100 سؤال عن التاريخ | 38. قصة الأندلس.. فردوسنا المفقود وحضارتنا السليبة!

الأندلس. الأندلس دي حالة كده حافلة بمئات العلماء ومئات القادة ومئات الوزراء. البقعة الإسلامية التي كانت جسراً بين الشرق والغرب. الأندلس عايشة في حياتنا. إذا عنا ثمان مراحل. ثمان مراحل. مرحلة الإمارة.

عبد الرحمن الداخل شخصية من أعظم شخصيات التاريخ، فجند الأجناد ومصر الأمصار ودون الدواوين وأعاد ملكاً بعد انقطاعه. ما هو حيسال واحد يحكي لك: طيب هو ليش عبد الرحمن الداخل، بما أنه جاي من تحت سيف العباسيين، ما ينتقم منهم هيك ويعلن نفسه خلافة؟ من باب الحكمة ومن باب السياسة. يا سلام!

محمد بن أبي عامر ده اسم لامع كمان وترفع له القبعه يعني، أحد أساطير البشر. ما رأيك بمن يقول إنه كان سببا في إنهاء الخلافة الأموية في الأندلس؟ أين أنت يا ابن أبي عامر؟ قال له: والله لو تنفس صاحب هذا القبر ما سمع منك ما يكره. يا الهي المنظر، ما أبشع!

إسبانيا طول عمرها في التاريخ، قبل الإسلام وبعد الإسلام، ليست قوة عالمية. الأندلس كلها تحديات. المرة الوحيدة التي صارت فيها إسبانيا حضارة مزدهرة هي الفترة الإسلامية فقط. شغل حركة دؤوبة. بيقول: الإسلام هو الشيء الوحيد الذي جعل بقاء الغرب موضع شك.

إذا الموجة الثانية من الفتوح ثبت الإسلام في نفوس الناس في الشمال الأفريقي. إن أوروبا لا تخشى من الاتحاد السوفيتي، لكن أوروبا تخشى أن يتوحد الشمال الأفريقي مرة أخرى وتعود سيرة الأندلس.

إذا بعد الخلافة عنا ملوك الطوائف. شوف، أقول لك أنا كلمة من الآخر: الإمام ابن حزم يقول عن ملوك الطوائف: والله لو علموا أن في عبادة الصليب تمشية لأمورهم لعبدوه. وهي كيف تنفهم هاي؟ كيف كيف نقراها نحن بالتاريخ يعني؟ ابن خلدون.

بس شباب، ما بتتقاتلوش على قصة ابن خلدون؛ أنه هو مثلاً تونسي ولا جزائري ولا مغربي ولا مصري ولا أصله يمني عشان إيوه، يعني احنا بس ماشيين هيك يعني. شوف، أنا معتمد عليك أن أنت ضمير الجمهور، هي تعبر. نعم، «داعوها فإنها منتنة» كما وصى نبينا صلى الله عليه وسلم.

لم آتي هنا لكي أبكي على التاريخ. لا يمكن لأنسان عربي ومسلم أن يدرس الأندلس إلا ويبكي بصراحة. أتحدث عن البكاء الذي يقعدنا. نعم، هذا مرفوض بكل بكل المعاني. احنا بنحكي التاريخ حتى يكون رافع لنا، ما نقعدش هيك بس نتباكى بس مشان نتباكى. قال له: أنا عارفك زي كل العرب اللي بتيجوا هنا، بتيجوا هنا علشان تتباكوا على تاريخ الأندلس.

سلام الله عليكم إخواني أينما كنتم، أهلاً وسهلاً ومرحباً بكم في حلقة جديدة من سلسلة مئة سؤال في التاريخ، هذه السلسله التي دائماً وأبداً من خلالها نجيب عن التساؤلات الملحة التي يتعرض لها تاريخنا الإسلامي العظيم الكبير الذي نعتز به دائماً وأبداً. أين نحن؟ لا نزال في المحور السابع الدول المستقلة، وصلنا عند الحلقة ثلاثة وثمانين، يعني قطعنا شوطاً. فإذا كنت من الذين انضموا الآن فأنت ضروري أو مضطر طبعا انك تروح تشوف سبع وثلاثين حلقة، وستستمتع أيما استمتع وتستفيد يعني بشكل كبير من الحلقات السابقة.

طبعا وصلنا أيضا إلى السؤال رقم ثمانية وستين، وبالتالي لما تشوف أنت سبع وثلاثين حلقة أنت بتكون شفت إجابة عن سبعة وستين سؤالاً. مين ضيف السلسلة الدائم الاستاذ محمد الهامي، اللي لازم دائما أنا وياكم نرحب فيه؟ أهلاً وسهلاً أستاذ محمد. حياك الله يا أبا الحارث، بارك الله فيك.

سؤال رقم ثمانية وستين، مستعد؟ توكلنا على الله. يعني هل يصح يا أستاذ محمد أن محور الدول المستقلة نعبره نقفز عنه هيك بدون ما نوقف عند الأندلس؟ لا ما يصح طبعا. لا يمكن يعني.

الحقيقة، حقيقة التوقف اليوم سيكون مع أو عند محطة الأندلس، هذه البقعة الإسلامية التي كانت جسراً بين الشرق والغرب. نعم، إيه كانت علامة مهمة فارقة في الحضارة الإسلامية. إيه هي اللي لها تأثير حاسم ومباشر على حضارة الغرب إيه أيضا، ولا تزال بعد خمس قرون جرحاً غائراً عميقاً حقيقة في الضمير الإنساني قبل الإسلام والشعور الإسلامي أيضا. فلذلك نريد أن نقضي هذه الحلقة يا سيدي في رحلة هكذا مع الأندلس، ربوع الأندلس، تاريخ الأندلس، نحاول نقدم صورة مختصرة إيه يعني لهذه الحقبة المهمة جداً، ونفتح هيك نافذة مهمة جداً على حضارة الأندلس.

إيه وممكن يعني في نهاية حديثكم إيه ناتي على بعض ما شاب هذه الفترة، مع العلم أستاذ محمد قبل ما تبدأ أنني أكرة البكائيات، ولا أفتح هذا الملف لأنني أريد أن أبكي أو أتباكى على الماضي لأني لست من هذا الصنف ولا أحبه بالمناسبه. وأول رحلة لي للأندلس أنا كنت واقف على البرج الأساسي في قصر أو في مدينة الحمراء، وهناك حكيت: لم آتي هنا لكي أبكي على التاريخ، احنا بنحكي التاريخ حتى يكون رافع لنا ويعني نتقدم إلى الأمام وما نقعد هيك بس نتباكى بس مشان أن نتباكى. تفضل يا سيدي.

بسم الله والحمد لله والصلاة والسلام على رسول الله وعلى آله وصحبه ومن والاه. طيب، بمناسبة الكلمة الأخيرة بتاعتك دي بموضوع البكاء، أنا فاكر دكتور حسين مؤنس، دكتور حسين مؤنس أحد أساطين المؤرخين المصريين وهو متخصص في تاريخ الأندلس، فكان بيقول: أول ما واجهني به أستاذي الإسباني لما رحت إسبانيا علشان أدرس تاريخ الأندلس، قال له: أنا عارفك زي كل العرب اللي بتيجوا هنا، بتيجوا هنا علشان تتباكوا على تاريخ الأندلس، فانا بقول لك أهو يعني إذا كنت جاي تدرس علشان تبكي فالدراسة دي مالهاش لازمه. فهو بيقول: من ساعتها عزمت أن أنا لا أدرس من أجل البكاء، لكن أنا يعني استطيع أن أقول إنه لا يمكن لإنسان عربي ومسلم أن يدرس الأندلس إلا ويبكي بصراحة.

يعني في النهاية الأندلس سميت الفردوس المفقود. وهذا الاسم لا يكاد أحد يتكلم لا يكاد أحد يعرف الأندلس ويتكلم عنها إلا وتشعر بالحنين واللوعة والبكاء يتسرب إليه غصب عنه، لأنه في النهاية هذه إحدى المناطق التي شع فيها إيه يعني شع فيها نور الإسلام وازدهرت فيها حضارة الإسلام.

وأنت عارف إسبانيا، إسبانيا طول عمرها في التاريخ، قبل الإسلام وبعد الإسلام، ليست قوة عالمية. المرة الوحيدة، المرة الوحيدة التي صارت فيها إسبانيا حضارة مزدهرة هي الفترة الإسلامية فقط. وبعدها انحطت يعني. صحيح بعد كده كان عندها قدر من القوة ال يعني أعتبره كده قصور ذاتي، لكن بعد كده انحطت حقيقة يعني، لم تعد قوة أوروبية، لم تعد قوة قوة عالمية. الفترة التي كانت فيها هذه المنطقة قوة عالمية هي الفترة الإسلامية. فلا يزال المسلمون حتى الان يحفظون مرثية أبو البقاء الرندي.

عارف أنت: لكل شيء إذا ما تم نقصانه فلا يغر بطيب العيش إنسان. هي الحيا كمارأيتها دول من سره زمن ساءته أزمان. وهذه الدار لا تبقي على أحد ولا يدوم على حال لها شان. لمثل هذا يذوب القلب من كمد إن كان في القلب إسلام وإيمان. دي مرثية أبو البقاء الرندي في سقوط الأندلس، وتقراها لابد أن تبكي، لابد أن تبكي. نعم.

طيب احنا مش جايين نبكي زي ما انت قلت كده، وإنما جايين نستفيد ونحاول أن نعالج حاضرنا وواقعنا من خلال هذا ال من خلال فهم التاريخ. تعقيب صغير لحضرتك: في فرق بين البكاء والحنين. نعم. الإحساس بالحنين هذا مطلوب، طبيعي حتى تجاه الدولة الأموية العباسية، أي دولة اسلامية اندثرت المرابطين الموحدين لما بتقرا عنهم تشعر بالحنين بالعاطفة بينك وبين نفسك. أتحدث عن البكاء الذي يقعدنا. نعم. هي هي المشكلة. نعم هذا مرفوض طبعا، هذا مرفوض بكل المعاني. نعم. وفيه قول الله تعالى: ﴿إِنَّهُ لَا يَيْأَسُ مِن رَّوْحِ اللَّهِ إِلَّا الْقَوْمُ الْكَافِرُونَ﴾ [يوسف: 87].

الأندلس. الأندلس، أنا عايز أذكر حكاية لا يتعرض لها من تكلموا في الأندلس، بس علشان أقول الأندلس دي حاجة حية إزاي في أذهان الجميع. الحاج أمين الحسيني مفتي فلسطين، تمام، طبعا أنت عارف الحاج أمين الحسيني بدايه كده ما بدأ يقاوم الإنجليز، راحوا الإنجليز حاصروه إلى أن اضطر إلى الهجرة والمنفى. ومذكراته فيها قصة مثيرة: من لبنان إلى سوريا إلى العراق إلى إيران إلى تركيا. المهم في الآخر راح للألمان، وكان عايز يتحالف مع الألمان ومع الإيطاليين لأن دول كانوا دول المحور في مواجهة الحلفاء اللي هم واعدين الصهاينه بدولة في فلسطين. نعم.

فبقى موجود مع هتلر ومع موسوليني فترة من الفترات. وحيث إنه هو موجود معاهم فبطبيعته الإسلامية سعى في أن يستخدم قوة المحور في تحرير بلاد الشمال الأفريقي اللي هي كانت تحت الاحتلال الفرنسي. دلوقتي ألمانيا عدوتها إنجلترا وفرنسا، تمام. فرو مذكراته تدلك كيف هي الأندلس حية. قال إيه بقى؟ هو كان في مقابلة مع وكيل وزارة الخارجية الألمانية. وكيل وزارة الخارجية الألمانية كان بيحاول يحرضه أنهم يساعدوا الثوار الجزائريين والمغاربة ضد الاحتلال الفرنسي؛ مصلحة مشتركة، عدو مشترك اللي هو الفرنسيين. فالراجل قال له: احنا ما نقدرش نعمل كده. قال له: طب أنتوا لو أنتوا ما عملتوش كده، هيضطروا هؤلاء الثوار أنهم يستعينوا بالاتحاد السوفيتي اللي هو برضه عدو لألمانيا. قال له: الموضوع ده مش مهم بالنسبة لنا، أن أوروبا لا تخشى من الاتحاد السوفيتي، في الآخر الاتحاد السوفيتي ده ممكن نداوي مشاكله في أوروبا بشويه إصلاحات اجتماعية واقتصادية، لكن أوروبا تخشى أن يتوحد الشمال الأفريقي مرة أخرى وتعود سيرة الأندلس. أيوه.

مين اللي بيتكلم؟ وكيل وزارة الخارجية في قوة عظمى في لحظة حرب عالمية، مش خايف من الاتحاد السوفيتي اللي هو قوة عظمى، قد ما هو خايف من العالم العربي الواقع تحت الاحتلال أنه لو احتك يرجع تاني يفتح أوروبا. متصور؟

على كل حال، نبدأ الأندلس. شوف يا سيدي، الأندلس علشان ندي صورة عامة للمشاهد العزيز الذي يعني تثقل عليه كتب التاريخ: الإسلام عاش في الأندلس ثمانية قرون. فتحناها في سنة اثنتين وتسعين للهجرة، تسعين للهجرة، وخرجنا منه في ثمانمِئة وسبع وتسعين للهجرة، يبقى عندنا كام؟ ثمان قرون. طبعا الثمان قرون دي مساحة ضخمة من مساحة التاريخ، تقدر تنظر وترى فيها أسباب صعود الدول، أسباب سقوط الدول، آثار التفرق والتمزق، الشخصيات. يعني الأندلس دي حالة كده حافلة بمئات العلماء ومئات القادة ومئات الوزراء، يعني مادة تاريخية ثرية وعميقة. واحنا إلى الآن إلى الآن، أشهر تفسير يجمع أحكام القرآن، تفسير مين؟ القرطبي. الجامع لأحكام القرآن، أعظم كتاب، أوسع كتاب في أحكام القرآن، القرطبي. الجماعة بتوع القراءات يقول لك متن الشاطبية. مين يا جماعة الشاطبي ده؟ واحد كان من مدينة أندلسية اسمها شاطبة. تمام. قصدي الأندلس حية في علومنا، فضلاً عن العلماء الذين عرفوا بأسمائهم دون أن يعرفوا بكناهم. احنا المصريين مثلاً عندنا ولي من أولياء الله الصالحين اسمه أبو العباس المرسي. إيه كلمة مرسي دي؟ مرسي دي جاية من مدينة مرسية، أصله من مدينة مرسية في شرق الأندلس.

فقصدي أقول: الأندلس عايشة في حياتنا، عايشة في حياتنا وفي شخصياتنا. مين العلماء اللي احنا بنعرف؟ مثلاً ابن حزم، ابن حزم ده أندلسي قرطبي. ابن عبد البر، حافظ المغرب، أحد أعلام الفقه المالكي، وكتاباه التمهيد والاستذكار في شرح الموطأ وبيان معانيه، كتابان كبيران حافلان. ده أبو عبد ابن عبد البر. فالأندلس عايشة في حياتنا.

لسان الدين الخطيب، لسان الدين بن الخطيب الوزير، صاحب الإحاطة في أخبار غرناطة. ابن خلدون، ابن خلدون ما هو من المغرب، من تونس، لكن تعلم في أقصى المغرب وسافر في الأندلس، وأصل عائلته من إشبيلية، عائلة ابن خلدون. هو أصلاً ليه اتسمى ابن خلدون؟ لأنه الأندلسيين عندهم لهجة الجمع، فهو كلمة خالد بيسموها خالدون، زي حفص حفصون، زيد زيدون، فهتلاقي إيه؟ الأندلسيين عندهم قال فلان، بدل ما يقولوا قال: خالد، يقولوا خلدون. إيوه. فهو ليه سمى خلدون؟ لأن أصل عائلته من إشبيلية. إيوه. وكانوا أهل علم فيها. قصده الأندلس حاضرة في واقعنا الآن.

جميل، بس شباب، ما بتتقاتلوش على قصة ابن خلدون، أنه هو مثلاً تونسي ولا جزائري ولا مغربي ولا مصري ولا ما ماشي. إيوه، يعني احنا بس ماشيين هيك يعني إي نعم. نعم، «داعوها فإنها منتنة» كما وصانا نبينا صلى الله عليه وسلم. القصد أن آثار الأندلس حاضرة فينا حتى الآن.

جميل. الأندلس، كيف بدات الأندلس؟ يا سيدي فتحت في زمن الوليد بن عبد الملك، الوليد بن عبد الملك الخليفة الأموي الذي احنا لما اتكلمنا عنه في الدولة الأموية قلنا إنه هذه كانت الموجة الثانية من الفتوحات، والتي وصل فيها المسلمون إلى الصين، مدينة كشغر، التي هي عاصمة تركستان الشرقية التي تحتلها الصين الآن. ووصلنا في الهند إلى فتح السند الذي كان على يد محمد بن القاسم الثقفي. ووصلنا في المغرب إلى فتح الأندلس وكان على يد طارق بن زياد وموسى بن نصير. نعم.

تمام، فهذا هو زمن الفتح. حصل إزاي الفتح ده بسرعة كده وباختصار؟ المسلمون فتحوا المغرب في موجة أولى، دي الموجة اللي كانت مع سيدنا عمرو بن العاص بعد فتح مصر، لأن سيدنا عمرو بن العاص والموجة الأولى دي وصلت إلى طرابلس. وفي موجة تانية وصلت مع عقبة بن نافع إلى القيروان، وهو الذي بنى مدينة مدينة القيروان. لكن عقبة كان صاحب مدرسة عسكرية، هو كان متحمس جداً، فهو صاحب مدرسة الفتح السريع. فعشان كده بسرعة بسرعة فتح كل هذا الشمال الأفريقي وخاض في المحيط الأطلسي وهو يقول: والله لو أعلم أن أرضاً خلفك لأخضها فرسي حتى أفتك. يا سلام! وصل إلى طنجه. وصل إلى إيه إلى المحيط الأطلسي.

لكن هذا الفتح السريع لم يصحبه تمهيد دعوي وسياسي وإداري؛ ففي عودته انتفضت عليه بعض المدن، وحصل تحالف أمازيغي بيزنطي فقتل عقبة بن نافع.

فبعد كده حصلت موجة أخرى، الموجة الأخرى دي كان يعني الأسماء الكبار فيها حسان بن النعمان، ثم موسى بن النصير ده خد 15 سنة وده أخد 10 سنين مهدوا فتح المغرب الفتح النهائي.

وهنا دخل الأمازيغ أو البربر، وكلمة البربر ليس فيها أي إساءة، هذا يعني البربر أنفسهم كانوا يسمون أنفسهم البربر، تمام يعني في بعض الناس يتحسسوا من كلمة بربر باعتبارها مرادفة للهمجية وهذا غير صحيح، البربر اسم عرق.

فهنا دخل هؤلاء القوم البربر أو الأمازيغ -أنا مش عايز أزعل حد من اللي بيسمعنا يعني- فدخلوا في دين الله أفواجاً، وكان منهم أغلب الذين فتحوا الأندلس. واحنا قلنا فاكر في قلنا في الفتوحات الإسلامية إنه أحد مزايا الفتوحات الإسلامية على غيرها من كل الفتوح إنه القوم الذين أسلموا هم الذين فتحوا المناطق التي بعدهم، يعني زي ما الأمازيغ البربر فتحوا الأندلس أيضاً بعض الأتراك هم الذين فتحوا بخارى وسمرقند وكانوا في جيش قتيبة بن مسلم الباهلي.

إذن الموجة الثانية من الفتوح ثبتت الإسلام في الشمال الأفريقي ودخلنا إلى الأندلس، في قصة هنا بترو إنه لم يستطع المسلمون أن يفتحوا مدينة سبته، كانت مدينة على البحر تحكم شبه الجزيرة الإيبيرية اللي هي الآن إسبانيا والبرتغال، ففتحوا طنجة، وكان والي طنجة طارق بن زياد.

طيب، لكن إيه اللي حصل؟ وقف المشهد هنا لحظة بس، أوروبا من أشهر أحداثها التاريخية إنه مدينة روما الحضارة العظيمة الكبيرة دي -احنا قلنا روما الإمبراطورية الرومانية انقسمت رومانية شرقية ورومانية غربية، عاصمتها القسطنطينية الشرقية لغتها اليونانية مذهبها أرثوذكسي، الغربية عاصمتها روما الكاثوليكية مذهبها لغتها لاتينية- روما دي اللي هي كانت عاصمة ضخمة حصل فيها انهيارات واجتاحها الأقوام الشماليون، ناس جاية اعتبرهم كده زي البرابرة الهمجيين بقى مش البربر، البرابرة هؤلاء اجتاحوا روما، فمن ضمن ما سيطروا عليه فئة منهم سيطرت على الاندلس، هؤلاء عرفوا باسم القوط.

الجماعة اسمهم القوط، والقوط دول برده جواهم كده ثلاث أقسام؛ ناس حكموا الشمال وناس حكموا الشرق والغرب، وناس حكموا الجنوب، اللي حكموا الجنوب اسمهم ويندال، فمنها هنا سميت الأندلس تحريف لكلمه الويندال، الويندال أو الفندال بيحكوا، الأقوام الذين حكموا الأجزاء الجنوبية هذه المنطقة كان آخر حكامها رجل حاكم مشهور اسمه جيتشا أو ويتزا على حسب النطق.

هذا الرجل حصل عليه انقلاب من الملك الذي تسميه الرواية العربية لذريق ويسمى بالاسبانية رودريكو، هذا لذريق خلاص عمل انقلاب عسكري تولى الحكم سيطر على البلاد، المهم كان من عادة أمراء هذه الفترة أن هو يرسل أبنائه لكي يتعلموا شؤون الحكم أو يتدربوا على الإتيكيت يا سيدي، أو يعني عارف أنت زي ما أي حد من الأغنياء دلوقت بيبعت ابنه أمريكا يتعلم، بيبعت ابنه بريطانيا، هكذا. فكان الشكل النخبوي زمان أن هو يرسل أبناءه إلى قصر الحكم.

ويقال إن يوليان حاكم مدينة سبته -اللي هو كان صلباً وباسلاً ولم يستطع المسلمون أن يفتحوها- إنه كانت له ابنة في قصر رودريجو، أررسلها على نحو هذه العاده، ثم إنه رودريجو هذا اعتدى على ابنته هذه، فأرسلت بذلك إلى أبيها اللي هو حاكم مدينة سبته، فكجزء من الانتقام تحالف يوليان حاكم مدينة سبته مع بعض أنصار وأبناء الملك السابق جيتشا لإحزاحه واسقاط رودريكو من على العرش.

أحد أهم القوى التي -إذا احنا داخلين في تحالف واسع- أحد أهم القوى التي ينبغي أن يخاطبها هي قوة المسلمين، وخصوصاً إنه سبته جنبها طنجة التي واليها طارق بن زياد وتحت أمير الشمال الأفريقي الكبير موسى بن نصير. هنا وقع هذا التحالف، طبعا بعض المؤرخين يشكك في حصول هذه القصة، ممكن احنا ما عندناش دليل أكيد أنها وقعت وما عندناش دليل أكيد أنها لم تقع، يعني هي وردت في التاريخ. لكن الخلاصة الآن إنه المسلمين في كل الأحوال -سواء وقعت هذه الحادثة أم لم تقع، سواء كان يوليان كما في بعض الروايات رأى المسلمين فأسلم واقتنع بهم وأراد أن يدخل الإسلام، وفي بعض الروايات أقول لا وإنما هذه دعاية اسلامية- أخبار هذا التاريخ في هذه المنطقة من العالم ليست واضحة وضوحاً تطمئن إلى ثقته، صحيح. لكن الخلاصة أنه كان هذا هو بداية الفتح الإسلامي.

بداية الفتح الإسلامي في تحالف نشا بين أنصار الملك السابق وبين يوليان حاكم سبته مع المسلمين لكي يدخلوا إلى الأندلس. لما دخل المسلمون الأندلس دخلوا على مراحل، برده كان أول أرسل طارق بن زياد سرية استطلاعيه سرية طريف بن مالك بـ 500 جندي، استطلع الأمور ثم دخل هو بـ 7000. وفي موجة أخرى جاء بعدها بعام موسى بن النصير بـ 12000.

طبعا احنا دلوقت بنختصر علشان نعرف نلم الـ 800 سنة في زمن الحلقة يعني. بس واحنا أستاذ محمد الأصل في الأمويين أنهم يعني كانوا هم خاضوا البحر بس احنا كمان كنا بنخاف كمسلمين نفوت على البحر يعني فهم راسلوا دمشق مشان ياخذوا موافقة من أجل الدخول حقيقة ولا ما صار في تواصل؟

حقيقة لا أعفر، أنا لا أعرف، قد يكون اللي أنت بتقوله حصل، لكن أنا على حد علمي أن موسى بن نصير لم يرسل بالاستئذان من الوليد بن عبد الملك، وإنما رأى في هذه فرصة طيبة وسريعة للدخول إلى الأندلس، هذا منتهى علمي، وارد جداً يكون اللي أنت بتقوله وأنا لم أعرفه يعني. فهذه هي راها أنها من صلاحياته تمام، وبالمناسبة هذا المرجحة عندي، لأنه بعدين لما دخل المسلمون إلى الأندلس -طبعا هنا حصلت الحادثة المشهورة اللي هو إيه؟ أن أحد أهم ما كان يحتاجه المسلمون السفن. تمام، احنا خد بالك والي الشمال الأفريقي ده أغلب حروبه وأغلب احتياجاته العسكرية برية ليست بحرية، تمام، لأنه المقابل له في الشمال المقابل له في الشمال ليس الآن اللي هي الإمبراطورية الرومانية لا تعيش الآن حالة قوة، والإمبراطورية البيزنطية تلقت ضربات حاسمة من أسطول الشام وأسطول مصر في شرق المتوسط، فأغلب احتياجاته الآن برية فلم تسمح له الفرصة أن هو يبني أسطول. فكانت المزية الكبيرة التي يقدمها يوليان هو أنه يقدم السفن.

وعلشان السفن ما كانتش برضه سفن كثيرة فكان ينبغي أن يذهب المسلمون إرسالاً يعني مو أفواجاً، يعني فلذلك أحد بقى القصص المشهورة أن طارق بن زياد لما عبر إلى الأندلس حرق السفن، حرق السفن وقال لقومه إنه خلاص البحر وراءكم والعدو أمامكم لكي يستبسلوا ويثير فيهم الحمية، وهذه أسطورة.

فيش منه الحكي؟

لا هذه أسطورة، لأنه أولاً يعني هل هذه السفن ملك المسلمين بحيث أن هو يحرقها؟ وهذه أيضاً ليس فيها الحكمة التي يعني ما ينفعش أنت تقطع المسلمين بأرض -عارف أنت حكمة دريد بن الصمة أن المنهزم لا يرده شيء- فما ينفعش تقطع على المسلمين طريق العودة، والأرجح أنها اخترعت لكي تفسر استبسال المسلمين، لأن أنت بتتكلم في 12000 بيواجهوا جيشاً قدره بعضهم بـ 100000 بس ده رقم مبالغ فيه، قول يا سيدي 50000. تمام، فانت عايز تقول إن هذا الجيش -الرواية تقول أن رودريجو لما جاء يقاتل المسلمين جاء ومعه القيود والحبال لأن هو خلاص ضامن أن هو سيأسرهم وهو بس جايب حبال كتير عشان يعرف يكتفهم يعني- فالغالب أنها اخترعت لتفسير كيف تحقق هذا النصر العجيب المبهر، وكيف انفتحت الأندلس هذا الانفتاح السهل؛ لأنه فتح الأندلس كان من أسهل الفتوح، أغلب المدن سلمت صلحاً، يعني العنوة قليل يعني حصل مقاومة عند طليطلة اللي هي كانت العاصمة في بعض مناطق الشرق، حصل مقاومة، لكن غالب ما فتح من الأندلس كان سهلاً ويسيراً، حتى جنوب فرنسا.

هو أصلاً بعد ذلك يعني مع سهولة هذا الفتح تحرك موسى بن نصير بالموجة الثانية كما قلنا أو الطليعة الثانية التي تسمى طليعة موسى، هذه الموجة الثانية من يريد أن يفسرها بشوية تآمر هيقول أن موسى بن نصير أحب أن ينفرد طارق بن زياد دونه بالفتح، تمام، لكن الذي سيفسرها بشكل طبيعي هيقول إنه يعني إيه 12000 مع طارق بن زياد يتوهوا في شبه الجزيرة؟ يعني دي مساحة شبه الجزيرة الإيبيرية دي ثلث مصر، بتتكلم في 580 ألف كيلومتر مربع ومليئة بالجبال ومليئه بالأنهار، يعني قصد أقول ما فيش قائد عسكري يروح باعت 12000 ويروح سامع أن ال12000 توغلوا إلى أقصى الشمال ويروح سايبه، ده مش طبيعي فعلاً. فلذلك موسى جيش جيشاً وذهب وسلك طريقاً أخرى في الفتح، فبقى أنت لما تبص على مثلاً على خريطة الفتوح تلاقي طارق بن زياد يفتح في مسار وموسى بن نصير يفتح في مسار آخر، فكانت من أسهل موجات الفتح.

وده يفسر لماذا الوليد بن عبد الملك ارتاع أن في أنت عندك 12000 مع طارق و7000 مع موسى، والجماعه دول انقطعوا عن المسلمين عند حدود فرنسا. شوف أنت قاعد في دمشق -أنا عايز أقول لك أنت لو دلوقت في عصرنا ده اللي هو مليان أقمار صناعية وموبايلات وغرف عمليات واتصالات سريعة وعندك فرق عسكرية وأنت في دمشق عند جنوب فرنسا- يعني أنا الآن من هيبة هذا الموقف هاقول لهم ارجعوا، طبعا لو أنت رايح فين خصوصاً لو صح لو صح أن موسى بن النصير كان عنده مشروع أنه يفتح أوروبا من الغرب، يعني هو ناوي يكمل على فرنسا ويدخل على وسط أوروبا إلى شرق أوروبا عشان يفتح القسطنطينية.

اللي هو أنت؟

اه هذا موسى بن نصير، يعني أنا طلعت من دمشق وفتحت الشمال الأفريقي كله وهيني داخل على الأندلس بدي ألف على القسطنطينية وأرجع للشام، يلف على القسطنطينية -على الأقل قلل محاولات فتح القسطنطينية الأموية من الشرق، لأن الأمويين عايزين يفتحوا القسطنطينية من الشرق مش عارفين- ونحن نتحدث عن رجل عمره 75 سنة، آه نعم في الثمانين من عمره في ذلك الوقت، إرادة.

فيشقصدي أقول لما الوليد بن عبد الملك يبعت لهم يرجعوا ده شيء طبيعي جداً ومفهوم يعني، اللي هو أنت رايح متوغل فين يا حج أنت؟ اللي هو مش ليش رجعهم وكذا مثلاً بشكل عاطفي. فده الفتح نقدر نقول إن مرحلة الفتح دي انتهت بإرسال الوليد بن عبد الملك إلى موسى بن النصير أن هو يجي ويجيب معاه طارق بن زياد، ودي على فكرة نادرة في الفتوح انك تقول للوالي تعالى وهات القائد الفرعي معاك، فده دليل على تخوف شديد من الوليد بن عبد الملك حرصاً على الجيش والدوله، لأن هو دلوقت طارق بن زياد فتح قبل ما يوصل له موسى بن النصير، طب ما أنا ممكن أجيب موسى ويرروح طارق مكمل تاني؟ راح هو لا علشان يجبرهم على التوقف وما يتوغلوش في هذه البلاد المجهولة البعيدة، احنا بنتكلم في أيام الخيول يا مولانا، أيام ما كانت الرسالة تاخد لها شهرين ثلاثة لغاية لما توصل وترجع، أيوه بالضبط بالضبط، فأرجعهما وبذلك انتهى عصر الفتح.

طيب اللي هو تقريبا كان ثلاث سنين وشوية. شوف أنا هاققول لك على حاجة، لو احنا دلوقت قصدي عايزين نرسم خريطة عامة قبل على سنتنا يعني في البرنامج، فزمن الفتح دي مرحلة وبعدها هيبدا زمن اسمه زمن الولاة، مرحلة الولاة؛ إيه هي مرحلة الولاة دي؟ المرحلة اللي كان الخليفة في دمشق أو والي المغرب يفوض إليه أن هو يعين الوالي في الأندلس.

مرحلة الولاة دي استمرت تقدر تقول كده إلى سنة قول يعني 114 هجرية، هي كملت بعدها بشوية، لكن أنا ليه بقول 114 هجرية؟ لأنه 114 هجرية حصل فيها موقعة فاصلة هي موقعة بلاط الشهداء أو موقعة بواتيه، دي الموقعة التي أوقفت حدود الفتح الإسلامي في فرنسا، المسلمين فتحوا في جنوب فرنسا فتحوا شمال شرق إسبانيا وتوغلوا قبل باريس، حصلت المعركة الكبيرة التي كان وجهها أو بطلها الفرنجي شارل مارتل. إلى الآن شارل مارتل يعد في الذاكرة الأوروبية بطلاً عظيماً لأنه أوقف فتوح أوقف وصول المسلمين إلى فرنسا، لأن احنا خلاص على بعد كيلومترات من باريس.

طبعا بعض المؤرخين -مثل غوستاف لوبون- ندمان على أن شارل مارتل عرف يهزم المسلمين، ليه؟ لأنه هو بيقول بيقول يعني خلينا نقول لو انتصر عبد الرحمن الغافقي وهزم شارل مارتل ماذا كان يحصل في باريس؟ كان يصيب باريس المتبربرة مثل ما أصاب قرطبة الزاهرة تحت راية النبي العربي، بيقول بدل ما نبقى 2000 سنة بعدها في التخلف والمذابح الدينية ومذبح سان بارتلمي التي كانت بين الكاثوليك والبروتستانت، بيقول يا ريت كان الراجل ده فتح وكانت باريس زي قرطبة. وهو عنده وجهة نظر غوستاف لوبون، بيقول إنه ما كانتش الهزيمة دي هي السبب، ده هو بس العرب لقوا فرنسا جو بارد قوي قوي فما فكروش يرجعوا لها تاني، وإلا فدي كانت هزيمة عادية طالما تعرض المسلمون لأمثالها، لكنها لم تثنيهم عن مواصلة الفتح، هم بس شافوا إنه يعني ما فيش فايدة كبيرة في التوغل والتمدد أكثر من كده.

ولذلك مثلاً واحد زي برنارد لويس، وكما ينقل عنه صمويل هنتنجتون في كتابه صدام الحضارات، بيقول: الإسلام هو الشيء الوحيد الذي جعل بقاء الغرب موضع شك. يعني الغرب لم يواجه تهديداً وجودياً في تاريخه إلا من المسلمين: مرة شارل مارتل، والمره الثانية أيام الدولة العثمانية لما كانوا خلاص رايحين يجيبوا في فينا.

بيقول: فلذلك الغرب الإسلام هو عدوه الأول، لانه ما فيش حد هَدَّ الغرب كما هدده الإسلام. طيب، فـ 114 هجرية دي مع استشهاد عبد الرحمن الغافقي في موقعة بلاط الشهداء وهزيمة المسلمين نقدر نقول إنها كانت مرحلة فاصلة.

بعد كده سيخسر المسلمين كثيراً من الأراضي بدون حرب. ازاي؟ هنا نفتح موضوع تاني. صلي على النبي: اللهم صل على سيدنا محمد. دلوقتي عصر الولاة، عصر الولاة ممكن تقسمه لقسمين. احنا قلنا كده القسم الأول قبل 114 انتهى بعبد الرحمن الغافقي، القسم الثاني بعد 114، القسم الثاني ده عنده شوية مشاكل، مشاكل داخلية في الأندلس ومشاكل عامة في الدولة الإسلامية.

لو احنا نفتكر التواريخ، هنلاقي إن الدولة الأموية في الشرق بدأت تدخل في مرحلة الضعف إلى أن ظهر فيها الضعف واضحاً عند سنة 125 مع وفاة الخليفه القوي هشام بن عبد الملك. فمن بعد 125 الدولة الأموية في عاصمتها هيبقى عندنا مشاكل: الوليد بن يزيد، وبعده يزيد بن الوليد، وبعده الهيصة دي إلى أن يجتاحهم العباسيون.

المغرب والأندلس حصل فيهم إشكاليات نابعة من الدولة الأموية، بعض الولاة الذين أرسلتهم الدولة الأموية للمغرب كانوا ظالمين. والجماعة اللي كانوا ظالمين في بلد مثل المغرب، اللي هو ما يزال الفتح فيه حديثاً ما يزالون حديث عهد. فصحيح هؤلاء الأمازيغ أهل الشمال الإفريقي لم يرتدوا عن الإسلام، لكنهم تبنوا رأي الخوارج على تفصيل ليس هذا مقامه، يعني كان عندهم ثورات على الولاة الأمويين الظالمين، وكان عندهم نزوع لخلع الأمويين تماماً.

الثورات دي في المغرب واجه آخرها هشام بن عبد الملك، فهشام بن عبد الملك أرسل جيشاً إلى المغرب، هذا الجيش من العرب هُزم -يعني هشام بن عبد الملك كان عايز يداوي هذه الحالة في المغرب مداواة جذرية- فأراد تعريب المغرب. إيه يعني تعريب المغرب؟ يعني إسكان العرب، إسكان العرب ده يعني إسكان الدعاة وإسكان العلماء وإسكان الفقهاء وصناعة التمازج بين العرب وبين الأمازيغ بحيث لا يظل المغرب محطة ثورات.

الجماعة دول هُزموا تماماً أمام البربر أو الأمازيغ وحُصروا في مدينة سبتة.

طيب، نقف بالمشهد هنا شوية، الناس اللي في الأندلس، احنا دلوقتي قلنا الأندلس دخلها جيش مع طارق بن زياد أغلبهم من الأمازيغ، ثم دخلها جيش مع موسى بن نصير أغلبهم من العرب. يبقى عندنا في الأندلس عرب وأمازيغ، والدولة لما تضعف هناك، الولاة هنا يبدؤوا يحاولوا يستقلوا وينفردوا بنفسهم، وهنا تبدأ حزازيات بين القبائل العربية في قبائل قيسية وقبائل يمنية، وتبدأ الحزازيات بين العرب ككتله وبين الأمازيغ.

ولما تبقى في كمان ثوره في المغرب، فده أدى إلى اشتعال الثورات في الأندلس؛ ثورة الأمازيغ في الأندلس هي كل الحالة السياسية، عارف أنت تأثير الربيع العربي اللي هو إيه؟ أي حاجة بتحصل في مكان بتؤدي تأثيراً. فآخر عهد الولاة في الأندلس كان عهداً مليئاً بالفتن؛ العرب بينهم منازعات قبلية، وبين العرب وبين الأمازيغ منازعات أخرى.

وبعض الأندلسيين الذين لا يزالون على أديانهم، صحيح كان الفتح سهل وكان الحكم الإسلامي كبير، لكن الآن بدأت حركة انتعاش بالذات في الجيوب الشمالية البعيدة التي لم تُفتح. عارف الفتح كده يعني استولى على كل جزيرة، بقي في جيوب شمالية في حتة جبلية فما اهتموش بها، كل هذا أدى إلى أن يخسر المسلمون -شوف- خمس مساحة الجزيرة بلا قتال! مساحة كبيرة، خمسها بلا قتال.

تمددت جيوب الممالك المسيحية الشمالية، هنا بدأت تظهر بذرة التمدد المسيحي مرة أخرى. وصلنا لعند طليطله، جربنا على قرطبة والـ... احنا عدينا طليطله، وكل ده احنا دلوقتي بنتكلم في الشريط الشمالي يا مولانا. الشريط الشمالي... لا اللي خسرناه، أنا قصدي اللي خسرناه هو الشريط الشمالي فوق يعني؟ اه، فوق الشريط الشمالي، لكن ما وصلوش لطليطله ولا حاجة ولا سرايا ولا حاجة، ده احنا لسه بتتبدأ هذه المساحة.

وخسر المسلمين إقليم سبتمانيا، ده إقليم في جنوب غرب فرنسا، خسروه، وخسروا مدينة اسمها أربونة، وخسروا بعد ذلك مدينة برشلونة. فصارت الحد الفاصل بين الحكم الإسلامي وأوروبا هي جبال البرانس أو جبال البيرتات أو جبال البرانس، وهي الجبال الفاصلة بين فرنسا وأسبانيا الآن.

والخليفه في دمشق بهذه اللحظة مين؟ الوليد؟ لا، احنا دلوقتي دخلنا في مرحلة الفتنة بعد هشام يا مولانا، بعد هشام ما توفي. توفي هشام ودخلنا في الصراع، طبعا أنا بحكي من وجهة نظر الأندلس الآن. لا، أنا بحكي عن الوليد الفاسق؟ لا، ما هو بعد هشام... ما هو الفتن دي ما كانتش فتنة واحدة، دي سلسلة فتن وحروب أهليّة.

والأمويين هناك دخلوا في الانهيار من الوليد بعد هشام، ثم يزيد بن الوليد الأول، نعم، ثم إبراهيم بن الوليد، وبعدين المعركة اللي بين سليمان وبين مروان بن محمد، كل ده في هذه الفترة، نعم. فعملياً صار الولاة هناك مستقلين، وصاروا بينهم هذه الحزازات، فالأندلس امتلأت بالفتن اللي بين العرب وبعضهم، بين العرب والبربر، وبعد كده تمددت قليلاً الأماكن الشمالية، وخسرنا الأماكن اللي فتحناها في فرنسا، وخسرنا كل الوجود اللي هو ما بعد إسبانيا الآن.

إلى أن... كدة الشرق في تاريخ تاريخ لوحده، والأندلس في تاريخ فتن لوحدها، إلى أن هرب عبد الرحمن بن معاويه، وهو الأمير الأموي الذي طارده العباسيون، هرب في رحلته الشهيرة إلى أن دخل الأندلس. عبد الرحمن الداخل، ما مزيته؟ مزيّة واحدة بس، أن هو أموي من نسل الأمويين. يعني إيه اللي يخلي عبد الرحمن الداخل مش زي أي شخصية من شخصيات الولاة؟ إنه أموي وأنه يعلو على العصبيات.

يعني أنت دلوقتي بتقول لي قيسي ويمني، وفي عرب وفي بربر، لا، احنا جيلنا واحد من أبناء الخلفاء الذين حكموا العرب جميعاً، وحكموا البربر جميعاً، وحكموا العرب والبربر مع بعض. فعبد الرحمن الداخل له أنصار هم أنصار الأمويين، احنا دلوقتي قلنا العرب الذين فتحوا هذه البلاد يعرفون ولا يدينون بالولاء إلا لبني أميه، فهم موالي بني أمية.

وطبعا هذه الفتن التي اصطدمت فيها القوى الإسلامية جعلت أي إنسان عايز الإسلام يستمر في هذه البلد طامح إلى أن يأتي رجل يعلو فوق العصبيات. فهذه المزية الشرعية -عارف أنت الرئيس المظلوم أو الرئيس القانوني أو الحق الدستوري بمصطلحات ذلك الوقت يعني- هذا هو الذي جعل عبد الرحمن وهو سنه 23 سنة أعلى في القدر والمقام من الناس اللي ماسكة الأندلس.

كان ماسكها في ذلك الوقت واحد اسمه يوسف الفهري ومعه شريكه في الحكم واحد اسمه الصميل بن حاتم، ودول كانوا قيسية؛ يوسف كان قرشي، الصميل كان قيسي، وكانوا منتصرين على اليمانية الذين كان آخر زعمائهم واحد اسمه أبو الخطار الكلبي الذي أرسله هشام بن عبد الملك ليستتب له أمر الأندلس.

فلما جاء عبد الرحمن الداخل، الوضع كالاتي: اليمانية عايزين قائد ينتصرون به على القيسية، وموالي بني أمية لا يرضون إلا بخليفه من الخلفاء. فالذي كان سيخسر موقعه هو يوسف الفهري والصميل بن حاتم باعتبارهم قيسية وباعتبارهم مالكين هذا البلد. ولذلك الصميل كان له مقوله مشهورة بيقول: هذا الفتى لو نزل الجزيرة غرقنا في بوله! يعني احنا مش قدّه، لو نزل تخضع له الناس، لكن احنا دلوقتي عارفين إيه؟ ندور الأمور مع بعض.

عبد الرحمن الداخل شخصية من اعظم شخصيات التاريخ، واحنا قلنا إن أبو جعفر المنصور هو الذي سماه صقر قريش. شاب لكن ذكي، همّة، قوة، صلابة، صبر، اللي أنت عايز تقوله قوله يعني. لك أن تتخيل أن أبو جعفر المنصور، واحد من اعظم حكام التاريخ، ده لما بيقول من صقر قريش قال: عبد الرحمن بن معوية، فانه خرج منفرداً بنفسه مستصحباً عزمه، معهش جيش ولا حاجة، فقطع القفر، قطع الصحراء، حتى دخل بلداً غريباً فجند الأجناد ومصر الأمصار ودون الدواوين وأعاد ملكاً بعد انقطاعه.

فأنت بتتكلم عن شخصية مبهرة، مبهرة، ليست عادية. عبد الرحمن الشاب أبو 23 سنة ده عرف يحكم الأندلس، وعرف يحكمها 35 سنة، ويعيد فيها وحدة المسلمين، ولم يستطع أن يسترد الأراضي التي خسرناها، لكن استطاع أن يوقف الانهيار الذي كان مستمراً، وأن يوقف تمدد بذور الممالك النصرانية الشمالية، وأن يجعل المسلمين هم الأعلى يدا في شبه الجزيرة.

طيب، استاذ محمد، اللي بيشوفونا هم ما حسو معنا أننا دخلنا في عهد الأمراء؟ الأمراء صح. أنا بدي أطلب منك شغلة بس، مشان أخونا اللي ارتبك معنا بكثرة الأسماء والتواريخ وإلى آخره، بدنا نجيبه معنا هيك من مسقط أفقي، بس نحكي له هم كم فترة؛ فترات الأندلس عشان احنا نمشي فيهم حبة حبة، ونعطيه هيك زهرة من كل بستان. احنا بدينا بمرحلة اسمها مرحلة الفتح، تمام، خلصنا منها دخلنا في مرحلة الولاة، تمام، خلصنا منها، بعدين بنفوت في مرحله الامراء.

آه، الأمراء يعني... وبعدين نسردهم بس سريعا وبعدين نرجع للأمراء. حاضر، حاضر، حاضر. خلصنا الفتح، خلصنا الولاة، بعدين مرحلة الأمراء. الأمراء أو الإمارة الأموية دي مرحلة تبدا بعبد الرحمن الداخل وتنتهي بعبد الرحمن الناصر؛ أولها عبد الرحمن وآخرها عبد الرحمن، وهيجي في نصها واحد اسمه عبد الرحمن الأوسط هنتكلم عنه. بس يبقى مرحلة الأمراء إيه؟ أولها عبد الرحمن وآخرها عبد الرحمن، وفي نصها عبد الرحمن كمان. ماشى، كلهم عبد الرحمن. يا سيدي، كلهم خير.

والإمارة دي ليه اتسمت الإمارة؟ علشان الأمير الأموي اللي كان يحكم البلد دي لم يزعم لنفسه الخلافة، قال لك أنا أمير، نعم. بعدها تيجي مرحلة الخلافة الأموية برضه، كويس. مرحلة الخلافة دي بتبدأ من 316 هجرية -آه، لو احنا دلوقتي عايزين السنين يعني- فمرحلة الإمارة دي تبدأ من 138 هجرية، ماشي. تمام، الخلافة هتبدأ بـ 316 هجرية إلى 422 هجرية. ليه بقى اتسمت مرحلة الخلافة؟ لأنه الخليفة الأموي اللي في الأندلس، الأمير الأموي اللي في الأندلس؛ الخلافة العباسية في بغداد ضعيفة، ولقى في خلافة شيعية عبيدية إسماعيلية في القاهرة بدأت طبعا في تونس وبعدين راحت القاهرة، فقال لك الكلام ده ما ينفعش، أنا المعبر عن أهل السنة أو أنا الخلافة الشرعية فأعلن الخلافة. فدي من 316 إلى 422 -حوالي 100 سنة- دي مرحلة الخلافة الأموية.

من 422 إلى 480 تقريباً -على خلافات بقى بسيطة يعني أنا مش هاقول سنين عشان ما لخبطش حد- اعتبر حوالي 100 سنة كده عصر ملوك الطوائف. إذا، بعد الخلافة عندنا ملوك الطوائف؛ لأنه الخلافة لما انهارت ما كانش في كتلة قوية تقوم مقام الخلافة، فالأندلس تفرقت وتمزقت. الجماعه اللي تفرقوا وتمزقوا دول بهدلوا معاهم الأندلس، وتمددت معاهم الممالك الشمالية.

فكان في دولة مغربية قوية نشات وتوحدت تحتها المغرب الأقصى اسمها دولة المرابطين، فالأندلسيين والعلماء المسلمين بعثوا للمرابطين بوجوب إنقاذ الأندلس. كويس، فدخلت دولة المرابطين إلى الأندلس، أعادت وحدتها، أزالت ملوك الطوائف، وبقيت الأندلس والمغرب حالة واحدة. حلو، صار عنا عهد اسمه عهد المرابطين. عهد المرابطين ياخذ له كمان 100 سنة، عهد المرابطين، ويجي بعدها دولة أخرى قوية في المغرب ترث المرابطين اسمها دولة الموحدين.

جميل جداً، دولة الموحدين دي برضه ستحكم المغرب والأندلس تماماً، وتقريباً -معليش برضه- اعتبرها 100 سنة مع خلافات وفكاكات كده، مش مشكلة. ثم تنهار دولة الموحدين في المغرب وفي الأندلس، وأنتم عارفين كل الدول مثل البشر، كل دولة لها عمر. لما تنهار هذه الدولة، لا يرثها لا في المغرب ولا في الأندلس دولة على قدرها، فترروح تتفكك وحدة الأندلس والمغرب، ويبقى الأندلس فيها دولة والمغرب فيها دولة، ودولة الأندلس هتبقى ضعيفة، فيحصل تساقط أهم الحواضر، وهي قرطبة وإشبيلية وجيان. التساقط ده مش هيبقى معنا في الأندلس إلا شريط ساحلي اسمه مملكة غرناطة.

مملكة غرناطة هذه هي آخر الممالك الإسلامية في الأندلس، وبسقوطها يسقط زمن الإسلام في الأندلس. يا سلام، إذا عنا ثماني تقريباً مراحل: مرحلة الفتح، تمام، مرحلة الولاة، مرحلة الإمارة، مرحلة الخلافة، إيوه، مرحلة ملوك الطوائف، المرابطين، الموحدين، غرناطة، مملكة غرناطة. نعم، طبعا في مرحلة الخلافة، في ناس بالوصاية العامرية بيعتبرها هيك مرحلة، يعني فترة، لكن نحن ممكن نلحقها بالـ... هي ملحقة، رسمياً ملحقة عادية.

ثم بدأ سيناريو -طبعاً بعد غرناطة- سيناريو محاكم التفتيش الأليم والمجازر والتنصير وإلى آخره. طيب، نحن فتحنا ملف الفتح بس في شغلتين صغار عشان أسكره تماماً، عشان ما يتخربطش المشاهد، لأنه حكينا نحن طارق بن زياد بالاول، ودينا نحن سرية من 500 شخص استطلعوا الأمور، طيب الأمور طيبة، موسى بن نصير أرسل طارق بن زياد بـ 7000 جندي؟ هي الفوج الأول، لحقه طارق بن... موسى بن نصير بـ 12000؟ العكس، طارق بـ 12000 وبعدين موسى لحقه بـ 7000. طيب، تمام.

هو فيها خلاف، طبعا هي كمان عشان ما حدش يزعل مننا يعني.

لا، ما حدش يزعل. طبعا شباب، التواريخ والأرقام أعداد الجيوش هي دائماً فيها مشاكل تمام؛ يعني المصادر بتختلف فيها. فدخلنا في موجتين تمام، وخلصنا مرحلة الفتوح باستدعاء موسى بن نصير وطارق بن زياد إلى الشام، وخلصت هذه المرحلة. دخلنا في مرحلة الولاة والتي تقريباً عددهم كان اثنين وعشرين والياً، في منهم اثنين حكموا مرتين. ماشي.

اعتقد وانتهت هذه الفترة ودخلتنا أستاذ محمد إلى مرحلة الإمارة؛ الإمارة الأموية. طبعاً هون انهارت الدولة الأموية على يد العباسيين، وهرب عبد الرحمن الداخل صخر قريش ودخل إلى الأندلس، وبدانا نحكم. تمام، إيوه وصلنا هون إحنا. كويس، نكمل.

عندي جملتين في مرحلة الإمارة عايز ألفت النظر إليه. نعم، مرحلة الولاية، قصدي مرحلة عصر الولاة، من مزاياه أن الإسلام ترسخ في الأندلس، وده دليل على أن المسلمين، على أن أهل الأندلس هم الذين أسلموا؛ لأنه كل الناس اللي داخلين، إحنا بنتكلم في العشرين ألفاً، فالعشرين ألفاً أنت بتكلم في شعب خلاص، فبالتأكيد لن يستمر الإسلام لو كان، ولو كان الناس لم يسلموا تمام. فمن مزايا هذا العصر أنه كان في جهاد انتهى بعبد الرحمن الغافقي، وأنه حكم، الإسلام ترسخ في عصر الولاة.

طيب، نجي لعصر الإمارة الأموية. عصر الإمارة الأموية كان كالاتي، بيتبدأ من 138 وينتهي بـ 316؛ يعني بنتكلم في 400 سنة إلا شوية فكة. العصر ده كان عصراً، الأمراء الأمويون الموجودون في قرطبة أرادوا أن يجعلوا قرطبة نظير بغداد. فصحيح حصل بيننا تنافس سياسي، وحصل بيننا تنافس عسكري، وحاول العباسيون أن يسقطوا الأمويين في الأندلس لكن ما قدروا، لكن نتيجة هذا، أو يعني يوازي هذا التنافس تنافس حضاري؛ فبقى عبد الرحمن الداخل وأبناؤه من بعده يحاولون أن يجعلوا من قرطبة نظير بغداد.

ماشي، فبقى عندنا عاصمة مزدهرة في الشرق وعاصمة مزدهرة فين؟ في الغرب، بغداد وقرطبة تمام. عبد الرحمن الداخل راجل حكم حوالي 35 سنة وتولى بعده، طبعا 35 سنة مهد الأمور، يعني ثبت الحكم خلاص، ما فيش حد بيفكر في تهديد الإسلام، أوَقَفَ الممالك الشمالية، عمل حروب. قصدي يا عبد الرحمن الداخل حاجة يعني إيه عمود في تاريخ الأندلس. ومع ذلك تقرا سيرته تحس أنه راجل وحيد وغريب وزعلان، ويعني شوف، ما فيش حد مرتاح في الدنيا، ﴿لَقَدْ خَلَقْنَا الْإِنسَانَ فِي كَبَدٍ﴾ [البلد: 4]؛ يعني تقرا أشعار عبد الرحمن الداخل، متيم بالشام ومتيم بأهل الشام، ويشوف نخلة يفتكر الشام؛ اللي هو إيه حالته يعني؟ رجل، الناس المهاجرين والمغتربين واللاجئين يجدون في أشعار عبد الرحمن الداخل سلواهم.

أيها الراكب الميمم أرضي أبلغن من بعضي السلام لبعضي إن جسمي كما علمت بأرض وفؤادي ومالكيه بأرضي

خطير، لا خطير خطير. يشوف نخلة يقول لها إيه يعني:

تبدت لنا وسط الرصافة نخلة تنائت بأرض الغرب عن بلد النقل فقلت قريني في التغرب والنوى وطول التنائي عن بني وعن أهلي نشأت بأرض أنت فيها غريبة فمثلك في الإقصاء والمنفى مثلي

المهم، لذلك هو يقال إنه في العمارة كان بيحاول ينسخ دمشق والشام صح فعلا. ويروى أنه كان يفرح جداً بمن يأتي إليه بثمر من ثمر الشام؛ يعني اللي يجيب له بلح، اللي يجيب له رمان، اللي يجيب له فاكهة من فواكه الشام. وبعض بقى الناس اللي بيتكلموا في تاريخ الزراعة بيقولوا إن أصل هذه الفواكه هو في ذلك الوقت لشدة كلف عبد الرحمن باستنبات الشام في الأندلس. وحتى القصر الذي سماه، سماه الرصافه كقصر جده هشام في الشام.

طيب، عبد الرحمن ده تبعه ولده اسمه هشام بن عبد الرحمن. هشام، إحنا قلنا عبد الرحمن حكم 35 سنة، هشام حكم ثمان سنين بس وهو أقصر مدة، وكان عهده رخياً وسخياً وكان عادلاً وكان محبوباً. وفي عهد هشام هذا ساد المذهب المالكي الأندلس؛ لأنه هشام كان في زمانه اثنان من تلاميذ مالك، أشهرهم يحيى بن يحيى الليثي؛ طبعا هذا اسم يعرفه المحدثون وطلاب علم الحديث؛ لأن يحيى بن يحيى هو راوي الموطأ، فهو الذي يروي، كل الغرب يروي الموطأ برواية يحيى بن يحيى الليثي.

المهم، فالملة، المذهب المالك، كان الأندلسيين قبل ذلك على مذهب الأوزاعي إمام أهل الشام، لكن منذ ذلك الوقت استقر المذهب المالكي؛ لأنه يحيى لما تولى قضاء القضاة صار يعين، يعني أصحاب مذهبه، فتعلم الناس مذهب مالك وتمسكوا به.

بعده هيجي واحد اسمه الحكم بن هشام. الحكم بن هشام، عايز أقول إيه؟ مشهور باسم اسمه الحكم الربضي. ليه مشهور باسم الحكم الربضي؟ لأنه حصلت عليه ثورة من منطقة اسمها الربض، أثار عليه العلماء والفقهاء وعامة الناس. هو شوية كان في شراسة وكان في لهو وكان في حماقة، بعدين رجع وتاب وأناب، لكن يعني الثورة دي هي العلامة الكبيرة في عهده، فسمي الحكم الربضي. والجماعة دول نَفَى منهم قوماً، قسماً؛ فمنهم قوم ذهبوا إلى الإسكندرية، عملوا ثورة على المأمون، راح المأمون نفاهم إلى جزيرة إقريطش، فهُم الذين فتحوا جزيرة إقريطش في البحر المتوسط، وأنشأوا فيها حكماً إسلامياً؛ الجماعة اللي هم المنفيين المطرودين دول.

بعد الحكم يجي عبد الرحمن الأوسط. إحنا قلنا عصر الإمارة أولها عبد الرحمن، وآخرها عبد الرحمن، وفيها عبد الرحمن الأوسط. عبد الرحمن الأوسط ده كان راجل استلم مملكة جميلة، مزدهرة، مستقرة. شوف، في كل اللي هقوله ده، كلمة مزدهرة ومستقرة، ده ما يمنعش أن ما فيش ثورات وما فيش حروب معه، بس السمت العام هو سمت الاستقرار. الأندلس كلها تحديات. فعبد الرحمن راجل عايز يجعل قرطبة كبغداد وعايز يجعل نفسه كالمأمون؛ لأنه هو كان نظير المأمون في ذلك الوقت.

تمام، فخد عندك بقا الأندلس وبقى يستقبل الناس من بغداد، وبقى يسمح للأندلسيين بأن هم يزوروا بغداد. قبلوا؟ كانوا الأندلسيين ما بيحبوش أهل، كانوا الأمويين في الأندلس ما يحبوش أهل الأندلس يزوروا بغداد خوفاً من أنه يجندهم بعض العباسيين أو ما شابه؛ فكان اللي بيروح يحج، يحج يروح الشام، بيت المقدس، يروح بعد كده الحجاز. لا، عبد الرحمن الأوسط بعد ما الأمور استقرت، ويعني ضعف العباسيون عن أن هم يخلعوا الأمويين من الأندلس، بقى يسمح للناس يروحوا يتعلموا في بغداد، وبقى يسمح أن يستقبل علماء بغداد عنده.

فلذلك مثلاً من أشهر الرحلات في التاريخ التاريخ العلمي رحلة بقي بن مخلد؛ ده راجل محدث كان تعلم على يد الإمام أحمد، وعاد إلى الأندلس، وله مسند عظيم مفقود. لكن اللي أشهر من بقي بن مخلد زرياب. إيوه، زرياب ده مغني كان تلميذاً لإسحاق الموصلي زعيم الغناء في بغداد. فحصلت منافسة بينه وبين إسحاق الموصلي، أنت عارف التلميذ لما بيكبر عن وضعه، فالمهم، فزرياب هرب إلى الأندلس ففيها عز وبذخ ونبغ. وأصلاً زرياب برضه كان راجل متعدد المواهب ما كانش على موضوع الغنى بس، هو كان مبتكر ومبدع، ويقول لك إن هو أضاف عوداً خامساً، لكن لا، كان راجل بتاع إتيكيت؛ يقول لك ازاي الاكل يتحط، ازاي المفارش تتفرش، ازاي البروتوكولات تمشي، بيخترع عطور، يخترع مراهم للمساج؛ يعني المهم إيه، عايز أقول زرياب ده علامة على علامات الفخامة والترف.

الذي صار، والأكل، إيوه يعني المهم دغدغة المروءة والرجولة على عتبات زرياب. والله أنا مش موافق على كده؛ يعني أنا بقول إن ظاهرة بتحصل، يعني أنا مش مع اللي بيقولوا إن زرياب من أسباب سقوط، لأن هو، في ناس بيشد عليه بالكلام السريع. هو أعتقد من أصول فارسية ولا لا؟ أنا ناسي.

لا أدري بصراحه، لا أدري الآن. يعني وارد جداً، حتى اسمه ليس اسم عربي، أعتقد أن هو الأصول فارسية، لكن حقيقة لا أدري.

فالمهم يعني، قصدي عبد الرحمن الأوسط، أنا بس بحاول أدي عند كل أمير حاجة تعلمه علشان المشاهد ما يبقاش سلسلة أسماء مجهولة يعني. فالمهم أن عبد الرحمن الأوسط ده كان راجل حكمه لذيذ ولطيف، وعندنا زرياب دي علامته، والراجل عايز يبقى زي المأمون في بغداد ويعمل قرطبة زي بغداد.

ويأتي بعده ابنه محمد، ومحمد هيحكم حوالي 36 سنة، وهيجي بعد محمد ولدان، المنذر وعبد الله. وهنا آخر عهد عبد الرحمن الأوسط، وعهد المنذر هيبقى سنتين، وبعد كده عهد عبد الله هيكمل يمكن 32 سنة تقريباً أو 25 سنة، أنا الآن، يعني أنا تلخبطت في الأرقام. في الفترة دي ستتفتت الأندلس، وتكثر فيها الثورات، وتكثر فيها التمردات، وسيعيش عبد الله هذا حالة، انتقضت عليه من باطرافها حقيقة، وه هيبقى عندنا ثورات مولدين، وبعض الناس ترتد إلى الإسلام.

أه، وخليني برضه أقول حاجة؛ من شدة الترف والفخامة التي كانت في عهد عبد الرحمن الأوسط، بدأت بذرة حركة مقاومة مسيحية لهذا الاستيلاء الإسلامي على القلوب. شوف، الأندلس مليانة تسامح، وفيها يهود وفيها نصارى، وما حدش بيطهدهم، لكن المرتبة العليا التي بلغتتها الأندلس جعلت الناس نسيت اللغة اللاتينية وببتكلم عربي. يا سلام! وبتقول شعر ونثر باللغة العربية، زي كده ما تلاقي مثلاً في حواضرنا، في بلادنا إحنا دلوقتي، المجتمعات الراقية بتتكلم إنجليزي أو فرنساوي؛ فالغلبة الحضارية للمسلمين خلت الناس تتكلم عربي. فحركة المقاومة المسيحية دي بيسموها المسيحيين حركة الاستشهاد أو الاستشهاديين الأوائل، وإلى الآن هذه الأسماء أبطال في التاريخ الإسباني؛ لأن دول دول أول ناس قوموا الوجود الإسلامي مقاومة بالنسبة لهم بقى استشهادية.

تمام، ده كان واحد يجي كده قدام المحكمة أو قدام جامع قرطبة، ويسب النبي صلى الله عليه وسلم، عايز يعمل مشاكل، عايز يثبت أنه ما تزال المسيحية موجودة بهذه الأرض، وأنه، وأحياناً القضاة المسلمين افتكروا مجنون وما فيش حد بيعمل كده في، يعني تركوه، افتكروا مجنون مش هو اللي إي اللي يوقع عليه العقوبة. فلما اتكررت مرة واثنين وثلاثة، بدا يظهر أن دي مسألة نبعت من الكنيسة، وأن دي مش مسألة فردية، وطبعاً اتخذوا طبعاً، أنت عارف سبوا النبي كفر حتى لو صدر من غير المسلم ويقتل؛ فلما، وهنا بدأت لحظة، يعني عايز أقول إنها المقاومة المسيحية اللي بدأت بدول، لكن المقاومة دي لما ضعفت الدولة بعد عهد عبد الرحمن الأوسط، كان لها ارتدادات اجتماعية؛ بعض النصارى أو بعض المولدين بدأوا يثوروا، وكذلك بدأوا يتواصلوا مع ممالك الشمال. ولما يبقى في سلطة ضعيفة فيبقى في والي عايز يستقل، فيروح يتصل أيضاً بالراجل اللي هو الملك النصراني اللي في الشمال. وأيضاً في ذلك الوقت كان في ملك يعني حكم 43 سنة في الشمال كان شرس وقوي وجريء. فالمهم، العصر اللي هو بعد عبد الرحمن الأوسط ده، من أواخره إلى نهاية عصر الخلافة، كان الأندلس مليئة فيه بالفتن وبالتمردات وبالتمزقات. امتى سيعتدل هذا الموضوع؟ هنا نختم هذه المرحلة وندخل في عصر الخلافة الأموية.

إذاً إحنا في مرحلة الإمارة؛ الإمارة الأموية. والإمارة هي عبد الرحمن الداخل، عبد الرحمن الأوسط، لا، عبد الرحمن الداخل وبعدين هشام بن عبد الرحمن، وبعدين الحكم بن هشام، وبعدين عبد الرحمن الأوسط. أه، هي خلصت مع عبد الرحمن الأوسط؟

لا، لسه ضايل وقت. لسه شوية، لسه معانا محمد بن عبد الرحمن، ولسه عندنا عبد الله بن عبد الرحمن، وبعد عبد الله عندنا المنذر، وعبد الله وعبد الله الثاني ابن عبد الرحمن؛ يعني كم أمير 10 تقريباً، إمكان أنا ما عدتهمش.

وبعدين عند آخر عهد عبد الله ده هيبقى عنده ولدين، ولد اسمه المنذر وولد اسمه المطرف. المنذر صار ولي عهد، المطرف سيحسده ويقتل أخاه المنذر. وبعدين المطرف ده سيقتل قائداً آخر، فيقتص منه أبوه عبد الله فيقتلوه به، ويعهد بولاية العهد لشاب صغير كان لسه 17، 18 سنة، اسمه عبد الرحمن، اللي إحنا بقى هيبقى عبد الرحمن الثالث أو عبد الرحمن الناصر. إيوه، عبد الرحمن ده تولى الحكم وهو 20 سنة في وجود أعمامه، ومع ذلك سلموا له؛ ليه؟ لأنه الدنيا خربانة وصعبة. الدنيا خربانة وصعبة وهو شخصية قويه؛ فكأنه ما حدش عايز يشيل، وكأنه برضه ما حدش عارف ينافس الشاب الشاب الصغير ده ذو الشخصية القوية. تمام، فعبد الرحمن الثالث أو عبد الرحمن الناصر هيتولى الحكم وهو 20 سنة، وهيعيش في الحكم 50 سنة؛ من سنة 300 لسنة 350، تمام.

ويكون عهده ذروة الأندلس. يا سلام! أه، عبد الرحمن هيبدا بقا إيه، يبدا التاريخ يتغير من أول ما تولى الحكم، وهو اللي أعلن نفسه خليفة بعد 16 سنة من حكمه أعلن نفسه خليفة. لأن أنت، يعني أنا قلت إن هو تولى 300 هجرية، بعد 16 سنة يعني 316 هجرية. لو أنت بتص بص 316 هجرية دي، هتلاقي الخليفة البغدادي المناظر له في ذلك الوقت اسمه المقتدر بالله، والمقتدر ده عُرف عصره بأنه عصر النساء، كانت أمه متسلطة عليه. هو المقتدر ده حكم من 295 وقتل 320، فاحنا حكم 25 سنة على انقلاب جرى عليه كده نفذه أخوه الطاهر. أه، أنا بلاش أدخل في الحاجات اللي بتلخبط دي.

المهم عبد الرحمن الناصر، أنا قلت لك بدا يتغير التاريخ، بدا يقضي.

على الثورات واحدة وراء الثانية، بدأ يعيد توحيد الممالك، بدأ يصد غارات الشمال، بدأ يهاجمهم في أراضيهم. المهم الخمسين سنة بتوع عبد الرحمن الناصر الأندلس صارت ذروة، وعادت لأفضل مما تركها عليه عبد الرحمن الداخل جده، يا سلام! لأنه مش بس بقت في سيطرة عسكرية ووحدة، لا، بقى كمان في ازدهار حضاري لم يسعف جده الوقت لكي ينفذه، وهو الذي بنى مدينة الزهراء، المدينة التي لا تزال أطلالها باقية.

وهو المشهور اللي هو كان بيكتب مذكراته، عبد الرحمن كان بيكتب لما اليوم يصفو له فكان يكتب: هذا اليوم وصفا لي؛ يعني اليوم ده ما كانش فيه مشاكل تمام. فلك أن تتخيل خمسين سنة من الحكم صفى له فيها ستة عشر يوماً! ياه، شغل حَرَكَة دؤوبة! ستة عشر يوماً سجل كده أن هم إيه؟ ما هو لأنه كان عنده كان عنده تمردات كتير يا استاذ محمد، كان عنده خوارج، كان عنده مشاكل أخمدها كلها. يعني بكفي حفصون هذا، عمر بن حفصون. عمر حفصون هذا مصيبة المصائب. صحيح، صحيح، استنزف! تمام.

فدلوقتي احنا وصلنا إذاً مع عبد الرحمن الناصر دخلنا في الخلافة، في الخلافة، مرحلة الخلافة. بس خد بالك رسمياً الخلافة تبدأ ثلاثمائة وستة عشر. أيوه، ما هي هي الخربطات شباب اللي بنحكي عنها. أيوه، الخربطات دي! شوف أنا معتمد عليك أن أنت ضمير الجمهور. طيب نوقف حتة الخلافة تك؟ ماشي، خذ راحتك.

ما هو هيسأل واحد يحكي لك طب هو ليش مش عبد الرحمن الداخل يعني بما أنه جاي من تحت سيف آل العباسيين ما ينتقم منهم هيك ويعلن نفسه خلافة؟ عباس، آه! أول ما يعني استقر له الأمر، لماذا لم يعلن نفسه خلافة؟ ولماذا القصة يعني بدأت عند عبد الرحمن الثالث؟ لماذا الإمارة نعم؟

أولاً عبد الرحمن الداخل كان أضعف من أن يواجه العباسيين، ده واحد هارب، وبالكاد استطاع أن يحتوي الأندلس، بالكاد استطاع أن يحتوي الأندلس تمام صحيح. أبدى في الأندلس مهارة شديدة وهائلة وقوية، لكن ليس بالقدر الذي يجعله يعلن نفسه خليفة فينافس العباسيين؛ لأنه عارف أنت لما تعلن خليفة يعني إحدى الخلافاتين لابد أن تقضي على الأخرى. أمم. فأولاً والمسلمين لم يعرفوا قبل ذلك الوقت خليفتان، مافيش حاجة اسمها خليفتين، هو خليفة واحد.

يعني هو من باب الحكمة ما أعلنش نفسه خليفة؟ من باب الحكمة ومن باب السياسة؛ لأنه لو أعلن نفسه خليفة ما هو ده أولاً سيجعل المعركه بينه وبين العباسيين صفرية. هو دلوقتي لما يعلن نفسه أمير وأنه في ظل العباسيين، وكان في فترته الأولى يدعو حتى للخليفة العباسي، لما يعلن نفسه أمير في ظل العباسيين هذا قد يشجع العباسيين على أن يعترفوا له بهذه الولاية أو يعني يترکوه، حتى ولو عجزا عنه. أها.

لكن يعلن نفسه خليفة لا، هذا تحدٍّ، تحدٍّ يجعل العباسيين يسيبوا فعلا أي حاجة في إيديهم لا تبلغ قدر الخليفة فيوتي ويذهب إليه. ثم إن إعلان الخلافة خليفتين سيسبب انقساماً تحته، وهو دلوقتي مستلم مكان منقسم لوحده، أيوه! فليس من مصلحته أن هو يروح طارح إشكالية فقهية تانية بتقول مين فيكم الخليفة أو أنا تبع الخليفة الشرعي؟ كيف وقد حصل هذا فعلا؟ لأنه العباسيين راسلوا بعض الناس لخلع عبد الرحمن لكن لم يستطيعوا، فكيف لو أنه من الأول أعلن نفسه خليفة؟ أمم. ومنه من حافظ على جسد الأمة ووحدة الأمة، كويس. وطبعا العجز ما تقدرش تقول إن هو كان يستطيع أن يواجه الدولة العباسية.

عبد الرحمن الناصر في وقته الوضع اختلف؛ لأنه زي ما قلنا كانت الخلافة العباسية في بغداد ضعفت، وكانت في ذلك الوقت تحت سيطرة النفوذ العسكري التركي. وكان ساعتها القائد التركي اسمه مؤنس الخادم في ذلك الزمن، فالخلافة العباسية ضعفت وبقى في نفوذ للنساء، لكن الخطر الذي أراد لأجله أن يعلن نفسه خليفة هو الدولة العبيدية الفاطمية. أمم.

الدولة العبيدية الفاطمية التي أعلنت نفسها خلافة شيعية، فالخلافة الشيعية دي احنا قلنا طالما في خلافة لابد أن يقضي أحدهما على الآخر. تمام، فلذلك هي سعت بالفعل لأن تسقط العباسيين، وقلنا كادت أن تصل لولا السلاجقه لما اتكلمنا في الحلقات اللي فاتت. لكن أيضا على مستوى المغرب أيضا، حاولت أن تعزل أو تسقط الأمويين، فلذلك عبد الرحمن الناصر كان هو أول مرحلة في تمدد النفوذ الأندلسي إلى المغرب. أمم.

يعني من عهد عبد الرحمن الناصر بدا يبقى له نفوذ وصنائع واحتل سبتة أظن أو يعني غزى سبتة وجعلها تابعة للأندلس. يا سلام آه، مهمة! علشان يحفظ نفسه من هذا التمدد. وطبعا هذا سيزيد في عهد خلفائه بعده، تمام يعني سياتي بعد عبد الرحمن الناصر ابنه الحكم المستنصر بالله، تمام. الحكم المستنصر أحد برضه عمالقة الحكام في تاريخنا الإسلامي، وكان فوق كونه حاكماً وسياسياً كان شاعراً وأديباً ومؤرخاً ونسابةً. أمم.

وهو اللي عمل المكتبة الأموية في قرطبة، اللي هي شبيهة بيت الحكمة في بغداد، كان كَلِفاً بالكتب ويسمع عن حد ألف كتاب يروح يبعت يجيب الكتاب ويشتريه نسخة خاصة ويهدي مؤلفه، حتى إنه العلماء والمؤلفين بالمشرق لو لم يجدوا من الخلفاء العباسيين ما يطمعون به يروحوا يبعتوا نسخة خاصة للحكم المستنصر، فالحكم المستنصر كان علماً وثقافةً وله تصحيحات في أخبار النسابة، يعني أحياناً لما تفتح بعض الكتب تجد تصحيح بخط عبد الرحمن الحكم المستنصر بالله. تمام.

فالحكم احنا قلنا أبوه حكم خمسين سنة من ثلاثمائة إلى ثلاثمائة وخمسين، هو حكم ستة عشر سنة من ثلاثمائة وخمسين إلى ثلاثمائة وستة عشر ابنه. ابنه! الحكم المستنصر، وأيضاً تستطيع أن تقول إن هذه ذروة الأندلس، يعني عبد الرحمن الناصر ذروة الحكم، لم ينزل عنها، يا سلام! وكان يوزن الكتب بالذهب، يقال... يقال، يعطي عطيات يذكر هذا، لكنه كان يعطي عطاءً كبيراً نعم.

لكن مع عبد الرحمن الناصر كان عندنا ثلاث خلافات هيك في في تلك اللحظة؛ واحدة بالأندلس، والفاطميين، والعباسيين، صح؟ ويا وهي كانت لأول مرة بتمر على العالم الإسلامي. أولاً مرة طبعا بتمر على العالم الإسلامي نعم صحيح. طيب، الحكم المستنصر ده، آه هنا بقى هنيجي الحته اللي أنت إيه وقفت فيها مع الجمهور وقلت الدولة العامرية تتبع ولا مش تتبع؟ أيوه.

الحكم المستنصر لم يرزق بأولاد إلا في آخر حياته، فلما مات كان ولده عمره أحد عشر سنة، اسمه هشام ولقبه المؤيد بالله. الولد اللي هو أحد عشر سنة ده، صلِّ على النبي، اللهم صلِّ على سيدنا محمد! كان للحكم المستنصر وزير اسمه محمد بن أبي عامر. أيوه، اسم لامع كمان وترفع له القبعة يعني مش بسيط الزلمة! محمد بن أبي عامر ده أحد أساطير البشر، شخصية أنا ممتلئ بها إعجاباً وتقديراً وهياماً زي ما تحب يعني، يا سلام!

محمد بن أبي عامر ده ما فيش حاجة ما بيعرفش يعملها، يعني هو طالب علم سريعاً وصل إلى مرتبة القضاء، تمام كويس، ثم دخل في دولاب الدولة، دولاب الدولة فبدا كاتباً فكان يكتب الخطاب أو الرُّقعة لا يدانيها في بلاغتها أحد. تمام. طيب، وبعد شوية هيروح داخل يتولى نظارة الخاص، يعني الحكم المستنصر هيخليه وزير الديوان الملكي يعني، فبيروح يجيد إدارة هذا الملف إجادة لا تتناسب مع لا سنه ولا خبرته. يقولون: كان يتولى العمل فيحسن فيه إحسان من سبقه بلا خبرة من سبقه في السن في العمر وفي السابقة؛ يعني واحد عنده خبرة ومع ذلك مش عارف ما حدش قادر يعمل اللي هو بيعمله.

ثم يوليه دار السكة وزارة المالية، ثم يوليه دار الشرطة الوسطى الأمن العام، ثم يوليه أمن الدولة، وكل ده مع بعض! ويقول قوم فيها جميعاً بما يعجز غيره عنه ممن يفوقه سناً وخبرةً. وبعد شوية بعتوا سفير في المغرب، وبعد شوية كل ده احنا بنكلمك على واحد مجمع وزارات ومجمع مهمات وفي كل ده ناجح تماماً، إلى أن جعله يعني بعد ذلك مؤدب ولده هشاماً فصار له سلطة روحية يعني أو سلطة معنوية على الخليفة الصغير هشام، هشام بن الحكم المستنصر. فلما مات الحكم المستنصر وهشام عنده أحد عشر سنة، محمد بن أبي عامر تولى إدارة الدولة فسَاسها أتمَّ سياسة، وبعد ذلك قاد الجيوش بنفسه وهو أصلاً مش عسكري ولا محارب وانتصر!

شوف، محمد بن أبي عامر حكم الدولة في ظل هشام سبع وعشرين سنة. أمم، غزا فيها ست وخمسين غزوة! ياه! لم تنكسر له راية ولم تهزم له سرية. ما شاء الله! شخص ليس عادي، أسطورة! أسطورة يعني، أنا أفهم أن الواحد يبقى محارب لا يهزم، وأفهم أنه عالم لا يشق له غبار، وأفهم أن سياسي ما حدش يعرف ينتقد عليه، إنما كل ده في واحد؟! كل ده في واحد؟!

ولذلك محمد بن أبي عامر الفترة التي يسميها البعض الدولة العامرية وبيحب يحطها بعيداً عن الخلافة الأموية، محمد بن أبي عامر فتح بلاداً لم يفتحها فاتح قبله، ووَطِئ حيث لم يصل قائد مسلم قبله ولا عقبة ولا موسى بن نصير. أمم، هو وفتح شنت يعقوب اللي هي سانت يعقوب، اللي هي الكنيسة في أقصى الطرف الشمالي الغربي من شبه الجزيرة الإيبيرية، مدفون فيها القديس يعقوب الذي يقال إنه كان من حواريي المسيح، هذه بلد لم يفتحها أحد لصعوبتها ومناعتها، فتحها محمد بن أبي عامر. أمم.

اجتاح العواصم، عواصم الممالك الشمالية بما فيها عاصمة مملكة ليون، اجتاح العاصمة عاصمة ليون، ومد نفوذ الأندلس إلى المغرب فصار أوسع الأندلسيين نفوذاً في المغرب. محمد بن أبي عامر ده شخصية مدهشة ومذهلة ومبهره بكل المعاني، يعني معركة بالصيف ومعركة بالشتاء، رجل لا يهدأ، آه لا يهدأ! سبحان الله، ومات وهو عائد من الجهاد.

ومن مآثره أنه كان بعد كل معركة يمسح الغبار الذي علق به من المعارك ويجعله في قارورة، ويقول: ادفنوا هذه القارورة معي. ده إيه يعني؟ شاهد على الجهاد اللي هو مغبر قدم عبد في سبيل الله، فتمسّ نفسهما النار. لكن هو كشخص بلغ الذروة بالأندلس، يعني في مقولة أنا ناسيها هيك، هو ذروة الذروة.

أنه لما جاء أي قائد قشتالي، لا أدري، وقف على قبره هو وزوجته. آه، وقالت له: لو تنفس ألفونس السادس... ألفونس السادس! لو تنفس صاحب هذا القبر... شوف يعني! ألفونس السادس ده فيما بعد في عصر ملوك الطوائف، بس دي فرصة نجيبها. ألفونسو، طبعا أنا قلت إن محمد بن أبي عامر مات في مدينة سالم، دي مدينة الثغر دي جبهة الجهاد، فمات في مدينة سالم ودفن فيها.

فلما ألفونس السادس أذل ملوك الطوائف، كان يستقبل رسل ملوك الطوائف اللي بيدفعوا له الجزية، استقبلهم في مدينة سالم وهو قاعد على قبر المنصور بن أبي عامر، من يعني للإذلال. يا الهي! المنظر ما أبشع! فصار يقول... صار يقول: أين أنت يا ابن ابي عامر؟ وبيكلموا قدامه إيه مرسل من واحد من ملوك الطوائف، قال له: والله لو تنفس صاحب هذا القبر ما سمع منك ما يكره! الراجل ده لو تنفس مش هتقدر تتكلم قدامه بحاجة تغضبه. فارتعد ألفونس السادس وكاد يبطش بهذا الرسول لولا أن منعته زوجته قالت يعني... قال له أنت... قالت له بالمصطلح المعاصر: أنت بتتشطر على الأموات يعني! طب ما فعلا أنت قاعد على قبر واحد، بتتشطر على الأموات؟!

منصور بن أبي عامر لما مات كتبوا على قبره: تالله لا يأتي الزمان بمثله أبداً ولا يحمي الثغور سواه، آثاره تنبيك عن أخباره حتى كأنك بالعيان تراه. تالله لا يأتي الزمان بمثله أبداً ولا يحمي الثغور سواه، وفعلاً الأندلس لم تر مثله، يا... لا! هنا حكم سبع وعشرين سنة، دي فترة الدولة العامرية.

طيب، قبل ما نغادروه، ما رايك بمن يقول إنه كان سبباً في إضعاف وإنهاء الخلافة الأموية في الأندلس؟ محمد بن أبي عامر يعني من الذين نويت أن أؤلف عنهم كتاباً ويعني لم أكملهم، يستحق حقيقة؛ لأنه هو أصلاً أنا لفت نظري إليه أن بعض الناس كانت تتنقص هذا ما لفت نظري إليه أول مره، فاهتمت بتاريخه اهتماماً خاصاً فوق فوق اهتمامي بباقي تاريخ الأندلس وبغيره يعني.

والذي أنا عليه الآن أن محمد بن أبي عامر من أعظم شخصيات التاريخ الإسلامي، وأنه لا ينسب إليه أنه كان السبب في ضعف الأندلس. أمم. وهذه في تقديري قراءة عاجلة، مع أن الذين قالوا بها كثير، يعني بعضهم أحترمهم وأقدر علمهم، لكن يعني بدون ما أدخل معاك في تفاصيل ده موضوع يعني أنا توفرت عليه سنين وأنا يعني أبحث فيه، فما يوجه لابن أبي عامر من التهم عارٍ من الصحة، بل أقول إنه لولا ابن أبي عامر لكان عصر ملوك الطوائف جاء خمسين سنة قبله، كده يعني! ابن أبي عامر على الأقل أجل سقوط الأندلس على الأقل نصف قرن أو قرن. أمم، أمم.

لانه خلينا نشوف بوضوح إن البيت الأموي، البيت الأموي... يعني أنت عايز اللي بيقول إن محمد بن عامر كان السبب في الضعف، اللي بيقول كده بيتوقع أن البيت الأموي كان فيه رجل قوي يستطيع أن يسوس الأندلس بعد الحكم المستنصر، طب فين الرجل القوي ده؟ ما هو لا استطاع أن يثور على الحكم لما ولى العهد لولده، ولا استطاع أن يثور على محمد بن أبي عامر لما استبد بالأمر، ولا استطاع أن يثور على العامريين بعد وفاة محمد بن أبي عامر! طيب بلاش يا سيدي، الدولة العامرية ما كملتش كتير، محمد بن أبي عامر مات وهو سبع وخمسين سنة على فكرة، ما طولش.

ابنه من بعده عبد الملك المظفر ست سنين ومات. وبعده ولده ما كملش سنة الآخر اللي هو عبد الرحمن شنجول.

وبعدين حصل إيه؟ عادت الدولة لبني أمية. حصل إيه؟ ظللنا ٢٠ سنة الأمويين غير متفقين على واحد، ويثوروا بعضهم على بعض، ويقتل بعضهم بعضاً. فحقيقة البيت الأموي في هذه المرحلة كان قد فرغ من الرجال الأقوياء. ولو كان فيهم رجل قوي يستطيع أن يقوم بالأمر لكان قد قام به. فمحمد بن أبي عامر حقيقة هو وصله أجلت انهيار الأندلس ودخولها في عصر ملوك الطوائف. ولو قد طال به عمر أو لو قد طال بولده عمر لكنا نكتب تاريخاً آخر، لكن هكذا شاء الله.

لا، هو بدايه من ينتقص يقول لك إنه كان مناط به يعني سياسة الدولة إلى أن يكبر الخليفة الصغير. طيب، وهل هذا واقعي؟ هل هذا حصل في الدنيا كلها؟ عمرك شفت في الدنيا كلها حد يقدر على الحكم بنفسه ثم يجعل نفسه رهناً بالولد الصغير لما يكبر؟ يعني ده حصل في الدنيا كلها يا جماعة! مش الدنيا كلها من عصر الطولونيين والأخشيديين والعباسيين والفاطميين والمماليك وبتوع الهند، مش كل دول كان الوصي القوي يستبد بالأمر دون الوريث الصغير أو الورث الضعيف؟ فبرضه مكلف الأشياء ضد طباعها متطلب في الماء جذوة نار.

طيب المؤرخين أستاذ محمد بيعتبروا محمد بن أبي عامر خليفة؟ لا، لا يمكن ولا هو يعتبر نفسه خليفة، ولا هو نازع على الخلافة، ووردت حادثة رواها ابن حزم عن أبيه -لأن أبو ابن حزم كان وزيراً عند المنصور بن أبي عامر، الإمام ابن حزم أبوه كان وزيراً عند المنصور- أنه فكر في ذلك، فكر في أن يأخذ الخلافة لنفسه، ولكن لأنه الأمويين لهم شرعية تاريخية عميقة لم يوافقه أصحابه فكف عن ذلك. فلم يدعيها لنفسه ولم يدعيها بعده ولده عبد الملك اللي هو المظفر يعني. فلكن وعلى فكرة أغلب الشبهات حول محمد بن أبي عامر حقيقة مردود عليها، وبعض الأمور التي اتهم بها ظهر بعد ذلك من الوثائق والنصوص المنشوره ما يؤكد عدم صحتها، مثل إنه كان لا يعمر البلاد مثلاً بعد فتحها؛ لا أبدا، ظهرت وثيقة وكتاب تاريخي فيما بعد نشر في المعهد المصري للدراسات في إسبانيا فيه إنه عمر البلاد، وإنه خاف من عمارة البلاد، هو نفسه خاف من عمارة البلاد محمد بن أبي عامر؛ لأنه خاف إنه العدو إذا استولى على هذه البلاد سيجد فيها ما يتقوى به إلى أن يستكمل مسيرة، فبيقول: أنا أتمنى دلوقتي لو عاد بي الزمن أن أنا أجعل بيني وبين العدو يعني زي حزام كده من أراضي أجدبة بقعاً فارغة.

نعم. فبيقول له خادمه: طيب ما تفعل يا أمير المؤمنين؟ قال: لو فعلت ذلك لقال الناس: جن محمد بن أبي عامر، ولعب براسه الموت فعمال يخرب العمار اللي هو عمله، مع إن ده أحد التهم التي اتهمها به بعض كبار المؤرخين.

شوف، أنا مرة من المرات كنت داخل مع أحد أساتذتنا كده في التاريخ في نقاش مع محمد بن أبي عامر، فهو كان على الرأي اللي هو إيه ينقضه هذا، وبعدين جه في إيدي واحنا قاعدين في الجلسة دي كتاب التاريخ الأندلسي بتاع الدكتور عبد الرحمن الحجي، فبفتحه وكان من قدر الله إنه عبد الرحمن الحجي ما تناولش الدولة العامرية بشكل معمق في كتابه، عبر عليها سريعا، فعمل إيه؟ فقال: وعبد يعني محمد بن عمر من الذين اختلف فيه اختلف فيهم الرأي، فبعضهم يمدحه وبعضهم يقدح فيه ونحو هذا، وحط عند اللي بيمدحوه المصادر اللي بتمدحه، وعند اللي بقدح فيه المصادر اللي إيه اللي بتقدح فيه. فكان استاذنا ده اللي أنا كنت بداخل معاه في نقاش قلت له: بص، ربنا بعت لنا الآية الكتاب ده قدرنا اهو، شايف المصادر اللي بتمدحه كلها مصادر إسلامية، المصادر التي تطعن فيه كلها مصادر استشراقية، مع أن فيهم يعني حجج وعلماء كبار يعني من المستشرقين في تاريخ الأندلس، لكن حقيقة المؤرخين المسلمين كلهم يحملون لمحمد بن أبي عامر الإجلال والتقدير. ندت كلمة هنا، ند كلمة هناك، واحد انتقده في السياسة، ده طبيعي كل الناس كده.

نعم، نعم. لكن خلاصة الأمر عندي أن محمد بن أبي عامر من اعظم الشخصيات.

المهم بعد وفاته ولاده دخلوا بصراع خفي سريع هيك؟ لا، لا، بعد وفاته حكم ولده عبد الملك المظفر بدون أي صراع ست سنين. دي بقى ذروة الذروة، خلاص بقى دي اللحظة اللي احنا مش هنيجي للأندلساني دي آخر حاجة، دي كانت أيام الغنى والترف والرخاء والملك والسعادة والسيادة وكل حاجة، لكن عبد الملك ده هيموت مبكرا بعد ست سنين بس.

هيجي ولد اسمه عبد الرحمن شنجول، ده ابن المنصور بن أبي عامر، لكن أمه كانت قشتالية. الأم دي لسطوة المنصور ملك ليون أو ملك قشتالة اهداه للمنصور بنته، أداه بنته عشان يعمل علاقات طيبة معه، فأسلمت تزوج اعتقها أسلمت تزوجها أنجب منها هذا الصغير. هذا الصغير كان طائشاً أحمقاً، فحمل الخليفه المحجور عليه هشاماً على أن يتنازل له عن الخلافة -أو مش يتنازل له، على أن يوليه ولاية عهده-. فهنا عملنا إيه؟ ما يسمى في الثقافة المعاصرة انتهاك دستوري، احنا عارفين الخلافة دي للأمويين، وعلى ذلك نشأت الأجيال، فإزاي الخلافة تروح للعامريين وهم مش قرشيين ومش أمويين؟ فهنا بمجرد ما خرج في حمله عسكريه حتى ثار عليه رجل أموي من نسل عبد الرحمن الداخل أظن اسمه محمد بن هشام بن عبد الجبار إذا لم تخن الذاكرة.

نعم. فثار عليه وتلقب بالمهدي، أدي خليفة أموي اهو، لكن لم يصمد لأموي آخر انقلب عليه وتلقب بالمستعين، والمستعين ده حصلت عليه ثورة أخرى من جماعة علويين كانوا بيحكموا في الجزيرة القاسم بن حمود وأخوه علي بن حمود، ودخلنا في معركة بين البيت الأموي وأنصاره، والخلافة صارت تتقلب، وهذا يسجن، وهذا يقتل، وهذا يغير، إلى أن تمزقت وحدة الأندلس.

لما تمزقت وحدة الأندلس لم يكن بقية في الأندلس كتله كبيرة تقدر تمسك البلد زي ما كان الأمويين ماسكينها، فدخلنا في عصر ملوك الطوائف، إنه العيلة الأقوى في كل مكان حكمت.

ايوه. فبقى عندنا بنو عباد في إشبيلية، بقى عندنا بنو جهور في قرطبة، بقى عندنا بنو هود في سرقسطة، بقى عندنا بنو ذنون في طليطلة، بقى عندنا بنو الأفطس في بطليوس، وهكذا عصر ملوك الطوائف.

دخلنا في عصر ملوك الطوائف. عصر ملوك الطوائف ده زي يعني ممكن ما نحتاجش نتكلم عنه كتير لأن احنا عايشين فيه يعني؛ فعصر ملوك الطوائف ده كان أكبر الممالك فيه يعني مثلاً إشبيلية بنو عباد، قرطبة بنو جهور، بطليوس، تمام، سرقسطة، طليطلة. هذا العصر لم تكف الصراعات؛ لأنه كل ملك عايز يتمدد، واللي عايز يتمدد ده بيضطر الآخرين إلى التحالف ضده، أو بيضطرهم إلى التحالف مع القشتيين. يعني كل واحد منهم يريد أن يحكم الأندلس مرة أخرى؛ يعني هذا هدف طموح عند الجميع، طموح، نعم طموح عند الجميع. كل واحد بقى بحسب قدراته، يعني في واحد عايز يحكم الجنوب مثلاً آخر قدراته كده، في واحد عايز يتوسع، في واحد... فالمهم يعني، لكن الممالك الكبار هي قرطبة، إشبيلية، بطليوس، سرقسطة، طليطلة، دول الكبار. الباقي أصغر من... وغرناطة طبعا غرناطة مملكة تولاها بنو باديس هنا.

طبعا تاريخ مليء بالتفاصيل، لكن الخلاصه إنه النصارى في ذلك الوقت توحدوا على يد واحد اسمه فرناندو ثم على يد ابنه الفونسو السادس، وبداوا منذ ذلك الوقت ما يسمونه هم حرب الاسترداد. الشخصية المؤثرة في حرب الاسترداد هي الفونسو السادس. الفونسو السادس ده شخصية قويه لا شك يعني مميز، ما تقدرش باسل ذكي صبور دؤوب، لكن أشد ما في الامر إن الفونسو السادس ده كان طريداً ولاجئاً سياسياً عند ملك طليطلة، يعني أخوه الذي هو أكبر منه استطاع أن يطرده وأن يطارده حتى لجا لاجئاً عند ملك طليطلة، ظل عنده سبع سنين لاجئ معزز مكرم، وأول ما عرف يتامر على أخيه ويقتله، أول مملكة أسقطها هي مملكة طليطلة.

يا لطيف! أحد السبع سنين يدبر ويخطط. شاف طبعا شاف كل شيء وعرف كل شيء وكل شيء.

اعتقد كانت طليطلة مع بني ذنون وقتها. مع بني ذي النون في ذلك الوقت، نعم. فلذلك سقطت طليطلة، وهذه أول مملكة كبيرة تسقط من ممالك الأندلس، وأحنا قلنا إنها كانت عاصمة الأندلس الأولى، وفيها يقول الشاعر -هي في الوسط لو أنت شفت كده هتلاقيها في الوسط-: يا أهل أندلس شدوا رحالكم، فما المقام بها إلا من الغلط. الثوب ينسل من أطرافه، وأرى ثوب الجزيرة منسولاً من الوسط. يعني الضربة والقطع والركعة جاءت من الوسط.

نعم. ها هنا شعر ملوك الطوائف هؤلاء طبعا ملوك طوائف هؤلاء كانوا في غنى وفي راحة وفي رفاهية. شوف بقى غنى العصور السابقة والمهندسين والمخترعات والتجارة والذهب والكنوز، كل ده أنفق في عصر ملوك الطوائف: القصور البديعه، الثياب، الترف، الخمور، الشراب، ودفع الجزية للقشتي.

ايوه؛ لأن الفونسو ومن قبله فرناندو بدأوا بمرحلة تصفية الأموال قبل الاستيلاء العسكري، وبعدين دخلوا في مرحلة الاستيلاء العسكري. لما سقط طليطلة استنجد الأندلسيون -وكان كبيرهم في ذلك الوقت ملك إشبيلية المعتمد بن عباد- بالمرابطين. المرابطين الدولة المغربية القوية التي أنشاها عبد الله بن ياسين مع يحيى بن عمر اللمتوني ثم أبو بكر بن عمر اللمتوني ثم يوسف بن تاشفين، ثم استقامت الأمور ليوسف بن تاشفين في المغرب، فاستغاثوا بهم. فجاء يوسف بن تاشفين وخاض مع المرابطين ومع الأندلسيين المعركة الهائلة الكبيرة معركة الزلاقة.

هذه معركة الزلاقة كانت سنة ٤٧٩ للهجره، أبيد فيها جيش الفونسو، وخرج منها مجروحاً يعني كاد أن يموت، وقيل خرج فيها بساق واحدة، يعني إما أنه أصيب في ساقه وإما أن قطعت ساقه فيها. ومع ذلك ومع ذلك لم يكف الفونسو عن إعادة المحاولة، ولم يكف القشتيين الأندلسيين عن... لما بدا يعيد المحاولة الفونسو، بدأوا هم يرجعوا مرة أخرى إلى دفع الجزية له والتحالف معه أيضا.

فهنا أفتى علماء المسلمين -وعلى رأسهم حجة الإسلام أبو حامد الغزالي، وعلماء الأندلس، وعلماء المرابطين- ليوسف بن تاشفين بأنه قد صار واجباً عليه إزالة ملك ملوك الطوائف؛ لأنه هؤلاء خلاص، احنا مهما جاهدنا معهم ودفعنا الأثمان والمسلمين ضحوا بحياتهم، هم بيبذلوا بيبذلوا الأموال ويبذلوا البلاد رخيصة سهلة. فلذلك جاء يوسف بن تاشفين وقضى على ملوك الطوائف وهنا بدأت الوحدة المغربية الأندلسية لأول مرة من المغرب. يعني أيام الحكم وأيام المنصور بن أبي عامر كان في وحدة، بس الوحدة منين؟ من الأندلس. يا سلام! دلوقتي لأول مرة الوحدة تبقى من المغرب. المرابطين وهيك انتهت مرحله الطوائف ودخلنا في عالم المرابطين.

طبعا يذكر في سقوط طليطلة إنه اللي حاصر طليطلة أيضا مع جيش الفونسو كان جيش المعتمد بن عباد؛ لأنه كان في تواصل بينهم وتحالف، وحاول بنو الأفطس أيضا أنهم يوصلوا إعانات لإخوانهم، هم اللي حصارهم تمتد لسبعة أشهر ولا تسعة أشهر، فجاء المعتمد عباد وقطع الطريق عليهم وقال لهم: لا لا لا في اتفاق، حلوا عنا. وسقطت للاسف.

ويقال إنه أيضا المعتمد بن عباد تواصل مع الفونسو مرة أخرى بعد الزلاقة. ايوه. وهذا اللي كمان خلى العلماء -يعني شوف الفترة دي الفترة دي مليئة بال مليئة بالإشكال- طبعا الفونسو وجيش المعتمد كانوا معا في حصار غرناطة. اه، في غرناطة نعم.

إنما شوف، أقول لك أنا كلمة من الآخر: الإمام ابن حزم يقول عن ملوك طوائف: والله لو علموا أن في عبادة الصليب تمشية لأمورهم لعبدوه. يا هي تعبر! فإنا نراهم فإنا نراهم يدفعون الأموال ويمكنون النصارى من بلاد المسلمين، ويدفعون لهم حرمهم وو... الإمام ابن حزم، أنت عارف طبعا أبو بكر بن العربي تقريبا كان يقول: لسان ابن حزم وسيف الحجاج قرنان. ابن حزم وسيف الحجاج. فابن حزم ما كتبه عن ملوك الطوائف معبر تماماً عن الانهيار الأخلاقي والديني والسياسي طبعا الذي كان عند ملوك الطوائف، ومسألة التخلي عن بعض البلاد، ومسألة قالت إنهم يتحالفوا مع النصارى ضد إخوانهم المسلمين، والمؤامرات التي كانت بينهم؛ دي فترة مريرة جدا جدا من من حياة، ولذلك كل عصر فيه تفرقة يسمى حتى الآن ملوك الطوائف. نعم، نعم، يعني حتى العصر هذا يسمى ملوك الطوائف، ففيها تفاصيل كثيرة جدا حقيقة.

دخلنا عند المرابطين. نستطيع أن نقول إنهم حكموا البلاد حكماً جيدا، لم يكونوا على أهل الرفاهية الأولى مثل ما كانوا، وطبعا كانت عصبة الحكم فيها مغربية وليست أندلسية، وده اللي عمل شوية إيه شوية مشاكل كده وحزازات؛ لأنه طبعا الأندلسيين عاشوا طول عمرهم في راحة ونعيم ورفاهية، المرابطين دول يا جماعة أهل صحراء وبداوة وقتال، فحصل شوية إيه حزازات اجتماعية، لكن في العموم كان عصر المرابطين عصر قوة، عصر قوة وعصر عزة، لكن دولة المرابطين كانت دولة قصيرة العمر مع الأسف.

ليه؟ لأنه برضه ظهر في الموحدين ظهر في المغرب دولة أخرى سمت نفسها دولة الموحدين، وهي دولة كان يقودها أو أسسها رجل اسمه محمد بن تومرت. محمد بن تومرت رجل من طلاب العلم ذهب إلى المشرق تعلم، كان على مذهب الأشاعرة.

والمرابطون كانوا على مذهب أهل الحديث. الصراع المعروف بين الأشاعره وأهل الحديث، فالمهم محمد بن تومرت زعم أنه المهدي، ولذلك يسمى المهدي بن تومرت.

المرابطون وضعف أواخر ملوكهم، يعني علي بن يوسف بن تاشفين حقيقة تسامح مع ظاهرة محمد بن تومرت، حتى أحد قُضاته، وإن نسيت اسمه الآن، لما ناظره قال له: يا أمير المؤمنين، احبس هذا الرجل وانفق عليه كل يوم ديناراً ديناراً، دي مبلغ كبير يعني عايز يقول له إيه؟ احبس الراجل ده وأنفق عليه المال الكثير، فوالله لو لم تفعل ليجيشن عليك الجيوش ولا تنفعك آلاف الدنانير، وقد صدقت نبوّته.

طبعا علي بن يوسف رفض هذا، المهم المهدي بن تومرت استطاع أن يسقط دولة المرابطين وأن يقيم دولة الموحدين، وحصل اقتتال إسلامي داخلي بقى يعني حتى سيطر الموحدون على الأندلس وعلى المغرب أيضاً.

وكان للموحدين، إحنا هنا مش بنكلم بقى عن تاريخ الأندلس وحده تمام، فلذلك أمر عليه سريعا، وحصل من الموحدين معركة أخرى شبيهة بمعركة الزلاقة اسمها معركة الأرك، كانت على يد سلطان من سلاطين الموحدين اسمه يعقوب المنصور وأيضاً أحد كبار السلاطين في تاريخنا الإسلامي، المعركة دي اسمها معركة الأرك وكانت سنة 591 للهجرة.

أيضاً كاد أن يباد فيها الجيش القشتالي وحفظت بقاء الأندلس زمناً بعد ذلك، لكن حصل بقى أن هو توفي يعقوب المنصور وحصلت يعني قدر من التفاصيل سواء عند المسلمين لأنه لما توفي الملك الكبير دخلنا في عصر من الضعف والتشتت وأيضاً ظهر عندهم عند النصارى ملوك أقوياء.

المهم فبعد 18 سنة بس من هذه المعركة حصلت المعركة تقدر تقول إنها المعركة الفاصلة في تاريخ الأندلس، اللي هي معركة العقاب، اللي هي كانت سنة 609 للهجرة. العقاب ولا العقاب أستاذ محمد؟ ضبطت هذا وضبطت هذا، يعني من قال إنها العقاب أظن نسبها إلى مكان، ومن قال إنه العقاب نسبها إلى ما حصل.

هذه المعركة سحقت فيها الجيوش الموحدية، حتى قيل لم يبق بعدها في الأندلس من يصلح للقتال، وهنا تستطيع أن تبدأ لحظة سقوط الأندلس، إحنا قلنا المعركة دي سنة 609 تمام، المعركة دي 609 مع التفرق والتمزق الذي حصل بين الموحدين وبعضهم استقل بالأندلس وبعضهم استقل بالمغرب، والناس التي استقلت في الأندلس تنازعت فيما بينها وبقى عندنا ثلاث مراكز قوة وبينهم مشاكسات وبعضهم ارتد إلى النصرانية وانتمى، ارتد يعني ارتد عن الإسلام والالتحق بالنصارى.

آه 600، 610 و20 و30 و40 دي سقوط الأندلس، يعني خذ عندك بقى انزل كده من فوق من سراة قسط وسطى الحواضر إشبيلية قرطبة جيان كل حواضر الوسط دي إلى أن لا يبقى إلا غرناطة، كل ده حصل في ذلك الوقت، القرن السابع ده كان قرن شديد على المسلمين لأنه هذه الموجة الغربية كانت في ذلك الوقت والموجة الشرقية كانت موجة المغول، كلاهما كان في نفس الوقت، وعشان كده كثر فرار العلماء الأندلسيين إلى المغرب وحتى وصلوا إلى مصر، وكثر علماء المشارقه أيضاً الفارين من وجه الزحف المغولي، وحتى الذين تصدوا أو حاولوا أن يدافعوا عن قرطبة زي ابن هود بعدين زي ابن الأحمر كل هؤلاء كانوا قادة ضعافاً.

لكن من ستر الله أن هذا التمدد النصراني الكبير ما لبث أن ينقسما على بعض ثلاثة أقسام، هذا الانقسام الثلاثي هو الذي حفظ إقليم غرناطة الشريط الساحلي ده حفظها 300 سنة أخرى تقريبا، 200 وشويه يعني.

هذا تبدأ المرحلة التي تسمى مملكة غرناطة التي هي الدولة النصرية التي هي مرحلة بني الأحمر، وتفضل مملكة يظهر فيها أحياناً بعض الأمراء الكبار الأقوياء زي إسماعيل مثلاً ابن الأحمر فيروح يسترجع الجزيرة الخضراء أحياناً بعد ذلك يفقدها، يعني قصدي أقول المناوشات يستعيد جيان مثلاً أحياناً بعدين يفقدها، المناوشة التي حصلت لم تكن ذات نتائج مستمرة، كانت ذات نتائج وقتية.

فظلت غرناطة تتضائل، وكذلك لم ينبت في المغرب العربي دولة قوية كالمرابطين والموحدين، كان في حفصيين، كان في مرينيين، وفيما بعد في سعديين ماشي، كل دول عرفوا يحكموا المغرب لكن لم يكونوا بقوة المرابطين والموحدين هم اللي يقدروا ينقذوا الأندلس.

يعني قصيدة ابن الأبار لما هو كان بيكلم المريني فيها بيقول له: أدرك بخيلك خيل الله أندلس، إن السبيل إلى منجاتها درس، وهب لها من عزيز النفس ما التمست، فلم يزل منك عز النصر ملتمسا.

في مساعدات ويخوض مثلاً معركة زي معركة ذنونية لكن ليست آثارها كآثار الزلاقة أو كآثار الأرك، آثار وقتية، وبعدين لما عارف أنت الضعيف ما لوش مكان بين الأقوياء، فيجد بتاع المغرب عايز يتدخل في حكم غرناطة، وبتاع قشتالة عايز يتدخل في حكم غرناطة، وبتاع أراجون عايز يتدخل في حكم غرناطة، فلذلك قبيل سقوط الأندلس حصلت خمس انقلابات داخل غرناطة، لأنه عندك مراكز قوة وما عندكش شخصيات قوية.

إلى أن يصل الأمر إلى المشهد النهائي اللي هو مشهد أبو عبد الله الصغير، والراجح الراجح على الأقل عندي أو فيما أعلم حتى الآن أن أبو عبد الله الصغير لم يقاتل قتالاً حقيقياً، وإنما اتفق اتفاقاً سرياً مع فرناندو وإيزابيلا على أن يغادر بأمواله وأهله، فأجابوه إلى ذلك، ولما أجابوه إلى ذلك بدأ يشيع في الناس أن لا طاقة لنا اليوم بفرناندو وإيزابيلا.

هذا فعلاً يعني حدث لأنه في بعض المصادر بحكي لك حاول وققاوم وقاتل، وبعض وزراءه يعني هم اللي خانوا هم اللي تواصلوا، يعني أنا أذكر لك أن هذا هو الارجح عندي على الأقل فيما قرات وتتبعت، لأنه دخل ذهب إلى المغرب بأموال كثيرة وبكنوز وأنشأ لنفسه ما يشبه مدينة، وبعدين لم يتجاوب مع قصة الفارس المشهور موسى بن أبي غسان الذي هي الرواية التي ترويها المصادر القشتية أكثر مما ترويها المصادر العربية.

يعني فيما يبدو أن شخصية أبو عبد الله الصغير وتتبع تاريخه وتتبع هذا الاتفاق أنه تنازل عن غرناطة تنازلاً، ولذلك سقط أو انتهى الوجود الإسلامي باتفاقية التسليم التي هي كانت يوم 2 يناير 1492، وهي العبارة المعروفة من والدته أنه ابكي ابكي، ملكاً. ابكي كالنساء ملكاً لم تحفظه كالرجال.

الكثير يشكك فيها، هي مشهورة حقيقة يعني ما تتبعتش أشوف إذا كانت حقيقة بس هي يعني أمرها هين. والصخرة تسمى الزفرة العربية الأخيرة زي ما كما تعرف، أكيد زرتها بقى أنت، إن شاء الله نكتب لنا زيارة الأندلس.

لكن ما أذكره هنا يا شيخ مراد معلش أنا عارف أنا طولت، أنا بالعكس مستمتعين خذ راحتك.

ما أذكره هنا أمر لا يكاد ينتبه له كثير من الناس، وهو أنهار الاندلس لم يكن مجرد انهيار دولة إسلامية، انهيار الأندلس تسبب في نكبة عامة للأمة الإسلامية وللعالم كله، إزاي؟ الإسبان لما أسقطوا غرناطة ولما استولوا على كل الأندلس بدأوا بعدها في ثلاث مسارات، كل مسار منهم كان نكبة على الإنسانية.

المسار الأول أنهم استطاعوا أن يكتشفوا الأمريكتين، اكتشاف الأمريكتين هذا ملأ خزائن الأوروبيين ذهباً وفضّة وموارد أراضي شاسعة وواسعة، ثم مكنهم من الذهاب إلى احتلال الشمال الإفريقي واحتلال غرب إفريقيا واكتشاف رأس الرجاء الصالح حتى احتلوا مناطق في الهند، وفكروا بالتعاون مع الأثيوبيين في الدخول إلى البحر الأحمر وهدم الكعبة ونبش قبر النبي صلى الله عليه وسلم.

والمسار الثالث هو استعبادهم المسلمين الأفارقة، أغلب المسلمين أغلب المستعبدين كانوا مسلمين، يعني الدول الإسلامية في غرب إفريقيا دي كلها مسلمين استعبدوا لأن الأندلس سقطت. عارف لو أن المسلمين صمدوا 50 سنة تاني أو المسلمين اكتشفوا أمريكا كنا سنكون أمام تاريخ آخر، تاريخ آخر حتى أننا ندفع ثمنه لغايه الآن.

على فكرة في كتاب صدر قبل فترة قريبة اسمه عباد الله صدر عن منتدى العلاقات العربية في الدوحة، هذا الكتاب بيحاول يقول بيتكلم عن الوجود الإسلامي في المستعبدين الأفارقة، يعني المسلمين المستعبدين الأفارقة، لأنه أغلب هؤلاء المستعبدين الذين نزل بهم من الذل ومن القسوة ومن الشراسة ونشبت فيهم المذابح، أنا عايز أقول لك أعداد المستعبدين أوصلها بعض الباحثين إلى 100 مليون، اعتبرها مبالغة اعتبرها 50 مليون، لكن أنت تقرأ كيف كانت العبودية في إفريقيا، كيف كانت العبودية في أمريكا، طيب كيف أباد الإسبان والبرتغاليون أهل هذه البلاد الأصلية؟

يعني الأندلس كانت كحجر أو كسد يمنع سقوط شعوب كثيرة جداً في الذل الشديد، فلذلك يجب أن ننتبه دائماً المعركة التي تخوضها الآن مش معركة على مستوى البلد بتاعتك ولا على مستوى المنطقة، لا دي وارد جداً تبقى معركة لها آثار عالمية وآثار تاريخية وآثار كارثية، كما حصل حينما سقطت غرناطة.

فسقوط الأندلس هذا ما يزال من الأمور التي تحتاج كثيراً من التفتيش في آثارها، لأنه بعد ذلك حتى المسلمين دخلوا في مرحلة محاكم التفتيش وفي التنصير القصري وفي خطف الأولاد منهم وفي المحارق العامة. محاكم التفتيش دي كانت تحكم بالإحراق، وأي حد دلوقتي يدخل يكتب بس متحف محكمة التفتيش هيلاقي أدوات وآلات من التعذيب جهنمي تعرض لها المسلمون، ما يمكن أحد يقرأ محاكم التفتيش إلا ويبكي لما نزل بالمسلمين في ذلك الوقت.

وفي كتاب أروقة التاريخ يعني بعض أبحاث عن هذه الفترة يمكن لمن أراد أن يتوسع أن يرجع إليها، لكن ما أريد أن أقوله الآن هو أن التفريط الذي فرطه أبو عبد الله الصغير كانت له آثار كارثية على المسلمين حتى يومنا هذا.

يعني كان بامكاننا أن نعود مرة أخرى أستاذ محمد ولا كنا من الضعف ما يمكن أن يوصلنا إلى هي النتيجة الطبيعية؟ طبعا سؤال ماذا لو ده يختلف فيه المؤرخون، إذا بتسألني أنا أرى أنه كان يمكن أن نصمد وكان يمكن أن نعود. لكن المشكلة كانت في هذه النفوس الصغيرة والتافهة التي قررت أن تنجو بنفسها.

إذاً هي كانت مملكة غرناطة انتهت، دخلنا في عالم مرحلة طبعا بشعة جداً هي محاكم التفتيش، استمرت سنوات طويلة إلى أن طرد المسلمون أعتقد في منتصف 1610 كده يعني.

طيب في شغله أخيرة هيك نختم فيها، إحنا طبعا ماشيين أستاذ محمد أنت رديت على مجموعة من الشبهات يعني زي قصة السفن، أعداد الجيوش، قصة لماذا عاد طارق بن زياد أو لماذا استدعوه إلى الشام في قصة الخطبة مثلاً واردة مش واردة سريعا؟ الخطبة أنا أميل إلى أنها منحولة، إي قصة مثلاً أنه، طيب في شغله تثار على السوشيال ميديا حقيقة تصاب الإنسان بالقهر يعني عندما أو بالمغص إن أردنا أن نقول، لما بتكتب أنت وبتحكي عن الأندلس وإلى آخره وبتحكي حولوا الكنائس حولوا المساجد إلى كنائس وإلى آخره بيقول لك عادي ما هي أرضنا ورجعناها يعني.

هي العلة قصة الأرض لمين؟ المشكلة الأساسية أنه مع الضغط الثقافي اللي إحنا فيه ومع الهزيمة الثقافية كثير من الناس فاكرين أن المسلمين اللي راحوا يحكموا الأندلس هم المسلمين العرب أو المسلمين الأمازيغ، مش واخدين بالهم أن في شعب أندلسي أسلم وأن بعد جيلين ثلاثة كان كثير من هؤلاء الناس تعرب لغة وثقافة، يعني أهل الأندلس نفسهم أسلموا. يعني اللي بيقول الكلمتين دول متصور أن إيه؟ أن المسلمين دخلوا إلى الأندلس فزقوا النصارى إلى الشمال، وبعدين النصارى هاجروا من كل الأندلس إلى الشمال وبعدين رجعوا هم من الشمال، ده غير صحيح، الناس أسلمت.

وما بقي من النصارى في الشمال قلة قليلة، وهذه القلة القليلة حتى لما كانت تحارب المسلمين ما كانتش تحارب بنفسها ده كان ينضم إليها فرسان من الفرنجه وكان يأتيها ممثل من البابوية في إيطاليا يعني في جزء من الحروب الصليبية حصل في الغرب الإسلامي، يعني هي كانت ما كانتش معركة ناس استردوا أرضهم، لا هو أغلب الموجودين أصلاً كانوا مسلمين.

لكن نحن كيف نفهم هي القاعدة، قاعدة أن في ناس اجوا على ناس أخذوا أرضهم بنوا عملوا حضارة، تحولوا يا سيدي إلى دينهم أياً كان؛ المسيحية الهندوسية الإسلام أياً كان، وبعدين هيك بعد 50 60 جيل اجوا قالوا لك لا ما هي هي أرضنا نحن استرجعناها، يعني القاعدة نفسها قاعدة الأرض لمن كيف تنفهم هي؟ كيف كيف نقراها نحن بالتاريخ يعني؟

شوف، هو القاعدة دي أصلاً هي قاعدة حديثة التكوين، يعني هي موجودة في أذهان الناس حديثة، علشان بقى عندنا حاجة اسمها دول قومية، يعني دلوقتي المصريين مثلاً أنت تحليل الدّي إن إي للمصريين وتعال شوف كم واحد منهم يعود إلى الفراعنة؟ يعني نادر جداً أنت هتلاقي اللي أصله أصل شامي واللي أصله يوناني واللي أصله من الشمال الإفريقي واللي أصله من الجزيرة العربية واللي أصله من السودان لأنه البلد كانت ملتقى، نفس الكلام الآن لا توجد أعراق نقية يعني ما فيش ناس مسكوا مكان ولذلك فإذا أنت بتكلم على فكرة القاعدة وعايز تتكلم عن حريات الشعوب، طيب يا سيدي في اللحظة التي في اللحظة التي جاء فيها هؤلاء، يعني صل على النبي.

اللهم صل، قارن مقارنة بسيطة بين المسلمين: المسلمين عملوا محاكم تفتيش؟ المسلمين أجبروا أحداً على التنصر؟ ما حصلش، لم يرد بذلك شيء من التاريخ، بل الأندلس أحد أبرز سماتها في التاريخ التسامح الشديد. طيب، كويس، يبقى دلوقتي هذا الشعب أهو اختار الإسلام أو على الأقل خضِع للحكام المسلمين ورضي بذلك؛ لأن إحنا ما بنلاقيش ثورات من المولدين كثيرة، تمام؟

لكن الأسبان علشان علشان يستحوذوا على الأندلس مرة ثانية، عملوا إيه؟ هل مجرد إن هم انتصروا عسكرياً، ولا أقاموا محاكم التفتيش وتتبعوا الناس بالتنصير وأجبروهم على الكنائس وبقوا يراقبوا: ده بيشرب خمرة ولا ما بيشربش؟ بياكل لحم الخنزير ولا ما بياكلش؟ وبعدين طردوهم الطرد الجماعي والتهجير وأحرقوا كتبهم؟

طب، يبقى إذن أنت دلوقتي يعني حريص فعلاً على حريات الشعوب وقارنت بين المشهدين، طيب فين المشهد اللي كان الشعب فيه مضطهد؟ وفين المشهد اللي كان الشعب فيه راضي؟ ببساطة شديدة.

نعم، لكن مع ذلك لشدة الهزيمة الثقافية التي نحن فيها، تجد مثل هذه الشبهات لأسف.

آخر نقطة معلش اضغط فيك عليها، اضغط عليك فيها، قصة إنه نحن يعني البعض من الذباب حاول دائماً يثير الفتنة والنعارات، إنه نحن فتوح الأندلس العرب ما كانوا موجودين فيها، إنه يا سيدي العمارة اللي موجودة هي عمارة مغربية ولا علاقة لها بالشرق، إنه أنتم يا أخي المشارقة دائماً بتحاولوا تنسبوا الفضل لأنفسكم، فحلوا عنا، الأندلس هي كلها هيك على بعضها مغربية بيور مئة في المئة. اللي في ناس بحط حاله بزوايا من هذا النوع، ولا يريد أن يقرأ التاريخ بدّه يضله في هي الزاوية، بدّه يغادرها، هذا ماذا نقول له، أستاذ محمد؟

والله شوف، أنا كإنسان مسلم، لو إن الأندلس كلها مغربية ولم يدخلها أحد من العرب، فتحها المغاربة الأمازيغ البربر، أنا على قلبي زي العسل يعني أهلاً وسهلاً ومرحباً؛ لأنه في الآخر إحنا عندنا بلاد أخرى فتحها الترك وحدهم دخلت في الإسلام أهلاً وسهلاً ومرحباً، عندنا بلاد فتحها الأفغان أهلاً وسهلاً ومرحباً، عندنا بلاد يعني كل الأعراق ساهمت في نصرة الإسلام. فالتفريق بين العربي والكردي والتركي والأمازيغي ده كله يعني جدول جاهلية نحن مأمورين بإنكاره وبإدانته.

ولكن إذا إحنا بنتكلم عن الحقيقة التاريخية دلوقتي، فالحقيقة التاريخية إنه الأندلس ساهم في فتحها العرب والبربر الأمازيغ، وببنقول إنه هذا من فضل الإسلام على العرب وعلى البربر معاً أنهم فتحوا أقواماً آخرين. ومن شدة ارتباط البربر بالإسلام فبالتالي هم، طيب ما هم عاشوا طول عمرهم موجودين في الشمال الأفريقي، لم يفتحوا، إنما فتحوها بالإسلام، والعرب أيضاً استعانوا بإخوانهم من البربر لكي يفتحوا بالإسلام.

فالعرب عندهم ثلاث موجات أساسية، موجه إذا هتقول موسى بن نصير، ادي موجة، وبعدين الموجة الثانية الموجه التي أرسلها قلنا هشام بن عبد الملك اللي هي طالعة بلج اللي قلنا إنها هزمت وحوصرت، وبعدين استعان بهم الأندلسيون في مواجهة الثورات التي كانت في الأندلس، ادي موجة أخرى.

ومع ذلك هذا التمازج العربي المغربي جاء عند الحكم المستنصر وجاء عند الدولة العامرية. الحكم المستنصر ده عربي ولا مش عربي؟ عربي أموي قرشي هاشمي، يعني قرشي مش هاشمي قصدي. طيب، محمد بن أبي عامر عربي، يعني من معافر قبيلة معافر. الاثنين دول كيف استعانوا، كيف حكموا الأندلس؟ استعانوا بالقوات المغربية، القوات التي جاءت أبناء همدون، الفرسان المغاربة الصنهاجيين. فهؤلاء استعانوا، ولذلك أحياناً تسمى الفتنة التي بعد سقوط الدولة العامرية بالفتنة البربرية.

تمام، طب الفتنة البربرية ليه لو كانوا كلهم مغاربة؟ فلا، يعني هذا مكان امتزج فيه العرب مع البربر مع أهل البلاد الأصليين، وكانت حضارة إسلامية.

نعم، لما تقول أستاذ محمد المغاربة والمغرب، تقصد المغرب الأقصى؟

أقصد المغرب العربي، المغرب عاده أقصد المغرب العربي الإسلامي بلاش العربي عشان ما حدش يزعل، أقصد المغرب الإسلامي، أقصد هذه البلاد؛ لأنه هذه البلاد تقسيماتها الإدارية عندنا في تاريخنا الإسلامي كانت تقسيمات إدارية سياسية: المغرب الأدنى، المغرب الأوسط، المغرب الأقصى.

يعني لكن فكرة تونس، ليبيا، الجزائر، موريتانيا، المغرب دلوقتي، دي تقسيمة سياسية معاصرة، يعني هؤلاء الناس جميعاً عرق واحد، لغة واحدة، مذهب واحد، حتى المذهب المالكي. وكم خاضوا الحروب معاً! أي محاولة لبذر التفرق بين هذه الشعوب هي محاولة مغرضة، محاولة الأعداء.

أستاذ محمد، أي حلقة طويلة ولكنها جميلة، يعطيكم العافية، أسأل الله أن تكون.

الله يجزيكم الخير ويبارك فيكم، أشكركم حقيقه من أعماقي، وأيضاً إخواني أينما كنتم، أشكركم من الأعماق على حسن المتابعة والإصغاء، وما تنسوا أنكم تشاركوا هذه الحلقة مع كل أصحابكم وأصدقائكم حتى يعم الخير على الجميع. إلى أن نلتقي في الحلقة القادمة من مئة سؤال في التاريخ، دمتم في رعاية الله، إلى اللقاء.

لتشاهد المزيد من البرامج عن التاريخ الإسلامي، ولتعرف على أحداثه وانتصاراته وانكساراته، قادته وعلماؤه، أحداثه وأسراره، الحكم والسياسة والحروب والمعارك، ما عليك سوى أن تتابع قناة تاريخنا على يوتيوب. تاريخنا من أبعد نقطة في الماضي إلى أبعد نقطة في المستقبل، نستنطق التاريخ.