الشيخ أمجد سميرفي الدرس الرابع من سلسلة أوقات الطاعة والأوقات الفاضلة، اتكلمنا في التلات دروس اللي فاتوا عن قواعد من قواعد السير إلى الله عز وجل.
كان أول درس اتكلمنا عن مسألة الاختيار، وأن الأمر مبني على قبول هذا الاختيار القدري والاختيار الشرعي. الدرس التاني اتكلمنا مش فاكر دلوقتي عن إيه الصراحة، مش فاكر الدرس التاني. الدرس التالت اللي فات اتكلمنا عن تلات قواعد مهمة؛ كانت أول قاعدة: لن ينجي أحداً من عمله، القاعدة التانية: مسألة القصد في العبادة التوسط، والمسألة التالثة: اغتنام الأوقات الفاضلة زي طرفي النهار والليل، استعينوا بالغدوة والروحة وشيء من الدلجة.
هنتكلم عن درس أو عن قاعدة مهمة جداً جداً جداً، ولو كنا قلنا إن المفروض نبدأ بها الدروس دي، لم نبعد يعني لأهمية هذه القاعدة الحقيقة، وهي حديث النبي عليه الصلاة والسلام الذي رواه عمر، حديث معروف وكل الناس عارفاه: «إنما الأعمال بالنيات، وإنما لكل امرئ ما نوى، فمن كانت هجرته إلى الله ورسوله فهجرته إلى الله ورسوله، ومن كانت هجرته لدنيا يصيبها أو امرأة ينكحها فهجرته إلى ما هاجر إليه». الحديث ده متفق عليه، وهو حديث أصل من أصول هذا الدين يا جماعة. إيه القاعدة اللي عاوزين نتكلم عليها؟ الحقيقة الحديث ده فيه قاعدتين؛ إنما الأعمال بالنيات دي قاعدة، وإنما لكل امرئ ما نوى دي قاعدة تانية.
الحديث ده الإمام أحمد قال عنه إنه ثلث الدين، يعني قال: مدار الدين على ثلاثة أحاديث، خلى ده حديث منهم. هو حديث مهم جداً جداً جداً، والعلماء يعني لهم كلام كتير في أهمية هذا الحديث وأهمية هذا المعنى معنى النية، عشان ما نبتديش بمقدمة طويلة يعني خلونا ندخل في الموضوع على طول.
النية يا جماعة باختصار الأول قبل ما نتكلم إيه النية ومين اللي بيتكلم عنها؟ النية باختصار هي الإرادة، القصد، انبعاث القلب. يعني أنت بتعمل حاجة ليه؟ التقليد؟ ليه بتعمل الحاجة دي؟ هي دي النية وخلاص، أه أنا لما همد إيدي أخد حاجة فأنالي نية، مد إيدي دعوات أخدها عشان كده. انبعاث القلب، القصد، الإرادة؛ كل دي النية.
طيب النية بقى في الدين، يعني إيه؟ أو مين بيتكلم عنها؟ النية في الدين يا جماعة بيتكلم عنها نوعين من العلماء؛ أول نوع من العلما اللي بيتكلموا عن النية: الفقهاء، والفقهاء لما يتكلموا عن النية يقصدوا نية معينة. تاني نوع من العلماء اللي بيتكلموا عن النية: اللي بيتكلموا في الأخلاق والتربية والتزكية والسلوك الحتة دي يعني، ودول لما يقولوا نية يقصدوا بها حاجة.
طيب الفقهاء لو قالوا نية يقصدوا إيه؟ يقصدوا حاجة من اتنين. يبقى لو هنعمل شجرة كده نحط كلمة نية ينزل فرعين؛ الفرع ده علماء الفقه، الفرع ده علماء الآداب والسلوك والتربية والتزكية. نروح بقى للفرع ده، هاته كده، الفرع اللي قدامنا ده اللي هو علماء الفقه، لو اتكلموا عن النية هتلاقيهم بيتكلموا في حاجة من اتنين، مش هتخرج عنهم.
الحاجة الأولى: النية اللي بتفرق العبادة عن العادة. الحاجة التانية: النية اللي بتفرق العبادات بعضها عن بعض. إيه الكلام ده؟ تعالوا نمسك الفرعين دول في دقيقة لأن مش ده موضوعنا النهارده خالص.
أول فرع علماء الفقه هيتكلموا عنه: النية اللي بتفرق العبادة عن العادة. يعني إيه؟ يعني حضرتك دخلت تاخد دش، الدش ده ممكن يكون الجو حر فدخلت تبرد، أو عرقان فبتتظف، دي عادة؛ واحد حران فدخل تحت الدش، واحد عرقان فدخل تحت الدش ولا الدش ده أنا بغتسل من جنابة أو بعد حيض؟ ده عبادة، الصورة واحدة، يعني اللي دخل تحت الدش ده واللي دخل تحت الدش ده الاتنين بيعملوا نفس الأفعال، اللي يشوفهم يلاقيهم بيعملوا نفس الحاجة، لكن ده عادة وده عبادة، الفرق إيه؟ النية، الإرادة، القصد، انبعاث القلب، خلاص؟
طيب الفرع التاني اللي ممكن علماء الفقه يتكلموا فيه عن النية: النية اللي بتفرق العبادات بعضها عن بعض. يعني إيه؟ يعني واحد وقف يصلي ركعتين، خلاص دي عبادة دي ما ينفعش تبقى عادة، لكن الركعتين دول هما سنة الفجر القبلية؟ ولا هما صلاة الفجر أصلاً؟ ولا هما تحية مسجد؟ ولا هما صلاة استخارة؟ ولا هما مطلق نفل ركعتين كده لله وخلاص؟ الصورة واحدة، كل دول صورتهم واحدة، إيه الفرق بينهم؟ النية، انبعاث القلب، الإرادة، القصد، خلاص.
الفرع ده بقى زقه تاني كده وهات الفرع اللي كان هنا قدامنا اللي هو علماء الاداب والسلوك والأخلاق والتربية، وده اللي يهمنا دلوقتي. لما يجوا علماء السلوك والتربية والأخلاق يتكلموا عن النية، هيتكلموا عن النية من تلات أوجه، يعني ممكن تنزلهم بقى تلات فروع كده، خلاص.
الفرع الأول: علماء السلوك والتربية يتكلموا عن النية فيه هو مسألة إرادة وجه الله سبحانه وتعالى، إرادة وجه الله عز وجل، اللي هو مسألة الإخلاص والرياء، يعني أنا وأنا بعمل الحاجة دي أنا مخلص لله ولا مرائي؟ هنتكلم بقى هنبتدي نفصل الحاجة دي بأول فرع.
الفرع التاني اللي ممكن برده علماء السلوك والآداب والتربية والتزكيات تلاقيهم بيتكلموا عنه هو إرادة الخير في المباحات، الخير في المباحات. يعني أفعال مباحة، نوم، أكل، شرب، حاجات مباحة. يعني إيه مباح الأول بسرعة؟ المباح يا جماعة اللي هو لا فيه ثواب ولا عقاب، يعني حاجة لو عملتها لا أثاب ولا أعاقب، ولو سبتها لا أثاب ولا أعاقب. واحد بياكل، ماشي، ما كلش ماشي برده، واحد نام، ماشي، ما نامش ماشي برده، حاجة مباحة. هتلاقي علماء التربية والتزكية والآداب والسلوك والحاجات دي يتكلموا في الحتة دي، أن إزاي المباحات دي ما تعديش كده؟ لازم تحطوا فيها نوايا، هنتكلم عنها برده.
المبحث التالت يبقى أول مبحث تحت علماء التربية والسلوك بيتكلموا عنه: الإخلاص والرياء، إرادة الخير في المباحات، المبحث الثالث هو تعدد النوايا في العمل الواحد. يعني إيه؟ يعني العبادة، تخش بقى في العبادة، دي كانت مباحات، أصلاً مباحات بس هنبتدي نحط لها نوايا. أنما الفرع التالت ده لا، هي عبادة، لكن عبادة ممكن أعملها بنية واحدة، ممكن أعملها بنيتين، ممكن أعملها بتلات نوايا، فتلاقيهم بيتكلموا في الحتة دي، أن إزاي عبادة ممكن تعملها بتلات نوايا، وأنت يا مسكين تعملها بنية واحدة؟ لأ، حاول تنوي التلاتة. لأ مش فاهم دي، مثلاً واحد داخل المسجد عشان يصلي، المسجد دخوله عبادة أصلاً، طيب وهو داخل؟ هو داخل للصلاة، ادي نية. وهو داخل، ممكن واحد تاني بص كله داخل مع بعضه، أنما واحد تاني اللي داخل هو داخل ناوي الصلاة وناوي الاعتكاف فترة وجوده في المسجد، شوف أضاف نية تانية لنية الدخول المجرد للصلاة. وهكذا ومش عاوز بقى أدي أمثلة لغاية ما نجي لها.
طيب المبحث ده مبحث شريف جداً، اللي هو المباحث اللي بيتكلم عنها علماء السلوك والتربية والآداب والأخلاق والتزكية، كلام عالي جداً ومهم جداً جداً جداً. وده ركن الشهادة يا جماعة، الشهادة بتخش فيها في دين بها في دين الله عز وجل: أشهد أن لا إله إلا الله وأشهد أن محمداً رسول الله. لا إله إلا الله دي إيه؟ هي الإخلاص، هي التوحيد، توحيد الإرادة، أن تريد الله عز وجل لا غيرك، لا إله إلا الله، لا معبود بحق إلا الله.
وهتلاقوا سبحان الله أي عمل يا جماعة عشان يقبل، أي عبادة عشان تقبل، قالوا لازم لها شرطين؛ شرط باطن وشرط ظاهر. الشرط الباطن لقبولها هو الإخلاص، والشرط الظاهر لاتباع اتباع النبي عليه الصلاة والسلام. هتلاقوا بقى الشهادة هم دول؛ لا إله إلا الله: لا معبود بحق إلا الله، فأنت تريد الله عز وجل إخلاص. محمد رسول الله: لا متبوع بحق إلا رسول الله، فأنت تتبع في عبادتك رسول الله صلى الله عليه وسلم. يبقى دول شرطين بتوع قبول أي عبادة هتعملها.
طيب نرجع للإخلاص، الكلام في الإخلاص والرياء كلام مرعب جداً، (إنما الأعمال بالنيات وإنما لكل امرئ ما نوى). ليه كلام مرعب ده أول فرع إخلاص ورياء؟ لأن يا جماعة الفرق بين جنة ونار شعرة، والشعرة دي هي الإخلاص.
تعالوا نبدأ بحديث كده يعني نصدمكم به عشان تفهموا الخطورة، قال صلى الله عليه وسلم يوماً لأصحابه: «أول من تسعر بهم النار ثلاثة». يلا بقى عدوا معي كده، أول ناس هتخش النار مين؟ فرعون وأبو جهل مثلاً، أه مين تاني؟ أي حد، أبو لهب مثلاً، أول ما تصعّر بهم النار، إيه رأيكم؟ لأ مش دول، إيه إيه مش دول؟ ده فرعون (أنا ربكم الأعلى). أول من تسعّر بهم النار ثلاثة، يعني مين اللي يتحط قبل ده؟ النبي عليه الصلاة والسلام قال: «أول من تسعر بهم النار ثلاثة». تعالوا في رواية: قارئ يعني القرآن، ومنفق، ومجاهد. يا الله! أول تلاتة هيترموا في النار؛ عالم أو قارئ القرآن، منفق ينفق أمواله على الفقراء والمساكين والأرامل، ومجاهد رجل أخذ سلاحه ليحارب الكفار، وهنكتشف أنه كمان قتل في المعركة بيد الكفار، يعني الناس اللي هتشوفها تقول ده شهيد، دول أول تلاتة هيترموا في النار! إيه ده، ليه؟
تعالوا كده نشوف الحديث، قال صلى الله عليه وسلم: «يؤتى بالعالم أو قارئ القرآن، ويعرفه الله عز وجل نعمه عليه فيعرفه». يعني يقول له ربنا: أنا يعني يسرت لك سبل العلم، يقول له: آه يا رب. «يسرت لي سبل العلم؟» «وجعلتك تحفظ» «آه يا رب، جعلتني أحفظ» «وصرفت الناس إليك ليتعلموا» «آه يا رب، صرفت الناس إلي». يقول له ربنا، ربنا يقول له النعم بتاعته والتاني يقول له: آه ده كله أنا موافق ومقر به، فربنا يقول له: فما عملت؟ طب عملت إيه بالحاجات دي؟ قال: يا رب تعلمت فيك العلم وعلمته. فيقول الله: كذبت، وتقول الملائكة: كذبت. وتعالوا نقف هنا بقى سنة؛ ربنا هيعرفه نعمه فيعرفها، عملت إيه؟ يقول: يا رب تعلمت فيك العلم وعلمته. هأسألكم سؤال: هو الراجل ده تعلم؟ طب سؤال تاني: هو الراجل ده علم؟ آه ما هو عالم لو قارئ للقرآن، هيقول: أي ربي تعلمت فيك القرآن وعلمته. طب الراجل ده كذب! ما هو علم ومعلم اهو!
لأ، ما تفكرش هو كذب، ربنا اللي قال له كذبت، يبقى هو كذب في إيه! ما هو علم وعلم أهو! لأ، ما تكدبش، حرف واحد دخله النار! الحرف ده لو كان صادق فيه كان زمانه في رتبة الأنبياء، إن الأنبياء لم يورثوا ديناراً ولا درهماً، ولكن ورثوا العلم، فمن أخذ العلم أخذ بحظ وافر. متخيلين إيه الحرف ده؟ حرف الكاف، قال إيه؟ ربي تعلمت فيك العلم وعلمته. حرف الكاف، هو ما غلطش غير في ده، ما كدبش غير في ده، وده اللي وداه النار! مش بس كده، ده اللي خلاه أول من تسعر بهم النار! الأمر مرعب يا جماعة، الأمر مرعب خطير.
يقول الله: كذبت، وتقول الملائكة: كذبت. ويقول الله: ما تعلمت إلا ليقال عالم، وقد قيل. أنت تعلمت عشان يتقال عليك عالم، عشان يشار إليك بالبنان، عشان تبقى مشهور، قراءة القرآن عشان يتعمل لك شرائط وتنزل، والناس تيجي تصلي وراك بالآلاف، وقد قيل، حصل! يلا روحوا على النار.
وكذلك يؤتى بالمنفق، يعرف الله نعمه فيعرفها، أديتك فلوسها، طب عملت إيه؟ قل: آه يا رب ما تركت وجهاً تحب أن ينفق لك فيه إلا أنفقت. يقول الله: كذبت، وتقول الملائكة: كذبت. فيقول الله: ما أنفقت إلا ليقال جواد، وقد قيل، اذهبوا إلى النار.
المجاهد، يعرف الله نعمه فيعرفها، عملت إيه؟ عملت إيه؟ يقول: أي رب جاهدت فيك حتى قتلت. يقول الله: كذبت، وتقول الملائكة: كذبت. ويقول الله: ما قاتلت إلا ليقال شجاع، وقد قيل، اذهبوا به إلى النار. شفتوا خطورة الموضوع يا جماعة؟ خطورة الإخلاص والرياء، أنت بتعبد ليه؟ تقصد بعبادتك مين؟ أمر في منتهى الخطورة.
الحديث التاني: ربنا سبحانه وتعالى بيقول: «أنا أغنى الشركاء عن الشرك». عارفين كده يا جماعة لما اتنين شُرَكاء عايزين يكونوا شُرَكاء مع بعض فيجوا بقى بيتحاسبوا بالمليم، فتخيلوا كده فيه شريك مكبر دماغه من الاتنين دول، شريكه يقول له الفلوس دي بتاعتك، يقول له: يا عم خدها، طب دي يأخذ، مش عايز منك حاجة. الله عز وجل ولله المثل الأعلى يقول: «أنا أغنى الشركاء عن الشرك، أصلاً أنا شريك إيه؟ من عمل عملاً أشرك فيه معي، تركته وشركه». نروح للشريك ده، أنت عبدت علشان ربنا وغيره، ربنا غني عن الشراكة أصلاً، نروح بقى لشريكك، شوف هيديك إيه يوم القيامة! هذا كلام الرب سبحانه وتعالى، الأمر في غاية الخطورة، مسألة الإخلاص والرياء في غاية الخطورة يا جماعة.
ولذلك أنت مأمور أصلاً في الدنيا دي كلها بإيه؟ ﴿وَمَا أُمِرُوا إِلَّا لِيَعْبُدُوا اللَّهَ مُخْلِصِينَ لَهُ الدِّينَ﴾. تخيل كده حضرتك لم تخلق في هذه الدنيا إلا لحاجة واحدة، سيبك من التهريج اللي احنا بنعمله ده، وسيبك من الدنيا اللي واخدانا دي. ربنا لم يخلقها إلا لمعنى واحد: أن تعبد، والعبادة بمعناها الواسع الشامل. العبادة مش معناها أنك بس تظل في صومعتك وكذا بس، ده مش موضوعنا دلوقتي خالص، أنما المعنى يا جماعة أنك ما تخلقتش غير عشان كده. وما أمروا.. أنا ما أمرتهمش بحاجة تانية، ربنا بيقول لك كده: ﴿وَمَا أُمِرُوا إِلَّا لِيَعْبُدُوا اللَّهَ مُخْلِصِينَ لَهُ الدِّينَ﴾.
الآية التانية أبلغ من دي: ﴿وَمَا خَلَقْتُ الْجِنَّ وَالْإِنْسَ إِلَّا لِيَعْبُدُونِ﴾ [الذاريات: 56]. أنتم عارفين النفل باستثناء ده، وما، ده نفي، خلقْتُ الجن والإنس، إلا، استثناء، ده من أعلى درجات الإيه.
الحصر والقصر قاعدة في اللغة، يعني أنا ما خلقت الجن والإنس إلا لحاجة واحدة؛ وهي يا رب العبادة. طب العبادة دي؛ يعني أي عبادة، ولا فيها شروط معينة؟
الآية التانية بقى اللي احنا قلناها: ﴿وَمَا أُمِرُوا إِلَّا لِيَعْبُدُوا اللَّهَ مُخْلِصِينَ لَهُ الدِّينَ﴾ [البينة: 5]. مأمور بهذا، أنك تخلص وأنك تدفع الرياء عن نفسك. إيه هو الرياء ده؟ اللي هو هل تريد غير الله عز وجل بما ينبغي عليك أن تريد به الله عز وجل؟ اللي هي العبادة، واحد بيصلي علشان أبوه وأمه ما يزعقلوش، هو شركة خلاص! روح بقى لابوك يوم القيامة كده قل له: يا بابا، هات ثواب العبادة دي.
واحد بيحفظ قرآن علشان أما يقف يصلي بالناس يبقى صوته جميل وحلو والناس تقول له: والله يا عم الشيخ... أذهبوا به إلى النار، عياذا بالله، وهكذا في كل عبادة يا جماعة. واحد بينفق...
طب ده يخلينا نعمل إيه؟ نقف مع نفسنا وقفة في كل عبادة بنعملها؛ هو أنا بعمل ده ليه؟ هو أنا عاوز مين؟ هو أنا غرضي ربنا ولا غرضي حاجة تانية؟ زي ما أنتم شايفين كده الموضوع رعب رعب!
طيب يا إلهي، إزاي نعالج القصة دي؟ واحد مرائي لو واحد يعني يجد من نفسه هذا العلاج بحاجتين: أول حاجة علاج علمي، تاني حاجة علاج عملي. إيه العلاج العلمي؟ علاج علمي يعني حاجة هتكلم بها نفسك كده، تقعد تكلم نفسك، علمي يعني ما هواش حاجة هتعملها، علاج عملي يعني حاجة هنقول لك: خلي بالك وأنت بتطيع ربنا، وأنت بتؤدي الطاعة خلي بالك، اعمل واحد اتنين تلاتة أربعة. العلاج العلمي باختصار أنك تقعد -قبل ما نقول العلاج- طب هو إليه اللي بيخلينا نراعي؟ يعني أنتم عارفين لما نجي نعالج مرض لازم نعرف سبب المرض إيه أصلا؟ خلي بالك، خلي بالكم، هو الرياء عرض مش مرض، أمَّال إيه المرض؟ المرض هو السبب اللي خلاك تراعي أصلا. طب أسأل نفسك كده: هو أنا ليه براوي؟ يعني أنا بصلي ليه ما تبقاش لله يعني؟ طب أنا بإنفق ليه ما تبقاش لله؟ أنا بطيع أبي وأمي ليه ما يبقاش لله؟ أنا وهكذا في العبادات كلها. إيه اللي بيدخل يعني إيه اللي بيخليني أفكَّر في الناس وأفكَّر في...
بقى له حالة من تلاتة، والتلاتة النبي جمعهم في حديث واحد عليه الصلاة والسلام. التلات حاجات اللي بتخلي واحد يراعي في العبادات: الحاجة الأولى: حب المدح، واحد أنك بتحب الناس تمدحك وتثني عليك. الحاجة التانية: مخافة الذنب، هي دي غير دي؟ آه، وهنعرفها دلوقتي. الحاجة التالتة: الطمع فيما في أيدي الناس. يبقى واحد بيحب يمدح ويثنى عليه، الحاجة التانية واحد هو مش فارقة معاه يمدحونا ولا ما بنمدحش بس خايف يتهزأ، خايف يعني واحد مثلا يدخل خناقة عشان ما يتقالش عليه جبان، هو مش عايز يتقال عليه شجاع اللي هي الأولى، هو بس مجرد إن ما يتققالش عليَّ جبان أنا هدخل أتخانق مثلا، أنا بديكم مثال عشان تفهموا.
يبقى حب المدح يخليك تراعي، مخافة الذنب يخليك تراعي، الطمع فيما في أيدي الناس عاوز فلوس من واحد، عاوز منصب فيخليك تراعي. خلاص التلاتة دول النبي جمعهم في حديث واحد، والصحابية وكأن الصحابة برده يا جماعة عندهم يعني فقه نفس وإزاي يختاروا تلات حاجات كل واحدة بنوع. قالوا يا رسول الله -الصلاة والسلام-: أرأيت الرجل يقاتل شجاعة، والرجل يقاتل حميةً، والرجل يرى مكانه؟ أي ذلك في سبيل الله؟ قال: «من قاتل لتكون كلمة الله هي العليا فهو في سبيل الله».
أول حاجة طبعا الإخلاص واضح، اللي هو في آخر الحديث: من قاتل لتكون كلمة الله هي العليا، من قتل... مَن لله هو في سبيل الله. طيب إنما التلاتة دول بقى تعالوا نتدبرهم كده؛ الرجل يقاتل شجاعةً، حميةً، يرى مكانه. شجاعةً يعني حب المدح، هو عاوز يبان أنه شجاع، يحب أنه يحمد بهذا. حميةً، مخافة الذنب، يتقال قبيلة فلان اتهزمت، فيروح يقاتل. يرى مكانه، الطمع فيما في أيدي الناس.
طيب، أقطع ده بقى ازاي؟ أدي المَرض عَرَفنا، العرض هو الرياء، المرض هو حاجة من تلاتة: حب المدح، مخافة الذنب، الطمع فيما في أيدي الناس. نعالج إزاي؟ تعالج علمي الأول.
طب علمي إزاي؟ أول اتنين اللي هو حب المدح ومخافة الذنب؛ كلم نفسك بقى، أقعد كده كلم نفسك، قل لنفسك كده: ما ينفعك أن حمدك كل الناس وأنت عند الله مذموم؟ هينفعك بإيه الناس كلها بتشكر فيك وربنا يلعنك، استفدت إيه بقى أيتها النفس؟ ولا يضرك من ذمَّك كل الناس وأنت عند الله محمودة! جماعة احنا مدين الناس أكبر من حجمهم بكتير، والله بكتير. عامل ربنا سبحانه وتعالى إيه؟ الناس كلها حمدتك، ينفعوك بايه في الآخرة بالله عليك؟ تمثل نفسك كده، وبرده ده علاج علمي أنك تذكر نفسك بأهوال الآخرة وقلاقل الآخرة، وإزاي مش أن مش أن الناس البعيدة الفولورز بتوعك ولا ولا الالتراس بتاعك هو اللي هيفر منك، ده أقرب قريب ولا هيعرفك! ﴿يَوْمَ يَفِرُّ الْمَرْءُ مِنْ أَخِيهِ * وَأُمِّهِ وَأَبِيهِ * وَصَاحِبَتِهِ وَبَنِيهِ * لِكُلِّ امْرِئٍ مَّنْهُمْ يَوْمَئِذٍ شَأْنٌ يُغْنِيهِ﴾ [عبس: 34-37].
بالله عليك أوَّعْ تفكر في الآيات دي، شايفين التدريج؟ يوم يفر المرء من أخيه، الأصناف اللي جاية دي هتلاقوها متدرجة، يعني إيه متدرجة؟ يعني وكأنّي ربنا سبحانه وتعالى بياخدك من إيه، يعني ياخده كده في هول متصاعد، أول ما يعني كأنه أول ما يبدأ تفر من أخيك حتى لو لك شوية تعلق باللي جايين بس ده أول واحد هتستغنى عنه، طبعا سألنا عنه ده بعد إيه؟ الناس تيأس ومش في دماغك، ده احنا بنتكلم بقى في الدائرة القريبة، هتلاقي كده إيه الناس دي التخلي عنها يكون إيه بالترتيب المحطوط في الآية: يوم يفر المرء من أخيه، وأمه وأبيه -الابوين- بعد كده وصاحبته -الزوجة- وبنيه -أكبر تعلق للرجل أو للمرأة بالابن-، ده كله هتفر منه، لكل امرئ منهم يومئذ شأن يغنيه.
آه بس الصالحين مش كده يعني الصالحين كده هيفتكروا، الصالحين مين اللي هيفتكروا؟ النبيَّ عليه الصلاة والسلام النبي مش هيفتكر حد! عائشة لما تسأله: تذكرون أهليكم يوم القيامة، تفتكرنا؟ قال: «والذي نفسي بيده، أما في ثلاثة مواطن فلا يذكر أحد أحدا». والنبي يا جماعة عليه الصلاة والسلام مش هيفتكر حد، والشمسية كان عائشة أحب نسائه إلى قلبه، أما في ثلاثة مواطن فلا يذكر أحد أحدا.
في تلات مواطن في الآخرة ما حدش هيفتكر حد، متخيلين يا جماعة تطاول الصحف حتى يعلم بيمينه يأخذ كتابه أو بشماله، وعند نصب الصراط حتى يعلم يمر أو يسقط، وأنت الميزان حتى يعلم تثقل أو ترجح كفته أو تخف. تلات مواطن ما فيش بني آدم هيذكر التاني حتى النبي مش هيذكر من يحب عليه الصلاة والسلام.
فكِّر نفسك بقى بالمعاني؛ الناس اللي أنت بتراعي عشانها وعشان تشوفك هتنفعك بإيه؟ مدحوك في الدنيا ويا عم مت وأنت أشهر واحد في الكوكب في السبع قارات، طب أنت هتعيش مشهور كده قد ايه يعني؟ ولا حاجة، ميت سنة، هتعيش ميت سنة، هتعيش هتعيش يا عم ميت سنة، ميت سنة تموت بعد ميتين سنة، حط أي رقم، أنت عارف اللي أنت بتقوله ده ده ولا حاجة، ده نقطة في بحر في الآخرة، خلود! ﴿كَمْ لَبِثْتُمْ فِي الْأَرْضِ عَدَدَ سِنِينَ * قَالُوا لَبِثْنَا يَوْمًا أَوْ بَعْضَ يَوْمٍ فَاسْأَلِ الْعَادِّينَ﴾ [المؤمنون: 112-113]. قال إن لبثتم إلا قليلا! أفرايت إن متعناهم سنين، ثم جاءهم ما كانوا يوعدون، ما أغنى عنهم ما كانوا يمتعون.
فكِّر نفسك بالمعاني، فكِّر نفسك أنك لو حامد لو لو حمدك كل الناس وأنت عند الله مذموم لن ينفعك شيء، ولو ذُمَّ كلُّ الناس وأنت عند الله محمود لن ينفعك شيئاً، لن يضرك شيئا. تلاقي الناس صغرت في عينيك أوي وتلاقي الدنيا صغرت في عينيك أوي، ده معنى تاني بص هنجه دلوقتي، ده علاج علمي بس للتالتة بقى.
يبقى احنا قلنا أول حاجة تبعث الرياء حب الحمد، تاني حاجة مخافة الذنب. هنعالجهم إزاي؟ فكر نفسك بالمعاني دي، ده العلاج العلمي. طب علاج علمي بقى للتالتة اللي هو الطمع في مفائد الناس؛ فلوس، منصب، جاه، كلها شهوات، تفكر نفسك بأيه؟ تتكلم كده مع نفسك تقول لها إيه؟ لو لقيت إن دي اللي بتدعوك للرياء عاوز الناس تشوفك عشان تحصل فلوس أو جاه أو منزلة في قلوب الناس، أنت فاكر إن إن كل هذا إنما هو عطاء الله سبحانه وتعالى، ولو كان رزقك لآتاك، ولو لم يكن رزقك والله لو تحايلت عليه بكل طريق لن يأتيك منه درهم واحد. ولد مين؟ لو ده رزقك ومكتوب لك هيجي لك حتى لو هربت منه، ولو مش رزقك لو عملت البدع لو اتشقلبت مش هتحصل منه جنيه، مش هتحصل المنصب اللي أنت رايحه ده لو ما هواش رزقك.
كلم نفسك كلها كده أنت بتراعي ليه؟ أنت إيه يا عم عاوز تبقى أمام والناس كلها تسمع صوتك وبتاع عشان يجي حد يديك في الاخر فلوس ولا يعينك مش عارف إيه ولا يعمل لك فيديوز على يوتيوب؟ ولا يا عم أنت عاوز انت ده كله ليه يا عم؟ أنت إيه الهري اللي أنت عايشه ده؟ هو ده علاج علمي، فكِّر نفسك بالمعاد دي، أن ربنا سبحانه وتعالى هو بيدي خزائن السماوات والأرض بل بيده قلوب العباد أصلا حتى لو تطلب المنزلة عند الناس. قلوب العباد دي بين أصبعين بين أصبعين من أصابع الرحمن يقلبها كيف شاء.
تعال، آه لو في وقت في الآخر لأسئلة إن شاء الله هرد عليها يعني أنا في أسئلة بتيجي لي على الشات، فان شاء الله لو في وقت في الآخر هبص عليها وارد حاضر.
دي كلها معاني علمية يا جماعة. آه طب عملي بقى؟ طب أنا خلاص هكلم نفسي بالحاجات دي، العملي أعمل إيه باختصار؟ أنك على قد ما تقدر حاول تخفي عبادتك، طبعا في عبادات ما ينفعش تخفى، واحد هيحج، هيحج فين بقى؟ هيحج في الصالون مثلا، لازم هيروح يرى مكانه كده. إنما على قد ما تقدر إيه؟ خبي عباداتك عن الناس، هتصلي حاول تصلي في حتة ما حدش يشوفك فيها إلا طبعا لو صلاة جماعة فينبغي إيه؟ على الرجال أنهم يصلوا جماعة. هتصوم ما حدش يعرف انك صايم، أنتم عارفين يعني إيه في ناس كده أصلا يعني هو أي حاجة كمان لازم يعرف البشر؟ فين الراجل اللي بيحكوا عنه واقف بيصلي وبعدين يعني الاتنين شافوه فبيقعد بيقول للتاني: ما شاء الله صلاته جميلة! فراح قاطع صلاته قال له: لأ وصايم كمان! يعني هو إيه يعني مش هاين عليه حتى...
شوفوا عيسى عليه السلام جاء في الأثر أن عيسى عليه السلام قال: «إذا كان يوم صوم أحدكم فليدهن وليلبس أحسن ثيابه حتى يرى فلا حتى تزهق حتى تذهب عنه غبرة الصيام». يعني أما تصبح صايم كده اصبح فرفوش، ده معنى الكلام، ما ما تمشيش بقى موطي راسك ومبين شفايفك بيضاء ومستني حد يقول لك مالك، أو يقول لك: مالك؟ تقول له: أصلي صايم. يا عم أنت صلي لله سبحانه وتعالى، اخفي عبادتك!
وكان بعض السلف يعمل كده، يعني يعني يا جماعة والله العظيم السلف وارضى عنهم حاجات تضرب كف على كَفّ، رجل يفضل عشرين سنة يصوم لا يعلم أحد بصيامه، وبعدين يفشي سره بقى وهو على فراش الموت. ده موطن رجاء، ممكن آه، اصلَّ ده موطن ما فيش حد بقى عاوز حاجة من الناس، ده واحد بيرضي نفسه عشان يموت وهو حسن الظن بالله سبحانه وتعالى. عشرين سنة ما حدش يعرف إنه صايم ولا مراته! كان إذا خرج من بيته أخذ رغيفين، أخد الرغيفين اللي بيفطر فيهم، هو راجل تاجر شغال في السوق، يطلع الصبح أخد رغيفين فيتصدق بهما في الطريق، وكأن كان يرجع البيت بعد المغرب ويظن أهل السوق أنه أفطر في بيته، ويظن أهل بيته أنه أفطر في السوق!
احنا فين يا جماعة من ده كله؟ المعنى ده هنتكلم عليه بالتفصيل وهندي أمثلة كتير قوي، إن شاء الله هنتكلم عن شعبان، هيبقى في درس خاص كده بشعبان هنتكلم فيه عن معنى إخفاء العبادة وهنجيب أمثلة كتير وهنعيد حتى المثل ده هنعيده إن شاء الله.
واحد تاني كان اشتهر بالصيام، عابد واشتهر أنه على طول صايم، كان يدخل المسجد الصبح، في صلاة الظهر في صلاة العصر أروح ماسك كوز الماية كده وحاطه على بقه ما يشربش منه حاجة يخفي عبادته! إيه رأيكم؟ وطبعا هنتكلم عن أنه لازم يكون لك خبيئة بينك وبين الله، لكن ده معنى تاني هنتكلم عنه بعدين، المعنى دلوقتي احنا بنعالج الرياء.
طب نعالج الرياء إزاي؟ عرفنا أسبابه؛ حب المدح ومخافة الذم والطمع فيما فيما في أيدي الناس. ها، طب نعالج إزاي بقى نعالج إزاي؟ أنك تكلم نفسك العلاج العلمي مش هينفعك الناس بحاجة، مش هيضروك بحاجة، وكل حاجة أنت بتفكري فيها تحصليها هي بيد الله عز وجل الرزاق. العلاج العلمي، العلاج العملي؛ اخفِ عبادتك على قد ما تقدر. الحقيقة هنا أثر عجيب قوي لإبراهيم بن أدهم رحمه الله.
أنا أتعمد أن أقرأ في كتب أهل العلم؛ لكي لا ننسى لغة العلماء يا جماعة. للأسف، في زمان الفيسبوك، أصبح الناس كلهم... هذا كان هدفي الحقيقة، أن أجعل الدرس على زوم، وعلى الفيسبوك والسوشيال ميديا والحاجات هذه، لكن أحس أننا قاعدون في الشارع، الصراحة، الشارع الذي لا ينفع أن تركز فيه في شيء، حتى وأنت فاتح "لايف" على الفيسبوك، تشعر أنك جالس في شارع.
فقلت: ما هو الجيل الذي سيأتي لي بعد ذلك؟ إن شاء الله اثنان أو ثلاثة يدخلون، يكونون أبرك. لذلك، لي رجاء؛ حاولوا وقت الدرس، حتى لو كنت تحضر درساً -لأن هذا من تحديات دروس الأونلاين- أن تحاول تفريغ نفسك في هذا الوقت وتجلس جلسة مختلفة. لا تكن معتاداً أن تكون "مرحرحاً" وماسك الموبايل وتعمل "سكرول"؛ لا، ليس هكذا، ولا تقفل الزوم وتسمعه في الخلفية وأنت تعمل شيئاً آخر.
يا جماعة، نحن دروسنا ليست دروس علم فحسب، بل هي دروس تزكية. ودروس التزكية هذه كلمة واحدة فيها ممكن تغير لك حياتك كلها. هذه الكلمة متى تأتي؟ الله أعلم، لكن يجب عندما تأتي أن تجد قلبك مفتوحاً لها. انتبه، قد يكون هناك كلام كثير جداً، لو كنت مركزاً لكان الكلام قد جاء وخبط وأثر وعمل مفعولاً، لأنك فاتح في الفيسبوك أو فاتح الباب للواتساب، فمتى وكيف سيدخل الكلام؟ فلو سمحتم، هذه الدروس بالذات، لا، بل كن مركزاً معها.
سأقول لكم سليماً موضوع الكلمة التي تغير هذه؛ الفضيل بن عياض، هذا كان اسمه "عابد الحرمين"، وكانوا يقولون إن اسمه قبلها "لص المشرقين"، متخيلين؟ كان حرامياً! يقولون كيف أصبح الفضيل؟ يقولون إنه دخل يسرق بيتاً، والبيت كان مكوناً من طابقين، فكان يصعد للطابق العلوي. والراجل قاعد تحت في البيت يقرأ القرآن بالليل، ومر على قول الله عز وجل: ﴿أَلَمْ يَأْنِ لِلَّذِينَ آمَنُوا أَن تَخْشَعَ قُلُوبُهُمْ لِذِكْرِ اللَّهِ﴾ [الحديد: 16].
الفضيل وهو داخل يسرق، وقف وقال: "أن يا رب!"، وانقطع للعبادة رضي الله عنه. وبشر الحافي، من أئمة الزهد والتصوف، يتسمى باسم "الحافي" لأنه كان يمشي حافياً. لماذا كان يمشي حافياً؟ لما سألوه قال: "هذه حال صالحة يربي عليها"، أي أن هذه الحالة التي أنا عليها، حافياً، وقد صالحني الله عليها، لا أغيرها.
قصة بشر الحافي عجيبة جداً؛ كان قاعداً في بيته ومعه أصحاب يشربون، وعندهم مغنية تغني لهم، متخيلين؟ قاعدون يشربون وعندهم مغنية واقفة تغني داخل البيت، طبعاً مع صوت وهيصة. رجل مر من الخارج سمع صوتاً فخبط على الباب، ففتحت الجارية. فقال لها الرجل صاحب الدار: «حر أم عبد؟». أنتم في زمان كان فيه عبيد، والجارية كانت أمة، فالسؤال يعني: هل أنتِ حرة أم عبد؟ فالولد يكون حراً، وقصد صاحب الدار هل أنتِ حرة؟ قالت: «حرة». فقال الرجل: «صدقتِ، لو كان عبداً لراعى آداب العبودية».
مشي الرجل وخرج، ثم سأل الجارية: مَن الذي كان على الباب؟ فقالت له: واحد سألني كذا وقلت له كذا. قال لها: أين ذهب؟ فأشارت له، فجرى وراء الرجل وطلع وراءه حافياً وأوقفه وقال: أعد عليَّ مقالتك. فقال له الرجل: «لو كنت عبداً لراعيت آداب العبودية». فنزل بشر ووضع وجهه في التراب وقال: «عبد.. عبد»، وتاب إلى الله عز وجل.
أنت لا تعرف ما هي الكلمة التي ستغير حياتك. هل تعرفون قصة أصحاب الأخدود والغلام الصغير؟ أنا لن أحكيها لمن لا يعرفها، لكن حاولوا أن تتعرفوا عليها؛ لأنني لا أستطيع حكايتها الآن. لكن يا جماعة، هذا الغلام كان "دولة"، يعني ماذا؟ يعني ملك بساحر، وبجيش، ودولة تعدُّه ليكون خليفة لساحر الملك. يعني ماذا؟ كأن الدولة بمؤسساتها وإمكانياتها تعده ليكون وزيراً أو مسؤولاً كبيراً.
سمع راهباً قاعداً في غرفة وهو مارّ، فسمع كلام الله، فتغيرت حاله وصار من أولياء الله الصالحين. القصة معروفة، ولو لم تكن معروفة حاولوا أن تسمعوها. ما هي الكلمة التي ستغيرك؟ متى ستأتي؟ لا أعرف، لكن ما عليك هو أنه عندما تأتي الكلمة، كن مستعداً لها، ولا تشغل نفسك بالأجهزة التي في أيدينا؛ فهي إما لك وإما عليك.
التليفون الذي في يدك، كم كلمة مرت وكانت ممكن أن تؤثر في قلبك وتغير حياتك، لكنك كنت مشغولاً بالـ "سكرول" على الفيسبوك أو الـ "تشات" على الواتساب. يا جماعة، ساعة واحدة لله سبحانه وتعالى، سواء في هذا الدرس أو غيره. هدفي الرئيسي أن أخرج من حتة الفيسبوك، ولعلي قريباً أغلقه تماماً. أنا أغلقته وفتحته لأن الناس قالوا إن فيه مصالح شرعية، ولكن ابعدوا، انفصلوا عن هذه الضوضاء.
الجيل الكبير في سني أو أكبر عشنا هذه المعاني وذقنا لذتها، أما الشباب الأصغر فلم يعيشوا هذه الأشياء أصلاً. فكرة أن تجلس في درس في المسجد وتنفصل عن الدنيا، هو هذا الحديث يا جماعة؛ أن نكون عند رسول الله ﷺ فيحدثنا بالجنة والنار فكأنها رؤية العين، فلا نريد دنيا ولا قرفاً!
ربما الأجيال الجديدة لم تشعر بهذا إطلاقاً، حتى عندما يأتي ليسمع درساً، أراه جالساً ونائماً على الكنبة، ولأن الدرس أصبح على اليوتيوب الآن، يضرب السرعة في اثنين؛ لأنه ليس فاضياً ليسمع ساعة أو ساعتين! "اضرب السرعة في اثنين يا باشا"، الحقوا ما لم تلحقوه. هذا التعامل لا ينفع مع الله؛ لأن الله ملك الملوك سبحانه وتعالى، تخيل أنك داخل على ملك من ملوك الدنيا، رئيس دولة أو وزير!
وبعدين داخل بقى عليه عاوز منه حاجة، فبتكلمه وأنت بتهرش في رأسك وبتدي له قفاك وفاتح الموبايل بتعمل "سكرول"، هيعمل فيك إيه ده؟ فتخيل أن أنت بتعمل ده مع ربنا سبحانه وتعالى.
دروس العلم مواطن تنزل الرحمات، «هم القوم لا يشقى بهم جليسهم»، أنت قاعد قعدة مستغني أصلاً. اللي هو كأني وأحنا بنتكلم عن النية، أنت قاعد عند اللي هو أنا متفضل إني قاعد النص ساعة. لا، هو ربنا أول حاجة هيقولها إيه؟ مش عاوزك. دي أول حاجة، ما تفتكرش أن هيعرض وفي داهية بقى ويوم القيامة بقى نبقى نشوف. أنت لازم ربنا يرى منك الانكسار، ويرى منك الافتقار، وأنك لما قعدت القعدة دي فأنت قاعدها لأنك محتاج، وعارف أنك محتاج، وعارف أنه لو لم يتداركها الله عز وجل برحمته ضعت وهلكت.
فأنت لازم يا جماعة -وأنا مش بتكلم عليكم أنتم بس- وإحنا بنتعرض للرحمات، نتعرض تعرض المحتاج المفتقر اللي فعلاً شايف نفسه: «أنا لو ما اترحمتش هروح في داهية»، مش المستغني المتفضل اللي هو «يا عم أحمد ربنا إن أنا قاعد بسمعه». لا، ما تسمعش، وقلت لكم الآية قبل كده، آية مرعبة: ﴿وَلَوْ أَرَادُوا الْخُرُوجَ لَأَعَدُّوا لَهُ عُدَّةً وَلَٰكِن كَرِهَ اللَّهُ انْبِعَاثَهُمْ فَثَبَّطَهُمْ وَقِيلَ اقْعُدُوا مَعَ الْقَاعِدِينَ﴾ [التوبة: 46]. ما تسمعش الدرس، ما تحفظش قرآن، ما تصومش، ما تصليش، لا، يعني إيه الكلمة هتيجي إمتى ما نعرفش، ففوق لنفسك.
إبراهيم بن أدهم -رحمه الله-، قعدت لما باجي أقرأ هاقرأ على بعضه فنركز بقى. يقول إبراهيم بن أدهم: تعلمت المعرفة من راهب يقال له سمعان، راهب من رهبان النصارى، وإبراهيم الأدهم إمام برضو من أئمة الزهد. بيقول عرفت معرفة ربنا سبحانه وتعالى من راهب، هو اللي علمني. إزاي؟ قال: دخلت على صومعته، الحتة اللي بيعمل فيها عبادة، فقلت له: منذ كم أنت في صومعتك هذه؟ بقى لك قد إيه بتقعد مع ربنا في صومعة؟ قال: منذ سبعين سنة. قلت: ما طعامك؟ قال: كل ليلة حمصة.
ده شيء حقير جداً يعني لا يغني، قلت: فما الذي يهيج من قلبك حتى تكفيك هذه الحمصة؟ هو أنت بتفكر في إيه عشان تعيش حياتك كلها كل يوم تأكل حاجة بسيطة أوي؟ يعني إيه اللي بتفكر فيه بيساعدك على كده؟ قال: ترى الدير الذي بجانبي؟ فيه دير، مكان زي كنيسة صغيرة، ولا دير بعيد شوية عن صومعة الروح؟ قال له: شايف الدير اللي هناك ده؟ قلت: نعم. قال: إنهم يأتوني في كل سنة يوماً واحداً، ويزينون صومعتي ويطوفون حولها، يعظموني بذلك أن أنا الراهب اللي ما بياكلش الزاهد. فكلما تثاقلت نفسي عن العبادة ذكرتها عز تلك الساعة. كل ما آجي طول السنة نفسي تثقل عليّ، أفكرها، أقول لها عز تلك الساعة.
فأنا شوفوا بص الراهب اللي عارف أن هو على ضلال، قال: فأنا أحتمل جهد سنة لعز ساعة. واحتمل يا حنيفي -يعني يا مسلم- جهد ساعة لعز الأبد. الراهب يا جماعة عارف أنه على ضلال، فبيقول لإبراهيم بن أدهم: أنت مسلم، احتمل ذل ساعة -اللي هي الدنيا- لعز الأبد. فوقعت في قلبي المعرفة، الإمام بيقول فوقعت في قلبي وخلاص.
وقال: أزيدك؟ طب إيه رأيك بقى؟ هقول لك حاجة زيادة. الراهب قلت: نعم. ولا أنزل عن الصومعة؟ ونزلت، فأدلى إليّ بركوة فيها عشرين حمصة، راح مدلدل لي الصومعة كأنها كانت فوق في مكان عالي على شجرة أو حاجة، قال له: انزل من الصومعة. راح منزل له علبة كده بحبل فيها عشرين حمصة من اللي بياكلهم هنا، ثم قال لي: ادخل الدير، اذهب إلى الدير وادخله وقد رأوا ما أدليت إليك، هم شايفين بيراقبونا، اذهب بقى ادخل الدير وما لكش دعوة باللي هيحصل.
قال: فلما دخلت الدير اجتمعت النصارى وقالوا: يا حنيفي، ما الذي أدلى إليك الراهب؟ قلت: شيئاً من قوته، نزل لي أكل من الأكل اللي بياكله. قالوا: وما تصنع به؟ نحن أحق به، ساوم به، يعني اعمل مزاد، هناخد منك الأكل ده، قل الرقم اللي أنت عاوزه. فقلت: عشرون ديناراً. الدينار يا جماعة أربعة وربع جرام ذهب، الدينار الواحد شوفوا قد إيه بقى، يعني أنت بتتكلم مثلاً في أربعة في عشرين ثمانين، ثمانين وربع، العشرين خمسة، يعني إيه خمسة وتمانين جرام ذهب، اضرب بقى في الفلوس بتاعة دلوقتي عشان الأكل ده. فأعطوني عشرين ديناراً، ما ناقشوهوش ما فاصلوش، أدوا له عشرين ديناراً.
فرجعت إلى الراهب وقلت: أنت غلطان، لو ساومتهم عشرين ألفاً لأعطوك، لو قلت لهم عشرون ألف دينار كانوا هيدوك العشرين ألف دينار يا حنيفي، هذا عز من لا يعبده، انظر كيف يكون عز من يعبده! بيقول له: ده عز اللي ما بيعبدش، هو عارف أن هو ما بيعبدش ربنا، بيقول له: ده عز اللي ما بيعبدش ربنا، فانظر كيف عز من يعبده، يا حنيفي أقبل على عبادة ربك.
هو ده كان أول موعد لمعنى الإخلاص والرياء، وهو اللي هو تحت تلات معاني معنى إخلاص ورياء بيتكلموا عنه علماء السلوك والآداب والتربية. المعنى الثاني هنتكلم بقى عن المعنيين دول مرة في مرة، جاية ممكن تبقى المرة الجاية وممكن مرة غيرها، اللي هم المعنيين ما تنسوهمش، بس اللي هو إزاي تدخل نية في المباحات، وإزاي تتعدد نواياك في العمل الواحد؟ وليه نعمل ده؟ فده يبقى في مرة جاية إن شاء الله.
في سؤال، حد عامل جروب للدين على صفحة، يعني عامل صفحة فيسبوك جروب دين، هل ده مضيعة للوقت بالرغم أنه بينفع الغير بأمور دينية وأنا عملت لوجه الله تعالى؟ يعني السؤال ده سؤال عام، ما أقدرش أقول هو ده مضيع الوقت ولا لأ، لكن كل حاجة يا جماعة خلونا نجاوب سؤال، نجاوب السؤال ده بجواب عام برضو: انظر إلى حال قلبك، وكذلك انظر إلى مبيعات أي فعل بتفعله، يعني إيه بقى الكلام ده؟ عشان ما يبقاش بننافق، أنا عملت حاجة، عملت جروب على الفيسبوك وهو أصله جروب دين وأنا بعامله لله والكلام ده، كلام جميل، لكن بقيت كل ما أنزل بوست مثلاً على الجروب، أنا قلبي متعلق بعدد اللايكات اللي بتيجي، أو بالكومنتات اللي بتسيبها، فاعرف أن أنت عندك مشكلة، أنت كده شايف الخلق. أنتم عارفين يا جماعة العلماء لما جم يتكلموا عن حاجات الإخلاص والرياء وكده، قال لك إنه يستوي عندك الناس والبهائم.
لا تبالِ، رآك إنسان أو رأتك بهيمة وأنت تعمل العمل؛ فهل أنتم متخيلون؟ لست فاهمة، لأنني أصلاً لا أعمل هذا العمل لأحد، بل أعمله لله سبحانه وتعالى. فهذه أول حاجة تنظر فيها.
أما الحاجة الثانية، فبخصوص الجروب: قلبي الصراحة ليس متعلقاً لا بلايكات ولا كومنتات ولا بهذه الحاجات خالص، لكن وجودي على الفيسبوك أصلاً مضيعة للوقت. يكون الواحد داخلاً بنية، فيجد نفسه قعد ساعة «سكورل داون» على الفيسبوك، وبشوف أخبار لا قيمة لها، وأضيع عمري، وهذه هي المعاني الثانية؛ لذلك أنا أجلتها يا جماعة، ولا أريد أن أختصرها في خمس دقائق، لأن هذين المعنيين سيكونان تحت معنى كبير جداً، وأنا نفسي أن يكون له درس لوحده، وهو الوقت، فوقتنا أغلى من أن نضيعه في ماذا؟ فاعذروني، الجواب الآن مضغوط جداً لغاية ما سيكون هناك درس مخصوص لهذه الحتة، وأنا أرى أنها من أهم الحتة التي سنتكلم عنها الآن مع اجتياح السوشيال ميديا حياتنا. فأنا أضيع عمري عليه، وهذه الكلمة أنا حاسس وأنا عارف أنكم لن تحسوها بقوة لغاية ما نأخذ الدرس، لكن ضعوها في بالكم الآن، وساعتها نقول أيضاً لا، وجودك في الجروب هذا خطر.
المعنى الثالث: أن ممكن تقع أشياء من التجاوزات، مثل اختلاط معين، أو كذا وكذا. فهذا سؤال عام، والجواب عليه لا ينفع؛ لأنني لا أعرف حال قلب السائل في ماذا؟ ولا شكل الجروب هذا ما هو؟ ولا مؤهلاته في الدعوة إلى الله ماذا؟
هل حضرتك تعرف سلسلة تسمى الرباط المقدس لمحمد الشريف؟ لا، لا أعرفه. واحد اسمه محمد خيري الشعال؟ لا أعرفه أيضاً. كيف ننال الرحمة والمغفرة عن طريق الرسول؟ الرسول عليه الصلاة والسلام سيشفع، وله عدة شفاعات، وليس الرسول فقط الذي سيشفع، في أصناف من أمته تشفع، وثبت هذا في أحاديث، منها الشهيد يشفع في سبعين من أهله، إلى غير ذلك.
الرسول سيشفع وله عدة شفاعات، منها الشفاعة العظمى، وهو المقام المحمود الذي نسأل الله عز وجل في كل صلاة أن يبعثه إياه، وهو أن الناس كلها تذهب لكل نبي، فيقول: نفسي نفسي، يريدون فقط قيام الساعة، وهم واقفون في عرصات القيامة، يريدون فقط أن الناس تتحاسب، فيتقدم النبي صلى الله عليه وسلم ويسجد بين يدي الله عز وجل، ويفتح الله عز وجل عليه بمحامد لم يفتح على أحد قبله بها، إلى آخر الكلام هذا. لكن في ثلاثة مواقف لا أحد سيذكر أحداً، حتى النبي، نعم حتى النبي، وهم الثلاثة الذين قلناهم، من شدة هولهم خلاص زاغت الأفئدة وبلغت القلوب الحناجر، وخلاص لا أحد فاكر أحداً. عند نصب الصراط، وتطاير الكتب، ونصب الميزان؛ يا جماعة فكروا، في الثلاثة هذه لا، وقتها كله سينسى كله.
نصيحة حضرتك، أسمع لشخص لا أعرفه أم الأفضل لا؟ قطعاً الأفضل لا، خصوصاً مع انتشار المحتوى الديني؛ لما نعرفه أن هذا العلم دين، فانظروا عمن تأخذون دينكم. أنا في فيديو عملته باسم كيف أعرف مشكلتي، وتكلمت عن هذا المعنى، أنك عندما تجلس بين يدي شيخ، لا بد أن تكون عارفاً من هو هذا الشيخ وما منهجه، لأن هذا الأمر دين، فانظروا عمن تأخذون دينكم. لا، شخص لا نعرفه، الأفضل لا نسمع له إلا لما نعرف منهجه ما هو، خصوصاً كما قلت لك مع انتشار الناس التي نعرفها، فالحمد لله الخير كثير.
أظن لا توجد أسئلة أخرى. هؤلاء يتكلمون عن الارتباط والزواج، ولا تتجوز أصلاً، تعرف تتجوز لماذا؟ ماشي. أقول قولي هذا واستغفر الله العظيم لي ولكم. سبحانك اللهم وبحمدك، نشهد أن لا إله إلا أنت، نستغفرك ونتوب إليك.