلة، الناس كلها غافلة وأنتم هتقوموا تصلوا، ولذلك إحياء نصف الليل، إحياء الثلث الآخر من الليل له يعني حفاوة في الشرع ومزيد فضل، ليه؟ علشان كده.

وفي هذا الوقت الشريف ينزل ربنا إلى سماء الدنيا، فينادي كما جاء في الحديث كلنا عارفين الحديث، ليه كل ده؟ عشان ده إحياء زمان الغفلة. فزي ما قلنا بقى لو بصينا في الشرع هنلاقي المسألة دي إيه؟ مضطردة.

طيب، ليه كان يا جماعة إحياء زمان الغفلة في اهتمام بالغ من الشارع سبحانه وتعالى بهذه المسألة؟ بل إحنا قلنا لكم من شويه دي قاعدة من قواعد السير أصلاً إلى الله، إحياء زمان الغفلة. ليه؟ أول حاجة أول حاجة أن العبادة في زمان الغفلة أخفى من غيرها، دي أول حاجة. ده وقت مش متوقع أن الناس إيه تعبد ربنا فيه، فتلاقوا العبادة في زمان الغفلة أخفى. ركزوا يا جماعة، إحنا كل ده بنطوف حوالين إيه؟ إحنا ليه هنعبد ربنا عبادة زيادة في شعبان؟ عشان بس ما نبقاش سرحانين بس طلعنا كده شويه بنصل أصلاً، وهو أن لما نلاقي زمان غفلة نجري نحيي هذا الزمان بالعبادات ونكثر في هذا الزمان من العبادات. طيب ليه؟ علشان بقى الأسباب اللي بنقولها دلوقتي.

أول حاجة أن العبادة في زمان الغفلة أخفى. وفكرة يا جماعه إخفاء العبادات دي برضه دي مسألة مهمة وخطيرة وللاسف لا ينتبه اليها، خصوصاً مع انتشار السوشيال ميديا وسائل التواصل الاجتماعي والحاجات دي بقى كل واحد في إيديه التليفون، لا تكاد تجد عبادة مخفية، حتى اللي هي أخفى العبادات قيام الليل، هو في بعد كده قيام الليل؟ هو هو لو يقدر يصور نفسه هيعمل كده، طب يعمل إيه الحاذق؟ يدخل ساعة يقول لك إيه: قيام الليل رحمكم الله! يبقى إيه الباشا صاحي وهيصلي مش كده. يعني شوفوا يا جماعه، يعني وسائل التواصل دي اخترقتنا لغاية فين؟ أخفى عبادة ممكن تتعمل في الدنيا قيام الليل، ولذلك كان شرفها عظيم، ما هو إحنا العبادة الأخفى دي أثوب، وهتيجي كمان شويه إن شاء الله، بس لأنها عبادة خفية أخفى الله ثوابها، فين؟ ﴿فَلَا تَعْلَمُ نَفْسٌ مَّا أُخْفِي لَهُم مِّن قُرَّةِ أَعْيُنٍ﴾ [السجدة: 17]. إيه اللي قبليها بقى؟ ﴿تَتَجَافَى جُنُوبُهُمْ عَنِ الْمَضَاجِعِ يَدْعُونَ رَبَّهُمْ خَوْفًا وَطَمَعًا وَمِمَّا رَزَقْنَاهُمْ يُنفِقُونَ﴾ [السجدة: 16]، ﴿فَلَا تَعْلَمُ نَفْسٌ مَّا أُخْفِي لَهُم مِّن قُرَّةِ أَعْيُنٍ﴾، ليه؟ الجزاء من جنس العمل، تتجافى جنوبهم عن المضاجع ده بالليل، ما حدش شايفك، أخفيت عبادتك أبشر، ليه؟ أخفى الله ثوابها، فلا تعلم نفس ما أخفي.

زي ما أخفيت عبادتك أخفي ثوابك. خلي بالك مين اللي بيخفي ثوابك؟ الملك جل جلاله، أنت عارفين كده لما يجي ملك من ملوك الدنيا ولا حد غني مريش فيقول: والله اللي هيعمل كذا هدي له 1000 دولار، واللي هيعمل كذا هدي له 2000 دولار، واللي يعمل كذا 3000، أما اللي يعمل كذا بقى ده بقى جزاؤه عندي! يقوم إيه الأذهان تنشط كده، ده لما فلان هياخد 1000 وفلان 2000 أمال أنا بقى هاخد كام لو عملت كذا؟ يخفي ثوابك أو يخفي جزاءك، ده دليل على إيه؟ على عظم ما أتيت. ولذلك إخفاء العبادات ده كان السلف كانوا بيبقوا حريصين عليه جداً، واستحب العلماء إخفاء النوافل، يبقى على قد ما تقدر أنت مخفي للنافلة بتاعتك، على قد ما تقدر مخفيها عن مين؟ عن أي حد تقدر تخفيها عنه، حتى عن مراتك لو يقدر.

خد يا جماعه قاعدة ثانية ونطلع بالقاعدتين دول بقى من درس النهارده، القاعدة الثانية: إذا استطعت أن يكون بينك وبين الله خَبْءٌ فافعل. كده قلنا قاعدتين، أول قاعدة إيه؟ إحياء زمان الغفلة، دي قاعدة من قواعد السير إلى الله، اللي ماشي في طريق ربنا، عاوز ربنا، يلي، عاوز آخرة، عاوز جنة، لازم تبقى عارف القاعدة دي أنه مشروع لك، مطلوب منك، متأكد عليك أن تحيي زمان الغفلة، ليه؟ ادينا بنقول الأسباب اهو. القاعدة الثانية: إذا استطعت أن يكون بينك وبين الله خَبْءٌ فافعل. خبئ عن مين؟ عن مراتك، اعمل ده عن جوزك، اعملي ده.

كان بعضهم رؤية عن بعضهم، أنا عاوز أقول لكم قبل بس ما نقول رؤية إن بعض السلف كان بيتمنى أنه يعرف يعمل عباده يخفيها عن الملكين! يخفيها عن الملكين يعني الملك اللي بيكتب يقول: وددت أني عبدت الله عبادة لا يعلمها الملكان، تبقى بيني وبين ربنا كده ما حدش يعرفها، حتى الملكين اللي بيكتبوا مش عاوزهم يعرفوا حاجة. ليه يا شباب؟ علشان ده أقرب للإخلاص وأبعد عن الرياء.

الناس اللي بتتنطط وكل حاجة لازم يبقى قدام الكاميرا، ولازم كل حاجة قدام الموبايل، ولازم كل حاجة نشير نشير بيها، وحتى لو ما عملناهاش للأسف الشديد، تلاقي أول ما يمسك أجزاء القرآن أول حاجة يصور وينزل على الفيسبوك وعلى الانستغرام وعلى الحمد لله الذي بنعمته... إيه يا عم، في إيه؟ ما تخفي عبادتك! ليه؟ ليه بتعمل كده؟ اخفي العبادة، مش لازم يعني.

كان بعض السلف صام 40 سنة لا يعلم أحد بصيامه! أحد دي مين؟ قالوا: حتى مراته ما كانتش تعرف أنه صايم. مش لازم 40 ساعة، 40 سنة كل يوم يعني، كان يصوم كان يكثر الصوم ولا أحد يعلم بصومه، كان إذا خرج من بيته أخذ رغيفين، كان تاجر في السوق يتصدق بهما في الطريق، فيظن أهل السوق أنه أفطر في بيته، ويظن أهل بيته أنه أفطر في السوق، ويرجع بعد المغرب يكل عادي كأنه بيتعشى في بيته وهو ده إفطاره، لا مراته عارفة أنه صايم ولا اللي في السوق عارفين أنه صايم.

طب احنا عرفنا إزاي؟ لا، مراته عارفة، احنا عرفنا. بس تأثرتوا مش كده؟ حلوة. لا، هو هذه الأمور يا جماعه كان وده وده برضه حاجة مهمة يعني هنتعلم منها حاجه، يعني كانوا إذا حضرتهم الوفاة تكلموا بهذا، ليه؟ يريدون أنفسهم، هل يا جماعه هل تتصورون بقى أن واحد وهو في خلاص سكرات الموت ممكن يرائي؟ يعني جاي خلاص بيموت بينه وبين ربنا خطوة يقول لك: ده أنا كنت بعمل وكنت، لا، بس كانوا

يفعلون ذلك في هذا الوقت، ليرجوا أنفسهم، يقعدوا يقولوا لنفسهم إيه؟ ليه؟ من مات، أنا عند... أنا عند إيه؟ أنا عند ظن عبدي بي. فهم يريدون أن تأتيهم منيتهم وهم يحسنون الظن بالله عز وجل. إزاي؟ أنهم يحدثون أنفسهم، يحدثون أنفسهم بهذه الطاعات.

أبو بكر بن عياش، مين هو؟ شعبة، الإام شعبة، عارفين الإام شعبة ده بتاع إيه؟ بتاع إيه يعني في الآخر قرآن مش كده؟ واحد من أئمة القراعات وهو برضه هو في الموت وجوم برضه بيعيطوا بتاع، فقال ابنه إيه؟ أنت بتعيط ليه؟ أنا ختمت القرآن في هذه الزاوية، وقال رقم كبير؛ آه 8000 مرة أو حاجة زي كدة. هاتوا الرواية كدة وقولوا لنا كم مرة أظن 8000.

ده في زاوية واحدة في البيت كدة، قال له أنا... أنا ختمت المصحف هنا، القرآن هنا 8000 مرة أو رقم يعني كبير. كانوا يحدثون أنفسهم بهذا. طب إحنا نتعلم إيه من ده؟ أنك لو حضرت واحد في السكرات، واحد في النزع، واحد بيموت، مش وقت إنك تخوفه.

18000، أمم! ساعتها أما حسبناها، أحسبوها كدة، اقسموا 18000 على كام؟ 365، تطلع كام؟ 49. اا 49 يعني لو ده لو بيجيب ختمة في اليوم، لو بيجيب ختمة في اليوم محتاج 49 سنة. حد فهم إحنا عملنا إيه؟ هو ختم 18000 خاتمة.

فهو... قسمنا، لو قسمنا 18000 على عدد أيام السنة، 365 مثلاً. في... في إيه؟ في إيه؟ أحسبوه بقى أنتوا خلاص عشان وقت الدرس. ماشي؟ اا المهم، والمه... دي كانت في زاوية واحدة يعني ماشي من بيت، فانت لو قاعد بقى في واحد بيموت، تذكره بإيه؟ برحمة ربنا، تذكره بأعماله الصالحة، تذكره باتقائه لله عز وجل، تذكره برحمة ربنا، يقوم يموت وهو يحسن الظن بالله عز وجل.

وكان بعضهم اشتهر بالصوم، فكان يعمل إيه بقى؟ يجي يوم الجمعة والناس قاعدة كلها في الجامع، يقوم رايح كده على إيه كوز الماية ويحطه على بقه يعمل كأنه بيشرب وما شربش حاجة، يظن الناس أنه إيه؟ مفطر وهو صايم. هو كان يسرد الصوم، فكانوا... كانوا يبالغون في إخفاء عباداتهم على عكسنا إحنا تماماً.

فإحنا محتاجين ده يا جماعة، محتاجين نخفي العبادة، محتاجين نحرص على ذلك؛ ليه؟ لأنك مهما أخفيت عبادتك كانت أقرب للإخلاص وأبعد عن الرياء. قلوبنا أضعف من أن هي تتحمل رؤية الناس للعمل وثناء الناس على العمل.

بعض الأعمال غالب يعني إيه؟ الله غالب، هنعملها ازاي في صلاة الجماعة؟ هتخفيها ازاي دي؟ لازم تصلي في الجماعة. الدعوة إلى الله هتخفيها ازاي؟ ما أنت عشان تدعو هتدعو حد، مش هتقعد لوحدك في الصالة وتدعو، تقعد هتكلم ما أنت لازم تكلم ناس، فالدعوة خلاص الله غالب. الحج والعمرة برضه الحج والعمرة مش لازم إيه سيلفي؟ كل يقول لك ما هو خلاص لا، أنا أصد الناس اللي حواليك يعني. ففكرة أنك إيه اتحولت فجأة لفلوجات بقى، أنا في المطار، أنا قدام الكعبة، اللي عاوز حاجة يبعت لي، اللي عاوز دعوة يا عم ما تهدى، خليك مع ربنا سبحانه وتعالى، مش عاوزين حد يعرف حاجة روح وتعال وماحدش عارف عنك أي حاجة.

خلاص، إنما عاوزين يبقى في بينا وبين ربنا خبء بقى ما حدش يعرفه، الخبء ده بقى صوم، قرآن، قيام ليل، اعمل أي حاجة عبادة بينك وبين ربنا ربنا ما حدش يعرف عنها حاجة، ودي اللي ترجيها من الله عز وجل لأنها لو اتشمت قلوبنا ضعيفة، أقرب إلى الإخلاص وأبعد عن الرياء. العبادة الخفية، العبادة في زمان الغفلة.

شوف يا جماعة، ربنا قال في القرآن: ﴿إِن تُبْدُوا الصَّدَقَاتِ فَنِعِمَّا هِيَ﴾ [البقرة: 271]، طبعا القرآن مش كده، فنعم ما هي، يعني فنعمة ما هي أن تبدوا الصدقات جميلة وكل حاجة ﴿وَإِن تُخْفُوهَا وَتُؤْتُوهَا الْفَقَرَاءَ فَهُوَ خَيْرٌ لَّكُمْ﴾ [البقرة: 271]، مش لهم، ليه خير لكم؟ لأنك دفعت عن نفسك خاطر إيه بقى؟ الرياء وحب الظهور وحب الثناء وأنك تخفي الصدقة.

وبعدين شوفوا الحديث: «من الذين يظلهم الله في ظله يوم لا ظل إلا ظله رجل أخفى صدقته عن يمينه» شوفوا المبالغة، رجل أخفى صدقته عن بعضه، مش عن غيره، تصدق بصدقة فاخفاها حتى لا تعلم شماله ما أنفقت يمينه. عجيب! عجيب! مبالغة في الإخفاء.

يبقى ده أول معنى: العبادة في زمان الغفلة، وشعبان زمان غفلة، إحنا بنربط الدرس ها؛ العبادة في زمان الغفلة أخفى، ولما كانت أخفى كانت أقرب للإخلاص وأبعد عن الرياء فكانت أرجى عند الله عز وجل أن تقبل. ولذلك كان السلف يجتهدون في إخفاء العبادات وإذا عرفت عنهم العبادة اجتهدوا في دفع تلك السمعة عن أنفسهم.

الإمام أحمد كان يقول إيه؟ أشتهي ما لا يكون. أحمد طبعا كان يعني نار على علم مشهور جداً، فكان يقول إيه؟ افتكرت حكاية كده يعني ظريفة أحكيها لكم عن واحد كان يقول أشتهي ما لا يكون أشتهي مكانا لا يعرفني فيه أحد. نفسي أروح حتة ما حدش يعرفني فيها، ليه؟ ليه؟ علشان هو ما يحبش الشهرة ولا يحب أنه يبقى كل حاجة، كل ما يعمل حاجة الناس بتبصاله له، ده أحمد بن حنبل، وقولوا لعبد الوهاب هو كان بيقول يخمل ذكره فاني أنا قد ابتليت بالشهرة.

الإمام أحمد من الطرائف يعني أنا افتكرتها دلوقتي مش من الدرس يعني بس على فكرة المشهور وكده فكان أحمد ويحيى بن معين الاتنين كانوا أقران وكانوا إيه على طول مع بعض يعني. وبعدين مرة راحوا مسجد فلقوا واحد قصاص، واحد جاهل كده زي حالتي قاعد بيقول للناس أي كلمتين كده، فبيقول قصاصين زمان طبعا عشان ده العصر الحديث... العصر الذهبي للحديث بقى، فما مش أي حاجة هيخيل على الناس يعني طب هو عاوز كلامه ينطلي، فتقول أحمد بن حنبل ويحيى بن معين حدثني احمد، ويهبد.

طبعا أحمد ويحيى قاعدين ورا في الجامع، فهو حدثني أحمد، محمد، معين، فخلوا خلصوا، قولوا له تزعم أن أحمد ويحيى حدثاك بما تقول؟ قال أجل، قال فأنَا أحمد وهذا يحيى بن معين! يسكت بقى البعيد! قال: وليس في الدنيا أحمد بن حنبل وأحمد بن معين غيركما؟! أنت بس يعني أحمد... ما فيش غيركم أحمد محمد وأحمد بن معين؟!

طيب، فيبقى العبادة في زمان الغفلة أخفى، ولما كانت أخفى كانت أقرب للإخلاص وأبعد عن الرياء، فلما كانت كذلك كانت أقرب إلى الإخلاص وأبعد الرياء، كانت أشق على النفس.

كانت أشق على النفس ليه أشق على النفس يا جماعة؟ عشان حاجتين؛ أول حاجة أن النفس مالهاش حظ، عبادة النفس مالهاش فيها حظ، وعشان كده تلاقي نفسك غير منشط للعبادة اللي ليها فيها حظ، يعني ايه ليها فيها حظ؟ يعني هتتشاف فيها، هتسمع كلمة حلوة، فتلاقي العبادة دي سهلة عليك للنفس فيها حظ. العبادة اللي النفس مالهاش فيها حظ تلاقيها ثقيلة عليك.

ولذلك من أصول التربية عندنا أنك تربي نفسك بتلك العبادات اللي ما لهاش... اللي النفس مالهاش فيها حظ، وإلا أنت كأن ما بتربيْش نفسك، ما هي نفس تحب الثناء وتحب أن تتشاف كويسة، فانت بتربي نفسك ازاي؟ لا، قول لها لا تعالي لي بقى هنعبد ربنا عبادة ما حدش هيعرف بيها حاجة عشان كده أول ما تعمل كده تلاقي نفسك عمالة إيه يعني عاوز أي حاجة يعرف باي طريق حتى من غير ما تتكلم.

تلاقي واحد صايم ماشي إيه مطاطي راسه كده وعامل ليه؟ عشان يتشاف، يقول لك تقول صايم، ليه؟ بصوا اللعبة، النفس عاوزه الحظ، عارفين اللي هو كان بيصلي وبعدين إيه واحد معدي قال صلاته جميلة، قال له صايم كمان! (يعني طلع من الصلاة خلاص). آهو كدة، النفس عاوزه إيه دائماً يبقى ليها حظ في العبادة، عاوز بقى تدبي نفسك باللي في رجلك، عاوز تربي نفسك صح روح دور على عبادة النفس مالهاش فيها حظ.

شوفوا بقى اللعبة؛ تلاقوا العبادة اللي المفروض النفس مالهاش فيها حظ، الشيطان يدخل والنفس تدخل، تخلق لنفسها حظ في العبادة، زي ما قلنا لكم من شوية كده إيه، قايم الساعة 3 الفجر هتصلي، إيدك على طول تجري على الموبايل قيام الليل، رحمكم الله! عارفين ده إيه ده؟ حظ النفس، الحركة اللي أنت عملتها دي آهو ده حظ النفس. لا يا شيخ ده بحث غيري ومش عارف إيه، بتحس غيرك! طب أول ما هتسلم: السلام عليكم، السلام، هتروح تجري تعمل إيه؟ تشوف جابت كم لايك وكم شير ومين علق، مش كده؟ يبقى أنت بتحس غيرك برضه ولا نفسك؟!

عارفين مشكلة إيه يا جماعة؟ أن إحنا جاهلون بتلك النفس التي بين جنبينا، ما احناش عارفين أنفسنا. لا ده حظ نفس، تلاقي الراجل اللي بيصلي بالناس مثلا الفجر في المسجد بيصلي الفجر يقوم يجي يصلي، يصلي بالليل تقوم نفس جايه تقول له ايه طب بقى إيه اطلع هنا وانزل هنا وحبر صوتك هنا و... ليه؟ عشان اما تنزل تقرب ده في الفجر يتقال لك الله يا عم الشيخ ده احنا ما شفناش كده ما شفناش حد مرائي زيك!

فالعبادات اللي النفس مالهاش فيها حظ ثقيلة، فلما كانت العبادة في زمان الغفلة أخفى كانت أقرب للإخلاص وأبعد عن الرياء كانت أشق، ليه؟ ما فيش حظ للنفس.

المعنى التاني اللي بيخليها أشق إيه يا جماعة؟ أن مافيش... إحنا عندنا حاجة كده ربنا جبل البشر على معنى كده، معنى بيسموه إيه؟ أنك تتسلى بغيرك. تتسلى مش تقعد تتأرق عليه، تتسلى يعني ايه؟ لما تلاقي واحد بيشاركك في حاجه تقوم دي تخفف عليك الحاجة دي، سواء الحاجة دي عبادة أو الحاجة دي بلاء مثلاً.

إحنا عندنا المثل المصري في العامية يقول لك إيه: اللي يشوف بلاوي الناس... ركزوا يا جماعة، المثل ده صادق: اللي يشوف بلاوي الناس تهون عليه بلوته، يعني إيه تهون؟ يعني قبل ما يشوف بلاوي الناس كانت عنده البلوة بتاعتها إيه؟ ضخمة جداً، مش كده؟ أول ما يشوف بلاوي الناس الضخامة دي تروح على طول ليه؟ عشان خلق التسلي.

خلق التسلي، فالنفس... النفس البشرية مجبولة على هذا الخلق سواء في الطاعة (لو شفت غيرك بيشاركك العبادة بتهون عليك العبادة، واعتبروا بأحوالنا في رمضان تلاقيك في التراويح، التراويح أنت نشيط فيها لمعاني كذا معنى منها، مش بس ده المعنى الوحيد في كذا معنى، لكن من المعاني أنك شايف غيرك بيشاركك إيه العبادة فده بيسهل عليك العبادة، بيسهلها عليك، ولذلك جاء أن للعامل منهم أجر 50 منكم، أنهم إنكم تجدون على الخير أعواناً ولا يجدون).

فخلي العبادة أشق عشان كده رمضان يخلص، تعال بقى شوف قيام الليل، ما أنت كنت بتقيم لأسباب، قلنا كذا سبب مش بس ده، بس منها أنه غيرك بيشاركك العبادة. تيجي يوم اثنين شوال، ثلاثة شوال، أربعة، شكرا ما فيش قيام ليل خالص من الأسباب أن خلاص ما أنتْش شايف مين بيقيم ومين ما بيقيمش، بدليل أن لو قال له يلا يا جماعه تعالوا النهارده هنتجمع وهنقير... هنتقيم ليله تلاقي نفسك آه نشيط انك تروح تقيم معاهم الليلة ليه؟ علشان غيرك بيشاركك عبادة أو حتى بلاء زي ما قلنا لكم: اللي يشوف بلاوي الناس تهون عليه بلوته.

والخنساء قالت إيه؟ ولولا كثرة الباكين حولي على إخوانهم لقتلت نفسي. الخنساء أخوها مات، أخوها صخر، ورثته في قصيدة معروفة، قالت إيه: عيناي جودا ولا تجمدَا ألا تبكي لصخر النَّدى؟ لسه في الثانوية القصيدة؟ حد في الثانوي هنا؟ كانت في الثانوي القصيدة دي موجودة لسه ولا خلاص؟ الخنساء ترثي صخرا... مش موجودة! ماشي، بقول عندكم إيه؟ مهرجانات حاطين لكم مهرجانات؟

المهم، هي رثت صخرا بأبيات بقى إيه، أعينِ ولا تجمدَا ألا تبكي لصخر الندى ألا تبكي الجريئة الجميله ألا تبكي الفتى... السيّدة أنا حافظها من ثانوي: طويل النجاد، رفيع العماد، ساد عشيرته أمردا إذا القوم مدوا أيديهم إلى المجد مد إليه يدا فنال الذي فوق أيديهم من المجد ثم مضى مصعدا ترى المجد يهوي إلى بيته يرى أفضل الكسب أن يحمده أو... يعني ممكن تلاقوا تأليف في النص أنا قلته كده، بس المهم يعني إيه هي في...

المهم، فلما مات أخوها صخر باكيته بكاء شديداً، قالت بقى معنى رائد جداً في معنى التسلية دي، السلوى، قالت: ولولا كثرة الباكين حولي على إخوانهم لقتلت نفسي. الخنساء أخوها مات، أخوها صخر ورثته في قصيدة معروفة، قالت إيه: عيناي جودا ولا تجمدَا ألا تبكي لصخر النَّدى؟ لسه في الثانوية القصيدة؟ حد في الثانوي هنا؟ كانت في الثانوي القصيدة دي موجودة لسه ولا خلاص؟ الخنساء ترثي صخرا... مش موجودة! ماشي، بقول عندكم إيه؟ مهرجانات حاطين لكم مهرجانات؟

المهم، فلما مات أخوها صخر باكيته بكاء شديداً، قالت بقى معنى رائد جداً في معنى التسلية دي، السلوى، قالت: ولولا كثرة الباكين حولي على إخوانهم لقتلت نفسي (يعني لولا كثرة الباكينا حولي دي اللي فقدت أخ ودي اللي فقدت أب ودي اللي فقدت ابن لقتلت نفسي ما كنتش مش هستحمل فقدان صخر)، ولا يبكون مثل اخي! (آه صحيح، صخر ده في حتة تانية) ولكن أعزي النفس منهم بالتسلي.

النفس مجبولة على كده، ولذلك في القرآن يا جماعة، ماذا قال الله عز وجل مخاطباً نبيه في سورة ص؟ ﴿اصْبِرْ عَلَىٰ مَا يَقُولُونَ﴾ [ص: 16]. سورة ص، ومن أول الآية دي لقرب ختام سورة ص كله ذكر بلاءات الأنبياء، اصبر على ما يقولون واذكر من أول هنا آخر لقرب نهاية السورة ذكر بلاءات.

كان المعنى: اصبر ولكي تصبر اذكر. فهمتوا دي؟ لما تذكر بلاء من كان قبلك على هذا الطريق يهون عليك البلاء اللي أنت فيه. سيدنا محمد صلى الله عليه وسلم طبق دفع عملياً بقى لما جبذه الرجل جَبْذَةً شديدة قال: «رحم الله أخي موسى أُوذي بأكثر من ذلك فصبر». ده تطبيق عملي على قول الله عز وجل: اصبر واذكر. ولذلك اللي عاوز يصبر على مر العيش وشدته وضيقه وكذا يعيش مع السلف، مع قصص السلف، هيصبر.

ولذلك يا جماعة كان من عذاب أهل النار بقى، ركزوا بقى كده عشان إيه ممكن كتير ما يركزش فيها؛ أنتوا عارفين لما يجي واحد مسجون، وبعدين يبقى شاقي شوية مشاغب ولا يعمل لبش، يقوموا عاوزين يعاقبوه في السجن يعملوا فيه إيه؟ رد سجون كلكم ما شاء الله، يحبسوه حبس إيه؟ انفرادي ليه؟ ليه يحبسوه حبس انفرادي؟ زيادة في العقوبة عليه. ليه؟ علشان مش هيتسلى، هو دلوقتي إيه؟ شايف نفسه محبوس لوحده بقى خلاص، مش شايف. قال الله عز وجل في أهل النار وهم فيها: ﴿لَا يَسْمَعُونَ﴾ [مريم: 98]، مما قيل طبعا في خلاف بين العلماء في تفسير هذه الآية، لكن مما قيل في تأويلها: وهم فيها لا يسمعون، لا يسمع بعضهم صراخ بعض، حتى يخيل للرجل أنه يعذبه وحده. يعني من عقاب أهل النار في وقت من الأوقات أن خلاص هيقطع الاتصال بينهم وبين بعض، فكل واحد في النار لا شايف حد ولا سامع حد، ويخيل إليه أنه يعذب وحده. يعني حتى يا جماعة التسلي ده حرم منه أهل النار، وهم فيها لا يسمعون.

يبقى العبادة في زمان الغفلة أخفى، فلما كانت أخفى كانت أقرب للإخلاص وأبعد عن الرياء، فلما كانت كذلك كانت أشق على النفس. طيب ليه أشق على النفس؟ المعنيان: أول معنى أن النفس مالهاش حظ في هذه العبادة، المعنى الثاني أنها فقدت معنى التسلي. فلما كانت أشق كانت أثوب، لما كانت أشق كانت أثوب! إيه ده هي العبادة كل ما تكون أشق تكون أثوب؟ أه، مين اللي قال كده؟ سيدنا النبي عليه الصلاة والسلام، ماذا قال لعائشة: «أجرك على قدر نصبك»، كل ما تتعبي زيادة أجرك يكون إيه؟ أكبر.

فأول معنى في الاحتفاء بشعبان، شهر شعبان جاي هنكثر فيه من حاجات، أول حاجه هنعرف إيه بقية الحاجات إن شاء الله؟ أول حاجه الصوم؛ سيدنا النبي عليه الصلاة والسلام كان يصوم من شعبان ما لا يصوم من غيره من الشهور، كان يصوم شعبان كله، كان يصوم شعبان إلا قليلا. هنصوم شعبان كله ما عدا يوم يومين ثلاثة، ماشي. ليه؟ عبادة في زمان الغفلة، «ذلك شهر يغفل الناس عنه بين رجب ورمضان».

طيب المعنى الثاني يا جماعة يا أهل الإيمان، ركزوا معانا بقى؛ المعنى الثاني كبير في فكرة أن احنا لما نشوف زمان غفلة نجري نعبد، أن بهذه العبادة نستدفع عذاب الله عز وجل. فشكر معنى ثاني كبير في إحياء أزمنة الغفلة، أن أهل الديانة أهل الإيمان لما يلاقوا وقت انتشرت فيه الغفلة أفقيًّا أو عظمت فيه الغفلة رأسيًّا يترعبوا. ليه يترعبوا؟ إيه اللي يامنا أن العذاب ما ينزلش في الوقت ده؟ والعذاب إذا نزل هيخص ولا يعم؟ أَنَهلك وفينا الصالحون؟ لا قال: «لا»، ولا قال إيه صلى الله عليه وسلم؟ قال: «نعم»، أه، أَنَهلك وفينا الصالحون؟ إمتى؟ إذا كثر الخبث. فإذا كثر الخبث أو عظم الخبث رأسيًّا أو أفقيًّا نترعب، نترعب من إيه؟ أن العذاب يجي، ﴿وَاتَّقُوا فِتْنَةً لَا تُصِيبَنَّ الَّذِينَ ظَلَمُوا مِنْكُمْ خَاصَّةً﴾ [الأنفال: 25]، يعني العذاب إذا نزل عم. ده كلام ربي سبحانه وتعالى: ﴿وَاتَّقُوا فِتْنَةً لَا تُصِيبَنَّ الَّذِينَ تُصِيبَنَّ الَّذِينَ ظَلَمُوا مِنْكُمْ خَاصَّةً﴾ [الأنفال: 25].

جيش يخسف بأوله وآخره، أخبر عنه المصطفى صلى الله عليه وسلم. طيب يا رسول الله فيهم من ليس منهم، فيهم السوقة وفيهم من ليس يعني ناس رايحة تاجر مش مش في دماغها حرب مش رايحه تحارب، قال: «يخسف بأولهم وآخرهم ثم يبعثون على نياتهم»، إنما العذاب هينزل كله. فلما أهل الإيمان أهل الديانة يشوفوا زمان معين انتشرت فيه الغفلة أفقيًّا أو عظمت فيه الغفلة رأسيًّا يخافوا جدا، يخافوا من إيه؟ من نزول العذاب، فيبقوا جاريين على فين بقى؟ على إحياء زمان الغفلة، اللي هو أول كلمة، اللي هو أول قاعدة من قواعد السير إلى الله، إلى إحياء زمان الغفلة. الكلام ده بنقوله كل سنة إمتى؟ في ليلة إيه؟ رأس السنة، ليلة رأس السنة الميلادية بينتشر فيها ولا بيعظم فيها يعني رأسي ولا أفقي؟ الاتنين مش كده، ينتشر أفقيًّا، تلاقي المعاصي مش في مصر احنا دايمًا نقول كده، نقول ما نعرفش ليه في العالم بيعصى فيها الله سبحانه وتعالى، في العالم مش في دولة، في العالم كهذه الليلة. فده كده انتشار إيه؟ أفقي مش كده، طيب بيتعمل فيها المعاصي اللي هي يعني أي كلام، ده زنا وخمر غير الشرك بقى أصلا، يعني أصلا هي ليلة ينتشر فيها تنتشر فيها الغفله وتعظم فيها الغفلة رأسي وأفقي. احنا بقى إيه طرزانات قاعدين كده ما نعملش أي حاجه، مش بس كده، لا، ده احنا اللي هيروح يعبد نقول له اقعد اقعد ما تعبدش بدعة، مش عارف فهم إيه ده الصراحة!

فأهل الإيمان عارفين، عندهم مسؤولية إيه بقى؟ المسؤولية؟ المسؤولية التي ذكرها الله عز وجل عنهم في القرآن، قال سبحانه وتعالى: ﴿وَلَوْلَا دَفْعُ اللَّهِ النَّاسَ بَعْضَهُمْ بِبَعْضٍ لَفَسَدَتِ الْأَرْضُ﴾ [البقرة: 251]. من تأويل هذه الآية: لولا دفع الله الناس بعضهم ببعض، يعني إيه؟ يعني لولا دفع الله عن أهل العصيان بأهل الإيمان لفسدت الأرض. فمهم جدا في أزمنة الغفلة أهل الإيمان يلحظوا ذلك، مهلا عن الله مهلا، فلولا شيوخ ركع أو عباد ركع وأطفال رضع وبهائم رتع لصب عليكم العذاب صبًّا. طب إيه اللي بيدفع العذاب؟ مما يدفع العذاب الشيوخ الركع العباد، «إني لأهم بأهل الأرض عذابا، فانظر إلى عُمار بيوتي والمستغفرين بالأسحار فأصرف عنهم العذاب». «فانظروا إلى عُمار بيوتي والمستغفرين بالأسحار فأصرف عنهم العذاب. إني لأهم بأهل الأرض عذابا فانظر إلى عُمار بيوتي»، تنبيه على شرف المكان، «والمستغفرين بالأسحار»، تنبيه على شرف الزمان، «فأصرف عنهم العذاب».

فلما نلاقي مثلا ليلة زي ليلة رأس السنة، أو شعبان بقى احنا داخلين هو شعبان زمان غفلة إنما ليلة رأس السنة نلاقي ده كله هنعمل ايه؟ نحرق بقى دم اللي بيقوله بدعة ولا إيه؟ نروح المساجد كمان، مش بس عادي كده، مافيش يا جماعة مش بدعة، يا جماعة مش بدعة، نروح المساجد نعبد ربنا سبحانه وتعالى، نفر إلى الله جل وعلا، احنا ما بنخصصش حاجة، احنا تلمحنا معنى الغفلة ففزعنا. بس النبي عليه الصلاه والسلام لما يتلمح شيئا من ذلك يعمل إيه؟ يقوم فزعا: «ويل للعرب من شر قد اقترب»، «من يوقظ صواحب الحجرات؟» كي إيه يصلين؟ قوموا صلوا. أَنَهلك وفينا الصالحون؟ في نفس الحديث: أَنَهلك وفينا صالحون؟ قال: «نعم إذا كثر الخبث». فاذا كثر الخبث قوم صلي.

يعني إزاي يعني؟ يعني يا جماعة ليلة احنا عارفين أن احنا الليلة اللي قبليها والليلة اللي بعديها دي ليلة غير غير، في إيه؟ انتشار المعصية وعمق المعصية، يعني جايبين من القاع، طوابير على محلات الخمرة واحنا في دولة مسلمة يعني غالبية مسلمة، أمال بره بيحصل إيه؟ فاحنا عارفين ده، ده الخمرة اللي هي مقننة، طب المخدرات كله بيرزق الليلة دي مافيش؟ هو الرزق الحرام رزق ولا مش رزق؟ اه أيوه الرزق الحرام رزق، رزق ماشي، اه ده دي مسألة في العقيدة دي ها. فبيقول إنه رزق، لأن خلافا لبعض المبتدعة والرزق ما ينفع ولو محرما، يعني كل ما انتفع به الإنسان رزق حتى لو كان محرما هو من الله جل وعلا. مش من الله دي حاجة كويسه؟ لا، مش المقصود كده قصة ثانية بس في العقيدة مش وقته، المهم نرجع تاني بقى لموضوعنا.

فأنت فالليلة دي تعدي عليك زي أي ليله؟ لا طبعا، ما تعديش عليك زي ليلة، لازم نحدث شيئا يدفع ذلك، الإحداث، يعني هم أحدثوا معاصي، يحدث أهل الإيمان لها طاعات، ليه؟ ﴿وَلَوْلَا دَفْعُ اللَّهِ النَّاسَ بَعْضَهُمْ بِبَعْضٍ لَفَسَدَتِ الْأَرْضُ﴾ [البقرة: 251]. نرجع بقى لشعبان، ليلة السنة فاتت خلاص. شعبان كده برده يا جماعة زمان غفلة، ليه زمان غفلة؟ الناس بتحتفي برجب وبتحتفي وبتحتفي برمضان، يجي شعبان يروحوا بقى يخزنوا الأكل عشان رمضان، ويروحوا يشتروا لبس العيد عشان لو مش هيشتروه في رمضان يعني بيابتلوا يهتموا بالدنيا شويه. ده اللي بيحصل في شعبان على فكرة، وأقل القرن تلاقيه منتبه لمعنى شعبان ده، وتلاقي الناس يعني أنا ما أعرفش إن في حد بيقول كل سنة طيبة على على شعبان، بيقولوه على إيه؟ على رجب، يعني تلاقي الناس بغض النظر بدعة ولا مش قضيتي، بتكلم على أن رجب ليه احتفاء عند الناس كده معظمينه ورمضان طبعا معظم، يجي شعبان ما تلاقيش حد بيحتفل يعني إيه أو بيهنئ بقدوم شعبان، فهو زمان غفلة.

طيب فنلمح في معنى بقى إيه معنى أن احنا بندفع؟ أهل الإيمان أهل الطاعات أهل الديانة انشغالهم بالعبادة في هذا الزمان في زمان الغفلة يدفع البلاء، يدفع العذاب النازل عن أهل الأرض. فده معنى آخر في إحياء في إحياء أزمنة الغفلة اللي منها شعبان، قال صلى الله عليه وسلم: «ذلك شهر يغفل الناس عنه بين رجب ورمضان». يبقى ده أول معنى اللي من أجله نحيي في شعبان لغايه دلوقتي بالصوم لسه ما نعرفش في حاجة تانية في شعبان ولا لا بس لغايه دلوقتي احنا هنكثر من الصوم في شعبان.

معنى ثاني ذكره النبي في الحديث صلى الله على النبي محمد عليه الصلاه والسلام قال فيه: «ترفع الأعمال إلى الله، وأحب أن يرفع عملي أنا صائم». الأول يا جماعة قبل ما نتأمل هذا المعنى، احنا عندنا عرضة يومية أو إن شئت فقل عرضتان، وعندنا عرض أسبوعي وعندنا عرض ثانوي. ركزوا في اللي بقوله ده ها. كل يوم في عرضة كده إجمالية بتشحصل إمتى وإمتى؟ الفجر والعصر، يتعاقبون فيكم ملائكة بالليل والنهار، طب هيجتمعوا إمتى؟ في تسليم وردية، تسليم وتسلم في هاند أوفر بيحصل إمتى؟ في صلاة الفجر وصلاة العصر. ولذلك قال الله عز وجل: ﴿وَقُرْآنَ الْفَجْرِ إِنَّ قُرْآنَ الْفَجْرِ كَانَ مَشْهُودًا﴾ [الإسراء: 78]، مما قيل فيها: تشهده ملائكة الليل والنهار الورديتين. يبقى في ملائكة بتنزل بالنهار وفي ملائكة بتنزل تقعد بالليل، بيسلموا بعض إمتى؟ في صلاة الفجر وصلاة العصر. فصلاة العصر لسه مصليينها من شويه دي اجتمع فيها ملائكة الليل والنهار، وقل مثل ذلك في صلاة الفجر يجتمع فيها ملائكة الليل والنهار.

طيب الشاهد بقى من الحديث: يصعدون إلى الله عز وجل فيسألهم: «كيف وجدتم عبادي؟» فيقولون: اتيناهم وهم يصلون وتركناهم وهم يصلون. الله أكبر! والله يا جماعة والله لو أولينا هذا الحديث حظه من التأمل لا محتاجين نقول لكم ثواب صلاة جماعة ولا محتاجين نقول لكم فضلها ولا محتاجين نقول لكم طيب هي فرض ولا سنة ولا فرض كفائي ولا محتاجين ده خالص، لو بس استشعرت هذا المعنى أن اسمك يذكر في ملإ الملائكة وهو يصلي وتركته وهو يصلي لأنهم بيجتمعوا فين؟ في بيوت الله عز وجل، فأنت فين؟ في صلاة الفجر وفي صلاة العصر، أتيناهم يصلون وتركناهم وهم يصلون، «أشهدكم يا ملائكة أني قد غفرت»! الله أكبر.

فده العرض اليومي، عندنا عرض أسبوعي، كان النبي عليه الصلاة والسلام الاثنين والخميس يصومهم، وبعدين لما سئل عن صيام الاثنين والخميس قال: «ذلك يومان ترفع فيهما الأعمال إلى الله وأحب أن يرفع عملي وأنا صائم». يبقى وأنت بتصوم الاثنين وبتصوم الخميس نفس المعنى اللي في شعبان، «ذلك شهر يغفل الناس عنه بين رجب ورمضان، فيه ترفع الأعمال إلى الله وأحب أن يرفع عملي وأنا صائم».

ولذلك كان إبراهيم النخعي يا جماعة، الأول يوم الخميس ده له خصيصة كمان، ابن عباس رضي الله عنهما كان بيقول: يكتب كل شيء. أي لفظ بتقوله بيكتب في تفسير ابن عباس لآية: ﴿مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ﴾ [ق: 18]. فكان يقول: يكتب كل شيء، حتى قولك: أكلت وشربت ورحت وجئت، أي كلمة بتقولها بتتكتب، فإذا كان يوم الخميس نظر في ذلك فأثبت ما كان فيه خير أو شر وطرح سائره، يعني المباح يترمي واللي فيه خير أو شر يفضل إيه ثابت. فذلك قول الله عز وجل: ﴿يَمْحُو اللَّهُ مَا يَشَاءُ وَيُثْبِتُ﴾ [الرعد: 39]. ده تفسير ابن عباس للآية. فكان إبراهيم النخعي إذا جاء يوم الخميس بكى إلى امرأته وبكت له، يعدوا يعيطوا كل خميس ويقول: الآن يعرض عملي على الله.

طب إبراهيم النخعي ده يعني هو ده كان أحد إيه يعني عياذا بالله يعني كان أحد الفساق ولا أحد الفجار ولا أحد؟ ما هو بيبكي ليه؟ هو بيبكي لأن قلبه حي، ما بنبكيش لأن احنا ما فيش قلوب أصلا ما فيش قلوب، إنما إبراهيم النخعي لا ده كان أحد الصالحين، كان يجي الخميس يقعد يعيط: الآن يعرض عملي على الله. فنفس المعنى يا جماعة اللي هو بقى دي العرضة الأسبوعية، في عرضة سنوية إن شئت فقل ده الحساب الختامي كده عارفين الشركات ولا المصانع؟ أه ممكن يبقى في إيه بيحسبوا شهري بيحسبوا لكن في حاجة اسمها حساب ختامي بقى في نهاية كل سنة يجي يجردوا ويشوفوا الخسارة ويشوفوا المكسب عشان يشوفوا الأرباح وكده معروفة. ده الحساب الختامي بقى شهر شعبان: «ذلك شهر يغفل الناس عنه بين رجب ورمضان».

شوفوا يا جماعة شوفوا شهر الغفلة ده شهر مش عادي، يعني سيبكم أن هو زمان غفلة بس يعني لو كان كده كانت العبادة فيه فيها كل اللي قلناه اللي هو نص المحاضره، أو ما تخافوش مش لسه نص، اللي بقى حاجة بسيطة، اللي هو الجزء الأول من المحاضره لو كنا شطبنا على كده دي لوحدها محفزة أن احنا نعمل نعبد، لا ده احنا فوجئنا فوجئنا في حاجة تانية بتحصل، ده مش بس زمان غفلة، فيه تعرض الأعمال على الله.

وأحب أن يعرض عملي وانا صيام. ليه سيدنا النبي عليه الصلاة والسلام يححب أن يعرض عمله وهو صائم؟ معنيين برضه. المعنى الأول عشان نفهمه هديكم مثال، تخيل حضرتك كده في دولة، وبعدين الدولة دي ليها رئيس، رئيس ليها، ملك ليها، أيا مكان، وأنت خبطت بقى بتاع، يعني ما سبتش جريمة غير وقعت فيها، لدرجة أن الملك قال إيه: هاتوا لي ده، هاتوا لي، ما فيش قانون ما خلفتوش.

فيقولوا لك بقى الحراس بتوعك قالوا لك إيه: الملك عاوزك شخصيا، مش أنت اللي شخصيا، هو اللي شخصيا، أنت ولا حاجة، أنت عادي واحد من الرعية، يعني الملك شخصيا عاوزك، فانت رايح: يا هو عاوزني في إيه؟ ده فرحت، وقفت قدام الملك فلقيت إيه صحيفة، صحيفتك بقى الجنائية قدام في إيد الملك، وبعدين بيقول لك إيه: يعني عرضت، عرضت على رفعت للملك، فعمال يبص في الصحيفة كده ويقرا جرايمك، وبعدين يلتفت إليك من حين لآخر، إيه، تأخذه التفاتة، يعني وهو بيقرا كده يبص لك كده، فتخيل لو هو بيقرا جرايمك دي فلقاك يبص لك إيه مطأطئ الرأس باكي، ظاهر عليك معاني الندم، معاني أنه خلاص آخر مرة لا أنا كنت مجرم ومش هعمل كده تاني.

دي حالة، في حالة تانية أنه كل ما يلتفت يلاقيك إيه عمال تبص في السقف وفاتح الموبايل بتشات لغاية ما يخلص الإيه قراية الصحيفة، إيه رأيكم يا جماعه الحالتين دول زي بعض؟ هو ده بالظبط. أحب أن يعرض عملي وانا صائم، أول معنى أن ربنا سبحانه وتعالى لما يعرض عليه العمل، عمل السنة، وكل واحد بقى فينا عارف كويس بلاويه، كل واحد فينا عارف كويس بلاويه، فيجي شهر شعبان، واحد شعبان كده، اقعد مع نفسك، استحضر عمل السنة، بلاوي السنة بتاعت حضرتك، بتعرض دلوقتي على ربنا سبحانه وتعالى عملك.

أن الله جل وعلا إذا عرضت عليه أعمالك ثم نظر إليك وجدك على تلك الحال من الإخبات والخشوع والطاعة، إحداث تلك الطاعة التي تقول بها بلسان حالك: يا رب آخر مرة، واستحضر هذا المشهد دائما أن أعمالك، أعمال السنة ببلاوي السنة، عشان كده كان إبراهيم النخعي بيبكي: الآن يعرض عملي على الله، يرفع عملي إلى الله، وهو العمل ده اللي هو شكله إيه؟ بلاش، مش هقول لك ربنا، هقول لك أنت لو أنت راجل، يعني راجل عدل، يعني واديتك صحيفتك وقلت لك خد اقرا صحيفتك وشوف أنت تخش جنة ولا نار، أهو ما فيش ربنا أهو، قولك أنت اللي قول على نفسك، خد صحيفتك كده وقول الصحيفة دي توديك فين وأنا راضي ضميرك، أهي دي الأعمال اللي بتعرض على ربنا في شهر شعبان، فازاي يجي واحد شعبان زيه زي واحد ذي القعدة، زيه زي واحد ذي الحجة، ازاي يعني؟ ازاي؟ الآن يعرض عملك على ربك جل وعلا، فيبقى إذا نظر إليك وجد منك هذه الحال.

أنتم عارفين الصوم مما يحدثه في النفس فكرة الإخبات والخشوع، تلاقي العبادات التانية ما تعملش ده قوي يعني، ولو عملته بيبقى لحظية، إنما تصوم تلاقي الحال ده مستمر معاك مدة، فكان هذا هو الحال أو تلك هي الحال التي نريد أن تكون عليها وأعمالنا تعرض على الله.

معنى تاني بقى، احنا قلنا في معنيين هنا في فكرة أن العمل بيعرض على ربنا في شهر شعبان، وهو معنى أنك هتختم صحيفتك بايه؟ لو قلنا أن الصحيفة هي هتطلع في شعبان، ما هو طبعا هي وهي طالعة في شعبان العمل بيكتب برضه، ولا شعبان إجازة؟ ما فيش إجازة، يعني أنت العمل بيكتب برضه، فكانك بتختم صحيفتك بايه؟ بالعبادة. طب وايه من أجل العبادات ثوابا؟ إيه الصوم؟ قال الله عز وجل: «إلا الصوم فإنه لي وأنا أجزي به»، كل عمل ابن آدم له، الحسنة بعشر أمثالها إلى سبعمائة ضعف، إلا الصوم فإنه لي، طب يا رب إيه الثواب؟ وأنا أجزي به، أخفى الثواب ليه؟ أخفى الثواب، يلا بقى أنتم شطار، لأن الصوم عبادة خفية.

ليه الصوم عبادة خفية؟ لأن الصوم ترك، مفهومة دي؟ يعني دلوقتي لو واحد في اللي قاعدين عاوز يصلي كلنا هنشوفه صح، حابب يذكر ربنا اللي حواليها يلقطوه، لكن مين فينا صايم؟ ما حدش يعرف، الله، اشمعنى الصوم؟ لأن الصوم ترك، الصوم أنك ما بتاكلش وما بتشربش وما بتجتمعش، فاحنا قاعدين دلوقتي ما نعرفش مين صايم ومين مش صايم، إنما الصلاة فعل، الذكر فعل، وهكذا، فالصوم عبادة خفية.

فلما كان الصوم عبادة خفية، أخفى الله ثوابه، والجزاء من جنس العمل، إلا الصوم، ها إيه الثواب يا رب؟ فإنه لي وأنا أجزي به، ﴿إِنَّمَا يُوَفَّى الصَّابِرُونَ أَجْرَهُم بِغَيْرِ حِسَابٍ﴾ [الزمر: 10]، مما قيل في تأويله: إنما يوفى الصابرون الصائمون، لأن الصوم صبر، صبر لغة، أنتم عارفين الصبر في اللغة إيه؟ الحبس، قتل فلان صبرا، أي حبسا، أي حبس حتى مات، والصوم حبس برضه، عارفين كده ولا لا؟ مش عارفين؟ طب الصوم في اللغة يعني الحبس برضه ماشي، أن المنع أو الحبس، ده في اللغة، ولذلك طب جيب المعنى ده في القرآن: ﴿إِنِّي نَذَرْتُ لِلرَّحْمَٰنِ صَوْمًا﴾ [مريم: 26]، اللي هو إيه الصوم هنا؟ الامتناع عن الكلام، مش الصوم اللي هو الصوم بتاعنا، الامتناع عن الكلام، أن تحبس نفسك أن تكلم.

فيبقى ده معنى تاني يخلينا برضه لما نعرف أن شعبان شهر رفع الأعمال إلى الله ما يعديش عليه زي أي شهر يا جماعه، أن احنا نقفل صحيفة السنة دي بعمل هو من أعظم الأعمال، ومن أكثر الأعمال ثوابا، اللي هو إيه؟ الصوم. لغاية دلوقتي احنا ما اتكلمناش حاجة تانية، ها، احنا اتكلمنا أن شعبان هنصوم ليه؟ عشان حاجتين، أول حاجه زمان غفله، تاني حاجة شهر تعرض فيه الأعمال على الله عز وجل.

في معنى ثالث في شعبان يخلينا نكثر من الصوم، وهنفاجأ بقى أن شعبان مش بس صوم، وهو الاستعداد لرمضان، وهو أصلا اللي خلى الدرس ده ضمن سلسلة الاستعداد لرمضان، أن شهر شعبان ما ينفعش يفوت، ليه؟ لأنه لو فات هتدخل رمضان وأنت مش مسخن، فاكرين بقى الاستعداد لرمضان؟ هتدخل هيجي لك شد عضلي، مش مسخن، فيبقى لازم لازم نستعد في شعبان بأعمال رمضان.

قبل ما نشوف أعمال رمضان يا جماعة في معنى تاني، احنا قلنا شعبان لو كان زمان غفلة بس هنعبد ربنا، فوجئنا أن شعبان مش بس زمان غفلة، ده شعبان في معنى تاني أكبر، وهو أنه شهر تعرض فيه الأعمال على الله. شعبان يا جماعة في معنى تاني كمان خطير، لكن هذه الأحاديث التي جاءت فيه أحاديث ضعاف، واحنا بنعمل بالضعيف عادي جدا، أه، في فضائل الأعمال نعمل بالضعيف، إحنا ده اللي هو مين؟ المسلمين. جمهور العلماء يعملون بالضعيف في فضائل الأعمال، بل بعضهم حكى الاتفاق أن يعمل بالحديث الضعيف في فضائل الأعمال، مفاجأة ولا عارفين ده؟ ماشي.

مما ورد في شعبان باحاديث ضعيفة: أن شعبان تنسخ فيه الآجال، يعني إيه تنسخ فيه الآجال؟ يدفع إلى ملك الموت صحيفة فيها أسماء من يموت في هذا العام، هذا يحدث في شعبان. جاء في بعض الروايات: فان الرجل لينكح ويولد له، وقد خرج اسمه، فاهمين ده يا جماعة؟ يعني فرحك وهيصة وزنبليطة، وتعمل لك زفة، ركز يا أبو حميد وأنت اسمك خلاص خرج في الموتى، أنت ميت السنة دي، فرحان بايه؟ ويولد له، وقل بقى مثل ذلك، يجي له شغل وينجح في الثانوية، في رواية وليس له اسم في السماء، اسمه خرج خلاص.

فهذا مما ورد في شعبان تنسخ فيه الآجال، مما ورد في شعبان أنه يختم فيه على اسماء الحجيج فلا يزاد فيهم ولا ينقص، هذا ورد في شهر شعبان، اللي عاوز يحج هي فرصته، طب ده التاشيرات قفلت؟ دي مش بتاعتك، دي بتاعه ربنا. في شهر شعبان يختم فيه على أسماء الحجيج في هذا العام فلا يزاد فيهم ولا ينقص خلاص.

فياسعادة بمجموع كده يعني الروايات والأحاديث والشعبان ما هواش شهر عادي، شعبان لو بس شهر غفلة يخلينا نجري نعبد، لا فوجئنا أنه مش كده بس، ده زمان غفلة، وهو زمان شريف، فيه تعرض الأعمال على الله، فيه تنسخ الآجال، فيه يختم على أسماء الحجيج فلا يزداد فيهم ولا ينقص، من المعاني التي تجعلنا نعبد الله عز وجل في شهر شعبان الاستعداد لرمضان فنكثر من الصوم، ليه استعدادا لرمضان؟ عشان يجي رمضان تصوم والصوم ما تلاقيهوش ثقيل عليك، بل تجد لذته.

لو عرفنا كده يبقى شعبان مش بس هنصوم، ده احنا هناب بوظائف رمضان، فمن وظائف رمضان قراءة القرآن، كان شعبان يسموه شهر إيه؟ شهر القراء. عرفتوا بقى ليه تسمى شهر القراء؟ لأن القراءة من وظائف رمضان، وشعبان بنستعد فيه لرمضان، فنكثر من قراءة القرآن، يعني إيه نكثر؟ يعني لو أنت ناوي تجيب في رمضان 60 ختمة في غير الصلاة، الصلاة دي حاجة تانية، أنت 60 ختمة مع نفسك، سيدنا الإام الشافعي كان ليه 60 ختمة قيل في غير الصلاة، ختمة بالنهار وختمة بالليل، طبعا نسمع ده إيه؟ إحنا إيه ألف ليلة وليلة؟ دي اساطير! حدثني من راى شيخ ابن القعود رحمه الله أنه كان ليه 60 ختمة في رمضان، أكلمكم على واحد كان عايش بينا، مش واحد من السلف، واحد كان عايش بينا، كان ليه 60 ختمة في رمضان، فده موجود بينا.

خلاص، أنا طبعا عشان ما يأيسش، يعني مش بقول كله هيجيب ست، يعني شوف أنت عاوز تجيب إيه في رمضان، استعد لده من شعبان، شهر القراء، وكان بعضهم إذا دخل شعبان أغلق حانوته وتفرغ لقراءة القرآن، يعني إيه أغلق حانوته؟ قفل الدكان بتاعته. يعني إيه برضه يا شيخ مش فاهم؟ يعني لو حضرتك تاجر حر يبقى من قبل شعبان أنت بتعمل إيه؟ بتستعد، يعني بتستعد، عمال تحوش فلوس على جنب كده علشان عشان لما يجي شعبان أنا هقفل الدكان وهكتب عليه مغلق للايه؟ للتحسينات. تحسينات إيه بقى؟ قلبك، أنا قافل الشهر ده، أنا قافل مغلق للتحسينات لو أنت تاجر حر. لو تعرف تعمل ده، إنما كلنا بقى هنقفل الانستغرام يوم واحد شعبان، قافلين الانستغرام وقافلين الفيسبوك وقافلين التيك توك قافلين كل، مغلق للتحسينات. اغلق حانوته ليه؟ مش عشان قاعد طرزان بقى ولا قاعد ينكف في اللي في البيت، وتفرغ لقراءة القرآن، شهر القراء.

طيب من وظائف رمضان الصدقة، كان صلى الله عليه وسلم أجود الناس، وكان أجود ما يكون فين؟ في رمضان، ودي إن شاء الله يبقى لها درس الكلمة دي، إنما يبقى من وظائف رمضان إيه؟ الصدقة، كان بعض السلف يخرج زكاة ماله في شعبان، ليه لمعنيين؟ أول معنى هقوله: بيتدرب على وظائف الإنفاق، وتاني معنى: أنه يفرغ الفقير للعبادة في رمضان. تعالى يا فقير خد فلوس أهي، يقوم الفقير، ما هو المفروض يا جماعة العبادة دي بتاعه الغني والفقير، فزي ما الغني حريص أنه يفرغ نفسه في رمضان، كذلك الفقير حريص أنه يفرغ نفسه في رمضان، فانت تفرغ قلب ذلك الفقير اللي مش لاقي قوت يومه أن خد فلوس أهي استعن بها على حياتك في رمضان، فيقوم يدخل رمضان وهو مطمئن النفس، فيقوم يعبد ربنا، يبقى ده معنى تاني وأنت بتخرج النفقة في شعبان كذلك تنوي ذلك، أنك بتساعد الفقير أنه يعبد ربنا في رمضان بنفس مطمئنة بقلب صافي، ما هو أنتم عارفين يا جماعة الفقر ينسي، الفقر الشديد استعاذ منه النبي عليه الصلاة والسلام: «فهل تنتظرون إلا غنى مطغيا أو فقرا منسيا»، فانت ساعد إخوانك.

كذلك من وظائف رمضان القيام، فليكن لك حظ من القيام في شعبان استعدادا لرمضان.

يبقى نلخص الدرس: شعبان هنكثب فيه من الصوم وباقي وظائف رمضان ليه؟ عبادة في زمان الغفلة، فيه تعرض الأعمال على الله، تنسخ الآجال، يختم على الحجيج، استعدادا لشهر رمضان. أقول قولي هذا واستغفر الله العظيم لي ولكم، سبحانك اللهم وبحمدك، نشهد أن لا إله إلا أنت، نستغفرك ونتوب إليك، والسلام عليكم ورحمة الله.